If you are a bit perplexed to see such a heading for this post, be clear that it is not about Ahmad Hussain & Md Hussain's famous ghazal. This post is more about my relationship with the moving wind from childhood to adult phase. And while recollecting those memories I can not forget to share those antidotes from Suresh Chopra related to gushing winds, who was then a columist in TOI.
October 1982 men hosh sanbhaalne ke baad pahali baar shayad dilli jana hua tha. dilli ki aitihasik imaaraten bhi tabhi dekhi thin par sabse jyada jo baat yad rah gai, vo thi us rat ki! poori yatra ke dauraan pitaji se yahi shikayat karta raha tha ki papa agar aap ek mahine der se hamen yahan laaye hote to hamen eshiyai khelon ko dekhne ka mauka mil jata. baad men mera man rakhne ke liye pitaji hamen navanirmit javahar lal neharu stadium ke baahar le aae the.
baahar se hi doodhiya roshni se nahaya hue stadium ko dekhna ek chhote shahar se aae us bachche ke liye kitana romaanchakari raha hoga ye aap bhali bhanti samajh sakte hain. meri manah sthiti ko samajh pitaji hamen stadium ke andar dakhil kar lene ke jugad men lag ge the. andar udghatan samaroh ki taiyariyan joron par thin.
sanyog se stadium ke baahar tainat surakshakarmi hamare pradesh ka tha aur pitaji ke kahane par usane hamen das minat ke liye andar jaane ki izajat de di thi. Seedhiyan chadhkar jab stadium ke andar mainne kadam rakha to andar ke us alaukik drishya hari doob ki vishal aayatakar chaadar aur usake charon aur faila hua track ka katthai ghera aur maidaan se aati swagatam ki madhur dhun. ... ko dekh sun kar man khushi se jhoom utha tha.
inhi smritiyon ko liye main vapas patna aa gaya tha. man men in khelon ke prati utsah ka ye aalam tha ki agale mahine jab navanbar se ye khel praranbh hue the tab mera poora din telivizan ke saamane baith kar jata tha. ye batana aavashyak hoga ki eshiyai khelon ke saath hi patna men rangeen telivizan ki shuruaat hui thi. hamare ghar tab rangeen kya, shvet shyam tivi bhi nahin tha. par ham subah aath baje hi naha dho kar padosi ke ghar chale jaate aur vahan anya bachchon ke saath hi jameen par baith kar khiladiyon ke karanamon ko apalak nihara karte the.
jimanastik, ghudasavari, naukayan, golf, lon tenis v ethaletics ki vibhinn pratispardhaayen kya hoti hain aur kaise kheli jaati hain ye mujhe pahali baar inhi khelon ke dvara pata chala. bees kimi daud ke svarn padak vijeta chaand ram, madhyam doori ki dhaavika geeta jutshi, hamari golf teem tab ke hamare heero ban ge the. vahin pakistan se hoki ke faainal men mili karari haar jisamen hamare golakipar negi ka lachar pradarshan aur kaptan zafar ikabal ka penalti strok mis kar jana shamil tha, hamen bahut dinon tak akharta raha tha.
isi liye jab 28 saalon baad itane bade star par rashtamandal khel jaisi khel pratiyogita ki mezabani karne ka mauka bharat ko mila to mujhe hardik khushi hui thi. tamaam log is tarah ke khelon ko paise ki barbaadi batate rahe hain par mere man men is baat ko le ke kabhi subaha nahin raha ki is tarah ke khelon ka aayojan se desh ke pratibhavan khiladiyon (jo aadhi adhoori suvidhaon ke balaboote par bhi apani apani spardhaon men achchha pradarshan kar rahe hain) ko ek achchha pletafarm mil jata hai. jo rol modal in khelon ke zariye chamakte hain vo kai bhavi khiladiyon, yuvaaon aur bachchon men ek aasha ki kiran, ek sapana jaga jaate hain ki ham bhi kabhi us mukaam par pahunch sakte hain. isake atirikt desh ke nagarikon men aise safal aayojan se jis aatmagaurav ki bhavna jaagrat hoti hai usaka koi mol nahin hai.
par in sab baaton ka ye matalab nahin ki ham in khelon ke aayojan men hue bhrashtaachaar par aankhen moond len. doshiyon par nakel kasane ke liye jo karyavahi chal rahi hai vo apane uchit mukaam par pahunche, yahi aasha hai.
pichhale do hafton ke aayojan men karyalay se ghar aa kar bitaaye lamahe mere liye behad khushagavar rahe hain. teen dashak poorv hue bachapan ke us abhootapoorv anubhav men fark yahi tha ki is baar mere bachapan ko mere aath varsheeya putra ne jeeya aur main bhi usaki sangat men vahi baalak ban gaya.
aaj main comanavelth khelon se judi in yaadon ko un khiladiyon, mazadooron, desh ke vibhinn bhaagon se aae kalakaron, suraksha balon ke javaanon, svechha se apani sevaayen dene vaale bachchon ko samarpit karana chahta hoon jinki athak mehanat ka fal hamane is abhootapoorv aayojan men dekha. udghatan samaroh men bharat ke vividh rangon ka itana suruchipoorn pradarshan bahut dinon tak yad rahega. itane sundar nritya, man mohati poshaken aur sabse lajavab bharateeya rel ke binb ke jrariye bharat ke aam nagarikon ka sammaan.
hariyana aur pashchimi uttarapradesh apani sankeern samajik prishthabhoomi, mada bhroon hatyaaon ke liye badanaam rahe hain. par mujaffaranagar ki alka tomar aur bhivani ki geeta jab apani virodhi pahalavaanon ko patakhani de rahi hain to man yahi soch raha hai kya ve apane ilake ke logon men bachchiyon ke liye nai soch ka sootrapaat nahin karengi? gauratalab rahe ki ye mahilaen sarakari madad se jyada apane abhibhavakon dvara mile sahayog se is mukaam tak pahunchane men safal hui hain. ye vo khiladi hain jinhonne aayatit gaddon ke bajaaye mitti ke akhadon men kushti ki shuruaat ki. jimanejyim ke bajaaye khet khalihanon men daudakar apani fitanes banaaye rakhne ki kavayad ki aur in sabse jyada samaj ki paravaah na karte hue bhi us spardha men nam kamaya jo unake liye praayah varjit thi.
fir bhi jab inka jazabe ki misaal dekhiye. babita, geeta ki chhoti bahan hain. chehare se abhi bhi bachchi hi dikhati hain. rajat padak jeet liya unhonne par aankhon men aansu hain... kuch galti ho gai nahin to gold main bhi le hi aati..bhagavaan kare jeet ki ye bhookh aage bhi bani rahe...
chaliye paridrishya badalte hain. baat karte hain jharakhand ki jahan hockey aur teerandaji ke pratibhavan khiladiyon ki achchhi khasi paudh hai. suvidhaon ke nam par kuch estrotarf stadium bane. rakh rakhaav ke aabhaav men fat ge hain par khiladi unhin par ab bhi khelte hain. sports hostal hain par vahan khiladiyon ko dhng ka bhojan naseeb nahin hai. fir bhi purush aur mahila hoki teem men aadivasi khiladi apani pratibha ke bal par mukaam bana hi lete hain.
deepika kumari ko hi lijie pita aatoriksha chalate hain, maan ek nars hain. beti ko nishana saadhne ka bachapan se hi shauk tha. teer na sahi patthar to the aur lakshya aam ka ped. par sheeghra hi man men ye aatmavishwas sama gaya ki agar main ye nishana achchha laga sakti hoon to teer bhi hi nishane par hi chhodoongi. ek baar tata ki teerandaji ekadami men pravesh mila to fir usane peechhe mud kar nahin dekha. gyaharavin men पढ़नेवाली ye ladaki gems ke faainal men apane virodhi ko apane skor ke paas bhi nahin fatakne deti. hamare sistam men ye chamatkar nahin to aur kya hai !
aisi kitani hi kahaniyan aapako nishanebaajon, bharattolakon aur ethaleet ki mil jaayengi jinhonne vipareet paristhitiyon men bhi apane desh ka sar garv se ooncha kiya hai. comanavelth khelon ki safalta ka sara daaromadaar in khiladiyon par hai. chalte chalte kuch lamahe jinhonne in khelon ko mere liye kuch aur khaas bana diya.
khel hockey, maich bharat banam pakistan ... bharat ke liye karo ya maro ki sthiti. shuruaati kuch minat aur pakistan gol par tabadatod hamale..kya suraksha pankti, kya aakraman pankti, jagah badal badal kar , pratidvandiyon ko chhakate aur mauka padane par lanbe pos dene men bhi kotahi nahin baratate in khiladiyon ke aakraman ki laharen dekhte hi banti thin. kuch minaton men skor 1-0 se badhakar 4-0 ho jata hai aur antatah 7-4 se bharat vijayi hota hai. shayad comanavelth hoki men ab tak padakaviheen rahi bharateeya teem ke liye ye ek nai shuruaat ho.....
khel hockey, maich bharat banam England inglaind 3-0 se aage. main nirash ho kar tivi band karne ki galti kar baithata hoon. putra ke aagrah par pandrah minat baad tivi kholta hoon ye kya skor 3-3 aur fir penalti strok ka vo drama. man men zafar ikabal ka bhoot fir ubharta hai par is baar ki patakatha kuch aur hai.....
