Annual Music Countdown 2010 Song No. 11: Des mera rangarez ye babu....

Vaarshik sangeetamala ki gyarahavin poyadaan par svaagat kijie sangeet band ' Indian Ocean' ka jo pahali baar kisi sangeetamala ka hissa ban raha hai. pichhale kai mahinon se inake dvara banaaye is geet ke madhyam se aap apane desh ke rang rngile prajatantra ke vibhinn roopon ki jhalak dekhte rahe hai. vaise bhi is baat men kya shak ho sakta hai ki 'des mera rangarez ye babu ghaat-ghaat yahan ghatata jaadu.....'.

nirdeshika anusha rizavi ne peepali laaiv ke jin do geeton ke liye 'Indian Ocean' ko chuna unamen se ye vala geet unake elabam 'jhini' men shamil tha. haan ye jaroor hua ki moolatah sanjeev sharma ke likhe is geet ke bolon men peepali laaiv ke liye geetakar swanand kirakire ne kuch badalav kiye aur jo natija nikala vo film rileez hone ke pahle hi desh ki janta ki jubaan par aa gaya.

apane desh ki visangatiyon ko ye geet vyangyaatmak drishti se dekhta jaroor hai par ek baaharavaale ke nazariye se nahin balki ek aam bharateeya ke paripekshya se. geet ke bolon men jahan desh ki mitti ka sondhapan hai vahi yah geet desh ke vaastavik haalaaton ka aaina bhi pesh karta hai. ab inhin panktiyon ko len jinamen desh ka dard samaya sa lagata hai..

sookhe naina, rukhi ankhiyan

dhundhala dhundhala sapana

aansu bhi namakeen hai pyare

jo tapake so chakhna

rahul ki aavaaz ki taakat aur gaharapan is zamini hakikat ko aur pukhta karta hai.

aaiye is geet ke anya pahaluon par charcha karne ke pahle is baind se aapaka parichay kara doon. baind 1984 men gitar vaadak susmit sen aur gayak aseem chakravarti jo ki tal vaadyon men bhi praveen the ne shuru kiya. 1990 men baind ka namakaran Indian Ocean kiya gaya. 1991 men rahul ram jo aaj kal is baind ke mukhya gayak hain, iska hissa bane. 1994men amit kilam dramar ke roop men baind men aae. disanbar २००९ men aseem ka hridaya gati ruk jaane se asaamayik nidhan ho gaya. aajakal ye baind apane ne elabam '16/330 khajoor rod' ke laanch men vyast hai.

poore geet men baind ne tal vaadyon aur gitar ka behatareen istemaal kiya hai. mukhade ke baad hi table, dholak , damaru ka jo sammilit svar ubharta hai vo aapako ekadam se deshi vaatavaran men kheench le jata hai. rahul ram aur unake saathi ppap para ra..dhoom tatak dhin ke koras ke saath geet men ek josh aur urja si bharte hain.

par geet ki sabse sundar tan susmit sen ki ungaliyon se nikalti hain. geet shuru hone ke 2.50 minat baad lagabhag chalis sekend tak susmit apani thirakti oongaliyon se vo jaadu paida karte hain ki man mantramugdh aur thaga sa rah jata hai. lagata hai gitar aur sitaar ka antar hi samapt ho gaya. susmit apane sangeet ko apane anubhavon ka nichod batate hain. unhe jaaz aur rok se jyada hindustani shastriya sangeet pasand aata hai.(chitra saujanya)

vaise kya aap jaante hain ki baind ke mukhya gayak rahul ram jo apani lanbi dadhi aur alag si vesh bhoosha se apani alag si pahachaan rakhte hain ke paas peeechadi ki upadhi bhi hai. aur to aur rahul narmada bachaav aandolan ka bhi hissa rah chuke hain. ab agar rahul apane aap ko buddhijiviyon men ginte hon to ismen kya galat ho sakta hai. yahi vajah he ki unake saathi unhen 'lojik baba' aur 'gyanadev' ke nam se bulate hain. (chitra saujanya)

to aaiye sunen is geet ko

des mera rangarez ye babu

ghaat-ghaat yahan ghatata jaadu

des mera rangarez ye babu

des mera rangarez ye babu

ghaat-ghaat yahan ghatata jaadu

raai pahaad hai kankar-shankar

baat hai chhoti bada batangad

raai pahaad hai kankar-shankar

baat hai chhoti bada batangad

indiya sar yah cheez dhurandhar

indiya sar yah cheez dhurandhar

rang rngila parajatantar

rang rngila parajatantar

p p re .....

saat rang satarnga mela

badarnga sa bada jhamela

saat rang satarnga mela

badarnga sa bada jhamela

gira gagan se khajoor ne jhela

such-duahkh pakadam-pakadi khela

hai..ek rang guniyon ka nirala

ek rang agyani

rang rang main hod lagi hai

rangarangi manamani

des mera rangarez ye babu

ghaat-ghaat yahan ghatata jaadu

des mera rangarez ye babu

ghaat-ghaat yahan ghatata jaadu

sookhe naina, rukhi ankhiyan

dhundhala dhundhala sapana

aansu bhi namakeen hai pyare

jo tapake so chakhna

dhundhala dhundhala sapana pyare

dhundhala dhundhala sapana

sookhe naina, rukhi ankhiyan

sookhe naina, rukhi

dhundhala dhundhala sapana pyare

dhundhala dhundhala sapana

des mera rangarez ye babu he....

aur agar aamir khan ko dramar ka rol sanbhaalte dekhna chaahen to geet ka vidio ye raha...

---

Click Here to read this post in Hindi devnagari script.

Click Here to post your reactions on this article. You can post your comment in English or Romanised Hindi/Urdu also .

