Annual Musical Countdown 2009 -Sartaaz Geet- Ek Dil Se Dosti Thi Wo Huzoor Bhi Kameene...

Teen mahinon ke is safar ko poora karte hue vakat aa pahuncha hai Vaarshik Sangeetmala 2009 ke sarataji bigul ke bajane ka. jaisa ki mainne pahle bhi kaha hai ki vaarshik sangeetmala ke pratham paanchon geet ka aapasi faasla behad maamooli tha. saal ke sarataj geet ke aasan par mainne us geet ko baithaya jo mere dil ko apekshakrit jyada kareeb se chhoo gaya.

Waise ye janna aapke liye dilachasp hoga ki mere sabse chahete geetakar aur priya sangeetkaar ke hote hue bhi, sangeetamala ki pahali paaydaan par pichhale chhah saalon par pahali baar is geetakar-sangeetkaar ki jodi ka kabja ho raha hai. isase pahle varsh 2006 men is jodi ne teesari paaydaan tak ka safar taya kiya tha.



To kaun hai vo jodi? geetakar ka nam to aap samajh hi ge honge ji haan vahi haradilazaeez gulazaar saahab (jinhen is chitthe par pichhale mahine karaaye ge chunaav men sabse jyada mat aap logon ne diye hain) aur choti par khade is geet men unka saath de rahe gayak v sangeetakaar vishal bharadvaj. film kameene ka ye geet jab mainne pahali baar suna tha to main isaki girafat men aa gaya tha. par aakhir kya baat hai is geet men?

Jeevan men apane lakshyon ko poora karne men mili safalataon ka shreya ham aksar apani mehanat aur lagan ko dete hain aur vahin jab vifalataayen hamara raasta kaatati hain to sara dosharopan apani footi kismat aur apane aasapaas ke logon ke matthe madh dete hain.

Par ye dhokha apane aap ko koi shakhas kab tak deta rahega? fursat ke un ekaki lamahon men jab ham apane aatmavalokan ke liye majaboor hote hain tab hamen lagata hain ki khaud hamare chune raaste, hamari chhichhali soch aur hamare karm bhi in haalaaton ke liye kam jimmevar nahin. darasal zaindagi ke itane vistrit kainvas men hamara man kitani baar kaminepan ki in hadon ko paar karta hai iska andaza samay rahate ham kai baar nahin laga paate.

Hamare isi man ka khaka kheenchti, saathi chitthakar vishva deepak 'tanaha' ki in panktiyon par zara gaur karen jo unhonne haal filahaal men kahi hain..

"....yah jo mera agam-agochar-
alasaya-sa adbhut man hai.......

mujhe sanvaare, mujhe nikhare
mujhako mera sach batala de
aisa kahan koi darpan hai..

aur kya kahoon,
yahi bahut hai..
mujhe jaanane vaale kahate
kabhi ram
to kabhi vibhishan
aur kabhi mujhamen ravan hai.. ...."

Gulzar saahab ne har vyakti men apane man aur karmon ko tatolne ke liye chalte is maun vaartalaap ko is geet men is sanvedanasheelta se abhivyakt kiya hai ki aap in shabdon ko sunkar ekabaaragi sochane par majaboor jaroor ho jaate hain. misaal ke taur par geet ke mukhade par gaur karen

kya kare zindagi, isako ham jo mile
isaki jaan kha gaye, rat din ke gile
rat din gile...
meri aaraju kamini, mere khwab bhi kameene
ik dil se dosti thi, ye hujoor bhi kameene......

Kya ye sach nahin ki zaindagi se hamari apekshaen apane karmon ke pratifal se kahin aage chali jaati hain? ek safalta mili nahin ki doosari ke peechhe bhaagna shuru. insan ki isi manovriti ko gulazaar saahab, apane chiraparichit binbon ke aaine men kuch yoon pesh karte hain...

kabhi zaindagi se maanga
pinjre men chaand la do
kabhi lalaten le ke
kaha aasamaan pe taango

jeene ke sab karine
the hamesha se kameene
kameene...kameene..kameene
meri dastan kamini

mere raaste kameene
ik dil se dosti thi
ye hujoor bhi kameene

Aur choonki ham aise hain to apane doston aur apane samaj se kya ummeed rakhen...

jiska bhi chehara chheela
andar se aur nikala
masoom sa kabootar,
nacha to mor nikala
kabhi ham kameene nikale,
kabhi doosare kameene
meri dosti kamini,
mere yar bhi kameene
ik dil se dosti thi
ye hujoor bhi kameene


Vishal bharadvaj ne geet ke kaifiyat ke hisab se sangeet rachna to ki hi hai, saath hi film ke is sabse behatareen geet ko gane ka lobh sanvaran nahin kar paaye hain. par kul milakar mujhe lagata hai ki aaj ke is yug men ham, aap yaani ki ham sabhi is geet ko apani apani zaindagi se jod ke dekh sakte hain. ye geet hamen apane andar jhankne aur apana moolyankan karne par majaboor karta hai.

Is geet se na mujhe behad pyar hai balki gulazaar svayam ise kameene ki behatareen rachna maante hain. geet men 'kameene' shabd ke prayog ke baare men gulazaar kahate hain

Ham apane jeevan men kameene shabd ka prayog bataur gaali ke kam aur ek apanatva se di hui jhidaki ke taur par jyada karte hain. mujhe to om puri ki baat yad padati hai jisane mere yahan apana pasandida nashta karne ke baad ye kaha ki aapane mujhe aaj ek baar bhi 'kameena' nahi kaha. meri samajh se to kameena kahana kisi ke kandhe par aatmeeyata se thapathapaane ya fir halki sa mook chapat lagane jaisa hai jo ye ingit karta hai ki ye chapat bhi isaliye hai ki mujhe abhi bhi tumhari fikra hai.gulazaar, vishal ke sangeet men vahi chamak paate hain jo ek zamane men unhonne pancham ke saath kaam karte hue mahasoos ki thi.

Khushi to tab hui jab is geet ke baare men meri bhavanaayen gulazaar ke ek sakshatkar men pratidhvanit hui. angreji dainik ko diye sakshatkar men gulazaar ne kaha

Jab bhi main vishal ke saath kaam karta hoon ham donon mil kar hindi film sangeet ke ne aayamon ko talashane ki koshish karte hain. kameene men bhi mainne kuch naya likhne ki koshish ki hai. itana spasht kar doon ki 'dhan ta nan' mera is film ka pasandida geet nahin hai. ye alag baat hai ki aajakal tej ridam par aadhaarit geet hi jyada chalte hain. mujhe to vishal ka gaya hua film ka sheershak geet hi sabse pyara lagata hai kyoonki vahan mainne jin shabdon ka chayan kiya hai unhen sunkar shrotaon ke man men ek soch to paida hogi hi. par ye bhi hai ki aajakal shabdon ko dhyaan se sunta kaun hai?

dil ki baat kah di gulazaar saahab ne...

Vaarshik sangeetamalaon ke madhyam se aaj ke sangeet men jo kuch sunane aur charcha karne yogya ho raha hai use aap tak pahunchaane ki koshish karta raha hoon. varsh 2004 se lekar aaj 2009 tak vaarshik sangeetamalaon ke chhah ank ho chuke hain. mujhe vishvaas hai ki vaarshik sangeetamala 2009 men pichhale teen mahinon men prastut geeton ne sangeet, gaayiki aur bolon ki drishti se aapaka man jeeta hoga. yakaeen maaniye saal ke ye shuru ke teen mahine blaging ki drishti se mere liye behad shramasadhya hote hain. teen mahinon ke is lambe safar ko kayam rakhne ke liye aapaka prem ek utprerak ke roop men kaam karta raha hai. shuru se aakhir tak prastut geeton par apani raay dene ke liye main ranjana ji, himaanshu, priynk jain, susheel, sameer ji, gautam, abhishek, kanchan, apoorv, sagar, raj bhatiya v anya saathiyon ka hardik aabhaari hoon ! inhin shabdon ke saath sangeetamala ki is lanbi shrrinkhala ka samapan karne ki izajat deejie.

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Annual Musical Countdown 2009 - Runners Up- Beeda duji thali ka lage bada masaledaar..

Lagabhag teen mahinon ka safar taya kar vaarshik sangeetamala 2009 ja pahunchi hai doosari paayadaan par. aur vaarshik sangeetamala 2009 ke ranars ap geet ka sehara bandha hai us geet ke sar jo badi theth jubaan men ham sabamen paai jaane vali manovriti ko apane khoobasoorat bolon ke madhyam se ubharta hai. kaun si manovriti ! are vahi

beeda duji thali ka lage bada masaledaar
man bole chakamak haaye chakamak ...

Ab padosi ki kar ho ya ardhaangini, kitani baar unako dekhakar aapane apane man ko chakamakate paaya hai? khair chhodiye aap bhi kahenge sab jaan boojh kar kyoon khule aam ye saval kiya ja raha hai ? mukhya baat ye hai ki aajakal ke geet sirf prem, virah tyag, dosti, saundarya jaise vishayon par nahin likhe ja rahe hain par hamare samaj ki us paksh par chutaki le rahe hain jo syaah hai, dhundhala hai jise jaante boojhte hue bhi ham un par baat karne men asahaj hain.