khel badminton, maich bharat banam malaysia maleshiya 2-0 se aage. saina rabar ko bachaane ke liye maidaan men utarati hain. maleshiya ki anubhavi khiladi bade kam antar se pahla set apane nam karati hain. saina jaanti hen ki unake jeetne se bhi antim nirnay men jyada fark nahin padane vala. par agale do seton men jor lagati hain. har ank ke liye kaante ki takkar, lanbi thaka dene vali railiyan . par saina apana aatmabal nahin khoti. yahi kahani vo ekal faainal mukable men doharaati hain. kitane dinon baad dekha hai itane majaboot iraadon vala khiladi......
khel : table tennis, padak vitaran samaroh purush yugal rashtradhun ke saath tirange ka uthana tebal tenis khiladi sharad kamal ko bhavatirek kar de raha hai. bharateeya dhvaj oopar uth raha hai aur vo podiyam par khade ho kar foot foot kar ro rahe hain. khushi ke aansuon ka sailaab kitana anokha hota hai na....
khel :atheletics, 4 x400 meetar mahila relay par poore khelon ka sabse aanandadayak kshan diya mujhe 4 x400 meetar ki mahila relay team ne. manajeet kaur, sini, ashvini aur manadeep ki is chaukadi ne jis tarah se naijiriyai dhaavakon ko peechhe chhoda vo apane aap men ek kamaal tha. manajeet aur sini ne doosare chakra tak bharat ko doosare sthan ke kareeb rakha tha par ashvini ne teesare chakra men peechhe khisak jaane ke baad jis teji se teesare se doosare aur fir pahle sthan par teem ko la kar khada kar diya vo kalpana se pare tha. aur manadeep ne ye badhat ant tak barakaraar rakhi...
to aaiye ek baar fir dekhte hen ki ye sab hua kaise..
ek baar fir se rashtramandal khelon kee in mahaan sipaahiyon ko mera kotishah naman. aasha hai inki mehanat ko se hamara khel tantra aur behatar dhng se kaam karega taki sau karod se jyada aabadi vaale is desh ko aise anek gauravashali kshanon dekhne aur mahasoos karne ka mauka mile.
To aaj hai bachchon ka din yani baal divas ! to kyoon na is din bachpan ki kuchh baton ko sajha kiya jaye ek behad dilaazeez geet ke sath. Samay ke sath kitana badal gaya hai tab aur aaj ka bachpan. Tab bhi mastiyan aur shaitaniyan hoti thin aur aaj bhi. fark aaya hai inake taur tarikon men, tab ke aur aaj ke mahaul men.
Bachpan ki smrtiyon par najar daudaoon to bahut sari baten anayas hi man men aati hain. Pedon par rassi laga kar jhoola jhoolana, imali ke ped ki darate darate chadaee karana, tokari ko tirachha kar rassi ke sahare chidiya ko pakadane ki koshish karana, harane ya khel men na shamil kiye jane par tesuye bahana, man ka na hone par bar bar ghar chhodane ki dhamaki de dalana aur aisi hi na jane kitani aur baten. par aaj bat un khelon ki jinhen khelate huye bachpan ka ek bada hissa bita.
Bachpan men pahala khel jo hamanen sikha tha vo tha Budhiya Kabaddi. agar aap is khel se vakif na hon to ye batana jaroori hoga ki is khel men apani sans bina tode bari bari se vipakshi dal ke khiladiyon ko daudana aur inhen chhu kar vapas aana hota tha. Aisa isaliye kiya jata tha taki ek gol rekha ke andar khadi apane dal ki budiya ko bhagane ka rasta mil jaye. Kabaddi ke is parivartit roop men gol rekha ke andar khade khiladi ko budiya kyoon kaha jata tha ye abhi bhi meri samajh ke bahar hai.
Zahir hai jitani lambi saans hogi utane hi adhik khiladiyon ko daudakar aap budiya ka kam aasan kar sakate the. ab ek sans ko lene ke liye kaee tarike the. sabase prachalit hota tha
shail tieeeeeeeeeeeeeeeeeeeeeeeeeeeeeeeeeeeeeeeeeeee............. ya fir
kabaddi ke bad baddi bad baddi bad baddi......
Par in donon tarikon men sans men her fer yani cheating karane ki gunjaish kafi kam hoti thi to ham log inaka istemal kam hi karate the. sabase majedar rahata
shail dalle chhu dalle chhoo dalle chhoo dalle chhoo...
bolana kyoonki ye itani dhimi gati se bola jata ki sans le lene ka pata hi n chalata. Agar vipakshi khiladi shikayat karte to ham apane doosare sahare Prakash Lal ki sharan men chale jate. Ab ye n poochhiyega ki ye Prakash Lal kaun tha kyoonki ham to use jane bagair hi usaka marsiya padh dete the yani
shail kabaddi aas lal mar gaya prakash lal mera kurta lal lal lal lal...
Budiya kabaddi ka shumar to ab luptapray khelon men kar lena chahiye. par gilli danda, rassi aur lattoo, kanchoin, pitto, konon ki adala badali aur rumal le kar bhagane vale khel to kasbon aur ganvon men jaroor khele jate honge. aaj to bajar men har aayu varg ke liye tarah tarah ke aakarshak khel hain khasakar tab jab aapaki jeb men inake liye paryapt paise hon. vaise bhi aaj ke bachchon ke hatha, mobile aur computer ke keybord men game khelne ko itane siddhast ho jate hain ki unhen gilli aur dande ko pakadane ki jaroorat hi kya hai. par jo bachche in suvidhaon se abhi bhi door hain unake liye to ye khel aaj bhi mauj masti ki tarang jaroor late honge.
To aaiye aaj aapako vo geet sunaoon jo mujhe apane bachpan ki inhin yadon ke bahut kareeb le jata hai. Sujata film ke is geet ke bol likhe the Mazrooh Sultanpuri ne aur sangeetabaddh kiya tha Sachin Dev Burman sahab ne. Geeta Dutt aur Asha ji ne jo chuninda yugal geet gaye hain unamen se ye ek tha. gayiki, sangeet aur bol teenon ke lihaz se ye geet mujhe pasand hain ..
bachpan ke din bachpan ke din bachpan ke din bhi kya din the hay hay bachpan ke din bhi kya din the udate phirte titali ban ke bachpan....
vahan firate the ham phoolon men pade yahan dhoondhate sab hamen chhote bade thak jate the ham kaliyan chunte bachpan ke din bhi kya din the udate phirte titali ban ke bachpan.....
kabhi roye to aap hi hans diye ham chhoti chhoti khushi chhote chhote vo gham hay re hay hay hay hay re hay kabhi roye to aap hi hans diye ham chhoti chhoti khushi chhote chhote vo gham hay kya din the vo bhi kya din the
bachpan ke din bhi kya din the udate phirte titali ban ke bachpan ...
pichhale hafte se pc ki or dekhane ka hi dil nahin ho raha. bloging hi bemani lag rahi hai. cuttack mein bharat ki jit ki khushi ko dil mein aatmasat kar hi raha tha ki channel surfing ke dauran remote ka button hath se dab gaya. aur fir rat ke das baje se daee baje tak tivi ke parde sadak par girati lashon ke manjar ko dekhata raha. bahut si tasaviren bilkul dil se nahin nikal pa raha, karyalay yantravat ja raha hoon par jehan mein vahi baten umad ghumad rahi hain. kuchh prashn hain jinhen har vyakti poochh raha hai, ye janate huye bhi ki usake prashn ka eemanadari se javab dene vala yahan koee nahin...
.......taj aur viti steshan par golibari shuru ho gaee hai. shuruaati report mein bataya ja raha hai shayad do guton ki aapasi ranjish ka natija hai. taj ke samane afaratafari ka mahaul hai. pulis ka sipahi hath mein danda le kar logon ko hata raha hai. par logon ko hatate hatate anayas hi bagal ki bench par jhuk gaya hai. ek goli usake pet ke pas lagi hai. jin logon ko vo vahan se hata raha tha vahi use kandhe par le kar kisi gadi se use hanspital bhijavane ka intajam kar rahe hain. ek taraf AK47 ki andhadhundh firing hai to doosari or ye pulisiya danda ! kya is nainsafi ka javab kisi ke pas hai?
......yek ghanta beet chuka hai. taj par pulis ki aur tukadiyan hathiyaro samet aa gaee hain. unhen bas itana bataya gaya hai ki taj mein kuchh aatankavadi ghuse hain. aatankavadi kitane hain, kahan chhupe hain pata nahi? par jaise hi ye sipahi apani position lene ke liye gadi se utarate hain oopar se goliyon ki bauchhar shuru ho jati hai. hamare sipahiyon ko apane shatruon ke bare mein kuchh bhi nahin pata hai par ve sankhya mein itane kam hote huye bhi sari gatividhiyan dekh pa rahe hain. agale chhar ghanton mein jab tak NSG commando ko kaman saunpi jati hai to bhi koee rananiti nahin ban paee hai aur na aatankiyon ki sthiti ke bare mein janakari mein ijafa huaa hai. sanbhavataः yahi vo samay raha hoga jab golibari se ghayal log dam tod rahe honge. sahaj prashn uthata hai ki kya hamari pulis jis par munbaee ki suraksha ki pahali jimmedari hai, kya is tarah ki sthiti se nipatane ke liye prashikshit hai?