---

Annual Music Countdown 2010 Song No. 12: Kanha Bairan Huyi...bansuri

Barahavi paaydaan par pahali baar is saal ki sangeetamala men pravesh kar rahe hain sangeetakaar saazid vazid.par film dabng ke liye nahin balki saal ke shuru men aai film 'veer' ke liye.geet ke bol likhe hain gulazaar saahab ne aur ise apani aavaaz di hai rekha bharadvaj ne.jab bhi kisi geet ke kredit men rekha ji ka nam aata hai geet ki prakriti ke baare men bahut kuch andaaj mil jata hai.soofi sangeet se apane kairiyar ki shuruaat aur pahachaan banane vali rekha ji ne jahan pichhale kuch varshon men lokageet ke rang men samaaye theth geet gaaye hain vahin up shastriya geeton men bhi unki aavaaz aur layakari kamaal ki rahi hai।

apane usi andaaz ko rekha ji ne veer film ki is 'thumari' men barakaraar rakha hai.vaise shastriya sangeet se jyada nahin jude logon ke liye up shastriya sangeet ki is vidha ke baare me kuch baaten janna rochak rahega.shastriya sangeet ke jaanakar unnisavi shatabdi ko thumari ka udbhav kaal batate hain.thumari se jude geet roomani bhaavon se otaprot hote hue bhi saatvik prem par aadhaarit hote hain aur aksar in geeton men nayak ke roop men bhagavaan krishn yaani hamare kanha hi nazar aate hain.thumari ki lokapriyata lakhanoo men navab vazid ali shah ke shasankaal men badhi.

thumari men ragon ke sammishran aur adakari ka bada mahatatva hai.vaise to aksar thumariyan rag khamaaz,peelu v kafi par aadhaarit hoti hain par sangeetakaar saazid vazid ne is thumari ke liye ek alag rag chuna.apane is geet ke baare men vo kahate hain

hamane is thumari men kisi ek thaat ka prayog nahin kiya jaisa ki praayah hota hai.jis tarah hamane is geet men mishrit rag se vishuddh rag nand men pravesh kiya vo rekha ji ne khoob pasand kiya.geet men tabla usi tarah bajaya gaya hai jaisa aaj se dedh sau varshon pahle bajaya jata tha.hamane aisa isaliye kiya taki jis kaal parivesh men ye film rachi gai vo usake sangeet men jhalke।

thumari uttarapradesh me pali badhi is liye is roop men rache geet brijabhasha men hi likhe ge.gulazaar saahab ne thumari ka vyakaran to vahi rakha par geet ke bolon se (khaaskar antaron men) kisi ko bhi gulazarish bhavanaaon ki jhalak mil jaaegi.kanha ki yad men vikal nayika ki virah vedna ko jab din ke ujiyare, saanjh ki aabha aur andhiyari rat ki kaalima jaise prakritik binbon ka saath milta hai to vo aur pragadh ho jaati hai.

geet ek koras se shuru hota hain jisamen aavaaze hain shareeb toshi aur shabaab saabari ki.fir rekha ji ki kanha ko dhoondhati aavaaz dilo dimaag ko shaant aur geet men dhyanamagn sa kar deti hai.mukhade aur koras ke baad geet ka tempo ekadam se badal jata hai aur man geet ki laya ke saath jhoom uthata hai.vaise bhi gulazaar ki lekhani me..saanjh samay jab saanjh lipatave, lajja kare baawari. jaise bolon ko rekha ji ka svar milta hai to fir kahane ko aur rah bhi kya jata hai..

pavan udave batiyan ho batiyan, pavan udave batiyan

tipo pe n likho chithiya ho chithiya, tipo pe n likho chithiya

chitthiyon ke sandese videse javenge jalengi chhatiyan

kanha aa.. bairan huyi baansuri

ho kanha aa aa.. tere adhar kyoon lagi

ang se lage to bol sunave, bhaye n munhalagi kanha

din to kata, saanjh kate, kaise kate ratiyan

pavan udave batiyan ho batiyan, pavan udave batiyan..

roko koi roko din ka dola roko, koi doobe, koi to bachave re

mathe likhe maare, kare andhiyare, koi aave, koi to mitave re

saare band hai kivade, koi aare hai n paare

mere pairon men padi rasiyan

kanha aa.. tere hi rang men rngi

ho kanha aa aa... haaye saanjh ki chhab saanwari

saanjh samay jab saanjh lipatave, lajja kare baawari

kuch na kahe apane aap se aapi karen batiyan

din tera le gaya sooraj, chhod gaya aakash re

kanha kanha kanha.....

---

Click Here to read this post in Hindi devnagari script.

Click Here to post your reactions on this article. You can post your comment in English or Romanised Hindi/Urdu also .

---

Annual Music Countdown 2010 Song No. 13: Chamcham Jhilmilate Ye Sitaron Wale Hath...

Vaarshik sangeetamala ki terahavin paaydaan par prem ki sondhi sondhi khushabu failata hua ye pyara sa nagma.is nagme ko aap men se jyadatar ne nahin suna hoga kyoonki jis film men ye nagma tha vo mukhyatah mltiplekson ki shobha kuch din badhakar chalti bani.ye film thi 'straikar'.ab is straikar se ise koi maar dhad vali film na maan leejiyega.ye straikar kairamabord vala hai aur film bhi kairam khelne vaale ek khiladi ki kahani kahati hai।

ye baat dhyaan dene ki hai ki leek se hatkar filmen banane vaale nirdeshak aajakal sangeet men jis vividhata aur prayog ki chhoot apane sangeetakaron ko dete hain vo mukhyadhara ke nami nirmata nirdeshakon se dekhne ko nahin milti.ab Striker ko hi len.nirdeshak chandan aroda ne film ke aath geeton ke liye chhah alag alag sangeetakaron ka chuna.inamen vishal bharadvaj aur swanand kirakire ke sangeetabaddh geet bhi the.par in geeton men jo geet sangeetamala men jagah bana paaya hai vo hai ek nai maraathi geet sangeetakaar jodi ka.is geet ke sangeetakaar hain shailendra barve aur geetakar hain jeetendra joshi।

jeetendra joshi ek bahumukhi pratibha vaale kalakar hai.maraathi filmon, natakon aur seeriyalon men bataur abhineta ka kaam karte hain aur kavitaayen likhne ka shauk bhi rakhte hain.pune se apani aanranbhik aur colej ki shiksha prapt karne vaale jeetendra gulazaar aur vishal bharadvaj ke bade prashansak hain.ye geet dekhakar un dinon ki yad dila dete hai jab pyar sanvaad se nahin par mook bhavanaaon, aankhon ke ishare aur chhat par patthar se baandh ke fenke ge khaton se aage badhata tha।

joshi aur barve ko bhi film men ek aisi paristhiti di gai jahan nayak apane theek saamane ke ghar men rahane vali el ladaki ke mohajaal men is kadar doob jata hai ki din rat usaki har ik gatividhi ka saajhidaar ho jata hai.ye to aap bhi maanenge ki jab prem sanvaadaviheen hota hai to usaki gaharaai din dooni rat chauguni kulaanche bharne lagti hai.aap kisi ke baare men sochna shuru karte hain, din rat sochte hain to aapki kalpanaaon ke pankh lag jaate hain.apane premi ka har kritya aapako is avastha men adbut sa nazar aata hai.joshi nayak ke man men chal rahi kalpanaaon ki udan ko apane lafajon men is tarah bunte hain ki man ka har kona roomaniyat ke rangon se bheeng jata hai.

