Annual Musical Countdown 2009 ka aaghaaz aur ek nazar pichhli sangeetmalaon par !

Varshik sangeetamala 2009 men aap sab ka svagat hai. jaisa ki main pahale bhi is chitthe par kah chuka hoon ki varshik sangeetamalayen mere liye naye sangeet men jo kuchh bhi achchha ho raha hai usako aap tak sanjon lane ki koshish matr hai. bachapan se redio silon ki Ameen Sayani ki binaka aur fir vividhabharati par nam badal kar aane vali sibaka geetamala sunata raha. usaka asar itana tha ki jab 2005 ke aaranbh men apane roman hindi blang ki shuruaat ki to man men ek khvahish thi ki apane blang par apani pasand ke geeton ko pesh karoon.

To aaiye ek najar dalen pichhale char sal ki sangeetamalaon ki tarafa. mainne apani pahali sangeetamala ki shuruaat 2004 ke das behatarin ganon se ki jise 2005 men 25 ganon tak kar diya. Roman hindi blog par ye sangeetmalaon paanchwa saal hai.

Varshik Sangeetamala 2004 men meri geetamala ke sarataj geet ka sehara mila tha fir milenge men prasoon joshi ke likhe aur shankar ahasan lanye ke sangeetabaddh geet "khul ke muskura le too" ko jabaki doosare sthan par bhi isi film ka geet raha tha kuchh khashabuyen yadon ke jangal se bah chalin. ye vahi sal tha jab kal ho na ho, roga, ham tuma, minakshi aur pap jaisi filmon se kuchh achchhe geet sunane ko mile the.

Varshik Sangeetamala 2005 men baji mari svanand kirakire aur shantanu moitra ki jodi ne jab parinita film ka geet 'rat hamari to chand ki saheli' hai aur hajaron khvahishen ऍsi ke geet 'bavara man dekhane chala ek sapana' kramashaः pratham aur dvitiy sthan par rahe the.

Varshik sangeetamala 2006 men Omkara aur Guru ke geet chhaye rahe par baji mari 'umarao jan' ke sanvedanashil geet 'agale janam mohe bitiya na kijo' ne. is geet aur doosare numbar ke geet 'mitava ' ko likha tha javed akhtar sahab ne

Varshik Sangeetamala 2007 men ek bar fir Prasoon Joshi ke likhe aur Shankar Ahasan Loy ke sangeetabaddha, 'tare jamin par' ke geeton ke bich hi pratham aur dvitiy sthanon ki jaddojahad hoti rahi. par maan...jaise nagme ki barabari bhala kaun geet kar sakata tha

Varshik sangeetamala 2008 ka sarataj geet bana aamir film ka sanvedanashil nagma ik lau is tarah kyoon bujhi mere maula ....

Isaki mukhy vajah thi is geet men sangeeta, bol aur gayiki ka adbhut samanavyana. ye kamal tha sangeetakar Amit Trivedi, gayika shilpa rao aur geetakar amitabh ki bemisal tikadi ka.

Aamir film ke jabaradast sangeet ki badaulat gar amit trivedi ne vijeta ka aasan sanbhala to ranars ap geet kahane ko jashn-ai-bahara hai ki madad se sangeetakar ye aar rahaman ne pichhale sal ki sangeetamala par apani badashahat kayam rakhi.
jodha akabar, yuvaraja, jane tu ya jane na, gajani ki badaulat 2008 ki varshik sangeetamala men unake geet das bar baje. rahaman ke aalava is sal ke any safal sangeetakaron men vishal shekhara, salim suleman aur amit trivedi ka nam liya ja sakata hai.

Varshik sangeetamala 2008 men amitabh varma, jayadip sahani, ashok mishra, irafan siddaki, mayoor soori, kausar munira,abbas tanyaravala aur anvita datt guptan jaise naye geetakaron ne pahali bar apani jagah banaee. itane sare pratibhashali geetakaron ka ubharana film sangeet ke liye shubh sanket hai. vahin gayak gayikaon men vijay prakasha, javed ali, rashid ali, shrinivas aur shilpa rav jaise namon ne pahali bar sangeet premi janata ka dhyan apani or aakarshit kiya.
is sal hindi film sangeet men pichhale sal ki apeksha fike pakavan hi parose gaye hain. fir bhi meri koshish rahegi ki is shor ke bich un surile geeton ko aapake samane laoon jo shayad aapaki najaron se gujare bina nikal gaye hon. hamesha mitr ye prashn karate rahe hain ki geetamala men koee geet mainne itani oopar ya niche kyoon rakha?

Ab ye spasht kar doon ki is geetamala ka sidhe sidhe panpularity se lena dena nahin hai. gayiki, sangeeta, bol aur inake sammilit prabhav in sabhi aadharon ko barabar vajan de kar main apani pasand ke geeton ka kram taiyar karata hoon. kaee bar ye skors lagabhag barabar hote hain aur tab geeton ko oopar niche karana bada duruh hota hai. han, geet se judi post men meri pasand ke karanon ka jikr aap hamesha ki tarah padenge. prastut geet ke bare men pathakon ki ray bhinn ho sakati hai aur us bare men aap apana mantavy behichak den.

Saval ye hai ki varsh 2009 ki is sangeetamala men kya koee naya sitara samane aayega ya fir purane diggaj hi chhaye rahenge? ye to aap tabhi jan payenge jab aap agale 2 mahinon tak sangeet ke is safar men mere sath honge. sangeetamala men aap geet to sunenge hi. sath hi har sal ki tarah meri koshish rahegi un naye ubharate kalakaron se aapako roobaru karane ki jo is sal ke sangeet patal par teji se ubhare hain. to taiyar hai na aap hindi blaging ki sabase purani geetamala ki ulati ginati yani 25 vin sidi se lekar pahali sidi tak chadane ke liye...

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Seene mein jalan aankhon mein tufaan saa kyon hain ?

Pichhale ek hafte se blogs ki duniya se door raha. Ssocha tha ki jane ke pahale Suresh Wadekar ki ye sarvapriy ghazal schedule kar aapke supurd karoonga par usake liye bhi waqt nahin mila. Khair ab apani yatra se laut aaya hoon to ye ghazal aapke samane hain. Ise likha tha Shaharyar yani Kunwar Akhalak Mohammad Khan sahab ne.

Yoon to Shaharyar ne chand filmon ke liye hi apani ghazalen likhi hain par ve ghazalen hindi film sangeet ke liye mil ka patthar sabit huee hain. Ab chahe aap Umrao Jaan ki baat karen ya Gaman ki. Ye baat gaur karane ki hai ki in donon filmon ke nirdeshak Muzaffar Ali the. Darasal Shaharyar AMU mein jab urdu vibhag mein padhate the tab Muzaffar Ali bhi vahin ke chhatr the aur Shaharyar sahab ke kavy sangrah se vo itne prabhavit huye ki unaki do ghazalon ko unhonne film Gaman mein le liya.

Unaki shayari ko vistar se padhne ka mauka to abhi tak nahin mila par unaki jitani bhi ghazalen suni hain unaki bhavanaon se khud ko jodane mein kabhi dikkat mahasoos nahin ki. Lekhak Mohan Encyclopedia of Indian Literature, Volume 5 mein Shaharyar sahab ki shayari ke bare mein likhate hain

Shaharyar ne apani shayari mein kabhi bhi sandesh dene ya nishkarsh nikalane ki
paravah nahin ki. Wo to aaj ke aadami ke man mein chal rahe dvandon aur adhyatmik ulajhanon ko shabdon mein vyakt karte rahe. Unaki shayari ek aise aam
aadami ki shayari hai jo beet rahe samay aur aane wali mrityu jaisi jivan ki kadavi sachchaiyon ke beech jhoolate rahane ke bavajood apani abhi ki zindagi ko khul kar jina chahata hai. Shaharyar aise hi vyakti ke gamon aur khushiyon ko apane ashaaaron mein sametate chalte hain.

Khud Vangamay patrika mein Dr. Zulfikar ko diye sakshatkar mein Shaharyar ka kahna tha ki

Meri soch yah hai ki sahitya ko apane daur se apane samaj se juda hona chahiye,
Main sahitya ko matra man ki mauj nahin manata, main samajhata hoon jab tak
doosare aadami ka dukh dard shamil na ho to vah aadami kyon padhega aapaki
rachana ko. Zahir hai dukh dard aise hain ki vo comman hote hain. Jaise beyimani
hai, jhooth hai, nainsafi hai, ye sab cheezein aisi hain ki inse har aadami
prabhavit hota hai. Kuchh log kahate hain ki adab se kuchh nahin hota hai. main
kahata hoon ki adab se kuchh n kuchh hota hai.

