saal ka aakhiri din aur masla saal ke sabse jyada thirakne vaale geeton ko yad karne ka। aaj jashn aur masti ke maahaul ko aap tak pahunchaane ke liye laya hoon is saal ke chhah lokapriya geet jo logon ko thumka lagavaane par majaboor karte rahe।sach poochhiye to jhoomne- jhumaane ke maamale men ye saal pichhale saal se fika jaroor raha hai। pichhale saal pritam ke tvist, chorabaajari aur vishal ke dhain tanan ke aalava peeyoosh mishra ne rajanitik muzara pesh kar jis tarah hamara tan man hilaya tha vo unmaad is saal ke shuruaat ke geet paida nahin kar sake।
is saal geeton men masti ka daur shuru hua ibnabatoota ki vajah se jo apani kabr se achaanak hi joota charamarate hue nikale। ibnabatoota ke joote ki churachurahat sarvaishwar dayal saksena ke prashansakon ke dil ki kirakiri ban gai। tarah tarah ke aarop lage par hamare gulazaar saahab bade itminan se ibn batoota se furra furra chidiya udavate rahe। to aaiye ek baar fir se aanand uthaiye is churamurate aur furafurate se geet ka...
ibn batoota to janawari ki aakhir men aakar nikal ge। isake baad ki kamaan sanbhali shankar ehasaan loe ne film 'kartik kaaling kartikmen। kuch aur vikalp na hone ki vajah se log unki is ada pe kuch din hi sahi par jhoomne ke liye vivash hue.
yaani saal ka pahla uttarardh sookha sookha hi gaya। julaai men aai film aai het lav storeez। ab is film ko dekhne se log prem kathaaon se kitane vimukh hue ye to pata nahin par kuch logon ko to sinema haul men jaakar film dekhne se virakti jaroor ho gai। vishal shekhar ka sangeet jaroor yuvaaon men khasa lokapriya hua। khaaskar film ka ye sheershak geet...
par hindi film sangeet men is saal sab se jyada dhamaal machaya 'munni' ne। saajid vajid ne badanaam hui ka mukhada to pahle ban chuke geeton se uthaya par geet ke antaron men aise aise jhatke diye ki aam janon ne ise haathon haath liya। kya dilli kya rajasthan, kya bihar kya yoopi har jagah munni ki badanami ke charche aam ho ge। shilpa v bebo to dhanya ho gayeen ki abhinaya ke liye na sahi par apani adaon se hi kisi filmi geet men unka nam aa to gaya। aur jhndu brand nem vaalon ki to lotari hi khul gai। bina paisa lagaaye hi aisa prachaar mila ki is peedhi ko apane brandanem ki yad dilane ki unhen aage jaroorat hi nahin padegi।
munni kuch jyada yash batorne lagi to saal ke aakhir men vishal shekhar ki jodi ne sheela ko aage khada kar diya। 'sheela ki javani' ka main to kayal nahin hua par is geet ke baajaar men aane ka samay aisa hai ki varsh ke ant men hone vali partiyon men ye geet filahaal apane nayepan ki vajah se logon ki pasandida list men aaega hi।
par jab saal ka ant kareeb aa raha hai to main aapako ek aise geet ke saath chhodta hoon jo aapako le jaayega agale saal men daler menhadi aur ॠचा sharma ke diye ge ek jor ke jhatke ke saath ..
chalte chalte ek shaam mere nam ke sabhi pathakon aur mitron ko nav varsh ki hardik shubhakamanaayen। agale saal men milenge vaarshik sangeetamala 2010 ke geeton ke saath...
