Manna Day (1919-2013) : We will never forget you "Hum na bhoolenge tujhe Allah kasam !

Manna Dey is no more ! Another legendary male playback singer of bygone era has left us. Trying to remember him with his ten most favourite songs sung  ..

1. Sur Na Saje Kya Gaoon Main..
2. Poocho na kaise maine rain bitayi...
3. Zindagi Kaisi Hai Paheli Haaye...
4. Phir Kahin koyi phool khila, chahat na kaho usko...
5. Hasne ki chah ne itna mujhe rulaya hai...
6. Mera naam karega roshan, jag mein mera rajdulara...
7. Aye mere pyare watan...
8. Tu pyar ka sagar hai...
9. Kasmein Wade pyar Wafa Sab...
10. Chalat Musafir Moh liya re...

To know why I like all these songs please go through the detailed post on my Hindi blog here .

Top 10 Bollywood dancing nos. of 2011 !

Annual Countdown 2011 is still one week away. But before the year ends lets rewind through the top 10 bollywood numbers which kept our feet rolling. These days most of the Bollywood nos. are  presented as Item nos. If you take a cursory glance at last year item songs one can easily conclude that there re three essential ingredient of a hit item songs catchy tune, lot of exposure by item girls & over and above some choicest expletives , more vulgar the better.

Here is my list of top ten dancing nos. 

#10 : Zara Dil ko tham lo..

 # 9 : Character Dheela

 # 8 : Char Baj Gaye Magar Party Abhi baki hai

 # 7 :Chhammak Chhalloo

 # 6 :Umrao Jaan

 # 5 : Taany Taany Phish

 #4 : D K Bose

 #3 : Saddi Gali...aaya Karo

  #2 : Kolaveri D

  #1 : OOO la la

While compiling these songs I have tried to see them from a different point of view . You can hear all these songs along with my take on them here. Do join next week in Annual Countdown 2011.

Kishore da ke Janmdin par aayiye ek nazar dalein unke barsaati geeton par..

Hindi filmon men barasaati geeton ki paranpara rahi hai. nayak v nayika ke prem sanbandhon ko pragadh karne ke liye ye barish se achchhi sichueshan nirdeshakon ko mil hi nahin paati. aur jab maahaul roomani hoga to nayak ya nayika ka man bina gaaye kaise maanega? yahi vajah hai ki hindi filmon men ऍसे geet kai hain aur hamare sabhi agrani parshva gayak gaayikaon dvara gaaye ge hain. ab agar kishor da ki baat karen to unki gaayiki barish se jude vaise roomani geet jisamen chanchalta ya thode natakhatapan ki jaroorat ho, ke liye sarvatha upayukt thi. aaj kishor da ke janmadin ke avasar par aaiye dekhte hain  ki saavni geeton men unhonne apani gaayiki ke andaaj se kya mithas gholi?

1958 men aai film chalti ka nam gadi men majarooh saahab ka likha aur sachin dev barman dvara sangeet nirdeshit ye geet savan ki rat men kinhin do javaan dilon ki dhadakanen badha sakta hai.

ik ladaki bheegi-bhaagi si, soti raton ko jaagi si

mili ik ajanabi se,koi aage n peechhe

tum hi kaho ye koi baat hai

dil hi dil men jali jaati hai,bigadi bigadi chali aati hai

machali machali ghar se nikali, savan ki kali rat men

mili ik ajanabi se...

 .

kishor da ne na sirf is film men gaayiki ke saath abhinaya kiya tha balki saath hi film ka nirman bhi. madhubala ke saath to ve pahle film 'dhake ka malamal' men kaam kar chuke the par madhubala ke saath unki pyar ki peenge isi film ki shooting ke dauraan shuru hui thin. so unki svabhavagat chanchalta aur madhubala ki shokh adaon ke saath unake bich ki kemistri ne is geet ka aanand aur bhi badha diya tha.

vaise jab tej hava ke saath barish ki jhamajhamaati boonde aa jaayen to man mayoos hokar bhala chup kab tak rahega.? aisi hi bhavna liye kishor da ka ek geet tha 1972 men pradarshit film anokha daan ke liye jise likha tha geetakar yogesh gaud ne aur dhun thi salil da ki.geet ka mukhade ke saath salil da ki patni savita chaudhari ki gaai ragini mood ko ekadam se tarotaja kar deti hai.

aai ghir ghir savan ki kali kali ghataen

jhoom jhoom chali bheegi bheegi havaayen

aise men man mere kuch to kaho

kuch to kaho chup na raho

ga ma pa ga sa ga sa ni sa dha dha ni s dh p m

re ga ma re ni re ni dh ni dh dha ni sa p dh

vaise bhi agar savan ki kali ghataaon ke saath saath ye geet sunaai de jaaye to man khud ba khud jhoomne lagata hai.

barish ke mausam se jude ekal geeton men to kishor da ke hunar ko aapane dekh liya. par aise mausam men jab nayak nayika ka saath ho to maahaul badalte der nahin lagti. yahi vajah rahi ki lata ji ke saath gaaye yugal geeton men kuch to bade lokapriya rahe. masalan 1973 men bani film jaise ko taisa men jeetendra v rina raay par filmaaye ge us geet ko yad karen jisake bol the

ab ke savan men ji dare

rimajhim barase pani gire

man men lage ik aag si

ya fir assi ke dashak ki film namakahalal men amitabh v smita paatil par filmaya geet aaj rapat jaayento hamen na bachiyo...ho. par mujhe lata va kishor ka barakha se juda sabse masti bhara geet lagata hai 1972 men bani film 'ajanabi' ka jise rajesh khanna v jeenat amaan ne apani khoobasoorat adaegi se aur yaadgaar bana diya tha

bheegi bheegi... raton men, meethi meethi... baaton men

aisi barasaato men, kaisa lagata hai?

aisa lagata hai tum banake baadal,

mere badan ko bhigo ke mujhe, chhed rahe ho

o chhed rahe ho

o, pani ke is rele men savan ke is mele men

chhat pe akele men kaisa lagata hai

aisa lagata hai,too banake ghata

apane sajan ko bhigo ke

khel khel rahi ho o khel rahi ho

1974 ajnabee - Bheegi Bheegi Raaton Mein by chandnni

pancham ke sangeet aur aanand bakshi ke bol is geet ki masti ko aur badha dete hain.

kishor da ne barish se jude sirf masti bhare geet gaaye aisa bhi nahin hai. jab jab geet ki sanvedanaayen badali kishor da ne bhi apani gaayiki men vaisa hi parivartan kiya. aise hi ek geet se juda ek kissa yad aata hai jise pancham ke ek elabam men suna tha

film mahabooba ke liye jab pancham ne kishor da ko mere naina savan bhado fir bhi mera man pyasa......gane ko kaha to kishor da ne mana kar diya aur kaha ki is geet ko pahle lata se gavao. lata ki aavaaz men gana rikard ho gaya. pancham ne kishor da ko bataya ki ye geet rag shivaranjani par aadhaarit hai. ab kishor da koi shastriya sangeet seekhe hue gayak nahin the. unhonne pancham se kaha ki rag ki ऍसी ki taisi tum mujhe rikarding sunao. kishor da us geet ko ek hafte tak lagataar sunte rahe. agale hafte jab vo rikarding ke liye aae to jis tarah se unhonne is geet ko gaya ki sab dng rah ge.

aur chalte-chalte baat savan se jude us geet ki jisaki melodi ne kya nai, kya purani sabhi peedhiyon ko apana prashansak bana rakha hai. ye geet aaj bhi redio par utna hi bajta hai jitana pahle baja karta tha. ji haan sahi pahachaana aapane main manjil ke geet rimajhim gire savan sulag sulag jaaye man, bheege aaj is mausam men lagi kesi ye agan ki hi baat kar raha hoon.

yogesh gaud ne kya geet likha tha! har antra lajavab. pancham ka sangeet, geet ki melodi aur kishor da ki gaayiki, is geet ko gunagunane ke liye har sangeet premi shakhas ko mazaboor kar deti hai. par jahan kishor da ke ye geet amitabh par ek mahafil men filmaya gaya vahin lata vala varjan munbai ki barish men shoot kiya gaya. kishor vaale varsan ki gunagunahat to main aapako suna deta hoon

baki amitabh aur mausami chatarji par filmaaye is geer ke doosare varjan ka ye vidio jaroor dekhen..