Ab 1979 mein pradarshit Gaman film ki isi ghazal par gaur karen mujhe nahin lagata ki hamamein se aisa koee hoga jisane in savalaton ko zindagi ke safar mein kabhi na kabhi apane dil se na poochha ho. Mujhe yoon to iss ghazal ke sare ashaaar pasand hain par dil hai to dhadakane ka bahana koee dhoondhe.. vala sher sunte hi man khud ba khud is geet ko gunagunate huye isamein doob jata hai.

Daraasal ek shayar ki safalata isi baat mein hai ki vo apane jariye kitane anajane dilon ki baaten kah jate hain.

seene mein jalan aankhon mein tufaan saa kyon hain ?
is shahar mein har shaks pareshaan saa kyon hain ?

dil hai to, dhadakane kaa bahaanaa koee dhoondhe
patthar kee tarah behis-o-bejaan saa kyon hain ?

tanahaee kee ye kaunasee, manzil hain rafeekon
taa-hadd-ye-najar yek bayaabaan saa kyon hain ?

kyaa koee nayee baat najar aatee hain hum me
aaeenaa humei dekh ke hai raan saa kyon hain ?

Oopar seJaydev ke karnapriy sukoon dene vala sangeet jisamein sitar , bansuri aur kaee any bharatiya vady yantron ka prayog man ko sohata hai. to lijiye suniye is geet ko Suresh Wadkar ki aawaz mein

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Shahatoot ki shakh pe baithi Meena bunti hai resham ke dhage : Gulzar on Meena Kumari...

Kuchh log gham ki duniya men jine ke liye bane hote hain. Meena Kumari ki shakhsiyat bhi kuchh aisi hi thi. Parde ki tragedy queen ne kab apani zindagi men gamon se khelana shuru kar diya shayad unhen bhi pata nahin chala. Mahazabin ke naam se janmi aur garibi men pali badi is adakara ne apane abhinay ka sikka pachas aur sath ke dashak men is tarah chalaya ki kisi bhi film se unaka judav hi usake hit ho jane ka sabab ban jata tha.

Apne career ki oonchaee ko chhu rahi Meena ji ke Kamaal Amrohi sahab se prem, fir vivah aur kuchh salon bad talaq ki katha to ham sabhi janate hi hain. Meena ji ka thos vyaktitva, unaki aazadakhyali, apani zindagi ke nirnay khud lene ki kshamata aur abhinay ke prati lagan unhen jis mukam par le gaee thi vo shayad Kamaal sahab se unake khatte hote rishton ki vajah bhi bani. Rishton ko na sanbhal pane ke dard aur akelepan se nizaat pane ke liye Meena Kumari ji ne apane aap ko sharab men dubo diya.

Yoon to Meena kumari apane dil men umadate jazbon ko diaryi ke pannon men hamesha vyakt kiya karati thin par unaka akelapan, unaki peeda aur hamasafar ki bevafaee unaki ghazalon aur nazmon men rah rah kar ubhari. Misal ke taur par unaki is nazm ko len.Meena ji ke kavy se mera pahala parichay unaki is dil ko chhu lene vali najm se huaa tha

tukade-tukade din beeta, dhajji-dhajji raat mili
jisaka jitana aanchal tha, utani hi saugat mili
jab chaha dil ko samajhen, hansne ki aavaj suni
jaise koee kahata ho, lo fir tumako ab maat mili
baten kaisi ? ghaten kya ? chalate rahana aath pahar
dil-sa sathi jab paya,bechaini bhi sath mili

39 varsh ki aayu men is duniya se rukhasat hote huye vo apani 25 niji diaries ke panne Gulzar sahab ko vasiyat kar gaeen. Gulzar ne unaki ghazalon aur nazmon ki kitab hind pocket books dvara prakashit karaee hai. Pichhle mahine jab ranchi ke pustak mele se guzra to usamen Meena kumari ki shayari ke aalava kuchh aur bhi padhne ko mila aur vo bhi Gulzar ki lekhani se.

Gulzar is kitab men unake bare men likhate hain ..

Meena ji chali gaeen. kahati thin
rah dekha karega sadiyon tak,
chhod
jayenge yah jahan tanha
Aur jate huye sachmuch sare jahan ko tanaha kar
gaeen; ek daur ka daur apane sath lekar chali gaeen. Lagata hai, duaa men thin.
duaa khatm huee, aamin kaha, uthin, aur chali gaeen. Jab tak zinda thin, sarapa
dil ki tarah zinda rahin. dard chunati rahin, batorati rahin aur dil men samoti
rahin.Samandar ki tarah gahara tha dil. vah chhalak gaya, mar gaya aur band ho
gaya, lagata yahi ki dard lavaris ho gaye, yatim ho gaye, unhen apananevala koee
nahin raha. Mainne ek bar unaka portrait nazm karke diya tha unhen. likha tha...

shahatoot ki shakh pe baithi Meena
bunati hai resham ke
dhage
lamaha-lamaha khol rahi hai
patta-patta been rahi hai
ek-ek
sans bajakar sunati hai saudayan
ek-ek sans ko khol ke, apane tan
par
lipatati jati hai
apane hi tagon ki qaidi
resham ki yah shayar ik din
apane hi tagon men ghutakar mar jayegi.

Padhakar hans
padin. kahane lagin–‘janate ho na, ve tage kya hain ? unhen pyar kahate hain.
mujhe to pyar se pyar hai. Pyar ke ehasas se pyar hai, pyar ke nam se pyar hai.
Itana pyar koee apane tan se lipatakar mar sake, to aur kya chahiye ?’
unhin
ka ek panna hai mere samane khula huaa. likha hai....

pyar socha tha, pyar dhoondha tha
thandi-thandi-si hasaraten dhoondhi
sondhi-sondhi-si, rooh ki mitti
tapate, nokile, nange raston par
nange pairon ne daudakar, thamakar,
dhoop men senkin chhanv ki chotein
chhanv men dekhe dhoop ke chhale

apane andar mahak raha tha pyar
khud se bahar talash karte the

Apani aur Meena kumari ji ki chand panktiyon ke dvara Gulzar sahab ne unake jatil vyaktitv ko kitani aasani se pathakon ke liye paradarshi bana diya hai. Agar Gulzar ne Meena ji ke kavi man ko tatolane ki koshish ki hai to sangeetakar Khayyam ko Meena ji ke dil ki vyatha ko unaki aavaj ke madhyam se nikalane ka shrey jata hai.

Khayyam dvara sangitabaddh album I write I recite EMI/HMV mein, Meena ji ne apani dil ki manobhavanaon ko badi bareeki se apane svar men dhala hai. Is album se li gaee unaki ye ghazal mujhe behad pasand hai. Aasha hai aapako bhi pasand aayegi


aaGhaaz to hotaa hai anjaam nahiiN hotaa
jab merii kahaanii meN vo naam nahiiN hotaa

jab zulf kii kaalikh meN ghul jaaye ko’ii raahii
bad-naam sahii lekin gum-naam nahiiN hotaa

haNs haNs ke javaaN dil ke ham kyouN na chune TukRe
har shaKhs kii qismat meN ina’am nahiiN hotaa

bahte hu’e aaNsuu ne aaNkhoN se kahaa tham kar
jo mae se pighal jaaye vo jaam nahiiN hotaa

din Duube haiN yaa Duubii baaraat liye kashtii
saahil pe magar ko’ii kohraam nahiiN hotaa

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Phir Miloge Is Baat Ka Waada Kar Lo... A melody which you can't forget...

Zindagi ke is safar men na jane kitane log hamare sanpark men aate hain. Par beete samay men jhank kar dekhane par kya aapako nahin lagata ki kuchh aise chehare rah gaye jinase apane rishton ko samay rahate ham vo roop nahin de paye jo dena chahate the.

Dil khushafahamiyan palata rahata hai ki kash kabhi unase ek mulakat aur to ho jisamen ham aise marasim bana sake jinhen paribhashit karane men hamare antaraman ko koee dikkat na ho. Par avval to aisi mulakaten ho nahin pati aur hoti bhi hain to mahaul aisa nahin ban pata ki rishton ke adhakhule siron ko fir se tatola ja sake.

Ye to huee vastavik zindagi ki baat par filmon men aisi mulakaten aksar ho jaya karati hain kyoonki unake bina kahani aage badati nahin. Isiliye to geeton ka ye aashavadi drshtikon hamare man ko sukoon deta hai. Sath hi unhen gunagunakar ham apane aap ko pahale se taro taja aur umangon se bhara mahasoos karte hain.