Pichhale ek hafte se main sa re ga ma pa ke apane pasandida pratibhagiyon ke baare men likhta aa raha hoon। sniti aur sugandha ke baad aaj baari thi is saal ke mere sabse chahete gayakranjeet rajwada ki। ranjeet ke baare men sochkar man men khushi aur dukh donon tarah ke bhaav aa rahe hain। khushi is sukhad sanyog ke liye ki jab ranjeet ki gaayiki ke baare men ye pravishti likh raha tha to mujhe pata chala ki aaj gajalon ke rajakumar kahe jaane vaale is bachche ka atharahavaan janmadin bhi hai। aur saath hi malal is baat ka bhi ki ranjeet ko sa re ga ma pa men sunane ka saubhaagya ab aage nahin milega kyoonki pichhale hafte sangeet ke is manch se usaki vidaai ho gai।
par is baat ka santosh hai ki hindi film sangeet ke parshvagayakon ko mauka dene vaale sa re ga ma pa ke manch ne ek khaalis gajal gayak ko bhi apani pratibha ham tak pahunchaane ka mauka diya। aaj ke meediya ki sabse badi kami yahi hai ki ve hamari shandaar saangitik virasat aur vibhinn vidhaon men maharat haasil kiye hue kalakaron ko sahi manch pradaan nahin karati। shastriya gaayiki ho ya soofi sangeet, lokageet hon ya bhakti sangeet, gazalen hon ya kavvaaliyan inhen bhi tivi aur redio ke vibhinn chainalon men utani hi tavazajah ki darakaar hai jitane purane nagmon aur aaj ke hindi film sangeet ko। par meediya ke sangeet v anya chainal sheela ki javani aur munni ki badanami se hi itane pareshaan hai ki is or bhala unka dhyaan kahan ja paata hai? jab tak sangeet ki hamari is anamol virasat ko fanakaron ke madhyam se nai peedhi tak nahin pahunchaya jaayega ye ummeed bhi kaise ki ja sakti hai ki unki tathakathit saangitik abhiruchi badalegi?
isiliye jab ranjeet ko aadishan ke vakat ye dil ye pagal dil mera ....gane par bhi chun liya gaya to mujhe behad khushi hui। sa re ga ma pa men unka safar aur umda ho sakta tha agar maananeeya mentaron ne unki pratibha se nyay karte hue unhen sahi geet ya gazalen di hotin। aaj ka yug vishishtataon ka yug hai। gaayiki ke is daur men rafi, kishor , manna de jaise harafanamaula gayak aapako kam hi milenge। pichhale dashak ke jaane maane gaayakon jaise sonu nigam, abhijeet, udit narayan, kumar shanu, alka yagnik, kavita krishnamoorti filmon men kam aur stej sho men jyada sune jaate hai। aaj to haalat ye hain ki har nami sangeetakaar khud hi gayak ban baitha hai। vishal bharadvaj, vishal, shekhar, saleem,shankar mahadevan isaki kuch jeeti jaagti misalen hain। in kathin haalaaton men sirf un gaayakon ke liye pahachaan banane ke avasar hain jinki gaayan shaili vishisht hai। soofiyat ka tadaka lagaana ho to rahat fateh ali khan, shafakat amaanat ali, kailash kher, rekha bharadvaj,richa sharma sarikhi aavazon ka sahaara liya jata hai। oonche suron vaale geet hon to fir sukhavindar aur daler paji apana kamaal dikhala jaate hain। meethe sur to shreya ghoshal aur hip hop to sunidhi chauhaan। jo jis shreni men avval hai usase vaisa hi kaam liya ja raha hai।
sa re ga ma pa ke manch se jab ranjeet rajavada ne gulam ali ki teen char gazalen badi kaabiliyat se ga lin to hamare moordhanya sangeetakaar vishal ji ko laga ki unake gaayan men koi vividhata nahin hai। bataiye vividhata ki baat vo shakhas kar raha hai jo khud sirf hip hop vaale vaise geeton ko gata raha hai jisamen khoob urja (bahut logon ko lagega ki shor sahi shabd hai) ki aavashyakta hoti hai। agar rajavada se vividhata ke nam par gulam ali ke alava anya mashahoor gajal gaayakon ya purani hindi filmon ki gazalen gavaai jaati to ye fanakar sama baandh deta par unhen kaha gaya ki haaramoniyam chhod kar kuch doosari tarah ka geet chuniye। lihaza ranjeet ne kuch filmi geeton par bhi mazabooran haath aazmaya। natija sifar raha। vo to unki gajal gaayiki se mil rahi lokapriyata thi jo unhen itani saadharan prastuti ke baad bhi bacha le gai।
