Gopal Das Neeraj ka jeevan darshan : Unke 'Char Vicharon' Ke sath..

Zindagi ko dekhne aur mahasoos karne ke hamare maapadand samay aur hamari soch men ho rahe nirantar vistar se badalte rahate hain. vakat se aage dekh paane ki soch, ek aam manav ki prakriti men nahin hai. darasal hamare apane jeevan men jo ghatit hota rahata hai use hi jeevan ka sach maanane ke liye ham taiyaar baithe rahate hain.

Par jis jeevan darshan ko samajh paane men shayad ham apani poori Zindagi nikaal den use gopal das niraj jaisa saksham kavi chand panktiyon men kaise vyakt kar deta hai ye kavita iska ek sundar udaaharan hai.

Is kavita ke madhyam se niraj is baat ko saral sahaj shabdon men purajor tarike se rakhte hain ki kisi manushya ke liye jeevan ki paribhasha is baat par nirbhar karati hai ki usane ab tak Zindagi ke kin rangon ka svaad chakha hai?

to aaiye jeevan ke prati niraj ke anubhavo se roobaru hote hain unki is kavita char vichaar men...

(1)
jo punya karta hai vah devta ban jata hai,
jo paap karta hai vah pashu ban jata hai,
aur jo prem karta hai vo aadami ban jata hai

(2)
jab mainne prem kiya to mujhe laga jeevan aakarshan hai,
jab mainne bhakti ki tab mujhe laga jeevan samarpan hai,
kintu jab se mainne sevavrat liya
tab mujhe pata chala ki jeevan sabse pahle sarjan hai

(3)
jab main baitha tha to samajhta tha ki jeevan upasthiti hai,
jab main khada tha tab samajhta tha ki jeevan sthiti hai,
kintu jab main chalne laga tab lagne laga, "jeevan gati hai"

(4)
jab tak main pukarta raha
tab tak samajhta raha ki jeevan tumhari aavaaz hai
aur jab main svayam ko pukarne laga
to kahane laga jeevan apani hi aavaaz hai
kintu jis din mainne sansaar ko pukarana shuru kiya hai
us din se mujhe lagne laga hai
ki jeevan meri aur tumhari nahin
un sabaki aavaaz hai jinki ki koi aavaaz hi nahin hai.....

Pata nahin aapane jeevan ke kin roopon ka ab tak anubhav kiya hai . ho sakta hai aapaka nazariya bhinn ho? par saare nazariyon ko mila kar dekhen to shayad sabamen hi jeevan ka koi na koi sach chhupa baitha mile.

Ab oopar ke chitra ko hi len. kisi ko vo kharagosh nazar aaya hoga to kisi ko battakh! par vaastavikta to ye hai ki chitra men ye donon hi roop vidyamaan hai. shayad Zindagi bhi aisa hi ek chitra hai jisamen kai saare chitra samaaye baithe hain...kyoon hai na?

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Mod pe dekha hai vah boodha-sa ik ped kabhi?..Gulzar explores human bondage with the environment around us...

April ka mausam kabhi itani kadi dhoop ka talabadaar na tha. khaaskar us pradesh men jiska namakaran hi jangal aur jhadiyon ke nam par kiya gaya ho. pahle desh ka sarvadhik tapamaan dekhne ke liye rajasthan ke shaharon ke tapamaan par nazar daudani hoti thi par ab to itani mashakkat karne ki zara si bhi jaroorat nahin. bokaro dhanbad se lekar devghar aur jamshedpur tak poora jharakhand aprail ke mahine men hi 45 se 47 degreei ki chilachilati dhoop men jhulas raha hai.

Waise to kamobesh poore bharat ki yahi sthiti hogi par prakritik sanpada se paripoorit is pradesh ka ye haal chaunkaane vala jaroor hai. iska sidha-sidha arth yahi hai ki kahin na kahin ham sabhi apane aas paas ki prakriti ko nasht hote dekh ke bhi sanvedanaheen hue ja rahe hain.

Aarthik vikas ki is daud men kankreet ke jangalon ke bich vo purani aabo hava kahin kho si gai hai. kya ham bhool ge un pedon ko, jinki chhaanv ne har garmi men tapate sooraj ki in jhulasaati kiranon ka raasta roka. jinki vishalakaay moti shakhen bachapan men hamare jhoolon ka avalanb banin. jinake tanon par chadh utar kar hamane na jaane kitani mastiyan ki.

Ghar ke aangan ya ahate men palte badhate ye vriksh bhi hamare saath hi badhate ge aur saath hi unake seene men samaati gin ve aanandadayak smritiyan. bachapan beeta, thikaane badalte rahe aur vo ped.... vo to ab aas paas rahe hi nahin. so unase judi yaden to ksheen honi hi thin. par jab jab ham apane purane aashiyane men vapas laute, un ped paudhon ko dekh vo yaden is teevrata se vapas aa gayeen jese kabhi gai hi na hon. aakhir kyoon hua aisa !

Darasal hamen ehasaas ho na ho anajaane men hi ham apani aas-paas ki prakriti se ek rishta bana lete hain. ek aisa mazaboot rishta jisaki girahen katne se hamen vaisi hi peeda hoti hai jaise kisi insani rishte ke tootne par hoti hai.

Gulzar saahab ki likhi ek kavita yad aa rahi hai jo aise hi ek rishte ki kahani kahati hai. Gulzar ne jis khoobi se apane jindagi ke sabse haseen lamahon ko gali ke kinare khade us ped se joda hai, vo aap is kavita ko padh kar hi mahasoos kar sakte hain. is kavita ko bolte hue padhna ek poore anubhav se gujarne jaisa hai. to aaiye mere saath padhiye is kavita ko...

mod pe dekha hai vah boodha-sa ik ped kabhi?
mera vaakif hai, bahut saalon se main use jaanta hoon

jab main chhota tha to ik aam udane ke liye
parli deevar se kandhe par chadha tha usake
jaane dukhati hui kis shakh se ja paanv laga
dhaad se fenk diya tha mujhe neeche usane
mainne khunnas men bahut fenke the patthar us par

meri shadi pe mujhe yaad hai shakhaen dekar
meri vedi ka havan garm kiya tha usane
aur jab haamila thi 'beeba' to dopahar men har din
meri bivi ki taraf kairiyan fenki thin isi ne

waqt ke saath sabhi phool, sabhi patte ge
tab bhi jal jata tha jab munne se kahati 'beeba'
'haan usi ped se aaya hai too, ped ka fal hai'
ab bhi jal jata hoon, jab mod gujarte men kabhi
khaanskar kahata hai, 'kyon sar ke sabhi bal gaye?'

subah se kaat rahe hain vo 'committee' vaale
mod tak jaane ki himmat nahin hoti mujhko...

Kya aapako nahin lagata ki jis prakriti ke beech ham pale badhe hain, usake saath bane rishton ne hamare jeevan men jaise anamol pal diye hain vaisa hi kuch apane bachchon ko bhi ham uplabdh karaen?

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Amousa Ka Mela : Kailash Gautam ki behad pyari bhojpuri hasya kavita

Bharat ki grameen aur kasbai sanskriti men melon ka ek pramukh sthan hai. aur agar vo mela kumbh jaise mele sa vrihad ho to fir usaka mahatatva aur bhi badh jata hai. filahaal haridwaar ki pavitra nagari men kumbh mela chal raha hai aur parason yaani 14 april ko mesh sankranti ke avasar par lakhon ki sankhya men aam jan pramukh shahi snan men hissa lenge. lakhon logon ka is dhaarmik mahotsav men apane gaanv, kasbon aur shaharon se palayan karana aur fir ek jagah ikaththa hona apane aap men ek badi samajik saanskritik ghatna hai.
Sahityakaar aur geetakar in melon ko apani lekhani ka vishaya banate rahe hain. par kumbh mele par banaaras ke sameep sthit chndauli men janme kavi kailash gautam ki is aanchalik rachna ka mere hridaya men ek vishesh sthan hai.
Isaki vajah ye hai ki jis maahaul, jin ghatanaaon ko kailash ji ne apani is kavita men utara hai vo itani aas paas ki, itani sajeev dikhati hain ki kavi ki in chhoti chhoti ghatanaaon ko sookshmata se pakadane ki kshamata par dil baag baag ho uthata hai.
Ab mele men kandhe par chalne vali gathari muthari ke andar ke anivarya saamaanon ki charcha ho chahe nai naveli dulhan ke chal dhaal ki, do saheliyon ki aatmeeya baatacheet ke jhagade men badalne ki dastan ho ya ataichi ke taale ke molane ya drama dekh kar bhauji ke uchhalne ki baat ho..har jagah apane sookshm avalokan, aanchalik boli ke theth shabdon ke prayog v pravaahapoorn shaili se kailash gautam pathakon ko sammohit karte chalte hain.
Kavi sammelan ki ek rikarding men kailash gautam khud is kavita ke baare men kahate hain

Vishva ka sabse bada mela allahabad men sampann hota hai kabhi kumbh ke roop men kabhi ardh kumbh ke roop men. har saal maagh mele ke nam se ye dhaai mahine ka mela lagata hai. mainne bachapan men apane apane dada dadi ko, apane mata pita ko is mele men aane ki taiyari karte hue dekha hai. redio men hone ke nate, allahabad men hone ke nate lagabhag 38 varshon tak us mele ka ek hissa hota raha.
san 1989 ke kumbh men ye kavita likhi gai thi. choonki amaavasya ke snan parv par sarvadhik bheed hoti he isaliye is kavita ka nam hi mainne 'amausa ka mela' rakha. har bade mele men bheed ka chehara ek sa hi hota hai.

Kabhi kabhi is bheed ke chalte badi durghatanaayen ho jaati hain. do teen ghatanaaon men main khud shamil raha hoon chahe vo haridwaar ka kumbh ho ya nasik ka kumbh raha ho. 1954 ke kumbh men bhi kai hajaar log mare. par mainne is kavita men badi chhoti chhoti ghatanaaon ko pakada, jahan jindagi hai maut nahin hai jahan hansi hai dukh nahin hai...