Aisa hi ek geet gaya tha Rafi sahab ne film Ye raat phir na aayegi ke liye aur kya kamal gaya tha. 1965 men aaee ye film apane geeton ke liye behad charchit rahi thi. Chahe Asha ji ka gaya 'yahi vo jagah hai... ho ya phir mahendra kapoor ka gaya mera pyar vo hai.....

ho, O.P.Nayyar dvara sangeet nirdeshit is film ke sare geet laajavab the. aur is geet ka to Shamasul Hooda Bihari ne, mukhada hi bada zabaradast likha tha ...

fir miloge kabhi is bat ka vada kar lo
hamase ek aur mulakat ka vada kar lo

Waise bihari sahab apane nam ke anuroop sachamuch Bihar ke hi the aur Patna ke pas sthit aara men unaka janm huaa tha. sangeetakar o pi naiyar ke karibiyon ka kahana hai ki O.P.Nayyar ne bihari ke mukhade ko aage badate huye pahala antara khud hi rach dala tha. Ye antara gunagunana mujhe behad pasand raha hai isaliye aaj ise yahan laga de raha hoon

Waise aap mujhe na jhelana chahen to rafi sahab ki gayiki ka aanand yahan le sakate hain. Is geet ka doosara antara aap is vidiyo men dekh sakate hain jise aasha ji ne gaya hai. ye geet parde par filmaya gaya tha Vishvajeet aur Sharmila Tagore ji par



phir miloge kabhi is bat ka vada kar lo
hamase ek aur mulakat ka vada kar lo

dil ki har baat adhoori hai adhoori hai abhi
apani ik aur mulaqat zaroori hai abhi
chand lamahon ke liye sath ka vada kar lo
hamase ek aur mulaqat ka vada kar lo
fir miloge kabhi .....

aap kyoon dil ka hasin raz mujhe dete hain
kyoon naya nagma naya saaz mujhe dete hain
main to hoon doobi huee pyar ki toofanon men
aap sahil se hi aawaz mujhe dete hain
kal bhi honge yahin jazbat ye vada kar lo
hamase ek aur mulaqat ka vada kar lo

phir miloge kabhi ....

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Ye daag daag ujala, Ye shabgajida sahar : Faiz ki Nazm Naseer ki Aawaaz mein !

Aaj se kareeb 25 saal pahle 20 N0v 1984 ko Lahore ke Meyo Hospital se Faiz Ahmad Faiz hamen chhod kar chale gaye. Par Faiz ki ghazalein, unaki nazmen rah rah kar dil men ubharati rahati hain. Aaj ki subah ek aisi hi subah hai jab unaki is nazm ki yaad mujhe baraha aa rahi hai. Kyoon aa rahi hai ye baat baad men . Pahale ye jan len ki Faiz ne is nazm men kya likha tha?

Faiz ne August 1947 men Pakistan ke tatkaleen halaton ke maddenazar ek nazm likhi thi subah-e- aazadi. Communist vicharadhara se jude Faiz aazadi ko ek aise parivartan ke roop men dekhana chahate the jo amiri aur garibi ki khaee ko mita de. Par jab aisa kuchh nahin huaa to mayoos ho kar unhonne likha

Kaisi dagadar raushani ke sath nikli hai ye subah jisamen kuchh dikhaee nahin de raha. Jab ham apane is safar men chale the to hamane aisi subah ki to kalpana nahin ki thi. Hamari kalpanaon ki subah to us mukam ki tarah thi jaise koee aasaman ki chadar par chalte huye jagamagate taron ke paas pahunch jaye ya jaise bhatakti huee samudr ki dhara ko usaka kinara mil jaye.

ye daag daag ujala, ye shabgajida sahar
vo intezar tha jis ka, ye vo sahar to nahin
ye vo sahar to nahin jis ki aarzoo lekar
chale the yaar ki mil jayegi kahin n kahin
falak ke dasht men taron ki aakhiri manzil
kahin to hoga shab-e-sust mauj ka sahil

Aakhir kahin to gham se bhare is dil ki naiya ko kinara milega? Yuvavastha ki rahasyamay dahalij ko par karate waqt is safar par chalane se hamen jane kitane hi hathon ne roka. Husn ki pariyan hamen aawaaz dekar apani or aakrsht karane ka prayas karati rahin par fir bhi vo hamen apane marg se vichalit na kar sakin, thaka na sakin. Aakhir kyoon ? Kyoonki dil men us subah ko lane ka ek josh tha, ek umang thi. Hamare liye to us bilkul karib aa gaee subah ke haeein daman ko chhu lena hi antim mukam tha.

kahin to ja ke rukega safina-e-gham-e-dil
javan lahu ki pur-asraar shahrahon se
chale jo yaar to daman pe kitne hath pade
dayar-e-husn ki be-sabr khwab-gahon se
pukarti rahin bahen, badan bulate rahe
bahut azeez thi lekin rukh-e-sahar ki lagan
bahut karin tha hasinan-e-noor ka daman
subuk subuk thi tamanna, dabi dabi thi thakan

Sun rahe hain ki zulm ke badal ab chhant chuke hain aur log to ye bhi kah rahe hain ki jis manzil ki talash men ham chale the vo hamen mil bhi chuki hai. Par kahan hai cheharon par lakshy milne ki khushi? Agar halat badale hain to unaka asar kyoon nahin dikhaee deta? Jis subah ki hava ka hamen besabri se intazar tha vo kidhar se aaee aur kidhar chali gaee? Ab dekhiye na sadak ke kinare jalte is prakashapunj ko bhi usake jane ka rasta nahin maloom. Raat ka bharipan bhi to kam hota nahin dikhata. Isiliye to mujhe lagta hai aankhon aur dil ko jis subah ki talash thi vo abhi nahin aaee. Tum log bhi aage ka safar karne ko taiyar ho jao ki manzil tak pahunchana abhi baki hai.....

suna hai ho bhi chuka hai firaq-e-zulmat-o-noor
suna hai ho bhi chuka hai visal-e-manjil-o-gaam
badal chuka hai bahut ahal-e-dard ka dastoor
nishat-e-vasl halal-o-ajaab-e-hizr-o-haraam
jigar ki aaga, najar ki umanga, dil ki jalan
kisi pe chara-e-hijran ka kuchh asar hi nahin
kahan se aaee nigar-ye-saba, kidhar ko gaee
abhi charag-e-sar-e-rah ko kuchh khabar hi nahin
girani-e-shab men kami nahin aaee
nizaat-e-deed-o-dil ki ghadi nahin aaee
chale chalo ki vo manzil abhi nahin aaee

Ye to thi meri samajh ke hisab se is urdu nazm ka anuvad karane ki ek koshish. Sambhavtah isamen kuchh trutiyan bhi ho sakati hain. Waise kuchh dinon pahale mujhe Qurtulin Haidar ki kitab aag ka dariya ke angreji anuvad The River of Fire ke ek ansh ko padane ka mauka mila tha. us kitab men Faiz ki is nazm ka sankshipt anuvad karate huye Qurtulin ji ne likha tha

This blighted dawn , this darkened sun. This is not the morning we waited for.We went forth in the desert of heaven, hoping to reach our destination of stars. We hoped that, somewhere, we would come ashore from the placid river of the night, that the barge of sorrow would end its cruise. Whence came the early morning breeze, where did it go? The wayside lamp does not know. The night's burden has not diminished, the hour of deliverance for eye and heart has not arrived. Face forward! For our destination is not yet in sight.

To aaiye sunen jane mane abhineta Nasiruddin Shah ki dharadar aawaaz men Faiz ki ye nazm

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Tumhare Shahar ka Mausam Bada Suhana Lage...Anoop Jalota

Jab bhi purani ghazalon ki baat sochata hoon mujhe assi ka dashak rah rah kar yaad aata hai. Ab agar koee ye kahe ki miyan tum kya der se jage ho ghazalein to hamare baap dada ke zamane se chalti aa rahi hain to vo baat bhi sahi hai. Assi ke dashak se purani kaee ghazalen sach poochhiye to pichhale ek dashak men hi sun paya hoon. Par ab karen kya ghazal ki bhavanaon ko samajhane ki umr bhi to 1985 ke bad hi aaee na.

Waise bhi jis sangeet ko aap sunte huye bade hote hain vo aapki vastavik zindagi ka hissa ho jata hai. Jab bhi aisi hi koee ghazal ya geet barabas yaad aata hai to apne sath us samay ki bahut si yaadon ko sametata huaa aata hai.