shailendra barve ne is geet men prem ke sachche aur bhole swaroop ko jaagrrit karne ke liye soofi sangeet ka rang dene ka prayas kiya hai.hindustani vaadya yantra aur tali ke sammilit sangeet sanyojan ke saath unhonne geet ka tempo dheema rakha hai jisase har shabd ko ek khinchaav ke saath gana padta hai.is geet ko nibhane ke liye ek aise kalakar ki aavaaz ki jaroorat thi jo kuch naya karne men vishvaas rakhta ho aur isiliye gayak ke taur par sonu nigam ko chuna gaya.sonu ne is kathin geet ko is behatareen tarike se nibhaya hai ki unki gaai har pankti, har aalaap par bas vaah vaah hi nikalti hai.sonu nigam khaud is geet ko apane dvara gaaye geeton men sabse achchhon men se ek ginte hain।

to aaiye sunte hain is pyare se geet ko isake lajavab bolon ke saath

ho jannaton ke dar khule, kuch baashinde the chale

le aae vo, nanhi jaan

us khauda ka ik payam

tab se too hai zahan men

banake raunak yahan ki meri jaan

khavahishon se bhi aage jo khaushi ka mile vo aramaan

ra re ra ra aa..

chamacham jhilamilaate,ye sitaaron vaale haath

bhini bhini khushabu, jaise teri meethi baat

ujala ujala sa ye tan, jaisa mahaka ho chandan

baahon men teri gujre, mera ye sara jeevan

teri ada men masoomiyat hai

fir bhi hai shokhi, ranginiyat hai

taron se bhar doon main, aanchal tera

rab se bhi pyara hai, chehara tera, chehara tera, chehara tera

ra re ra ra aa...

fool honthon pe khile, chaand aankhon men mile

fool honthon pe khile, chaand aankhon men mile

bikhare moti jubaan ki jaise kiranen teri yah muskaan

noor barase nazar se noori tujhamen basi hai meri jaan

noor barase nazar se noori tujhamen basi hai meri jaan

teri jhalak ki pyasi nazar hai, deevangee ye tera asar hai

roohaane rangon ka ye aanchal tera

sapano iraadon ka ye baadal mera baadal mera baadal mera

ra re ra ra aa

dheere dheere sar chadha, tera jaadu, aage badha

dheere dheere sar chadha, tera jaadu, aage badha

hua khud se juda fir bhi tujhape fida main meri jaan

ishk le le too le le ,le le too mera imtihaan

ishk le le too le le ,le le le le mera imtihaan

soone safar ki too sohabat hai.

bakhshi khuda ne, yah milakiyat hai

aaja saja de gori aangan mera

jaise sajaya toone lamaha mera

ra re ra ra aa....

ye geet ek aisa geet hai jiska nasha dheere dheere chadhta hai isaliye ise jab bhi suniega fursat se suniega...

chalte chalte is geet ke filmaankan ke baare men kuch baaten.do sate sate gharon ke bich hote premapoorn bhavanaaon ke aadaan pradaan ko meri peedhi ne apani aankhon se dekha aur mahasoos kiya hai.geet men bhi is vaastavikta ka bakhoobi chitran hua hai.shooting ke dauraan ek bada majedaar vaakaya hua. 

nayak ko apana prem patra kaagaj ke tikone jahaj ke roop men aisa fenkna tha ki vo saamane ki bolakoni men khadi nayika ke paas gire.par pahle char tekon men bachchon vala ye maamooli kaam nayak anjaam nahin de paaye.do baar vo jahaj nayika ke ghar ke khapadail ki chhat par ja pahuncha aur do baar neeche ja gira.:)

to aaiye dekhte hain is geet ka video..

---

Click Here to read this post in Hindi devnagari script.

Click Here to post your reactions on this article. You can post your comment in English or Romanised Hindi/Urdu also .

---

Annual Music Countdown 2010 Song No. 14 : Bahara Bahara Hua Dil Pehli Baar Ve...

Vasant hamare dvar par dastak de raha hai.sardi apani kadak chhod chuki hai.mausam bhi aashikana hai aur sant velentaain ke punya pratap se ye saptah bhi.aur to aur is mausam ko aur roomani banane ka aa pahuncha hai vaarshik sangeetamala 2010 ki chaudahavin poyadaan par ka ye behad surila nagma।

is nagme ko gaya hai kokil kanthi shreya ghoshal ne.par shreya ki madhur aavaaz ke saath geet ki shuruaat aur antaron ke bich ek aur svar sunaai dega aapako jisamen ganvai mitti ki khushabu bhi hai aur lok geet si mithas bhi.ye svar hai sona mahapatra ka.varsh 2006 men soni dvara nikaale elabam sona se apane sangeet ke kairiyar ki shuruaat karne vali sona mahapatra ko log ek rok gayak ke roop men jyada jaante hain.par shayad is geet ki safalta ke baad parshva gaayika ke roop men unhen jyada mauke mile।

par film I Hate Luv Storys ka ye geet yahan hai to shreya ghoshal ki vajah se.is geet men shreya ki misari si meethi aavaaz ka behatareen upayog kiya hai sangeetakaar yugal vishal shekhar ne। har antre ko jab shreya vo o o o.. ki svar lahari se shuru karati hain to man jhoom jata hai। vaise bhi romaantik geeton ko gane men filahaal shreya ka koi sani nahin hai.

vishal shekhar is saal ke sabse safal sangeetakaron men rahe hain.is geet men bhi intaralyoods men unka sangeet sanyojan behad karnapriya hai.vaise vishal shekhar ne is elabam men rahat fateh ali khan se bhi is geet ka ek varjan gavaya hai.par ye geet shreya ki aavaaz par jyada jamata hai.

is geet ko likha hai 'kumar' ne.ek to ye nam aap ko aadha adhoora sa lag raha hoga aur doosare ek geetakar ke roop men ye nam aapke liye naya bhi hoga.to chaliye pahali baar ek shaam mere nam ki sangeetamala men shirakat karne vaale kumar saahab se aapaka parichay kara den.kumar ka poora nam hai 'rakesh kumar'.rakesh punjab ke jaalndhar shahar se taalluk rakhte hain.munbai film udyog men inake kadam pandrah saal pahle pade.par pahali film men geetakar banane ka mauka 2004 men film 'plon' ke liye mila.vaise desh ke filmi baajaar men lokapriya hone ke liye inhen 2009 tak intazaar karana pada.film dostana men inake likhe geeton 'deshi garl' aur 'maan ka ladla bigad gaya' par poora bharat jhooma tha aur aaj bhi nach ganon ki mahafilon men ye geet baraha bajte sunaai de jaate hain.aur haan agar geet ke saath unake nam ki jagah 'Kumaar' dikhe to is atirikt 'a' ko dekhakar chaunkiyega nahin.apane filmi namakaran men unhonne isi spelling ka upayog kiya hai।

baharahaal apane dhoomadhadaka geeton ke vipareet 'kumar' ne is geet ke roomani mood ko dekhte hue badi pyari shabd rachna ki hai jo shreya ki aavaaz men aur nikhar uthati hai.to chaliye ab baaton ka kram band karte hain aur kho jaate hain is surile geet ke aagosh men..

