Remembering Madan Mohan : Sapnon Mein Agar Mere...

Lata aur Madan mohan ke beech sneh ka ek atoot rista tha. Ek doosre ke prate ye samman is sneh ka aadhar tha aur yahi wazah thi ki Madan Mohan Lata ki khoobion ko pehchante huye apni dhunein banate the aur Lata uske sath nyaay karne ki purzor koshish karti thin.

Aisa hi ek geet tha film Dulhan Ek Raat Ki ka. To aaiye aaj sangeetkaar Madan Mohan ki yaad mein doobte hain is geet ke madhyam se.


यादें मदन मोहन की : सपनों में अगर मेरे, तुम आओ तो सो जाऊँ 

Raat Hai Kuch Bheengi Bheengi...Chand Hai Kuchh Maddham Maddham...

Barish ke mausam ko dhyaan men rakhte hue kuch dinon pahle mainne lata ji ka gaya film 'parakh' ka geet sunavaya tha. barish ka mausam abhi thama nahin hai. ab aaj mere shahar ka mausam dekhiye na. baahar thndi bayaren to hai hi aur unki sangat men barish ki reshami fuhaar bhi hai. to is bheegi rat men bheenga bheenga sa roomaniyat se bhara ik nagma ho jaaye.

aaj ka ye nagma mainne chuna hai film 'mujhe jeene do' se jo san 1963 men pradarshit hui thi. isake sangeetakaar the Jaidevsaahab. vaise kya aapako pata hai ki Jaidevpahali baar pandrah saal ki umr men ghar se bhagkar munbai aae the to unka sapana ek film abhineta banane ka tha. yahan tak ki bataur bal kalakar unhonne saat aath filmen ki bhi. par pita ke achaanak nidhan ne unake kairiyar ki disha hi badal di. ghar ki jimmevariyan sanbhaalne ke liye Jaidevludhiyana aa ge. bahan ki shadi kara lene ke baad Jaidevne chalis ke dashak men lakhanoo ke ustad akabar ali se sangeet ki shiksha li. Jaidevne pahle unake liye aur baad men es di barman jaise sangeetakaar ke sahaayak ka kaam kiya. Jaidevka durbhaagya raha ki unake anoothe sangeet nirdeshan ke baavajood unki bahut saari filmen jaise reshama v shera, aalaap,gaman v anakahi nahin chalin. par 'mujhe jeene do' aur 'ham donon' ne unhen vyavasayik safalta ka munh dikhalaya.

Jaidev shastriya sangeet ke achchhe jaanakar the. unake rachit geet aksar kisi na kisi raag par aadhaarit hua karte the. 'mujhe jeene do' ka ye geet 'raag dhani' par aadhaarit hai. vastutah raag dhani, raag maalakos se nikala hua raag hai. shastriya sangeet ke jaanakar raag dhani ko raag maalakos ka roomani , mithas bhara roop maante hain. 

par ye geet agar itana madhur v surila ban pada hai to usamen Jaidevke sangeet se kahin adhik sahir ludhiyanavi ke bolon aur lata ji ki gaayiki ka haath tha.  sahir ke baare men ye kaha jata tha ki vo maante the ki geet ke lokapriya hone men sabse bada haath geetakar ka hota hai. isi vajah se kisi bhi film men kaam karne ke pahle unki shart hoti thi ki unka paarishramik sangeetakaar se ek rupaya jyada rahe.