Iss rachna ki bhasha yoon to bhojapuri hai par ye vo bhojapuri nahin jo bhojapur ilake (aara baliya chhapara ke sate ilake) men boli jaati hai. darasal banaaras se ilahabad ki or badhane se bhojapuri bolne ke tarike aur kuch shabdon men badalav aa jata hai par jo bhojapuri ki mithas hai vo vaise hi bani rahati hai. to aaiye is mithas ko mahasoos karen kailash ji ki aavaaz men is hansaati gudagudati kavita men



ki bhakti ke rang men rangal gaanv dekha
dharam men karam men sanal gaanv dekha
agal men bagal men sagal gaanv dekha
amausa nahaye chalal gaanv dekha

ehu haathe jhora, ohu haathe jhora
a kanhi pe bori, kapaare pe bora
a kamri men kehu, rajaai men kehu
a kathri men kehu, dulaai men kehu
ki aaji rangavat hayin gord dekha
hansat hawwen abba tani jod dekha

ghunghutve se poochhai patohiya ki aiyya
gathariya men ab ka rakhaai bataiha
ehar hawwe lugga ohar hawwe poodi
ramaayan ke lagge hau madua ke dhoondhi
oo chaaur a chiura kinare ke ori
a nayaka chapalva achare ke ori

amausa ka mela amausa ka mela...

machal hawwe halla chadhawa utara
khachakhach bharal relagadi nihara
ehar gurri-gurra ohar loli-lola
a bichche men hawwe sarafat se bola
chapayal hai kehu, dabayal hai kehu
a ghantan se uppar tangayal hai kehu
kehu hakka-bakka kehu laal-peeyar
kehu fanafanat hawwe keera ke neeyar
o bappa re bappa, o daiya re daiya
tani hammain aage badhai de t bhaiya

magar kehu dar se tasakale n tasakai
tasakale n tasakai, masakale n masakai
chhidal hau hitaai nataai ke characha
padhai likhaai kamaai ke characha
daroga ke badali karavat hau kehu
a laggi se pani piyavat hau kehu

amausa ka mela amausa ka mela...

jehar dekha oharain badhat hawwe mela
a sarage ke sidhi chadhat hawwe mela
badi hawwe saansat n kahle kahala
moodaimood sagaron n ginale ginala
ehi bheed men sant girahast dekha
sabai apane apane men hau byast dekha
a taai men kehu, topi men kehu
a jhoonsi men kehu, alopi men kehu
akhadan ke sangat a rangat i dekha
bichhal hau hajaran ke pangat i dekha
kahin raasleela kahin parabachan hau
kahin goshthi hau kahin par bhajan hau
kehu budhia maai ke kora uthavai
a tirabeni maiya men gota lagavai
kalapabaas men ghar k chinta lagal hau
katal dhaan kharihaane visai paral hau

amausa ka mela amausa ka mela...

gulabban ke dulahin chalain dheere-dheere
bharal naav jaise nadi teere-teere
sajal deh jaise ho gaune ka doli
hansi hau batasha shahad hawwe boli
a dekhelin thokar bachavailin dhakka
mane man chhohara mane man munakka
futehara niyar muskiya-muskiya ke
nihaare lain mela siha ke chiha ke
sabai devi devta manavat chalainlin
a nariyar pe nariyar chadhawat chalailin
kinare se dekhain ishare se bolain
kahin gaanth jodain kahin gaanth kholain
bade man se mandir men darasan karailin
a doodhe se shivaji k aragha bharailin
chadhawain chadhawa a gothain shivala
chhuval chahe pindi latak nahin jala

amausa ka mela amausa ka mela...

ehi men champa chameli bhetailin
a bachapan ke doono saheli bhentailin
i aapan sunavain oo aapan sunavain
doonon aapan gahana gadela ginavain
aso ka banavalu aso ka gadhwalu
too jeeja ke photo n ab tak pathavalu
n i unhain rokain n oo inhain tokain
doonau apane dulaha ke tarif jhokain
hamain apani sasu k putri too jaana
a hammain sasur ji k pagari too jaana
shahariyon men pakki dehatiyo men pakki
chalat hawwe tempo chalat hawwe chakki
manaiman jarai a gadai lagalin doonon
bhayal too-too main-main ladai lagli doonon
a saadhu chhodavain sipahi chhodavain
a haluvaai jise karahi chhodavain

amausa ka mela amausa ka mela...

kalauta ke maai ka jhora herayal
a buddhu ka badaka katora herayal
tikuliya ko maai tikuliya ke jo hai
bijuliya ko maai bijuliya ke jo hai
machal hawwe mela men sagaro dhundhaai
chamela ka babu chamela ka maai
gulabiya sabhattar nihaarat chalaile
murahuva murahuva pukarat chalaile
a chhotaki bitiuva ke marat chalaile
bitiuvai par gussa utarat chalaile

gobaradhan ke sarahaj kinare bhentailin
gobaradhan ke sange pund ke nahailin
ghare chal ta pahun dahi-gud khiyait
bhatija bhayal hau bhatija dekhait
uhain fenk gathari parilain gobaradhan
n fir-fir dekhilain dharilain gobaradhan

amausa ka mela amausa ka mela...

kehu shal suitar dushala molavai
kehu bas ataichi ke tala molavai
kehu chayadani piyala molavai
sothura ke kehu masaala molavai
numaish men jaatain badal gailin bhauji
a bhiya se aage nikal gailin bhuji
aayal hindola machal gailin bhauji
a dekhatai darama uchhal gailin bhauji
a bhiya bechaaru jodat hawwen kharacha
bhulile n bhoolai pakaudi ke maracha
bihaane kachahari kachahari ke chinta
bahiniya ka gauna masahari ka chinta
fatal hawwe kurta fatal hawwe joota
khalitta men khali keraya ke boota
tabau peechhe-peechhe chalat jaat hawwen
gaderi men surati malat jaat hawwen
amausa ka mela amausa ka mela...

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Mumbai Trashadi par Prasoon Joshi Ki Kavita : Is Baar Nahin...

Prasoon Joshi film jagat mein ek uchch koti ke geetakar ka darja rakhate hain. Phir milenge, Rang De Basanti aur fir pichhle sal ki bahucharchit film Tare Zameen Par ke geeton ko unhonne hi likha tha. is pratibhashali geetakar ke pichhe chhupe sanvedanashil kavi ko aap mein se bahuton ne shayad na dekha ho. kuchh din pahale is chitthe par aap sab ke sath unaki ek kavita intzaar aap sabake sath banti thi.

Aaj jabki Mumbai mein hal ki ghatanaon ne poore desh ko hi jhakajhor kar rakh diya hai to prasoon isase achhoote kaise rahate ? to aaiye padhein unaki peeda ko vyakt karati ye kavita jisake bhavon ko ham sab bharatavasi tahedil se mahasoos kar rahe hain..

Is Baar Nahin....

is baar jab vah chhoti si bachchi
mere pas apani kharonch lekar aayegi
main use foo-fu kar ke nahin bahalaoonga
panapne doonga usaki tees ko
is baar nahin

is baar jab main cheharon par dard likhoonga
nahin gaoonga geet peeda bhula dene vale
dard ko risne doonga
utarane doonga gahare
is baar nahin

is baar main na maraham lagaoonga
na hi uthaoonga ruee ke fahe
aur na hi kahoonga ki tum aankhe band kar lo,
gardan udhar kar lo main dava lagata hoon
dekhane doonga sabko
ham sabako
khule nange ghav
is baar nahin

is baar jab ulajhanein dekhoonga,
chhatapatahat dekhoonga
nahin daudoonga uljhi dor lapetne
ulajhne doonga jab tak ulajh sake
is baar nahin

is baar karm ka havala de kar nahin uthaoonga auzaar
nahin karoonga fir se ek nayee shuruaat
nahin banoonga misal ek karmayogi ki
nahin aane doonga zindagi ko aasani se patri par
utarane doonga use keechad mein, tedhe-medhe raston pe
nahin sookhane doonga deevaron par laga khoon
halka nahin padane doonga usaka rang
is baar nahin banne doonga use itana lachar
ki pan ki peek aur khoon ka fark hi khatm ho jaye
is baar nahin .....

is baar ghavon ko dekhna hai
gaur se
thoda lambe waqt tak
kuchh faisale
aur usake bad hausale
kahin to shuruaat karani hi hogi
is baar yahi tay kiya hai.......

Click Here to read this post in Hindi Devnagari Script.

If you want to say something, click here to express your feelings.

Kaviraja kavita ke mat ab kaan marodo ..ek filmy hasya kavita

Filmon mein hasya kavita ka prayog hote mainne bahut kam hi dekha hai. ek aisi hi kavita par meri nazar tab padi, jab isase sanbandhit janakari is chitthe ki pathika anbika pant ji ne apani tippani ke madhyam se mangi. antarajal par khojane par pata chala ki ye kavita to vi shantaram ki 1959 mein pradarshit huee mashahoor film navarang ka hissa thi.

mainne ye film dooradarshan par assi ke dashak mein dekhi thi. Bharat Vyas ke likhe aadha hai chandrama raat aadhi... aur ja re ja natakhat.... jaise nayab giton ke bich koee kavita bhi filmaee gaee thi, isaka khyal to mujhe bilkul nahin tha. ek rochak tathy ye bhi hai ki rachanakar bharat vyas ne khud is hasy kavita ke liye svar diya tha .

to dekhiye bharat vyas ji kaviyon ko kis tarah dhan sangrah karane ke liye udyat kar rahe hain.




kaviraja kavita ke mat ab kaan marodo
dhandhe ki kuchh bat karo kuchh paise jodo

sher shayari kaviraja na kam aayegi
kavita ki pothi ko dimak kha jayegi
bhav chad rahe anaaj ho raha manhaga din din
bhookhe maroge raat kategi tare gin gin
isi liye kahata hoon bhaiyya ye sab chhodo
dhandhe ki kuchh bat karo kuchh paise jodo

are chhodo kalam chalao mat kavita ki chakki
ghar ki rokad dekho kitne paise baki
are kitana ghar mein ghi hai kitana garam masala
kitane papada, badi, mangodi, mirch masala
kitana tel nona, mirchi, haldi aur dhaniya
kaviraja chupake se tum ban jao baniya

are! paise par rach kavy bhookh par git banao
paise,are paise par rach kavy bhookh par git banao
gehoon par ho ghazal, dhan ke sher sunao
non mirch par chaupaee, chaval par dohe
sukavi koyale par kavita likho to sohe

kam bhade ki
are! kam bhade ki kholi par likho qavvali
jhan jhan karati kaho rubaee paise vali
shabdon ka janjal bada lafada hota hai
kavi sammelan dost bada jhagada hota hai
mushayaron ke sheron par ragada hota hai
paise vala sher bada tagada hota hai

isi liye kahta hoon mat is se sar fodo
dhandhe ki kuchh bat karo kuchh paise jodo

Click Here to read this post in Hindi (Devnagari) script.