ranjeet rajasthan ke ek nimn madhyam vargeeya parivar se taalluk rakhte hain। pita ko sangeet ka shauk tha par sangeet ke kshetra men kuch karne ki lalak ko vo falibhoot na kar sake। par bete men jab unako vo pratibha nazar aai to unhen laga ki jo vo apani zidagi men na kar paaye shayad beta kar de। ranjeet ne bhi hotal men kaam karne vaale apane pita ko nirash nahin kiya। chirnji lal tanavar se sangeet seekh rahe ranjeet ne pahle chhoti moti pratiyogitaayen jeeti aur fir 2005 men tatkaaleen rashtrapati se baalashri ka khitab paaya। agale saal aal indiya rediyo dvara bhi sarvashreshth gayak ka inam bhi jeeta। lata di aur sonu nigam jaise maane hue kalakar unhen yahan aane se pahle sun chuke hain। agar aapane abhi tak ranjeet ko gaate dekha suna nahin to ye kaam avashya karen।
dikhne men duble patle aur dame ki beemari se peedit jab ranjeet gaate hain to ek or to haaramoniyam par usaki oongaliyan thirakti hain to doosari taraf gajal ki bhavanaaon ke anuroop usaki aankhon ki putaliyan। ranjeet ne gajal gaayiki ke purane swaroop ko bade salike ke saath in chand hafton men sangeet premi janta tak pahunchaane ka jo kaam kiya hai, usake liye unki jitani prashansa ki jaaye kam hai। aaj antarajaal par jagah jagah log ranjeet rajavada ki gaayiki ki misalen dete nahin thak rahe hain aur khushi ki baat ye hai ki iska bahut bada hissa vaise yuvaaon ka hai jinhonne gajal ko kabhi theek se suna hi nahin।
sa re ga ma pa ke is safar men ranjeet ne jyadatar apane pasandida gajal gayak gulam ali ki gazalen gaayeen। hangama hain kyoon barapa thodi si jo pi li hai...., chupke chupke rat din aansu bahaana yad hai..., ye dil ye pagal dil mera.... , aaj jaane ki jid na karo... in sab ki prastutiyon men unhonne khoob taaliyan batori par mujhe unki sabse behatareen prastuti tab lagi jab unhonneyad piya ki aaegaya। raghubeer yaadav ke sammukh gaaye is geet men ranjeet ko deepak pandit ki voyalin aur baansuri par paaras jaise nami saajakaron ke saath gane ka mauka mila aur unhonne is avasar par apane suron men koi kami nahin hone di। to suniye ranjeet ki ye prastuti
ranjeet aapako ek baar fir se apane atharahaven janmadin ki badhaai। meri shubhakamna hai aap gajal gaayiki men jis mukaam par itani chhoti umr men pahunche hain usamen aap khoob tarakki karen aur riyaz ke saath saath apane swasth ka bhi dhyaan rakhen।
sa re ga ma pa par ubharati pratibhaaon ke baare men baat karte hue pichhale hafte aapase baat hui sniti mishra ke baare men। par aaj ki ye pravishti hai sugandha mishra ke baare men। sniti ki tarah hi sugandha bhi shastriya sangeet ki ubharati hui gaayika hain। sa re ga ma pa ke is saal ke pratibhagiyon men sugandha hi ek aisi pratibhaagi hain jo yahan aane ke pahle hi tivi ke darshakon ke bich apani pahachaan bana chuki hain। par ye pahachaan unhen apani gaayiki ki vajah se nahin balki star van men aane vaale karyakram loftar chaileanj men mimikari karne ki vajah se mili hai।
bahumukhi pratibha ki dhani sugandha saal dar saal vibhinn yuva mahotsavon men shastriya gaayan men dher saare puraskar batorne ke saath saath vestarn solo shreni men bhi puraskrit ho chuki hain। par vo aaj meri is post ki kendra bindu men hain to apane lajavab shastriya gaayan ki vajah se।
