Tuesday, January 23, 2007

Geet # 13 : Roobaroo Roshani Hai...

Seeedhi badli to mood bhi badalte hain ek youthful, mast se song ke sath jise likha ad guru Prasoon Joshi ne aur gaya Naresh Iyer ne.

Ye is geetmaala mein Prasoon Joshi ki aakhiri upasthiti hai. Prasoon ki best creations abhi bhi main Phir Milenge mein unke likhe geeton ko hi maanta hoon.
Bada bahuaayaami vyaktitva hai Prasoon ka, Kehne ko MBA hain par ja pahunche ad industry mein. Coke jaise kayi charchit ads ke creative ideas unke hi dimaag ki upaj hain, apne ads ki jingle khud hi gaate hain aur usse bhi jee nahi bharta to poetry karne baith jate hain.
Aise srijak se salon saal humein kuch achche geet sunne ko milte rahenge aisa mere viswaas hai.

13 vein paaydaan ke is geet ko ek niraale andaaz mein gane wale Naresh ki kahani bhi kam dilchasp nahin.
Mumbai ke Naresh bhaag lene aaye the Channel V ke super singer show mein. Ab super singer pratiyogita se to pehle hi chhat gaye par A.R.Rahman ne jate jate unhein ek chance dene ka vaida kiya. Aur ye mauqa mila Rang De Basanti mein..baki is geet ne yuva man par kitni amitt chhaap chori wo to sarvavidit hai.


To aaiye sunein is taazgi se bhare geet ko jo shuru hota hai guitar ki pyari si bandish se aur jise sun kar shayad aap bhi mehsoos karein ki aap ke andar bhi kahin na kahin wo aag jal rahi hai jo bahar nikal jaye to kitnon ki zindagi, roshani se bhar sakti hai.
abhi abhi hua yaqeen
ki aag hai mujh mein kahin
huyi subaah main jal gaya
suraj ko main nigal gaya
roo-ba-roo roshani , roo-ba-roo roshani hai...

jo gumshuda sa, khwaab tha, vo mil gaya
vo khil gaya
vo loha tha pighal gaya
khichaa khichaa machal gaya
sitaar mein badal gaya
roo-ba-roo roshani , roo-ba-roo roshani hai...

[dhuaan chhataa khula gagan mera
nayi dagar naya safar mera
jo ban sake tu hamsafar mera
nazar mila zara...] (2)
aandhiyon se jaghad rahi hai lau meri
ab mashaalon si badh rahi hai lau meri
naamo nishaan rahe na rahe
ye kaaravaan rahe na rahe
ujaale main pee gaya
roshan huaa jee gaya
kyon sehte rahe....

roo-ba-roo roshani , roo-ba-roo roshani hai...
dhuaan chhataa khula gagan mera .....
roo-ba-roo roshani , roo-ba-roo roshani hai...

Is geet ko aap yahan bhi sun sakte hain

देवनागरी में पढ़ने के लिए यहाँ क्लिक करें ।

4 comments:

Dawn said...

Mujhe bahut khushi hui ye geet yahan dekh kar Manish...since this is one of my fav. too :)
Aur haan gayak ke baare mein jaankari dene ka bahut bahut shukriya...!
I love this song of this movie...jab bhi cd lagta hai to 10 waN gaana sun ne ke liye dil machal ooth ta hai...kyunke mujh mein bhi hai woh aag kaheen ;)
Thanks...
cheers

Manish said...

To apne adar ki aag ko jalaye rakhiye. :p
Waqai josh dilane wala geet hai.

Phoenix Rises said...

I like this song a lot! And after I saw the movie I liked it even more!

Manish said...

PR haan mast song hai with lots of freshness :)