Do u like this Hasya Kavita? Click Here to Post your opinion ..

A touching poem on Gandhiji by Kailash Gautam : Sarr footat hau, gala katat hau, lahu bahat hau, ganhi ji

Aaj Gandhi Jayanti to hai hi sath sath eid aur Shastri ji ke janmadin ka khushanuma mauka bhi hai.

Aaj is pavitr din akhabar uthata hoon aur Agaratala mein bam kand se ghayal mahila aur orissa ke Kandhamal men jale huye gharon ki tasaviren dekhta hoon to Kailash Gautam ki ye kavita yaad aa jati hai.

sir footat hau, gala katat hau, lahu bahat hau, ganhi ji
des bantat hau, jaise hardi dhan bantat hau, ganhi ji

Isliye ye samay vichar karane ka hai, ki ham itane asahishnu, itane jallad , itane sanvedanashoony kyoon hote ja rahe hain? kaise ham samajh lete hain ki aisi jaleel harakaton ko karne se hamara bhagavana, hamara paravaradigar hamari peeth thonkega?

Desh ke in halaton men Kailash ji ki ye kavita kitani sarthak hai ye ise padh kar aap mahasoos kar sakate hain.

sir footat hau, gala katat hau, lahu bahat hau, ganhi ji
des bantat hau, jaise haradi dhan bantat hau, ganhi ji
ber bisavatai raroova chiraee roj rarat hau, ganhi ji
tohare ghar ke rama i malik sabai kahat hau, ganhi ji

hinsa raahjani hau bapoo, hau gundaee, dakaiti, hauvai
desi khali bam banook hau, kapada ghadi bilaiti, hauvai
chhuaachhoot hau, oonch nich hau, jat-paant panchaiti hauvai
bhay bhatiya, bhool bhulaiya, bhashan bhid bhandaiti hauvai

ka batalaee kahai sunai me saram lagat hau, ganhi ji
kehuk nanhi chitt thekane baram lagat hau, ganhi ji
aisan taru chatakal abaki garam lagat hau, ganhi ji
gabhin ho ki thanth marakahin bharam lagat hau, ganhi ji

je alalai beiman ihan oo dakarai kiriya khala
lamba tika, madhuri bani, panch banaval jala
cham sohari, kam sarauta, petaipet ghotala
yekko karam n chhootal lekina, chauchak kanthi mala

nona lagat bhit hau sagaron girat parat hau ganhi ji
had paral hau anganai angana, mar tarat hau ganhi ji
jhagara k' jar anakhun khojai jahan lahat hau ganhi ji
khasam mar ke dhoom dham se gaya karat hau ganhi ji

uhai amiri uhai garibi uhai jamana abbau hau
kabbau gayal n jaee jad se rog purana abbau hau
doosar ke kabja men aapan pani dana abbau hau
jahan khajana rahal hamesa uhai khajana abbau hau

katha kirtan bahara, bhitar juaa chalat hau, ganhi ji
mal galat hau duee nanbar ka, dal galat hau, ganhi ji
chal galata, chaupal galata, har fal galat hau, ganhi ji
tal galata, hadatal galata, padatal galat hau, ganhi ji

ghoos pairavi jor sifarish jhooth nakal makkari vale
dekhatai dekhat char din mein bhailain mahal atari vale
inake aage bhakuaa jaise farasa aur kudari vale
dehalain khoon pasina dehalain tabbau bahin matari vale

toharai nam bikat ho sagaro maans bikat hau ganhi ji
tali peet rahal hau duniya khoob hansat hau ganhi ji
kehu kan bharat hau kehu moong darat hau ganhi ji
kahaee ke hau sor dhovail pap farat hau ganhi ji

janata bade jayanti babu neta bade nisana hauvai
pichhala sal havala vala agila sal bahana hauvai
aajadi ke mane khali rajaghat tak jana hauvai
sal bhare men ek ber bas raghupati raghav gana hauvai

aisan chadhal bhavani sire na utarat hau ganhi ji
aag lagat hau, dhuvan uthat hau, naak bajat hau ganhi ji
kariya achchhar bhanis barabar bed (ved) likhat hau ganhi ji
yek samay k' bagad billa aaj bhagat hau ganhi ji

Click Here to Read this Bhojpuri poem in Devnagari (Hindi) script.

Do you like this poem. Click Here to give your valued opinion.

Jayshankar Prasad's Tumul Kolahal from Kamayani sung beautifully by Asha Bhosle

Hindi sahitya ke itihaas mein ek yug ‘chhayavada’ ke naam se jana jata hai, jisake char bade maharathi the - Prasad, Nirala, Pant aur Mahadevi. satavin se lekar dasavin tak main in chhayavadi kaviyon ki kavitaon se bilkul ghabara jaya karata tha. shikshak chahe kitana bhi samajha lein, in kaviyon ki likhi panktiyon ki saprasang vyakhya karane aur bhavarth likhane mein hamare pasine chhoot jate the.Jayshankar Prasad ki pahali kavita jo dhyan mein aati hai vo thi beeti vibhavari jaag ri.... jo kuchh yoon shuru hoti thi

beeti vibhavari jaag ri!
ambar panaghat mein dubo rahi
tara ghat usha nagari.

shikshak bade manoyog se ratri ke beet jane aur subah hone par nayika ke jagane ke aagrah ko tamam roopakon se vishleshit karate huye samajhate, par man ye manane ko taiyar na hota ki samany si baat raat ke jane aur pratahkal ki bela ke aane ke liye itna kuchh ghuma fira kar likhane ki jaroorat hai. vaise bhi ghar par subah na uth pane ke liye pitaji ki roz ki ulahana sunane ke baad kavi ke vicharon se man ka kahan samy sthapit ho pata ? vakt beeta, samajh badali. aur aaj jab is kavita ko kisi ke mukh se sunta hoon to khud man gunaguna uthta hai

khag kul-kul sa bol raha, kisalay ka anchal dol raha,
lo yah latika bhi bhar laee, madhu mukul naval ras gagari.
adharon mein raag amand piye, alakon mein malayaj band kiye
tu ab tak soyee hai aali, aankhon mein bhare vihag ri.
beeti vibhavari jag ri!


Aisi mohak panktiyan likhane vale Jayshankar prasad ji ki prshthabhoomi kya rahi ye janane ko aapaka man bhi utsuk hoga. jayshankar ji ke kavy sankalan par ek kitab sahity akadami ne chhapi thi. usake prakkathan mein vikhyat sahity samikshak Vishnu Prabhakar ji ne likha hai

"..........Jayshankar ji ka janm mat shulk dashami sanvat 1946 (san 1889) ke din kashi ke ek sampann aur yashasvi gharane mein huaa tha. jab pita ka dehavasan huaa, us samay prasad ki avastha keval gyarah varsh ki thi. kuchh hi varshon ke bhitar bade bhaee bhi paralok sidhar gaye aur solah varshiy kavi par samasyaon ka pahad aa toota. aarthik drshti se poori tarah jarjar ho chuki ek sanskari kul parivar ke lupt gaurav ke punaruddhar ki chunauti to munh baye samane khadi hi thi, jis parivar par antahin mukadamebaji, bhari karj ka bojha, svarthi aur akaranadrohi svajana, tathakathit shubhachintakon ki khokhali sahanubhooti ka vyangya...sabakuchh viparit hi viparit tha. koee aur hota to apani sari pratibha ko lekar is bojh ke niche chakanachoor ho gaya hota. kintu is pratikool paristhiti se joojhate huye prasad ji ne n keval kuchh varshon ke bhitar apane kutumb ki aarthik avastha srdrdh kar li, balki apani bauddhik-manasik sampatti ko bhi is vatyachakr se akshat ubar liya.

svayam jayashankar ji ne likha hai
ye manasik viplav prabho, jo ho rahe din rat hain
kuvichar kuron ke kathin kaise kutil aaghat hain
he nath mere sarathi ban jav manas-yuddh mein
fir to thaharane se bachenge ek bhi n viruddh mein.

yahi huaa bhi. jis gahare manovijnyan yatharthavad ki ninv par prasad ke jeevan krtitv ki poori imarat khadi hai, vah unaki vyaktigat jivani ki bhi buniyad hai. ghar-parivar vyavasthit kar lene ke bad hamare kavi ne apane antarjivan ki vyavastha bhi utani hi drdhata se samhali aur apani rachanatmak pratibha ke nirantar aur achook vikas kram se unhonne sahity jagat ko vismay mein dal diya.

dhire-dhire, lagabhag naamaloom dhang se unaki rachanayen sahity jagat mein gahare bhidati gaeen aur kya kavita, kya kahani, kya nataka, kya-chintan har kshetr mein khamir ki tarah roopantarit siddh hoti chali gaee. kisi ne unake bare mein likha hai ki prasad ka jo aantarit vyaktitv tha, vah lilapurush krshn ke darshan se prerana pata tha, aur unaka jo samajik vyaktitv tha, vah maryada purushottam ram ko apana aadarsh manata tha. nishchit hi prasad ji ke kavy ke pichhe jo jivan aur vyaktitv hai, usamein dhairy aur nissangata ki vipul kshamata rahi honi chahiye.

prasad ka vaishishty karuna aur anand ke atirikt jin do tatvon se prerit hai, ve hai unaka itihas-bodh aur aatm-bodha. pahali drshti mein paraspar virodhi lagate huye bhi ye donon chijen unake krtitv mein itane avichchhedy roop mein judi huee hain ki lagata hai, donon ka vikas do lagatar pas aati huee aur ant mein ek bindu par mil jane vali rekhaon ki tarah huaa. yah bindu nishchay hi ‘kamayani’ hai............."

usi 'kamayani' se liye gaye is ansh ko aasha ji ne behad surile andaj mein gaya hai. sangeet jayadev ka hai. . ye geet aasha jayadev ke elabam An Unforgettable Treat se liya gaya hai jo saregama par upalabdh hai. isi album mein mahadevi ji ka likha kaise unako paoon aali bhi hai .

mere khyal se kisi hindi kavi ki kavita ko itane adbhut roop mein kabhi svarabaddh nahin kiya gaya hai. bas lagata yahi hai ki prasad ke shabdon mein aasha jayadev ki jodi ne pran foonk diye hon. aasha hai aap ko bhi is madhur geet ko sunane mein utana hi aanand aayega jitana mujhe aata raha hai...

tumul kolahal kalah mein
main hraday ki bat re man

vikal hokar nity chanchal,
khojati jab nind ke pal,
chetana thak-si rahi tab,
main malay ki baat re man

chir-vishad-vilin man ki,
is vyatha ke timir-van ki
main usha-si jyoti-rekha,
kusum-vikasit prat re man

jahan maru-jvala dhadhakati,
chataki kan ko tarasati,
unhin jivan-ghatiyon ki,
main saras barasat re man

pavan ki prachir mein ruk
jala jivan ji raha jhuk,
is jhulasate vishv-din ki
main kusum-ritu-rat re man

chir nirasha niradhar se,
pratichchhayit ashru-sar mein,
madhup-mukhar marand-mukulit,
main sajal jalajat re man"

Click Here to read this post in Hindi (Devnagari) script.