Par is geet ki khaasiyat bas itani nahin hain. peeyoosh mishra ke is geet ke sangeet sanyojan aur bolon men lokageet vali mithas hai vahin rekha bharadvaj ne is andaaz men is geet ko gaya hai ki lagata hai sachamuch kisi muzarevali ke saamane baith kar ye geet sun rahe hon. aanchalikta ke hisab se bhinn bhinn shabdon ko unake dvara diya loch, mood ko geet ke rang men rang dalta hai. yoon to saidabaar ki voting men aap logon men se jyadatar ne shankar mahadevan aur shreya ghoshal ko saal ka shreshth gavaiya chuna hai par meri nazar men ek gavaiye ke taur par ye saal rekha bharadvaj ka rahega. gulal, firak aur dilli 6 men unake gaaye geet kafi dinon tak yad kiye jaayenge.

Meri ek sangeet mitra hain suparna. aksar vo mujhe apane pasandida geeton ke baare men bataati rahati hain. saal ke shuru men jab ye film rileez bhi nahin hui thi, mujhe unake dvara is geet ki do panktiyon se roobaru hone ka mauka mila tha aur mai unhen padhkar thaga sa rah gaya tha. vo panktiyan thin

sankat aisa silavat se koi haal bhaanp le ji
karavat aisi doori se koi haath taap le ji

Piyush mishra ke in shabdon ka jaadu kuch aisa tha jo mujhe film ke aate hi thiyetar tak le gaya. kitane sahaj binbon ka prayog kiya hai peeyoosh ne. aise binb jo hamari rojamarra ki jindagi se liye ge hain. par inase jo baat unhonne kahani chahi hai vo log tarah tarah ke shabdajaal jod kar bhi nahin kah paate. to sunen aur thumake lagaayen gulal ke is chakamakate geet ke saath..

beeda duji thali ka lage bada masaledaar

man bole chakamak haaye chakamak ...
haaye chakamak chakamak chakamak
beeda duji thali ka lage bada masaledaar
man bole chakamak haaye chakamak haaye chakamak chakamak chakamak

khaaye..khaaye to machal gayi re ho kajarari naar
man bole chakamak haaye chakamak haaye chakamak chakamak chakamak
beeda duji thali ka lage bada masaledaar
man bole chakamak haaye chakamak haaye chakamak chakamak chakamak

hamako duniya ki laj saram ka dar lage hai ho ji
hamako duniya ke lok dharam ka dar lage hai ho ji
par is jalte karejava pe koi foonk maar do ji
par is manava ki agiya pe koi chheent maar do ji
ho ho ho o ...ho ho ho o
meethi.. meethi si kasak chhod kar chala gaya bhartar
man bole chakamak haaye chakamak haaye chakamak chakamak chakamak
beeda duji thali ka lage bada masaledaar
man bole chakamak haaye chakamak haaye chakamak chakamak chakamak

jugani jaan gayo re maan gayo re beedo ki taseer
are kurbaan gayo halakaan ke masla sabr pat ganbheer
kaise deve re ilajaam ki too bhi sankat men aakhir
main to poora rajasthan gayo na tere jaisi beed

sankat aisa silavat se koi haal bhaanp le ji
karavat aisi doori se koi haath taap le ji
nikale sisaki jaise botal ka kaag jo uda ho
dhadakan aisi jaise chanbal men ghoda bhaag jo pada ho

ho ho ho o ...ho ho ho o
angiya.... angiya bhi lage hai jaise sau sau man ka bhaar
man bole chakamak haaye chakamak haaye chakamak chakamak chakamak

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Annual Musical Countdown 2009 : Ek nazar un geeton par jo is sangeetmala ka hissa bante bante reh gaye...

Vaarshik sangeetamala ke liye geeton ka chayan karte samay bahut saare geet aise the jo kuch had tak pasand aate hue bhi antim pachchees men apana sthan nahin bana paaye. isaliye isase pahle ki is saal ke runners up aur sarataj geet se aapki mulakaat karaai jaaye ek nazar un geeton par jo aakhiri waqt men meri antim soochi se baahar chale ge.

Sabse pahle jikra karana chahoonga main film Suno na ke is geet ka. ek avivahit maan ki kahani kahati is film ka ek geet antra chaudhari ne gaya hai aur mukhada sunte hi dil geet ki mayoosi men doob sa jaya karta hai.

zindagi ulajhanon se bhari hai
ajanabi hain safar ki raahen
hamasafar the jo kal tak hamare
fer li hain unhin ne nigaahen...

Mayoosi ki baat karen to film Radio men himesh reshamiya aur shreya ghoshal ka gaya ye geet bhi himesh ke ne andaaz aur sangeet men chutakiyon ke prayog ke liye baar baar sunane yogya hai

koi na koi chahe, koi na koi chahe
hamasafar jindagi ai
bahut akele ji chuke hain
thak ke tanaha ab ruke hain
kah rahi aavaaragi ye, koi na koi chahe

Isi film ka ek aur geet ka mukhada piya jaise ladu moti choor vaale manava men foote hook..... jise himesh ke saath rekha bharadvaj ne gaya hai bhi khasa aakarshit karta hai.

Waise to film Newyork ka geet hai junoon.... pichhale saal kafi baja par isi film ka ek aur geet meri list men lagabhag aate aate rah gaya tha. ise mohit chauhaan ne gaya tha apani usi khaas shaili men

hoon oo oon.................hoon oo oon
toone jo na kaha main vo sunta raha
khamakhvaah, bevazah khavab bunta raha
hoon oo oon.................hoon oo oon
jaane kis ki hamen lag gai hai nazar
is shahar men na apana thikana raha....

Shilpa Rao ka film pa men gaya mudi mudi ittifaak se ....men swanand kirkire ka chhote chhote shabdon dvara kiya gaya geet sanyojan kamaal lagata hai.

Isi film men Amitabh Bachchan ka gaya meri maan teri hai mere paa .....bhi aankhe nam karne ki kaabiliyat rakhta hai par agar saal ke behatareen bal geet ko chunana ho to main film suno na men apoorva ke gaaye geet ko hi chunoonga...

meri amma suno mera kahana, lage appa bina sab soona
mujhe baaton se na bahalao,jaao appa kahin se lao
maan bhi jaao ye zaid meri,aur karo na ab tum deri
tumse roothoonga main varna..........

Soofi geeton men dilli 6 ka arjiyan saari.... jahan sabse prabhavashali raha vahin kurbaan ka ali maula.... bhi karnapriya raha. romaantik geeton men kurbaan film men sonu nigam 'shukra allah...' aur film tere bin men shan aur shreya ka gaya 'tere bin kahan hamse jiya jaayega....' bhi ullekhaneeya rahe.

Aur aakhir men vo geet jisaki shuruaati dhun mujhe behad pasand hai aur ise banane vaale hain vishal bharadvaj. film aur geet to aap pahachaan hi ge honge..

thode bheege bheege se thode nam hain ham,
kal se soe voe bhi to kam hain ham

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Annual Musical Countdown 2009 : Song no. 3 : Tera Hone laga Hoon, Khone Laga Hoon..Alisha Chinoy & Atif Aslam

To chaliye vaarshik sangeetamala 2009 ki teesari paaydaan par aaj vishuddh bolivud romantic melody ka svaad chakhne. ye gana pichhale saal ke ant men aaya aur har jagah chha gaya aur aaj bhi ise sunane par ek meetha meetha sa ahasaas man men tari rahata hai aur aap ise gunagunane ka lobh sanvaran nahin kar sakte. tarif karni hogi sangeetakaar Pritam ki jinhonne ek behatareen dhun ke saath Alisha Chinoy aur Atif Aslam ko is geet ko gane ko chuna.

Geet shuru hota hai angreji jubaan men. pritam apane geeton men angreji ki panktiyan, hindi antaron ke bich men pahle bhi daalte aae hain. varsh 2006 men unhonne film 'pyar ke said efektas' ke liye ek geet racha tha jaane kya chahe man baavara.. jise main unki behatareen kamposhisan men se ek maanta hoon. vahan bhi angreji ka ek antra theek isi tarah lagaya tha unhonne!

Man sochta hai ki kya isaki jaroorat thi? shayad aaj ke angrejidaan yuva varg ko geet se jodana unka makasad raha ho. kai jagah sangeetapremiyon dvara isaki aalochna bhi padhi. par mera mat to yahi hai ki ye agar na bhi karte to bhi chalta aur agar kiya bhi hai to vo antra is geet ke saath bhavanatmak taur par juda hi dikhta hai.


Khair, Irshad Kamil is geet men apani shahad si aavaaz ka jaadu bikhera hai alisha chinoy ne. alisha ki baat karne par un purane dinon ki yad karana lazimi ho jata hai jab ham skool ki dahaleez paar kar colej men jaane ko taiyaar ho rahe the. vo vakat 'med in indiya' ki lokapriyata ke pahle ka tha. hindi pop jagat men un dinon bebi daul ke nam se mashahoor alisha indiyan medona ki chhavi ko banane men vyast thin. apani jebakharch se mainne pahla kaiset unhin ka kharida tha par usake baad unka pop sangeet mujhe vishesh ras nahin aaya. par filmi geeton men alisha bich bich men sunaai deti rahin. 'mera dil gaaye ja joobi joobi joobi...' se lekar 'kajarare kajarare...' tak sangeet jagat teen dashakon ka safar poora karne vali alisha ki is baat par dad deni hogi ki itane lanbe samay men bhi unki aavaaz men vahi khanak barakaraar hai jo tees saal pahle thi.