hoon tora saajan, aayo tore desh

badali badara badala savan

badala jag ne bhes re

tora saajan, aayo tore desh..

soyi soyi palakon pe chal ke

meri sapanon ki khidaki pe aa gaya

aate jaate fir mere dil ke

in haathon men vo khat pakada gaya

pyar ka, lafzon men rang hai pyar ka

bahara bahara, hua dil pahali baar ve

bahara bahara, ki chain to hua farar ve

bahara bahara, hua dil pahali pahali baar ve

ho tora saajan...

vo kabhi dikhe zameen pe, kabhi vo chaand pe

ye nazar kahe use yahan main rakh loon

baandh ke ik saans men

dhadakanon ke paas men, haan paas men ghar banaaye

haay bhoole ye zahan

bahara bahara, hua dil pahali baar ve...

preet men tori o ri sanvariya

paayal jaise chhamake bijuriya

chham chham nache tan pe badariya hoon ho ho o ho

baadaliya too barase ghana

barase ghana, barase ghana

ye badaliyan, vo chhed de,to chhalke baarishen

vo de aahaten, kareeb se

to bole khavahishen ki aaj kal, zindagi har ek pal,

har ek pal se chahe, haay jiska dil hua

bahara bahara, hua dil pahali baar ve...

soyi soyi palakon pe chal ke....

bahara bahara.... ho tora saajan...

---

Click Here to read this post in Hindi devnagari script.

Click Here to post your reactions on this article. You can post your comment in English or Romanised Hindi/Urdu also .

---

Annual Music Countdown 2010 Song No. 15 : Subah ki kiranon ko rokein wo salakhein hain kahan..?

Azadi ek bada hi paratadaar sa shabd hai.alag alag paristhitiyon aur paridrishyon men isake ne mayane nikalte hi jaate hain.aaj se chhah dashakon pahle iska matalab angrejon ki gulami se nijat paane se liya jata raha.samay beetta raha par aam jan kabhi satta ke dalalon, dharm aur samaj ke thekedaron aur apane aas paas ke dabangon ki dasta jhelte rahe.

ye kahani hamare desh ki ho aisi baat bhi nahin hai.kal tak shaant aur arab deshon men apekshakrit khushahaal dikhne vala mishr aaj kisi tarah aatatayi ke shasan se mukt hone ke liye pankh fadafada raha hai, vo ham sab dekh hi rahe hain।.vyakti ki saamaanya pravriti apani paristhitiyon ke anuroop dhaalne ki hoti hai.par kuch aise log bhi hote hain jo nirankushata ko bardasht nahin karte.vo na keval usake khilaf aavaaz uthate hain varan aapane vichaaron se apane aas paas ke janasamooh ka man bhi udvelit kar dete hain.

vaarshik sangeetamala ke pandrahavin poyadaan par film udan ka geet aise hi logon ka geet hai jo apani zidagi ki lagaam kisi doosare ke haath men saunpane ke bajaaye, khaud lene ki aazadi chahate hain.geetakar amitabh bhattacharya geet ke mukhade men khoobasoorat bimbon ka istemaal karte hue jab kahate hain

pairon ki bediyan khvaabon ko baandhe nahin re
kabhi nahin re
mitti ki paraton ko nanhe se ankur bhi chire
dheere dheere

iraade hare bhare, jinake seenon men ghar kare
vo dil ki sune, kare
na dare,na dare

to man ki tandra ekadam se bhng hoti jaan padati hai..ek ne kal ke ahasaas ki ummeed jagne lagti hai.amitabh agli panktiyon men aazadi ke jazabe ke prati aur josh dilaate hue kahate hain

subah ki kiranon ko roke jo salakhen hain kahan

jo khayalon pe pahare dale vo aankhen hain kahan

par khulne ki deri hai parinde ud ke choomenge

aasamaan, aasamaan, aasamaan ...

aazadiyan, aazadiyan, maange na kabhi mile, mile, mile

aazadiyan, aazadiyan, jo chheene vahi ji le, ji le, ji le

aur jab gaayakon ka koras in shabdon ke saath ubharta hai to aap bhi apane ko unamen se ek paate hain.vaise kya aap maanenge ke itane behatareen kavyatmak geet ko likhne vala ye ladaka jab 11 saal pahle lakhanoo ki sarazamin chhodakar munbai pahuncha tha to iska khavab ek geetakar banane se zayada gayak banane ka tha.gayak ke roop men use kaam to nahin mila par geet likhne ke kuch prastaav jaroor mil ge.haalanki unake mitra amit trivedi ne bich bich men samooh geeton men unhen gane ke mauke diye.par sabse pahle unki aavaaz vek ap sid ke lokapriya nagme ikatara men logon ke dhyaan men aai.aapako yad hai na kavita seth ki aavaaz ke peechhe se ubharta ikatara ikatara... ka purush svar.aamir, dev di aur ab udan men bhi sangeetakaar amit trivedi ke saath is geet men apani aavaaz di hai amitabh ne .koras men unka saath diya hai Neuman pinto aur nikhil disouza ne।

sangeetakaar amit trivedi ki tarifon ke pul main pahle bhi baandhata raha hoon.mujhe badi khushi hui jab mainne suna ki unhen film udan ke liye sarvashreshth parshva sangeet rachane ke liye filmafeyar ke kritik avaard se sammaanit kiya gaya hai.is geet ke mukhade ke pahle ka gitar ho ya ho ya usake baad ki sitaar ki saptalahariyan, josh bharati panktiyon ke parshch se ubharati dramabits hon ya geet ke agale intaralyood men prayukt voyalin ki tan sab unake behatareen sangeet sanyojan ki gavahi dete hain.

amit maante hain ki aaj ek sangeetakaar ka kiradaar haal ke varshon se badal gaya hai.aaj sangeetakaar bhi skript ki tah tak jaate hain.unase ummeed ki jaati hai ki unak geet kahani ko aage badhane men madad karen na ki darshakon ko bich men aaropit se dikhen.udan ke geet sangeet ki rachna bhi isi tarah ki gai hai।

bas meri to yahi ichha hai ki amit amitabh ki is jodi ke kai aur behatareen geet aane vaale varshon men aap tak pahunchaane ka mauka mile

kahani khatm hai, ya shuruaat hone ko hai

subah nayi hai ye, ya fir rat hone ko hai

kahani khatm hai, ya shuruaat hone ko hai

subah nayi hai ye, ya fir rat hone ko hai

aane vala vakat dega panaahen, ya fir se milenge dorahe

mujhe to lagata hai ki is yugal jodi ki kahani shuru hui hai vaise aapako kya lagata hai?

aap ye geet yahan sun sakte hain।

---

Click Here to read this post in Hindi devnagari script.

