Annual Music Countdown 2010 Song No. 3: Sajda tera sajda din rain karoon .na hi chain karoon..

Vaarshik sangeetamala ka sarataj bigul bajane men ab sirf do poyadanon ki doori hai. yaani aaj hai teesari poyadaan ki baari. geetamala ki is sidhi par jo geet hai usaki khaas baat ye hai ki ye geetakar ka racha pahla geet hai. geetakar vahi jo noor e khauda ke saath aapase beesavin poyadaan par mukhatib hue the. ji haan film My Name Is Khan ka likha geet sajada niranjan ayngar ka bataur geetakar racha pahla geet hai.

niranjan ke kachche geeton se pakke geetakar banane ka vaakaya main aapase pahle hi baant chuka hoon. sangeetakaar shankar ahasaan loe ne film ki patakatha ke hisab se ek aise geet ki darakar thi jisamen prem ke saath soofiyat ka rang bhi ho aur jisaki shuruaat sajada jaise shabd se ho. niranjan ko isi aadhar par ek kachche geet ko likhne ka kaam saunpa gaya. niranjan ne jo geet racha use jab karan zaauhar ghar le ke ge to geet ke bol sun kar unki maan ne poochha kya ise javed saahab ne likha hai? baad men karan aur shankar ekamat hue ki jo geet niranjan ne likha hai vo hi film men jaayega.

par kya aapke man men ye prashn nahin aa raha ki ek tamil hote hue bhi niranjan ayngar ne apane pahle kuch geeton men hi soofiyat ka itana pyara rang kaise dal diya? darasal niranjan ko soofi aur urdu kaviyon ki rachanaayen shuru se bhati rahi hain aur ve bulle shah, gulam farid, zigar muradabaadi aur ahamad faraaz jaise shayaron ko nirantar padhte rahe hain.

sajada ek aisa geet hai jiska sangeet sanyojan aur gaayiki avval darje ki hai. geet shuru hota hai ॠचा sharma ke gahare svar men. richa prem men apane rom rom doob jaane ki baat khatm karati hi hain ki rahat apani ruhani aavaaz men sajada shabd ko is tarah uthate hain ki dil vaah vaah kar uthata hai. par jab in gaayakon ke surile svar ke baad koras ubharta hai ye geet ek alag hi dharatal par pahunch jata hai aur kya aam kya khaas sabhi sangeetapremi ise gunagunane nazar aate hain.

shankar ahasaan loe ne intaralyoods men sinthesaaijar aur table ke sanyojan se jo dhun nikali hai vo sahaj hi aapaka dhya

n kheenchti hai. shankar is geet ke baare men kahate hain ki ek sahaj geet ko sangeetabaddh karana mushkil hota hai. khaaskar tab jab vo dil ko chhoote vo ek sahi aur pyari si baat bhi kahata chale. par is mushkil kaam ko nibhane men shankar ahasaan loe ki jodi safal rahi hai.

aaiye sunen ye nagma jo prem ki baat ko ek aadhyatmik rang deta hua chala jata hai...

rom rom tera nam pukare

ek hue din rain hamare

ham se ham hi chhin ge hain

jab se dekhe nain tihaare

sajada ….

teri kali ankhiyon se zaind meri jaage

dhadakan se tej daudoon, sapanon se aage

ab jaan lut jaaye, ye zahan chhoot jaaye

sang pyar rahe, main rahoon na rahoon

sajada tera sajada, din rain karoon .na hi chain karoon

sajada tera sajada, lakh baar karoon meri jaan karoon

ab jaan ....sajada tera sajada....

ranjhana.. naino ke teer chal ge..

saajana.. saanson se dil sil ge…

palakon men chhupa loon, tera sajada karoon

seene men sama loon, din rain karoon

palakon men chhupa loon, seene men sama loon

tere ang ang rang mera bole

ab jaan ....sajada tera sajada....

beliya…kya hua jo dil kho gaya

maahiya.. ishk men khauda mil gaya

jara ankh se pila de..tera sajada karoon

jara khavab saja de..o din rain karoon

ab jaan ....sajada tera sajada....

teri kali ... na rahoon

sajada tera sajada.....

vaise is geet ke dauraan shaharukh aur kajol ki shadi ko filmaya jana tha. shooting sthal tha colej aaf faain aartas kailifornia. par shadi ke liye sajavat ke liye rang birange kapade se pandal sajana tha. par shooting ke dauraan hava itani tej ho gai ki shadi ko ek bade ped ke neeche shoot karana pada.

