Kuchh geeton ka canvas film ki paridhiyon se kahin door phaila hota hai. We kahin bhi sune jayein, kabhie bhi gune jayein we apne ird gird khud wahi mahoul bana dete hain. Isiliye situational songs ki tulna mein ye geet kabhie boodhe nahin hote.Gulzar ka film Seema ke liye likha ye nagma ek aisa hi geet hai. Na jaane kitne karod ekaaki hridyon ko is geet ki bhaavnayein un udas lamhon mein sukoon pahucha chuki hongi.
Gulzar ka likha ye geet to aapne Md Rafi ki aawaaz mein baraha suna hoga
.
jab bhii ye dil udaas hotaa hai
jaane kaun aas paas hotaa hai
jab bhii ye...
ho.nTh chup chaap bolate ho jab
saa.Ns kuchh tez tez chalatii ho
aa.Nkhe.n jab de rahii ho.n aavaaze.n
Tha.nDii aaho.n me.n saa.Ns jalatii ho
jab bhii ye...
aa.Nkho.n me.n tairatii hai tasviire.n
teraa cheharaa teraa khayaal liye
aainaa dekhataa hai jab mujhako
ek maasuum saa savaal liye
jab bhii ye...
koii vaadaa nahii.n kiyaa lekin
kyuu.N teraa i.ntazaar rahataa hai
bevajah jab karaar mil jaye
dil ba.Daa bekaraar rahataa hai
jab bhii ye..
Par kya aapko pata hai ki Gulzar ne isi mukhde par ek Ghazal bhi likhi hai jiska matla is geet ka mukhda hai. Us ghazal ke chand sher
go barasati nahin sada aankhein abra to barah maas hota hai
Zakhm kahte hain dil ka gahna hai dard dil ka libaas hota hai
Raja Mehdi Ali Khan, jab bhi ye nam suna to laga bhala itane rais khanadaan ke charag ko geet likhne ka shauk kaise ho gaya? goki aisa bhi nahin ki hamare raje maharaje is hunar se maharoom rahe hon. turant hi janab vazid ali shah ka khyal jaehan men ubharta hai. par unki milkiyat dilli aur avadh tak faili hui thi par raja saahab ko kya soojhi ki vo apane baap dadaon ki jamidari chhodakar munbiya film indastri ka hissa ban baithe?
Raja saahab ke baare men jaanane ki ichha bahut dinon tak bani rahi par unake anamol geeton aur sangeetakaar madanamohan ke saath unki anupam jodi ke kisson ke aalava kuch jyada haath nahin laga.
Kuch dinon pahle film 'dulhan ek rat ki' ka apana ek pasandida nagma gunaguna raha tha ki yad aaya ki are ye geet bhi to raja saahab ka hi likha hua hai. raja saahab ke baare men mera purana kautuhal, fir jaag utha. is baar un par likhe kuch lekh haath lage. pata chala ki raja saahab, avibhajit bharat ke karamabad ki paidaish hain. pita bachapan men hi gujar gaaye aur mata hebe ji ke sanrakshan men menhadi ali khan pale badhe. maan apane zamane urdu ki kabil shayara ke roop men jaani gayeen. chalis ke dashak men jab vo aakashavani dilli men kaam kar rahe the to munbai se unhen sadaat hasan manto ka bulava aa gaya. manton ne tab hindi filmon men kaam karana shuru kiya tha.
Par raja saahab ne aate hi apani shayari ke jalave dikhane shuru kar diye aisa bhi nahin tha. aapako jaankar hairani hogi ki raja saahab ki film udyog men shuruaat bataur patakatha lekhak ke hui. aur to aur unhonne ek film ke liye chhota sa rol bhi kiya. par patakathalekhan aur abhinaya unhen jyada ras nahin aaya. 1947 ki film do bhaai men raja saahab ko pahali baar geet likhne ka mauka mila . is film ka geet "mera sundar sapana toot gaya..." behad charchit raha. vibhaajan aur dangon ki aag men jal rahe desh men date rahane ka faaisla bhi raja saahab ke bharat ke prati prem ko darshata hai. aur fir film shahid (1950) men deshaprem se otaprot unake likhe us geet ko bhala kaun bhool sakta hai 'vatan ki raah men vatan ke naujavaan shahid ho'.. '
Pachas ka dashak raja menhadi ali khan ke utkarsh ka dashak tha. dashak ki shuruaat men sangeetakaar madanamohan ke saath film 'madahosh' men unki jo safal jodi bani vo 'anapadh', 'mera saya', 'vo kaun thi', 'neela aakash', 'dulhan ek rat ki' aadi filmon men aur poshit pallavit hoti gai.