Aaj ek aisi hi ghazal aapake samane pesh hai jise assi ke dashak mein khasi lokapriyata hasil huee thi. ise apani aavaj di thi bhajan samrat kahe jane vale Anoop Jalota sahab ne. Ye ghazal 1984 men releae huye album Farmaish ka aham hissa thi. Pahli baar jab ise suna tha to mujhe Jalota sahab ka ghazal shuru karne ke pahale kaha gaya sher asamanjas men daal gaya tha.

ghazal men bandisho alfaaz hi nahin kafi
jigar ka khoon bhi chahiye asar ke liye

Iss 'jigar ke khoon' ka marm samajhane men mujhe teen char saal aur lage. Phir to is sher ke sath poori ghazal ko sunana mujhe bahut achchha lagne laga. Isaki ek wajah ye bhi thi ki Qaisar ul Zafari sahab ne ek aisi roomani ghazal likhi thi jo aasani se ek hindi bhashi ko bhi samajh aa jaye. Waise bhi kishoravastha ki dahalij par aisi bhavanayen kuchh jyada hi asar karti thin.

Anoop ji ne bhi badi tabiyat se iska har sher gaya hai. Matle men mausam ko chhah baar kahne ka unka andaaz nirala hai. Khoobsoorat vady sanyojan ke sath sath apne chiraparichit andaj men Anoop ji vah vahi batorane vala shastriy aalap ko lena bhi nahin bhoole hain.

Anoop Jalota ek aise gayak hain jo us zamane se lekar aaj tak sune jate rahe hain. Ve baraha desh videshon men concert dete rahte hain. Bhakti sangeet ke saikadon albums men apani aavaj dene ke baad aajakal vo apana samay bhavi gayakon ko sikhane men lagate hain. Unhonne ghazal gayiki bilkul band to nahin ki par ghazalon ke ab unake ikka dukka album hi aate hain. To der kis baat ki..Baat shuru ki jaye unake pyare shahar ki

tumhare shahar ka mausam bada suhana lage
mai ek sham chura loon agar bura na lage

jo doobana hai to itane sukoon se doobo
ki aas paas ki laharon ko bhi pata na lage

tumhare bas me agar ho to bhool jao hamein
tumhen bhulane me shayad hamein zamana lage

na jane kya hai kisi ki udas aankhon mein
wo munh chhupa ke bhi jaye to bewafa na lage

hamare pyar se jalne lagi hai ik duniya
duaa karo kisi dushman ki badduaa na lage

Anoop Jalota ki is ghazal men janab Qaisar-ul-Zafari ke ye ashaaar nahin hain..

kuchh is ada se mere sath bewafaee kar
ki tere baad mujhe koee bewafa na lage

wo phool jo mere daman se ho gaya mansoob,
khuda kare use bazar ki hava na lage

tum aankh moond ke pi jao zindagi 'qaisar',
ki ek ghoont me shayad ye badamaza na lage

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Budhiya Kabbadi aur Bachpan Ke We Anmol Din...

To aaj hai bachchon ka din yani baal divas ! to kyoon na is din bachpan ki kuchh baton ko sajha kiya jaye ek behad dilaazeez geet ke sath. Samay ke sath kitana badal gaya hai tab aur aaj ka bachpan. Tab bhi mastiyan aur shaitaniyan hoti thin aur aaj bhi. fark aaya hai inake taur tarikon men, tab ke aur aaj ke mahaul men.

Bachpan ki smrtiyon par najar daudaoon to bahut sari baten anayas hi man men aati hain. Pedon par rassi laga kar jhoola jhoolana, imali ke ped ki darate darate chadaee karana, tokari ko tirachha kar rassi ke sahare chidiya ko pakadane ki koshish karana, harane ya khel men na shamil kiye jane par tesuye bahana, man ka na hone par bar bar ghar chhodane ki dhamaki de dalana aur aisi hi na jane kitani aur baten. par aaj bat un khelon ki jinhen khelate huye bachpan ka ek bada hissa bita.

Bachpan men pahala khel jo hamanen sikha tha vo tha Budhiya Kabaddi. agar aap is khel se vakif na hon to ye batana jaroori hoga ki is khel men apani sans bina tode bari bari se vipakshi dal ke khiladiyon ko daudana aur inhen chhu kar vapas aana hota tha. Aisa isaliye kiya jata tha taki ek gol rekha ke andar khadi apane dal ki budiya ko bhagane ka rasta mil jaye. Kabaddi ke is parivartit roop men gol rekha ke andar khade khiladi ko budiya kyoon kaha jata tha ye abhi bhi meri samajh ke bahar hai.

Zahir hai jitani lambi saans hogi utane hi adhik khiladiyon ko daudakar aap budiya ka kam aasan kar sakate the. ab ek sans ko lene ke liye kaee tarike the. sabase prachalit hota tha

shail tieeeeeeeeeeeeeeeeeeeeeeeeeeeeeeeeeeeeeeeeeeee............. ya fir

kabaddi ke bad baddi bad baddi bad baddi......

Par in donon tarikon men sans men her fer yani cheating karane ki gunjaish kafi kam hoti thi to ham log inaka istemal kam hi karate the. sabase majedar rahata

shail dalle chhu dalle chhoo dalle chhoo dalle chhoo...

bolana kyoonki ye itani dhimi gati se bola jata ki sans le lene ka pata hi n chalata. Agar vipakshi khiladi shikayat karte to ham apane doosare sahare Prakash Lal ki sharan men chale jate. Ab ye n poochhiyega ki ye Prakash Lal kaun tha kyoonki ham to use jane bagair hi usaka marsiya padh dete the yani

shail kabaddi aas lal mar gaya prakash lal mera kurta lal lal lal lal...

Budiya kabaddi ka shumar to ab luptapray khelon men kar lena chahiye. par gilli danda, rassi aur lattoo, kanchoin, pitto, konon ki adala badali aur rumal le kar bhagane vale khel to kasbon aur ganvon men jaroor khele jate honge. aaj to bajar men har aayu varg ke liye tarah tarah ke aakarshak khel hain khasakar tab jab aapaki jeb men inake liye paryapt paise hon. vaise bhi aaj ke bachchon ke hatha, mobile aur computer ke keybord men game khelne ko itane siddhast ho jate hain ki unhen gilli aur dande ko pakadane ki jaroorat hi kya hai. par jo bachche in suvidhaon se abhi bhi door hain unake liye to ye khel aaj bhi mauj masti ki tarang jaroor late honge.

To aaiye aaj aapako vo geet sunaoon jo mujhe apane bachpan ki inhin yadon ke bahut kareeb le jata hai. Sujata film ke is geet ke bol likhe the Mazrooh Sultanpuri ne aur sangeetabaddh kiya tha Sachin Dev Burman sahab ne. Geeta Dutt aur Asha ji ne jo chuninda yugal geet gaye hain unamen se ye ek tha. gayiki, sangeet aur bol teenon ke lihaz se ye geet mujhe pasand hain ..



bachpan ke din bachpan ke din
bachpan ke din bhi kya din the hay hay
bachpan ke din bhi kya din the
udate phirte titali ban ke bachpan....

vahan firate the ham phoolon men pade
yahan dhoondhate sab hamen chhote bade
thak jate the ham kaliyan chunte
bachpan ke din bhi kya din the
udate phirte titali ban ke bachpan.....

kabhi roye to aap hi hans diye ham
chhoti chhoti khushi chhote chhote vo gham
hay re hay hay hay hay re hay
kabhi roye to aap hi hans diye ham
chhoti chhoti khushi chhote chhote vo gham
hay kya din the vo bhi kya din the

bachpan ke din bhi kya din the
udate phirte titali ban ke bachpan ...

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Mujhe Dard-e-Dil ka Pata Na Tha, Mujhe Aap Kis Liye Mil Gaye ?

Aadami ki fitarat azeeb si hai. Chahata kuchh aur hai aur kahta kuchh aur. Ab bhala zindagi ki rahon men koee haseen hamsafar mil jaye to isamein dikkat kahan hain janab ! Par dekhiye ab koee mil gaya to itara rahe hain ye kahate huye ki main to akele hi bade aaram se tha. Ab bhaiya ek adad dil ki talash men mare mare firoge aur ek ke sath ek free vali scheme men dard lazimi taur par milega to kya kalapane lagoge :)?

Par ye to hamare aapake dikhane ki baat hai. Andar hi andar to ham dard-e-dil ko bhi shiddat se mahsoos karna chahte hain. Faraz aisee to nahin kah gaye

pahale pahal ka ishq abhi yad hai faraz
dil khud se chahta hai ki rusavaiyan bhi hon

Par jahan ye bat sahi hai, vahan is sachchaee se bhi inakar nahin kiya ja sakta ki jab hamari samajh se apne star se bahut achchha hamen apana leta hai to ek or to hamen badi khushi milti hai par doosari or rah rah kar andar ki heen granthi hamen apani tuchchhata ka ahasas bhi dilati rahti hai.