---

Click Here to read this post in Hindi devnagari script.

Click Here to post your reactions on this article. You can post your comment in English or Romanised Hindi/Urdu also .

---

Annual Music Countdown 2010 Song No. 20 : Noor E Khuda...

Vaarshik sangeetamala 2010 men bache hain ab bees aur nagme aur beesavin poyadaan par hai soofiyat ki rang men rnga vo geet jisase khauda ka noor tapak raha hai. hindi film sangeet men dakshin bharat ke sangeetakaar to rah rah kar apani upasthiti darz karate rahe hain par dakshin bharateeya geetakaron ki upasthiti na ke barabar hi rahi hai. isaliye jab mainne is soofi geet ke geetakar ke roop men ek tamil ka nam dekha to man aashcharya mishrit harsh se bhar utha. jis tarah 21 vin poyadaan par aap mile the ek ne sangeetakaar aar anadh se usi tarah beesavin poyadaan par svaagat kijie is ne geetakar 'niranjan ayngar' ka.

geetakar ki haisiyat se niranjan ka munbai ki filmi duniya men safar jayadeep saahani se milta julta raha hai. geetakar se jyada aaj bhi ve sanvaad lekhak ke roop men jaane jaate hain. karan zaauhar ki filmon 'kabhi alavida na kahana' aur 'kal ho na ho' ke sanvaad lekhan se jude rahane ki vajah se unhen film ke liye kiye jaane vaale sangeet satron ka hissa banana pada. in sangeet satron ke dauraan niranjan ki upasthiti ka faayda unake mauke par likhe ge kachche geeton (jise bolivud ki chaalu jabaan men dami liriks kaha jata hai) se liya jata raha. antatah to in filmon men geeton ko pakka karne ka kaam javed saahab ko hi diya gaya.

par jab maai nem ij khan (My Name is Khan) men yahi prakriya doharaai gai to niranjan ke likhe ye kachche geet karan jauhar ko itane achchhe lage ki ve bina kisi jyada badalav ke film ka hissa ban ge.

lagabhag aisa hi vaakaya film kurbaan ki sangeet rachna ke samay bhi hua aur ye sanvaad lekhak ek geetakar bhi ban gaya. par apana pahla geet unhonne maai nem ij khan ke liye hi likha. vo geet to is geetamala ke pratham das geeton ke saath bajega aur us geet ki charcha ke samay niranjan ke baare men kuch aur baaten aapasi baanti jaayengi.

aaj is poyadaan par usi film ka ek doosara geet hai 'noor e khauda...'. jise gaya hai shankar mahadevan,adanan sami aur shreya ghoshal ki tikadi ne. niranjan jab is duniya ke lachar aur bebas logon ki taraf se bhagavaan se fariyad karte hain to baat sidhe dil par lagti hai.

ujade se lamahon ko aas teri, zakhmi dilon ko hai pyas teri

har dhadakan ko talash teri, tera milta nahin hai pata

khali aankhen khud se saval karen, aman ki cheekh behaal karen,

bahata lahu fariyad karen, tera mitata chala hai nishan,

shankar mahadevan ki gaayiki ki bulandiyan se to sabhi sangeet premi bhali bhanti parichit hain hi par adanan aur shreya ne bhi apana hissa theek thaak hi nibhaya hai. par mujhe is geet ka sabse majaboot pahalu lagata hai geet ke antaron ke bich aata noor e khauda ka koras jise doharakar aap apane aap ko ooparavaale se kuch aur kareeb paate hain. poore geet men shankar ahasaan loy ka sangeet lafajon ke peechhe hi rahata hai taki unase nikalti bhavanaayen ki vajah se sangeet se shrotaon tak pahunchne ke pahle bhatak na jaayen.

to aaiye is geet ke madhyam se yad karen us khauda ko jo paas rahakar bhi jeevan ke kathin kshanon men door jata sa prateet ho raha hai...

noor e khauda noor e khauda ...

ajanabi mod hai,khauf har aur hai

har nazar pe dhuaan chha gaya

pal bhar men jaane kya kho gaya ?

aasamaan zard hai, aahen bhi sard hai,

tan se saya juda ho gaya

pal bhar men jaane kya kho gaya ?