raja menhadi ali khan ke likhe geeton par nazar rakhne vaale film sameekshakon ka manna hai ki raja ne hi filmi geeton men 'aap' shabd ka prachalan badhaya. masalan unake likhe in geeton ko yad karen... 'aap ki nazaron ne samajha pyar ke kabil mujhe...' ya 'jo hamane dastan apani sunaai aap kyoon roe ' , 'aapane apana banaya meharbani aapki...'. madan mohan ke aalava raja saahab ne o pi naiyar v si ramachandra ke sangeet nirdeshan men bhi behatareen nagme diye. vaise kya aapako pata hai ki 'mere piya ge rangoon vahan se kiya hai telifoon.. ' bhi raja saahab ka hi likha hua geet hai.
Saath ke dashak ke madhya men lakshmikant pyarelal ke saath 'anita' aur 'jaal' jaisi filmen unake filmi safar ki aakhiri filmen thi. julaai 1996 men raja saahab is duniya se kooch kar ge. par unake rache geeton se aaj bhi ve hamare man men samaaye hain. aaj ki ye post us geet ke jikra bina adhoori rah jaaegi jisaki vajah se raja saahab ki yad punah man men aa gai. film 'dulhan ek rat ki' film ka ye geet mujhe behad pasand hai aur kyoon na ho 'shaamon' se mere lagaav ki baat kya aap sab se chhipi he. aur fir jahan geet men aisi hi kisi shaam ko apane hamasafar ki yaadon men gota lagane ka jikra ho to vo geet kya dilazaeej nahin ban jaayega ?
Madanamohan dvara mukhade ki aaranbhik dhun kamaal ki hai. yahi kaaran he ki is geet ke mukhade ko gunagunana mera priya shagal raha hai. aaj socha mohammad rafi saahab ki makhamali aavaaz men gaaye poore geet ko gunagunane ki koshish karoon. rafi saahab ne jis masti se is geet ko gaya hai ki sun kar hi man jhoom uthata hai aur hoth thirakne lagate hain.
ik haseen.. sha..m ko dil mera... kho gaya pahle apana, hua karta tha, ab kisi ka... ho gaya
muddaton se.., aa..raju thi, jindagi men.. koi aaye sooni sooni, jindagi men. koi shama.. jhilamilae vo jo aae to raushan zamana ho gaya ik haseen.. sha..m ko dil mera... kho gaya
mere dil ke, karavaan ko le chala hai.. aaj koi shabanami si. jisaki aankhen, thodi jaagi.. thodi soi unako dekha to mausam suhaana ho gaya ik haseen.. sha..m ko dil mera... kho gaya pahle apana, hua karta tha, ab kisi ka... ho gaya
Mujhe jhel liya hai ! theek hai janab ab rafi ki aavaaz men bhi is geet ko sunavaaye dete hain. vaise film men is geet ko filmaya gaya tha dharmendra v nootan par..
Zindagi ke is safar men na jane kitane log hamare sanpark men aate hain. Par beete samay men jhank kar dekhane par kya aapako nahin lagata ki kuchh aise chehare rah gaye jinase apane rishton ko samay rahate ham vo roop nahin de paye jo dena chahate the.
Dil khushafahamiyan palata rahata hai ki kash kabhi unase ek mulakat aur to ho jisamen ham aise marasim bana sake jinhen paribhashit karane men hamare antaraman ko koee dikkat na ho. Par avval to aisi mulakaten ho nahin pati aur hoti bhi hain to mahaul aisa nahin ban pata ki rishton ke adhakhule siron ko fir se tatola ja sake.
Ye to huee vastavik zindagi ki baat par filmon men aisi mulakaten aksar ho jaya karati hain kyoonki unake bina kahani aage badati nahin. Isiliye to geeton ka ye aashavadi drshtikon hamare man ko sukoon deta hai. Sath hi unhen gunagunakar ham apane aap ko pahale se taro taja aur umangon se bhara mahasoos karte hain.