Do u like this song. Click Here to Post your comments.

'Himalaya' a poem by Ramdhari Singh Dinkar

Pichhle hafte hamare daftar mein Ramadhari Singh 'Dinkar' ke janmashatabdi varsh ke upalakshy mein unaki kavitaon ka path karane ke liye ek sandhya chuni gayee thi. dinkar rashtakavi to the hi, hamari peedhi ko unhonne kishoravastha mein apani ojapoorn kavitaon se kalam ki takat ka andaja karavaya. aur yahi karan tha ki us shaam, hall ko bharane mein jyada waqt nahin laga. ham sabke samane, hamare ek sahityanuragi sahayogi ne dinkar ke kavya jeevan ka ek behad sanvedanashil jivan vrit khincha.

Maine is avasar par unaki kavita 'Himalaya' ka path kiya. ye kavita meri navin kaksha ki pathy pustak mein thi. mujhe yaad hai ki school mein jab bhi is kavita ko doharate the, kavita ka ant aate-aate dhamaniyon mein rakt pravah ki tivrata apane charam par pahunch jati thi.

Aaj jab is kavita ko dobara padata hoon to lagata hai fir is soye huye desh ko tandra se uthane ki jaroorat hai. bahari shaktiyon ki bat karen to kashmir se lekar arunachal tak jagah jagah dushman hamare is prahari kau apane pairo tale raundakar isaka apaman karate fir rahe hain . to vahin doosari or isase janmi nadiyan jo uttar ke maidanon ko sinchit aur urvar banati thin aaj apane pralay se janamanas ko lil rahi hain fir bhi ye yati chup hai,shant hai...

Chahe vo Jammu mein janata ka mahinon se ubalata aakrosh ho, ya orissa ki kanoonavihinata, ya fir 15 dinon se koshi mein aaee pralayakari baadh (floods) mein aam janata ke rote bilakhate chehre.... bharat mein rajanaitik aur prashasanik akarmanyata ka jo drshy dikhaee de raha hai vo vastav mein behad bhayavah hai. is drshti se dinkar ki ye panktiyan aur bhi prasangik ho gayee hain.

us punyabhoomi par aaj tapi !
re aan pada sankat karal
vyakul tere sut tadap rahe
dans rahe chaturdik vividh vyal
mere nagpati ! mere vishal !

aaiye paden rashtra kavi dinkar ki ye kavita ...aur shapath lein ki desh ke ek sudhi nagarik ki haisiyat se ham in akarmany netaon aur prashasakon par ekajut hokar dabav banayen taki ve apane kartavyon se vimukh na hon aur sath hi sahayog den unake prayason ko safal banane mein..

mere nagpati ! mere vishal !

sakar divy gaurav virata,
paurush ke punjibhoot jvala!
meri janani ke him karit !
mere bharat ke divy bhal !
mere nagpati ! mere vishal !

yug yug ajeya, nirbandh mukt
yug yug garvonnata, nit mahan
nissim vyom mein tan raha
yug se kis mahima ka vitan
kaisi akhand ye chir samadhi ?
yativara! kaisa ye amar dhyan ?

tu mahashoony mein khoj raha
kis jatil samasya ka nidan ?
ulajhan ka kaisa vishamajal
mere nagpati ! mere vishal !

au maun tapasya lin yati
pal bhar ko to kar drganmesh
re jvalaon se dagdh vikal
hai tadap raha pad par svadesh

sukhasindhu , panchananda, brahmaputr
ganga yamuna ki amiy dhar
jis punyabhoomi ki or bahi
teri vigalit karuna udar

jisake dvaron par khada krant
simapati ! tu ne ki pukar
'pad dalit ise karana pichhe
pahale mera sir le utara.'

us punyabhoomi par aaj tapi !
re aan pada sankat karal
vyakul tere sut tadap rahe
dans rahe chaturdik vividh vyal
mere nagpati ! mere vishal !


kitani maniyan lut gaeen ? mita
kitana mera vaibhav ashesha!
tu dhyan magn hi raha; idhar
viran huaa pyara svadesh .

vaishali ke bhagnavashesh se
poochh lichchhavi shan kahan ?
o ri udas gandaki ! bata
vidyapati kavi ke gan kahan ?


tu tarun desh se poochh are
goonja kaisa yah dhvans rag
ambudhi antastal bich chhupi
yah sulag rahi hai kaun aag ?

prachi ke prangan bich dekh
jal raha svarn yug agnijval
tu sinhanad kar jag tapi
mere nagpati ! mere vishal !

re roka, yudhishthir ko na yahan
jane de unako svarg dheer
par fer hamein gandiv gada
lauta de arjun bhim veer

kah de shankar se aaj karen
ve pralay nrty fir ek bar
sare bharat mein goonj uthe
'har har bam' ka fir mahochchar

Click Here to read this post in Hindi (Devnagari) script.

Click Here to Post your comments.

Kya Karoon samvedna Le Kar Tumhari : The poem that united Harivansh Rai & Tezi Bachchan

Amooman jab kavi koyee kavita likhata hai to koee ghatna, koyee prasang ya fir kisi vyaktitv ka tana bana jaroor usake manas patal par ubharata hai. ye tana bana jaroori nahin ki hal filahal ka ho. atit ke anubhav aur aas pas hoti ghatanayen kaee bar naye purane taron ko jod jati hain aur ek bhavana prakat hoti hai jo ek kavita ki shakl le leti hai. par kabhi bhoot mein likhi aapaki rachana, aap hi ke bhavishy ki rahon ko bhi badal de to ? ho sakata hai aap ke sath bhi kuchh aisa huaa hon.

aaj jis prasang ka ullekh karane ja raha hoon vo ek bar fir harivansh ray bachchan ji ke jivan ki us sandhya se juda huaa hai jab shyama ji ke dehant ke bad ve ekaki jivan vyatit kar rahe the aur apane ek mitr prakash ke yahan bareli pahunche the. vahin unaki pahali mulakat mis teji soori se huee thi. apani aatmakatha mein mulakat ki rat ka jikr karate huye bachchan kahate hain

"........us din 31st december ki raat thi. rat mein sabane ye ichchha jahir ki naya varsh mere kavy path se aaranbh ho. aadhi rat bit chuki thi, mainne keval ek do kavitayen sunane ka vada kiya tha. sabane kya karoon sanvedana le kar tumhari vala git sunana chaha, jise main subah suna chuka tha. yah kavita mainne bade sinikal mood mein likhi thi. mainne sunana aaranbh kiya. ek palang par main baitha tha, mere samane prakash baithe the aur mis teji soori unake pichhe khadin thin ki git khatm ho aur vah apane kamare mein chali jayen. git sunate sunate na jane mere svar mein kahan se vedana bhar aaee. jaise hi mainne us nayan se bah saki kab is nayan ki ashru-dhara pankti padi ki dekhata hoon ki mis soori ki aankhen dabadabati hain aur tap tap unake aansu ki boonde prakash ke kandhe par gir rahi hain. yah dekakar mera kanth bhar aata hai. mera gala rundh jata hai. mere bhi aansu nahin ruk rahe hain. aur jab mis soori ki aankhon se ganga jamuna bah chali hai aur mere aankhon se jaise sarasvati. kuchh pata nahin kab prakash ka parivar kamare se nikal gaya aur ham donon ek doosare se lipatakar rote rahe. aansuon se kitane kool-kinare toot gir gaye, kitane bandh dhah-bah gaye, ham donon ke kitane shap-tap dhul gaye, kitana ham baras-baras kar halake huye hain, kitana bhing-bhing kar bhari? koee premi hi is virodh ko samajhega. kitana hamane ek doosare ko pa liya, kitana ham ek doosare mein kho gaye. ham kya the aur aansuon ke chashme mein naha kar kya ho gaye. ham pahale se bilakul badal gaye hain par pahale se ek doosare ko jyada pahachan rahe hain. chaubis ghante pahale hamane is kamare mein ajanabi ki tarah pravesh kiya aur chaubis ghante bad ham usi kamare se jivan sathi pati patni nahin banakar nikal rahe hain. yah nav varsh ka nav prabhat hai jisaka svagat karane ko ham bahar aaye hain. yah achanak ek doosare ke prati aakarshita, ek doosare par nichhavar athava ek doosare ke prati samarpit hona aaj bhi vishleshit nahin ho saka hai. ......"

to dekha aapane kavita ke chand shabd do ajanabi manavon ko kitane pas la sakate hain. bhavanaon ke sailab ko umadane ki takat rakhate hain ve. to aaiye dekhen kya thi vo poori kavita

kya karoon sanvedana lekar tumhari?
kya karoon?

main dukhi jab-jab huaa
sanvedana tumane dikhaee,
main krtajny huaa hamesha,
riti dono ne nibhaee,
kintu is aabhar ka ab
ho utha hai bojh bhari;
kya karoon sanvedana lekar tumhari?
kya karoon?

yek bhi uchchhvas mera
ho saka kis din tumhara?
us nayan se bah saki kab
is nayan ki ashru-dhara?
saty ko moonde rahegi
shabd ki kab tak pitari?
kya karoon sanvedana lekar tumhari?
kya karoon?

kaun hai jo doosaron ko
du:kh apana de sakega?
kaun hai jo doosare se
du:kh usaka le sakega?
kyon hamare bich dhokhe
ka rahe vyapar jari?
kya karoon sanvedana lekar tumhari?
kya karoon?

kyon n ham len mana, ham hain
chal rahe aisi dagar par,
har pathik jis par akela,
dukh nahin bantte paraspar,
doosaron ki vedana mein
vedana jo hai dikhata,
vedana se mukti ka nij
harsh keval vah chhipata;
tum dukhi ho to sukhi main
vishv ka abhishap bhari!
kya karoon sanvedana lekar tumhari?
kya karoon?

kya ye sach nahin jab apane dukh se ham khud hi nibatane ki asafal koshish kar rahe hon to sanvedanaon ke shabd ,dil ko sukoon pahunchane ke bajaye matr khokhale shabd se mahasoos hote hain. harsh ki bat itani jaroor hai ki bachchan ki ye dukhi karati kavita khud unake jivan mein ek naee roshani ka sanchar kar gaee.

vaise ye batayen ki kya aapake dvara likhi koyee kavita aisi bhi hai jisane aapake jivan ke marg ko ekadam se mod diya ho?