saans ruk si gayi, jism chhil sa gaya

toote khvaabon ke manzar pe tera zahan chal diya

noor e khauda noor e khauda ...

too kahan chhupa hai hamen ye bata

noor e khauda noor e khauda ...

yoon na hamse nazaren fira.

noor e khauda ...

nazar-e-karam farama hi de, deenon-dharam ko jaga hi de

jalti hui tanhaiyan, roothi hui parachhaiyan

kaisi udi ye hava, chhaya ye kaisa samaan

ruh jam si gai, vakat tham sa gaya

toote khvaabon ke manzar ...noor e khauda noor e khauda ...

ujade se lamahon ko aas teri, zakhmi dilon ko hai pyas teri

har dhadakan ko talash teri, tera milta nahin hai pata

khali aankhen khud se saval karen, aman ki cheekh behaal karen,

bahata lahu fariyad karen, tera mitata chala hai nishan,

ruh jam si gai,vakat tham sa gaya

toote khvaabon ke manzar ...noor e khauda noor e khauda ...

---

Click Here to read this post in Hindi devnagari script.

Click Here to post your reactions on this article. You can post your comment in English or Romanised Hindi/Urdu also .

---

Annual Musical Countdown 2009 - Song No. 9- Bade Se Shahar Mein, Chotr Chote Ghar Mein...13B

Geetamala ki navin sidhi par svaagat karen is pyare se geet ka jisamen melody hai, sukoon dene vala sangeet hai, dil chhoone vala mukhada hai aur saath hi hai ek ne gayak ka svar. mujhe yakin hai ki is geet ko aap men se jyadatar ne nahin suna hoga. jaisa ki mainne pichhali post men ishara kiya tha ki daravni filmon ke sangeet par hamara dhyaan saamaanyatah kam hi jata hai.

is saal ek aisi hi film aai thi 13B. film ka sangeet diya tha shankar ehasaan loy ne aur unake is geet ne pahali baar sunane men hi mera dil jeet liya tha.

Geetakar neelesh mishra jo hindustan taims men patrakar, ek ghumakkad aur ek aniyamit blogar bhi hain ne is geet ke liye jo mukhada racha hai usaki kavyatmakta aur dhanatmak urja mood bana deti hai ya yoon kahen ki ise sunkar aap khud b khud achchha mahasoos karne lagate hain.

aankhon se bachakar, lo rakho chhupakar,
pyar ko kabhi kisi ki nazar na lage
chaand ko churakar, mathe pe sajakar
haule chalna rat ko khabar na lage
sitare dhoondh laaye hain andheron pe sajaaye hain
jaise deevali ki ho rat zindagi....

par is geet ke navin position par hone ki ek vajah mere liye niji hai. darasal neeche ke antra mujhe un lamahon se jodta hai jo mainne bihar ke chhote chhote shaharon gaya, saasaram aur aara men rahane ke baad patna aakar Officer's Hostel men bitaaye. do kamaron ke us chhote se ghar men bitaaye jindagi ke vo 16 saal jisamen mujhe jindagi ki khushiyan bhi milin aur kuch gam bhi jo shayad jeevan paryant mere saath rahen.

us chhote se ghar men rahate hue mere pahle yad rahane vaale dost banen, pahali baar dil fisla, jahan ki bolakoni se mainne kitani raton ko ghanton chaand sitaaron se maun vaartalaap kiya. vo pyari deepavali, skool se rusava hona, bhookanp ki bhagadad aur yahan tak ki injiniyaring ki pariksha men safal hone ki ghoshana karta vo akhabaar usi ghar men to aaya tha. is liye jab bhi ghar men ye geet bajta hai main in panktiyon ko bade man se gata hoon

bade se shahar men chhote chhote ghar men
itani hi khushiyan vo unako rakhne ka haq
pyar muskurahat sapanon ki aahat
jo bhi maanga mil gaya

aage ka antra film ki paristhitiyon se juda hai
aaj kal ik nanhe
mehamaan se baate karo khvaabon men
donon kahaniyan banate jhoothi sachchi hai batate
mainne kal, usase kaha
yar ab aa bhi jaao ghar kabhi
bheegne se na tum darana
khushiyon ki hai barasaaten

sitare dhoondh laaye hain andheron pe sajaaye hain
jaise deevali ki ho raat zindagi....
bade se shahar men chhote chhote ghar men
itani hi khushiyan vo unako rakhne ka haq
pyar muskurahat sapanon ki aahat
jo bhi maanga mil gaya

Geet to aapane sun liya aur mere udgar bhi padh liye ab ye bataiye ki ye geet gaya kisane hain. chaliye main hi bata deta hoon is geet ke gayak hain kartik. chitra men baanyi taraf hai geetakar neelesh aur daanyi or kartik.