Ek Shaam Mere Naam par Kishore da lekhamala

1. yaden kishor da kiah jinhonne mujhe gunagunana sikhaya..
   
2. yaden kishor da kiah pachas aur sattar ke bich ka vo kathin daur...
   
3. yaden kishor da kiah sattar ka madhur sangeet. ...
   
4. yaden kishor da ki: kuch dilachasp kisse unki ajibogareeb shakhsiyat ke !..
5. yaden kishor da kiah pancham, gulazaar aur kishor kya baat hai !
6. yaden kishor da ki : kishor ke sahagayak aur unake yugal geet...
7. yaden kishor da ki : ye dard bhara afasana, sun le anajaan zamana
8. yaden kishor da ki : kya tha unka asali roop saathiyon evam patni lina chandraavarkar ki nazar men
9. yaden kishor da ki: vo kal bhi paas-paas the, vo aaj bhi kareeb hain ..
10. kishor da lekhamala ke sankalit aur sanpadit ansh

---

Click Here to read this post in Hindi devnagari script.

Click Here to post your reactions on this article. You can post your comment in English or Romanised Hindi/Urdu also .

---

Annual Musical Countdown 2009 : Ek nazar un geeton par jo is sangeetmala ka hissa bante bante reh gaye...

Vaarshik sangeetamala ke liye geeton ka chayan karte samay bahut saare geet aise the jo kuch had tak pasand aate hue bhi antim pachchees men apana sthan nahin bana paaye. isaliye isase pahle ki is saal ke runners up aur sarataj geet se aapki mulakaat karaai jaaye ek nazar un geeton par jo aakhiri waqt men meri antim soochi se baahar chale ge.

Sabse pahle jikra karana chahoonga main film Suno na ke is geet ka. ek avivahit maan ki kahani kahati is film ka ek geet antra chaudhari ne gaya hai aur mukhada sunte hi dil geet ki mayoosi men doob sa jaya karta hai.

zindagi ulajhanon se bhari hai
ajanabi hain safar ki raahen
hamasafar the jo kal tak hamare
fer li hain unhin ne nigaahen...

Mayoosi ki baat karen to film Radio men himesh reshamiya aur shreya ghoshal ka gaya ye geet bhi himesh ke ne andaaz aur sangeet men chutakiyon ke prayog ke liye baar baar sunane yogya hai

koi na koi chahe, koi na koi chahe
hamasafar jindagi ai
bahut akele ji chuke hain
thak ke tanaha ab ruke hain
kah rahi aavaaragi ye, koi na koi chahe

Isi film ka ek aur geet ka mukhada piya jaise ladu moti choor vaale manava men foote hook..... jise himesh ke saath rekha bharadvaj ne gaya hai bhi khasa aakarshit karta hai.

Waise to film Newyork ka geet hai junoon.... pichhale saal kafi baja par isi film ka ek aur geet meri list men lagabhag aate aate rah gaya tha. ise mohit chauhaan ne gaya tha apani usi khaas shaili men

hoon oo oon.................hoon oo oon
toone jo na kaha main vo sunta raha
khamakhvaah, bevazah khavab bunta raha
hoon oo oon.................hoon oo oon
jaane kis ki hamen lag gai hai nazar
is shahar men na apana thikana raha....

Shilpa Rao ka film pa men gaya mudi mudi ittifaak se ....men swanand kirkire ka chhote chhote shabdon dvara kiya gaya geet sanyojan kamaal lagata hai.

Isi film men Amitabh Bachchan ka gaya meri maan teri hai mere paa .....bhi aankhe nam karne ki kaabiliyat rakhta hai par agar saal ke behatareen bal geet ko chunana ho to main film suno na men apoorva ke gaaye geet ko hi chunoonga...

meri amma suno mera kahana, lage appa bina sab soona
mujhe baaton se na bahalao,jaao appa kahin se lao
maan bhi jaao ye zaid meri,aur karo na ab tum deri
tumse roothoonga main varna..........

Soofi geeton men dilli 6 ka arjiyan saari.... jahan sabse prabhavashali raha vahin kurbaan ka ali maula.... bhi karnapriya raha. romaantik geeton men kurbaan film men sonu nigam 'shukra allah...' aur film tere bin men shan aur shreya ka gaya 'tere bin kahan hamse jiya jaayega....' bhi ullekhaneeya rahe.

Aur aakhir men vo geet jisaki shuruaati dhun mujhe behad pasand hai aur ise banane vaale hain vishal bharadvaj. film aur geet to aap pahachaan hi ge honge..

thode bheege bheege se thode nam hain ham,
kal se soe voe bhi to kam hain ham

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Listen to the fabulous voice of Himani Kapoor, Sumedha Karmahe & Poonam Yadav

Click Here to read this post in Hindi (Devnaagari script) here.

Pichli post mein maine jikra kiya tha'Sa Re Ga Ma Pa'par ye gaur karane kee baat hai ki koee laDakee is saal ya isake pichhale sanskaraN 2005 me pratham teen me sthaan nahee bana paee. isakee vajah hamaare desh ka voting trend hai jo laDako ke pakSh me thoDa zuka hua jaroor hai. khair, mai aaj baat karoonga un teen laDakiyo kee jo 'sa re ga ma pa' ke manch par apanee gaayikee se mera dil jeet chukee hai.

Himani Kapoor : baat 2005 kee hai. raahat fateh alee khaa ka gaaya geet 'jiya dhaDak dhaDak jae....' ham sabakee jubaan par thaa. kitanee khoobasooratee se nibhaaya tha raahat ne is geet ko. par jab ek laDakee ne itane mushkil geet ko chuna aur sTej par laiv ise ga kar dikhaaya kee khushee se meree aankhe nam ho gee thee.. vo laDakee thee fareedaabaad kee Himani Kapoor jo us vakt 17 saal kee thee. nau saal kee umr se hee shaastreey sangeet seekhane vaalee himaanee kee gaayikee me ek khaas baat ye thee ki vo kaThin se kaThin geet ko is sahajata se gaatee thee, maano bina kisee visheSh prayaas ke ga rahee ho.

Durbhaagyavash, himaanee ko apane behatareen pradarshan ke baad bhee pratham teen me jagah nahee milee thee, par muze poora vishvaas tha ki vo aage jaroor safal hogee. pichhale do saalo se apane pita ke saath himaanee, mumbee me hai aur khushee kee baat ye hai ki aajakal himaanee HMV par apane pahale sangeet elabam 'adhooree' ke lie aakhiree taiyaariyo me vyast hai. aasha hai kuchh hee dino me is elabam ka pahala sangeet veeDiyo Teevee ke parde par hogaa.to leejie sunie himaanee ka 'sa re ga ma pa' 2005 me gaaya 'jiya dhaDak dhaDak jaye....'



Is geet ka video aap yahan dekh sakte hain.



Poonam jaTau ya Poonam yaadav

: Poonam aaj bhaarat kee har us laDakee kee preraNa srot ban chukee hai jo saadhano ke aabhaav me bhee apanee pratibha ke bal par kuchh kar dikhaane kee tamanna rakhatee hai, chaahe usake lie kitana bhee kaShT kyoo na sahana paDe. jis bachchee par se pita ka saaya janm lene se pahale hee gujar gaya ho, jisakee maa idhar udhar gharo me kaam kar ghar ka kharch chalaatee ho , jo khud ek booth me kaam karatee ho..

..Aisee laDakee ne sangeet kis tarah seekha hoga aur kitanee mehanat karanee paDee hogee use is pratiyogita me antim chaar tak pahunchane ke lie.. ye sochakar hee man poonam ke lie shrrddha se zuk jaata hai. poonam ne pooree pratiyogita me ne, puraane, deshabhakti,shaastreey raag par aadhaarit kee tarah ke nagme gae aur kya khoob gae. is chhoTe kad kee 26 varSheeya kanya me gajab kee urja hai aur saath hee hai apanee gaayikee ko aur behatar karane ka samarpaN bhaav . muze yakeen he ki unakee aavaaj hame aage bhee sunane ko milatee rahegee. vaise to poonam ne jyaadaatar gambheer kism ke gaane gae par shamashaad begam ka ye geet 'mere piya ge rangoon.....' jis haav bhaav aur mastee se unhonne gaaya ki man baag baag ho uThaa. aap bhee dekhie ye video..