pachchees varsheeya sugandha ke pita santosh mishra dooradarshan ke jaalndhar kendra men steshan doyarektar ke pad par karyarat hain। bahut chhoti umr se unhonne apane dada pandit shankar lal mishra se sangeet ki shiksha leni shuru ki। sugandha ka poora parivar sangeet se juda hai। chacha arun mishra sitaar vaadak hain। dada ji indaur ke ustad ameer khan ke shishya rahe hai। unhen sugandha ka mimakari karana aur paashchaatya sangeet men dakhal dena achchha nahin lagata। par sugandha shastriya sangeet ko apanaate hue in vidhaon men bhi apane hunar ko bikherte rahana chahati hain। aaj ke yuvaaon ki tarah sugandha ke liye bhi shoharat aur paise ki ahamiyat hai aur vo maatra shastriya sangeet ka daman pakad kar gumanami ki jindagi nahin jeena chahati। mere khyal se is tarah ki soch men koi buraai nahin basharte ye unki shastriya gaayan ki pratibha ko prabhavit nahin kare।
sugandha ki mimakari ke saath gane ki kai jhalaken main pahle bhi dekh chuka tha। par vo shastriya sangeet men itani praveen hai iska andaza mujhe pahali baar tab hua jab unhonne sa re ga ma ke aadishan men ek punjabi tappa ga kar sunaya। tapape ke bol the yar di mainoon talab...। tapape ke us tukade ko sun kar mujhe jis aanand ki anubhooti hui usaka varnan karana mushkil hai। bas itana hi kahoonga ki aaj bhi main us chhoti si rikarding ko baar baar baar rivaind kar sunta rahata hai aur man men ek gahan shanti ka ahasaas tari hota rahata hai।
vaise poore tapape ko gwaliyar gharane ke nami shastriya gayak lakshman krishnarav pandit ne gaya hai। shastriya sangeet ke sameekshak maante hain ki tappa gana kathin bhi hai aur drut gati se gane ke liye ismen kafi urja bhi lagani padati hai par sugandha ne jab ise sunaya to aisa laga ki unake liye to ye bada hi sahaj tha।
sa re ga ma men sugandha ka safar mishrit raha hai। unhonne poore karyakram men alag alag kalakaron ke gaaye geeton ko apani aavaaz di hai। kuch ko unhonne badi bakhoobi nibhaya to kuch men unka pradarshan khaas nahin raha। par jab jab unhonne shastriya sangeet par aadhaarit geeton ko chuna hai tab tab sunane vaalon ko unki sabse sashakt prastuti dekhne ko mili hai। misaal ke taur par dilli 6 ke geet bhor bhai tori baat takat piya jo rag gujari todi par aadhaarit hai ko sugandha ne badi mehanat se nibhaya। to aaiye ek baar fir sunen sugandha ko
sugandha mishra filahaal sa re ga ma pa ke antim paanch men hain। vo pratiyogita men ant tak rahengi ya nahin, ye to vakat hi batayega। haan itana to taya hai ki apani bahuaayami pratibha ko sanjote hue agar vo shastriya gaayiki men apani nishtha aur lagan ko banaaye rakhne men safal ho paati hain to avashya safalta ke us mukaam tak pahunchegi jisaki unako talash hai।
Sa re ga ma pa... hamesha se hi mera sangeet ka pasandida karyakram raha hai. isaki do khaas vajahen hain. pahali to ye ki ismen har saal ismen aise pratibhaagi aate hi rahate hain jinki pratibha se prabhavit na ho paana kisi sangeetapremi ke liye bada hi mushkil hai. doosare ye ki yahi vo karyakram hai jahan pratiyogi kuch aise geet aur bandishen chunte hain jinako stej par nibhane ke liye hunar ke saath bade zigar ki bhi jaroorat hoti hai.
char mahine pahle jab ye karyakram shuru hua to kamal khan aur abhilasha jaise manje hue gaayakon ke alava teen nai pratibhaaon ne mera dil jeet liya tha. ye teen kalakar the gajalon ke rajakumar ranjeet rajavada aur shastriya sangeet men maharathi do gaayikaayen sniti mishra aur sugandha mishra. pichhale hafte sniti antim paanch men jagah banane ke pahle hi baahar ho gayeen.