Srinivaas, vijay prakash, rashid ali, chinmaya, naresh ayyar ki tarah kartik bhi rahman bhakt hain aur in gaayakon ki tarah hi hindi film sangeet men pravesh karne ka mauka kartik ko rahman ne hi diya. skool men hi karnaatak sangeet seekhne vaale kartik ne colej men apane baind ke liye gaate rahe. rahman ke sanpark men gayak shrinivaas ki madad se aae. saathiya, yuva, gajani aur yuvaraj ke kuch geet ve ga chuke hain. pichhale saal unka film gajani ke liye gaya geet bahaka main bahaka.... kafi lokapriya hua tha.

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Annual Musical Countdown 2009 - Song No. 12- Sapnon se bhare naina..na neend hai na chaina

12vin position ka geet ek aisa geet hai jo ki rag bhairavi par aadhaarit hai. is geet ko likha javed akhtar saahab ne, isaki dhun banaai sangeetakaar tikadi shankar ehasaan loy ne aur ise apani aavaaz se sanvara shankar mahadevan ne. film ka nam to aap pahachaan hi ge honge. ji haan ye film thi joya akhtar dvara nirdeshit 'lak baai chaans'. isi film ka shekhar ki aavaaz men gaya geet sangeetamala ki 22 vin position par pahle hi baj chuka hai.

vaise nirdeshika zoya akhtar ka kahana tha ki gar unka bas chalta to is film ke saare geet shankar mahadevan se hi gava leti. vahin gayak shankar mahadevan kahate hain ki kuch geet aise hote hain jinhen man men baithane men vakat lagata hai. pashchimi vaadya yantron drams, bes ke baikagraund aur rag bhairavi men thumari stail gaayiki ke smamishran se bana geet isi shreni men aata hai. is geet ke jin hisson men shastriyata ka put adhik hai vo man ko gahara sukoon dete hain. javed saahab ne aise roopako ka istemaal kiya jo geet ki shastriyata se mel khaaye.



film udyog men jab bhi koi kalakar kadam rakhta hai to sabse pahle use kaam paane ke liye vibhinn stoodio men aadishan dena padta hai. pahali baar kaimare ke saamane ki ghabarahat, thukaraaye jaane ke dar se lekar safal hone ki aasha in sabhi mishrit bhavanaaon se har abhineta ko gujarana padta hai.

par javed akhtar safal hone ki is sarvavyapi chaah aur use paane ke liye apane sabhi moolyon ko daanv par lagane ki pravriti par chot karte hue behad vazib parantu kathin prashn karte hain. javed saahab ham sab ke samaane ye saval karte hain ki

sirf apana lakshya poora karne se sukh ki anubhooti to aati hai par kya dil men chain aa jata hai?

sukh hamare se baahar hain ya isaki talash dil ke andar karni chaahiye ?

hamane apane jeevan men sukh ke maapadand bana rakhe hain vo kya man ko sukoon dene vaale hote hain?


to aaiye sunen is geet men shankar mahadevan ki lajavab gaayiki ko..

bagiya-bagiya baalak bhaage,titali fir bhi haath na laage!
is pagale ko kaun bataye,
dhoondh raha hai jo too jag main,koi jo paaye to man men hi paaye!
sapanon se bhare naina, to nind hai n chaina!

aisi dagar koi agar jo apanaaye,
har raah ke vo ant pe rasta hi paaye!
dhoop ka rasta jo pair jalae,
mod to aae chhaanv na aae,
rahi jo chalta hai chalta hi jaaye,
koi nahi hai jo kahin use samajhaaye!

sapanon se bhare naina,
to nind hai na chaina!
naina re naina re......

door hi se sagar jise har koi maane,
pani hai vo ya ret hai ye kaun jaane,
jaise ke din se rain alag hai,
sukh hai alag aur chain alag hai,
par jo ye dekhe vo nain alag hai,
chain to hai apana sukh hain paraaye!

sapanon se bhare naina,
to nind hai n chaina.....