.....viti par tabahi machane ke bad aatanki kama hanspital ki or chal pade hain. khabar milati hai ki vahan se ek jipsi uda li gaee hai. midiya us jipsi ko aate huye dikha raha hai. kaimaramain pulis ki jipsi samajhakar us par fokas karata hai. par ye kya usaki khidakiyon se goliyan nikalati dikh rahi hain. jipsi kuchh der mein ojhal ho jati hai par kaimara jese hi agal bagal ghoomata hai sadak par lashen giri dikhati hain. ek vyakti sadak par se apane mitr ko bula raha hai,par tabhi vo khud bhi goliyon ka shikar ho jata hai. e ti es pramukh hemant karakare aur unake sathiyon ko inhin bagate aatankavadiyon ne goli se chhalani kar diya hai. rat ke do baj gaye hain par is khabar ko sun kar man aur bujh sa gaya hai.
hemant karakare vahin hain jo maleganv ke bam dhamakon ki janch kar rahe the. kaisi vidanbana aur besharmi hai ki hamara pramukh vipakshi dal jo is janch ki satyata par savaliya nishan utha raha tha aaj is vir ki vidhava ko muaavaja dene ki bat kar raha hai. hal ke bam dhamakon ke bad muthabhed mein dilli mein bhi jab hamare javan shahid huye the to doosare dal apani rajanitik goti senkane mein pichhe nahin rahe the. aur pradesh ke grh mantri ki to bat hi kya kuchh hi dinon pahale bihar se gaye ek digbhramit chhatr ko marane ke bad unhonne bayan diya tha ki mu्baee mein goli ka javab goli se diya jayega. aaj jab asal ke aatankiyon ki goliyon se ladane ki unaki taiyari ki pol khul gaee hai to unaka bayan he ki aise chhote mote hadase to hote hi rahate hain. kya kaha jaye aise logon ke bare mein jinamein na netrtv ki koovat hai na kisi tarah ki manaviy sanvedanaon ki samajha. daraasala, aaj munbaee sanbhali hai to apane janbaj sipahiyon ki vajah se nahin to isase bhi bure parinam hamare samane rahate. paksh aur vipaksh ke netaon mein itani ganbhir samasyaon se ladane ki na ichchha shakti hai na koee sochi samajhi rananiti. midiya bhi mool prashnon ko pichha karate rahane ki jagah tiaarapi ke chakkaron mein ulajh jata hai. aam aadami ke pas matadan ek hathiyar hai par vo kisako vot de? door door tak koee ऍsa netrtv najar nahin aata jisake pas in paristhitiyon se nibatane ke liye koee disha ho,koee dooradrshti ho.
par ham dabav jaroor dal sakate hain ki kam se kam suraksha ke saval par hamare neta ek sur mein bat karen. jis tarah har pradesh ke neta vikas ko mudda banane par majaboor huye hain usi tarah suraksha bhi ek mudda bane. aatankavad se nibatane ke liye pulis aur suraksha balon ke hath kholane honge,rajanaitik dabavon se mukt kar unhen kam karane dena hoga, unaka sankhya bal badana hoga, unhein hathiyar dene honge aur prashikshit karana hoga. par itana karane se bat ban jayegi ye bhi nahin hai. hamein apana ghar bhi sanbhalana hoga, bharat ke sare logon ko ek jut karana hoga. aur ye ham aap kar sakate hain. sanpradayikata, kshetriyata aur jatiyata se nafarat failane vale netaon ka bahishkar kijiye. in netaon ke bahakave mein aane se pahale hamein ye sochana hoga ki ye jo kah rahe hain vo sare desh ke liye sahi hai ya nahin. hamare vir shahidon ki kurbani ham yoon nahin bhool sakate, hamein aapane aap se hamesha ye poochhate rahana hoga.
ik lau is tarah kyoon bujhi mere maula ? ik lau jindagi ki maula ?
Anil Kumble ne kal Delhi test ke aakhiri din pratham shreni cricket se sannyas le liya. Nabbe ke dashak se apane career ki shuruaat karane vale anil ke 18 varshon ke antararashtriy cricket ke safar ka main sakshi raha hoon. is dauran bharat le liye diya gaya unaka yogdaan kisi bhi hisab se sunil gavaskar aur kapil dev se kamatar nahin hai, aisa mera manana hai
Kumble ka naam aate hi ek aise khiladi ki shakl jehan men ubhar kar aati hai jisane hamesha tim ke hit ko sarvopari rakha. ye khiladi jab bhi maidan men utara apana sarvasv jhonk kar aaya. Isiliye antim test ke liye jaise hi kunbale ko ye laga ki sharirik roop se vo poornatah saksham nahin hain, usane is shrrnkhala ke bich men hi ye nirnay le liya ki alavida kahane ka vakt aa gaya hai.
anil ko 'jumbo' ki upama unaki tej gati se feki jane vali Flipper ki vajah se hi nahin mili balki isamein unake jumbo size panvon ka bhi hath raha :). anil mere hamaumr to hain hi, sath hi vo hamari jat biradiri vale bhi hain. chaunk gaye ! are janab mere kahne ka matlab ye tha ki vo bhi ek yantriki yani Mech. Engg. (vo bhi Distinction Holder) hain. ab ye alag bat hai ki apne chust dimag ka prayog unhone cricket ke maidan men apni gendon ki length, gati aur flight ke badalav mein de dala aur tabhi to 132 test men 619 wicket jhatak dale.
jitane maichon men unhonne bharat ko apni gendabaji ke bal par jitaya hai vo unase jyada nami khiladiyo se kahin adhik hai. vaise to kitne hi mauke hain jo kumble ne tamam bharatiyon ke liye yadagar bana diye par aaj is mahan khiladi ki vidaee ke samay unamein se kuchh palon ko aapase fir bantana chahoonga jise yad kar man aaj bhi behad romanchit ho uthta hai.
Feb 1999 Feroz Shah Kotla, Delhi
pakistan ki team ko jitane ke liye antim pari men 400 se oopar ran banane hain. jeet asanbhav hai bas match bachane ki jugat hai. pahale spell mein anil bhi kuchh khas nahin kar pate hain. skor 101 tak ja pahunchata hai vo bhi bina koee wicket khoye. par anil ka doosara spell pakistani ballebajon ke liye pranaghatak sabit hota hai. afridi, saeed anwar , ijaj ahamad, salim malik, injamam jaise dhurandhar ballebaj kumbale ke shikar banate chale jate hain. halat ye hai ki saqualin mushtak ka jab nauvan wicket girta hai to shrinath koshish karate hain ki vo galati se aakhiri wicket na le jayen. Wasim akram ke aaut hote hi bharat ko milati hai ek jabaradast jeet aur kumble ko ek aisa vyaktigat mukam jise cricket itihas men sirf ek aur bar hi sampadit kiya gaya ho. to aaiye fir se mahasoos karen khushi ke un palon ko aur dekhen kumble ne kaise kiye the apane ye das shikar
May 2002, Antigua, West Indies
Bharat aur West indies ke bich antigua men chautha test match chal raha hai. West indies ke tej gendabaj Mervin Dillon ek bouncer fenkate hain. anil isase pahale ki gend ki line se apane aap ko hata payen gend unake gaal par ja lagati hai. shuru men to aisa lagata hai ki sirf bahari katav hai par jab raat men dard badata hai to pata lagata hai ki jabade men hi crack hai. par jujharupan aur jivatata ki misal dekhiye, chauthe din ke khel men sir par bandage bandhe ye khiladi maidan par utarata hai aur lara jaise mahan ballebaj ko out karne men safal ho jata hai.
August 2007, Queens Park, Oval
Oval men doosara test England aur bharat ke bich khela ja raha hai. rano ka ambar lag raha hai. dhoni ki aatishi pari ka anayas ant huaa hai aur maidan men kumble hain. lag raha hai bharat ki pari jaldi hi simat jayegi kyoonki doosare chhor par shri sant hain jinaka temprament jagajahir hai. par apni test jivan ki 151 vin pari men kumble poore foarm men hain. tendulakar ki tarah hi cover drive laga rahe hain. aur ye kya ab to vo apane pahale shatak ke pas bhi pahunch gaye hain.
hamare dil ki dhadakane baad gayee hain. nichale kram ke ballebaj ka shatak, oopari kram ke ballebaj ki tulana men hamare liye hajar guna jyada mahattv rakhta hai. shatak se ab ek shot ki doori hai par ye gend to balle ke nichale kinare se nikal kar wicket ki bagal se hoti huee simarekha ki or ja rahi hai . vahin kumble pahala ran poora kar doosare ke liye bhag rahe hain aur ab to gir bhi pade hain par shatak poora ho gaya hai. hamari aankhe khushi ke atirek se sajal ho uthin hain aur udhar dressing room men to jashn ka mahaul hai hi.
