Sartaaz Geet: Raat Humari To....

50 din poore huye is geetmala ko sure huye…aur is dauran 25 ki ulti ginti karte huye main aaj aap sab ko le aaya hoon shikhar pe baithe is sartaaj geet ke paas.
Ye geet mujhe kyun pasand hai. Andhera mujhe itna pyara kyun hai ye main pehle bhi likh chuka hoon.
CLICK HERE to read the lyrics and my feelings abt the song..

Ise gaya Swanand Kirkire aur Chitra ne, likha Swanand Kirkire ne, dhun banayi Shantanu Moitra ne aur film hai Parineeta.

Ratri ke kisi pahar mein aankhein moond leejiye aur Swanand ki gehri aawaz mein ye panktiyan dilo dimag ko un palon ki or barbas kheench le jati hain jo humne andhere ki god mein bitaye hon...

Raat humari to
Chand Ki Saheli hai
Itne dinon ke baad
Aayi wo akeli hai
Chuppi ki bela hai
Jhingur ka baaje saath……

Click here to listen the song

And the Real Winners are...!

Isse pehle ki main is sangeetmala ka samapan karoon ye post un kalakaaron ko smarpit hai jinhone in geeton ko sangeet ke dhagon se is terah buna ki wo mere man mein rach bas gaye.
To sabse pehle baat karoon is saal ke behtareen geetkaar yani Best Lyricist ki. Agar aapko yaad ho to pichle saal ye jagah Prasoon Joshi ne Phir Milenge aur Hum Tum mein likhe apne bemisal kavyamay geeton ki wazah se lee thi. Par meri is geetmala ke HERO rahe Swanand Kirkire. Is navodit geetkaar ne na keval Parineeta, Hazaron Khwahishein Aisin, aur Sehar jaisi filmon mein apne bol diye balki apni aawaz ke jadoo se mera man moh liya.

Geetkaar ki kritiyan ek achche sangeetkaar ke bina adhoori hain. Yun to B&B mein Shankar Ehsaan Loy kabiletareef hai phir bhi is saal agar kisi ek sangeetkaar (Best Music Director) ka naam liya jaye to meri nazron mein wo Shantanu Moitra ka hoga. Parineeta, Yahaan, Hazaron Khwahishein Aisin, 7 1/2 Phere in sab mein isi shaksh ne sangeet diya hai. Aur Shantanu Moitra aur Swanand Kirkire ki is jodi mein kuch aisi baat hai jo ek waqt mein Pancham aur Gulzaar ke beech dikhai deti thi.

Yun to is baar Sonu Nigam meri is countdown mein chaye rahe par mujhe Rabbi Shergil aur Neeraj Sridhar ne bhi khasa impress kiya. Par agar is saal ki Best Male Playback singing ki baat karoon to phir Rahat Fateh Ali Khan ka koi sani nahin.Kalyug mein ek simple se geet ko apni gaayki ki uchaiyon se is terah sanwara ki kya kehne.

Best Female Playback hmmmm ye thoda pechida mamla hai.

Mujhe lagta hai ki Shreya Ghoshal aur Sunidhi Chauhan donon ne kuch behtareen nagme diye is saal. So is category mein mere liye ye joint winners rahe.

Aur Best Music Album for me its Parineeta….yahan shaq ki koyi gunjayish nahin..:)

Achcha to ab aap sabko kuch kuch andaza to ho hi gaya hoga ki meri is saal ki geetmala mein pehle number pe kaun sa geet hai ?

RUNNERS UP : Baawra Man Dekhne Chala Ek Sapna..

Sapne dekhna kise achcha nahin lagta!
Khaskar tab jab wo soti nahin varan jaagti aankhon se dekha jayein :)
Kam se kam apni kahoon to bachpan se aaj tak aise kayi sapne mere man ke sakshi rahe hain.

Bachche the to sochte ki agar apni Cadbury’s chocolate ki poori dukan hoti to kitna achcha hota.

Thode bade huye to radio pe aane wali cricket commentary ka bukhar aisa chadha ki har kisi se yahi kehte ki mujhe to Sushil Doshi jaisa cricket commentator banna hai.

Kishorawastha ki dehleez pe kadam rakha to ek adad girlfriend ki iksha satane lagi.Kitni ratein kitni karwatein in sapnon ki bali gayin unka to hisaab laga paana bhi mushkil hai.
Umra badhti gayi swapna badalte gaye....
kuch sapne poore huye to kuch adhoore reh gaye par jaagti aankhon se dekhein jane wale in sapnon ka silisila kabhie nahin ruka aur na rukega..sapnon mein badi taqat hoti hai janab ye aapko sirf jeene ka maqsad hi nahin dete..inki ghutti pee kar to humein apna dard bhi saga lagne lagta hai....ab inhin panktiyon pe gaur karein..

o udasi ki kiran bhatki huyi kya keh rahi tu
dhundhlake ke paar yoon nissar hi kyun bah rahi tu

prêet ka koi vachan hai
nit nibhana pranay pran hai
nayan mein sapna jaga hai
dard bhi lagta saga hai

Isiliye ye anjaana sa gaana agar meri is geetmala ke doosri number pe hai to aap sab ko aashcharya nahin hona chahiye. Ye gaana maine is geetmala ko start karte waqt suna aur iski position dhoondhte dhoondhte main doosre no. pe aa gaya. Jaisa maine pehle bhi kaha hai ki mere liye wo nagme sabse keemti hain jo mujhe mere aks se, mere beete huye kal se jodte hain. Aur atishyokti nahin hogi agar main ye kahun ki Swanand Kirkire ke gaye huye aur Shantanu Moitra ke dwara laybadh is geet ne mujhe phir se baawra bana diya…..)

baawra mann dekhne chala ek sapna ..
baawra mann dekhne chala ek sapna ..
baawre se man ki dekho, baawri hain baatein
baawre se man ki dekho, baawri hain baatein
baawri si dhadkanein hain, baawri hain.. saansein
baawri si karvaton se, nindiya door bhaage
baawre se nain chahe.., baawre jharokhon se.., baawre nazaaron ko takna..
baawra mann dekhne chala ek sapna ..