par na to aadami safal hone ki ichha chhod sakta hai na ise paane ke liye hone vali jaddozahad se door rah sakta hai. safal hone ki chaah hi to shayad jindagi ka tonic hai jo hamen visham paristhiyon men bhi joojhne ke liye prerit karta rahata hai. is geet ki shooting ke dauraan apani kismat aazmaane aae ek kalakar dvara kaha gaya ye sher sab kuch kah jata hai...

ki dil me chubh jaayenge jab apani jubaan kholenge
ham bhi shahar men kaanton ki dukan kholenge
aur shor karte rahe galiyon men hajaron sooraj
dhoop nikalegi to ham bhi apana makan kholenge

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Annual Musical Countdown 2009 - Song No. 14- Khwab Na Sage,Zindagi Thage..

Vaarshik sangeetamala 2009 men aaj baari hai 14 vin position par ke geet ki. ye ek aisa geet hai jo hafte dar hafte mere man men ghar banata ja raha hai aur meri aaranbhik soch se chhah poyadanon ki chhalaang laga kar ye aa pahuncha hai is position par. pahali baar jab ise suna tha to laga tha ki ek baind ko pramot karne ki paristhiti ke anuroop hi is geet ka mukhade aur saath ka dhoom dhadaka racha gaya hai. par fir bhi kuch baat thi is nagme men ki mainne ise baad men sunane ke liye sahej kar rakh liya.



Darasal paashchaatya sangeet aayojan ke aavaran men aam sa lagne vala geet khaas tab ho jata hai jab geet ke pahle 75 second beet chuke hote hain. usake baad aa zamane aa.. ke saath geet ki laya yoon badalti hai ki man jhoom uthata hai aur gayak ke saath sur men sur milane ko udyat ho jata hai.

Prasoon joshi ne yahan ek baar fir apani kalam ki jaadagoori ka behatareen namoona pesh kiya hai. vaise to geet ki paristhiti videshi zameen par apane mukaam ki talash kar rahe baind ke jazabe ko dikhane ki hai par prasoon ne geet ke madhyam se visthapit jindagiyon men rang bharne ki safal koshish ki hai. . prasoon ke is saal ke likhe geeton men ye geet mujhe bolon ke hisab se sabse behatareen laga. prasoon apane is geet ke baare men kahate hain

Khanabadosh jipsy ko kahate hain, banjare ko kahate hain, jiska bana banaya thikana nahin hai vo ham jaisa nahin hai jo jahan chal pada vahi ghar hai jahan bistra beechha liya vahin usaka bed room hai. ye sirf salman aur ajay ka gana nahin hai ye un sab logon ka geet hai jo pravasi hain jo videshon men ya desh ke alag alag shaharon men jaakar kuch karne ki koshish kar rahe hain. unki soch hai ki ham to apani jadon se kat kar nikal chuke hain aur ab to saari duniya hi hamara ghar hai. ye geet sirf apravasi bharatiyon ki nahin balki un sabhi logon ki baat karta hai jo apana apana gaanv apana kasba chhodakar desh ke vibhinn shaharon men ja base hain. vo sab log jo kafile men hain, jo ek safar men hain, jinake andar ek junoon hai, ek talash hai jinake paas, jinki aankhon men ek ne kal ka sapana hai ye un sab ka gana hai.

Shankar ahasaan loy ke sangeet se saja ye nagma vestarn beets aur chutaki ke adbhut mishran se shuru hota hai. sangeetakaar jodi chahati to ye geet khud shankar mahadevan se gava sakti thi. par ye inka badappan hai ki is geet ko gane ke liye navodit gayak mohan ko chuna gaya. to chalen landan drims film ke is geet men gayak mohan ki gaayiki ka lutf uthane...