Sumedha Karmahe: sachamuch kee guDiya dikhane vaalee sumedha, chhattisagaDh ke chhoTe se shahar raajanandagaanv se aatee hai. vaise laaloo jee ke saamane apanee paarivaarik bihaaree prShThabhoomi ko bataana ve nahee bhoolee. inakee aavaaj me ek miThaas aur senasuality hai jo bahut kuchh Shreya Ghoshal se milatee julatee hai. 18 saal kee umr me hee itanee paripakvata se gaatee hai to aage bhee inakee aavaaj me umr ke saath-saath aur nikhaar aur vividhata aegee aisee aasha hai. inakee pratibha ko dekhate hue mahesh bhaTT ne inhe apanee film me gaane ke lie chuna bhee hai.chulabule aur roomaanee geeto me vo kaafee prabhaavit karatee hai. unhonne ghar se 'tere bina jiya jae na..', yuva se 'kabhee neem neem kabhee shahad shahad...' aur kaaravaa se 'piya too ab to aa ja..' ko behatareentareeke se nibhaayaa. par mai aapako dikha raha hoo sumedha ka gaaya saathiyaa ka meree pasand ka ye nagma..yaani 'chupake se, chupake se raat kee chaadar tale.... ''



To ye batayein ki inmein se aapki pasandeeda gayika kaun hai?

Post your views and comments here.

Raja Hasan, Amanat Ali & Aneek Dhar singers par excellence...

Click Here to read this post in Hindi (Devnagari Script)

TV par prasaarit hone vaale kaaryakram main niyamit roop se nahee dekhataa. Par 'sa re ga ma pa' ek aisa kaaryakram hai jise chhoD paana mere lie sambhav nahee hotaa. Haalaanki jab tab TRP. zaTakane ke liye in kaaryakramo par hone vaalee nauTankiyaa.n man ko vyathit karatee hain, par man ka viShaad in pratibhaavaan yuvao ko itane sureele andaaj me gaate hue dekh kab dhul jaata he ye pata hee nahee chalataa. Jab ye bachche PanDit Jasraaj aur Jagjit Singh jaisee mahaan saangeetik vibhootiyo se aasheervaad paate hai to mera man bheetar tak pulakit ho jaata hai aur ye aastha aur ghar kar jaatee hai ki aaj kee nayee peeDhee bhee sangeet ke prati ruchi aur samarpaN rakhatee hai aur is vidha me apanee mehanat aur pratibha ke bal par apanee pahachaan banaana chaahatee hai.

Pichhale do mahino se 'sa re ga ma pa' ke pratham paanch pratibhaagiyo ne achchhe sangeet ke maadhyam se muze jo khushee dee hai, use bayaa karana mere lie mushkil hai. Aaj kee meree ye post 'sa re ga ma pa' ke in prartibhaagiyo ko samarpit hai jinakee gaayikee se mai behad prabhaavit hua hoo. to shuruvaat sa re ga ma pa ke in teen mahaarathiyo se jinake beech kee khitaabee janga ka nirNaayak faisala 13 October ko hona hai....

Raja Hasan : 26 saal ke raaja hasan beekaaner, raajasthaan se aate hai. kee dino se mumbee me sangeet me apana kairiyar banaane kee koshish kar rahe the. raaja ko sangeet viraasat me mila hai. saat saal kee aayu se hee unhonne shaastreey sangeet seekhana shuru kiyaa. jab jab raaja kisee raag par aadhaarit ya soofiyaana geet chunate hai, unhe sunane ka aanand adbhut hota hai. unakee aavaaj me bulandee hai, suro ke utaar chaDhaav me achchhee pakaD hai. saath hee darshako ko apane vyaktitv aur haav bhaav se rizaane ka fan bhee unake paas hai. par raaja kamajor paDate hai halke fulke roomaanee geeto ko gaane me. kabhee-kabhee vo shabd bhee galat bol jaate hai par unakee aavaaj ka jaadoo maanasapaTal par is kadar haavee ho jaata hai ki ye bhoole najarandaaj karane ko jee chaahane lagata hai
aie dekhe is raajasthaanee lokageet ko raaja ne kya kamaal nibhaaya hai...






Aneek Dhar : kahate hain, sangeet bangaaliyo ke khoon me hota hai aur sa re ga ma pa ke is sho par 18 saal ke anik ye baat sach saabit karate dikhate hai. anik kee khoobee ye hai ki jab ve koee geet gaate hai vo usame Doob jaate hai. pahalee baar anik dhar kee aavaaj ko mainne tabase dhyaan dena shuru kiya tha jab isee tarah chiTTha likhate samay jubeen garg ka gaaya geet jaane kya chaahe man baavara... gaate suna tha aur vo agale din hee mere is chiTThe kee nee posT ke roop me aapake saamane thaa. anik sa re ga ma ka bangaalee sanskaraN jeet chuke hai. anik ke saath dikkat ye hai ki aayu kam hone kee vajah se unakee aavaaj me vo bulandee nahee aa paatee jo raaja me hai. par narm roomaaniyat bhare geeto ko gaane me ve apane pratidvandiyo ko kahee peechhe chhoD dete hai.

ab haal hee me unake gae om shaanti om ke is geet par najar Daale. unakee adaayagee se deepika paadukoN tak mugdh ho gee. aap bhee aanand le





Amanat Ali: Amanat 'Sa Re Ga ma Pa' mein Pakistan se aaye pratibhagi hainMora Piya mose bole Naa me unhe gaate sunakar man zoom uTha thaa. par shuru shuru me vo mastee aur urja bhare geeto ko gaane me kamajor dikhate the. par ismail darabaar kee shaagirdee ne vigat kuchh saptaaho se uname jabaradast sudhaar laaya hai aur ab vo har tarah ke geet baDee khoobasooratee se nibha jaate hai. aaj unhe sa re ga ma pa ke teen antim pratidvandiyo me sabase varsaTail kaha ja raha hai. amaanat geeto me apanee or se hamesha adaegee me vividhata le aate hai jise sun kar dil vaah vaah kie bina nahee rah paataa. aur jab vo koee gajal gaate hai to jagajeet sinh jaise kanjoos guru bhee dil se daad die bina nahee rah paate. to leejie dekhie gulaam alee kee gaee gajal "hangaama hai kyoo barapa"...ko kis khoobasoorat andaaj me ga rahe hai amaanat...




Muze in teeno yuva pratibhao se behad pyaar hai. iname se koee jeete vo koee khaas maayane nahee rakhataa. mai to bas yahee chaahata hoo kee sangeet ke kShetr me ye teeno yuva apanee kaabiliyat ke bal par vo mukaam bana pae jinake vo vaastavik hakadaar hai.

To bataiye huzoor in teenon ke bare mein aapki kya rai hai aur kise jita rahe hain aap ?

Click Here to post your views and comments.