baawre se is jahaan mein, baawra ek saath ho
is sayaani bheed mein, bas haathon mein tera haath ho
baawri si dhun ho koi, baawra ek raag ho
baawri si dhun ho koi, baawra ek raag ho
baawre se pair chahe.., baawre taraanon ke.., baawre se bol pe thirakna ..
baawra mann dekhne chala ek sapna ..

baawra sa ho andhera, baawri khamoshiyan
baawra sa ho andhera, baawri khamoshiyan
thartharaati lau ho madham , baawri madhoshiyan
baawra ek ghunghtha chahe, haule haule bin bataaye
baawra ek ghunghtha chahe.., haule haule bin bataaye.., baawre se mukhde se sarakna ..
baawra mann dekhne chala ek sapna ...
baawra mann dekhne chala ek sapna ...

To agar aap bhi khuli palkon se swapna lok mein vichran karne ki khwahish rakhte hon to sunna na bhooliyega is behad khoobsurat nagme ko...

Click Here to listen this song from Hazaron Khawahishein Aaisin.

# 3 Jiya Dhadak Dhadak Jaye...

Varshik sangeetmala ki Top 3 paaydaan mein sabse pehle gaana wo jismein adbhut gayki aur madhur sangeet ka misran hai aur ye mere hi nahin aap sabon ke dilon pe raaj kar raha hai.

Click Here to read more about it.

# 4 : Pooche Jo Koi Meri Nishani....

...shaamein bujhane aati hain raatein
raatein bujhane tum aa gaye ho ...

Jab aisi panktiyan sunne ko milti hain to kuch kehne ki gunjaish hi nahin reh jati.
Bas kavi ki adbhut kalpana pe daad dene ki iksha hoti hai..
Waise bhi jab..
Barfeeli hawahon ke beech meethi dhoop ho….
Pighalte suraj ke sath aayi wo ithlaati shaam ho
Sard raaton mein aangdi ki aanch ho…..
Snigdha chandni ki roshni mein behakti nadi ho…..
To aap hi bataiye humsafar ke sath bitaye wo pal kuch jyada haseen kuch jyada namkeen :) nahin ho jayenge?

Gulzar ke bol, Shantanu Moitra ka karnpriya sangeet aur Shreya Ghosal ka madhur swar sab milkar kuch aisa saman bandhte hain ki man prem ki is rangini mein behta sa chala jata hai….
To leejiye pesh hai 4thi paaydaan pe movie Yahaan ka ye geet

pooche jo koi meri nishaani rang hina likhna
gore badan pe ungli se mera naam ada likhna
kabhi kabhi aas paas chand rehta hai
kabhi kabhi aas paas shaam rehti hai
aao na aao na
jhelum mein beh lenge
waadi ke mausam bhi ek din to badlenge
kabhi kabhi aas paas chand rehta hai
kabhi kabhi aas paas shaam rehti hai

aaon to subah jaaon to mera naam shaba likhna
barf pade toh barf pe mera naam duaa likhna
zara zara aag waag pass rehti hai
zara zara aangdi ki aanch rehti hai
kabhi kabhi aas paas chand rehta hai
kabhi kabhi aas paas shaam rehti hai

shaamein bujhane aati hain raatein
raatein bujhane tum aa gaye ho

jab tum haste ho….din ho jaata hai
tum gale lago to…. din so jaata hai
doli uthaye aayega din to
pass bitha lena
kal jo miley to
mathe pe mere suraj uga dena
zara zara aas paas dhup rahegi
zara zara aas paas rang rahenge

Click Here to listen the song .

# 5 : Har Ghadi Khud Se Ulajhna Hai Muqaddar Mera..

Aaj is kadi mein sirf 5 nagme hi bache hain aur ye sare hi mere dil ke behad kareeb hain.
Aakhir koi kisi ke kareeb kab aa pata hai…..
Tabhi na jab samne wale mein shayad use apne vyaktitwa (personality) ka koyi pratimibimb (shadow) dikhayi pade.
Kuch aisa hi in paanch geeton ke sath bhi hai, inmein vyakta bhavnaon(expressed emotions) mein kahin na kahin apne aksa ko mehsoos kiya hai maine aur isiliye inmein se kuch utne popular na hote huye is geetmala mein hain.
To doston 5 wein paaydan pe koi geet nahin balki ek ghazal hai. College ke zamane se ghazlein meri sabse achchi dost rahi hain aur khaskar we jinhein Jagjit Singh ne gaya ho. Aaj jaggu ji ki ye ghazal ki bhavnayein kuch aisi hain jo mujhe blogworld ki apni ek sathi ki yaad dilati hain. So Neel this ghazal is dedicated to u. May god bless u with happiness & love u truly deserve!

To read my feelings abt this ghazal along with lyrics Click here
To listen this ghazal from movie Chausar Click here.

# 6 : Chup Chup Ke Chup...Chori pe Chori

Shayar bhi ek azeeb sa shaksh hota hai. Uske imagination ki koi seema nahin hoti. Use wo sab saaph saaph dikhayi deta hai jiski kalpna hum jaise log sapne mein bhi nahin kar sakte. Par shayar jab inhin betuki si lagne wali kalpnaon ko shabdon ka jama pehna kar humare samne pesh karta hai to kuch pal hi ke liye hi sahi hum uski aankhon se dekhne lagte hain, mehsoos karne lagte hain.........