Click Here to Post your Comments.

Click Here to read this post in Hindi devnagari Script

Main hoon unake sath, khadi jo seedhi rakhte apni reedh : Bachchan Recites 'Bachchan'

Harivansharay Bachchan ki kavitayen chhutapan se hi man ko lubhati rahi hain. daraasal bhavon ke sath unaki kavita mein jo shabdon ka pravah rahata hai vo mere man ko hamesha se behad romanchit karata hai. unaki kavita ko bar-bar bol kar duharane mein jis asim aanand ki anubhooti hoti thi, usaki kami is yug ki adhikansh kavitaon mein hamesha khatakati hai. khair , isase pahale aapake samane bachchan ji ki is kavita ko pesh karoon kya ye aap nahin janana chahenge ki bachchan ji ne apani pahali kavita kab likhi aur kavita likhane ka shauk unamein kaise panapa?

kayasth pathashala mein bachchan ji ne apani pahali poori hindi kavita likhi, kisi adhyapak ke vidaabhinandan par jab ve satavin mein the. apani aatmakatha mein bachchan ne likha hai

".....school mein shikshak jab nibandh likhate tab kahate, ant mein koee doha likh dena chahiye. vishay se sambandh doha yaad na hone par main svayan koee rachakar laga deta tha. inhin dohon se mere kavy ka udagam huaa. 'bharat bharati' se gupt ji ki padyavali, 'sarasvati' ke prshthon se pant ji ki kavita aur 'matavala' ke ankon se nirala ji ke mukt chhandon se mera parichay ho chuka tha. navin, dasavin kaksha mein to mainne kavitaon se ek poori kapi bhar dali. par meri ye kavitayen itani niji thin ki jab mere ek sathi ne chori se unhen dekh liya to mainne gusse mein poori kanpi tukade tukade karake fenk di. mere ghar se khet tak kanpi ke tukade gali mein fail gaye the, isaka chitr meri aankhon ke samane ab bhi jyon ka tyon hai. kavitayen mainne aage bhi bilkul apani aur niji banakar rakhin aur mere kaee sathi unake sath tak jhank karane ka prayatn karate rahe......"

vakt ke pahiye ki chal dekhiye....yek balak jo apane sahapathiyon mein apani kavitayen dikhate hichakata tha, ne ऍsi krtiyon ki rachana ki jise sare bharat ki hindi premi janata poore prem se ras le lekar padati rahi.

bachchan ki ye kavita har us svabhimani manushy ke dil ki bat kahati hai jisane apane usoolon ke sath samajhauta karana nahin sikha. unake suputr amitabh bachchan ne elabam bachchan risaits bachchan (Bachchan Recites Bachchan) mein bade manoyog se is kavita ko pada hai. to aaiye sunen amit ji ki aavaj mein harivansh ray bachchan ji ki ye kavita....







main hoon unake satha,khadi jo sidhi rakhate apani reedh

kabhi nahi jo taj sakate hain, apana nyayochit adhikar
kabhi nahi jo sah sakate hain, shish navakar atyachar
yek akele hon, ya unake sath khadi ho bhari bhid
main hoon unake satha, khadi jo sidhi rakhate apani reedh

nirbhay hokar ghoshit karate, jo apane udagar vichar
jinaki jihva par hota hai, unake antar ka angar
nahin jinhen, chup kar sakati hai, aatataiyon ki shamashir
main hoon unake satha, khadi jo sidhi rakhate apani reedh

nahin jhuka karate jo duniya se karane ko samajhauta
oonche se oonche sapano ko dete rahate jo nyota
door dekhati jinaki paini aankha, bhavishyat ka tam chir
main hoon unake satha, khadi jo sidhi rakhate apani reedh

jo apane kandhon se parvat se bad takkar lete hain
path ki badhaon ko jinake panv chunauti dete hain
jinako bandh nahi sakati hai lohe ki bedi janjir
main hoon unake sath, khadi jo seedhi rakhte apni reedh

jo chalate hain apane chhappar ke oopar looka dhar kar
har jit ka sauda karate jo pranon ki baji par
kood udadhi mein nahi palat kar jo fir taka karate tir
main hoon unake satha, khadi jo sidhi rakhate apani reedh

jinako yah avakash nahi hai, dekhen kab tare anukool
jinako yah paravah nahin hai kab tak bhadra, kab dikshool
jinake hathon ki chabuk se chalati hen unaki takadir
main hoon unake satha, khadi jo sidhi rakhate apani reedh

tum ho kauna, kaho jo mujhase sahi galat path lo to jan
soch soch kara, poochh poochh kar bolo, kab chalata toofan
satpath vah hai, jisapar apani chhati tane jate vir
main hoon unake satha, khadi jo sidhi rakhate apani reedh

bachchan ki ye kavita sarvakalik hai. aaj jab hamare samaj , hamari rajaniti mein naitik moolyon ke hras ki prakriya nirantar jari hai, jaroorat hai hamare netaon, prashasakon mein apane aatm samman ko jagane ki, sahi aur galat ke bich pahachan karane ki. agar ve is marg par chalen to desh ki sanpoorn janata khud b khud unake pichhe khadi ho jayegi.

is chitthe par harivansh ray 'bachchan' se judi kuchh any pravishtiyan

• madhushala ki chand rubaeeyan harivansh ray bachchan , amitabh aur manna de ke svar mein...
• madhushala ke lekhak kya khud bhi madirapremi the ?
• raat aadhi khinch kar meri hatheli ek ungali se likha tha pyar tumane...
  

Kya aapko ye kavita achchi lagi? Click Here to post your opinion

Listen couplets of Madhushala in the voice of Bachchan Senior, Amitabh & Manna De

Click Here to read this post in Hindi (Devnaagari Script)

Pichli post ke comments meinPandit Narendra Sharma ki putri Lavanya jee ne 'Madhushala' ki rachna se judi rochak jaankaari baanti hai Lavanya jee likhti hain...

"......madhushala likhane se pahale ke samay kee or chale. shyaama, Dr..Harivansh Rai Bachchan jee kee pahalee patnee thee jisake dehaant ke baad kavi bachchan jee bahut dukhee aur bhagn hrday ke ho gaye the. tab ilaahaabaad ke ek makaan me mere paapa jee ke saath kuchh samay bachchan jee saath rahe. tab tak bachchan jee , jyaadaatar gady hee likhate the. paapa jee ne unhe "umar khaiyaam " kee rubaiyaa " aur Fitzerald, jo angrejee me inhee rubaiyo ka safal anuvaad kar chuke the, ye do kitaabe, bachchan jee ko bhenT kee aur aagrah kiya tha ki"bandhu, ab aap pady likhie " aur "madhushaala " usake baad hee likhee gee thee........."

'Madhushala' kee lokapriyata jaise-jaise baDhatee gee har kavi sammelan me harivansh raay 'bachchan' jee isakee kuchh rubaeeyaa sunaanee hee paDatee. mainne sabase pahale kee kuchh rubaeeyaa manna De kee dilakash aavaaj me sunee thee. usee kaiseT me harivansh raay 'bachchan' jee kee aavaaj me ye rubaee sunane ka mauka mila thaa. aap bhee sune...

madiraalay jaane ko ghar se chalata hai peenevaala,
'kis path se jaoo?' asamanjas me hai vah bholaabhaala,
alag-alag path batalaate sab par mai yah batalaata hoon
'raah pakaD too ek chala chal, pa jaega madhushaalaa.

Manna De kee sadhee aavaaj me HMV par rikaarD kiya huyi CD to aap sab sun chuke hee honge. par Amitabh Bachchan kee aavaaj me 'Madhushala' kee panktiyaa sunane ka aanand alag tarah ka hai. vo usee lay me 'madhushaala' paDhate hai jaise unake pitaajee paDhate the. aur amitaabh kee aavaaj to hai hee jabaradasta. Peechhe se bajatee meeThee dhun bhee man me ram see jaatee hai aur baar-baar haath riple baTan par dab jaate hai. to pahale sune amitaabh kee aavaaj me 'madhushaala' kee chand rubaeeyaa jo unhonne pita ke sammaan me kie ge kavi sammelan ke dauraan sunaee thee.