November 2008, Firozshah Kotla, Delhi
Kumble kaich lete vakt fir ghayal hain. bayen hath men fir 11 tanken pade hain fir bhi australiyaee team ko all out bhi karana hai. harabhajan nahin hai to maidan men unaki jaroorat hai. ishant sharma aur amit mishra jaise yuva khiladiyon se lekar lakshman tak aasan catch nahin le pa rahe. Kumble kshetrarakshan se khush nahin. Michel Johnson sidha Kumble ke sir ke oopar se gend ko uthate hain. par Kumble ne call kar diya hai ki pichhe daudate huye bhi ve hi catch lenge aur vo chotil hath se bhi catch pakad lete hain.
hamein nahin pata ki ye unaka antim shikar hai kyoonki unaki aankhon men viket lene ki bhookh ab bhi dikhati hai par 38 sal ki umr mein shayad sharir aur sath nahin de raha.
aaj ye dukh nahin balki khushi ka mauka hai ek mahan khiladi ki vidaee ka jisane apane vinamr svabhav aur khel ke prati atoot katibaddhata se is desh men hi nahin balki videshi khiladiyon ke bich ek samman ka sthan banaya. aasha hai antim test men bharatiy team Kumble ko series jitane ka tohafa jaroor degi.
aaj is desh ko anil jaise jivat khiladiyon ki jaroorat hai jinhen na keval apni kabiliyat par bharosa hai par apni pratibha ko tarashate rahane ke liye nirantar mehanat karane ki ichchha shakti bhi hai
Anil apni patni aur bachchon ke sath zindagi ki tamaam khushiyan batorein meri unke liye yahi shubhkaamnayein hain..
Pachchis saal pahale ki baton ko yaad karana kathin hai , par is ghatana ko main kaise bhool sakata hoon. ji haan, main 1983 ke world cup ki baat kar raha hoon. bharat mein rangin TV to 1982 ke asiad ke samay aaya tha par 1983 mein huye Prudential World Cup Cricket ke sare matchon ka seedhe prasaran ki vyavastha yahan to kya England mein bhi nahin thi. yahi vajah hai ki us pratiyogita mein zimbabwe ke khilaf sankatamochak ki tarah utare kapiladev ke shanadar nabad 175 ranon ka video footage upalabdh hi nahin hai.
jaisa kal IBN 7 par team ke sadasya kah rahe the ki ham par us vakt jeetane ka koee dabav nahin tha. hota bhi kaise jis team ne usase pahale ke sare vishv kapon mein kul milakar ek match hi jeeta ho, usase jyada ummid bhi kya rakhi ja sakati thi? pratiyogita shuru hone vakt main apani nani ke ghar kanapur gaya huaa tha. bharat ke pahale match ke agale din jab dooradarshan samachar ne bharat ke apane pahale match mein hi West Indies ko patakhani dene ki khabar sunaee, mera dil balliyon uchhalane laga. apane parivar ke pratyek sadasya ko jab tak mainne ye khabar nahin sunaee dil ko chain nahin pada.
sunanevalon ne to khabar mein utani dilachaspi nahin dikhaee par mere dil mein apani team ke liye aasha ka dipak jal chuka tha. BBC world aur doordarshan se milti khabaren hi match ke natijon ko ham tak pahuncha pati thin. bharatiy team ko apane group mein vest indija, aastreliya aur jimbabave se do do match khelane the. bharat ne apane pahale tin mein do match jeet liye the par aastreliya se apane pahle match mein vo buri tarah har gaya tha.
chauthe match mein WI se harane ke bad bhi bharat pratiyogita mein pahale ki darj jeeton ki vajah se bana huaa tha. par 18th June 1983 mein zimbabwe ke sath khela match bharat ke liye pratiyogita ka tarning pavyaint tha. bharat pahale baiting karate huye 17 ranon par panch wicket kho chuka tha aur 78 tak pahunchate pahunchate ye sankhya sat tak pahunch gaee thi par kaptan kapil dev ne apane nabad 175 ranon jisamein solah chauke aur chhakkon chhakke shamil the scorer ko aath wicket par 260 tak pahuncha diya. bharat ne zimbabwe ko is match mein 31 ranon se hara diya tha. viparit paristhitiyon mein match ko jeetne ke bad mujhe vishvas ho gaya tha ki abaki apani team semi final mein to pahunch hi jayegi. aur huaa bhi vahi! agale league match mein Australia ko harakar bharat semi fainal mein pahunch chuka tha.
ab tak main vapas patna aa chuka tha aur semifinal mein jab bharat ne England ko haraya tab mainne usaka seedha prasaran BBC World se sunane ka poorn aanand prapt kiya tha. fanal ke do din pahale se hi hamare mohalle ke sare bachche match ke bare mein vistar se charcha karate rahate. dooradarshan ne final match ke sidhe prasaran ki vyavastha ki thi. school ki garmi ki chhuttiyan shayad chal hi rahin thi. ham das barah vachche padosi ke ghar mein shvet shyam TV ke samane match shuru hone ke pandrah minat pahale hi jamin par chadar bichhakar baith gaye the. par jab bharat bina poore sath ovar khele hi 183 ran banakar laut aaya, ham sare bachchon ke cheharon ki udasi dekhane layak thi. pahale to program rat bhar padosi ke ghar dera jamaye rakhane ka tha. par bharatiy ballebajon ke is nirashajanak pradarshan ne mujhe apana vichar badalane par majaboor kar diya. man itana dukhi tha ki thoda bahut kha pi kar main jald hi sone chal gaya.
subah uth ke akhabar khola to jeet ka samachar dekh ke dang rah gaya. bhaga bhaga apane tivi vale doston ke ghar gaya ki bhaee ye sab huaa kaise? bad mein kaee bar un yadagar lamahon ki rediyo kameintri sunin aur vidiyo futej bhi dekha par dil mein malal rah hi gaya ki main hai us rat kyoon soya...!
khelon mein kuchh khas na kar pane vale desh ke liye vo jeet ek bahut badi jeet thi. us jeet ne ekadivasiy kriket mein achchha karane ke liye aage ki bharatiy teamon ke liye ek sapana jagaya. aaj jab is bat ko pachis sal bitane vale hain , aaiye un lamahon ko ek bar fir se dekhen yu tyoob ke is video ke jariye..
sath hi un khiladiyon ko mera koti koti salam jinhonne vishv kap jeetakar ek misal aage ki pidiyon ke liye chhod di..
Aaj Valentine Day hai. Pehali bar jab Valentine Day ke charche sune the to man hi man ek muskurahat jaroor daud gayee thi ki chalo bhayee, hamari na sahi, ab aaj ki peedhi ko izhaar-e-mohabbat karne ke liye koyee to din mila.
Varna ek zamana vo bhi tha ki log bag apani un tak pahunchane ke liye ghar, college aur coaching tak rikshe ka pichha karate the. Mamala ghar ke bagal ka huaa to prem patr patthar se chhat par fenka jata tha, ya sirf khidakiyon se hath hilane se hi raat ki ninde haram ho jaya karati thin. Aur agar dil ki andaruni halat kabu ke bahar ho jaye to vo anayas hi unke samane ja kar I love you bol dene ki himmat bhi kuchh vir bankude dikha hi jate the. Jo kuchh jyada dooradarshi hota vo fail safe logic ka prayog kar jeb mein ek dori bhi rakhta ki mamala kuchh ulata pada to unake thappad ke pahale apani bhool ka ahasas karane vale bhayee ka hath aage hoga.:)
To na ham oopar ki kisi qavayad ka hissa ban paye na hi Valentine Day se apane aap ko jod sake. Par ye spasht karana chahoonga ki prem ko mahimamandit karte huee koee parv manane men meri poori aastha hai . Bhale hi hum, "Hai preet jahan ki reet vahan..... jaise geet gate rahen phir bhi is bat ko najarandaj nahin kar sakate ki ye desh vaise logon ka bhi hai jo bhasha, dharma, jati ke aadhar par nafrat ke badal sada phailate aaye hain aur rahenge. Prem mein vo shakti hai jo in vyarth ki deewaron ko todane ke liye hamen prerit karti hai.
Aur ham sal dar sal isi baat ko ek parv ke madhyam se nayee peedhi ke samane rakhen to isamen buraee kya hai? Haan ye jaroor hai ki agar ye parva, vasantotsav ya apani sanskrti se jude kisi any roop men manaya jaye to samaj ka har varg ise apane se jod kar dekh sakata hai.
Ye sukhad sanyog hai ki is geetamala ki aathavin payadan ka geet prem ke ras se poori tarah sarabor hai. Ise gaya Shaan ne, bol likhe Samir ne aur is geet ki dhun banayee Monty Sharma ne. Monty Sharma sangeetakar Pyarelal ke bhatije aur apane dada pandit Ram Prasad Sharma ke shishy hain. Monty khud ek kibordapleyar hain aur isase pahale unhonne film blaik ka baikagraund skor diya tha. is geet ki khoobasoorati hai isaki madhur lay aur sangeet men, jise Shaan ne apani aavaj ke jadu se aur ubhara hai
Mere mitron aur 'Ek Shaam Mere Naam' ke pathakon ko is din ki hardik badhaee. Meri manokamana hai ki aap sab prem ke abhootapoorv anubhav se apni zindagi mein zuroor gujaren.