Memoirs of Kishore Da...Wo Kal Bhi Paas Paas The Wo Aaj Bhi Kareeb Hain

Click Here to read this post in Hindi (Devnaagari script)

jaisa ki piChale video me Leena jI ne kaha ki kishor kahate the ki marane ke baad bhI log mere baare me baate karenge. aur dekhie apane marane ke bIs saalo ke baad bhI vo hamaarI yaado me ajar amar hai bahut kuCh khaamoshI film me unake gaye huye is gIt kI tarah jo merI is shrrnkhala ka pratham paayadaan ka gIt hai.

vidhaata ne kitane hI mohak rango ko samaahit kar ye prakrti banaii. bhor se ardharaatri tak phija ke kitane rUp aate hai aur apanI upasthiti se hamaara man moh lete hai. esa hI ek rUp hai shaam ka jisase bachapan se hI menne sabase jyaada prIti kar lI hai. jIvan ke kitane yaadagaar pal isI bela me ghaTit hue hai aur yahI vajah he ki mere chiTThe ke naam me bhI shaam ka jikr hai. phir aap hI bataiie ki mera sarvaadhik priy gIt shaam se juda kaise ho sakata hai ?

yU to hemant da ke sangIt aur mere priy gItakaar gulajaar ke adbhut sangam se banI khaamoshI ke saare gIt laajavaab hai. par baat agar kishor da kI ho to ye gIt mere jehan me sabase pahale ubharata hai. is gIt ke udaas udaas bol aur dhun ka Thaharaav man me yU chipakata hai ki lagata hai ki isame apane hI dard kI pratidhvani to nahI. kishor kI bemisaal gaayakI aapako us ahasaas se gIt sunane ke baad bhI kaaphI der tak nikalane nahI detI.

har baar kI tarah ise gunagunaane ka mera prayaas......

wo shaam.mp3

wo shaam kuCh ajIb thI, ye shaam bhI ajIb hai
wo kal bhI paas paas thI, vo aaj bhI karIb hai

jhukI huii nigaah me, kahI mera Khayaal tha
dabI dabI hansI me ik, hasIn sa savaal tha
mai sochata tha, mera naam gunaguna rahI hai wo
na jaane kyU laga mujhe, ke muskura rahI hai wo
wo shaam kuCh ajIb thI ...

mera Khayaal hai abhI, jhukI huii nigaah mein
khulI huii hansI bhI hai, dabI huii sI chaah mein
mai jaanata hU, mera naam gunaguna rahI hai wo
yahI Khayaal hai mujhe, ke saath aa rahI hai wo

wo shaam kuCh ajIb thI, ye shaam bhI ajIb hai
wo kal bhI paas paas thI, wo aaj bhI karIb hai

lIjiye suniye kishor kI aavaaj mein ye geet

Get this widget Share Track details

Khamoshi film mein ye geet Rajesh Khanna , Waheeda Rehmaan aur Dharmendra par behad khoobsurati se philmaya gaya tha.


ye to the meri pasand ke dus geet...par bina ye bataye ki Kishore da ko apne sabse pasandeeda geet kaun se lagte the, ye srinkhala adhoori si reh jayegi. Is baat ka khulaasa Kishore da ne apne ek interview mein kiya tha.

1. Dukhi man mere..., from 'Funtoosh'
   
2. Jagmag Jagmag......,from Rimjhim
   
3. Husn bhi hai Udaas Udaas...., from 'Fareb'
   
4. Chingari koyi Bhadke..., from 'Amarprem '


5. Mere Naina Sawan Bhado....., from 'Mehbooba'
   
6. Koyi Hum Dum Na Raha...., from 'Jhumroo'
   
7. Mere mehboob Qayamat hogi... , from Mr X in Bombay


8. Koyi Hota Jisko Apna...., from Mere Apne
9. Wo Sham kuch ajeeb thi...., from Khamoshi


10. Badi Sooni Sooni Hai .from ,Mili,

nau bhaago kI is shrrnkhala me mainne kishor ke jIvan ke adhik se adhik pahaluo ko aapake saamane laane kI koshish kI hai. mere is prayaas me agar koii tathyaatmak truTi rah gii ho to jarUr avagat karaiiegaa. jaisa ki menne pahale bhI kaha he ki ye ek mahaan kalaakaar ke prati, jisane sangIt kI or mujhe unmukh karaaya, merI ek ChoTI sI shrrddhaanjali hai. aasha karata hU mera ye prayaas aap sabako pasand aaya hoga.


Post your comments here.

Memoirs of Kishore Da...What his friends thought about him...Part VIII

Click Here to read this post in Devnaagari (Hindi) script.

Kishor ko Mumbai kee filmee duniya aur usake log kabhee raas nahee aaye. 1985 mein sannyaas ka man bana chukane ke baad unhonne kaha tha...

"......Kaun rah sakata hai is chaalabaaj, mitraviheen duniya mein, jahaan har pal log aapaka dohan karane mein lage ho. Kya yahaa.n kisee par vishvaas kiya ja sakata hai? Kya koee bharose ka dost mil sakata hai yahaa.n? Main is bekaar kee pratispardha se nikalana chaahata hoon. Kam se kam apane purakho kee jameen Khandva mein to vaise hee jee sakoonga jaisa main hamesha chaahata thaa. Kaun is gande shahar mein marana chaahega ?......."

Darasal is kathan ka marm jaanane ke liye fir thoDa peechhe jaana hogaa. Kishor kee ye kaDavaahaT unake film jagat me bitaye shuru ke dino kee den hai. Ve kabhee abhineta nahee banana chaahate the. Chaahate the to sirf gaana par baDe bhaee daada muni ka kahana Taal bhee nahee pae. abhinay mein gaye to safalata bhee haath lagee par gaayak ke roop me jyaadaatar sangeet nirdeshako.n ne unhe.n sveekaar nahee kiyaa. khud kishor ne apanee laachaaree aur apane ajeebogareeb vyavahaar ke baare me ye daleel pesh kee hai...

"...main sirf gaana chaahata thaa. kuchh aisee paristhitiyaa banee ki mujhe abhinay kee duniya me aana paDaa. mujhe abhinay me bitaaya apana ka har ek pal naagavaar gujaraa. mainne kaun-kaun se tareeke nahee apanaye is duniya se peechha chhuDaane ke lie...apane sanvaad kee panktiyaa.n galat bolee, paagalapan ka naaTak kiya, baal munDavae, gambheer drshyo ke beech yooDaling shuru kar dee. Meena Kumari ke saamane vo sanvaad bole, jo kisee doosaree film me Beena Roy ko bolane the..........par fir bhee unhonne mujhe nahee chhoDa aur aakhirakaar ek safal naayak bana hee diyaa....."

Kishor ne yahaa.n koyee atishyokti naheen kee thee. unake ajeebogareeb harakato ke kuchh kisse to pahale bhee yahaa.n likhe ja chuke hain, ab kuchh kee baanagee aur lein...

Bhayee-bhayee kee shooT me nirdeshak Raman ke dvaara apane 5000 rupye dene ke liye aD gaye. Ashok Kumar ke samajhaane par anichchhapoorvak vo drshy karane ko taiyaar huye. chhoTe se shaanT me unhe sirf baDabaDaana tha aur thoDee chahalakadamee karanee thee.to kishor ne kya kiya, kuchh door chalate ..kalaabaajee khaate aur jor se kahate paanch hajaar rupayaa. aisee kalaabaajiyaa khaate-khaate vo kamare ke doosaree taraf pahunche jahaa ek pahiya gaaDee khaDee thee. kishor us par hote hue seedhe baahar pahunche aur ek chhalaang maar kar apanee gaaDee par savaar hokar chalate bane . baad me Raman ne sveekaar kiya ki vo kishor ko paisa chuka paane kee haalat mein nahee the.

Ek nirmaata ko to unhonne itana pareshaan kiya ki vo unake khilaaf court se samman le aaye ki kishor unake aadeshaanusaar hee kaam karenge. nateeja ye hua ki seT par apanee car se utarane ke pahale bhee vo nirmaata ka aadesh milane ke baad hee utarate. ek baar vo shooTing ke dauraan gaaDee ko lete hue khanDaala chale gaye, turra ye ki Director ne shoT ke baad 'cut' nahee bola to mai kya karata...

Par ye sab unhonne sirf filmee duniya se nikalane ke liye kiya aisa bhee nahee thaa. kuchh bachapana kah lein aur kuchh unake khuraafaatee dimaag ka fitoor, apanee nijee zindagee me unhonne apanee image ko aisa hee banaye rakhaa.Sach to ye hai ki unase juDee kahaaniyaa khatm hone ka naam nahee letee.

shayanakakSh me khopaDee kee aankho se nikalatee laal roshanee, drawing room me ulTee paDee kursiyaa, mehamaano par unake ishaaro par bhaunkate kutte, gaureekunj ke apane aavaas ke baahar laga board,

Beware of Kishore Kumar !

unake mijaaj kee gavaahee deta hai.

par itana sab jaanate hue bhee unake kareebee unake baare me alag hee raay rakhate the. saathee kalaakaar mahamood ka kahana tha







"....vo na to sanakee the na hee kanjoos, jaisa ki kee log sochate hai. vaastav me vo ek genious the. vo raaj kapoor ke baDabole roop the, ek harafanamaula jise cinema ke har pahaloo kee jaanakaaree thee aur jise ho halla machaakar logo kee najaro me bane rahane ka shauk thaa......"


vahee abhinetree tanuja ka maanana tha


"......mujhe samajh nahee aata ki vo paagalapan ka mukhauTa kyoo lagaye rahate the? shaayad, ek aam insaan kee tarah vo duniya se apane aks ka kuchh hissa chhupaana chaahate the. jab vo achchhe mooD me rahate to apane chuTakulo se hansa-hansa kar loT poT kar dete the. ...."


sangeet nirdeshak kalyaaN ka kahana tha

"....kishor moody insaan the, par mai samajhata hoon ki kisee kalaakaar ko ye chhooT to aapako denee hee hogee. unase kuchh karavaane ke liye mujhe bachcho jaisa vyavahaar karana paData thaa. so main jo unase chaahata Theek usaka ulaTa bolataa....."

kishor ke jeevan vrit ko patrakaar Kuldeep Dheeman ne ek achchha saar diya hai. Kuldeep kahate hai...