khanabadosh khanabadosh
firte hain ham khvaabon ke sang liye
landan dreams

hai hothon pe seeti, pairon men safar hai
hai door manjil, saath bas hunar hai
gunagunaayenge ham, chalte jaayenge ham
jab tak dekhe na, sune na
samajhe na , maane na, ye sara zahan

aa zamane aa, aa zamane aa,
aajamaane aa, aajamaane aa,
peshevar hava, peshevar hava,
mushkilen saja, ho o o ho
khavab na sage, khavab na sage,
zaindagi thage,zaindagi thage,

fir bhi jaane kyoon, fir bhi jaane kyoon,
ummeed jage ho o o ho
khanabadosh khanabadosh
firte hain ham khvaabon ke sang liye
landan dreams

ham to nadi tal ke,laharen uchhaal ke
rahate vahin jahan, bahate hain ham
dil ki surahi, sondhi sondhi gaharaai
jahan chhalke hain geet, jinhen kahate hain ham
aa zamane aa, aa zamane aa,
aajamaane aa.... ummeed jage

aasamaan se chhanti hai, aandhiyon se banti hai
thokaron men hain, apane to mastiyan
sagaron ke yar hain, jhoomne se pyar hai
dolte rahenge hain aavara kashtiyan
khanabadosh khanabadosh...

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Annual Musical Countdown 2009 : Song no. 19 : Man Ko Ati bhave ...Prasoon ka likha ye geet

To ho jaiye thirakne ko taiyar kyoonki a raha hai vaarshik sangeetamala ki 19 vin poyadaan par ek aisa geet jo na keval aapako jhoomne par vivash karega balki sath hi hindi ke us roop ki bhi aapako yad dila de jaaega jise aaj ke hinglish mahaul men lagabhag aap bhool chuke hain.

London Dreams ke is romaantic geet men parasthiti ye hai ki nayak masti men bhavavihril ho uthe hain aur apne prem ke is junoon ko shabdon men vyakt karana chahate hain. jab film ke nirdeshak geetakar prasoon joshi ke pas is paristhiti ko le kar ge to prasoon ko geet ke swaroop ko dhaalne men teen char dinon ka vakat laga. prasoon ko laga ki hindi ke aalava brij bhasha ke lahaze ko bhi geet men aatmasat kiya jaaye. zahir si baat hai ki prasoon yah dikhana chahate the ki jab bhi ham bhavatirek men hote hain to kuch vaise shabdon ka istemaal jaroor karte hain jo ki hamari aanchalik bhasha se jude hon.

Par aanchalik shabdon ka sahara prasoon ne mukhyatah mukhade men liya hai. geet ke pahle antre se hi vo vishuddh hindi shabdon ka prayog karte hain. darasal ye geet is baat ko samane lata hai ki aaj ke hindi geetakaron ne kis tarah apne aap ko unhin rate rataye chand jumalon men sankuchit kar liya hai. aaj ki khichadi bhashaai sanskriti se judate yuva varg ke lie prasoon ka ye prayog vakai kabil-e-tarif hai. yuva varg men is geet ki lokapriyata is baat ko saabit karti hai ki agar salike se tatsam shabdon ka prayog kiya jaaye to uska bhi ek alag aanand hota hai. apne is geet ke bare men banaaye ge video men prasoon kahate hain...

Iss geet ko rachte samay mere man men Salman Khan ka vo roop aaya jise main pasand karta hoon. geet ki bhavanaaon men prem ka junoon unhin ko dhyaan men rakh kar aaya hai. is geet men hindi ke aise shabdon ka hujaoom hai jo ki aapako aanandit kar dega. mainne koshish ki hai ki is geet men vaise shabdon ka prayog karoon jo khadi boli ya sanskrit se aae hain. ye vaise shabd hain jinhen logon ne saalon saal nahin suna hoga ya unhen apani school ki hindi pustakon men padha hoga.

Shankar ahasan loy ki tikadi dvara sangeetabaddh London Dreams ke is geet ki prakriti is elabam ke anya geet jo ki conasart ke mahaul men gaaye se sarvatha bhinn hai. is geet ko gane men jis masti aur jis pagalapan ki jaroorat thi use shankar mahadevan ne bakhoobi poora kiya hai. to geet ka ple batan dabane ke pahle zara khade ho jaiye aur geet ke anuroop shareer men aisi loch paida kijie ki dharati kanpit ho uthe..

man ko ati bhave saiyan kare tata thaiya,
man gaaye re haaye re haaye re haaye re haaye re
ham priyatam hriday basaiyan pagal ho giyan
man gaaye re haaye re haaye re haaye re haaye re
jo mari nain kankariya to chhalaki prem gagariya
aur bheegi sari nagariya, sab nritya kare sng sng
tore baan lage nas nas men, nahin pran more ab bas men
man dooba prem ke ras men, hua prem magan kan kan
ho bebe bebe saunpa tujhako tan man

man ko ati bhave saiyan kare tata thaiya,
man gaaye re haaye re

kya uthal puthal bavara sa pal, saanson pe saragam ka tyohaar hai
banake main pavan choom loon gagan, ho rituon pe ab mera adhikar hai
sanket kiya priyatam ne aadesh diya dhadakan ne
sab var diya fir hamane, hua safal safal jeevan
adharon se vo muskaai kaya se vo sakuchai
fir thoda nikat vo aai tha kaisa adbhut kshan
o bebe bebe main hoon sanpoorn magan
man ko ati bhave.... haaye re...