vaise sahir ki shayari isaki hakadaar bhi thi. ab isi geet ko len . shabdon ke doharav ka kitana khoobasoorat prayog kiya hai sahir ne geet ke har antre men. pahle antre men sahir likhte hain

tum aao to aankhen kholen
soi hui paayal ki chham chham

ab aap hi bataiye, ek muzarevali isase behatar kin lafajon se mahafil men aae apane prashansakon ka dil jeet sakti hai? aur geet ke teesara antre men istemaal kiye ge prakritik roopakon ko sunkar todil se bas vaah vaah hi nikalti hai. zara in panktiyon par gaur faramaayen

tapate dil par yoon girati hai
teri nazar se pyar ki shabanam
jalte hue jangal par jaise
barakha barase ruk-ruk tham-tham

vaise to shokh aur chanchal geeton ke liye aasha taai kai sangeetakaron ki pahali pasand hua karati thin par yahan lata ji ne bhi apani gaayiki men geet ke haav bhaavon ko badi khoobasoorati se pakada hai. masalan jab lata hosh men thodi behoshi hai..gaati hain to lagata hai bas ab moorchhit ho hi gayeen.

to aaiye sunte hain is geet ko lata ji ki surili aavaaz men

rat bhi hai kuch bheegi-bheegi

chaand bhi hai kuch maddham-maddham

tum aao to aankhen kholen

soi hui paayal ki chham chham

kisako bataayen kaise bataayen

aaj ajab hai dil ka aalam

chain bhi hai kuch halka halka

dard bhi hai kuch maddham maddham

chham-chham, chham-chham, chham-chham, chham-chham

tapate dil par yoon girati hai

teri nazar se pyar ki shabanam

jalte hue jangal par jaise

barakha barase ruk-ruk tham-tham

chham-chham, chham-chham, chham-chham, chham-chham

hosh men thodi behoshi hai

behoshi men hosh hai kam kam

tujhako paane ki koshish men

donon jahan se kho hi ge ham

chham-chham, chham-chham, chham-chham, chham-chham

film men ye geet filmaya gaya tha vahida ji aur suneel datt par

---

Click Here to read this post in Hindi devnagari script.

Click Here to post your reactions on this article. You can post your comment in English or Romanised Hindi/Urdu also .

---

O Sajna Barkha Bahar Aayi : Lata Mangeshkar. sweet & melodious rain song

Waise to maansoon kerala men dhoom macha raha hai par thodi thodi hi sahi barish ki kabhi halki aur kabhi tez fuharen yahan bhi man ko gudaguda jaroor rahi hain. shayad isi mausam ka asar hai ki idhar kuch dinon se men lata ji ka film parakh ke liye gaya ye atyant madhur geet baraha hothon par aa raha hai. aaj socha kyoon na barish ki ladiyon se bheenge geet ki sondhi mahak se aapako bhi sarabor karoon.

chitra chhayakar : beji jaisan

Lata ji ke gaaye geet ko sunane ke baad bas dil men ek bhavna rah jaati hai..kuch adbhut sa mahasoos kar lene ki। geetakar shailaindra ke shabd barish ki roomaniyat men vikal hoti taruni ke man ko badi khoobasoorati se padhte hain. vaise bhi barish ki fuharen jab hamare aas paas ki prakriti ko apane svachh jal se dho kar hara bhara karne lagti hain to unhen dekh kar hare bhare pedon ki tarah apani hi masti men kisi ka dil bhi jhoomne lage to usamen usaka kya dosh. aur fir, ye hridaya to ek virahani ka hai to vo to jalega hi... saajan ke prem ko aatur ankhiya to tarasengi hi..

yahan ye batana jaroori hoga ki is geet ko sadhana par filmaya gaya tha. par ye sadhana, 'saadhanacut' ke pahle ki saadhana thin. saadagi se bhare saundarya ki pratimoorti. is film ko dekhanevaale jab bhi is geet ki baat karte hain unake man men saadhana ki ye pyari chhavi bhi jaroor ubharati hai। aap bhi dekhiye ..

o sajana barakha bahaar aai

ras ki fuhaar laai

ras ki fuhaar laai, ankhiyon me pyar laai

o sajana barakha bahaar aai

ras ki fuhaar laai, ankhiyon me pyar laai

o sajana ...

tumako pukare mere man ka papihara

tumako pukare mere man ka papihara

meethi meethi agani men, jale mora jiyara

o sajana ...

aisi rimajhim men o sajan, pyase pyase mere nayan

tere hi, khwab men, kho ge...