Click Here to post your reactions on this article. You can post your comment in English or Romanised Hindi/Urdu also .

---

Annual Music Countdown 2010 Song No. 16 : Tum jo aaye zindagi mein bat ban gayi

Vaarshik sangeetamala ki solahavin poyadaan par is saal pahali baar tasharif la rahe hain janab rahat fateh ali khan saahab.rahat ne is saal ki geetamala par kitani gahari chhaap chhodi hai vo aap geetamala ke safar ke aakhair tak pahunchte pahunchte dekh hi lenge.film paap ke geet 'lagan lagi tumse man ki lagan' se munbaiya filmon men apane geeton ka safar shuru karne vaale rahat aaj apani bemisaal gaayiki ke zariye har sangeetakaar ki pahali pasand ban ge hain.par is pasand ki vajah kya hai?

darasal soofi gaayiki men maharat rakhne vaale rahat ne jab aapani aavaaz hindi filmon men deni shuru ki tabhi sangeetakaron ko samajh aa gaya tha ki is surili aavaaz ke taane baane men aise geet rache ja sakte hain jo tab tak maujaood gaayakon se nahin gavaaye ja sakte the.aaj har sangeetakaar gaayiki men unki aavaaz ke kamaal, lanbi pahunch, oonche suron ki jabaradast pakad ke hisab se geet taiyaar karta hai.rahat un geeton men apani or se bhi kuch naveenta late hain.alag alag tarah se gaaye ek hi geet ko sangeetakaron ko ve bhej dete hain aur sangeetakaar film ki sthitiyon ke hisab se unamen se ek ka chunaav kar lete hain.agar aapako saangitik samajh rakhne vala itana guni fanakar mil jaaye to fir aapako kya chaahiye।

solahavin poyadaan par film Once Upon a Time in Mumbai ke geet ko geetamala ke is mukaam tak pahunchaane men bhi rahat ki gaayiki ka bahut bada haath hai.saath hi sangeetakaar pritam ki bhi tarif karne hogi ki unhonne is geet men rahat ki aavaaz ke saath koras ka behatareen istemaal kiya hai.

paaya mainne paaya tumhen

rab ne milaya tumhen

honthon pe sajaya tumhen

nagme sa gaya tumhen

paaya mainne paaya tumhen

sab se chhupaaya tumhe

sapana banaya tumhen

neendon men bulaya tumhen

koras ki tej raftar aur karnapriya gaayiki bas aapaka mood ekadam se mast kar deti hai.vigyaan ke asafal vidyarthi se lekar hindi kavita men doctaret ki upadhi ka safar taya karne vaale irashad kamil jab geetakar honge to hi ishk men din ko sona aur rat ko chaandi men tabdeel hone ki soch to dekhne ko milegi hi। rahat ke liye likhe ge antaron men bhi unki panktiyan sidhe dil par asar karati hain.sahagayika ke roop men rahat ka saath diya hai tulsi kumar ne. par navodit gaayika ke roop men tulsi ne bhi rahat jaise manje kalakar ke saath gaate hue apana hissa bade karine se nibhaya hai.haan ye jaroor hai ki agar ye hissa shreya ghoshal ko diya gaya hota to mujhe is geet ko sunane men shayad jyada aanand aaya hota.

vaise aap men se bahuton ko shayad maaloom na ho ki tulsi, ti sirij ke malik svargeeya gulashan kumar ki suputri hain। apani gaayiki ka safar unhonne bhajan v bhakti geet se shuru kiya tha.dekhna hai ki hindi film sangeet men unka aage ka safar kaisa rahata hai.to aaiye geet ke bolon ke saath aanand len rahat ki adbhut gaayiki ka

tum jo aaye zindagi men baat ban gayi

ishk mazahab, ishk meri jat ban gayi

paaya mainne paaya tumhen...

tum jo aaye zindagi men baat ban gayi

sapane teri chaahaton ke

sapane teri chaahaton ke

sapane teri chaahaton ke dekhati hoon ab kai

din hai sona aur chaandi rat ban gayi

paaya mainne paaya tumhen...

chaahaton ka maza faasalon men nahin

aa chhupa loon tumhen hausalon men kahin

sabse oopar likha hai tere nam ko

khvahishon se jude silasilon men kahin

khvahishen milne ki tumse

khvahishen milne ki tumse roz hoti hai nayi

mere dil ki jeet meri baat ban gayi

ho tum jo aaye zindagi men baat ban gayi

paaya mainne paaya tumhen, rab ne milaya tumhen

zindagi bevafa hai ye mana magar

chhod kar raah men jaaoge tum agar

chheen laoonga main aasamaan se tumhe

soona hoga n ye do dilon ka nagar

raunake hain dil ke dar pe

raunake hain dil ke dar pe dhadakne hain suramai

meri kismat bhi tumhari saath ban gayi

ho tum jo aaye zindagi men baat ban gayi

ishk mazahab, ishk meri jat ban gayi

sapane teri chaahaton ke...ban gayi

paaya mainne paaya tumhen...

solahavi poyadaan ke saath is geetamala ka ek mahattvapoorn padaav samapt ho raha hai.bas itana kahana chahoonga ki isake oopar aane vaale pandrahon geet kisi na kisi drishti se vilakshan hai.mujhe yakeen hai ki in pandrah geeton men har ek ke saath ek shaam kya aapaka poora hafta gujar sakta hai to bane rahiye geetamala ke aane vaale in nageenon ke saath...

---

Click Here to read this post in Hindi devnagari script.

Click Here to post your reactions on this article. You can post your comment in English or Romanised Hindi/Urdu also .

---

Annual Music Countdown 2010 Song No. 17 : Rote Kaye Ko Hum..Hona Hai Jo Ho sad hote kaye ko hum..