ho pushp a ge, khilakhila ge utsav manata hai sara chaman
chandrama jhuka soorya bhi ruka, dishaen mujhe kar rahi hain naman
toone jo thami baiyan sabane li meri balaiyan
sudh budh meri kho giyan hua rom rom upavan
jab bich fasal laharaayee, dharati ne li angadai
aur milan badariya chhaai, kasake barasa savan
o bebe bebe sab hua tere karan
man ko ati bhave.... haaye re...

London Dreams ka ye geet film men Salman aur Asin par filmaya gaya hai.

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Annual Musical Countdown 2009 : Song no. 20 : Tere Naina Hans Diye..Bas Gaye Mere Dil Mein tere Naina

Kahate hain pyar ki shuruaat aankhon ki dekha dekhi se shuru hoti hai. Wo geet yad hai na aapako nain lad jahien to manava ma kasak hoibe kari..... Ab in aankhon par shayaron ne ek se ek umda sher kahe hain to bhala geetakar kaise peechhe rahen. Har saal kisi na kisi ki pyari aankhon ka jikra filmi geeton men aa hi jata hai . Ab 2006 ki baat karen Gulzar saahab ne nainon ke baare men Omkara men likhe apane geet men bada hi khoobasoorat jumala racha tha...

nainon ki jubaan pe bharosa nahin aata, likhat padhat na raseed na khata !

Pichhale saal ke geeton ne bhi ye parampara banaaye rakhi hai aur unamen se do geet is sangeetamala ka hissa ban paaye hain. Nainon ke barasane ki baat agar ki jaaye to ekadam se Lata di ka gaya naina barase.... yaad aa jata hai. Par navodit geetakar Rajat Aroda 20 vin paaydaan ke is geet men nainon ke 'barasane' ki jagah unake 'hansane' ki baat kar rahe hain.
Ye geet hai film Chandani Chaouk to China ka hai jo theek ek saal pahle pichhali janawari men pradarshit hui thi. vaise to is film ke baki geet kuch khaas prabhaav nahin chhod paaye the par film ka ye romaantik nagma jaroor ek alag tarah ki khushabu se sarabor kar gaya tha.

Yah geet agar is sangeetamala men apana sthan bana paaya hai to vah apane bolon ki vajah se nahin balki apani behad pyari melody aur khoobasoorat gaayiki ke liye.

Halki beats se shuru hote is geet men jaise Shankar Mahadevan geet ka mukhada gunagunaate hai man is geet se bandh sa jata hai. shankar ki gaayiki ke baare men baate karne ke liye to aage bhi kafi mauke milenge. Shankar ka is geet men saath diya hai Shreya Ghoshal ne. shreya ne apani saamaanya shaili se hatkar geet men roomaniyat ka ek put dene ki koshish ki hai.

Shankar Ehasaan Loy dvara sangeetabaddh is geet ki laya aapke dil men kafi sukoon pahunchaegi aisa mujhe yakin hai... to sun kar dekhiye ye nagma aur bataiye ye kaisa laga aapako ?



tere naina....hans diye
bas gaye...mere dil men, tere naina....

mere dil men jo aramaan hain, paas aake zara dekho n
dil ke tar men hai saragam ,chhede hai ab koi anajana
yah pyar ki hai baaten, kuch anakahi mulakaaten
ho...aise hi milte hai, milke machalte hai do dil javaan
tere naina.....naina

ho...ab dekho mil ge ho to
fir se na kahin kho jana
aankhon men hi rahana
baahon men tum meri so jana

ho..mere paas too jo aae
to khauda mujhe mil jaaye
ho..hontho ko hontho se milne de
silne de door n ja...

tere liye...charon or dhoondha mainne
mil gai..jo too mujhe
mil gaya
sara jahan sara yahan, ab chahoon main kya?