Gulzar ne is geet mein zameen,aasmaan aur in donon ke beech mein kisi ki preet mein ghulti huyi ruh ka jo khaka kheencha hai wo man ko ek doosri duniya mein le jane ki taqat rakhta hai

dekh na mere sar se aasman ud gaya hai
dekh na asmaan ke sire khul gaye hain zameen se 2
chup chup ke 2 chori se chori chup chup ke re 2

dekh na kya hua hain yeh zameen beh rahi hai
dekh na paniyon main zameen ghul rahi hain kahin
dekh na asmaan ke sire khul gaye hain zameen se
chup chup ke 2 chori se chori chup chup ke 2
chup chup ke 2 chori se chori chup chup ke 2

hosh main main nahi yeh gashi bhi nahin is sadi main kabhi ye hua bhi nahin

jism ghulne laga ruh galne lagi
pao rukne lage raah chalne lagi
aasman badalon par karvatein le raha hai
dekhna aasman hi barasne lage na zameen pe
yeh zameen paaniyon ki dubkiyaan le rahi hai
dekhna uthke kandho pe chalne lage na kahin ye
chup chup ke 2 chori se chori chup chup ke 2
chup chup ke 2 chori se chori chup chup ke 2

tum kaho to ruke tum kaho to chalein
yeh junoon hain agar toh junoon soch lein
tum kaho to ruke tum kaho to chalein
mujhko pehchaanti hai kaha manzilein
dekhna mere sar se aasman ud gaya hai
dekh na asmaan ke sire khul gaye hain zameen se
dekh na kya hua hain yeh zameen beh rahi hai
dekh na paniyon main zameen ghul rahi hain kahi se
chup chup ke 2 chori se chori chup chup ke 2
chup chup ke 2 chori se chori chup chup ke 2
chup chup ke chori se chori chup chup ke ke re
chup chup ke chori se chori chup chup ke ke re

bunty ki bubbly aur bubbly ka bunti
bunty ki bubbly huyi
chup chup ke chori se chori chup chup ke ke re

To dekhiye janab chale gaye Bunty aur Babli humari is geetmala se ek doosre ka hath mein hath thame is geet ki gungunate. Agar aap bhi ise gungunana chahein to sunne ke liye yahan click karein.

# 7(b) : Kajrare Kajrare Tere Kare Kare Naina..

Joint 7 th position pe gana wo jiske bare mein likhne ki mujhe koi khas juroorat nahin hai. Ye meri countdown ka ekmatra item song hai aur ise maine nahin par Bunty na yahan rakhwaya hai:). Waise jokes apart agar ash aur baap bete ke latke jhatkon ko chor dein to bhi Shankar Ehsaan Loy ke music, Shankar Mahadevan aur Alisha Chenoy ke gayki aur Gulzar ke lyrics ise is paydaan pe rakhne ko majboor kar dete hain. Is song ka aakhiri hissa jahan song ke beats achanak se fast ho jate hain mujhe behad pasand hain.

Woh tujhse milna purani dilli mein
Chod aaye nishani Dilli mein
Balli Maraan se Daribe talak
Teri meri kahani Dilli mein
Kaali kamli wale ko yaad karke
Tere kale kale naino ki kasam khate hain
Tere kale kale naino ki balanye le loon
Tere kale kale naino ko duwaye de loon
Meri jaan udaas hain hothon pe pyaas hain
Aaja re aaja re aaja re

Ho teri baaton mein qimam ki khushbu hai
Ho tera aana bhi garmiyon ki lu hai
Ho meri angdai na tute tu aaja

Ho kajrare kajrare tere kare kare naina
Ho tere naina tere naina tere naina judwa tere naina
Ho tere naina tere naina tere nainon mein chupke rehna
Ho kajrare kajrare tere kare kare naina
Kare kare naina kajrare kajrare mere kare kare naina

Gulzar speaks :
But the most interesting moment, which I would call a victory for the director and music composers and actors, came when the characters meet at a roadside adda to sing Kajrare, kajrare tere kare kare naina. When I wrote it, I had an inkling the song would work. I’d told Shaad, “Dekho bhai, yeh khatra hai ki yeh gana hit ho jayega.” The credit for it goes to the composers Shankar, Ehsaan and Loy. They’ve done a marvelous job with the music of the film and Kajrare in particular.

When it’s a song sung on the roadside, you have to write poetry with a different flavour altogether, similar to that you’d find on the backs of trucks and lorries. So you have lines like, Aisi nazar se dekha us zaalim ne chonk kar, humne kaleja rakh diya chaku ki nok par. I loved the song and Shaad was very keen on it, though not everyone was, initially. But he stuck to his script and I admire him for that…

# 7 (a) Dhadak Dhadak Dhuan Udaye Re ...

To aaj hai thori masti ki bari humare do mehmaanon ke sath.
Kaun hain ye mehmaan?
Are ismein poochne ki kya baat hai aap sab khoob jante hain inhein :)

B & B yani Bunty & Babli
Aur aate hi inhone humari is geetmala ko hijack kar liya hai. Kehte hain saatwein paydaan pe ek nahin do do song honge.
Maine kaha aisa bhi kabhie hua hai to kehne lage jo ab tak yahan nahin hua so hoga!
Ab kya kare doston jab inki dhauns ke aage poore bharat ki na chali to phir meri kya bisaat!
To saatwein no. pe pehla gana wo jo is blog pe feature hone wala mera pehla gana tha.
Jee haan Dhadak Dhadak…the train song . To janab agar samay ho to pehle jakar ek baar is song ke lyrics yahan dekhein aur phir padhiye ye aage ka hissa jo maine nahin Gulzar sahab ne khud likha hai :).
To padhiye is geet ki kahani khud Gulzar ki jubani!

.........Now, it’s established early on in the film that Babli belongs to a Punjabi family. She speaks Hindi with a smattering of Punjabi and English. Naturally, she will sing the same way. That’s why I had a sprinkling of Punjabi and English words in Dhadak dhadak dhuan udaye re, siti bajae re. So, when she says khasama nu khaye, sara jahan you know it’s a Punjabi girl singing. When she sings Taron mein jeena veena easy nahin, you know this is how she talks in real life too. So Babli’s character graph will show that the language she uses in her dialogue and her songs is the same. Which I think is the highlight of the characterisation.