Zindagi men pareshaniyan aur gam shayad hi kabhi hamara peechhe chhodate hain.bas ye jaroor hai ki alag alag logon ke liye inake aane ke bich ka antaraal kam jyada hota rahata hai.jo insan in antaralon ke bich aane vaale chhote chhote ullaas umng ke in paiketon ko bharapoor jeeta hai aur fir unase mili khushanuma yaadon ko sanjo kar rakhta hai vo hi aane vaale dukhon ki khuraak ko nigalne ki taakat juta paata hai.vaarshik sangeetamala ki satrahavin poyadaan ka ye halka fulka geet aapako aise hi avasad bhare lamahon se baahar nikaalne ki koshish karta hai.ye geet hai film 'jhootha hi sahi' ka jis men john abraham apani ek alag si chhavi lekar roopahle parde par aae the.ise likha hai abbaas toyaravala ne।

abbaas toyaravala bataur geetakar film 'jaane too ya jaane na ' ke geeton ki vajah se charcha men aae the.jaane too ya jaane na yuvaaon par kendrit film thi aur 'jhootha hi sahi' ke mukhya kiradaar bhi isi varg se aate hain.abbaas apane geeton ke zariye is varg ke dilon men apani paith banate rahe hain.unake geeton ki bhasha sahaj hoti hai jise samajhne ke liye aapako koi mashakkat nahin karni padati।

is geet men unka sirf ek sidha sa sandesh hai rone dhone se ham apane aap ko kamazaor karte hi hain aur saath hi saath usase hamare dukh bhi door nahin hote.udaasi yoon hi nahin bhaag sakti par agar ham khud use bhagne ka avasar nahin denge to vo kyoon kar aapke dil ki kholi khali karegi? abbaas toyaravala ke geet ka mukhada hingalish hote hue bhi man ko sukoon deta hua sa jata hai..

rote kaaye ko ham he rote kaaye ko ham

hona hai jo ho sad hote kaaye ko ham

cry cry itana cry karte ham kaay ko

itana darte  hain kaay ko,pal pal marte hain kaay ko

why why aisa why vaisa kyoon hota

yoon hota to kya hota, jo hota hai vo hota

fly fly baby fly dekhen aa ud ke, 

dekhen baadal se jud ke,dekhen fir na mud mud ke

rote kaaye ko ham he rote kaaye ko ham

hona hai jo ho sad hote kaaye ko ham

haan raton ko na sote kaaye ko ham

par antre men abbaas ki shabd rachna nirash karati hai aur ye behatar ho sakti thi.par rahman ka sangeet sanyojan aur rashid ali v shreya ki mulayam aavaaz is tarah ki hai ki aap kamazaor bolon ke baavajood geet ko saath saath anayas hi gunagunane lagate hain.mukhada tal vaadya ki parshva beets aur saath aati jhanakar se shuru hota hai. rahman gitar aur fir saiksofon ki madhur dhun ke intaralyoods se geet ki madhurta banaaye rakhte hain.rashid ali aur shreya ghoshal ne apani aavazon ke anuroop hi geet ko nibhaya hai.vaise rashid ali agar aapke liye naya nam hon to unase judi sangeetamala ki ye post padhein।

to apane vichaar tantuon ko deejie vishram aur geet ki sahajta se khaud ko kijie tanavamukt..

---

Click Here to read this post in Hindi devnagari script.

Click Here to post your reactions on this article. You can post your comment in English or Romanised Hindi/Urdu also .

---

Annual Music Countdown 2010 Song No. 18 : Pee loon , tere neele neele nainon se shabnam

Door se aata aalaap. gitar ki dhun men ghulta sa hua aur usamen se nikalti mohit chauhaan ki roomaniyat men doobi aavaaz ! vaarshik sangeetamala ki atharahavin poyadaan ke mukhade ko isi tarah paribhaashit kiya ja sakta hai. ab agar main ye kahoon ki is geet ko mujhe aapako sunana nahin balki is meethe se nagme ki chashni aapako pilani ho to kya aap is geet ko nahin pahachaan jaayenge? ji haan vaarshik sangeetamala 2010 ki 18 vin sidhi par baitha hai film Once Upon A Time In Mumbai ka geet. 19 vin poyadaan ki tarah hi is poyadaan par bhi sangeetakaar pritam aur geetakar irashad kamil ki jodi kaabiz hai.

irashad kamil aur pritam ne is geet men mil kar dikha diya hai ki jab arthapoorn bhavanatmak shabdon ko karnapriya dhunon ka sahaara mil jaaye to geet men char chaand lag jaate hain. geet ke mukhade men irashad kahate hain..

pi loon , tere neele neele nainon se shabnam

pi loon , tere geele geele hothon ki saragam

to man manachala ban hi jata hai ...geet ke ras ko aur peene ke liye

mukhade ke baad ke koras ka soofiyana andaaj bhi dil ko bhata hai.

tere sang ishk tari hai

tere sang ik khumari hai

tere sang chain bhi mujhako

tere sang bekarari hai

darasal ek premi ki maanasik avastha ko geet ki ye panktiyan bakhoobi ukerati hain.

pichhale saal diye apane ek sakshatkar men irashad kamil ne kaha tha ki aajakal ke tamaam geeton ke mukhade to dhyaan kheenchte hain par antaron men jaan nahin ho paane ke kaaran vo sunane vaalon ke dilon tak nahin pahunch paate. hona ye chaahiye ki jo bhavna ya vichaar mukhade ke zariye shrotaon tak pahuncha hai us bhaav ka vistar antre men dekhne ko mile.

irashad kamil ne is geet men bhi yahi karana chaha hai. irashad, premika ke aanligan ko ek bahati nadi ke sagar men mil jaane ke prakritik roopak men dhaalte hain vahin doosare antre men shrotaon ko prem ki parakashtha par le jaate hue kahate hain

pi loon teri dhimi dhimi laharon ki chhamachham

pi loon teri saundhi saundhi saanson ko haradam ...

pritam ke intaralyoods geet ke asar ko aur pragadh karne men safal rahe hain aur mohit ki aavaaz to ऍसे geeton ke saath hamesha se khoob fabati rahi hai. to aaiye aankhen band karen aur man ko geet ke saath bhatakne den. shayad bhatakte bhatakte aap apane un tak pahunch jaayen...

---

Click Here to read this post in Hindi devnagari script.

Click Here to post your reactions on this article. You can post your comment in English or Romanised Hindi/Urdu also .

---

Annual Music Countdown 2010 Song No. 19 : Sauda ummidon ka hai khvaabon ka neendon ka hai...