".....shuruaatee daur me apanee bataur gaayak pahachaan banaane ke kram mein milee dutkaar ne unake dil me vo jakhm kiye jo waqt ke saath bhar na paye aur jinhonne unhe ekaakee bana Daalaa. par unake andar ka khuraafaatee bachcha kabhee nahee maraa. yahee vajah rahee ki prashansak aur doston ko unakee koyee spaShT chhavi banaane me duvidha huyee. saamaanyatah ham jeevan me shvet shyaam kiradaar dekhane ke aadi hain par kishor kee zindagee me syaah rang kee kayee paratein theen jinhonne unake charitr ko jaTil bana diya tha.... "


1987 me hrdayagati ruk jaane kee vajah se unakee mrtyu ho gayee. aaiye dekhe.n is durlabh video mein unki patnee Leena Chandravarkar unakee yaado.n ko kis tarah sanjo rahee hain....




If you like this post, give your comments here.

Memories of Kishore Da : The story of his Martial Life Part VII

Click Here to read this post in Hindi (devnaagri Script).

Kishore Kumar kee paarivaarik zindagee, unakee shakhsiyat jitanee hee pecheeda rahee. aaj kee ye posT meree koshish hai unakee vyaktigat jindagee ke in anachhue pahaluo ko kuchh durlabh chitro ke saath baanTane kee . saath hee baat karenge is shrrnkhala ke doosare nambar ke geet kee bhee.

Baat 1951 kee hai. Us vakt kishor mumbee film udyog me ek adaakaar ke taur par paanv jamaane kee koshish kar rahe the. isee saal unhonne rooma guha Thaakurata se shaadee kee. 1952 me amit kumaar jee kee paidaish huee. ye sambandh 1958 tak chalaa. rooma jee ka apana ek aakarShak vyaktitv thaa. ek bahuaayaamee kalaakaar ke roop me bangaalee kala jagat me unhonne bataur abhinetree, gaayika, nrtyaangana aur koriyograafar ke rup me apanee pahachaan banaee. par unaka apane kairiyar ke prati yahee anuraag kishor ko raas nahee aayaa. kishor ne khud kaha hai ki

"...vo ek behad guNee kalaakaar thee. par hamaara jindagee ko dekhane ka najariya alag thaa. vo apana career banaana chaahatee thee.n aur mai unhe ek ghar ko banaane vaalee ke roop me dekhana chaahata thaa. ab in dono mein mel rakh paana to behad kaThin hai. career banaana aur ghar chalaana do alag alag kaary hain. iseeliye ham saath nahee rah paaye aur alag ho gaye...."

1958 me ye sambandh TooT gayaa. isase pahale 1956 me madhubaala, kishor kee jindagee me aa chukee thee. paanch saal baad dono vivaah sootr me bandh to ge par kishor da ke maata-pita is rishte ko kabhee sveekaar nahee pae. bahutere film sameekShak is vivaah ko 'Marriage of Convenience' bataate hai. dileep kumaar se sambandh TooTane kee vajah se madhubaala ek bhaavanaatmak sahaare kee taalaash me thee aur kishor apanee vitteey pareshaaniyo se nikalane ka maarg DhoonDh rahe the

par is rishte me pyaar bilakul nahee tha ye kahana galat hogaa. gaur karane kee baat hai ki madhubaala ne nargis kee salaah na maanate hue, bhaarat bhooShaN aur pradeep ke prastaavo ko Thukara kar kishor da se shaadee kee. to doosaree or kishor ne ye jaanate hu2387e bhee ki unakee hone vaalee patnee, ek lailaaj rog (hrday me chhed) se grasit hai, unase nikaah rachaayaa. par shuruaatee pyaar agale 9 saalo me maddham hee paData gayaa.

kishor ne Illustrated Weekly ko die apane saakShaatkaar me kaha tha...

"...mainne unhe apanee aankho ke saamane marate dekhaa. itanee khoobasoorat mahila kee esee dardabharee maut....! vo apanee asahaay sthiti ko dekh zallaatee, baDabaDaatee aur cheekhatee thee. kalpana kare itana kriyaasheel vyaktitv rakhane vaalee mahila ko nau saalo tak chaaradeevaaree ke andar ek palang par apanee jindagee bitaanee paDe to use kaisa lagega? mai unake chehare par muskuraahaT laane ka antim samay tak prayaas karata rahaa. mai unake saath hansata aur unake saath rota rahaa. ..."

Par madhubaala kee jeevanee likhane vaale film patrakaar 'Mohan Deep' apanee pustak me unake is vivaah se khaas khushee na milane ka jikr karate hai. sach to ab madhubaala kee Doyaree ke saath unakee kabr me dafan ho gaya, par ye bhee sach he ki kishor unakee antim yaatra tak unake saath rahe aur jindagee ke agale saat saal unhonne ekaantavaas me kaaTe. Agar gaur kare to unake lokapriy udaasee bhare nagme isee kaal khanD kee upaj hai.

1976 me unhonne yogita baalee se shaadee kee par ye saath kuchh mahino ka rahaa. kishor ka is asafal vivaah ke baare me kahana tha....

"...ye shaadee ek majaak thaa. vo is shaadee ke prati jara bhee gambheer nahee thee. vo to bas apanee maa ke kahe par chalatee thee. achchha hua, ham jaldee alag ho gaye...."

vaise yogita kaha karatee thee ki kishor aise aadamee the jo saaree raat jag kar noT gina karate the. ye baat kishor ne kabhee nahee maanee aur jab yogita baalee ne mithun se shaadee kee, kishor ne mithun ke lie gaana chhoD diyaa. is baat ka apratyakSh faayada bappee da ko mila aur mithun ke kee gaano me unhonne apanee aavaaj dee.1980 me kishor ne chauthee shaadee leena chandraavarakar se kee jo unake beTe amit se maatr do varSh baDee thee. par kishor, leena ke saath sabase jyaada khush rahe. unaka kahana tha..

''...mainne jab leena se shaadee kee tab mainne nahee socha tha ki mai dubaara pita banoongaa. aakhir meree umr us vakt pachaas se jyaada thee. par sumit ka aana mere lie khushiyo ka sabab ban gayaa. mainne hamesha se ek khushahaal parivaar ka sapana dekha thaa. leena ne vo sapana poora kiyaa.......

vo ek alag tarah kee insaan hai . usane dukh dekha hai..aakhir apane pati kee aankh ke saamane hatya ho jaana kam dukh kee baat nahee hai. vo jeevan ke mooly aur chhoTee-chhoTee khushiyo ko samazatee hai. iseelie usake saath mai behad khush hoo. ..."

Kishor da kee baato ko aap holee ke dauraan kheenche ge chitr me sahaj hee mahasoos kar sakate hai.

ye to huee unakee nijee jindagee se juDee kuchh baate. ab ek baar fir kishor ke pasandeeda geeto ke is silasile ko aage baDhaate hai...

Geet sankhya 2 : Ye dard bhara afsaanaa, sun le anjaan zamaanaa...

is shrrnkhala kee doosaree paayadaan par geet hai 1965 kee film "shreemaan fanToosh" ka jisake bol likhe aanand bakhshee ne aur dhun banaee lakShmeekaant-pyarelaal kee joDee ne. muze ye gaana behad pasand hai aur isaka mukhaDa to kuchh-kuchh kishor da ke jeevan kee kahaanee kah deta hai. kya gaayikee thee aur kitanee meeThee dhun ki varSho pahale sune is geet ko gaate vakt man khud-ba-khud udaas ho jaata hai. mainne is geet ka ek antara aur mukhaDa gunagunaane kee koshish kee hai. aasha hai aap ise pasand karenge..