mere liye..sapana tha
yah pyar tera
kholi aankhen
saamane tha mere liye
yar mera pyar tera ,ab chahoon main kya?

ho..aise n mujhako sada de
paas aa na ab too saja de
ho..sabse chura loon main
jag se chhupa loon main
itane paas aa..

mere dil ke jo ... anajana
yah pyar ...... dil javaan
tere naina.....




nainon ki baaten is sangeetamala men aage bhi chalti rahengi aakhir..

in aankhon ki masti ke mastaane hajaron hain

in aankhon ke vaabasta afasane hajaron hain

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Annual Musical Countdown 2009 : Song no. 22 : Ye Zindagi Bhi kya kya Humko Dikhlati Hai...

To bhaiyon aur bahanon vaarshik sangeetamala ki 22 vin paayadaan par gana vo jise likha javed akhtar saahab ne dhun banaai ek sangeetakaar tikadi ne aur geet ko gaya ek doosare sangeetakaar ne. Pratispardha ke is yug men aajakal ye svasth paranpara chali hai ki sangeetakaar kuch doosare sangeetakaron ko apane ganon par gava rahe hain. Vishal Dadlani, Saleem Merchant isake kuch udahaaran hain jinhen doosare sangeetakaron ne apani filmon men gavaya hai.

Par aaj main in donon ki nahin balki Vishal Shekhar ki jodi vaale ShekharRavajiyaani ki baat kar raha hoon jinhonne pahali baar kisi doosare sangeet nirdeshak ke liye gana gaya. Waise isase pahle shekhar apani aavaaz ka hunar Jhankar beats, Bluffmaster, Golmaal aadi filmon men dikha jhuke hain. Par ye filmen vishal shekhar ki khud ki filmen thin. Fir Shankar Ahasan Loy dvara sangeet nirdeshit film Luck by Chancemen unhonne microphone kaise utha liya ?

Adhikatar paashchaatya rhythm par sangeet rachane vaale par saath hi hindustani shastriya sangeet men paarangat shekhar is baare men kahate hain

"Mainne apane liye aisa koi niyam nahin bana rakha tha ki doosaron ke liye na gaaoon par mujhe kisi vishisht geet ka intajaar tha. Isaliye jab shankar ahason loy mere paas ye jindagi bhi.... gane ka prastaav le ke aae to mujhe laga ki is geet men vo khaas baat hai. Mujhe is geet men ek mulayamiyat dikhi. vaise bhi javed saahab jab bol likhen to unamen kuch to alag hota hi hai."

To aaiye dekhen vakai kya khaas baat hai is geet men. pahali to isaki aaranbhik beets jo geet ke mood ko bana deti hai. mukhada to theek thaak hai hi par mujhe asali aanand tab aata hai jab shekhar javed sahab ke likhe in bolon ko khatm kar.. ..

jaane hamako kya paana hai socho kya hai apani manjil
samajhane se kab mana hai dekho karta zaid hai ye dil

chhoone hain....taare ise chaahiye... saare ise .....se apane sur ko oopar uthate hain aur fir shankar ahasaan loy dvara diya gaya interlude man ko prasann kar deta hai. to meri raay ye hai ki agar aapaka man kuch bujha bujha hai to is geet ki khuraak lijie. vishvaas kijie aap pahle se achchha mahasoos karenge.


ye jindagi bhi kya kya hamako dikhalati hai sapanon ki dhundhali raah men
ye jindagi bhi hamen kahan le ke aa jaati hai ik anajaani si chaah men
jaane hamako kya paana hai socho kya hai apani manjil
samajhane se kab mana hai dekho karta zaid hai ye dil
chhoone hain....taare ise chaahiye... saare ise

ye jindagi bhi kitani baaten kah jaati hai ik sidhi saadhi baat men
ye jindagi bhi kyoon itane khwab sajati hai har sooni sooni rat men
khvaabon men koi aramaan hai poochho dil se aramaan kya hai?
mushkil hai ya vo aasaan hai sun lo ye dil kahata hai
chhoone hain....taare ise chaahiye... saare ise

jo palakon ke tale hai apane sapane le ke chale ye kah do vo chale sanbhal ke
na karana koi gile kahin jo thokar aisi lage ki sapane toote aansu chhalke


agar aapako yad nahin aa raha ki film men ye geet kab tha to ye bata doon ki ye geet Luck by Chance ki shuruaat men prayukt hua hai

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---