To aaiye prem ka ye parv manayen Sanwariya se likhe is pyare se geet ke satha.... jab se tere naina..., mere nainon se, lage re tabase divana huaa, sabase begana huaa rab bhi divana lage re..........
shahar mein jashn ka mahaul hai. salon sal aam jan men is utsah kee punaravriti ko dekhata aaya hoonn. bachapan aur kishoravastha ke kaee salon men patana kee galiyon aur sadkon men isee hujoom ka kaee bar hissa bana hoonn. aur ab rannchee men apane balak ko jab in pooja pandalon kee sair kara raha hoonn to vahee drishy fir se samane aa raha hai. sabase achchhee bat yahee dikhatee hai ki log bag apanee rojamarra kee jindagee ke kashton ko bhool kar kis tarah kar har sal naee umang aur utsah ke sath is tyohar men shamil ho jate hain.
vaise to sham se hee pooja pandalon me darshanarthiyon kee bheed umad padtee hai par us vakt kee dhakkamadhukkee men parivar ke sath nikalane kee himmat naheen hotee. isalie tamam log ardharatri ke bad hee nikalate hain. rat ke sadhe gyarah baj rahe hain. hamaree taiyaree pooree ho chukee hai. par pahalee badha ghar ke bahar . get ke theek samane khadee ek gadee ke roop men dikhaee detee hai. gadee kisee doosare mohalle se aaee hai, isalie pata naheen chal raha hai ki kisakee hai? thodee poochhatachh ke bad bhee jab koee nateeja naheen nikalata to gadee ka harn lagatar baja kar sare mohalle kee neend kharab kee jatee hai. jinakee neend kharab hotee hai unamen se kuchh hamaree is khoj men shamil hote hain aur das minat ke andar vo gadeevala, kshama manngata huaa vahann se gadee hatata hai.
pahalee badha par kar ham chal pade hain rannchee lek ke pas ke rajasthan mitr mandal ke pandal kee taraf.
raat ke barah baj chuke hain par bheed jas kee tas hai. ab ghar se kha pee kar kaun chalata hai. pandal hoga to aas pas khane kee stol bhee hongee. vaise bhee is nimmee-nimmee thand men golagappe, samose aur chat khane ka aanand kuchh aur hai. ranchee mein is bar sardee kuchh jald hee aaee hai. bakaree bajar kee or halke halke kadam se badhate hue is thandak ka ahasas ho raha hai. rat ke ek bajana chahate hain. bheed tejee se kadam badhane naheen de rahee hai. gareeb, ameer, manachale, piyakkad sab isee tolee men kandhe se kandha mila rahe hain. rannchee ka sabase sundar pandal har sal bakaree bajar men hee lagata hai. is pandal ka bajat das lakh ke kareeb hota hai. isalie pandal ka ahata vigyapan se ata pada hai. par dillee ke aksharadham mandir ke modal kee baharee aur aantarik sajja dekhane layak hai. aakhir iseelie itane log itanee door door se ise dekhane ke lie aate hain. aap bhee gaur karein har bade pandal ke bahar mele ka bhee aayojan hai. speekar se udghoshak 'maut ke kuenn ' men aane ke lie bheed ko aamantrit kar raha hai. tarah-tarah ke jhoolon par ek se das sal ke bachche badh chadh kar hissa le rahe hain. par itanee bheed men hamen vahann rukane ka dil naheen kar raha aur ham sab ratoo rod kee or badh chale hain. ratoo rod se kachaharee tak ka mukhy aakarshann yahann kee vidyut sajja hai. kaheen mahabharat kee jhankiyann hain to kaheen sapere ka nag nach chal raha hai. mera putr ise dekh kar behad utsahit hai aur mujhe inakee tasaveeren jaroor lene kee hidayat de raha hai.
ghadee kee suiyann teen ke pas pahunnch rahee hain . raste men bahar gannv se aae yuva rod ke divaidar par baith kar jhapakiyann le rahe hain . rat vo isee tarah gujarenge aur subah aavagaman ka sadhan upalabdh hone par apane ghar chale jaennge. bheed ab kam ho rahee hai aur ab pandalon men durga kee pratimaon ka avalokan aur naman karana sabako jyada santosh de raha hai. teen baje ham kokar ke pandal ke andar hain. yahann abhee bhee 100 se jyada log dhvani aur prakash ke beech mahisasur vadh ka aanand le rahe hain. pandal ke bahar 20-20 kee aakhiree gend ka drishy dikhaya ja raha hai aur shreesant ko gend lapakate dekh kar bachche taliyann baja rahe hain. hamara aakhiree padav kanntatolee aur firayalal hai. itana ghoomane firane ke bad sabake chehare ka meetar daun hai. darshak ab chuninde hee dikh rahe hain. raste men murge kee bang bhee sunaee de rahee hai, shayad ye kahatee huee ki.. subah ho gaee mamoo. hamare jaise rat ka prannee subah char baje kee bela bidle hi dekh pate hain. Sari raat ghoomana apane bachapan men laut jane jaisa hee lag raha hai. sirf patr badal gaye hain.
Pichhale das saalo se mai hindee pakhavaaDe me lagaataar hissa leta aa raha hoon. Mukhy vajah to yahee hai ki isee bahaane hindi me likhane ka avasar mil jaaya karata hai aur puraskaar milate hai so alaga. par kya ye pakhavaaDa muze raajabhaaSha me kaary karane ke lie prerit kar paata hai ?
darasal ye prashn hee galat hai, jis vyakti kee maatrbhaaSha hindee ho use kya apanee bhaaSha me kaam karane ke lie prerit karana hoga ?
par takaleef kee baat hai ki karana paData hai aur tab bhee ham prerit nahee ho paate !
man ye baat sveekaar karane se hichakata hai ki raajbhaSha ke naam par kiye ja rahe ye saare kaary ek chhalaava nahee hai aurinaka ekamaatr uddeshy aankaDo kee aapoorti kar sanvidhaan ke anuchchhedo kee bharapaee kar lena bhar nahee hai.
agar raaShTrabhaaSha kee asmita ke baare me hamaaree sarakaar itana hee sajag hotee to rojagaar ke avasaro me is tarah raaShTr aur aanchalik bhaaShao ke viShayo ka samaavesh karatee, jisame praapt ank baakee viShayo ke saath juDate. esa hone par skool ke samay se hee vidyaarthee apanee bhaaSha ko upekSha kee drShTi se na dekhate.
aaj haalat ye hai ki haee school ke pahale tak apanee maatrbhaaSha paDhane ke lie bas itanee mehanat karate hai ki vo usame utteerN bhar ho jae. isake baad to saara tantr hee is tarah ka hai ki jeevan me aage baDhane ke lie jitana angrejee ke paas aur jitana apanee bhaaSha se door rahe utanee hee jyaada safalata kee sambhaavana hai.
is paripekShy me raajabhaaSha pakhavaaDa, samasya kee jaD par na choT kar usake failane ke baad is tarah kee saalaana kavaayad mahaj khaanaapooree nahee to aur kya hai? par itana sab hote hue bhee ye pakhavaaDa vyaktigat taur par muze ek sukoon deta hai.
raajabhaaSha ke prachaar prasaar kee baat ko thoDee der ke lie bhool jae to ek hindee premee hone ke naate yahee ek mauka hota hai jab hindee par baat karane ke lie sab vakt nikaalate hai. takaneekee kaaryo ke beech achaanak hee kisee viShay par hindee me lekh, kavita , kahaanee, prashnotree me bhaag le kar aana muze skool ke dino jaisa hee romaanchit kar deta hai. aur fir pakhavaaDe ke aakhiree din hindee jagat se juDe kisee gaNamaany vyakti , jo ki hamaare kaaryakShetr se bilkul hee prthak parivesh se aate hai, ko sunana behad sukhad anubhav hota hai.
is baar hamaare kaaryaalay me zaarakhanD kee navodit upanyaasakaar Mahua Manjhi ko bulaaya gaya tha jinake 'rajkamal' dvaara prakaashit upanyaas 'mai borishail;la' ko isee july me london me 'Indu sharma katha sammaan' se navaaja gaya thaa. mahua jee ne baangalaadesh kee prShThabhoomi par rache apane upanyaas ke baare me vistaar se charcha kee. landan pravaas ke dauraan videsho me base bhaarateeyo ke hindee prem se vo abhibhoot dikhee. samaajashaastr me snaatkottar karane vaalee mahua maanzee ka kahana tha ki
"...ek baangalaabhaaShee hote hue bhee mere dvaara hindee me likha gaya pahala upanyaas muze itanee prasiddhi dila gayaa. ye saabit karata hai ki hindee lekhan par bhee aaj bhee aalochako kee najar hai aur use gambheerata se liya ja raha hai. apanee sanskrti ko kShay se bachaane ke lie apanee bhaaSha ko akShuNN rakhana kitana jarooree hai, ye kisee se chhupa nahee rah gaya hai. isalie aap chaahe angrejee me jitanee bhee praveeNata haasil kyoo na kare, vishv me doosaree sabase adhik sankhya me bolee jaane vaalee apanee raaShTrabhaaSha ko anadekha na kare......"
mahua jee ke lekhan ke baare me to unakee kitaab paDhane ke baad hee pata chalegaa. vaapas launTate hai apane hindee pakhavaaDe kee or.. is baar ke hindee pakhavaaDe me ham kaarmiko se vahee ek viShay dekar nibandh, kavita aur kahaanee likhavaee gee.
is baar kee kavita ka viShay tha 'sandhya ya shaam'. aise to kavita likhee nahee jaatee. aap to jaanate hee hai ki kavita likhane ka mera hisaab bhee pakhavaaDe kee tarah saalaana ka hee hai. vaise bhee is baar to ye seemit samay vaalee pareekSha thee, to marata kya na karata likhanee hee paDee..
shaam..........
usakee aahaT se man me pulak hai, pratidin usaka roop alag hai, chhoD ke baiTha mai sab kaam, dekho aane vaalee shaam ...
bhor, dupaharee ke baad vo aatee kuchh iThalaatee, kuchh musakaatee hava ke zonke vo sang laatee meree pyaaree, niraalee shaam...
sooraj ka chehara tan jaata vidyaalay se vaapas mai aata baDhatee garmee, tapata har graam tab ThanDak pahunchaatee shaam...
bachapan beeta aee javaanee jeevan kee thee badalee kahaanee intajaar me thee hairaanee par vo aatee, sang shaam suhaanee...
jeevan ka ye antim charaN hai sang smrtiyo ke kuchh kShaN hai aaj inhe jab vo lekar aatee aur bhee nyaaree lagatee shaam....