Now, Bunty is from Kanpur and speaks the UP dialect. So I gave him lines and phrases very typical to Kanpur. After I’d penned the Dhadak dhadak song, Vikas Chopra from Sa Re Ga Ma-HMV accosted me one day and in a tone that said I’d been caught cheating, he demanded, “How did you think of this line, Aisa koi saga nahin jise humne thuga nahin.” I told him, “It’s on the signboard of a sweet shop called Thaggu Ke Laddoo in Kanpur.” His expression softened instantly and he confessed, “I’m from Kanpur and this is a famous line out there. That’s why I was wondering how you got it!” ..........

Click Here to listen the song

# 8 Hum Rahein Na Rahein Kal

Upar ki seedhiyon pe chalte huye aaj us group song ki bari hai jo dedicated hai un tamaam doston ke naam jo virtual aur real world mein mere sathi rahe hain! Is gane ki theme bahut mel khati hai mere man se. Yaar doston ke sath bitaye huye palon ko sanjo kar rakhna mera shagal raha hai. aaj main is geet se judi apni ek purani post pesh kar raha hoon jo maine Indian Idol ke khatma hone pe likhi thi...

"..............Pichle teen char mahinon mein jinhone poore Hindustan ki aawaam ka dil jeet liya ..........
Apni madhur aawaz ke jaal mein logon ko aisa bandha ki har Thursday aur Friday ke din log TV se chipak kar baithe rahe .........
Har hafte in 11 finalists mein se ek ek alag hota raha darshkon ki aankhein nam karta hua ...........
Aur kal jab ye silsila khatma hua to sare ke sare phir ekaththe huye is geet ko lekar jo Hindustan mein har countdown pe kaamyabi hasil kar raha hai.Ye geet jab bhi sunenge inki yaad hum sabko juroor ayegi.....

Hum….. rahein ya na rahein kal…
Kal….. yaad aayenge wo pal
Pal……ye hain pyar ke pal
Chal…..aa mere sang chal
Chal………..
Soche kya….. Choti si hai zindagi
Kal…… mil jayein to hogi khushnaseebi
Hum….. rahein ya na rahein, yaad aayenge wo pal

Aane wali……
Subah jane… hogi kitni suhani
Chamkenge aise ….ki sari duniya….. hogi apni deewani
Hum….. rahein ya na rahein, yaad aayenge wo pal

Jeetna ek ko tha
so koi jeet gaya
par meri nazar mein aap sab jeete hain kyunki aapne apne desh ki karodon janta ko sangeet se phir jod diya hai
Apni roz ki pareshani bhula kar wo aapke gaye geet gunguna rahe hain…
May god bless all of u aur aap sab sangeet ki un uchaiyon pe pahunche jiske liye aap sab ne itni mehnat ki hai.. "

# 9 Kahan Ho Tum Mujhe Batao ?

Aur 9 wein Paaydaan pe gana wahi jiske bare mein maine likha tha kuch dinon pehle is blog pe! pe!

http://manishkmr.blogspot.com/2005/12/kahan-ho-tum-mujhe-batao.html

Aawaj di thi ise Neeraj Sridhar ne aur ye geet hai film U Bomsi & Me kaa!

#10. Bulla ki Jana Main Kaun ?

Click Here to read this song in Hindi (Devnagari script) with more elaborate translation of the song.

Sangeet ki pakad kabhi kabhi itti gehri hoti hai ki usse upaji bhavnayein kisi bhasha ki muhtaaz nahin hotin. TV Music channels idhar udhar karte huye jab pehli baar is Punjabi soofiyana qalam ki goonj kanon pe padi to barbas remote par hath thithak se gaye, Guitar ke notes aur Rabbi Shergil ka apne astitva ko talashti aawaz dil ko choo si gayi!

Bulla! ki jaana maen kaunN……?

Zindagi ke un ruke thahre lamhon mein kitni baar hum sochte hain
apne bare mein…
apni pehchaan ke bare mein…
aur is duniya mein aane ke apne maqsad ke bare mein…

aur hum pate hain ki humne apne aap ko baant rakha hai is pehchaan ke naam pe
Kabhi desh humari pehchan banta hai to kabhi koi shahar...
Kabhi hum apni pehchaan ko dharm ke aaine mein dekhte hain to kabhie bhasha ke...
Par kya in chote chote hisson mein baant kar hi zindagi jiyi jaa sakti hai?
Hum jante to hai ki in band khanon (closed boxes) mein apne aap ko samet kar jeena sahi nahin phir bhi inse nikalne ki koshish nahin karte!
Shayad hum ladna nahin chahte, samaj ke banaye huye in khokhle dayron aur deewaron se…aakhir confirmist ho kar jeena itna aasaan jo hai…

18 wi sadi ke soofi kavi Bulle Shah ke likhe huye is song ke bare mein gayak Rabbi Shergil khud kehte hain
Bulla Ki Jana is all about us not knowing who we are, of thinking of life in terms of boxes, until we are enlightened. And then, you realise how meaninglessly you’ve compartmentalised life,”

Is song ke lyrics mujhe mil nahin rahe the. Aur choonki lyrics Punjabi mein hain unki English translation dhoondhna bhi ek mushkil kaam tha. But my effort was worth kyunki is khoj ke baad maine is soofi qalam ko dil ke aur kareeb paya. Aasha hai 10 wi paydaan ka ye qalam aapko bhi kuch sochne pe majboor karega.

Bulla! ki jaana maen kaunN Bullah! to me, I am not known ?

Na main momin vich maseetaan Not a believer inside the mosque
Na main vich kufar diyan reetaan Nor a pagan disciple of false rites
Na main paakaan vich paleetaan Not the pure amongst the impure
Na main andar ved kitaabaan, Not in the holy Vedas
Na main rehnda bhang sharabaan Nor in opium, neither in wine
Na main rindaan mast kharaabaan Not in the drunkard`s craze Niether awake
Na main shaadi na ghamnaaki Not in happiness nor in sorrow
Na main vich paleeti paaki Neither clean, nor a filthy mire
Na main aabi na main khaki Not from water, nor from earth
Na main aatish na main paun Neither fire, nor from air,is my birth
Bullah!, ki jaana main kaun? Bullah! to me, I am not known?