MainHoon.mp3

ye dard bhara afasaana, sun le anajaan zamana, zamana ...
mai hoo ek paagal premee, mera dard na koee jaana

koyee bhee vaada, yaad na aaya
koyee kasam bhee, yaad na aayee
meree duhayee, sun le khudayee
mere sanam ne, kee bevafayee
dil TooT gaya, deevaana
sun le anajaan zamana, zamana ...
main hoon ek paagal premee ...

foolo se main ne daaman bachaaya
raaho.n me apanee kaanTe bichhaaye
mai hoo deevaana, deevaanagee ne
ik bevafa se neha lagaaye
jo pyaar ko na pahachaana
sun le anajaan zamana, zamana ...

yaade puraanee, aane lagee kya
aankhe zuka lee, kya dil me aaya
dekho najaara, dilavar hamaara
kaisee hamaaree, mahafil me aaya
hai saath koee, begaana
sun le anajaan zamana, zamana ...
mai hoo ek paagal premee ...

kishor da kee aavaaj me aap is madhur geet ko yahaa sun sakate hain.

Get this widget Share Track details

aur agar khud kishor da ko 80 ke dashak me ise sTej par gaate dekhana chaahe to yahaa dekh sakate hain, haalaanki tab tak unakee aavaaj me vo dhaar nahee rah gayee thee.



agalee posT mein bataoonga kaun hai kishor da ka gaaya mera sabase pasandeeda geet aur charcha hogee ki aakhir kya sochatee the filmee hastiyaa kishor ke baare mein?

Post your comments here.

Memories of Kishore Da : His opinion about his co-singers Part VI

Click here to read this post in Hindi (Devnagari Script)

Pichhalee post me vaada tha chauthee aur teesaree paayadaano ke geeto ko pesh karane kaa. toh hujoor, teesaree paayadaan par to rimjhimaata saavan hai aur chauthee par ek haqeeqat jo sapana sa ho jaane ka ahasaas dene lagee hai. Par ek aur khaasiyat hai chauthe kramaank ke is geet mein..ye ek yugal geet hai.

Ab tak kee kaDiyaa Kishore ke ekal geeto par hee mainne kendrit rakhee thee. par ek bhee yugal geet na rahe to kuchh aTapaTa sa lagata hai. kishor ke yugal geeto kee charcha karane se pahale kuchh baate kishor da kee, jo juDee hai unake sahagaayako se.

Aakhir kya sochate the kishor, apane samakaaleeno ke baare me ?

LaDakapan se hee kishor K.L.Sahgal ke deevaane the. Bachpan me ve apanee pokeTmoney se sahagal saahab ke record khareeda karate the. sahee maayane me vo unako apana guru maanate the. jab unhonne khud bataur gaayak kaafee khyaati arjit kar lee to ek sangeet company ne unke saamane Sehgal ke geeto ko gaane ka prastaav rakhaa. kishor ne saaf inakaar kar diyaa. unaka kahana tha....

" mai unake geeto ko aur behatar gaane kee koshish kyoon karoon ? krpaya unhe hamaaree yaado me bane rahane dein. unake gaaye geet, unake hee rahane dein. mujhe ye kisee ek shakhs se bhee nahee sunana ki kishor ne sahagal se bhee achchha is geet ko gaayaa. "

Sahagal ka vishaal chhaayaachitr hamesha unake ghar ke portico kee shobha baDhaata rahaa. aur usee tasaveer ke bagal me Rafee saahab kee tasaveer bhee lagee rahatee thee. kishor, rafee kee kaabiliyat ko samazate the aur usaka sammaan karate the. sattar ke dashak me jab kishor da kee tootee bol rahee thee, to unake ek prashansak ne kah diya....

"kishor da , aapane to rafee kee chhuTTee kar dee...."

us vyakti ko prattyuttar ek chaanTe ke roop me milaa. kishor aur rafee ke fan aapas me ek doosare kee kitanee khinchaee kar lein, vaastavik jindagee mein kabhee in mahaan gaayako ke beech aapasee sadbhaav kee deevaar nahee TooTee.

kishor aur lata jee ke yugal geet kaafee charchit rahe hai. itane saalo ke baad aaj bhee 'aandhee', 'ghar', 'heera panna', 'silasila' aur 'devata' jaisee filmo ke geet ko sunane vaalo kee taadaad me kamee nahee aee hai.

kishor, lata ko apana seeniyar maanate the aur iseelie kisee geet ke lie unhe jitana paisa milata vo usase ek rupaya kam lete.

aur lata jee, saath sho karatee to taareefo ke pul baandh detee. hamesha kishor ko kishor da kah kar sambodhit karatee. ye alag baat thee ki umr me kishor lata se maatr ek mahina chaubees din hee baDe the.


kishor aur aasha jee ko pancham kee dhuno me sunane ka aanand hee alag hai. apane ek saakShaatkaar me aasha jee ne kaha tha ki

"kishor ek janmajaat gaayak the jo gaate samay aavaaj me nit nee vividhata laane me maahir the. iseelie unake saath yugal geet gaane me muze aur sajag hona paData tha, gaayikee me unakee harakato ko pakaDane ke liye."

kishor da bhee maanate the ki unake chulabule andaaj ko koee mila sakata hai to vo thee aashaa. iseelie kaha karate

"She is my match at mike. "

chauthee paayadaan ke is geet ko chunate vakt kee aur geet mere jehan me ae. sabase pahale baat 'aandhee' ke geeto kee kee. is film me yoon to is moD se jaate hai.....tum aa ge ho....aur tere bina jindagee me koee shikava... jaise behatareen geet hai. par in geeto ko jab sunata hoo to mujhe lata, Gulzar aur pancham da hee man me chhae se lagate hai. kishor ne yakeenee taur par apane antare bakhoobee gaye hani par in vibhootiyo ke saamane vo thoDe peechhe chale jaate hai.

par unhee lata par vo Gulzar aur pancham dvaara rachit 'ghar' ke is geet par bhaaree paDate hai. kya bol likhe Gulzar ne aur kitanee khoobasooratee se unhe nibhaaya kishor aur lata ne... aap bhee aanand uThayein


aap kee aankho mein kuchh mahake hue se raaj hai
aapase bhee khoobasoorat aapake andaaj hai

lab hile to mogare ke fool khilate hai kahee.n
aap kee aankho me kya saahil bhee milate hai kahee.n
aap kee khaamoshiyaa.n bhee aap kee aavaaj hain

aap kee aankho me kuchh mahake hue se raaj hain
aap se bhee khoobasoorat aapake andaaj hain
aap kee aankho me kuchh mahake hue se raaj hain

aap kee baato me fir koee sharaarat to nahee
bevajah taareef karana aap kee aadat to nahee
aap kee badamaashiyo ke ye naye andaaj hain

na.. na.. ye geet nahee meree chauthee paayadaan par aur na hee 'heera panna' ka ye geet jo pata nahee kitane chhoTe se mere dil ke kareeb raha hai. kuchh to hai isakee lay me jo ise gunagunaate vakt bachapan me bhee meree aankhe nam kar deta thaa.
pyaaree see jeenat aur sadaabahaar dev aanand par filmaye huye is geet ko aap yahaa dekh sakate hai.


panna kee tamanna hai ki heera mujhe mil jaaye
chaahe meree jaan jaaye chaahe mera dil jaaye
ho ... panna kee tamanna hai ki heera muze mil jaaye
chaahe meree jaan jaaye chaahe mera dil jaaye

heera to pahale hee kisee aur ka ho chuka
kisee kee, madabharee, aankho me kho chuka
yaado kee bas se dhool ban chuka dil ka fool

seene pe mai rakh doo jo haath fir khil jaaye
chaahe meree jaan jaaye chaahe mera dil jaaye
ho ... panna kee tamanna hai ki heera muze mil jaaye
chaahe meree jaan jaaye chaahe mera dil jaaye .....