Unake baare men ek rochak tathya ye hai jise aap alisha ke nam se jaante hain, unka vaastavik nam 'sujata' tha jise baad men unhonne apani bhatiji ke nam par badal kar alisha kar liya. is geet ke romaantik mood ko pukhta karne men bhi alisha ki aavaaz ka mahati yogadaan hai. rahe aatif saahab to unki aavaaz aur lokapriyata ke baare men main pahle hicharcha kar chuka hoon.

to aaiye ek baar fir sarabor ho len is geet ki roomaniyat men..

shining in the sand n sun like a pearl upon the ocean
come and feel me, girl feel me
shining in the sand n sun like a pearl upon the ocean
come and heal me, girl heal me
thinking abt the love we making n the life we sharing
come and feel me, girl feel me
shining in the sand n sun like a pearl upon the ocean
come and feel me, comon heal me

hua jo tumhen mera mera
tera jo ikaraar hua
to kyoon na main bhi kah doon kah doon
hua mujhe bhi pyar hua

tera hone laga hoon khone laga hoon
jab se mila hoon
shining in the sand n sun like a pearl upon the ocean
come and feel me, girl feel me
shining in the sand n sun like a pearl upon the ocean
come and heal me, girl heal me

vaise to man mera,
pahle bhi raton men
aksar hi chahat ke haan
sapane sanjota tha
pahle bhi dhadakan ye
dhun koi gaati thi
par ab jo hota hai vo
pahle na hota tha

hua hai tujhe jo bhi jo bhi
mujhe bhi is baar hua
to kyoon na main bhi kah doon kah doon
hua mujhe bhi pyar hua tera hone laga hoon khone laga hoon...
aankhon se chhoo loon
ki baahen tarasati hain
dil ne pukara hai haan
ab to chale aao

aao ki shabanam ki boonde barasati hain
mausam ishara hai haan
ab to chale aao

baanhon men dale baanhen baanhen
baanhon ka jaise haar hua
haan mana mainne mana mana
hua mujhe bhi pyar hua

tera hone laga hoon khone laga hoon...
shining in the sand n sun like a pearl upon the ocean...

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Annual Musical Countdown 2009 : Song no. 4 : Goonja Sa Hai Koyi Iktara - Kavita Seth

Vaarshik sangeetamala ki chauthi paaydaan par virajamaan hain Amit Trivedi. amit trivedi ek shaam mere naam ki vaarshik sangeetamala ke liye koi naye sangeetakaar nahin hain. pichhale saal ki sangeetamala men Aamir men unake sangeetabaddh ik lau is tarah kyoon bujhi meri maula ko saal ke sarataj geet ke khitab se navaaz chuka hoon.

Is saal bhi Amit, Dev D aur vek ap sid ke is geet ke liye charcha men bane rahe. par Dev D ki apeksha is geet ka sammilit prabhaav mujh par jyada hua. darasal vek ap sid ka ye geet, un geeton men shumar hota hai jise ek baar sun kar hi aap usake sammohan men aa jaate hain.


Is geet ki is sammohani shakti ka shreya amit trivedi ke saath gaayika kavita seth, amitabh bhattacharya aur geetakar javed akhtar ko bhi jata hai. ab in khoobasoorat lafajon men bahati kavita ko mahasoos karen , javed akhtar sapanon ki barish ko apane nazariye se dekhte hue likhte hain ...

jo barasen sapane boond boond
nainon ko moond moond
kaise main chaloon
dekh n sakoon
anajaane raaste

Aur fir kavita seth ki gahari aavaaz geet ke dard ko yoon udelti hui chalti hai ki shrotaon ko lagata hai ki unka khaud ka dard bayan kiya ja raha hai. amit trivedi ke baare men main pahle bhi likh chuka hoon. aaj jaante hain is geet ki gaayika kavita seth ke baare men.

Shastriya sangeet ki shiksha lene ke baad kavita ne soofi gaayiki ko apane gaayan ka madhyam chuna. kavita jagah jagah apane samooh karavaan ke liye karyakram karne ke aalava chuninda hindi filmon men gaati bhi rahin. film gaingastar ka geet mujhe mat roko, film vada ka maula aur pichhale saal aai ye mera indiya ke teen geet unhonne gaaye. par unka ye geet sabke man ko baavara kar gaya aur shayad isiliye is geet ke liye unhen saal ki shreshth gaayika ka filmafeyar evard bhi mila.

Waise kavita khud kyan sochti hain is geet ke baare men? apane blog par kavita is geet ke baare men likhati hain

ye ek surila nagma hai jo ki vyakti ke man ki us pravriti ki padatal karta hai jo use meelon lanbe safar par bhatakati rahati hai. geet ka mukhada 'o re manava too to baavara hai,too hi jaane too kya sochta hai' badi khoobasoorati se likha gaya hai (aur mujhe lagata hai ki menne shayad use theek se nibhaya bhi hai)...darasal ye panktiyan ham sabhi ki manahsthiti ko darshaati hai. ye geet man men utarta isiliye hai ki ham sab ise apani jindagi ke kisi na kisi hisse se aasaani
se jod paate hain.

to aaiye sunen Wake Up Sid ka ye nagma

o re manava too to baavara hai
too hi jaane too kya sochta hai
too hi jaane too kya sochta hai baavare
kyoon dikhaaye sapane too sote jaagte
jo barasen sapane boond boond
nainon ko moond moond
kaise main chaloon
dekh n sakoon
anajaane raaste

goonja sa hai koi iktara iktara
goonja sa hai koi iktara
goonja sa hai koi iktara iktara
goonja sa hai koi iktara iktara
dil men bole koi iktara
dil men bole koi iktara
goonja sa hai koi iktara

sun rahi hoon sudh-budh kho ke koi main kahani
poori kahani hai kya kise hai pata
main to kisi ki ho ke ye bhi n jaani
rut hai ye do pal ki ya rahegi sada
kise hai pata
kise hai pata

jo barasen sapane boond boond
nainon ko moond moond......
goonja-sa hai koi iktara iktara...

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Annual Musical Countdown 2009 : Song no. 5 : Bade Natkhat Hain More Kangna - Shreya Ghoshal

Bhaiyon aur bahanon waqt aa gaya hai vaarshik sangeetamala ke sheersh men baithe pichhale saal ke mere paanch sabse pasandida geeton ke baare me baaten karne ka. ye paanchon geet alag alag mizaj ke hain aur inki saapekshik variyata koi khaas mayane nahin rakhati. haan paanch men char geeton men mukhya svar kisi gaayika ka hai aur in charon geeton ki gaayikaayen bhi bhinn bhinn hain. to aaj kisaki baari hai? vaarshik sangeetamala ki paanchavi paaydaan ki shobha badha raha hai 'di gret indiyan bataraflaai ' film ka shastriyata ke rang men dooba ek behad surila sa nagma.

(From left Manoj,Shreya & Deepak))

Agar film ke naam ko dekhakar kuch achanbhit mahasoos kar rahe hon to ye batana vazib hoga ki film ka sheershak us kaalpanik bharateeya titali se judi kahani kahata hai jise paane se khushiyan aapki gulam ho jaati hain. ye film bharat ke baahar varsh 2007 men hi pradarshit ho chuki hai aur usake baad vibhinn antararashtriya film mahotsav ka hissa bhi ban chuki hai par iska sangeet bharat men pichhale saal sitanbar men hi aaya. par paanchavi paaydaan ke is geet ka aanand uthane ke liye film ki kahani jaanane ki jyada aavashyakta nahin. amethi se taalluk rakhne vaale geetakar manoj 'muntasir' ilahabad vishvavidyalay se snatak hain. tivi ke kai mahattvapoorn sho jaise kebisi, sach ka saamna vaigerah ke liye lekhan ka kaam karne ke baad unhonne geetakar banane ka nishchay kiya. manoj, sangeetakaar deepak pandit ke saath yu bomasi & mi ka bhi ek geet likh chuke hain. prastut geet men yoon to nayika apane pritam ko yad kar rahi hai par kisake bahaane kare yad unako. mua kangna kis din kaam aaega. isiliye geet ke mukhade men manoj likhte hain...

bade natakhat hain more kangna
rat men khanake to sakhiyan samajhen
aae piya more angna...
bade natakhat hain more kangna...

vaise kangan ka nam lekar sirf nayikaayen apane dil ki baat karati hon aisa bhi nahin. pakistan ke yuva shayar Wasi Shah ki vo sadabahaar nazam dimaag men aa jaati hai.

kaash main tere haath ka kangan hota !
too bade pyar se bade chaav se bade aramaan ke saath
apani najauk si kalaai men chadhati mujhako
aur betabi se furakat ke khizan ke lamahon men
too kisi soch men jo ghumaati mujhako
main tere haath ki khushabu se mahak sa jata
jab kabhi 'mood' men aakar mujhe chooma karati
tere hothon ki shiddat se main dahak sa jata..