Na main arabi na lahori Not an Arab, nor Lahori
Na main hindi shehar nagauri Neither Hindi, nor Nagauri
Na hindu na turak peshauri Neither Hindu, nor Turk or Peshawari
Na maen bhed mazhab da paaya Secrets of religion, I have not known
Ne maen aadam havva jaaya From Adam and Eve, I am not born
Na maen apna naam karaaya I am not the name I assume
Avval aakhir aap nu jaana I am the first, I am the last
Na koi dooja hor pehchaana None other, have I ever known
Main thon na koi hor siyaana I am the wisest of them all
Bulla Shah! khadda hai kaun Bullah Shah! Do I stand alone?
Bulla, ki jaana maen kaun Bullah! to me, I am not known

Na main moosa na pharaun. Neither Moses, nor the Pharaoh
Na main jaagan na vich saun. Neither I am awake nor in a sleeping daze
Na main aatish na main paun Neither fire, nor from air,is my birth
Na main rehnda vich nadaun Nor do I live in Nadaun
Na main baitthan na vich bhaun Not in stillness, nor on the move
Bulla Shah! khadda hai kaun Bullah Shah! Do I stand alone?
Bulla, ki jaana maen kaun Bullah! to me, I am not known

Click here to listen to Bulla ki jaana..

Varshik Sangeetmala : Geet # 11, 12 & 13

To aaj teen geet ek sath. Karan ye ki in mein se do yani geet # 11 aur 13 mere ke bare is blog pe mein main pehle hi likh chuka hoonki mujh wo kyun achche lagte hain.

Geet #11 : Tera Intezaar Hai...
Jee haan agar Sonu Nigam nahin to unke jaisi aawaz ke malik Rahul Vaidya hi sahi. jee haan unke non filmi album ka ye nagma viraajmaan hain humari 11 wein seedhi pe. Waise to ye geet abhi bhi TV channels pe dhoom macha raha hai. Mujhe poora yakeen hai ki Rahul apni isi smooth voice ke bal pe aage bhi dhoom machate rahenge.

Geet #12 : Piyu Bole Piya Bole...

Piyu bole piya bole kya ye bole jaanu na
Jiya dole haule haule kyon ye dole jaanu naa
Dil ki jo baatein hain, baatein jo dil ki hain
Dil hi mein rakhna piya
Lab to na kholoon main, kholoon na lab to par
Aakhon se sab keh diya
Piyu bole piya bole, kya ye bole jaanu na
Jiya dole haule haule kyon yeh dole jaanu na

To doston is geetmala mein teesri baar Parineeta ka koi song aaya hai. Gaya ise Shreya Ghosal aur Sonu Nigam ne. Ek pyara hansta muskurata nagma utne hi pyare lyrics ke sath. Jab is geet mein nayika ethlati huyi nadi ki batein karti hai to mujhe 1942 Love Story ka wo song yaad aa jata hai

kyun naye lag rahe hain ye dharti gagan
maine poocha to boli ye pagli pawan
pyar hua chupke se.....
maine badal se kabhi wo kahani thi suni........
Kya adbhut geet tha wo! Aur yahan bhi prakriti yani mother nature ke prateek chinhon (symbols) ko use kiya hai lyricist ne apne preetam ke prati poorna samarpan ki bhavna ko ujagar karne ke liye. ab yahin dekhiye is machalti nadi ko :)

Ek nadi se maine poochha ithla ke chal di kahan
Door tere pee ka ghar hai balkhaa ke chal di kahan
Thoda woh ghabraayi thoda sa sharmaayi
Ujhli yahaan se wahaan
Sagar se milne ka uska jo sapna tha meri hi tarah piya
Jiya dole haule haule kyon yeh dole jaanu na
Piyu bole piya bole kya yeh bole jaanu na

Geet # 13 : Pyar Aaya Aur Jyada...

Barsaat film ka ek behad soothing sa song apna naram naram ehsaas liye huye. seedhe sadhe bol mein bhi apni gayki ki mithas se jaan phoonk di hai janab Sonu Nigam ne.

Varshik Sangeetmala Geet # 14

SOONA MAN KA AANGAN...

Zindagi mein khushi aur gham donon hi aate rehte hai. Par kya aapne gaur kiya hai ki khushi to pal bhar mein chitak jati hai par ye jo gham hai na wo barson apna dera jamaye rehte hain jaldi dil se juda hi nahin hota
Yahi haal geeton ka bhi hai Mukesh ke dard bhare nagme aaj bhi bikte hain par Usha Uththup ka wo rambha ho.ho.... kaun sunta hai abhi

To janab mere sath bhi kuch aisa hi hai jo geet meri bhavnavon ko udvelit karte hain unki goonj dil mein kaphi dinon tak barqarar rehti hai! Aisa hi ek geet 14 wein no pe jise gaya ek baar phir Sonu Nigam ne , Jise likha Swanand Kirkire ne aur jiski dhun banayi Shantanu Moitra ne! Bilkul theek pehchana aapna ye geet hai film Parineeta se

Soona.. Soona mann ka aangan
dhundhe payal ki woh chann chann
sooni..sooni mann ki sargam
dhundhe geet tere humdum
mann shaam ho ya sawera
laga teri hi yaadon ka dera
tune bandhan kyon ye toda
tune kahe ko munh moda
kaho na kaho kaho kaho na

kasie kate sooni raatein
kaho na..kaho na..

kaise bhoolein beetee baatein
kaho na..kaho na..

kaise thame phir tera daaman
kaise meheke man ka ye aangan
kaise bhoole preet teri saajan
kasie baandhen toota ye bandhan ...

Click here to listen this song

Geet # 15 : Dheere Jalna, Dheere Jalna......