aisi rimajhim men o sajan, pyase pyase mere nayan

tere hi, khwab men, kho ge

saanvali saloni ghata, jab jab chhaai

saanvali saloni ghata, jab jab chhaai

ankhiyon men raina gai, nindiya n aai

o sajana ...

is geet ke sangeetakaar the salil chaudhari. purane daur ke geeton ka bhi apana adaaz tha. isi geet ko len. geet ki shuruaat pe gaur karen barish ki boondon ke saath kito patangon ka shor sirf char sekend tak hi bajta hai par tab tak aapaka man varshamaya ho chuka hota hai. aur fir sitaar ki dhun ekadam se aa jaati hai. ek baar lata ji ka divya svar kanon men padta hai to man geet ke bolon men ramane lagata hai ki table ki thaap aur ant men aata pashchimi shastriya andaaz liye koras bilkul gaun ho jaate hain. salil da ne lata ji ko jis andaaz men aisi rimajhim men o sajan, pyase pyase mere nayan, tere hi, khwab men, kho ge gavaya hai vo gane ki khoobasoorati ko aur badha deta hai.

salil da us zamane men bhi aaj ke daur ki tarah pahle dhunen banate the aur baad men us par geet likhavaate the. unhonne apani kai dhunon ka istemaal bengali aur hindi dono bhashaon ke geeton ke liye kiya. yaani dhun ek aur geet ke bhaav alag alag. parakh film ke is geet ki dhun bhi unhonne pahle is bengaali geet ke liye rachi thi jise lata ji ne hi gaya tha . to aaiye vo geet bhi sunte chalen...

'ek shaam mere nam' par sangeet par mausam 'baarishana'

• sharabi sharabi ye savan ka mausam....suman kalyanapur
• nanhi nanhi bundiya re savan ka mera jhoolna... malini avasthi
• barasaat ki bheengi raton men....talat azaeej 
• lagi aaj savan ki fir vo jhadi hai

---

Click Here to read this post in Hindi devnagari script.

Click Here to post your reactions on this article. You can post your comment in English or Romanised Hindi/Urdu also .

---

Panchan aur unki 'Mada'l tarang...

'

Pancham da ek aise sangeetakaar the jo sangeet sanyojan men nit naye prayog kiya karte the. vaise to pancham, kishor aur gulazaar ki tikadi ke jaane kitane hi geet sattar ke dashak ke mere sarvapriya geeton men rahe hain par unake kuch geet aise hain jo unamen prayukt dhunon aur taalon ki vajah se yaadon se kabhi door nahin hote. aaj 1978 men bani film 'ghar' ka aisa hi geet yad aa raha hai jiska mukhada aur saath men bajte 'madal' ki anoothi tal aur usake saath spainish gitar ka adbhut sanyojan geet ko ek alag hi pahachaan deta tha. ye geet tha svar kokila lata mangeshkar ka gaya nagma tere bina jiya jaaye na.... to isase pahle ki main aap ko ye bataoon ki pancham da ne is geet men naya kya kiya tha, ye jaan lena jaroori hoga ki aakhir madal vaadya yantra hai kya?

madal bharat ke anya paaranparik tal vaadyon ki tarah hi dikhta hai par hai ye nepal ki bhoomi men panapa vaadya yantra, jiska vahan ke pahadi log lok geeton men prayog karte the. bharat ke uttar poorvi ilakon aur uttar bangal men bhi iska prayog hota raha. dholak aur pakhavaj ki tarah hi madal ko donon taraf se bajaya jata hai par inki tulna men madal chhota aur halka hota hai. isake bade vaale chhor se neeche ke sur nikalte hain jabaki chhote vaale chhor se oopar ke.

pancham ko is nepaali vaadya yantra se parichit karane ka shreya nepal ke madal vaadak ranjeet gazmer ko jata hai jinhen pancham 'kaanchabhai' bhi kahate the. pancham da ko is vaadya yantra se kitana lagaav tha ye isi baat se spasht hai ki unhonne kaanchabhai ko apani aarkestra ka sthayi sadasya bana diya tha.