To dekha aapane kitana natakhat hai ye kangan kavi ki kalpanaayen isake bahaane kahan tak chhalaang maar leti hain. par Manoj to sirf kangna ke sahaare prem men doobi nayika ka man tatol rahe hain. vaise Manoj ke sahaj bolon ko sangeetakaar Deepak Pandit ne vishuddh bharateeya sangeet ke chole men is tarah sajaya hai ki ek baar sun kar hi man vaah vaah kar uthata hai. geet ke saath chalti table ki thaap, interludes men vividh bharateeya vaadyon ka prayog man ko sohta hai.

Aur fir shreya ghoshal ka kokil svar rahi sahi kasar poori kar deta hai. kis khoobasoorati se geet ko nibhaya hai unhonne! shastriya geet ho ya bolivud ki vishuddh melody, donon men hi shreya apani pratibha hamesha se darshate aai hain. shayad isiliye pathakon men adhikaansh ne unako is saal ka sarvashreshth gavaiya chuna hai. to aaiye sunen is geet ko ..

bade natakhat hain more kangna
rat men khanake to sakhiyan samajhen
aae piya more angna...
bade natakhat hain more kangna...

har pal yad piya ko karana
bhool gai main sanjana sanvarana
preet ke rang men, rang gai jabse
bhaaye mohe koi rang na
bade natakhat hain more kangna...

mohe khabar kya is duniya ki
jogan hoon apane piya ki
magan rahoon main prem lagan men
koi kare mujhe tang na
bade natakhat hain more kangna....



Waise chalte chalte ye bhi batata chaloon ki is geet ko gulam ali saahab ne bhi apani aavaaz di hai par mujhe shreya ka varsan jyada priya hai. aur haan, ye elabam baajaar men Eros Music (Catalog -ECD0171) par uplabdh hai.

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Annual Musical Countdown 2009 - Song No. 6- Ye Duniya Agar Mil bhi Jaye to kya Hai ; Piyush Mishra

Vaarshik sangeetamala ki chhathi paaydaan par ek baar fir hai film Gulal ka ek aur geet. is geet ke tino pakshon yaani bol, sangeet aur gaayiki men jaan daalne vala ek hi shakhas hain aur vo hain Piyush mishra!



Gwalior men janme aur pale badhe Piyush Mishra, bahumukhi pratibha ke dhani ek kamaal ke kalakar hain. natakakaar, charitra abhineta, sanvaad lekhak, geetakar, sangeetakaar, gayak ke roop men to saare sangeetapremi unhen jaan hi ge hain. par kya aap jaante hain ki Piyush ko apane andar ke kalakar ko dhoondhane ke liye kitani mashakkat karni padi? paanch saal tak sitaar vaadan men lage rahe to bhi sukoon nahin mila. fir gwaliyar ke shilp mahavidyalay men dakhila liya par vahan bhi baat nahin bani. man tha ki rachanatmakta ke kuch aur aayam talashane men laga tha. aakhirkaar unki pratibha ko uchit manch rashtriya natya vidyalay men pravesh lene ke saath mil gaya.

Piyush filmon men pahali baar 1998 men mani ratnam ki film 'dil se' men dikhe. Mumbai men apane vidyalay ke purane saathiyon vishal bharadvaj, aashish vidyarthi, anuraag kashyap, manoj vajapeyi ki vajah se natakon men kaam milta raha par unhen munbai se pyari dilli hi lagti rahi. jab paarivaarik jimmedariyan unhen sataane lagin to vo munbai aa ge. ye nahin ki rangamanch se unhonne nata tod liya hai par samay rahate unhonne ye mahasoos kar liya ki aarthik sthayitva unhen film udyog hi de sakta hai.

Pichhale saal vaarshik sangeetamala men Piyush, sukhavindar sinh ke gaaye mastamaula nagme dil haara re... ki vajah se charcha men aae the. vaise blaik fraide ke charchit geet o ruk ja re bande ke rachayita bhi vahi the. par is baar unhonne gulal ke geet likhakar ye dikhala diya ki ek geetakar ko agar nirdeshak dvara khuli chhoot di jaaye to vo leek se alag hatkar bhi bahut kuch de sakta hai. Piyush kahate hain ki anuraag kashyap ke nirdeshan men bani is film ke geeton ko rachane men unhen maatra ek hafte ka samay laga.

Paaydaan sankhya 18 par main unake likhe political muzre ki charcha kar chuka hoon. chhathi paaydaan par virajamaan aaj ka ye geet Piyush ne mashahoor geetakar aur shayar saahir ludhiyanavi ke azar amar geet ye duniya agar mil bhi jaaye to kya hai se prerit ho kar likha hai aur unhin ko ye geet samarpit bhi kiya hai. mohammad rafi jaise mahaan gayak ne saahair ke shabdon ki sanvedanaaon ko pakadate hue itane behatareen tarike se us geet ko apani aavaaz bakhshi thi ki shayad hi koi us geet ko bhool paayega.

Piyush ne apane is geet men saahir ki bhavanaaon ko aaj ke paripekshya men dekhne ki koshish ki hai. vaise tab aur ab ki duniya ki samasyaaon men fark kuch jyada nahin aaya hai. saahir ne apani kaalajayi rachna men garibi, samajik aur aarthik asamaanta, vyakti ke bhavanatmak aur naitik avamoolyan ki baat ki thi. Piyush bhi aaj ke samaj ki bhautikavadi maanasikta ka jikra apane geet men karte hain jo insan ko satta, dhan ke moh jaal men kaaid kiye hue hai. film gulal ke ant men parshva men bajane vala ye geet dil ko jhakajhorata sa nikal jata hai aur hamen kuch sochane par mazaboor kar deta hai.

to aaiye padhein aur sunen Piyush mishra ji ko


o ri duniya, o ri duniya…
ai o ri duniya….
ai suramayi aankhon ke pyalon ki duniya o duniya,
suramayi aankhon ke pyalon ki duniya o duniya,
satarangi rangon gulalon ki duniya o duniya,
satarangi rangon gulalon ki duniya o duniya,
alasaai sejon ke phoolon ki duniya o duniya re,
angadaai tode kabootar ki duniya o duniya re,
ai karavat le soi hakikat ki duniya o duniya,
deevani hoti tabiyat ki duniya o duniya,
khvahish men lipti zarurat ki duniya o duniya re,
ai insan ke sapanon ki niyat ki duniya o duniya,
o ri duniya, o ri duniya,
o ri duniya, o ri duniya,
ye duniya agar mil bhi jaaye to kya hai, ye duniya agar mil bhi jaaye to kya hai,
ye duniya agar mil bhi jaaye to kya hai…

mamata ki bikhari kahani ki duniya o duniya,
bahanon ki sisaki javani ki duniya o duniya,
aadam ke havva se rishte ki duniya o duniya re,
ai shayar ke fike lafzon ki duniya o duniya ,
o...............o...............

gaalib ke momin ke khavaabon ki duniya,
mazazon ke un inkalabon ki duniya,
faiz, firako, saahir v makhadoom,
meer, ki zaauk, kitabon ki duniya,
ye duniya agar mil bhi jaaye to kya hai, ye duniya agar mil bhi jaaye to kya hai,
ye duniya agar mil bhi jaaye to kya hai…

pal chhin men baaten chali jaati hain hain,
pal chhin men raaten chali jaati hain hain,
rah jata hai jo savera vo dhoondhe,
jalte makaan men basera vo dhoondhe,
jaisi bachi hai vaisi ki vaisi bacha lo ye duniya,
apana samajh ke apanon ke jaisi utha lo ye duniya,
chhitaput si baaton men jalne lagegi sanbhalo ye duniya,
katakut ke raton men palne lagegi sanbhalo ye duniya,

o ri duniya, o ri duniya,
vo kahe hain ki duniya ye itani nahin hai,
sitaaron se aage zahan aur bhi hain,
ye ham hi nahin hain vahan aur bhi hain,
hamari har ek baat hoti vahin hain,
hamen aitaraaz nahin hain kahin bhi,
vo aalim hain faazil hain honge sahi hi,
magar falasafa ye bigad jata hai jo vo kahate hain,
aalim ye kahata vahan ishwar hai,
faazil ye kahata vahan allah hai,
kaabil yah kahata vahan isa hai,
manjil ye kahati tab insan se ki tumhari hai tum hi sanbhalo ye duniya,
ye bujhte hue chand baasi charaagon, tumhaare ye kaale iraadon ki duniya,
he o.... ri duniya…

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Annual Musical Countdown 2009 - Song No. 7- Man baawra Tujhe Dhoondhta, Rahat mesmerizes again with Shahab's brilliant lyrics..

Vaarshik sangeetamala ki saatavin paaydaan par bada hi khoobasoorat nagma hai jo pichhale saal janawari men pradarshit hui film aasamaan sky is the limit... ka hissa tha. yuva kalakaron ko lekar banaai gai ye film jyada to nahin chali par isane hindi film sangeet men sangeetakaar aur geetakar ke roop men do ne nam jaroor jod diye jinase aage bhi aise hi pyare geeton ko sunane ki ummeed rahegi.