To leejiye ji ek lambe break ke baad hazir hai aapka ye host apni is geetmaala ke sath. To meri 15 win paaydaan pe ek baar phir aa rahe hain Sonu Nigam, Gulzar sahab ke is geet seaapko dheere dheere jalane ke liye. Gulzar sahab ki poetry ka visleshan (analysis) kar pana aasan nahin. Par internet pe ek shaksh hai jisne ye kaam bakhoobi kiya hai. Aur wo hain Pavan Jha!

Aaj main is geet ke lyrics pe Jha sahab ki analysis ko aapke saamne rakhna chahoonga. Ise padhne ke baad is geet ko sunein. Waise bhi ye geet kuch aisa hai ki iska asar dheere dheere hi hota hai :)

dheere jalna dheere jalna dheere jalna
zindagi ki lau pe jalna
dheere dheere dheere dheere dheere jalna
zindagi ki lau pe jalna
kaanch ka sapna, gal hi na jaye
soch samajh ke , aanch rakhna

"...."kaanch ka sapna" conveys a few things. One thing is that the dream is fragile in nature and would not last long. Second it would be more painful when it breaks and third it depicts the Ghost itself is a dream and Kaanch ka sapna could mean Ghost who is the mirror image of her husband and may not live long with her. "Gal hi naa jaaye" reflects coming to the terms, the truth That is why Shahrukh the ghost ask to take precautions while making a relationship as it might not last long (soch samajh kar aanch rakhana)

But then Shahrukh the ghost have an objective behind all his disguise act.

Tere roop ki halki dhoop me, do hi pal hain jeene hain

Teri aankh me dekh chuka hoon, jo sapne hain, seene hain.."

Halki dhoop depicts a pale face, ek udaas chehra despite being a newly wed wife. Shahrukh the ghost also understands that his relationship will not last long with her and he has just "Do hi pal". But he has seen the broken dreams in her eyes, which the (dreamstailor) ghost will repair (jo sapne hain, seene hain - sewing the broken dreams) by giving her some good company.

"Aankhon me sapno ki kirachein hain, chubhti hain dheere jalna..

"as the dream is broken in pieces, the pieces hurts a lot....

Raani seems to be undecisive till this point, but finally she finds the ghost's company acceptable and she joins

"socha na tha, zindagi aise phir se milegi jeene ke liye

aankhon ko pyaas lagegi, apne hi aansoo peene ke liye"

She gets a life to live again and also gets her emotions back (aankhein to aansoo nikaal kar sookh chuki hain, all emotions have dried up, and this relationship will get back all the emotions for her)

Click here to listen to Zindagi ki lau pe jalna...

Aur haan chalte chalte ek baar phir shukriya doston aap sab ki Janmdin (14 Jan) ki shubhkaamnaon ka !

Varshik Sangeetmala : Geet # 16-18

Aaj ek sath teen geet pesh kar raha hoon ! Kyun? loz ...
Are song no. 16 ko dekhiye aur khud hi samajh jaiye :). Ji haan aaj tak to main blogworld mein hoon par agle kuch dinon ke liye gayab rahoonga.isi liye ye sari khurak ek saath :).

Geet #16 : Hum hain iss pal yahan, Jaane ho kal kahan
Is baar ke is countdown mein ye baat gaur karne ki hai har paydaan pe jyadatar alag alag gayak , geetkaar aur sangeetkar aa rahe hain. Ye humari musical industry ke liye khushkismati ki baat hai.Ab yahin dekhiye humari is list ki 16 win seedhi pe teen maharathi ek sath utre hain ek anoothi lay aur sangeet ke saath. Jee haan Udit Narayan, A.R.Rehman aur Javed Akhtar ki tikdi khadi hai us geet ke sath jo pyar ke shashwat yani kabhi na marne wale roop ki kahani keh raha hai.

Hum hain iss pal yahan, Jaane ho kal kahan
Hum miley na miley, Hum rahey na rahey
Rahegi sadaa yahan, Pyar ki ye dastan
Sunenge sadaa jise,Yeh Zameen asmaan
Rang dhal jaate hai, Din badal jaate hai
Raatein so jati hai, Raahen kho jaati hai
Pyar khota nahin, Pyar sota nahin
Pyar dhalta nahin, Haan badalta nahin
Hum jahan aaye hain, Meherbaan saaye hain
Hum yahaan khwaabon ke, karwaan laaye hain
Dhadkane hain jawaan, Ga raha hain samaa
Pighli pighli si hain, Mehki tanhaiyan

Click Here to listen this song

Geet # 17 : ? ? ? ? ? ? ? ? ? ?
Waqt aa gaya hai 17 wi paaydan ke is pyare nagmein ko share karne ka jise gaya hai Sunidhi Chauhaan ne aur dhun banayi hai Shantanu Moitra ne. Par ye geet hai kaun saa?
Kya kaha nahin batayenge ?
Aisa bhi kisi countdown show mein hota hai ki host gaane ka naam batane se mukar jaye ?
Choriye ji ye to blogworld hai yahan sab kuch ho sakta hai! Hee hee hee.
Khair aap sab jurur utsuk ho gaye honge ki aapka ye nacheez dost aisa kyun kar raha hai.
Darasal baat hi kuch aisi hai….
Wo kya hai na ki mujhe kuch hi dinon baad ye geet blogworld ke apne ek sathi ko dedicate karna hai ek special occasion pe ! To janab kuch din aur wait karein main aata hoon ghoom phir kar ye suspence kholne :p

Geet # 18 : Bikhri Huyi Narm si Chandni
Jab surya devta apna raudra roop dharan karte hain..
Aur apni kirnon ke vaar se hum sabhi ko jhulsa dalte hain..
To sham ke sath aayi ye chandni hi to humein apni dost si dikhti hai..
Jiskii vishal narm bahon mein sar rakhkar kisi apne ki yaad barbas hi aa jati hai ..
Inhin yadon ko taaza kar rahe hain ek aur naye gayak Arnab Chakravarty album Channa Ve mein

Bikhri huyi Narm si chandni
Lahron ke ghar jaa rahi roshni
Lamha lamha choo rahi hai sard hawayein
Tanha tanha lag rahe hain apne saye
Yaad aye koi..