To aaj aise hi bhavanaon se ootprot is geet ki bat karna chahata hoon. Ise likha tha Mazrooh Sultanpuri ne aur isaki dhun banaee thi Chitragupt ne. Mazrooh ne ye geet shayad aise hi kisi kiradar ke liye likha hoga. Shayad isaliye ki jis film ka ye geet hai vo mainne dekhi nahin. Film ka naam tha 'Aakashdeep' jo 1965 men pradarshit huee thi. Waise you tube ke video se ye spasht hai ki ise filmaya gaya tha Dharmendra aur Nanda ji par.


Ye geet Rafi sahab ke gaye mere pasandida geeton men se ek hai to suniye Rafi ki gayiki ka kamal ..




mujhe dard-e-dil ka pata na tha
mujhe aap kisliye mil gaye
main akela yoon hi maje men tha
mujhe aap kisliye mil gaye....

yoon hi apane apane safar men gum
kahi door main, kahi door tum
chale ja rahe the juda, juda
mujhe aap kisliye mil gaye....

main garib hath badha to doon
tumhen pa sakoon ki na pa sakoon
meri jaan bahut hain ye faasla
mujhe aap kisliye mil gaye....

na main chand hoon, kisi shaam ka
na charag hoon, kisi baam ka
main to raste ka hoon ek diya
mujhe aap kisliye mil gaye....

Waise chalate chalate kuchh bate sangeetakar Chitragupt yani Chitragupt Shrivastav ke bare men. Yoon to Chitragupt bhojapuri filmon ke moordhany sangeetakar mane jate hain, par hindi filmon ke liye bhi unhonne kuchh nayab nagme diye. Chitragupt ka talluk bihar se tha aur rochak tathy ye hai ki mumbai ki mayanagari men sangeetakar banne ke pahale vo college mein lecturer the. Waise kya aapko pata hai ki chitragupt ki sangeetik virasat ko kisne aage badaya ? vahi 'Qayamat se Qayamat tak ' ki sangeetakar jodi Anand-Milind ne, jo Chitragupt ke suputr hain.

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Main Chala Main chala Is Dagar Us dagar : A sweet melody from Shreya and Sukhwinder

Pichhale saal jab varshik sangeetamala ke apane pasandida geeton ka chayan kar chuka tha, tab ye geet mujhe sunane ko mila. Lihaza ye meri varshik sangeetamala 2008 ka hissa nahin ban paya tha. Ye geet tha film Black & White ka. Agar aapko is film ka nam yaad nahin aa raha to isamein aapka koee kasoor nahin. Film cinemaghar ke parde ki shobha zyada dinon tak nahin badha saki thi.

Waise vishuddh vyavasayik film banane vale Subhash Ghai ne is film ke zariye vastavik zindagi ke kareeb aane ki koshish ki thi. Par Subhash Ghai jaisi bhi filmein banayen apni filmon ke sangeet ke chayan ke prati behad sajag rahe hain. Is hat ke banaee gaee film ke sangeetakar ke taur par unhonne chuna tha lokapriy gayak Sukhvindar Singh ko. Aur aaj jis geet ki bat main aapse kar raha hoon usamein Sukhwindar ji ke hunar ka kamal saaf dikhaee deta hai...

Chidiyon ki chahchahat, gayika ka madhur aalaap, chalati train ki aawaz ke sath sammohit karati aaranbhik dhun ke dwara is geet se aap roobaru hote hain. Jab tak aap is aaranbhik sammohan se nikalen Shreya Ghoshal ki khanakati aavaj aur Ibrahim Ashq ke bol zidagi ki rahon mein sath sath chalne par majaboor kar dete hain. Shuruaati dhun ko interludes mein baraqarar rakh kar Sukhwindar is geet ka maza doona kar dete hain. To aaiye pahale sunein kokil kanthi Shreya Ghoshal ke svar mein ye Geet..



main chali main chali
is gali us gali
is dagar us dagar
is taraf us taraf
sath mere chale zindagi ka safar...

hansati hain titaliyan, muskuraye zamin
badalon ki hansi gunagunaye kahin
dil ki dhadkan chale, waqt ki chhanv mein
dard ki mastiyan nachati panv mein..

is gali us gali
is dagar us dagara, aye mere hamsafar
main chali main chali
sari duniya se main ho gaee bekhabar
sath mere chale zindagi ka safar...


meri payal mein hain bol sab pyar ke
choodiyon mein bhi hain lafz iqarar ke
mere hothon pe hain geet izhaar ke
khvab aankhon mein hai tere didaar ke
hai yahi to mere pyar ki rahaguzar
main chali main chali..main chali main chali

Waise is geet ka ek aur version hai jise Sukhwindar ne apani aavaj se sanvara hai. Shreya vale varsan mein geet ka mood jahan romantic hain vahin Sukhwindar ke is varsan mein geetakar philosophical nazariye se zindagi ke badalate raston se hamein le jate hain. Is baar antare mein piaano ki dhun bhi karnapriy lagti hai. to Sukhwindar ji ke gaye is geet ko suniye ..




main chala main chala
is gali us gali
is dagar us dagar
is taraf us taraf
sath mere chale zindagi ka safar...

ajanabi raste, ajanabi hai jahan
main kahan se kahan aa gaya hoon yahan
ajanabi raste, ajanabi hai jahan
main kahan se kahan aa gaya hoon yahan.......
saat rangon ki hai teri duniya hasin
hai ujala kahin to hai andhera kahin
hai kahin sham to kyoon kahin hai sahar
main chala main chala...

kaisi hain ulajhanen kaise halaat hain
dil mein umade ye kaise jazbat hain
kaisi hain ulajhanen kaise halat hain
dil mein umade huye kaise jazbat hain.......
hai dhuaan hi dhuaan raston ke nishan
har kadam par mere hausale hai javan
meri manjil mujhe aa rahi hai nazar

main chala main chala
is gali us gali
is dagar us dagar
is taraf us taraf
sath mere chale zindagi ka safar...

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Roz Sapne Dekh, lekin is Qadar Pyare na Dekh : Dushyant Kumar ki Ek Prernadayak Ghazal..

Veer ras ki kavitayen to bachpan se hi padate sunate aaye hain. Dinakar ya Subhadra Kumari Chauhan jaise kavi kavayitriyon ki rachanayen chhutapan se hi hamari shiraon men rakt pravah ko tej kar deti thin.

Par ye bataiye ki kitani ghazalon ko padane ke bad bhi vaise hi ahasasat se aap roobaru huye hain. nishchay hi apekshakrit ye sankhya kam rahi hogi. Ghazalein apne svabhav se hi komal bhavanaon ko samahit karati chalati hain par jaisa ham sabhi janate hain ki kaee ghazalakaron ne badalate waqt aur mahaul ke sath inamein alag alag rang bharne ki koshish ki hai. Faiz ki kaee nazmein isi shreni ki rahi hain par jab ghazalon ke bare men sochata hoon to mere zehan men dushyant kumar ji ki kaee ghazalein ek sath ubhar kar saamne aati hain.

Bharat men hindi ghazalon ke janak kahe jane vale Dushyant Kumar ki aisi hi ek ghazal aapke samane pesh kar raha hoon. Ye ghazal hamen utprerit karti hai is baat ke liye ki kisi bhi kaary ko poora karne ke liye, doosaron ki taraf aasha bhari nazaron se dekhane ke bajaye khud kuchh karane ki lalak honi chahiye. Dushyant ji ne is ghazal ke har sher men vibhinn roopakon ki madad se is baat ko purzor dhang se rakha hai.


Dushyant ji ko kabhi sunne ka avasar nahin mila is baat ka mujhe hamesha afsos raha hai. Iss mahan shayar ki likhi ye preranadayak panktiyan mere dil par kya asar dalti hain ise vyakt karane ka sabase achchha zariya yahi hai ki ise main padakar aap tak pahunchaoon. to ye raha mera prayas..

aaj sadakon par likhe hain sainkadon nare n dekh
ghar andhera dekh tu, aakash ke tare n dekh.

ek dariya hai yahan par door tak faila huaa
aaj apane baazuon ko dekh patavaren n dekh.

ab yaqinan thos hai dharti haqiqat ki tarah
yah haqiqat dekh, lekin khauf ke mare n dekh.

ve sahare bhi nahin ab, jang ladni hai tujhe
kat chuke jo hath, un hathon men talavaren n dekh.

dil ko bahala le, izazat hai, magar itana n ud
roz sapne dekh, lekin is qadar pyare n dekh.

ye dhundhalaka hai nzjar ka, tu mahaz mayoos hai
roganon ko dekh, deewaron men deewarein n dekh.

raakh, kitani raakh hai, charon taraf bikhari huee
raakh men chingariyan hi dekh, angare n dekh.