vividh bharti par pancham ki sangeet yatra vaale karyakram men aasha v gulazaar ji se is geet men kiye ge apane prayog ke baare men baat karte hue pancham ne kaha tha..

ye badi majedaar cheez hai. jis sur men gane ki pankti khatm hoti ho, usi sur men... usi sur ka tabla baje. jaise hamare yahan tabla tarang hai to ham logon ne koshish ki ki use madal tarang men bajaya jaaye...

yaani jis tarah tabla tarang men ek saath kai tabalon ko alag alag suron men laga kar ek saath bajaya jata hai vaisa hi yahan madal ke saath kiya gaya. madal tarang ko dekhna chahate hon to yahan dekh sakte hain.

pancham ne is geet ke aaranbhik tees sekend men jo gitar ki dhun pesh ki hai use jab bhi main sunta hoon ise baar baar sunane ka dil karta hai aur fir geet ke pachasaven sekend ke baad se pancham ki madal par ki gai kalakari (jiska oopar jikra kiya gaya) sunane ko milti hai aur man pancham ko unki bemisaal pratibha ke liye dad diye bina nahin maanta. geet sunane ke baad bhi geet ka mukhada aur pancham ki dhun ghanton dilo dimaag par apana asar banaaye rakhati hai. oopar ki rikarding men aapane lata ke saath kishor ko bhi ek alag tarike se gaate suna. aaiye ab sunte hain lata ji dvara gaya ye nagma.

tere bina jiya jaaye na

bin tere tere bin saajana

saans men saans aae na

tere bina ...

jab bhi khayalon men too aae

mere badan se khushabu aae

mahake badan men raha n jaaye

raha jaaye na, tere bina ...

reshami raaten roz

n hongi

ye saugaaten roz n hongi

zaindagi tujh bin ras n aae

ras aae na, tere bina ...

chalte chalte pancham aur unake madal prem se juda ek aur kissa batata chaloon. 1974 men ek film aai thi 'ajnabi'. pancham ko usake geet record karne the. par hua yoon ki theek usi waqt film jagat men saajakaron ki hadatal ho gai. intaralyoods men sangeet sanyojan men aarkestra ka hona tab ek aam baat thi. ab gana to rikard hona tha to kiya kya jaaye. par pancham to aakhir pancham the. unhonne ek raasta dhoondh nikaala. pancham ne geet ke antre men bajte madal ke ridam yaani tal ko intaralyoods men bhi barakaraar rakha aur saath men jod di tren ki aavaaz aur gana ho gaya supar hit. aap samajh rahe hain na kis geet ki baat ho rahi hai? ji haan ye geet tha lata v kishor ki yugal aavaaz men gaya nagma ham donon do premi duniya chhod chale...

---

Click Here to read this post in Hindi devnagari script.

Click Here to post your reactions on this article. You can post your comment in English or Romanised Hindi/Urdu also .

---

Tumhen yad karte karte jaaegi rain saari... kamayabi ki bulandiyon ko chhoone vali sangeetakaar jodi ka ek bemisaal nagma...

Kya aapako pata hai ki ek zamana vo bhi tha jab kisi sangeetakaar ko hindi filmon men heero se bhi jyada paarishramik diya jata raha ho? aaj ke hindi film udyog men to aisa hona asanbhav hi prateet hoga. par pachas aur sath ke dashak men aisi hi ek sangeetakaar jodi thi jisane apane rache geeton ki lokapriyata ke aadhar par ye mukaam haasil kiya tha. ye sangeetakaar the shankar jaykishan yaani shankar singh raghuvanshi aur jaykishan dayabhai panchal.