1983 me West Indies ke khilaaf maatr 183 run banaane ke baad ham sab bachche apane paDosee ke shvet shyaam TV ko chhoD niraash man se shaam ko apane apane ghar lauT aaye the. saaTh ovaro me us vakt kee vishv vijeta Teem West Indies ye run sankhya nahee paar kar payegee, aisa mainne sapane me bhee nahee socha tha aur us raat bhare man se so gaye the. Par agalee subah ka akhabaar kuchh aur hee kahaanee kah raha thaa. us maich ko live naa dekh paane ka dukh kayee varSho.n tak saalata raha .
Iseeliye, 24 saalo.n baad vishv cup ke kisee final ko TV par live dekhane ka visheSh romaanch to tha hee, par saath hee ye bhee lag raha tha ki is baar bhaagy bhee hamaaree Team ke saath hai. sach poochhe to kal ke final se kahee jyaada Australia aur Pakistan ke saath is pratiyogita mein pahale huye match ka mainne jam ke aanand uThaaya thaa. kal to shuru se hee ek ajeeb kism ke tanaav ne man mein ghar kar liya thaa. khel kee oonch-neech ke saath tanaav to ghaTata baDhata gaya par Bhajjee kee gedoin par Misaba ul haq ne jis tarah chhakke lagaye aur hamaare bhajjee jis tarah chhakke lagane ke baad bhee yorkar length kee gend ko fenkane ka asafal prayaas karate rahe , ye tanaav apanee paraakaaShTha par pahunch gayaa.
antim ovar ke fenke jaane ke samay jab ham sab ka gala sookh raha tha to bhala Jogindar Sharma kee kya bisaat?
bhaee jee ne pahalee baar me wicket se ek haath ke bajaye chaar haath baahar kee gend Daalee to bas shuShk man se yahee nikala
"sahee ja rahe ho beTa.."
kaptaan saahab agalee gend par na jaane kya kah aaye ki sharma jee ne ek aisa haee fulltoss fenka jise dekhate hee kaleja munh ko aa gayaa. fir bhee haq ke balle se jab shoT nikala to muze aisa laga kee ye to long off par hee aa raha hai.
Par vo naamuraad, aakhirakaar chhakka nikalaa.
ab chaar gendo mein 6 run....
ant to aa hee gaya tha. prashn sirf ye tha ki vo kitanee jaldee ya kitanee der se aata hai.
muze yakee hai ki meree kya, mere saare deshavaasiyo ke chehare ke manobhaav in haalaato mein aise vyakti ke hee rahe honge jisaka sab kuchh luT chuka ho.
teesaree gend par misba ka baik skoop muze to seema ke baahar jaata dikha kyoonki do second tak shreesant kahee bhee frame mein najar nahee aa rahe the. idhar shreesant ne catch liya aur udhar hamaare bejaar paDe dil me umango kee murazaee kopale ekadam se fooT paDee.
ye asalee maayane me Teem inDia kee jeet thee. is pooree pratiyogita me kisee na kisee match me khelane vaale har khilaaDee ne jeet me apana yogadaan diyaa. ye jeet chhoTe-chhoTe shaharo se aane vaale khilaaDiyo ke lie preraNa punj ka kaam karegee isame koee shak nahee.
Chaahe vo Kerala jaise cricket mein kamajor raajya ke Shreesanth ho ya Hariyana ke Jogindar Sharma, raajaneeti ka gaDh rahee Rai Bareli ke Rudr Prataap Singh ho ya Baroda ke Pathaan bandhu.....in khilaaDiyo ne ye dikha diya hai ki chhoTe-chhoTe shaharo me rahane vaale bhee baDe sapane dekh sakate hain ..unhein saakaar kar sakate hain. ab hamaare shahar ranchi se taalluk rakhane vaale bhaarateey Teem ke kaptaan Mahendra Singh Dhaunee (jo dhoni ke naam se jyaada mashahoor hai) kee hee baat kare.
Dhoni khud ek nimn madhyam varg parivaar se aate hain. We hamaaree ghar ke bagal kee colony Shyamli me rahate hain. jab ve DAV Shyamli mein the to pahale football ke khel mein bataur golakeepar hua karate the. school ke prashikShak ne unhe golakeeper se school kee Teem ka wicketkeeper bana diyaa. sheeghr hee wicketkeeper ke saath saath lambe chhakke maarane vaale khilaaDee ke roop mein vo Jharkhand mein jaane jaane lage. Ranji Trophy mein ek doosare darje kee Teem Bihar ka pratinidhitv karane ke baavajood unhonne desh ke lie khelane kee aasha nahee chhoDee. aur mauka milate hee itane kam samay mein dekhie, vo khud aur pooree Team ko kis mukaam tak le gaye hain.
Ranchi mein teen dino se lagaataar baarish ho rahee hai. par jeet kee khabar milate hee, baarish me bhee kal raat se dhoni ke ghar ke baahar bhaaree bheeD juTee huee hai. jashn abhee tak thama nahee hai...aur isakee punaraavriti desh ke har kasbe, har graam aur shahar me ho rahee hogee. apane shahar ke is supoot ke netritva mein Team ke saare khilaaDiyo ne jis ekajuTata ke saath sangharSh karate hue vijay praapt kee aur deshavaasiyo.n ko khushiyo.n ke ye haseen pal diye vo poora desh hamesha yaad rakhegaa.
pichhale kuchh mahine khel ke lie achchhe ja rahe hain. pahale hockey ka Asia Cup, fir footbaal ka Nehru Cup aur ab 20-20 World Cup kee jeet 'Chak de india' ka sahee samaa baandhatee najar aa rahee hai.
to lage raho india tumase aage bhee aisee aur kee ummeede hain......
GhaTana sthal tha... shahar ke ek behad sammaaneey missionary school ka aahaata, jahaan ka chhaatra hona us shahar me ek vishiShT pahachaan dilaata tha.... par us anushaasan priy school ke gate par ye majama kaisa? aree ! ye laDake to principal aur vice principle ko na jaane kya-kya apashabd kah rahe hain. Saamoohik naarebaajee se saara maahaul garm hai. Kataar me lagee baso.n ke drivr aur conductor is abhootapoorv drishya ko dekh kar aanandit hain.
Aur kyoo na ho...school ke itihaas me aisee dhrShTata pahale kabhee kisee ne nahee kee thee.
Sach kahoon to main nijee zindagee me apane shahar se baahar nikalane par bahut milanasaar nahee raha hoon, isame aalasya ka hee mukhy yogadaan raha hai.
27 June ko jab mai dillee ke lie nikal raha tha to isee asamanjas mein tha ki sabako bata to diya hai, par mai kya khud hee vakt nikaal paoonga sabase milane julane ka? Vimaan ke cabin kakSh se udaghoShaNa ho rahee thee ki dillee ke chaaro or maanasoonee baadalo ka pahara hai...vimaan ke utarane ke pahale kee DagamagaahaT ke lie maanasik roop se taiyaar rahe. par ye kya jab dillee paas aee to baadalo ka koee naamonishaan tak nahee thaa. shaam ke saat baje bhee andhera dillee ko nigal nahee paaya thaa. 36 Digree taapamaan ke saath umas bharee shaam hamaara intajaar kar rahee thee . Karolabaag me hoTal me taro taaja hone ke baad fon nambar kee ferahist nikaalee jo ki muze mel aur chiTThe par milee thee. hamaaree soshal neTavarking ka janaab haal ye hai ki fon kee kaun kahe uname se 90 feesadee logo se chaiT tak me bhee kabhee meree baat nahee huee thee.