Aisa hi ek geet gaya tha Rafi sahab ne film Ye raat phir na aayegi ke liye aur kya kamal gaya tha. 1965 men aaee ye film apane geeton ke liye behad charchit rahi thi. Chahe Asha ji ka gaya 'yahi vo jagah hai... ho ya phir mahendra kapoor ka gaya mera pyar vo hai..... ho, O.P.Nayyar dvara sangeet nirdeshit is film ke sare geet laajavab the. aur is geet ka to Shamasul Hooda Bihari ne, mukhada hi bada zabaradast likha tha ...
fir miloge kabhi is bat ka vada kar lo hamase ek aur mulakat ka vada kar lo
Waise bihari sahab apane nam ke anuroop sachamuch Bihar ke hi the aur Patna ke pas sthit aara men unaka janm huaa tha. sangeetakar o pi naiyar ke karibiyon ka kahana hai ki O.P.Nayyar ne bihari ke mukhade ko aage badate huye pahala antara khud hi rach dala tha. Ye antara gunagunana mujhe behad pasand raha hai isaliye aaj ise yahan laga de raha hoon
Waise aap mujhe na jhelana chahen to rafi sahab ki gayiki ka aanand yahan le sakate hain. Is geet ka doosara antara aap is vidiyo men dekh sakate hain jise aasha ji ne gaya hai. ye geet parde par filmaya gaya tha Vishvajeet aur Sharmila Tagore ji par
phirmiloge kabhi is bat ka vada kar lo hamase ek aur mulakat ka vada kar lo
dil ki har baat adhoori hai adhoori hai abhi apani ik aur mulaqat zaroori hai abhi chand lamahon ke liye sath ka vada kar lo hamase ek aur mulaqat ka vada kar lo fir miloge kabhi .....
aap kyoon dil ka hasin raz mujhe dete hain kyoon naya nagma naya saaz mujhe dete hain main to hoon doobi huee pyar ki toofanon men aap sahil se hi aawaz mujhe dete hain kal bhi honge yahin jazbat ye vada kar lo hamase ek aur mulaqat ka vada kar lo
Aadami ki fitarat azeeb si hai. Chahata kuchh aur hai aur kahta kuchh aur. Ab bhala zindagi ki rahon men koee haseen hamsafar mil jaye to isamein dikkat kahan hain janab ! Par dekhiye ab koee mil gaya to itara rahe hain ye kahate huye ki main to akele hi bade aaram se tha. Ab bhaiya ek adad dil ki talash men mare mare firoge aur ek ke sath ek free vali scheme men dard lazimi taur par milega to kya kalapane lagoge :)?
Par ye to hamare aapake dikhane ki baat hai. Andar hi andar to ham dard-e-dil ko bhi shiddat se mahsoos karna chahte hain. Faraz aisee to nahin kah gaye
pahale pahal ka ishq abhi yad hai faraz dil khud se chahta hai ki rusavaiyan bhi hon
Par jahan ye bat sahi hai, vahan is sachchaee se bhi inakar nahin kiya ja sakta ki jab hamari samajh se apne star se bahut achchha hamen apana leta hai to ek or to hamen badi khushi milti hai par doosari or rah rah kar andar ki heen granthi hamen apani tuchchhata ka ahasas bhi dilati rahti hai.
To aaj aise hi bhavanaon se ootprot is geet ki bat karna chahata hoon. Ise likha tha Mazrooh Sultanpuri ne aur isaki dhun banaee thi Chitragupt ne. Mazrooh ne ye geet shayad aise hi kisi kiradar ke liye likha hoga. Shayad isaliye ki jis film ka ye geet hai vo mainne dekhi nahin. Film ka naam tha 'Aakashdeep' jo 1965 men pradarshit huee thi. Waise you tube ke video se ye spasht hai ki ise filmaya gaya tha Dharmendra aur Nanda ji par.
Ye geet Rafi sahab ke gaye mere pasandida geeton men se ek hai to suniye Rafi ki gayiki ka kamal ..
mujhe dard-e-dil ka pata na tha mujhe aap kisliye mil gaye main akela yoon hi maje men tha mujhe aap kisliye mil gaye....
yoon hi apane apane safar men gum kahi door main, kahi door tum chale ja rahe the juda, juda mujhe aap kisliye mil gaye....
main garib hath badha to doon tumhen pa sakoon ki na pa sakoon meri jaan bahut hain ye faasla mujhe aap kisliye mil gaye....
na main chand hoon, kisi shaam ka na charag hoon, kisi baam ka main to raste ka hoon ek diya mujhe aap kisliye mil gaye....
Waise chalate chalate kuchh bate sangeetakar Chitragupt yani Chitragupt Shrivastav ke bare men. Yoon to Chitragupt bhojapuri filmon ke moordhany sangeetakar mane jate hain, par hindi filmon ke liye bhi unhonne kuchh nayab nagme diye. Chitragupt ka talluk bihar se tha aur rochak tathy ye hai ki mumbai ki mayanagari men sangeetakar banne ke pahale vo college mein lecturer the. Waise kya aapko pata hai ki chitragupt ki sangeetik virasat ko kisne aage badaya ? vahi 'Qayamat se Qayamat tak ' ki sangeetakar jodi Anand-Milind ne, jo Chitragupt ke suputr hain.