Waise Rahat Fateh Ali Khan aksar bade bainaron ki filmon men apani aavaaz ka jaadu bikherte rahe hain. par is chhote bajat ki film ka ye geet unhonne isake hridaya ko chhoone vaale bolon aur behatareen dhun ko dekhakar hi chuna hoga. vaise to rahat ne is saal kuch jyada charchit filmon ke bhi nagme gaaye hain par un sabako sunane ke baad mujhe ye unake dvara sangeetapremiyon ki di hui is saal ki sabse behatareen saugat lagi. ye geet hai man baavara... jise likha Shahab Allahabadi ne aur is geet ki dhun banaai afsaar saazid ki yugal jodi ne.

Geet ke mood ke anuroop geet ke parshva men baansuri aur table ka prayog man ko sohta hai. rahat ki aavaaz ka dard, shastriya gaayiki par unki pakad, shahab ke arthapoorn bolon ko sidhe man ke bheetar le ja kar chhodate hain.

Yakaeen nahin hota to shahab ke bolon ko padhein aur fir aanand len rahat ki bemisaal gaayiki ka...



man baavara tujhe dhoondhata
paane ki khone ki paimaishen1
jeene ki saari meri khavahishen
aasamaan ye zahan, sab lage thahara
man baavara tujhe dhoondhata

1.naap jokh,

badagumaan tha nadan ye dil
dhadakega na kabhi
hosh kho baitha hai pagal
roothi hai zaindagi
khud se baaten kar karake hansna
bheed men bhi tanaha sa lagana
baj rahi hain jalatarangen
saanson ke daramiyan
man baavara tujhe dhoondhata...

unsiyat2 ke khavab chunkar
katati raaten meri
ilataza e deed3 lekar
bhatke aankhen meri
meelon lanbe ye faasle hain
bas tassuvar4 ke silasile hain
ratajage gumasum pade hain
palakon pe rayagan5

2. prem, 3.jhalak, 4. khayal, 5.bekaar

man baavara tujhe dhoondhata ....

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Annual Musical Countdown 2009 - Song No. 8- Why sasural is called a Genda Phool ?

Holi ki vajah se Vaarshik Sangeetamala 2009 ne liya tha ek vishram! to ek baar fir baki ki seedhiyon ka safar shuru karte hain paaydaan sankhya 8 se, jahan par hai ek chhattisagadhi lokgeet jisake bolon ko prasoon joshi dvara thoda bahut parivartit karake film Delhi 6 men istemaal kiya gaya. sangeetakaar A R Rahman aur sahaayak sangeet nirdeshak Rajat Dholakiya ne is lokgeet ka paashchatya sangeet ke saath itana behatareen sammishran kiya ki pichhale saal film rilease hone ke saath hi ye geet sabaki jubaan par chadh gaya. is geet men lokageet ki mithas ko kayam rakhne ke liye Rekha Bharadvaj ki gaayiki ki jitani prashansa ki jaaye kam hai. vaise Rekha ke saath peechhe aane vaale koras men aavaajaen thin shradha pandit, sujata majoomadaar aur vi n mahathi ki.

Geet chal gaya to saath men ye masla bhi uth gaya ki prasoon joshi ki jagah is lokageet ke lekhak ko kredit dena chaahiye. kredit dene ke maamale men film udyog ka rikard jagazahir hai. prasoon ka kahana hai ki ye geet unhen abhineta raghuveer yaadav ne diya. Par aap ye jaroor janna chahenge ki itan sahaj aur apane se lagne vaale lokageet ko likha kisane?

Khojabeen ke baad mujhe ye jaanakari mili ki ise sv. gangaram shivaare ne likha tha aur sv. bhulavaram yaadav ne use svar diya. bhulavaram ji ne hi teenon joshi bahanon da. rekha, ramadatt aur prabhadatt ko ye geet sikhaya. joshi bahanon ka kahana hai ki sattar ke dashak men unhonne ye geet pahali baar rayapur men gaya.

Sasuraal men saas ki gaaliyan, nanad ke taane aur devar se sahaanubhooti milna shayad hi sanyukt parivar men rahi kisi dulhan ke liye nai baat hogi. haalaanki dheere dheere shiksha ke prasaar aur ekal parivar ki or agrasar hota bharateeya samaj is mithak ko todane men prayasarat hai. par geet men sasuraal ko genda phool kaha jana kuch naya aur utsukta jagane vala hai. ab gangaram shivaare ji to rahe nahin ki ye prashn unase poochha jaaye par is baare men jab bhi charcha chali logon ne kai tark diye. vaise yahan sasuraal ko gulaab phool kaha jata to phool ke saath kaante ki baat kah kar aasaani se ye roopak sab ki samajh men aa jata. par saval to yahan ye hai ki is gende men banavat ke lihaaz se aisi kya khaasiyat hai?

Gende ke phool ki khaasiyat hai ismen bahut saare phool ek hi tane se ugate aur palte badhate hain theek vaise hi jaise sasuraal roopi tane se saas,sasur,devar, nanad jaise rishte panapte hain aur saath saath falte phoolte hain. ho sakta hai aap is vyakhya se sahamat na hon par is baare men aapaka mat jaanane ki utsukta rahegi.

to jab tak aap soche vicharen sunte jaayen ye pyara sa nagma..



sainya chhed deven, nanad chutaki leve sasuraal genda phool
saas gari deve, devaraji samajha leve, sasuraal genda phool
chhoda baabul ka angna, bhaave dera piya ka ho
saas gari deve, devaraji samajha leve sasuraal genda phool...


sainya hai vyapari, chale hai paradesh
sooratiya nihaaroon jiyara bhari hove, sasuraal genda phool....
saas gari deve devaraji samajha leve, sasuraal genda phool
sainya chhed deve, nanad chutaki leve, sasuraal genda phool...

chhoda baabul ka angana bhaave dera piya ka ho !
bushart pahine khaaike beeda paan, poore rayapur se alag hai
sainya...ji ki shan sasuraal genda phool ....


sainya chhed deve, nanad chutaki leve sasuraal genda phool ...
saas gari deve, devaraji samajha leve sasuraal genda phool
chhoda baabul ka angana ,bhaave dera piya ka ho ....
oya hoy oya hoy-
hoy hoy hoy hoy hoy hoy .....

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Annual Musical Countdown 2009 - Song No. 9- Bade Se Shahar Mein, Chotr Chote Ghar Mein...13B

Geetamala ki navin sidhi par svaagat karen is pyare se geet ka jisamen melody hai, sukoon dene vala sangeet hai, dil chhoone vala mukhada hai aur saath hi hai ek ne gayak ka svar. mujhe yakin hai ki is geet ko aap men se jyadatar ne nahin suna hoga. jaisa ki mainne pichhali post men ishara kiya tha ki daravni filmon ke sangeet par hamara dhyaan saamaanyatah kam hi jata hai.

is saal ek aisi hi film aai thi 13B. film ka sangeet diya tha shankar ehasaan loy ne aur unake is geet ne pahali baar sunane men hi mera dil jeet liya tha.

Geetakar neelesh mishra jo hindustan taims men patrakar, ek ghumakkad aur ek aniyamit blogar bhi hain ne is geet ke liye jo mukhada racha hai usaki kavyatmakta aur dhanatmak urja mood bana deti hai ya yoon kahen ki ise sunkar aap khud b khud achchha mahasoos karne lagate hain.

aankhon se bachakar, lo rakho chhupakar,
pyar ko kabhi kisi ki nazar na lage
chaand ko churakar, mathe pe sajakar
haule chalna rat ko khabar na lage
sitare dhoondh laaye hain andheron pe sajaaye hain
jaise deevali ki ho rat zindagi....

par is geet ke navin position par hone ki ek vajah mere liye niji hai. darasal neeche ke antra mujhe un lamahon se jodta hai jo mainne bihar ke chhote chhote shaharon gaya, saasaram aur aara men rahane ke baad patna aakar Officer's Hostel men bitaaye. do kamaron ke us chhote se ghar men bitaaye jindagi ke vo 16 saal jisamen mujhe jindagi ki khushiyan bhi milin aur kuch gam bhi jo shayad jeevan paryant mere saath rahen.

us chhote se ghar men rahate hue mere pahle yad rahane vaale dost banen, pahali baar dil fisla, jahan ki bolakoni se mainne kitani raton ko ghanton chaand sitaaron se maun vaartalaap kiya. vo pyari deepavali, skool se rusava hona, bhookanp ki bhagadad aur yahan tak ki injiniyaring ki pariksha men safal hone ki ghoshana karta vo akhabaar usi ghar men to aaya tha. is liye jab bhi ghar men ye geet bajta hai main in panktiyon ko bade man se gata hoon

bade se shahar men chhote chhote ghar men
itani hi khushiyan vo unako rakhne ka haq
pyar muskurahat sapanon ki aahat
jo bhi maanga mil gaya

aage ka antra film ki paristhitiyon se juda hai
aaj kal ik nanhe
mehamaan se baate karo khvaabon men
donon kahaniyan banate jhoothi sachchi hai batate
mainne kal, usase kaha
yar ab aa bhi jaao ghar kabhi
bheegne se na tum darana
khushiyon ki hai barasaaten

sitare dhoondh laaye hain andheron pe sajaaye hain
jaise deevali ki ho raat zindagi....
bade se shahar men chhote chhote ghar men
itani hi khushiyan vo unako rakhne ka haq
pyar muskurahat sapanon ki aahat
jo bhi maanga mil gaya

Geet to aapane sun liya aur mere udgar bhi padh liye ab ye bataiye ki ye geet gaya kisane hain. chaliye main hi bata deta hoon is geet ke gayak hain kartik. chitra men baanyi taraf hai geetakar neelesh aur daanyi or kartik.