jahan shankar tabla bajaane men praveen the to vahin jaykishan ko haaramoniyam bajaane men maharat haasil thi. kaam ke silasile men ek gujaraati nirdeshak ke karyalay men hui pahali mulakaat inki dosti ka sabab ban gai. tab shankar prithvi raj kapoor ke thiyetar ke prithvi men kaam kiya karte the. kahate hain jaykishan se unki aisi jami ki unhonne unhen prithvi thiyetar men bataur haaramoniyam vaadak kaam dila diya. ye un dinon ki baat hai jab raj kapoor saahab aag ki mishrit safalta ke baad apani nai film barasaat ke liye sangeet nirdeshak ki talash men the. par ye taalash kaise poori hui ye vaakaya bhi dilachasp hai. shankar ne dooradarshan men aane vaale karyakram fool khile hain gulashan gulashan men tabassum ko diye apane ek sakshatkar ke dauraan is ghatna ka jikra karte hue kaha tha

raj saahab ne pikchar shuru ki ‘barasaat’. to haradam milte aur kahate ki bhaai gane pasand aaenge to main loonga, tum banate raho. to aise kai gane banaaye lekin unako kabhi pasand aae hi nahin. ham unako kahate ki bhaai aap banavate hain lekin lete to hain nahin. ittefaq se ham poona ge ek waqt thietar ke saath. rat ka waqt tha , mainne baaja liya. baaja lekar kaha – raj saahab! baithiye, ab ye dhun suniye zara – aapako kaisi lagti hai! bhale hi mat lijie lekin sun lijie.. ‘amua ka ped hai, vahi munder hai, aaja more baalma, ab kaahe ki der hai’ ye gana mainne sunaya. raj ji ne sunte hi kaha ki bhaai! apan bambai chalte hain aur gane ko ricord karte hain. to bas fir bambai aa ge aur waqai vo ganbheeratapoorvak us gane ke peechhe lag ge – bhaai vo gana zara fir sunao! baad men us gane ke liye hasarat miyan likhne ke liye aaeaur hasarat jayapuri jab aae to jo gana bankar nikala vo tha jiya beqaraar hai, chhayi bahaar hai, aaja more baalma, tera intazaar hai.

ye geet aur barasaat ka poora sangeet kitana safal hua isase aap sab vaakaif hain. darasal yahin se shankar, jaykishan, shailendra, hasarat jayapuri , lata aur mukesh jaise kalakaron ka ek aisa samooh bana jo jaykishan ke nidhan ke pahle tak rajakapoor ki filmon ka ek tredamark ban gaya. shankar jaykishan ne apani aapasi sahamati se yah nirnay kar rakha tha ki donon men se agar koi duniya se chal basa to jo bachega vo bhi apane geeton ke kredit men shankar jaykishan ka nam hi istemaal karega.

yoon to shankar jaykishan ke tamaam yaadgaar geet rahe hain. par aamrapaali ke liye unka sangeetabaddh ye geet mujhe lata ji ke gaaye hue geeton men bemisaal lagata hai. pichhale mahine lata ji ke janmadin ke avasar par ise aapke saamane prastut karne ki tamanna thi jo samayabhaav ke kaaran poori nahin ho paai. ek aitihasik prem katha par aadhaarit is virah geet ka pratyek antra man ko bhiga deta hai. ise geet ke bol likhe the shailendra ne.

geet to madhur tha hi par ye baat bhi gaur karne ki hai ki kitani pyari hindi ka prayog kiya tha shailendra ne is geet men. darasal "biraha ki is chita se tum hi mujhe nikalo....jo tum na aa sako to, mujhe swapn men bula lo" aur "man hai ki ja basa hai, anajaan ik nagar men,kuch khojta hai pagal khoi hui dagar men..".jaisi panktiyan badi hi tabiyat se nayika ke manobhaavon ko ubharti hain. ubharegin kaise nahin hamari svar kokila ne koi kasar rakh chhodi hai apani bemisaal gaayiki men?