Geet sankhya 4 : Kabhee kabhee sapana lagata hai...

oopar ke geet kee maayano me is geet se behatar honge par 'ratanadeep' film ka ye geet jo kishor ne aasha ke saath milakar gaaya hai, muze behad pasand hai.
visheShakar isaka mukhaDa jise gunagunaate-gunagunaate mooD hee badal jaata hai. apane jamaane me gulajaar aur pancham kee joDee ke sangeet se rachee ye film flop huee thee aur usaka khaamiyaaja is geet ko bhee bhugatana paDa thaa.

khvaab aur hakeekat ke faasale kabhee kabhee miT jaate hai..
kabhee koee hakeekat khvaab see lagane lagatee hai..
to kabhee koee khvaab hakeekat kee shakl ikhtiyaar karane lagata hai..
samaz nahee aata ki kis par yakeen kare
jo aankho ke saamane hai...
ya fir us sapane par jo door hote hue bhee apana sa lagane laga hai....

Is geet ko pahale jhelein meree aavaaj mein :)

Kabhie Kabhie Sapn...

aur fir aanand uThae Asha kishor ke yugal svaro me

Get this widget Share Track details

kabhee kabhee sapana lagata hai
kabhee ye sab apana lagata hai
tum samajha do, man ko kya samazaoo

muze agar baaho me bhar lo, shaayad tumako chain mile
chain to us din khoya mainne, jis din tumase nain mile
fir bhee ye achchha lagata hai, magar abhee sapana lagata hai
tum samaza do, man ko kya samazaoo

kabhee kabhee sapana lagata hai......

chehare pe hai, aur ek chehara, kaise use haTau
mera sach gar tum apana lo, janam janam tarasaoo
aise sab achchha lagata hai, sab ka sab sapana lagata hai
tum samaza do, man ko kya samazaoo

kabhee kabhee sapana lagata hai.....

Geet sankhya-3 : Rimjhim gire saavan, sulag sulag jaye man....

Agar pichhale geet ne aapake man ko bozil kar diya ho to is geet kee saavanee pukaar sunakar aapake dil ka papeeha apana maun toD degaa. ye geet bhee skool ke jamaane se hee mera priy raha hai. muze us vakt ye galatafahamee thee ki ho na ho isake bol bhee gulajaar ne likhe honge par bahut baad me pata chala ki isake geetakaar to yogesh gauD saahab hai .

vaise bhee kal saavan kee poorNima thee aur aaj se bhaado ka mahina shuru ho raha hai par rim zim to abhee bhee joro par hai. to saavan ko kyoo na vidaee de is pyaare se geet ko gunagunaakar.

rimjhim gire sawan...

rimjhim gire sawan...

rimjhim gire saavan, sulag sulag jaye man
bheege aaj is mausam me, lagee kaisee ye agan
rim-zim gire saavan, sulag sulag jae man
bheege aaj is mausam me, lagee kaisee ye agan

rimjhim gire saavan ...

jab ghungharuo see, bajatee hai boonde,
aramaa hamaare, palake na moonde
kaise dekhe sapane nayan, sulag sulag jae man
bheege aaj is mausam me, lagee kaisee ye agan
rimjhim gire saavan ...

mahafil me kaise kah de kisee se,
dil bandh raha hai kis ajanabee se
haay kare ab kya jatan, sulag sulag jae man
bheege aaj is mausam me, lagee kaisee ye agan
rimjhim gire saavan ...

Amitabh aur Mausami Chatterji par filmaye is geet ko aap yahaa dekh sakate hain.


Post your comments here.


Is shrrnkhala ke agale bhaag me aapake saath baaToonga kishor kee paarivaarik jindagee ke pahaloo kuchh anamol chitro ke saath........

Memories of Kishore Da: The magic created by the trio..Gulzar, Pancham & Kishore part V

Click Here to read this post in Hindi (Devnagari Script).

Pichhalee post mein baat huee thee Kishore da kee ajeebogareeb shakhsiyat kee.....Aaj vaapas lauTate hain unake geeto ke safar par. Aap sab jo mujhe paDhate aaye hain, bhalee bhaanti jaanate hain ki Gulzar ka likha hua mujhe kitana pasand aata hai. Yahee wajah hai ki kishor ke gaye mere sabase priya geeto.n mein se chaar Gulzar ne likhe hai.

Ab kya karoo.n main !
jab Pancham da kee madhur dhun ho , shabd ho Gulzar ke aur aavaaj ho Kishor Kumar kee to us geet kee kaifiyat saalo saal dilo dimaag me naksh see ho jaatee hai. Kitana bhee inhe sun loo, gunaguna loo.n ye jehan se nahee haTate, maano man ke aangan me khoonTa gaaDe baiThe ho. Toh is kram me parichit hote hain Parichay film ke is geet se.

Geet Sankhya 6 : Musaafir hoo yaaro / Aane waala pal... jaane waala hai

Jee haan ! meree is shrrnkhala kee chhaThee paayadaan par ek nahee.n balki do geet hain. In dono me se ek ko chunana mere lie kaafee mushkil thaa.

To pahale baat kare 'Parichay' ke is sadaabahaar nagme kee..

'Parichay' mein pahalee baar pancham ne Gulzar ke saath kaam kiya thaa. Pancham aur Gulzar ke saje sangeet satro.n mein in geeto.n kee rachana hotee thee. Hua yoon ki Gulzar mukhaDe ko lekar jab raajakamal studio pahunche to vahaa doosari film ke paarshv sangeet kee recording chal rahee thee. Mukhada Pancham ko thama kar Gulzar vaapas chale ae. Raat ko ek baje pancham, Gulzar ke paas aaye aur kaha chalo neeche. Din bhar me Pancham ek cassete mein us gaane kee dhun bana chuke the. Baandra kee saDako par gaaDee dauDatee rahee..Dashaboard par dhun bajatee rahee aur khyaal lafjo.n kee shakl lene lage aur is tarah ye geet apane astitva me in aayaa.

Kishor ne jis mastee aur befikrapan se is geet ko gaaya hai ki man roopee musaafir geet ke saath hee is pyaare se safar me saath ho leta hai, vo bhee manjil ko jaane bagair. ..
to taiyaar hai na mere saath is geet ko gunagunaane ke liye

Get this widget Share Track details

musafir hoon yaaron
na ghar hai na Thikaana
mujhe chalate jaana hai, bas, chalate jaana
musafir...

ek raah ruk gayee, to aur juD gayee
mai muDa to saath-saath, raah muD gayee
hava ke paro par, mera aashiyaana
musaafir...

din ne haath thaam kar, idhar biTha liya
raat ne ishaare se, udhar bula liya
subah se shaam se mera, dostaana
musaafir...

Jeetendra par filmaaye is geet ko aap yahaa dekh sakate hain.


Is paayadaan par doosara geet film 'Golamal' se hai. Isake liye 1979 me Gulzar ko filmfare puraskaar mila thaa. Pancham kee jabaradast dhun ke beech Kishor kee goonjatee aavaaj me is geet ko sunana man ko ek shaanti se bhar deta hai.

Get this widget Share Track details

aane vaala pal jaane vaala hai
ho sake to is me
jindagee bita do
pal jo ye jaane vaala hai

ek baar yoo milee, maasoom see kalee
khilate hue kaha, ush baash? main chalee
dekha to yahee hai,DhoonDha to nahee.n hai
pal jo ye jaane vaala hai

ek baar waqt se, lamaha gira kahee.n
vahaa daastaa milee, lamaha kahee.n nahee.n
thoDa sa hansa ke, thoDa sa rula ke
pal ye bhee jaane waala hai

is geet ko Amol Palekar aur Bindiya Goswami par filmaaya gaya hai.


Geet Sankhya 5 : Phir wahee raat hai ...

Yaad aata hai B.I.T. Mesra ke hostel no. ek ka vo chhoTa sa kamara..
Alamaaree par rakha chhoTa sa Tep rikaarDar..
Kamare me ghupp andhakaar...
Pancham..Gulzar...Kishor ke is jaaduee geet sangeet ka khumaar.. is kadar sar chaDhata tha ki beesiyo baar cassete par is geet ko reverse kar kar ke sunate the.
Kitanee raate barbaad..nahee yoo kahana chaahie ki aabaad kee is geet ne.....
sapane dekhana sikhaaya is geet ne...vo bhee sotee nahee balki jaagatee aankho se..
Aap bhee ise mahasoos karana chaahenge mere saath...... ?