Srinivaas, vijay prakash, rashid ali, chinmaya, naresh ayyar ki tarah kartik bhi rahman bhakt hain aur in gaayakon ki tarah hi hindi film sangeet men pravesh karne ka mauka kartik ko rahman ne hi diya. skool men hi karnaatak sangeet seekhne vaale kartik ne colej men apane baind ke liye gaate rahe. rahman ke sanpark men gayak shrinivaas ki madad se aae. saathiya, yuva, gajani aur yuvaraj ke kuch geet ve ga chuke hain. pichhale saal unka film gajani ke liye gaya geet bahaka main bahaka.... kafi lokapriya hua tha.

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Annual Musical Countdown 2009 - Song No. 10- Kaise Batayein Kyun Tujhko Chahein...?

Waqt a gaya hai vaarshik sangeetamala ki antim das sidhiyon ko chadhne ka. ye dason nagme sunane men bahut pyare hain. ye jaroor hai ki inamen se kuch ek khas mood men jyada bhale lag sakte hain. in das men se chhah geet aise hain jo aap sab ne pichhale saal khoob sune honge aur baki aise jinhen aapane kam ya bahut kam suna hoga.

to baat dasavin poyadaan ke geet ki jisane pichhale saal ke ant men aakar kuch hi samay men sabke dil men ghar kar liya. maze ki baat hai ki sangeetakar pritam ne is geet ko teen alag alag gaayakon se gavaya. ek men kailash kher the to doosre men soham chakravarti par sabse jyada sunane men aaya aatif asalam vala varsan. geet to aap pahachan hi ge honge isaliye ye kahane ki jaroorat ab nahi padegi ki tu jaane na...



saval ye hai ki aatif asalam (jo har saal bas ek ya do filmen karte hain) ke geet bharat men itne lokapriya kyoon ho jate hain jabaki gaayiki ke lihaz se hamare sare varishth gayak unase bees hi hain?

iska uttar janane ke lie kisi sangeetapremi ko jyada mashakkat karne ki jaroorat nahin padegi. darasal aatif asalam aur kai anya pakistani gaayakon ki lokapriyata ki mukhya vajah unki aavaaz ka yahan ke gaayakon ki apeksha 'alag' tarah ka hona hai. isi tonal kvaliti ke chalte unki aavaaz ka asar sunane vale par sheeghr hota hai. vaise kya aapako pata hai ki aatif asalam bachapan men ek gayak ki jagah imaraan khan jaisa tej gendabaaj banana chahate the. vo kissa mainne aapke sath baanta tha vaarshik sangeetamala 2006 ke dauraan jab aatif pahali bar meri kisi sangeetamala ka hissa bane the.

baharahaal ajab prem ki gajab kahani ki chaupat kahani ko agar kisi ne sanbhala to vo tha iska karnapriya sangeet. is geet men aatif asalam ka asar to apani jagah hai hi par geet ki shuruaat ka koras bhi man ko mohta hai. vaise irashad kamil ne bhi is geet ke madhyam se kuch aise prashn uthaaye hai jo har kishor aur yuva insan ki zindagi men kabhi na kabhi umadate ghumadate hain hi.

yaani vahi chir shashvat prashn ki koi achanak hi itana achha hamen kyoon lagne lagata hai? aur jab vo lagne hi lagata hai to chahakar bhi ham apani baat ko us tak pahunchaane men itana asahaay sa kyoon mahasoos karte hain? aur fir man hi man usase saval karte hen aur fir apne hi man se udhar ka javab bhi pa jate hain. kabhi ye kalpanik javab hothon par anayas hi muskurahat le aate hain to kabhi dher sara gam! aur fir apani manasik sthiti ko apne tak seemit rakhakar ham ye bhi kahane se nahin chookte ki tu jaane na....

to aaiye ek bar fir sab mil jul kar gunagunaayen is behad romantic geet ko

kaise bataayen
kyoon tujhako chaahen
yara bata n paen
baaten dilon ki
dekho jo baki
aake tujhe samajhaen
tu jaane na ...tu jaane na

mil ke bhi, ham n mile
tumse n jaane kyoon, meelon ke
hain faasle tumse n jaane kyoon
anajaane hain silasile
tumse n jaane kyoon, sapane hain
palakon tale tumse n jaane kyoon

kaise batayen
kyoon tujhako chaahen
yara bata n payen
baaten dilon ki
dekho jo baki
aake tujhe samajhaen
tu jaane na tu jaane na

a .......
nigahon men dekho
meri jo hai bas gaya
vo hai milta tumse hu-b-hu
o ho o
jaane teri aankhen thi
ya baaten thi vajah
hue tum jo dil ki aaraju
tum pas ho ke bhi
tum aas ho ke bhi
ehasaas ho ke bhi
apne nahin, aise hain
hamako gile
tumse n jaane kyoon, meelon ke
hain faasle tumse n jaane kyoon oon oon oon ...
tu jaane na tu jaane na....

u ... jaane na jaane na jaane na
ha a a... tu jaane na
khyalon men lakhon baaten,
yoon to kah gaya
bola kuch n tere samane
o o ... hue n begane bhi
tum ho ke aur ke
dekho tum n mere hi bane
afsos hota hai, dil bhi ye rota hai
sapane sanjota hai, pagla hua, soche ye
ham the mile tumse n jaane kyoon
meelon ke, hain faasle tumse n jaane kyoon
anajaane, hain silasile
tumse n jaane kyoon, sapane hain
palakon tale tumse n jaane kyoon
ho o o o ...

kaise batayen
kyoon tujhako chaahen
yara bata n paen
baaten dilon ki
dekho jo baki
aake tujhe samajhayen
tu jaane na tu jaane na....


to chaliye mangalavar ko aapase fir milenge is geetamala ke agale geet se jise shayad aapane pahle na suna ho. bhala bhutaha filmon ke giton par koi dhyaan deta hai kya? :)

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Annual Musical Countdown 2009 - Song No. 12- Sapnon se bhare naina..na neend hai na chaina

12vin position ka geet ek aisa geet hai jo ki rag bhairavi par aadhaarit hai. is geet ko likha javed akhtar saahab ne, isaki dhun banaai sangeetakaar tikadi shankar ehasaan loy ne aur ise apani aavaaz se sanvara shankar mahadevan ne. film ka nam to aap pahachaan hi ge honge. ji haan ye film thi joya akhtar dvara nirdeshit 'lak baai chaans'. isi film ka shekhar ki aavaaz men gaya geet sangeetamala ki 22 vin position par pahle hi baj chuka hai.

vaise nirdeshika zoya akhtar ka kahana tha ki gar unka bas chalta to is film ke saare geet shankar mahadevan se hi gava leti. vahin gayak shankar mahadevan kahate hain ki kuch geet aise hote hain jinhen man men baithane men vakat lagata hai. pashchimi vaadya yantron drams, bes ke baikagraund aur rag bhairavi men thumari stail gaayiki ke smamishran se bana geet isi shreni men aata hai. is geet ke jin hisson men shastriyata ka put adhik hai vo man ko gahara sukoon dete hain. javed saahab ne aise roopako ka istemaal kiya jo geet ki shastriyata se mel khaaye.



film udyog men jab bhi koi kalakar kadam rakhta hai to sabse pahle use kaam paane ke liye vibhinn stoodio men aadishan dena padta hai. pahali baar kaimare ke saamane ki ghabarahat, thukaraaye jaane ke dar se lekar safal hone ki aasha in sabhi mishrit bhavanaaon se har abhineta ko gujarana padta hai.

par javed akhtar safal hone ki is sarvavyapi chaah aur use paane ke liye apane sabhi moolyon ko daanv par lagane ki pravriti par chot karte hue behad vazib parantu kathin prashn karte hain. javed saahab ham sab ke samaane ye saval karte hain ki

sirf apana lakshya poora karne se sukh ki anubhooti to aati hai par kya dil men chain aa jata hai?

sukh hamare se baahar hain ya isaki talash dil ke andar karni chaahiye ?

hamane apane jeevan men sukh ke maapadand bana rakhe hain vo kya man ko sukoon dene vaale hote hain?


to aaiye sunen is geet men shankar mahadevan ki lajavab gaayiki ko..

bagiya-bagiya baalak bhaage,titali fir bhi haath na laage!
is pagale ko kaun bataye,
dhoondh raha hai jo too jag main,koi jo paaye to man men hi paaye!
sapanon se bhare naina, to nind hai n chaina!

aisi dagar koi agar jo apanaaye,
har raah ke vo ant pe rasta hi paaye!
dhoop ka rasta jo pair jalae,
mod to aae chhaanv na aae,
rahi jo chalta hai chalta hi jaaye,
koi nahi hai jo kahin use samajhaaye!

sapanon se bhare naina,
to nind hai na chaina!
naina re naina re......

door hi se sagar jise har koi maane,
pani hai vo ya ret hai ye kaun jaane,
jaise ke din se rain alag hai,
sukh hai alag aur chain alag hai,
par jo ye dekhe vo nain alag hai,
chain to hai apana sukh hain paraaye!