adhikatar sangeet sameekshak ise shankar ki composition maante hain. kaha to yahi jata hai ki film aamrapaali ke saare ganon ko shastriya ragon par aadhaarit karne men shankar ka haath tha. vaise is geet ke mukhade aur antre ke pahle sitaar ki jo madhur dhun shankar ne rachi hai vo to geet men bas char chaand hi laga deti hai. to aaiye ek baar fir sunte hain is meethe sammohak geet ko jo filmaya gaya tha vaijayantimala ji par.




tumhen yad karte karte jaaegi rain saari
tum le gaye ho apane sang nind bhi hamari

man hai ki ja basa hai, anajaan ik nagar men
kuch khojta hai pagal khoi hui dagar men
itane bade mahal men, ghabaraaoon main bechari
tum le gaye ho apane sang nind bhi hamari
tumhen yad karte karte .....

biraha ki is chita se tum hi mujhe nikalo
jo tum na aa sako to, mujhe swapn men bula lo
mujhe aise mat jalao, meri preet hai kunvari
tum le gaye ho apane sang nind bhi hamari
tumhen yad karte karte
tumhen yad karte karte.....

---

Click Here to read this post in Hindi devnagari script.

Click Here to post your reactions on this article. You can post your comment in English or Romanised Hindi/Urdu also .

---

Apane aap raton men chilamanen sarakti hain..Kaif Bhopali ka likha ek yaadgaar nagma.

Yaad hai na garmi ke dinon ki vo raaten jo aapane chhat par akele kisi ka intazaar karte hui bitaai thin. par ye intazaar kiska ? sabse azaeeb baat to yahi hoti thi ki hamen khaud pata nahin hota tha ki ham aakhair hain kisaki pratiksha men ? par us intazaar ki kaifiyat dil men tari rahati thi. bas bunte rahate the man men ham us anajaane azanabi ki shakhsiyat. chaand taron men khoja karte the us chehare ka aks. charon or faili shoonyata men bhi sunaai deti thin unki sadaayen.

Par ye to un beete lamahon ki baate hain. ye sab main aaj aapase kyoon kah raha hoon? kya karoon kaif bhopaali ka likha ye nagma un ahasason ki yad tajae jo kar raha hai. bhopal ke azaeem shayar Kaif Bhopali ka ye geet film Shankar Hussain ka hai jo 1977 men aai thi. sangeet rachna thi Khayyam ki.


Kaif saahab ne is geet ke liye jo bol likhe vo apane aap men kamaal the. ab in panktiyon ko dekhiye kitana makhamali ahasaas jagati hain dil men

ek ajanabi aahat aa rahi hai kam-kam-si
jaise dil ke paradon par gir rahi ho shabanam-si

ya fir ise sun kar kaun sanvedansheel hridaya rasasikt na ho uthega

jaane kaun baalon men ungaliyan pirota hai
khelta hai pani se, tan badan bhigota hai

Sangeetakaar khayyam ne geetakar ke lafzon ki isi gaharaai ko dhyaan men rakhakar namamaatra ka sangeet diya. natija ye ki geet sunte vakat aapaka dhyaan bolon se hat hi nahin sakta. aur agar aapako bhatakne ki beemari bhi ho to kokilakanthi lata ki bhavapoorn svaralahari aapako bhatakne nahin degi. darasal sitaar ki aaranbhik dhun ke baad lata ji ki aavaaz kanon tak chhan chhan kar kaif bhopaali ke shabdon ko is tarah pahunchati hai ki man geet ki bhavanaaon ke saath hichakole lene lagata hai. ye geet is baat ka saboot hai ki agar geet ke bolon aur gaayiki men dam hon to sangeet ka kiradaar gaun ho jata hai.