Sangeetamala ki agli sidhi par is saal pahali baar pravesh le rahe hain pritam ek ne nam anupam amod ke saath. 19 vin poyadaan ka ye geet hai film aakrosh se jisamen geetakar irashad kamil aapako sikha rahe hai ki kaisi ki jaaye dil ki saudebaaji ? vaise itana to pakka hai ki ye saudebaaji nam ki hai kyoonki ham sabhi jaante hain ek baar dil ka rog lag jaaye to use paane ke liye koi kya nahin nyochhavar kar deta. apani madhur dhun, behatareen bol aur achchhi gaayiki ki vajah se ye geet aajakal har jagah khoob bajta sunaai deta hai.

pritam ne is saal apane sangeet nirdeshan men kam hi filmen ki hain aur aakrosh unamen se ek hai. saudebaaji men pritam ka diya gaya sangeet sanyojan behad karnapriya aur dil ko rijhanevala hai. geet men koras ka bhi behatareen istemaal hua hai.yoon to is geet ko elabam men do alag alag gaayakon anupam amod aur javed ali ne gaya hai par mujhe anupam vala varjan jyada pasand aaya. shayad isaki vajah anupam amod ki aavaaz ka nayapan ho.

pahali baar mainne jab ye geet suna to laga ki gayak kahin roop kumar rathaud to nahin par meri ye dhaarna geet poora sunte hi badal gai. vaise anupam ekadam ne hon aisa bhi nahin hai. sach to ye hai ki vo munbai ke sangeet jagat se pichhale ek dashak se jude hain. varsh 2001 men vo MTV ki 'vidiyo ga ga pratiyogita' ko jeetne ki vajah se charcha men aae the. ustad munnavar ali khan se sangeet ki aaranbhik shiksha lene vaale anupam aksar sangeet karyakramon men desh aur videsh men shirakat karte rahe hain. gaayika elisha chenoy aur ila arun ka saangitik maargadarshan bhi anupam ko shuru se milta raha hai.

irashad kamil teji se arthapoorn geeton ko likhne vaale kuch khaas geetakaron men apani jagah banate ja rahe hain. jab vi met,lav aaj kal aur ajab prem ki gajab kahani men likhe unake geet beete saalon ki sangeetamalaon men apani jagah banate rahe hain. is geet men bhi unki shabd rachna kamaal ki hai. misaal ke taur par is antre ko hi len..

sauda udanon ka hai ya aasamaanon ka hai

le le udanen meri, le mere par bhi le

sauda ummidon ka hai khvaabon ka neendon ka hai

le le too neenden meri, nainon men bhar bhi le

dil ka ye sauda kitana ekatarafa hai isako kitani khoobi se vyakt kiya hai irashad ji ne. to chaliye lutf uthaya jaaye is pyare se nagme ka...

sidhe saade sara sauda sidha sidha hona ji

mainne tumako paana hai ya toone main..ko khona ji

aaja dil ki kare saudebazi kya narazi

are aa re aa re aa

sauda hai dil ka ye too kar bhi le

mera zahan baahon men too bhar bhi le

saude men de kasam, kasam bhi le

aake too nigahon men sanvar bhi le

sauda udanon ka hai ya aasamaanon ka hai

le le udanen meri le mere par bhi le

sauda ummidon ka hai khvaabon ka neendon ka hai

le le too neenden meri nainon men bhar bhi le

sidhe saade..

dil kahe tere main honthon se baaton ko chupke se loon utha

us jagah dheere se haule se geeton ko apane main doon bitha

sauda kararon ka hai dil ke fasanon ka hai

le le tarane mere honthon pe dhar bhi le

sauda ujaalon ka hai roshan khyalon ka hai

le le ujaale mere aaja nazar bhi le

sidhe saade..

main kabhi bhooloonga na tujhe chahe too mujhako dena bhula

aadaton jaisi hai too meri aadaten kaise bhooloon bhala

sauda ye vaadon ka hai yaadon iraadon ka hai

le le too vaade, chahe too to mukar bhi le

sauda isharon ka hai, chahat ke maaron ka hai

le le ishare mere, inka asar bhi le

sidhe saade..

vaise javed ali vala varsan sunana chaahen to vo ye raha...

---

Click Here to read this post in Hindi devnagari script.

Click Here to post your reactions on this article. You can post your comment in English or Romanised Hindi/Urdu also .

---

Annual Music Countdown 2010 Song No. 20 : Noor E Khuda...

Vaarshik sangeetamala 2010 men bache hain ab bees aur nagme aur beesavin poyadaan par hai soofiyat ki rang men rnga vo geet jisase khauda ka noor tapak raha hai. hindi film sangeet men dakshin bharat ke sangeetakaar to rah rah kar apani upasthiti darz karate rahe hain par dakshin bharateeya geetakaron ki upasthiti na ke barabar hi rahi hai. isaliye jab mainne is soofi geet ke geetakar ke roop men ek tamil ka nam dekha to man aashcharya mishrit harsh se bhar utha. jis tarah 21 vin poyadaan par aap mile the ek ne sangeetakaar aar anadh se usi tarah beesavin poyadaan par svaagat kijie is ne geetakar 'niranjan ayngar' ka.

geetakar ki haisiyat se niranjan ka munbai ki filmi duniya men safar jayadeep saahani se milta julta raha hai. geetakar se jyada aaj bhi ve sanvaad lekhak ke roop men jaane jaate hain. karan zaauhar ki filmon 'kabhi alavida na kahana' aur 'kal ho na ho' ke sanvaad lekhan se jude rahane ki vajah se unhen film ke liye kiye jaane vaale sangeet satron ka hissa banana pada. in sangeet satron ke dauraan niranjan ki upasthiti ka faayda unake mauke par likhe ge kachche geeton (jise bolivud ki chaalu jabaan men dami liriks kaha jata hai) se liya jata raha. antatah to in filmon men geeton ko pakka karne ka kaam javed saahab ko hi diya gaya.

par jab maai nem ij khan (My Name is Khan) men yahi prakriya doharaai gai to niranjan ke likhe ye kachche geet karan jauhar ko itane achchhe lage ki ve bina kisi jyada badalav ke film ka hissa ban ge.

lagabhag aisa hi vaakaya film kurbaan ki sangeet rachna ke samay bhi hua aur ye sanvaad lekhak ek geetakar bhi ban gaya. par apana pahla geet unhonne maai nem ij khan ke liye hi likha. vo geet to is geetamala ke pratham das geeton ke saath bajega aur us geet ki charcha ke samay niranjan ke baare men kuch aur baaten aapasi baanti jaayengi.

aaj is poyadaan par usi film ka ek doosara geet hai 'noor e khauda...'. jise gaya hai shankar mahadevan,adanan sami aur shreya ghoshal ki tikadi ne. niranjan jab is duniya ke lachar aur bebas logon ki taraf se bhagavaan se fariyad karte hain to baat sidhe dil par lagti hai.