mere pahale nishaane pe the jagadeesh bhaaTiya saahab...nambar turant laga aur udhar se shaant chitt svar sunaee paDaa. mera naam sunakar kuchh der tak vo chup rahe....aakhir vaastavik duniya se neT kee duniya me aane me kuchh samay to lagata hee haina . fir baDee garmajoshee se svaagat kiya, mausam, sheyar, ghar parivaar kee baate huee...fir kaha jaroor mulaakaat hogee. bhojan ke baad fir fon sambhaala, ab raat ke vakt to jo tayashuda baichalars hai unhe hee pareshaan kiya ja sakata hai. so pahale amit se baat huee , fir raajesh raushan aur sabase ant me shailesh bhaaratavaasee se. amit ke baare me blogar meeT ke pahale ke kisso aur paricharcha me saath hone kee vajah se muze usake vyaktitv ka andaaja thaa. baatacheet se bilakul nahee laga ki pahalee baar baat ho rahee ho. raajesh raushan raanchee ke hai ye muze pata nahee thaa. pahale shashi fir avinaash .. sachin aur ab raajesh ..jaanakar prasannata huee kee blaaging parivaar me zaarakhanD se kisee na kisee roop me juDe patrakaaro kee ferahist lambee hotee ja rahee hai.
haa to hindee yugm ke shailesh jee se sampark karana aasaan siddh nahee huaa. maje kee baat ye ki raat ke gyaarah baje ke baad bhee unaka fon vyast chal raha thaa. hamaare dimaag kee ghanTee bajee..kahee inaka koee chakkar vakkar to nahee chal raha? khair das minaT baad fir koshish kee to kahane lage ki ek puraane sakha the , un se aksar jab bhee baat hotee hai lambee hee chalatee hai. ab ve vaastav me sakha the ya sakhi isakee puShT khabar to hamaare devesh khabaree jee hee de sakate hai :p. muze is posT ke chhapate-chhapate abhee bhee unakee is baare me antim riporT ka intajaar hai.
agalee subah kaaryaalay nikalane ke Theek pahale maithilee jee se sampark saadhaa. itane pyaar se unhonne milane kee ichchha jataee ki man abhibhoot ho gayaa. isase pahale mai unake baare me bas itana jaanata tha ki vo kaife hindee chalaate hai jisakee shuruaat me lekho ko chiTThe se lene ke sambandh me vivaad hua thaa. masijeevee ko jab fon kiya to vo kolej jaane kee taiyaaree me the. kanoT ples me unaka kolej hai to vahaa mulaakaat hone kee sambhaavana ho paegee aisa unhonne kahaa. fir sangeet me ruchi rakhane vaale sajeev saarathee se baat huee. bahut achchhee aavaaj lagee unakee. baato se pata chala ki vo bhee kanoT ples ke paas hee kaam karate hai aur vo jaroor aenge.
aruN aroDa se baat shuru huee to unhonne pahalee baat ye kahee ki muze to yakeen hee nahee ho raha ki aap muze fon karenge. darasal aruN jee sabase pahale paricharcha me ae the aur pangebaaj banane se pahale sabase pahalee nonk zonk (shreesh, yaad hai aapako) unakee muzase hee huee thee :). aruN jee kee 29 ko ek meeTing thee. par 28 ko fon par hee unase kaafee baate huee. mainne unhe apane fareedaabaad ke puraane anubhav bataaye aur unase unake vyaapaar se juDee jaddojahad kee kahaanee sunee.
28 ka saara din aur shaam kaaryaalay ke kaam me nikal gayaa. raat ko raajeev ranjan prasaad se baat huee. pata chala ki 29 ko shaayad hee unhe samay mil pae. baat unakee kavitao se chalakar bastar kee naksalee samasya tak pahunch gee. apane kShetr kee samasyao ke prati unakee bhaavanae apane jile se unake mamatv ko darshaatee dikhee. kul milaakar muze vo jindaadil vyaktitv ke svaamee lage.
28 ko mainne apana Thikaana karolabaag se haTaakar kanoT ples ke hoTal paark me kar liyaa. hoTal to behatar tha hee ,saath me sabase baatacheet se ye anumaan bhee lag gaya ki milan sthal kanoT ples me rahane se suvidha hogee. shaam 5 baje ka vakt amit ne suzaaya taaki aafis se seedhe log udhar chale jae. sabako sms kar diya gayaa. chaar baje tak mai hoTal pahunch gaya thaa. paanch baj ge par bhaarateey maanako ke hisaab se koee nahee aayaa. sabase pahalee ghanTee saaDhe paanch baje amit ne bajaee , aur kareeb saaDhe chhah tak saare log ek-ek kar aa chuke the. hairat kee baat thee ki ek hee shahar me rahakar bhee bahut se log pahalee baar aapas me mil rahe the.
(chitra me baaye se shailesh ,sajeev saarathee, devesh khabaree, amit gupta, manish yaani mai khud :), aruN aroDa,jagadeesh bhaaTiya aur maithilee gupt jee)
saaDhe paanch baje hamaaree gapashap raat baarah baje tak chalee. beech-beech me log rukhasat hote ge. vibhinn masalo par ham sab ek doosare ke vichaaro se avagat hue aur saath hee ek doosare kee shakhsiyat se vaakif hue.
Mujhe naheen lagta tha ki paanch saal ka ye bachcha mera kuchh bigaaD paayega, par vaastav me aisa ho nahin saka hai. Avval to isake aate hee apane putr ko mai TV. band karane kee hidaayat de deta thaa. Aakhir hai bhee to ye itana sharaaratee. Jab dekho apane maata-pita kee naak mein dam kar deta hai, apane shikshkon ko chhakaata rahta hai aur yahaan tak kee sundar kanyaaon ko dekh unakee or aankhein tarerane lagata hai. Par kya mai itane sharaaratee bachchon ke kaaranaamo ko apalak nihaarate apane baalak ko mana kar pa raha hoon. Naheen, kyoonki apanee in saaree khuraafaato ke baad bhee Shin Chaan Nohaara ham sabake man-mastiShk me rach bas gaya hai.
Jo log Shin Chaan cartoon show se parichit nahee hain unako bataana chaahoonga ki ye Jaapaanee cartoon show Hungama TV par aata hai aur chhoTe-baDe bachchon ke saath-saath baDo me bhee kaafee lokapriya ho raha hai . Aaj yaani 19 June ko ye bhaarat mein apane prasaaraN ka ek saal poora kar legaa. vaise sabase pahale aaj se 15 saal poorv ye show 'Crayon Shin Chaan ' ke naam se Japan ke ek channel TV Aashee se prasaarit hona shuru hua thaa. Aaj isaka prasaaraN bhaarat ke aalaava uttaree aur dakShiNee amerika aur euorope mein bhee safalataapoorvak ho raha hai.
Shin Chaan kee sabase baDee khaasiyat ye hai ki is cartoon shrrinkhala me ek paanch saal ke bachche kee maasoomiyat aur usake khuraafaatee dimaag ko bakhoobee chitrit kiya gaya hai. jab vo TV par apane maata-pita se baate kar raha hota hai to doosare kamare se sunate hue mujhe aisa lagata hai ki are ye to vahee sanvaad aur hidaayatein hain jo ham roz apane kuladeepak ke saamane raTate rahate hai. Cartoon me dikhaee jaane vaalee jyaadaatar sharaaratein itanee maasoomiyat bharee hotee hai ki hoThon par muskuraahaT aa hee jaatee hai.
Shin Chaan ke parivaar ke sabhee sadasyo ko aap jara najadeek se jaanana chaahate hai to yahaan jaaiye . Aur aaj yani 19 June ko isakee varShagaanTh ke upalakSh me saara din bharat mein isee shrrnkhala ke ansh aap Humgama TV par dekh hee sakate hai. Aur agar aap aisee jagah baiThe ho jahaa is channel ka door-door tak ata-pata na ho to bhee koyee baat nahee. aakhir You Tube to hai na...
To chaliye aap bhee dekhie na 'Shin Chaan' kee ek jhalak !:)
Waise Shin Chaan kee kuchh sharaaratein aisee bhee hain jinhe dekhakar lagta hai ki gar ise sampaadit kar diya jaata to behatar rahtaa. Kyonki jis baat ko bura bataakar apane bachcho me ham sahee galat kee bhaavana laate hai, use hee apane pasandeeda charitra ko karta dekh bachcha use sahee maanane ke liye jald taiyaar nahee hotaa. Khair aise me mai to bas ye kah deta hoo ki ye thoDa shaitaan bachcha hai isaliye aisa karata hai. Waise aap kya karate/kahate aise haalaato me ?
(Roman transliteration with the help of Bhomiyo.com with some modification)
New Officer’s Hostel yaani Patna ke Bailey Road aur Boring Road ke milan bindu ke paas banee bahumanjila imaarat Jise baahar ke log 'Kabootarkhaana' ke naam se bhee jaanate the, par hamaare liye to vah tha hamaara pyaara aashiyaana . 1977 me main yahaa aaya aur kareeb 1994 me yahaa se rukhasat huaa. Yoon kahe yahee mai paDh likh kar baDa hua !
Aaj bhee jab is imaarat ke bagal se gujarata hoon, isamein bitaaye hue pal yaad aate hai . Aaj kee is pravishTi me apane usee pyaare ghar se juDee kuchh khaTTee-meeThee yaadein aap ke samaksh rakhoonga jo aaj bhee mere smarti paTal par ankit hain .