Shabnam shabnam raat mein, sapne humare nam huye
Bheege sapne dekh ke, chand sitare kam gaye
Ab sabhi ke dil mein ek hi betaabi
Ek si bekhudi ...
Bikhri huyi Narm si chandni ...

What i liked especially:) - Haseen chandni ka jikra khoobsurat lafzon mein!

Click Here to listen this sweet song

Varshik Sangeetmala 2005: Geet # 19-21

Geet # 19 : Kaise Paheli Zindagani...

koi phool chunta hai kis liye?
koi dhool hota hai kis liye ?
yeah waqt waqt ki baat hy, tujhe zindagi batayegi...

Zindagi ki paheliyon ko boojhna koi hansi khel hai kya.
Kisi ke liye ye suhana safar hai…

Zindagi ek safar hai suhana
Yahan kal kya ho kisne jaana

To koi ise haadson ka huzoom batata hai..
jisey aap kahtey hain zindagi vo to ha'adson ka hujoom hai
ye to kahiye mera hi zarf tha ke main darmiya'an se guzar gaya

zarf - dil, hriday ,darmiya'an se - beechon beech se
Par jo bhi ho is safar se to har kisi ko guzarna hai . Bakaul Gulzar
hai lau zindagi
zindagi noor hai…
magar ismein jalne ka dastoor hai
Par aaj humara na aapko jalane ka irada hai na darane ka:)

balki hum to aapko yaad dilana chahenge wo lamhe jin ki masti ke nashe mein aap jhoomne ke liye taiyaar hon

bahut kuch Sunidhi Chauhan ke gaye huye is jazzy geet ki terah…..

Nayi nahin ye batein ye batein hain purani
Kaisi paheli hai ye kaisi paheli zindagani
Thama tha roka isko kisne
haan ye to behta paani
Kaisi paheli hai ye kaisi paheli zindagani?

pee le ise ismein nasaha,
jisne piya
wo gham mein bhi hansa
pal mein hansaye aur pal mein rulaye ye kahani
Kaisi paheli hai ye kaisi paheli zindagani?

What I liked :) : Gane ka flow jo dil mein ek masti le aata hai
Click Here to listen the song

Geet # 20 : Aasman ke Paar Shayad koi Aasman Hoga...

Umeed pe duniya qayam hai. Zindagi ke is anjane raste pe hum sab ne kya kya ummedein nahin paal rakhi. Har kisi ko ek nayi subah ka intezaar hai. Choonki wo swarnim din to aaya nahin to kyun na apni manzilon tak pahuchne ke liye hawa ke paron par udan bhari jaye. Aur agar is safar ka khaka Gulzar ki kalam se khincha ho to baat hi kya.

1999 ki film Rockford ke is geet ko punarjeewit kiya Fame Gurukul ke Arijit Singh aur Ruprekha Banerjee ne.

Aasman ke paar shayad aur koi aasman hoga
Baadlon ke parvaton par koi barish ka makan hoga
O Main hawa ke paron pe kahan ja raha hoon kahan
Kabhi udta hua, kabhi mudta hua
Mera rasta chala ohh ho ho ho..

What I liked :) : Kavi ke bune huye khoobsurat khwab..

Yes geet mere PC pe to hai but I couldn't find its link ( Fame Gurukul wala link) on the net :(. To listen original song click here

Geet # 21 : Agar Tum Mil Jao
Bhartiya film jagat mein jis nayi parshwa gayika (female playback singer) ka naam pichle kuch varshon mein tezi se chamka hai wo hai Shreya Ghosal. Itni mithas hai inki aawaz mein ki simple lyrics bhi dil pe ghazab ka asar chodte hain. Kuch aisa hi aap mehsoos karenge janab aap sab jab is geetmala ki 21 win paaydan ke is geet ko sunenge. Prem ki nischal pavitra dhara ki kahani kehta ye geet shreya ki aawaz mein aur bhi madhur ho utha hai…

Agar tum mil jao, zamana chod denge hum
Tumhe paa kar zamane bhar se rishta tod denge hum
Agar tum mil jao, zamana chod denge hum

Bina tere koyi dilkash nazara hum na dekheinge
Bina tere koyi dilkash nazara hum na dekheinge
Tumhe na ho pasand usko dobara hum na dekheinge
Teri soorat na ho jis mein,
Teri soorat na ho jis mein
Woh sheesha tod denge hum
Agar tum mil jao zamana chod denge hum

What I liked especially :) : Shreya's magical melody.......

Click Here to listen the song

Varshik Sangeetmala -2005 Geet # 22-25

GEET # 22 : Chanda Ki Doli Mein.... :)

Aaj is geetmaala mein pehli baar Sonu Nigam ne qadam rakha hai 22 wein no pe ! Sonu ki makhmali aawaz ke waise to kayi rang dekhne abhi baki hain is srinkhala mein. Hmmm dekhiye to Nusrat Badra ne kya khoob taiyariyan ki hain apni shahzadi ke swagat mein….

Chanda ki doli mein, Pariyon ki jholi mein
Shahzadi aayi meri
Chanda ki doli mein, Pariyon ki jholi mein
Khusiyan wo layi meri

Palkon ke dar se wo aankhon ke ghar mein rahe
Khwabon ko sach hone de
Har ik dua mein usko hi manga sada
Wo bhi mujhe mang le…..

Khwaabo.n…., khwaabo.n ka aao ek ghar banaye
har su jahan hum mohabbat sajayein
Subah shaam ho… jahaan dilkaashi…, raatein miley shabnami…
Ek chand jaise taaron ke dil mein paley.
Yeh pyar aaise khile
Chanda ki doli mein ……..

What I liked especially:) : Nusrat Badra’s lyrics aur mukhde ke turant baad sitar aur table ki madhur jugalbandi !