To aaiye sunte hain lata ji ke gaaye is geet ko


apane aap raton men chilamanen sarakti hain
chaunkte hain daravaaze, seedhiyan dhadakti hain
apane aap.. apane aap..

ek ajanabi aahat aa rahi hai kam-kam-si
jaise dil ke paradon par gir rahi ho shabanam-si
bin kisi ki yad aae, dil ke tar hilte hain
bin kisi ke khanakaaye choodiyan khanakti hain
apane aap.. apane aap..

koi pahle din jaise ghar kisi-ke jata ho
jaise khud musafir ko raasta bulata ho
paanv jaane kis jaanib, be-uthaaye uthate hain
aur chham-chhama-chhamachham paayalen jhanakti hain
apane aap.. apane aap raton men

jaane kaun baalon men ungaliyan pirota hai
khelta hai pani se, tan badan bhigota hai
jaane kisake haathon se gagaren chhalakti hain
jaane kisaki baahon se bijaliyan lapakti hain
apane aap . ..

apane aap raton men chilamanen sarakti hain
chaunkte hain daravaaze, seedhiyan dhadakti hain
apane aap.. apane aap..

Waise to pakeeza aur razia sultan ke apane lokapriya geeton ke aalava kaif bhopaali saahab ne kai gazalen bhi kahin. unamen se kuch ko jagajeet sinh ne apani aavaaz men gakar aam jan tak pahunchaya . par un gajalon ki baat kabhi aur kar lenge. abhi to is geet ko sunane se bane mood men kuch aur sunavakar aapaka maza kirakira nahin karana chahta.

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Mere Sirhane Jalao Sapne : Dreamz without action have no meaning !

Sapne dekhane chahiye..yahi to vicharak sadiyon se kahte aaye hain par sath men vo ye bhi puchhalla jod dete hain ki apne sapanon ko poora karne ki disha men manushy ko thhos kadam bhi uthane chahiye. aur ye tabhi sambhav hai jab insan men adamya ichchha shakti, badhaon se ladane ka dridhasankalp aur mehnat se door bhagane ki fitrat na ho.

Par ye batein kahna aasan hai aur ise apne jivan men karyanvit kar pana behad mushkil. apne aas pas ki duniya men roj kaee patra aise nazar aate hain jinaki khvabon ki udan to kafi lanbi hoti hai par uske anuroop unke karmon ki ferahist behad chhoti. aur oopar se unhein is bat ka ahasas tak nahin hota. asafalta ka ek var aise logon ka utsah thanda kar deta hai. apne bhagy ko kosate vo apna samay duniya men nuqs nikalne men hi vyarth kar dete hain. par khvab hain ki fir bhi bechain kiye rahte hain aur log baag safalta ke shortcut ki talash men kuchh aise bhatak jate hain ki vapas zindagi ki gadi patri par laa pana behad mushkil ho jata hai.

Ye to nahin kahoonga ki bilkul aisa hi, par kuchh kuchh milata huaa ek jatil charitra tha Madame Bovary ka jinhen nabbe ke dashak men Ketan Mehta ne apni film maya memasaab men maya ke bharatiy roop men roopantarit kiya tha. film ki katha men maya ne bhi apni khvabon ki udan bina vanchhit karmon ki latayee ke aasaman men belagam chhod di thi. in khvabon ne jab maya ki zindagi ke makan men apne liye koee aashiyana nahin dekha to sarpon ki kenchul chada nind men apan fan failaye chale aaye use dasane.. ab aise sapanon ka kya kare maya, shayad unake dahan se hi use mukti mile..

Khvabon khayalon ki bhasha ko agar kisi geetakar dvara vividh konon se dekhe parakhe aur rache jane ki baat aati hai to sabase pahale gulzar ka nam jehan men ubharata hai. aur shayad isiliye ketan mehta ne film maya memsaab ki svachhand vyaktitv svamini maya ke man ko padhne ka kam gulzar ko saunpa. aur dekhiye kis khoobsoorati se is geet men gulzar ne maya ki bhavanaon ko apane lafz diye hai..