Get this widget

If listening from above link is aproblem the try the widget below...

madhushala.wma

apane yug me sabako anupam jnyaat huee apanee haala,
apane yug me sabako adabhut jnyaat hua apana pyaala,
fir bhee vrddho se jab poochha ek yahee uttar paaya -
ab na rahe ve peenevaale, ab na rahee vah madhushala!

ek baras me, ek baar hee jagatee holee kee jvaala,
ek baar hee lagatee baajee, jalatee deepo kee maala,
duniyaavaalo, kintu, kisee din aa madiraalay me dekho,
din ko holee, raat divaalee, roj manaatee madhushala.

musalamaan au' hindoo hai do, ek, magar, unaka pyaala,
ek, magar, unaka madiraalay, ek, magar, unakee haala,
dono rahate ek na jab tak masjid mandir me jaate,
bair baDhaate masjid mandir mel karaatee madhushala .

yam aayega saakee banakar saath lie kaalee haala,
pee na hosh me fir aega sura-visudh yah matavaala,
yah antim behoshee, antim saakee, antim pyaala hai,
pathik, pyaar se peena isako fir na milegee madhushala.

mere adharo par ho antim vastu na tulaseedal pyaala
meree jeehva par ho antim vastu na gangaajal haala,
mere shav ke peechhe chalane vaalo yaad ise rakhana
raam naam hai saty na kahana, kahana sachchee madhushala.

mere shav par vah roye, ho jisake aansoo me haala
aah bhare vo, jo ho suribhat madira pee kar matavaala,
de muzako vo kaandha jinake pag mad Dagamag hote ho
aur jaloo us Thaur jahaa par kabhee rahee ho madhushala.

aur chita par jaaye unDhela patr na ghrit ka, par pyaala
kanTh bandhe angoor lata me madhy na jal ho, par haala,
praaNapriye yadi shraaddh karo tum mera to aise karana
peene vaalo ko bulava kar khulava dena madhushala.

'Madhushala' likhane ke baad bachchan jee ne kuchh rubaeeyaa aur likhee thee jiname se kuchh ka jikr mainne pichhalee posT me kiya thaa. vahee apanee TippaNee me sanjeet ne jis rubaee ka jikr kiya hai use sunakar aankhe nam ho jaatee hai. bachchan jee ne isake baare me khud likha tha...

".......jis samay mainne 'madhushaala' likhee thee, us samay mere jeevan aur kaavy ke sansaar me putr aur santaan ka koee bhaavana kendr nahee thaa. apanee trShNa kee seema bataate hue mrtyu ke paar gaya, par shraaddh tak hee

praaNapriye yadi shraaddh karo tum mera to aise karana
peene vaalo ko bulava kar khulava dena madhushala.

jab smrti ke aadhaar aur aage bhee dikhalaee paDe to trShNa ne vahaa tak bhee apana haath failaaya aur mainne likha....

pitr pakSh me putr uThaana ardhy na kar me, par pyaala
baiTh kahee par jaana, ganga saagar me bharakar haala
kisee jagah kee miTaTee bheege, trpti muze mil jaegee
tarpaN arpaN karana muzako, paDh paDh kar ke madhushala. .........."

manna De ne baDe bhaavapoorN andaaj me in panktiyo ko apana svar diya hai. sunie aur aap bhee sang gunagunaiye ....

Get this widget

Post your comments here.

Was writer of Madhushala, himself a heavy drinker ?

Click Here to read this post in Hindi (Devnaagari Script).

School me jab bhee Harivansh Rai Bachchan kee kavitao ka jikr hota ek prashn man me uThata rahata ki jis kavi ne madiraalay aur usame bahatee haala par pooree pustak likh Daalee ho vo to avashy nijee jeevan me dhurandhar peene vaala raha hogaa.

Waise bhee bhala aisee rubaeeyo.n ko paDhakar ham aur soch bhee kya sakate the?

laalaayit adharo se jisane, haay, nahee choomee haala,
harSh-vikampit kar se jisane, ha, na chhua madhu ka pyaala,
haath pakaD lajjit saakee ko paas nahee jisane kheencha,
vyarth sukha Daalee jeevan kee usane madhumay madhushala.

sankochavash ye prashn kabhee mai apane hindee shikShak se poochh nahee paayaa. aur ye jijnyaasa, bahut saalo tak jijnyaasa hee rah gee....

varSho baad Depawali me ghar kee safaee ke dauraan pitaajee kee alamaaree se deemako ke hamale ka mukaabala karata hua isaka 1974 me punarmudrit pockeT buk sanskaraN milaa. aur meree khushee ka tab Thikaana nahee raha jab pustak ke parishiShT me harivansha rai bachchan jee ko khud baDe rochak Dhang se is prashn kee safaee deta paDhaa.

to leejie paDhie ki bachchan jee ka khud kya kahana tha is baare me...

"...........madhushaala ke bahut se paaThak aur shrota ek samay samaza karate the, kuchh shaayad ab bhee samazate ho, ki isaka lekhak din raat madira ke nashe me choor rahata hai. vaastavikata ye hai ki 'madira' naamadhaaree drav se mera parichay akSharashah baraayanaam hai. nashe se mai inkaar nahee karoongaa. jindagee hee ik nasha hai. aur bhee bahut se nashe hai. apane premiyo ka bhram door karane ke lie mainne ek samay ek rubaee likhee thee


svaya nahee peeta, auro ko, kintu pila deta haala,
svaya nahee chhoota, auro ko, par pakaDa deta pyaala,
par upadesh kushal bahutero se mainne yah seekha hai,
svaya nahee jaata, auro ko pahuncha deta madhushala.


fir bhee baraabar prashn hote rahe, aap peete nahee to aapako madira par likhane kee preraNa kahaa se milatee hai? prashn bhola tha , par tha eemaanadaara. ek din dhyaan aaya ki kaayastho ke kul me janma hoo jo peene ke lie prasiddh hai, ya the. chand baradaee ke raaso ka chhappay yaad bhee aayaa. sochane laga, kya poorvajo ka kiya hua madhupaan muzapar koee sanskaar na chhoD gaya hoga! bhole bhaale logo ko bahalaane ke lie ek rubaee likhee

mai kaayasth kulodabhav mere purakho ne itana Dhaala,
mere tan ke lohoo me hai pachahattar pratishat haala,
pushtainee adhikaar muze hai madiraalay ke aangan par,
mere daado paradaado ke haath bikee thee madhushala.

par sach to yah hai ki ham log amoDha ke kaayasth hai jo apane aachaar-vichaar ke kaaraN amoDha ke paanDe kahalaate hai, aur jinake yahaa yah kivadantee hai ki yadi koee sharaab piega to koDhee ho jaegaa. yah bhee niyati ka ek vyangy hai ki jinhonne madira na peene kee itanee kaDee pratijnya kee thee, unake hee ek vanshaj ne madira kee itanee vakaalat kee.................."

Baad mein maine jab pooree pustak paDhee to laga madiraalay aur haala ko prateek banaakar bachchan ne jeevan ke yathaarth ko kitane sahaj shabdo me vyakt kiya hai. agalee posT me chalenge madhushaala kee kuchh rubaeeyo ke sangeetamay safar par...

Post your comments here

Ramdhari Singh Dinkar : Brahma se Kuch Likha Bhagya mein Manuj Nahin Laaya Hai

Click here to read this post in Hindi (Devnagari script)

Aaj raaShTrakavi Ramadhari Singh 'Dinkar' ka janmadin hai. dinakar ka janm 23 september 1908 mein Bihar ke Simariya naamak graam me hua thaa. so janmadin ke saath-saath ye unaka janmashatI varSh bhI hai. bachapan se vo mere sabase priy kavi rahe hain. mujhe yaad hai ki ChaThI se dasavI tak jab bhI hindI kI nii paaThy pustak milatI thI, to sabase pahale mai ye dekhata tha ki kavita vaale bhaag me dinakar kI koii kavita hai ya nahI. unakI kavita ko kabhI man hI man nahI pa.Dha jaata thaa. baar baar pa.Dhate aur vo bhI jor jor se bol ke jaise khud kI hI kavita ho. jayashankar prasaad aur mahaadevI varma ke ChaayaavaadI rahasyo ko samajhane kI umr nahI thI par dinakar kI panktiyaa na keval ba.DI aasaanI se kanThasth ho jaatI thI balki ve man me ek aisa ooj bhar detI thI jisaka prabhaav kavita kI aavrti ke saath ba.Dhata chala jaata thaa.

aaj hi unki ye kavita padhi jo achchi lagi..


brahma se kuCh likha bhaagy mein
manuj nahin laaya hai
apana sukh usane apane
bhujabal se hee paaya hai

prakrti nahin dar kar jhukatI hai
kabhI bhaagy ke bal se
sada haaratI vah manuShy ke
udyam se, shramajal se

ek manuShy sanchit karata hai
arth paap ke bal se
aur bhogata use dUsara
bhaagyavaad ke Chal se

pUjyanIy ko pUjy maanane
me jo baadhaakram hai
vahI manuj ka ahankaar hai
vahI manuj ka bhram hai

Raamdhari Singh 'Dinkar'

Post your comments here.

My Favourite poems of Dr. Ram Kumar Verma

Click Here to read this post in Hindi Devnaagari script.

Dr. Ram Kumar Verma ke vyaktigat jeevan ke baare me muze jyaada kuchh pata nahee thaa. Agar aaj main, unakee ye kavitae aapake saamane pesh kar raha hoo to isaka poora shrey meree maataajee ko jaata hai jinhonne Varma jee kee kavitao se hamaara pratham parichay karaayaa. Aaj bhee aksar vo antyaakSharee khelate vakt ya aise bhee, unakee kavitae dhaaraapravaah bol jaatee hain. Ye muze baad me hee pata chala, ki aadhunik hindi saahitya mein Ram Kumar Verma jee kee ginatee, ek kavi ke aalaava naaTakakaar ke roop me bhee hotee thee. Ram Kumaar jee Allahabad Vishvavidyaalay se juDe the aur apanee samakaaleen, Mahadevi jee ke kareebee the.