7-8 saal ka raha hoonga jab apane isee ghar se jaatiyo me vibhaajit apane raajy kee pahalee tasaveer dekhee . Waqt 1979-80 ke aas paas ka hogaa. Roj school se ghar aane ke baad jindaabaad murdaabaad ke naare sunayee dete the . Patna ka tabka haDataalee chauk ghar ke paas hee hua karata tha . So saare juloos ghar ke nikaT hee rok liye jaate the. Forward-bakward se tab matalab aage peechhe hee samajh aata tha . Jab Karpooree Thakur ke khilaaf naare lagate to usaka matalab ye hota ki ye aage vaalo kee tolee hai aur jab mukhyamantree kee maseehayee ke charche hote to anumaan laga leta ki aaj ka kunaba peechhe vaalon ka hai . Roj-roj ke is tamaashe ko dekhakar apanee utsukata daba paana jab mushkil ho jaata to aakhir maa se poochh hee baiThate ki maa ham kis taraf hai? Par maan idhar-udhar kee baaton mein aise javaab ko ghumaatee ki prashn anuttarit hee rah jaata tha .
Aise hee ek din baDhate tanaav se maamale ne itana tool pakaDa ki bhaaree patharaav ke javaab me jama huee bheeD par pahale aansoo gas ke gole chhoDe gaye . LaDake bagal kee ek imaarat 'Raajeev Kamal' kee chhat par ja chaDhe. Par police vaale vahaan bhee ja pahunche to vahaan se kood kar saare hamaare isee Officer’s Hostel kee or bhaage . Jo pakaDe ge buree tarah DanDon se piTe . Bhaagate dauDate panaah ke liye pahale talle par kuchh ne sharaN lee. kuchh to kuchh polices ke bhay se seedhe oopar chaDhate hue us jalatee dupaharee me cement kee banee paanee kee Tankee par leT gaye . Aaj bhee vo Tankee baal man se dekhe ge us bhavaayah drishya kee yaad dilaatee hai .
Waqt beetata gaya..... . Officer’s Hostel ke teesare talle ka vo do kamaro ka ghar priy se priyatar hota chala gaya . Hamaara hostel teen blocks me vibhaajit tha . Pratyek talle me 12 ghar aur ek block me 60 . Yaani us chhoTe se parisar me 180 parivaaro ka aashiyaana tha .
1982 kee baat hai . Delhi se Asiad ka seedha prasaaraN aana shuru hua aur usee vakt Patna mein rangeen TV aaya . Hamaare ghar mein nahee aaya to kya hua ham saare bachche subah 9 baje TV dekhane bagal ke parichit ke block me jaate aur seedhe jaakar kaaleen par apana apana aasan jama lete . Aise hee cricket match dekha jaata . Vipakshee Teem ke khilaaDee out nahee hote to log apanee-apanee seats badalate . Vipakshee gendabaaj bahut tang kar raha hota to koee uThake usako apana moja sungha kar aataa. aisee hee bheeD guruvaar, ravivaar kee filmo ke liye juTatee. saamoohik Dhang se TV. dekhane ka vo aanand hee alag tha .
School kee chhuTTee hotee to do seeDhiyo ke beech kee vargaakaar jagah par kabhee carromboard, kabhee vyaapaar to kabhee shataranj kee bisaat bichhatee. Flat kee un seeDhiyo par 1983 me vishva cup final me 180 ke kareeb out hone par dukhee hokar ekatrit hue the ki aage ab kya dekhana ! Aur phir unhee seeDhiyo par apane trnsistor par radio pakistan se aatee commentary ko saathiyo ke beech sunate hue Rothman’s Cup me Pak ko shikast diye jaane par jabaradast ho halla machaaya tha .
Holee aatee to purush, mahilao, laDake laDakiyo kee alag alag Toliyaan ban jaatee . Durga pooja me hafte bhar alag jashn ka maahaul hota . Aur deepaavalee kee sharaaratein to poochhein mat . Ek dafe laDako ne beeDee bam ka lachchha banaakar ek sundar kanya ke ghar kee taraf uchhaala . Ab bam ka guchchha to doosare talle tak pahunchane se pahale hee phaTa par kanya ne usake javaab me jo aaloo bam laDako ke neeche khaDe jhunD ke beecho beech giraaya usake phaTane se jo bhagadaD machee vo ghaTana yaad aate hee ham sab ko hansee ke daure paD jaate the .
Phir ek din vo aaya jab apane is Officer’s Hostel mein kala filmon kee mashahoor taarika Deepti Naval bahoo ban kar aayeen . Us vakt unake pati Prakaash Jha saahab hua karate the aur unaka parivaar 'C Block' mein raha karata thaa. Ab jahaan se bhee unake ghar kee baalakonee dikh sakatee thee log har us jagah me bhar gaye . Kareeb aadhe paun ghanTe ke baad Deepti Naval ne apanee baalakonee se sabaka abhivaadan sveekaara aur unakee ek jhalak dekh ke ham hosTel vaasee tar ge.
Kishoraavastha me ghar ke baahar kee baDee se ye bolakonee hamaare bahut kaam aayee . Vahee vo aitihaasik sthal tha jahaa par 16 saal kee umr me ek shaam ham jab nepathya mein taak rahe the to saamane se hame kisee ne vo kya kahate hai angrejee me vev (wave) kiya . Mai to ekadam se chakaraaya ki ye mere liye to nahee ho sakata , Pahale to apanee baalakonee ke neeche dekha aur phir oopar. Koee nahee tha aur mere is kritya par saamane se muskuraahaT ka daur jaaree tha . Dil kee baDee ikchchha thee ki ham bhee haath hila hee de par haath to jaise sau kilo ke bhaar se jaD ho gaya . Apanee akarmaNyata se upajee kheej ko chhupaane ke lie tab bhee apane isee pyaare ghar kee sharaN lee thee.
Par Officer’s Hostel se juDee sabase romaanchak ghaTana ghaTit huee 1988 me . Us din, din bhar bijalee nahee thee so paanee bhee nahee aaya tha . Der raat jab nagar nigam ka Tanker aaya to paanee bharane ke lie bheeD lag gayee aur jaisa ki aise haalaat me bhaarat ke har kasbe shahar me hota hai mohalle ke baashindo me pahale main.. pahale main... ko lekar aapas me garmaagarmee bhee kaafee huee . Nateejan der raat tak 12 baje sab sone gaye . Raat ke antim pahar kareeb saaDhe teen aur chaar ke aasapaas paanchave talle se saare bartano ke girane kee aavaaje aane lagee . Dharatee se so-so kee dhvani see nikal rahee thee . Mera ghar teesare talle par tha jab meree aankh khulee to mainne palang ko pooree tarah hilata paaya . Pooree taakat se mai chillaaya bhookamp . Ab sabke jagate jagaate to bhookamp ka veg khatm ho gaya tha par phir bhaagate dauDate jab neeche pahunche to apane mohallevaalo kee kaarastaanee ke dilachasp namoone saamane aaye
paDos ka Mehta parivaar bhookamp kee tejee me bhee chaabee ke guchchhe talaashata rah gaya.
Verma jee do talle se waqt rahate hee bachcho sahit neeche utar to aaye par haDabaDaahaT me beevee ko ghar ke andar hee band kar aaye.
aur kuchh logon ko to neeche aane par khyaal aaya ki ve jin vastro me neeche aa ge hai vo saarvajanik sthal hetu bilakul varjit hai . :)
Engineering me jaane ke saath hee Officer’s Hostel se mera juDaav khatm hota gaya par us ghar me bitayein varsho se sanchit yaadein man me hamesha kar liye ghar kar gayeen.
Ab to pitaajee ne to ek makaan Patna me bana liyaa. Par jab bhee koee apane ghar kee baat karata hai aaj bhee Officer’s Hostel kee vo galiyaa jehan me ekadam se ubharatee hain . Waqt ke saath jindagee me kee chhaviyaa kabhee dhoomil nahee hotee......bahut kuchh chhoTee see baat film ke is geet kee tarah.
Pichla hafta Kolkata mein beeta. Ek chote shahar se achanak agar aap ek mahanagar mein chale jayein to kuch batein apne aap aap ke man mein aa jati hain.
Bhaagti daudti zindagi ke prati kautoohal bhari nigah... Apaar jansamooh ke beech kho jane ka bhay... gaadiyon ki chil pon ke beech phanse hone ki kheej...
Teen dinon ke apne Kolkata pravaas ke dauraan alag alag anubhavon se guzarna pada.. Ghar se door pade ek taxi driver ki raajneetik samajh... Band padi mill ke kaamgaron ki asha bhari nigahein ... Esplanade ki wo chir parichit chahal pahal... Ya phir mahilaon ki isthiti batate chintajanak swar...
Aur in sab sukh dukhon ko samettaa Belur Math ka ye sundar naagphani. In sab baaton ko vistaar poorvak padhne ke liye neeche click karein.
Oval men doosara test England aur bharat ke bich khela ja raha hai. rano ka ambar lag raha hai. dhoni ki aatishi pari ka anayas ant huaa hai aur maidan men kumble hain. lag raha hai bharat ki pari jaldi hi simat jayegi kyoonki doosare chhor par shri sant hain jinaka temprament jagajahir hai. par apni test jivan ki 151 vin pari men kumble poore foarm men hain. tendulakar ki tarah hi cover drive laga rahe hain. aur ye kya ab to vo apane pahale shatak ke pas bhi pahunch gaye hain.