Click here to listen this song

GEET # 23 : My Dil Goes Mmmmm.... :)

Halke phulke mood ko aage badhate aate hain ab 23 wein number pe. Aur is paydaan pe gana wo jise apni aawaz se sanwara hai Shaan aur Gayatri Iyer ne, dhun banayi hai Vishal Shekhar aur bol likhe hain Jaideep Sahni ne. Mere khayal se ye is saal ka most funky song hai jismein hansi ke phuljhariyan bhi hain aur man mohne wala sangeet bhi. Is cho chweet song ke do antare aapke sammukh prastut hain jinhein gungunate huye aapke chehre pe ek muskurahat khud ba khud bikhar jayegi

Aati hai wo aise chalke jaise jannat mein rehti hai:)
Dekhti hai sabko aise jaise sabko wo sehti hai
Par gusse mein jab aaye aur aankhein wo dikhlaye
Ladte ladte galti se muskaye
My dil goes mmmmmmmmm…….

Haa…an picture mein rota hai, haa…an khule munh sota hai
Haa…an jara nalayak hai, haa…an pitne ke layak hai
Jane kya kehta hai jane kya karta hai
Sofe pe chadhta hai pardon se ladta hai :)
Jab karne lage safai ,samjho ki shamat aayi :p
Phir jam ke leta hai jab angdaayi
My dil goes mmmmmmmmm…….

What I liked especially :) : Mukhde ke theek pehle ka sangeet aur offcourse mast punch line My dil goes mmmmmmmmm……

Click Here to listen the song.

GEET # 24 : Dil Keh Raha Hai....

Dil ki dhadkanon ki dhanak se rishte jud jate to phir baat hi kya thi! Phir bhi sab jante boojhte bhi hum dil ki giraft mein aa hi jate hain. Aakhir Waseem sahab ne yun hi to nahin kaha

Mareez-e-ishq hooN beemari-e-dil ka takaazaa hai
Dawaa kuchh aur kehti hai, dua kuchh aur kehti hai

Tere khat meiN likhe har lafz ka sach janta hooN par
Ibaarat meiN chhupii teri ada kuchh aur kehti hai

Aur isi roomaniyat ke nashe mein Kunal Ganjawala ka dil kya keh raha hai aapse jara suniye to

dil keh raha hai tujhse yu rishta jod loon
teri dhadkano ko choo loon tera jism odh loon
aankhon mein teri hain mera he chehra
chahe tu ye maane ya na maane
teri mohabbat pe hai mera pehra
chahe tu ye jaane ya na jaane
tere liye main ..
jaate hue lamho ko mod loon, teri dhadkano ko .......

What I liked especially:) : The punch line…… teri dhadkano ko choo loon tera jism odh loon.

Click Here to listen the song from movie Kyun Ki

GEET # 25 : Mahi Ve....
To mehmaan aur kadradaan Ek Shaam Mere Naam ke is doosre countdown show ki 25 wi paaydaan pe gana wo jise gaya hai Fakhir Mehmood ne. Yun to apni mehbooba ki yaad kise nahin aati janab par Fakhir sahab ka apni mahi ko yaad karne ka ye chulbula andaaz kabile gaur hai

Mahi Ve
Teri yaad aati hai re
Chandan si dhoop mein
Badli ki or se
Mahi Ve, Mahi Ve
Mahi Ve
Teri yaad aati hai re
Ik sunder pyar ka sapna laati hai re
Mahi Ve, Mahi Ve

What I liked especially :): Shuruati 30 sec ka music, upar ki panktiyan aur Fakhir ki aawaz
What I hated :(: Gane ka video jis mein models khoobsurti ki misaal kam aur cartoon jyada nazar aati hain :)
Click here to listen the song

The Count Down Begins....

To leejiye naya saal aa pahuncha hai! Par ye countdown main is saal ke aakhiri palon ko ginne ke liye nahin mana raha. Mere blog ki ye pehli 31 Dec hai! Aur agar 31 Dec ko kuch suru karna ho to wo mere liye musical countdown ke aalawa kuch ho hi nahin sakta :). aadat se majboor jo hoon kyunki khushi ke kisi pal mein main sangeet se door rehne ki soch bhi nahin pata. Is baar ki meri pasandeeda geeton ki pherhist mein 25 nagme hain jinmein kuch ke bare mein main pehle bhi likh chuka hoon. Ye geet khushi ke bhi hain aur gham ke bhi. Umeed hai ki aap sab ko ye silsila pasand aayega. Apni pasand -napasand ka aap sab izhaar juruur keejiyega :)

Isse pehle ki humari ye Amin Sayni style geetmala start ho aap sab ko meri taraph se naye saal ki hardik shubhkaamnayein is aasha ke sath doston ki......

tera mera sath rahe........

tera mera sath rahe........

dhoop ho chaaya ho.......

din ho ki raat rahe..... :)

HAPPY NEW YEAR 2006!

Pehle to ye keh doon ki ganon ki jo ranking main yahan dene ja raha hoon wo utni jyada maayne nahin rakhti kyunki aisa bhi ho sakta hai ki within a bracket say 15-20 tak kesare gane mujhe ek jitne hi pasand aaye hon. Is list mein 2006 ke adhiktar dance hits aapko nazar nahin aayenge. Ye nahin ki main unhein pasand nahin karta par aise geeton ki khasiyat ye hai ki inka ek time span hota hai jiske beech ye khoob chalte hain aur phir ek dum se gayab ho jate hain. Kuch geet aise bhi honge jo waqai behad umda rahe hon par main inhein sun na paya hoon. Aise kisi missing song ke bare mein mujhe batana na bhooliyega. aur haan meri is rating ka paimana music, masti ke aalawa lyrics, gayki aur mere par inka emotional impact hai.
Agar ek geet ke liye ek din ka bhi waqt rakhoon to bhi 25 din lagte hain. To janab main koshish karoonga ki ek hi post mein regular additions karta rahoon taki is mahine ke aakhir tak is countdown ke muqam tak pahunch sakoon:). Aasha hai aap sab sangeet premi mere is safar mein sath honge…