Aaj aapke saamne unki teen rachnaon ko pesh kar raha hoon. Asha hai ye aapko pasand aayengi.
***********************************************************
Ye Gajre Taron Wale

Waise to barasaat me shaayad hee meghaviheen aakaash nazar aata hai. par gar aasamaan saaf ho to idhar-udhar bikhare taaro ka saundarya dekhate hee banata hai. Garmee me der raat bijalee gul hone se chhat par khaaT ke oopar leTe-leTe kitanee baar hee is drshy ka aanand uThaaya hai. Par taaro bharee raat, agar ek jharne ke bahate jal ke saanidhy me gujaaree jaye to.....? Paanee par TimaTimaate taaro ke laharaate pratibimb ka sammohan bhee kya khoob hogaa. to chale anubhav kare varma jee ka ye adbut shabdachitra...

is sote sansaar beech,
jag kar, saj kar rajnee baale!
kahaa bechane le jaatee ho,
ye gajare taaro vaale?

mol karega kaun,
so rahee hai utsuk aankhe saaree.
mat kumhalaane do,
soonepan me apanee nidhiyaan nyaaree.

nirjhar ke nirmal jal mein,
ye gajare hila hila dhonaa.
lahar hahar kar yadi choome to,
kinchit vichalit mat honaa.

hone do pratibimb vichumbit,
laharo hee me laharaanaa.
'lo mere taaro ke gajare'
nirjhar-swar mein yah gaanaa.

yadi prabhaat tak koyee aakar,
tum se haay! na mol kare.
to foolo par os-roop me
bikhara dena sab gajare.

***********************************************************

Ek Deepak Kiran Kan Hoon

Raat kee baat ho to fir usako uddeepit karatee deepak kee us kiraN kee gaatha nahee sunana chaahenge aap ? Baalkavi Bairaagi kee ek ojamayee kavita "Deevat par Deep" kee charcha to mainne pahale bhee kee thee. raam kumaar varma jee ne bhee dhuyein kee god me jalatee lau kee kahaanee kuchh yoon bayaan kee hai ..

ek deepak kiraN-kaN hoon
dhoomr jisake kroD me hai, us anal ka haath hoon main
nav prabha lekar chala hoon, par jalan ke saath hoon main
siddhi paakar bhee, tumhaaree saadhana ka..
jvalit kShaN hoon.
ek deepak kiraN-kaN hoon
vyom ke ur me, apaar bhara hua hai jo andhera
aur jisane vishv ko, do baar kya sau baar ghera
us timir ka naash karane ke liye,
mai aTal praN hoon.
ek deepak kiraN-kaN hoon.

shalabh ko amaratv dekar,prem par marana sikhaaya
soory ka sandesh lekar,raatri ke ur me samaaya
par tumhaara sneh khokar bhee
tumhaaree hee sharaN hoon.
ek deepak kiraN-kaN hoon.

***********************************************************

Kholo Priyatam Kholo Dvaar....

Aur chalate-chalate vo kavita jo meree maa aur ab muze bhee behad priy hai .
Is chhoTee see kavita ko maa kee madad se mainne apanee diary mein utaara thaa. Shaayad ye tab likhee gayee ho jab chhaayaavaad kee tootee, hindee kaavy saahity me bolti thi.

shishir kaNo se ladee huyee
kamalee ke bheege hain sab taar
chalata hai pashchim ka maarut
le kar sheetalata ka bhaar

aruN kiraN sam kar se chhoo lo
kholo priyatam kholo dvaar....

Daro na itana dhool dhoosarit
hoga naheen tumhaara dvaar
dho Daale hain inako priyatam
in aankhon se aansoo Dhaar

aruN kiraN sam kar se chhoo lo
kholo priyatam kholo dvaar...

***********************************************************

You can post your comments here.

Raat Aadhee Kheench Kar Meri Hathelee by Harivansh Rai 'Bachchan'

हिंदी में इस पोस्ट को पढ़ने के लिए यहां क्लिक करें।

kavita ya ghazal kee adaayagee, usame kahee huee bhaavanao ko shrota ke dil tak pahunchaane me ek utprerak ka kaam karatee hai . Pitaajee bataate hai ki unake jamaane me Allahabad Univ. me Harivansh Rai Bachchan manch se jab apanee madhushaala ka kaavy paaTh karate, to sab ke sab mantramugdh ho kar sunate rahate . 'Bachchan' ko to sunane ka saubhaagy muze sirf aaDiyo kaiseT me hee hua hai. par high school mein jab pahalee baar dooradarshan par 'Neeraj' ko poore bhaavaavesh ke saath kavita paDhata dekha to man romaanchit ho gaya tha .

vaise veer ras ke kaviyo ke liye to ye adaegee, unakee rojee roTee ka savaal hai . pata nahee aap logo ne kabhee aisa mahasoos kiya ki nahee par jahaa tak mera anubhav hai, jab bhee is koTi ke kavi manch par aate hai to poora sammelan kaksh unakee aavaaj se gunjaayamaan ho jaata hai aur agar taaliyo ke atirek ne unaka utsaah baDha diya to aage kee darshak deergha ke shrotao ke lie kaan ke pardo ke faTane ka bhee khatara manDaraata rahata hai .:)

vaise ye kaabiliyat kitanee aham hai isaka andaaja aap is puraanee ghaTana se laga sakate hai. ye us vakt kee baat hai jab indeevar ke geet filmo me kaafee mashahoor ho rahe the.ek baar kaafee paise dekar Indeevar ko ek kavi sammelan me aamantrit kiya gaya aur jaisa ki amooman hota hai unhe sabase ant me kaavy paaTh karane ko bulaaya gaya . unhonne apane ek behad mashahoor geet se shuruaat karee par unakee adaayagee itanee lachar thee ki janata geet ke beech se hee uTh kar apane ghar ko palaayan kar gee aur aayojak apane turup ke patte ka aisa hashr hote dekh sar dhunate rah ge .

par baat shuru kee thee mainne Harivansh Rai Bachchan se aur aaj unhee kee ek kavita aapake saamane unake suputr amitaabh bachchan ke svar me pesh kar raha hoo. ye kavita prem aur virah kee bhaavanao se labarej hai . itanee khoobasooratee se 'Bachchan jee' ne ek premee ke dard ko ubhaara hai ki kya kaha jae ! aur jab aap ise Amitaabh kee gaharee aavaaj me sunate hai to usaka asar is kadar hota hai ki man kavi kee panktiyo ko apane dil me aatmasaat sa paata hai .

<bgsound src="raataadhi.mp3">

Raat aadhee kheench kar meri hathelee
Ek ungli se likha tha pyar, tumne.

phaasla tha kuchh humare bistaron me
Aur charon or duniya so rahi thi.
Tarikayein hi gagan ki janti hain
Jo dasha dil ki tumhare ho rahi thi.
Main tumhare paas hokar door tumse
Adhjaga sa aur adhsoya hua sa.
Raat aadhi kheench kar meri hatheli
Ek ungli se likha tha pyar, tumne.

Ek bijli chhu gayi, sahsa jaga main
Krishnapakshi chaand nikla tha gagan me.
Is tarah karwat padi thi tum ki aansoo
Bah rahe the is nayan se us nayan me.
Main laga doon aag us sansaar me
Hai pyar jisme is tarah asamarth-kaatar.
Jaanti ho us samay kya kar guzarne ke liye
Tha kar diya taiyyaar tumne!
Raat aadhi kheench kar meri hatheli
Ek ungli se likha tha pyar, tumne.

Praath he ki oar ko hai raat chalthi
Auh ujaale mein andhera doob jaata.
Manch he poora badaltha kaun aise
kkoobiyon ke saath parde ko uttatha.
ek chehra sa laga thumne liya tha
aur meine tha utharaa ek chehra.
vo nisha ka swapn mera tha ke apne
par gazab ka tha kiya adhikaar thumne.
Raat aadhi kheench kar meri hatheli
Ek ungli se likha tha pyar, tumne.

Aur utne faasle par aaj tak
Sau yatna kar ke bhi na aye fir kabhi hum.
Fir na aya waqt waisa, fir na mauka us tarah ka
Fir na lauta chaand nirmam.
Aur apni wedna main kya bataun!
Kya nahi ye panktiyan khud bolti hain?
Bujh nahi paya abhi tak us samay jo
Rakh diya tha haath par angaar tumne.
Raat aadhi kheench kar meri hatheli,
Ek ungli se likha tha pyar, tumne.

(Roman transliteration with the help of bhomiyo.com)

' Deevat Par Deep by Baalkavi Bairaagi

हिन्दी में इस पोस्ट को पढ़ने के लिए यहाँ क्लिक करें ।

Bairaagee jee ne apanee is anupam kavita me baat kee hai chamakate hue soory aur apanee lau se andhere ko door bhagaate deepak kee .

Ek or saare din apanee roshanee bikherata soory hai to doosaree or andhakaar se laData deepak . Bairaagee jee ne baDe hee bhaavanaatmak tareeke se raat bhar jalate is deepak ke charitr me zaankane kee koshish kee hai . Kaalee andhiyaaree raat ke raajadarabaar me usake senaapati pavan se laData ye deepak usakee maar se TimaTima jaroor uThata hai par yuddhakshetr me DanTa rahata hai....avichalit ....niDar...

Par ye niDarata kis kaam kee? Ye jaanate hue bhee ki usaka sangharsh savere tak bhula diya jaana hai .....Usakee is manodasha ko kitanee khoobasooratee se shabdo me baandha hai bairaagee jee ne

mai jaanata hoo tum savere maang usha kee bharoge
jaan meree jaayegee par rN ada usaka karoge!!

Par andhere par vijay paane ke lie jo moolamantr bairaagee jee dete hai vo kitana seedha aur sahaj hai vo in panktiyo se dekhe

aakaash kee aaraadhana ke chakkaro me mat paDo
sangraam yah ghanaghor hai, kuchh mai laDoo, kuchh tum laDo!!

Sach kaun kah sakata hai ki apane aas paas kee ye vastue nirjeev hai . Ek chhoTa sa deepak kitanee moort aur amoort bhaavanao ko apane dil me chhupa kar baiTha hai , par hamane kab khabar lee usakee. Dhany hai ye kavi jo apanee sanvedanasheelata se hamaare aas paas kee in nirjeev vastuo me upamao ke maadhyam se aisa praaN foonkate hai ki lagata hai unake kartyo me bhee koee sandesh hai, koee gooDh baat hai jo ab jaakar udghaaTit huee hai .

Aur isase pahale Madhya Pradesh ke Neemach se taalluk rakhane vaale 'Baalakavi Bairaagee' jee kee pooree kavita aapake saamane pesh karoo, mai behad aabhaaree hoo Rachana jee ka jinhonne is kavita ko muze paDhane ke lie bheja .