Aasha hai ise sunane ke bad aisi hi kuchh bhavanaon ka sanchar aapke dil men bhi huaa hoga..

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Aaye Kuch Abra Kuch Bahar Aaye : Runa Laila / Faiz Ahmad 'Faiz'

Deepavali ek aisa tyohar hai jiski gahamagahami men blog ki or bhi rukh karane ko ji nahin chahata. Saal ke in dinon men purani smrtiyon se gujarna achchha lagata hai. Aap kahenge deepavali se purani smrtiyon ka kya lena dena? Darasal jab bhi ghar ki saaf safaee men apane aap ko lagata hoon, kuchh purane khaton, tasaviron,kaghazaaton aur unase judi yadon se apane aap ko ghira pata hoon. Deep se lekar patakhe jalane tak men apane bachche ke sath khud bhi bachcha banane ki khvahish rahati hai meri. Phr bhala ek bar net se door jane par blog ki baat bhi kyoon yad aaye?

Par ab to Deepavali ko khatma huye ek hate se zyada ho gaya hai. Aur shukr ki bat hai ki is bar ki Deepavali kisi manav nirmit hadase ke bina hi gujar gaee. Par man abhi bhi anmana sa hai. Kyoon hai ye anamanapan pata nahin. Shayad chhuttiyon se laut kar fir dainik dinacharya se bandhane ki kheej hai ya man men atka koee bina bat ka fitoor. Deepavali ke pahale Faiz ke ek qalam ko dhoondh kar rakha tha tabiyat se sunne ke liye aur aaj vahi kar bhi raha hoon ...


Aur jab Faiz ki ghazal ke kuchh ashaaaron ko Runa laila ki khanakati aawaz ka sahara ho to ghazal ki taseer hi kuchh aur ho jati hai






aaye kuchh abra1 kuchh sharab aaye
usake bad aaye jo ajaba2 aaye
1-badal, 2-musibat

bam-e-mina3 se mahataba4 utare
dast-ye-saqi5 men aafataba6 aaye
3 - svarg ki chhat, 4- chandani, 5 - saki ke hathon men, 6 - soory kiranein

har rag-e-khoon mein fir charagan ho
samane fir vo benaqab aaye

kar raha tha gam-e-jahan ka hisab
aaj tum yaad behisab aaye

na gaee tere gam ki sardari7
dil men yoon roz inaqilab aaye
7 - tandav, aatank

is tarah apani khamoshi goonji
goya har simat8 se javab aaye
8 - taraf

‘Faiz’ thi rah sar-basar manjil
ham jahan pahunche kamayab aaye

Aisi aawaaz aisi composition ko sune ab arsa beet gaya. Waise pichhale mahine Runa ji music today ke vibhinn avasaron men gaye jane vale punjabi geeton ke is album ke liye das saal baad bharat ki yatra par aaeen thin. Runa ji ne us dauran diye gaye ek sakshatkar men bataya

Mainne jab gana shuru kiya to main barah sal ki bhi nahin thi. Uss zamane ki filmen parivaronmukh samajik parivesh se judi hoti thin. Aisa nahin ki aaj ki filmen aisi nahin hain par aajakal dhyan stunt aur sundar sthalon par ki jane vali shooting par kahin jyada hai. Uss zamane ki baat karoon to sangeet behad aham hissa huaa karata tha filmon ka. Uss waqt log sangeet sunne ke liye film dekhte the. Sangeet recording ek samajik utsav lagta tha jahan sab apne kirdaron ko bina thodi si galati ke nibhana apana kartavy samajhte the.

Aaj to studio men aaye poochha gana kya hai, alag alag panktiyan ya kabhi kabhi to shabd ga diye aur ho gaya ji geet taiyaar. Ye behad aasan hai par mujhe lagta hai ki aisa karate waqt hum un bhavanaon ko kho dete hain jo poore geet ko ek sath gane men aati hain.

Bilkul waziib farmaya roona laila ji ne ! vaise mujhe to lagata hai ki aaj bhi log achchhe sangeet ki vajah se cinema dekhane jana chahate hain. par vaisa sangeet dene ke liye jis mehnat ki jaroorat hai us maapdand ko saal men char panch filmen hi poori tarah paida kar pati hain. Agar hamare roona laila jaise shaidaiyon ki khushakismati rahi to hindi film jagat men bhi Runa ji ki aavaj ko sunne ka mauka ek bar fir mil payega.

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Chhath Song : Marbo Re Sugwa Dhanuk Se..Suga gire Murjhaye

Click Here to read this post in Hindi (Devnagari) script.

aaj Chathth Parva hai. Aaj shrrddhaalu Doobate sooraj ko arghy denge aur kal bhor me doosara arghy ugate sooraj ko diya jayegaa. chhaTh ka naam Bihaar aur poorvee Uttar Pradesh ke sabase paavan parvo me shumaar hota hai. vishva mein jahaa kahee bhee in pradesho ke log ge hai vo apane saath isakee paramparao ko le kar ge hai. chhaTh jis dhaarmik utsaah aur shrrddha se manaaya jaata hai isaka andaaja isee baat se laga sakate hai ki jab teen chauthaee pulisavaalo ke chhuTTee par rahate hue bhee bihaar jaise raajy me is dauraan aaparaadhik gatividhiyaa sabase kam ho jaatee hai.

ab chhaTh kee baat ho aur chhaTh ke geeto ka jikr na ae ye kaise ho sakata hai. bachapan se muze in geeto kee lay ne khaasa prabhaavit kiya thaa. in geeto se juDee ek rochak baat ye hai ki ye ek hee le me gaye jaate hai aur saalo saal jab bhee ye din aata hai muze is lay me chhaTh ke geeto ko gunagunaane me behad aanand aata hai. yoo to shaarada sinha ne chhaTh ke tamaam geet ga kar kaafee prasiddhi praapt kee hai par aaj jis chhaTh geet kee mai charcha kar raha hoo use mainne Teevee par bhojapuree lok geeto kee gaayika devee kee aavaaj me suna tha aur itane bhaavanaatmak andaaj me unhonne is geet ko gaaya tha ki meree aankhe bhar ayee thee.

isase pahale ki ye geet mai aapako sunaoo, isakee prShThabhoomi se avagat karaana aapako jarooree hogaa. chhaTh me soory kee araadhana ke lie jin falo ka prayog hota hai uname kela aur naariyal ka pramukh sthaan hai. naariyal aur kele kee pooree ghaud guchchha is parv me prayukt hote hai.

is geet me ek aise hee tote ka jikr hai jo kele ke aise hee ek guchchhe ke paas manDara raha hai. tote ko Daraaya jaata hai ki agar tum is par chonch maaroge to tumhaaree shikaayat bhagavaan soory se kar dee jaegee jo tumhe nahee maaf karenge. par fir bhee tota kele ko jooTha kar deta hai aur soory ke kop ka bhaagee banata hai. par usakee bhaarya suganee ab kya kare bechaaree? kaise sahe is viyog ko ? ab to na dev ya soory koee usakee sahaayata nahee kar sakate aakhir pooja kee pavitrata jo naShT kee hai usane.

ye geet thoDee bahut fer badal ke baad sabhee pramukh bhojapuree gaayako dvaara gaaya gaya hai. to pahale sune meree ise gunagunaane kee koshish






kerava je farela ghavad se
oh par suga meDaraay

u je khabaree janibo adik (sooraj) se
suga dele juThiyae

u je marabo re sugava dhanuk se
suga gire murazaay

u je suganee je roe le viyog se
aadit hoi na sahaay
dev hoi na sahaay

ab 'Devee' ka gaaya hua ye geet to muze nahee mil saka par aap sab ke lie Anuraadha Podwaal ke svar me ye geet prastut hai

Click Here to post your comments.

Wo Ishq Jo Hum Se Rooth Gaya Ab Uska Haal Batayein Kya : A sensitive ghazal by Fareeda Khanam / Athar Nafees

Pichhali post men ham baat kar rahe the shikave aur shikayaton ki jo rishton ki chamak banaye rahte hain. Par yahi shikayaten is had tak badh jayen ki mamala prem se virah ka roop le le, tab kitne kathin daur se gujarta hai ye tanha dil! Sach poochhiye to zindagi badamaja ho jati hai. Koee hansi thitholi hamen bardasht nahin hoti. Ham doosaron se to door bhagate hi hain apani yadon se bhi peechha chhudane ki koshish men lage rahte hain. Par kamabakht yaden nahin jatin. Vo rahati hain hamare aas pas.... hamare ekakipan ke ahasas ko aur pukhta banane ke liye.