Pichhale hafte TV ke channels badalate badalate ZEE TV ke little champs par ungaliyan rukin to ruki ki ruki rah gaeen. ek chhote balak ko rafi sahab ke is geet ka ek hissa gate suna to man khush ho gaya. bite dinon ke in anamol motiyon ko aaj ke bachchon ke mukh se sunna aseem santosh ki bhavana se man ko bhar deta hai. kaee dinon ke baad ye geet jab sunne ko mila to zehan se utarane ka naam hi nahin le raha. isaliye socha ki kyoon na is aanand ko aap sab ke sath banta jaye.
Jis geet ke bol, dhun aur gayiki tinon hi bemisal hon to aapako kahane ko to kuchh rah hi nahin jata, man bhavanaon ke aavesh se hiloren lene lagta hai aur geet khud ba khud hothon par chala aata hai ... to gunagunaiye na mere sath...
dil jo na kah saka vahi raz-ye-dil kahane ki rat aaee dil jo na kah saka....
Kya dhun banaee thi mukhade ki sangeetakar raushan ne ki aadami sahir ke shabdon ki ravani ke sath bahata hi chala jata hai. 1965 mein pradarshit film Bhingi Raat ka ye geet behad lokapriy huaa tha aur us saal ki binaka sangeetamala mein panchave sthan tak ja pahuncha tha. agar mukhade ke liye geetakar aur sangeetakar ki jadoogari ko dad dene ka ji chahata hai to vahin antare mein Mohammad Rafi sahab ki kalakari is geet ko unake gaye behatarin geeton mein se ek maanne par mazaboor kar deti hai.
Ye geet film mein Pradip Kumar, Ashok Kumar aur Mina Kumari par filmaya gaya hai.
Geetkar Sahir Ludhiyanavi ne premika ki bevafaee toote nayak (pradip kumar) ke dil mein uthate manobhavon ko geet ke alag alag antaron mein vyakt kiya hai. nayak ki dil ki pida kabhi tanz, kabhi uphaas to kabhi gahri nirasha ke svaron mein goonjti hai aur is goonj ko Mohammad Rafi apani aavaj mein is tarah utarate hain ki geet khatm hone tak nayak ka dard aapka ho jata hai
Geet ke bol kuch yoon the
dil jo naa kah sakaa wohi raaz-e-dil kahne ki raat aayi dil jo naa kah sakaa wohi raaz-e-dil kahne ki raat aayi dil jo naa kah sakaa
naghma sa koyi jaag utha badan me jhankar ki si tharthari hai tan me jhankar ki si tharthari hai tan me ho mubarak tumhe kisi ki larajti si baahon mein rahne ki raat aayi dil jo na kah saka
taubaa ye kis ne anjuman sajaa ke tukde kiye hain guncha-e-wafaa ke tukde kiye hain guncha-e-wafaa ke ho uchhaalo gulon ke tukde ke rangeen fizaaon mein rahne ki raat aayi dil jo naa kah sakaa
chaliye mubaarak jashn dosti kaa daaman to thaamaa aap ne kisi kaa daaman to thaamaa aap ne kisi kaa ho hamen to khushi yahi hai tumhen bhi kisi ko apnaa kahne ki raat aayi dil jo naa kah sakaa
saagar uthaao dil kaa kis ko gham hai aaj dil ki qeemat jaam se bhi kam hai aaj dil ki qeemat jaam se bhi kam hai ho piyo chaahe khoon-e-dil ho ke peete pilaate hi rahne ki raat aayi dil jo naa kah sakaa wohi raaje dil kahne ki raat aayi dil jo na kah saka
Pradip Kumar, Meena Kumari par filmaye Bheeg raat Film ke is geet ko dekhana chahen to yahan dekh sakate hain
Par raja saahab ne aate hi apani shayari ke jalave dikhane shuru kar diye aisa bhi nahin tha. aapako jaankar hairani hogi ki raja saahab ki film udyog men shuruaat bataur patakatha lekhak ke hui. aur to aur unhonne ek film ke liye chhota sa rol bhi kiya. par patakathalekhan aur abhinaya unhen jyada ras nahin aaya. 1947 ki film do bhaai men raja saahab ko pahali baar geet likhne ka mauka mila . is film ka geet "mera sundar sapana toot gaya..." behad charchit raha. vibhaajan aur dangon ki aag men jal rahe desh men date rahane ka faaisla bhi raja saahab ke bharat ke prati prem ko darshata hai. aur fir film shahid (1950) men deshaprem se otaprot unake likhe us geet ko bhala kaun bhool sakta hai 'vatan ki raah men vatan ke naujavaan shahid ho'.. '