Kavita ka naam hai "DeevaT(candle stand ) Par Deep"

hai karoDo soory lekin soory hai bas naam ke,
jo na de hamako ujaala, ve bhala kis kaam ke?
jo raat bhar jalata rahe us deep ko deejai du;aa
soory se vah shreshTh hai, kshudr hai to kya hua!
vakt aane par mila le haath jo andhiyaar se
sambandh kuchh unaka nahee hai soory ke parivaar se!

dekhata hoo deep ko aur khud me zaankata hoo mai
fooT paData hai paseena aur behad kaampata hoo mai
ek to jalate raho aur fir avichal raho
kya vikaT sangraam hai,yuddharat pratipal raho
haay! mai bhee deep hota, joozata andhiyaar se
dhany kar deta dhara ko jyoti ke upahaar se!!

yah ghaDee bilkul nahee hai shaanti aur santosh kee
sooryanishTha sampada hogee gagan ke kosh kee
yah dhara ka maamala hai, ghor kaalee raat hai
kaun jimmevaar hai yah sabhee ko jnyaat hai
roshanee kee khoj me kis soory ke ghar jaoge
deepanishTha ko jagao, anyatha mar jaoge!!

aap muzako sneh dekar chain se so jaie
svapn ke sansaar me aaraam se kho jaie
raat bhar laData rahoonga mai ghane andhiyaar se
ranch bhar vichalit na hoonga mausamo kee maar se
mai jaanata hoo tum savere maang usha kee bharoge
jaan meree jaayegee par rN ada usaka karoge!!

aaj maine soory se bas jara-sa ye kaha-
aapake saamraajy me itana andhera kyon raha?
tamatamaakar vah dahaaDa--mai akela kya karoo?
tum nikammo ke liye mai hee bhala kab tak maroo?
aakaash kee aaraadhana ke chakkaro me mat paDo
sangraam yah ghanaghor hai, kuchh mai laDoo, kuchh tum laDo !!

Kitane sahee nishkarsh par pahunche hai bairaagee jee. Jag ke is andhakaar ko na to ye vishaal sooraj miTa sakata hai na vo chhoTa sa nanha sa deepaka. Jaroorat mil kar mukaabala karane kee hai kyoonki alag thalag hokar is andhere ke saamraajy ko bhed paana atyant kaThin hai .

Laughter Challenge : Hansi ki Phuljhadi ya Hasya ka Avmoolyan ?

हिन्दी में ये पोस्ट पढ़ने के लिए यहाँ क्लिक करें ।

Hasya kaviyon ki aajkal badi shamat hai. jabse Sidhu aur Shekhar Suman ke laughter challenge ne bazaar pakda hai log ab manoranjan ke naam par hasya kaviyon ki jagah Raju Srivastava, Sunil Pal, Naveen Prabhakar, Ahsaan Quraishi ya laughter challange ke anya maharathiyon ko hi bulane lage hain. STAR ONE ka ye show jab mashhoo hua tha to laga tha ki ye swastha manoranjan ki taraf ek saarthak pahal hai. Aur apne pehle saal mein K- series ke serials aur ajhel news channels se uktayi janta ko hansi ke kuch meethe pal bhi diye the.

Par jaise jaise inki lokpriyata badhi, lagbhag sabhi news channel use bhunane mein peeche nahin rahe. Ab itne kam samay mein itni jaldi jaldi script badal kar bhala ye hansi ke saudagar ab naya kya pesh karte. Lihaja ek or to vyapak paimanon par chutkulon ki chori shuru ho gayi to doosri or chutkulon ka bhodapan badhta gaya. Aajkal Sidhdhu waise chutkulon par bhi bhayankar thahake lagate dikhte hain jinmein ashleelta ka put shamil hai. Hansi ke ye diggaj apne bachaav mein ye tark dete hain ki public aisa hi masala chahti hai.

Kya aam jan manas mein hasya ka is qadar avmulyan hua hai. Shayad hua hai, aur ye dekh kar man hi man kashta juroor hota hai.

Mujhe yaad hai ki jab hum school mein the to sare bhai bahan Dharmyug ke Holi visheshank ki besabri se prateeksha karte the kyunki usmein ek se badh kar ek hasya kavitayein hua karti thin. Vividh bharti se aane wale prayojit karyakram mein humara parivaar Surenda Sharma ki Main bolyo...Patni ji ki kadiyan hafte dar hafte sunne ke liye radio se kaan sata kar baitha rahta tha.
Kaka Hathrasi, Hullad Muradabadi, Gopal Prasad Vyas, Shail Chaturvedi, Om Prakash Aditya, Ashok Chakradhar ne humare jeevan mein jis terah swastha hasya ka put bhara tha wo aaj is nimna istar par pahunch jayega kisne socha tha?

Aaj juroorat achche hasya aur phoohadta mein antar ko samjhne ki aur swastha hasya likhne wale kaviyon ko protsahit karne ki varna humari agli peedhi ko virasat mein hasyya ke naam par yahi sab kuch sunne padhne ko milta rahega.

Swastha hasya ka swaroop kya hota tha uski ek jhalak dekhein

Ek mitra mile,ble,"lala tum kis chakki ka khate ho
Is dedh chataank ke rashan mein bhi tond badhaye jate ho
kya rakha hai mans badhane mein manhoos, akl se kaam karo
sankranti kaal ki bela hai, mar mito jagat mein naam karo
Hum bole "rehne do lecture, purushon ko mat badnaam karo
is daud dhoop mein kya rakha aaraam karo aaraam karo...........

Vyas ji ki poori kavita aap mere Hindi blog par padh sakte hain

Jo Tum Aa Jate Ek Baar by Mahadevi Verma !

Chhayavaadi kaviyon se school ke din mein hum sab bahut door bhaagte the. Ek to unki rachnayein sar ke oopar se guzarti thin aur doosre in kavitaaon ke bhaavarth ratne mein sabke haath pair phool jate the. Jayshankar Prasad aur Mahadevi Varma sareekhe kavi humare man mein prem ras ke bajaay aatank jyaada utpanna karte the. Par kitna farq aa gaya hai tab aur ab mein. aaj umra ki is dehleez par inhin kaviyon ki rachnayein man ko pulkit karti hain.

Mahadevi jee kee is rachna ko hi lein...us pyaare se aaguntak ke liye prateeksharat vyakul man se nikalti ye bhaavnayein hriday ko sahajta se chhoo leti hain.
aaj inka bhaavarth batane ke liye master sahab ke notes dekhne kee jaroorat nahin bas dil ke aaine mein jhaank lena hi kaafi hai

Jo tum aa jate ek baar !

Kitni karuna, kitne sandesh
Path mein bichh jaate ban paraag

gaata praanon ka taar taar
aansoo lete ve pad prakhaar !

ha.ns uthte pal mein aadra nayan
dhul jaata oothon ka vishaad
Chha jaata jeevan mein vasant
lut jata chir sanchit viraag

aankhein detin sarvasva vaar
jo tum aa jate ek baar !

Is post ko Hindi mein padhne ke liye yahaan click karein.

Ek Jara Cheenk Hi Do Tum...

Ek hindi patrika ka purana ank ulat raha tha to Gulzaar ki ye paazi nazm dikhi Bhagwan se kuch sawal karte huye. Sach bhakton ne jeena doobhar kar rakha hai bhagwan kaa !Kaise kaise atpate sawaal karte hain log baag bhi :) Leejiye aap sab bhi mulahija pharmaaiye

Chipchipe doodh se nahlaate hain
aangan mein khada kar ke tumhein
shahad bhi, tel bhi, haldi bhi, na jane kya kya
ghol ke sar pe ludhaate hain gilasiya bhar ke

auratein gaati hain jab teevra suron mein mil kar
panv par panv lagaye khade rahte ho
ek pathrayi see muskaan liye
but nahin ho to pareshaani to hoti hogi ?

jab dhuan deta, lagataar pujaari
ghee jalaata hai kayi tarah ke chounke dekar
ek jara cheenk hi do tum
to yakin aaye ki sab dekh rahe ho

Gulzar

Devnaagri mein padhne ke liye yahan click karein

Meri Kavita : Kalpana aur Yathaarth !

Amooman kavita main likhta nahin , yaad hai na DON pichli kab likhi thi :p .Par kya bataoon apni Mehfil mein kavitaon ki antyakshri mein ek akshar 'थ' bahut dinon se seena tane khada tha, garv se ithlata hua ki yaad hai hum se shuru hone wali koyi Rachna. Khair humein to Rachna yaad na aayi par Rachna ji ne pesh kar dee apni ek rachna. par mussebat ye thi ki wo bhi 'थ' se shuru ho kar th par khatma. idhar main do hafton se behad vyasta raha par aakar dekha ki humare naye navelr kaviraaj joshi ji ne usi kavita ko aur aage badhaya hai par mazaal hai ki 'थ' ko apni jagah se hata paaye hon. Mua 'थ' na hua angad ka paanv ho gaya.Humne bhi thaan lee ki aaj chaar panktiyan hi sahi pr kuch likh dalein taki ye 'थ' waali bala tale !

Ab pehli chaar panktiyan likhi to socha kyun na is vichaar ko aage badha ek kavita ki shakl dein. Iska nateeja aapke saamne hai, jyaada buri lage to apni sari gaaliyan akshar 'थ'par kendrit kar deejiyega:)

Kalpana aur Yathaarth


thaam kar ke baadalon ka kaafila
man hua chup jaaon main unke tale
dekh loonga oot se us chaand ko
makhmali si chaandni bikherte

kehte ho tum lukachipi kya khel hai
shobhta hai kya tumhein ye khelna
milo jeevan ke yathaarth se
samjho kya hai jagat ki vedna

Suno ! baat tumne hai kahi sahi
khwaab ka aanchal pakad kar humein
jeevan ko kabhie nahin hai tolna
khud ke swapnon mein karni nahin
parijanon ke sukh dukh ki avhelna

par tum hi kaho ye bhi koyi baat hai
swapna dekha hai jisne nahin
kalpana ki udaan par jo naa uda
doosron ka dard samjhega kya bhala
jiske man mastishk se mar gayi samvedna

so nirbhay ho ke tum oonche udo
sapnon ki chaandni ko tum chakho
par lautana to, paanv dharatal par ho khade
hai karna ab sabko yahi jatan
jeevan mein kaise ho inka santulan


Manish

देवनागरी में पढ़ने के लिये यहाँ क्लिक करें ।