Pakistani shayar Athar Nafees ki mashahoor ghazal vo ishq jo hamse rooth gaya, ab uska haal batayen kya, men kuchh aisi hi bhavanaon ki jhalak milti hai. Athar sahab ne shayad jyada likha nahin. Unaki niji zindagi ke bare mein to pata nahin par apani diaryi men unke likhe kuchh ashaaar hamesha se dil ko chhoote rahe hain. Masalan ye sher mulahaja faramaiye

jal gaya sara badan in mausamon ki aag men
yek mausam rooh ka hai jisamen ab jinda hoon main

ya fir ise hi dekhiye
mere hothon ka tabassum de gaya dhokha tujhe
toone mujhako baag jana dekh le sehara hoon main

aur unaki likhi ye panktiyan bhi mujhe pasand hain
toot jate hain kabhi mere kinare mujh men
doob jata hai kabhi mujh men samandar mera

to aaiye lautte hain athar sahab ki ghazal para..

vo ishq jo hamase rooth gaya, ab usaka haal batayen kya,
koee mehar nahin, koee qahar nahin, fir sachcha sher sunayen kya
qahar - vipatti

Jo meri prerana, meri bhavanaon ki shrot thi jab vo hi mujhse rooth kar chali gaee fir uske bare men baten karne se kya fayada. Uske jane se jyada badi aafat kaun si aa gaee jo is bujhe dil men sachche ashaaaron ki ravani bhar de!

ek hijr jo hamako lahak hai, ta-der use duharayen kya,
vo zahar jo dil men utar liya, fir usake naaz uthayen kya
hijr -viyog, lahak- mila huaa, naaz - nakhre

Mujhe apane viyog ke sath kuchh pal to ekant men jine dijiye. Ek bar jis gham ko pi liya use sab ke samane dohra kar bematalab tool dena mere dil ko gavara nahin hai.

ek aag gam-ye-tanhaee ki, jo sare badan men fail gaee,
jab jism hin sara jalta ho, fir daman-e-dil ko bachayen kya

Aap kahate hain sanbhalo apane dil ko? Saval to ye hai ki kis kis ko sambhale ? Ab to is jism ka koee bhi hissa usaki tadap se achhoota nahin rah gaya hai.

ham nagmasara kuchh ghazalon ken, ham sooratagar kuchh khvabon ke,
bezazba-e-shauk sunayen kya, koee khvab n hon to batayen kya
nagmasara - gayak

Thik hai dost ki hamne bhi zindagi men chand hasin khvab dekhe hain..Is mehfil men kuchh ghazalen gaee hain par vo tab ki baat thi. Aaj is udasi, is tanhaee ke aalam men mujhse kuchh sunne ki ummeed aap kaise rakh sakte hain. Iss vyathit hrday men to ab sapanon ke liye bhi koee jagah nahin bachi.

Is ghazal ko itni makabooliyat dilane men jitna Athar Nafes ka hath hai utana
hi shrey pakistan ki mashahoor ghazal gayika Farida khanam ko bhi milna chahiye. Farida ji ki gayiki se to aap sab vakif hi hain. Farida ji ki aawaz ka lutf uthaiye aur bataiye ki ye ghazal aapko kaisi lagi?.

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Koee Shikwa Bhi Nahin...aur Tumhein Hum se Wo Pehli si Mohabbat bhi Nahin...

Pyar bhi ek azeeib si fitrat hai. Pahle to kisi ka dil jeetane ke liye mashakkat keejiye . Aur agar vo mil gaya to bhi chain kahan hai janaab ! Use khone ka dar bhi to sath sath chala aata hai. Aur to aur paristhitiyan badalti rahein to bhi hamare sathi ki hamase ummid rahti hai ki pyar ki tapish bani rahe. Aur gar aap sathi ke khayalaton ki sudh lene se chooke to fir ye ulahana milate der nahin ki tumhen ham se vo pahali si mohabbat bhi nahin !

Par ye bhi hai ki bina shikave, shikayaton aur manuharon jaise tonic ke prem ka rang fika rah jata hai. Isaliye rishton ki khamoshi bhi man mein shaq aur bechaini paida kar deti hai . Aisi hi kuchh shikayaten liye ek pyara sa nagma aaya tha 1966 mein pradarshit film 'neend hamari khvab tumhare' mein. Roomaniyat mein doobe is geet ko likha tha Rajendra Krishna sahab ne aur is geet ki dhun banaee thi Madan Mohan ne. Geetakar Rajendra ke bolon mein vo kashish thi ki kitne bhi naraaz hamarahi ki muskan ko vapas lauta laye. Bas jaroorat thi ek madhur dhun aur madhury bhari aavaj ki. aur is jaroorat ko bhali bhanti poora kiya Madan Mohan aur Asha Bhosle ki jodi ne..

Ye geet vaise geeton mein shumar hota hai jo bina kisi vadya yantr ke bhi sune jayein to bhi dil ko chhoote se jate hain..To agar aap bhi shikayati mood mein hain to bas apane meet ke paas jakar yahi geet gunguna dijiye na..

koee shikva bhi nahin, koee shikayat bhi nahin
aur tumhen ham se vo pahli si mohabbat bhi nahin
koee shikva bhi nahin....

ye khamoshi, ye nigahon mein udasi kyoon hai?
pa ke sab kuchh bhi mohabbat abhi pyasi kyoon hai?
raj- e- dil ham bhi sunen itani inayat bhi nahin
aur tumhen ham se vo pahli si mohabbat bhi nahin
koee shikva bhi nahin....

pyar ke vade vafa hone ke din aaye hain
ye na samajhao khafa hone ke din aaye hain
rooth jaoge to kuchh door qayamat bhi nahin
aur tumhen ham se vo pahli si mohabbat bhi nahin
koee shikva bhi nahin....

ham vahi apni vafa apani mohabbat hai vahi
tum jahan baith gaye apni to jannat hai vahi
aur duniya mein kisi chij ki chahat bhi nahin
aur tumhen ham se vo pahli si mohabbat bhi nahin
koee shikva bhi nahin....

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Hemant BrijWasi in ZEE Little Champs : Jab Punjabi lokgeet ke is tukde ko sun aankhe geeli ho gayin Asha Tayi Kee !

Navaratr shuru ho gaye hain aur kal Eid sollaas manaee ja chuki hai. Parv tyoharon ke is masti bhare daur mein blog par bhi masti ka rang chadana lazimi hai na. Aaj jo mood man mein tari hai uska poora shrey jata hai Mathura ke gyarah varshiy balak Hemant Brijvasi ko. Hafte bhar se hemant ki aavaj kanon mein goonj rahi hai. 11 September ki us yadagar rat ko Zee TV Little Champs par khud Asha taee padhari thin. Poore karyakram mein ladakiyon ko Asha ji aur ladakon ko Pancham ke gane gane the. Ab pancham ki bhari aavaj aur unaki urjatmak shaili ko das barah saal ke bachchon dvara nibha pana tedhi kheer tha. Phir bhi sab pratibhagiyon ne achchha prayas kiya, par Zamane Ko Dikhana Hai film mein pancham dvara gaye geet dil lena khel hai diladar ka, bhoole se naam na lo pyar ka... ki hemant dvara prastuti itani damdaar thi ki Asha taee tak ko kahana pad gaya ki "aapane to burman sahab se bhi behatar tarike se is geet ko nibhaya".

Poore karyakram mein ek aur baat kamal ki thi aur vo thi gayakon ko jabaradast support deta huaa manabhavan orchestra. Waise bhi Zee TV ke sangeet karyakramon mein kayee salon se manje huye saazkaron ko bajate dekhata raha hoon aur Pancham ki dhunon mein to inki vishesh bhoomika hamesha hi raha karati thi. Pancham ke sangeetabaddh geeton ka parshv sangeet unki anoothi shaili ki gavahi deta hai. Darasal tarah tarah ki aawazon ko paramparik aur gair paramparik vady yantron se nikalane mein Rahul Dev Burman ka koee sani nahin tha.

To lautein apne is surile balak ki oor. Hemant ki damdaar prastuti yaadgaar tab ban gaee jab usane geet ke bad Asha ji ko Bulleshah ke likhe soofiyat mein range punjabi lokageet ka vo tukada sunaya.

charkha de mitta diyan dooriyan...........
ho..main kati javaan teri hor piya dooriyan
gad sakhri ra gad sakhri ra ...
gada.. sakh...rira..
gad sakhri ra varan diye kudiye...........
main paiya aur sipahayiye

Sach maniye Hemant ne un chand panktiyon mein li gaee harkaton ne aisa sama bandha ki hajaron darshakon ke sath-sath Asha ji ki bhi aankhen gili ho gaeen aur ve kah uthin

Hemant agar sabase badi kala koee mani jati hai to vo kala hai sangeet kala. Sangeet kala bhagavan ke nazdeek hoti hai. aur tumhara jo gana hai vo bhagavan ke bahut nazdeek hai.