Mere sirhane jalao sapne
Mujhe jara si to neend aaye

Khayal chalte hain aage aage
Main unki chhaon main chal rahi hoon
Na jaane kis mom se bani hoon
Jo katra katra pighal rahi hoon
Main sahmi rahti hoon neend main bhi
kahin koi khwab das na jaye

Kabhi bulata hai koi saaya
Kabhi udati hai dhool koi
Main ek bhatki hui si khushbu
Talaash karti hoon phool koi
Jara kisi saakh par to baithun
Jara to mujhko hawa jhulaye

to aaiye sunen Hridaynath mangeshkar ke sangit nirdeshan men lata mangeshkar ki madhur svar lahari se susajjit ye geet..

---

Click Here to read this post in Hindi devnagari script.

Click Here to post your comment on this post.

---

Now listen Dil jo na kah saka in Lata's sweet voice..

Pichchali post mein aapne suna is geet ko Mohammad Rafi ki aavaj mein. suron ki malika lata ji ne bhi is pyare se geet ko apana svar diya hai. jaisa ki mainne pahale kaha tha ki lata vale version ka mijaj kuchh doosara hai. rafi sahab ka gaya geet ek ooncha tempo liye huye tha vahin mina kumari par filmaya ye geet us shant nadi ki dhara ki tarah hai jiske har sire se sirf aur sirf roomaniyat hee tapakti hai.

Jahan rafi sahab ko vibhinn antaron mein geet ke badalate bhavon ke hisab se aavaj ka lahaja badalana tha vahin lata is geet mein apni mithi aavaj se prem mein aasakt nayika ke kathyon mein misari gholati nazar aati hain.

Waise antarjaal par is geet ke bare mein ye bahas aam hai ki geet ke in donon roopon mein kaun si prastuti jyada dharadar thi? do mahan gayakon ki aisi tulna mujhe to bemani lagti hai, khasakar tab jab donon geeton ki paristhitiyan film Bheegi Raat mein bilkul alahada thin. Haan, mujhe ye jaroor lagata hai ki rafi vale varsion ko safalata poorvak nibhane ke liye kisi bhi gayak ke liye chunautiyan kahi jyada thin.

Lata, Roshan ji ki bataur sangeetakar behad izzat karati thin . Aur yahi vajah hai ki pachas sath ke dashak mein bahu begam, chitralekha, mamta, tazmahal mein sangeetakar raushan ke liye gaye unake geet hindi parshv film gayan ki anamol dharohar ban gaye hain.

Waise ye geet bhi apne aap mein lajavab hai. geet ke shuruaati hisse mein lata ji ki humming ke beech chashani mein ghula huaa unaka svar ubharata hai to bas man mein sama bandh jata hai. vaise isake baad koee kasar bachati bhi hai to geetakar sahir ke kabhi narmi kabhi shokhi liye bol aapako roomani mahaul se nikalane ka mauka hi nahin dete. to suniye is geet ko

hmmm hmmm hmmm hmmm
dil jo naa kah sakaa
wohi raaz-e-dil kahne ki raat aayi
dil jo naa kah sakaa
wohi raaz-e-dil kahne ki raat aayi
dil jo naa kah sakaa

naghma sa koyi jaag uthaa badan me
jhankar ki si tharthari hai tan me
jhankar ki si tharthari hai tan me
ho pyaar ki inhi dhadakti
dhadakti fizaaon me
rahne ki raat aayi
dil jo na kah saka
wohi raaz-e-dil kahne ki raat aayi

ab tak dabee thi ek mauj-e-armaan
lab tak jo aayi ban gayee hai toofaan
lab tak jo aayi ban gayee hai toofaan
ho baat pyaar ki bahakti
bahakti nigaahon se kahne ki raat aayi
dil jo na kah saka ....

guzren na ye shab khol doon ye julfen
tumko chupaaloon moond ke ye palkein
tumko chupaaloon moond ke ye palkein
ho bekaraar si larajti
larajti si chaaon mein
rahne ki raat aayi
dil jo na kah saka .......

Aur Meenakumari par filmaye is geet ko yahan dekh sakte hain...

---

Click Here to read this post in Hindi devnagari script.

Click Here to post your comment on this post.

---