sapanon se bhare naina,
to nind hai n chaina.....


par na to aadami safal hone ki ichha chhod sakta hai na ise paane ke liye hone vali jaddozahad se door rah sakta hai. safal hone ki chaah hi to shayad jindagi ka tonic hai jo hamen visham paristhiyon men bhi joojhne ke liye prerit karta rahata hai. is geet ki shooting ke dauraan apani kismat aazmaane aae ek kalakar dvara kaha gaya ye sher sab kuch kah jata hai...

ki dil me chubh jaayenge jab apani jubaan kholenge
ham bhi shahar men kaanton ki dukan kholenge
aur shor karte rahe galiyon men hajaron sooraj
dhoop nikalegi to ham bhi apana makan kholenge

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Annual Musical Countdown 2009 - Song No. 13- Ye Dooriyan..in raahon ki dooriyan

Vaarshik sangeetamala ka safar taya karte karte ham a pahunche hain thik isake beecho beech. yaani 12 poyadanon ka safar poora karake geetamala ki 13 vin position tak. abhi bhi sabse oopar ki 12 seedhiyon ki chadhai baki hai. aaj ki position par ka geet ek aisa geet hai jise is saal kafi lokapriyata mili. mohit chauhaan ki gaayiki ka andaz , pritam ka karnapriya sangeet aur irashad kamil ke bolon ki roomaniyat ne logon ke hriday ko is geet se jod diya.

darasal shayad hi ham men se koi ho jisane apne ajizon se door rahane ki vyatha na jheli ho. isaliye insani rishton men dooriyon ki baat karta ye geet jald hi sabke jehan men sama gaya. jab lav aaj kal ka sangeet racha ja raha tha to sabse pahle isi geet par kam shuru hua. nirdeshak imtiyaz ali ise mohit chauhaan se hi gavana chahate the. shayad mohit ka unki film jab vi met men gaya gana na hai kuch khona na pana hi hai.. unako behad prabhavit kar gaya tha. sangeetakar pritam ko mohit ko traik karne men do mahine ka vakat jaroor laga par mohit nirdeshak aur sangeetakar ke vishwas par bilkul khare utre.



vaise kya aapako pata hai ki himachal ke rahane vale mohit chauhaan ne kabhi bhi sangeet ki vidhivat shiksha nahin li. bilasapur ,mandi aur nahan ke colejon se vicharte hue unhonne apani parasnatak ki upadhi dharmashala se li. sangeet jagat ki surkhiyon men vo tab aae jab bataur mukhya gayak unake kam ko baind silk root ke elabam boonden men saraha gaya. vaise is chitthe par unake bare men charcha unake gaaye geeton gunacha ab koi mere nam kar diya aur na hai kuch khona na pana hi hai ki vajah se pahle bhi ho chuki hain.

vaise shiksha ki drishti se geet ke geetakar irashad kamil bhi peechhe nahin hain. hindi men doctaret ki upadhi se vibhooshit irashad, imtiyaz ali aur pritam ke sath pahle bhi kam kar chuke hain. unase sakshatkar men jab poochha gaya ki geetakar ke lihaz se sabse kathinaai bhari baat vo kise mante hain to unka javab tha

mere lie sabse kathin kisi roomani geet ko rachna hai. aisa isaliye ki is vishaya par itana zayada aur itani gaharaayee se likha ja chuka hai ki lagata hai ki kuch kahane ko bacha hi nahin hai. mainne to apani dikshanri se dil,dhadakan, zigar, ikaraar, intazaar in sabhi shabdon ko hata rakha hai. agar apani pasand ki baat karoon to mujhe soofiyat aur akelepan ka put lie roomani geeton ko likhna jyada santosh deta hai.

irashad ki yahi soch mohit dvara is geet ki adaegi men dikhaai deti hai. jindagi ke akelapan men purani smritiyon ke saaye man men jo tees ubharte hain ye geet usi ki ek abhivyakti hai. to aaiye sunen film love aaj kal ka ye nagma

ye dooriyan, ye dooriyan,ye dooriyan

in rahon ki dooriyan
nigahon ki dooriyan
ham rahon ki dooriyan
fana ho sabhi dooriyan

kyoon koi pas hai
door hai kyoon koi
jaane n koi yahan pe
a raha pas ya door main ja raha
janoon n main hoon kahan pe

ye dooriyan....fana ho sabhi dooriyan

ye dooriyan, ye dooriyan

kabhi hua ye bhi,
khali rahon pe bhi
tu tha mere sath
kabhi tujhe mil ke
lauta mera dil yah
khali khali hath
yah bhi hua kabhi
jaise hua abhi
tujhako sabhi men pa liya
tera mujhe kar jati hai dooriyan
sataati hain dooriyan
tarasati hain dooriyan
fana ho sabhi dooriyan

kaha bhi n mainne
nahin jeena mainne
tu jo n mila
tujhe bhoole se bhi
bola n main ye bhi
chahoon faasla, bas faasla rahe
ban ke kasak jo kahe
ho aur chahat ye zavan
teri meri mit jani hai dooriyan
begani hai dooriyan
hat jani hain dooriyan
fana ho sabhi dooriyan

kyoon koi pas hai
door hai kyoon koi
jaane n koi yahan pe
a raha pas ya door main ja raha
janoon n main hoon kahan pe

ye dooriyan....fana ho sabhi dooriyan
ye dooriyan, ye dooriyan, ye dooriyan

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Annual Musical Countdown 2009 - Song No. 14- Khwab Na Sage,Zindagi Thage..

Vaarshik sangeetamala 2009 men aaj baari hai 14 vin position par ke geet ki. ye ek aisa geet hai jo hafte dar hafte mere man men ghar banata ja raha hai aur meri aaranbhik soch se chhah poyadanon ki chhalaang laga kar ye aa pahuncha hai is position par. pahali baar jab ise suna tha to laga tha ki ek baind ko pramot karne ki paristhiti ke anuroop hi is geet ka mukhade aur saath ka dhoom dhadaka racha gaya hai. par fir bhi kuch baat thi is nagme men ki mainne ise baad men sunane ke liye sahej kar rakh liya.



Darasal paashchaatya sangeet aayojan ke aavaran men aam sa lagne vala geet khaas tab ho jata hai jab geet ke pahle 75 second beet chuke hote hain. usake baad aa zamane aa.. ke saath geet ki laya yoon badalti hai ki man jhoom uthata hai aur gayak ke saath sur men sur milane ko udyat ho jata hai.

Prasoon joshi ne yahan ek baar fir apani kalam ki jaadagoori ka behatareen namoona pesh kiya hai. vaise to geet ki paristhiti videshi zameen par apane mukaam ki talash kar rahe baind ke jazabe ko dikhane ki hai par prasoon ne geet ke madhyam se visthapit jindagiyon men rang bharne ki safal koshish ki hai. . prasoon ke is saal ke likhe geeton men ye geet mujhe bolon ke hisab se sabse behatareen laga. prasoon apane is geet ke baare men kahate hain

Khanabadosh jipsy ko kahate hain, banjare ko kahate hain, jiska bana banaya thikana nahin hai vo ham jaisa nahin hai jo jahan chal pada vahi ghar hai jahan bistra beechha liya vahin usaka bed room hai. ye sirf salman aur ajay ka gana nahin hai ye un sab logon ka geet hai jo pravasi hain jo videshon men ya desh ke alag alag shaharon men jaakar kuch karne ki koshish kar rahe hain. unki soch hai ki ham to apani jadon se kat kar nikal chuke hain aur ab to saari duniya hi hamara ghar hai. ye geet sirf apravasi bharatiyon ki nahin balki un sabhi logon ki baat karta hai jo apana apana gaanv apana kasba chhodakar desh ke vibhinn shaharon men ja base hain. vo sab log jo kafile men hain, jo ek safar men hain, jinake andar ek junoon hai, ek talash hai jinake paas, jinki aankhon men ek ne kal ka sapana hai ye un sab ka gana hai.

Shankar ahasaan loy ke sangeet se saja ye nagma vestarn beets aur chutaki ke adbhut mishran se shuru hota hai. sangeetakaar jodi chahati to ye geet khud shankar mahadevan se gava sakti thi. par ye inka badappan hai ki is geet ko gane ke liye navodit gayak mohan ko chuna gaya. to chalen landan drims film ke is geet men gayak mohan ki gaayiki ka lutf uthane...

khanabadosh khanabadosh
firte hain ham khvaabon ke sang liye
landan dreams

hai hothon pe seeti, pairon men safar hai
hai door manjil, saath bas hunar hai
gunagunaayenge ham, chalte jaayenge ham
jab tak dekhe na, sune na
samajhe na , maane na, ye sara zahan

aa zamane aa, aa zamane aa,
aajamaane aa, aajamaane aa,
peshevar hava, peshevar hava,
mushkilen saja, ho o o ho
khavab na sage, khavab na sage,
zaindagi thage,zaindagi thage,

fir bhi jaane kyoon, fir bhi jaane kyoon,
ummeed jage ho o o ho
khanabadosh khanabadosh
firte hain ham khvaabon ke sang liye
landan dreams

ham to nadi tal ke,laharen uchhaal ke
rahate vahin jahan, bahate hain ham
dil ki surahi, sondhi sondhi gaharaai
jahan chhalke hain geet, jinhen kahate hain ham
aa zamane aa, aa zamane aa,
aajamaane aa.... ummeed jage

aasamaan se chhanti hai, aandhiyon se banti hai
thokaron men hain, apane to mastiyan
sagaron ke yar hain, jhoomne se pyar hai
dolte rahenge hain aavara kashtiyan
khanabadosh khanabadosh...