Nau saal ki aayu se apae pita aur guru Hukumchand Brijvasi se sangeet sikhna shuru karane vale Hemant ko shastriy aur soofiyana nagme gane mein maharat hasil hai. Matr do sal sangeet ki shiksha lene ke baad ye balak geeton mein apani aur se jodi huee vividhataon ka is tarah samavesh karata hai manon geet se khel raha hai. Hemant ki aawaaz aur uchcharan ek shishe ki tarah saaf aur spasht hai par uske sath dikkat yahi hai ki vo apni shaili ke geeton se alag tarike ke geeton mein vo kamal nahin dikhala pata. Par shayad aaj ke yug mein iski jaroorat bhi nahin hai. Har gane ke pahale apani jihva ko banke bihari lal ki jayakar se pavitra karane vala ye balak Nusarat aur Asha ji ko apana aadarsh manta hai. Geet sangeet ke aalava cricket bhi khelata hai aur mauka mile to Shahrukh aur Karena ki filmein dekhana bhi pasand karta hai.

To agar aapane us din is prasaran ka aanand nahin liya to ab le lijiye..






Waise is soofi lokageet ko poora sunne ki ichchha aap ke man mein bhi ho rahi hogi. Is lokgeet ko sabase pahale lokapriy banaya tha soofi ke badashah Nusrat Fateh Ali Khan sahab ne aur fir is geet ko naee bulandiyon par le gaye the jalandhar ke punjabi puttar Saleem Shahajada. Badashah aur shahajade dvara is lokageet ki prastuti ko aap tak pahunchane ki shighr hi koshish karoonga.

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

'Dauran-E-Tafteesh ' an interesting portyal of current Problems of Indian Police by Satish Chandra Pandey

Ek Shaam Mere Naam par bahut dinon se kitabon ke bare mein nahin likha tha. Awwal to kitab padhne ki gati behad dheeme ho gayi hai aur doosre agar kisi kitab ki charcha shuru karne par ye nirnay lena bhi kaphi durooh ho jata hai ki iska kaun sa hissa apne pathakon ke saamne laya jaye.

Pichle mahine jab retired IPS officer Satish Chandra Pandey ki apni service life ke dauraan likhi gayi kitaab Dauraan E Tafteesh (During An Enquiry) padhi to yahi samasya samne aa khadi huyi.

Is kitab ke rochak anshon ko apni khud ki raay ke sath apne Hindi blog
'एक शाम मेरे नाम' par teen bhagon mein prastut kiya hai. Asha hai aapko ye teenon kadiyan pasand aayengi. Agar in kadiyon ko padh kar aapke man mein bhi kuch vichar aate hain to avashya comment karein.

---

इस श्रृंखला की सारी कड़ियाँ

• दौरान ए तफ़तीश भाग-1 : पुलिसिया तंत्र के बारे में लिखा एक पुलिसवाले का ईमानदार संस्मरण !
• दौरान ए तफ़तीश भाग-2 : रिश्वतखोरी, कुछ ना करने की कला, क़ायदे कानून व कागज़ी आदेशों पर पुलसिया सोच !
• दौरान ए तफ़तीश भाग-3 : बॉस की वहशत चलते रहो प्यारे और भारत माता के तीन कपूत !

---

Jaan Ve Jaan Le Haal E Dil : A melodious & touching song by Rahat, Vishal & Munna

Hindi film sangeet ki trasadi yahi hai ki agar film nahin chaali to kaee bar film ka sangeet achchha hone ke bavjood aam jaanta se door rah jaya karta hai. Pichhaale saal aisi hi ek film aaee thi Haal-e-Dil jisamein kaee nami sangeetkar Vishal Bhardwaj, Anand Raj Anand, Pritam aadi ne film ke vibhinn geeton ki dhunen taiyar ki thin. Ajay devagan ke bhaee Anil devagan ki ye film box office par buri tarah piti jisaka khamiyaza isake geeton ko uthana pada tha.


Iss film mein Vishal Bhardwaj ne Munna Dhiman ke likhen shabdon par ek behatarin composition banaee thi jo Rahat Fateh Ali Khan ki gayiki se aur nikhar gaee thi. Vishal Bhardwaj yoon to aksar Gulzar ke bolon pe apana hunar dikhlate rahe hain par Munna Dhiman ke sath bhi unki jugalbandi khoob baithti hai.Yaad hai na 2007 mein nishabd film ke geet jis mein pahli bar munna dhiman ki charcha is chitthe par huee thi. Phir pichhaale sal 'U ME aur HUM' mein bhi ye jodi kuchh had tak safal huee thi. Dil ka haal kahte huye is nagme ko apane bolon, sundar sangeet sanyojaan aur Rahat Fateh Ali Khan ki bemisaal gayiki ki vajah se main is jodi dvara rachi gaee ab tak ki sabase nayab composition manta hoon.

Darasal munna is geet ki roomani panktiyon mein ek aisi gaharaee late hain jo is geet ka star ek doosare dharatal par le jata hai. Misaal ke taur par in panktiyon ko dekhen..

aaja teri aankhon se khvab khvab gujroon main..
aaja tujhe hathon pe
kismaton sa likh loon ve..
aaja tere hothon se baat baat nikloon main..

aaja tere kohare mein dhoop ban ke kho jaoon..

Aur fir kitna adbhut hai Vishal Bhardwaj ka sangeet sanyojaan ! Mukhde ke theek pahle taal vadyon ki thap se man jhoom hi raha hota hai ki Rahat ka ruhani svar ubharata hai aur man geet mein ram sa jata hai. Vishal geet ke pichhe ki beats ko bina kisi jyada chhed chhad ke chalate rahne dete hain. Phir interlude mein guitar ka unaka prayog dhyan kheenchta hai. Waise bhi Rahat ka soofi andaj hamesha se dil ko chhoota raha hai. to aaiye pahle sunen Rahat ko..

Get this widget eSnips Social DNA

jaan ve jaan le , haal e dil
jaan ve bol de , haal e dil
aaja tere sine mein sans sans pighloon main
aaja tere hothon se bat bat nikloon main
tu meri aag se raushani chhant le
ye jameen aasaman jo bhi hai baant le
jaan ve jaan le , haal e dil
jaan ve bol de , haal e dil
aaja mahiya aa ja...aaja mahiya aa ja...
bebasiyan aa ja...aaja mahiya aa ja...
din jogi ratan, sab dasiyan aa ja
teri jholiyan paoon ghar galiyan aa ja
aaja mahiya aa ja...aaja mahiya aa ja...
aaja tere mathe pe chand ban ke utaroon main
aaja teri aankhon se khvab khvab gujaroon main
rag rag pe hain tere saye ve, rag rag pe hain tere saye
rang tera chad chad aaye ve rang tera chad chad aaye
jaan ve jaan le , haal e dila...

aaja tujhe hathon pe kismaton sa likh loon main
aaja tere kandhe pe umr bhar ko tik loon main
teri ankhiyon ke do gahane ve teri ankhiyon ke do gahane
firate hain pahane pahane ve firate hain pahane pahane
jaan ve jaan le , haal e dil...
aaja mahiya aa ja...aaja mahiya aa ja...
aaja tere sine mein sans sans pighaloon main....

Rekha Bharadvaj ne bhi is geet ka doosara version gaya hai jisamein antare thodi tabdili ke sath gaye gaye hain. Munna Dhiman ek bar fir usi form mein hain. Vishal ki parshv beats yahan apekshakrit tez hain. Interlude mein guitar ki jagah bansuri bajti sunaee deti hai. Rekha ji ki gayiki ka anootha andaj to hamesha se man ko sohta hai par kul milakar Rahat Fateh Ali Khan vala varsion jyada asar chhodta hai. to suniye Rekha ji ko isi geet mein..

Get this widget Track details eSnips Social DNA

aa ja rakh le
ud tak le aaja rakh le
man ve.. haye.. kuchh kah de
kuchh sun le jaan ve
jaan ve jaan le , haal e dila...
aaja tere kohare mein dhoop ban ke kho jaoon
tere bhesh tere hi roop jaisi ho jaoon
rag rag pe hain tere saye ve, rag rag pe hain tere saye
rang tera chad chad aaye ve rang tera chad chad aaye
jaan ve jaan le , haal e dila...
tu hi meri nindon mein jagata hai sota hai
tu hi mere aankhon ke paniyon mein hota hai
teri ankhiyon ke do gahane ve teri ankhiyon ke do gahane
firate hain pahane pahane ve firate hain pahane pahane

---

Click Here to read this post in Hindi devnagari script.

Click Here to post your comment on this post .

---