Get this widget Share Track details

Phir wahee raat hai ...

Phir wahee raat hai, Phir wahee raat hai khvaab kee
ho ... raat bhar khvaab me,dekha karenge tumhe
Phir vahee raat hai ...

maasoom see neend mein, jab koyee sapana chale
ho ... ham ko bula lena tum, palakon ke parde tale
ho... ye raat hai khvaab kee, khvaab kee raat hai

Phir wahee raat hai, Phir wahee raat hai khvaab kee
Phir wahee raat hai ..

kaanch ke khvaab hain, aankho me chubh jaayenge
ho ... palako pe lena inhe, aankho.n mein ruk jaayenge
ho ... ye raat hai khvaab kee, khvaab kee raat hai
Phir wahee raat hai, Phir wahee raat hai khvaab kee

Phir wahee raat hai ..


Vinod Mehra aur Rekha par filmaye is geet ko aap yahaan dekh sakate hain.


Agale bhaag me baat hogee paayadaan sankhya chaar, aur teenke geeto.n kee...

What are your opinion about these songs? Please give your comments here.

Kishore Kumar : A complex personality with a naughty heart !

Click Here to read this post in Hindi (Devnaagri) script

Film udyog me ye baat aam hai ki kishor ka vyavahaar apane milane vaale logo se bahudha ajeeb tarah ka hota thaa. Aisa vo kayee baar jaanabooz kar karate the par kahee na kahee unaka dil, sharaaratee bachche kee tarah tha jo unake dimaag me naye-naye khuraafaato ko janm deta thaa. Aksar unake is naTakhaTapan ka shikaar, unake kareebee hua karate the. Aaiye roobaroo hote hain unake aise hee kuchh kaaranaamon se..

Ek baar kee baat hai, kishor ke ghar ek interior decorator padhaaraa. Wo sajjan tapatee garmee me bhee three piece suiT me aaye, aur aate hee apane amerikee lahaje ke saath shuru ho ge kishor ko fanDe dene ki unake ghar kee aantarik saaj sajja kis tarah kee honee chaahiye. kishor ne kisee tarah aadhe ghanTe unhe zela aur fir apanee aavashyakata unhe bataane lage.

ab gaur kare kishor da ne un se kya kaha....

"muze apane kamare me jyaada kuchh nahee chaahie. bas chaaro taraf kuchh feeT gahara paanee ho aur sofe kee jagah chhoTee-chhoTee santulit naavein, jise ham chappoo se chala kar idhar-udhar le ja sake. chaay rakhane ke liye oopar se table ko dheere dheere neeche kiya ja sake taaki ham maje me vahaa se kap uTha chaay kee chuskiyaa le sake....."

interior decorator ke chehare par ab tak ghabaDaahaT kee rekhae ubhar aayee thee par kishor kahate rahe...

"....aap to jaanate hee hai ki mai ek prakrti premee hoo, isaliye apane kamare kee deevaar kee sajaavaT ke liye main chaahata hoon ki un par painTings kee bajaye laTakate hue jeevit kouve (crows) ho aur pankhe kee jagah hava chhoDate bandar... "

Kishor ka kahana tha ki ye sunakar vo vyakti bilkul bhayabheet ho gaya aur tej kadamo se kamare se baahar nikala aur fir baahar nikalakar ekadam se gate kee taraf, vidyut injan se bhee tej raftaar se dauD paDaa.

Ye baat kishor da ne Pritish Nandi ko 1985 me diye ge saakShaatkaar me batayee thee. Pritish Nandi ne jab poochha ki kya ye unaka paagalapan nahee tha?

Kkishor ka javaab tha ki agar vo shakhs us garm dupaharee me woolen three piece pahanane ka paagalapan kar sakata he to mai apane kamare me jinda kaanv-kaanv karate kauo.n ko laTakaane ka vichaar kyoo nahee.n la sakata ?

Ek baar ek yuva patrakaar kishor da se milane aayee. us vakt kishor ghar par akele raha karate the. patrakaar ne unase poochha ki vo apanee jindagee me kaafee akelaapan mahasoos karate honge?

kishor javaab me unhe baahar le gaye aur usaka parichay apane mitro janaardan, raghunandan, gangaadhar, buddhuraam aur zaTapaTaazaTapaT se karavaayaa. sabase gale mile, baatein kee aur kaha ye saare, is duShT sansaar me mere asalee mitr hain.

aap soch rahe hoge isame khaas baat kya thee!

khaas baat ye thee janaab ki ye sab unakee bagiya ke peD the jinase kishor khaalee samay me baDee aatmeeyata se baat karate rahate the.

apane sangharSh ke dino me unhe apanee adaakaaree ke paiso ke liye nirmaatao.n kee kaafee hujjat karanee paDee thee. par kishor bhee kam na the, ek baar aise hee ek nirmaata ko sabak sikhaane ke liye shoot ke Theek pahale unhonne apane baal hee muDava Daale. kisee doosare nirmaata ne aadhe paise diye to chehare ke sirf ek or make up kar shoT dene pahunche.

badalate mooD ke saath apanee kahee baat khud maanane se inakaar kar dete. rishtedaaro ko khaane par bulaate aur en vakt par jab koee aata to baahar se hee vida kar dete. kisee se khafa rahate to usake aate hee apane kutto ko ishaara kar dete aur fir to aane vaale kee shaamat hee aa jaatee.


apanee in nauTankiyo ko nijee jindagee ke aalaava unhonne selyulaeD par bhee baDe behatareen tareeke se utaaraa. ab paDosan ke geet'ek chatur naar kar ke singaar.....' ko lein. kishor kaha karate the ki is kiradaar ko nibhaane ke lie unhonne apane lambe baal rakhane vaale, kaajal lagaane aur hamesha paan chabaane vaale maama kee nakal utaaree. inakee behatareen adaakaaree ka ye asar hua ki suneel datt aur mahamood ko apana abhinay kishor kee tulana me bejaan lagane laga aur unhonne do din ke lie shooTing rok kar apana geTap badala aur vig lagaakar fir se shooTing kee. paDosan ka ye geet film itihaas ke haasy geeto me gaayan aur prastutikaraN dono hee lihaaj se avval sthaan rakhata hai.



Unake uchhal kood bhare abhinay ka film 'chalatee ka naam gaaDee' me darshako ne khoob aanand uThaayaa. is film me teeno bhaee yaani Ashok kumar, Anoop kumar aur Kishor saath-saath ae the. aap khud hee dekhie, is film ke lokapriy geet 'mai tha, vo thee aur sama rangeen samaz ge na me...' unake haav bhaavo ko......



kishor kumar ke is ajoobe bhare vyaktitv ka ek alag pahaloo ye bhee tha ki jab unhonne khud koee film banaee to viShayavastu ke nirvaah unhonne baDe sanjeeda Dhang se kiyaa. 'door gagan kee chhaanv me..' unakee esee hee film rahee jo us sipaahee kee daastaan kahatee hai jo yuddh se thak haar kar jab ghar lauTata hai to paata hai ki usaka ghar jala diya gaya hai aur us traasadee ko zelane vaala usaka buree tarah bhayabheet beTa kuchh bhee bata sakane me asamarth hai. baakee kee kahaanee pita putr ke pragaaDh hote sambandho ka lekha-jokha hai jise kishor ne khoobasooratee se filmaaya thaa. ese viShay ko chunana ye darshaata hai ki unake sharaaratee dimaag ke peechhe ek sanvedanasheel hrday bhee tha jo rah-rah kar unhe vaastavik jindagee se juDe viShayo par film nirmaaN ke lie prerit karata thaa.

Agale bhaag me punah lauTenge apanee das geeto kee shrrnkhala ko aage baDhaate hue chhaThe aur paanchave nambar ke un geeto ke saath jinhe gulazar ne likha aur jo kishor da ke gae hue mere sabase priy geeto me rahe hai

(Post has been coverted in Roman courtsy Bhomio.com)

Post your comments here, if you want to share your thoughts about Kishore Da.