ujade se lamahon ko aas teri, zakhmi dilon ko hai pyas teri

har dhadakan ko talash teri, tera milta nahin hai pata

khali aankhen khud se saval karen, aman ki cheekh behaal karen,

bahata lahu fariyad karen, tera mitata chala hai nishan,

shankar mahadevan ki gaayiki ki bulandiyan se to sabhi sangeet premi bhali bhanti parichit hain hi par adanan aur shreya ne bhi apana hissa theek thaak hi nibhaya hai. par mujhe is geet ka sabse majaboot pahalu lagata hai geet ke antaron ke bich aata noor e khauda ka koras jise doharakar aap apane aap ko ooparavaale se kuch aur kareeb paate hain. poore geet men shankar ahasaan loy ka sangeet lafajon ke peechhe hi rahata hai taki unase nikalti bhavanaayen ki vajah se sangeet se shrotaon tak pahunchne ke pahle bhatak na jaayen.

to aaiye is geet ke madhyam se yad karen us khauda ko jo paas rahakar bhi jeevan ke kathin kshanon men door jata sa prateet ho raha hai...

noor e khauda noor e khauda ...

ajanabi mod hai,khauf har aur hai

har nazar pe dhuaan chha gaya

pal bhar men jaane kya kho gaya ?

aasamaan zard hai, aahen bhi sard hai,

tan se saya juda ho gaya

pal bhar men jaane kya kho gaya ?

saans ruk si gayi, jism chhil sa gaya

toote khvaabon ke manzar pe tera zahan chal diya

noor e khauda noor e khauda ...

too kahan chhupa hai hamen ye bata

noor e khauda noor e khauda ...

yoon na hamse nazaren fira.

noor e khauda ...

nazar-e-karam farama hi de, deenon-dharam ko jaga hi de

jalti hui tanhaiyan, roothi hui parachhaiyan

kaisi udi ye hava, chhaya ye kaisa samaan

ruh jam si gai, vakat tham sa gaya

toote khvaabon ke manzar ...noor e khauda noor e khauda ...

ujade se lamahon ko aas teri, zakhmi dilon ko hai pyas teri

har dhadakan ko talash teri, tera milta nahin hai pata

khali aankhen khud se saval karen, aman ki cheekh behaal karen,

bahata lahu fariyad karen, tera mitata chala hai nishan,

ruh jam si gai,vakat tham sa gaya

toote khvaabon ke manzar ...noor e khauda noor e khauda ...

---

Click Here to read this post in Hindi devnagari script.

Click Here to post your reactions on this article. You can post your comment in English or Romanised Hindi/Urdu also .

---

Annual Music Countdown 2010 Song No. 21 : Man Lafanga Bada Apne Man Ki Kare...

Vaarshik sangeetamala ki 21 st position par ek aisa geet hai jisake sangeetakaar pahali baar 'ek shaam mere nam' ki kisi sangeetamala men dakhil ho rahe hain. dakhil hote bhi kaise? isake pahle unhonne 1997 men ek hindi film 'jor' ka sangeet nirdeshan kiya tha. hindi film sangeet se inka vanvas, bhagavaan ram ke vanvas se ek saal kam yaani terah saalon ka raha. par in varshon men ye bilkul sangeet se door rahe hon aisa bhi nahin hai. in terah saalon men ye kai vigyapanon geeton ke liye sangeet rachte rahe. bachapan se hi vina bajaane men ruchi rakhne vaale aur injiniyaring men padhte vakat gitar bajaane men maharat haasil karne vaale ye sangeetakaar hain aar anadh.

pradeep sarkaar, jo khud vigyapan jagat se jude rahe hain ne film lafnge parinde ke liye anadh ko sangeetakaar chuna. chennai se taalluk rakhne vaale aar anadh, rahman ke sahapaathi rah chuke hain. film to sameekshakon dvara jyada sarahi nahin gai par apane sangeet ke liye jaroor ye charcha men rahi. is sangeetamala men is film ke do geet shamil hain. 21 vin sidhi ke geet ko apane shabd diye hain swanand kirakire ne aur aavaaz hai mohit chauhaan ki.

swanand kirakire ne is geet men ek aam insan ke man ki fitarat ko vyakat karne ki koshish ki hai. hamara man kab chanchal ho uthata hai aur kab udvign, kab udas ho jaaye aur kab bechain ....kya ye hamare bas men hai? khaaskar tab jab ye kisi ke prem men girafatar ho jaaye. sach, man to apani marji ka malik hai aur isaki isi lafngai ko swanand ne bade khoobasoorat andaaj men ubhara hai geet ke mukhade aur do antaron men. jab swanand likhte hain ki

dhimi si aanch men ishk sa pakta rahe

ho teri hi baaton se pighalta hai

chaay men chini jaise ghulta hai

to man sach poochhiye geet men aur ghulne lagata hai.

sangeetakaar aar anadh ne geet ke intaralyood men gitar ki madhur dhun rachi hai vaise poore geet men hi gitar ka prayog jagah - jagah hua hai. mohit ki aavaaz aise roomani geeton ke liye ekadam upayukt hai. vo geet ke bolon se man ko udas bhi karte hain aur fir gunagunane par bhi majaboor karte hain. haan ye jaroor hai ki ye geet dheere dheere aapke man men ghar banata hai. to aaiye sunen lafnge parinde film ka ye geet

man lafnga bada, apane man ki kare

ho yoon to mera hi hai, mujhase bhi na dare

ho bheege bheege khyalon men dooba rahe

main sanbhal ja kahoon, fisalta rahe

ishk manhaga pade, fir bhi sauda kare

man lafnga bada, apane man ki kare

jaane kyoon udaasi isako pyari lage, chahe kyoon nai si koi beemari lage

bechaini raton ki neendon men aankhen jage, lamha har lamha kyoon bojh sa bhari lage

o bhnvara sa ban kar machalta hai

bas tere peechhe peechhe chalta hai

junoon sa lahu men ubalta hai

luchcha bebaat hi uchhalta hai

ho bheege bheege khyalon ..apane man ki kare

ho ambar ke paar ye jaane kya takta rahe, baadal ke gaanv men baki bhatakta rahe

teri hi khushabu men ye to mahakta rahe.......

dhimi si aanch men ishk sa pakta rahe

ho teri hi baaton se pighalta hai,chaay men chini jaise ghulta hai

deevana aisa kahan milta hai, pyar main yaro sab chalta hai

ho bheege bheege khyalon ..apane man ki kare

---

Click Here to read this post in Hindi devnagari script.

Click Here to post your reactions on this article. You can post your comment in English or Romanised Hindi/Urdu also .

---