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Annual Musical Countdown 2009 - Song No. 15- Pankhon ko hawa zara si lagne do....

Film jagat men bahut se to nahin, par kuch patakatha lekhak jaroor hue hain jinhonne bataur geetakar bhi nam kamaya hai. gulazaar se to ham sab vaakif hain hi. javed saahab ne bhi saleem ke saath kai yaadgaar patakathaayen likhi par apane geetakar vaale rol men tabhi aae jab patakatha lekhan ka kaam unhonne chhod diya.

aaj ke sangeet paridrishya men ek aisa hi ek yuva geetakar hai jisane bataur patakatha lekhak bhi utna hi nam kamaya hai. chak de indiya jaisi patakatha se charchit hue jayadeep saahani ne tujhamen rab dikhta hai... jaise geet ki rachna bhi ki hai. aaj is saal vaarshik sangeetamala ki 15 vin position par pahali baar padarpit hue hain vo sangeetkaar saleem sulemaan ki jodi ke saath.
jayadeep dvara likhe is geet ke bolon men ek daarshanikta hai jo saleem sulemaan ke shaant bahate sangeet men ubhar kar saamane aati hai.



pankhon ko hava zara si lagne do
dil bole soya tha ab jagne do
dil dil men hai dil ki tamanna so
..chalo jara si tapane do
udane do ...udane do ...
hava zara si lagne do.... do
soya tha ab jagne do
pankhon ko hava zara si lagne do

vaise bhi ham sabhi udana hi to chahate hain ya ud nahin bhi paate to usaka swapn jaroor dekhte hain. chahe vo kamayabi ki udan ho ya sukhon ke lok men hamesha vicharne ki chaah. par jayadeep lakshya ki soch kar udan bharne ka sandesh is geet se nahin dete. vo ruk kar, sanbhal kar udan bharne ko to kahate hain par saath hi ye kahana bhi nahin bhoolte ki ek baar sahi udan bhar kar bhatakna bhi jaroori hai. sulajhaav bhari jindagi ki ummeed karne ke pahle bikharav ka saamna karne ki kshamata lana jaroori hai.

dhoop khili jism garam sa hai
sooraj yahin ye bharam sa hai
bikhari hui raahen hajaron suno
thamo koi fir bhatakne do
udane do ...udane do ...
hava zara si lagne do.... do
soya tha ab jagne do
pankhon ko hava zara si lagne do


dil ki patang chalo dikhati hai
dheel to do dekho kahan pe jaati hai
ulajhe nahin to kaise sulajhoge
bikhare nahin to kaise nikharoge
udane do .hauva....udane do
hava zara si lagne do.... do
soya tha ab jagne do
pankhon ko hava zara si lagne do

saleem sulemaan ne geetar ki madhur dhun ke saath geet ka aagaaz kiya hai. saleem marchent apani gaayiki se chak de indiya ,faishan, kurbaan aadi filmon men pahle hi prabhavit kar chuke hain. unake svar ki mulayamiyat geet ke mood ke saath khoob fabati hai.

to aaiye sunen saleem ka gaya film Rocket Singh... ka ye geet

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Annual Musical Countdown 2009 - Song No. 16- Umeed ab kahin koi dar kholti nahin...

Vaarshik sangeetamala 2009 ki 16 vin paayadaan svagat kar rahi hai pichhale saal ki ekmaatra filmi ghazal ka jo is saal ke mere pachchis manapasand geeton men apani jagah bana saki hai. nandita das dvara nirdeshit film firak ki is gajal ki rachna ki hai ek bar fir gulazaar sahab ne. gujarat ke dangon par bani is gambheer film ke geeton men jis samvedanasheelta ki jaroorat thi
use gulzar ne bakhoobi nibhaya hai.



ab aap hi bataiye dangon se hairaan pareshan aadami apana kasht lie prashasan ke pas jaaye aur agar use dutkar aur pratadana ke aalava kuch na mile to vo kya karega ? naummeed ho kar apana dard man men chhupaaye maun hi to rah jaaega na. gulazaar ne in bhavanaaon ko gajal ke matle men shabd dete hue likha aur kya lajavab likha....

ummeed ab kahin koi dar kholti nahin
jalne ke bad shama aur bolti nahin

charon or hinsa aur aagajani se pasare sannate ko gulazaar ne agale do ashaaron men sametne ki koshish ki hai

jo saans le rahi hai har taraf vo maut hai
jo chal rahi hai sine men vo jindagi nahin

har ek cheej jal rahi hai shahar men magar
andhera badh raha hai kahin raushni nahin

jalne ke bad shama aur bolti nahin
ummeed ab kahin koi dar kholti nahin...

ye ek aisi gajal hai jo film ki hi bhanti hamen ye sochne par majaboor karti hai ki insan jab haivaniyat ki chadar odh leta hai to ek jivant shahar ko lashon aur rakh ka dher bante der nahin lagti.

is gajal ka sangeet diya hai ek navodit sangeetakar jodi peeyoosh kanaujiya aur rajat dholakiya ne . ye vahi razat dholakiya hain jinhonne pancham ke intakaal ke bad 1942 a love story ka sangeet poorn kiya tha. ve dharavi, holi aur mirch masaala jaisi leek se hatkar banaai gi film ka sangeet bhi de chuke hain. haal filahaal men dilli 6 men rahman ke sath unka nam bhi sah sangeet nirdeshak ki haisiyat se tha. chahe mukhade ke pahle ki baat kare ya ashaaron ke beech ka filar har jagah gajal ka sangeet man men gahari udasi ka rng bharta nazar aata hai. rekha bharadvaj ek bar fir apani utkrisht gaayiki dvara gajal ke mizaj ko hoobahu pakadane men safal rahi hain.

to agar aapke pas kuch fursat ke lamahe hon to koshish kijie is gajal ki bhavanaaon men doobane ki...

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Annual Musical Countdown 2009 : Song no. 17 : Bhanwra bhanwra aaya Re...yani Jab gulzar karein AIDS ki baat !

Vaarshik sangeetamala 2009 ka ek mahine ka safar taya karte hue aaj ham a pahunche hain 17 vin poyadaan par. pichhali poyadaan par aapane dekha ki kis tarah peeyoosh mishra ne apne geet ko tatkaaleen rashtriya aur antararashtriya masalon ko janta ke samane pesh karne ka madhyam banaya tha. aaj ka ye yugal geet rajanitik nahin par ek samajik sandesh jaroor de raha hai aur vo bhi is andaz men jise sunane ka man bar bar karta hai.

Iss yugal geet ke sath pahali bar is geetamala men apani upasthiti darj kara rahe hain aaj ke yug ke do bemisaal gayak Sukhwindar Singh aur Kailash Kher. in donon maharathiyon ko ek sath sunana kisi bhi sangeetapremi ke lie sone par suhaga jaisi baat hoti hai. vaise to in gaayakon ki khasiyat rahi he ki aam se geet ko bhi apani adaegi se khas bana den par jab bol Gulzar ke hon aur dhun Vishal Bharadvaj ki to unka kam aur aasaan ho jata hai.

Kamine film ke is geet ne jitani chunauti gaayakon ke lie thi usase kahin jyada geetakar sangeetakar ki jodi ke lie. geet likhna tha ek aisi sthiti par jisamen nayak jo ek samajik karyakarta hai , ghoom ghoom kar red lait eriya men kandom ka vitaran kar raha hai aur sath hi logon ko eds ke khatre ke bare men bata raha hai. kisi bhi geetakar ke lie is vishaya ko bina upadeshatmak hue kavita men baandhana ek tedhi kheer thi. Par Gulzar ne is kam ko bade salike se anjaam diya. vahin vishal ka sangeet sanyojan aur fatak shabd ka geet ki laya ke sath behatareen istemaal shrotaon ka dhyaan sahaj hi aakarshit kar leta hai.

to aaiye sunen kailash aur sukhavindar ki aavaaz men ye nagma

ki bhnvara bhnvara aaya re fatak fatak
gun gun karta aaya re
sun sun karta galiyon se
ab tak koi na bhaya re

sauda kare saheli ka
sar par tel chameli ka
kan men itar ka faha re
ki bhnvara bhnvara aaya re fatak fatak.. ..

ginti na karana isaki yaron men
aavara ghoome galiyaaron men
ye chipaku hamesha sataayega
ye jaaega fir laut aaega
khoon ke maile katre hain
jaan ke sare khatre ...
ki aaya rat ka jaya re..fatak ...

jitana bhi jhooth bole thoda hai
kidon ki basti ka makauda hai
ye raton ka bichchhu hai kaatega
ye zaharila hai zahar chatega
daravaje men kunde do
dafa karo ye gunde ye shaitan ka saya re fatak fatak..

ye ishk nahin aasaan, aji AIDS ka khatra hai
patavar pahan jana ye aag ka dariya hai

ye naiya doobe na ye bhnvara kate na
ye naiya doobe na ye bhnvara kate na ...

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---