Odisha ke bolangir jile se taalluk rakhne vali aur filahaal bhuvaneshwar men apani padhayi kar rahi sniti ki aavaaz apane tarah ki ek alag hi aavaaz hai.
rahman saahab ne bhi karyakram men aa ke ye svikara ki is tarah ki aavaaz ko vo varshon baad sun rahe hain. sniti filahaal bhuvaneshwar men apane guru da. raghunath saahu se shastriya sangeet ki shiksha grahan kar rahi hain. unki himmat aur pratibha ka parichay isi baat se mil jata hai ki kolakata men hue praranbhik aadishan men unhonne ustad nusarat fateh ali khan ka gaya geet sunaya. pahle hi aalaap ne jajon ka man moh liya aur sniti saaregamapa ki mukhya pratiyogita ke liye chun li gayeen. vo geet tha film bandit kveen ka aur geet ke bol the
more saiyan to hain parades, main kya karoon savan ko
soona laage sajan bin desh , main dhoondhoon saajan ko
dekhoon raahen chadh ke atariya
jaane kab aa jaaye saanvariya
jab se ge mori li na khabariya
chhoota panaghat, footi gagariya
soona laage sajan bin desh , main dhoondhoon savan ko
more saiyan to hain parades, main kya karoon saajan ko....
nusarat saahab jaise mahaan kalakar ki rachna ko nari svar men sunana ek alag hi aanand de gaya. sniti ne vaise do antaron men se ek hi gaya par unki aavaaz aur gaayiki ne sabhi ko mantramugdh kar diya.. to aaiye pahle sunen sniti ko
aur fir nusarat ji ko
sniti ka nusarat prem is pratiyogita men aage bhi zari raha aur ek mahine pahle unhonne isi film ke liye nusarat saahab ka gaya ek aur geet tere bina jiya mora nahin laage... chuna. darasal bandit kveen men nusarat saahab ne jo geet gaaye hain ve unake apane andaaz se thoda hat ke the aur sniti ne inhen apana svar de kar unka ek taza roop hamare manas patal par ankit kar diya. sniti ki khaasiyat ye hai ki vo koi bhi geet apane muktalif andaaz men gaati hain. dekhiye to kitane aatmavishwas ke saath sniti ne nibhaya is geet ko...
sajana, sajana re,
tere bina jiya mora nahin laage
tere bina jiya mora nahin laage
kaatoon kaise tere bina bairi raina,
tere bina jiya mora nahin laage
palakon ne biraha ka gahana pahana
nindiya kaahe aisi ankhiyon men aae
tere bina jiya mora nahin laage...sajana re...
boondon ki paayal baji, suni kisi ne bhi nahin
khud se kahi jo kahi, kahi kisi se bhi nahin
bheegne ko man tarasega kab tak
chaandani men aansu chamakega kab tak
savan aaya na hi barase aur na hi jaaye
savan aaya na hi barase aur na hi jaaye
ho nindiya kaahe aisi ankhiyon men aae
tere bina jiya mora nahin laage ..sajana re.
jab bandit kveen sinema haul men jaakar dekhi thi, pata nahin kyoon film ke sangeet par jyada dhyaan hi nahin gaya tha. shayad film ki ganbheerata ki vajah se hi aisa hua ho. nusarat saahab ke gaaye in geeton ke bol bhi utne hi pyare hain jitani ki nusarat saahab ki gaayiki. is geet men ek antra aur bhi hai jo kuch yoon hai
saragam suni pyar ki, khilne lagi dhun kai
khushbu se 'par' maangkar ud chali hoon pi ki gali
aanch ghole meri saanson men purva
dol dol jaaye pal pal manava
rab jaane ke ye sapane hain ya hain saaye
ho nindiya kaahe aisi ankhiyon men aae
tere bina jiya mora nahin laage ..sajana re.
to lijie poora nagma suniye nusarat saahab ki aavaaz men..
sniti saaregama ka manch chhod chuki hain par apani jo aavaaz hamen vo sunakar gai hain vo shrotaon ko bahut dinon tak yad rahegi. aasha hai apani gaayika men aur paripakvata la kar kuch varshon men vo ek pratishthit gaayika ke roop men apane aap ko sthapit kar paayengi.
Do saal pahle ibne insha ki rachanaaon kopadhte samay unki ye lanbi si kavita padhi thi. ek baar padhne ke baad kavita itani pasand aai thi ki kai kai baar padhi aur har baar antim panktiyon tak pahunchte pahunchte man men ek tees ubhar aati thi. kavita to sahej kar rakh li thi aur socha tha ki is saal bal divas ke avasar par aap tak ise jaroor pahunchaoonga par pichhale do hafton men ghar ke baahar rahane ki vajah se ye karya samay par sanbhav na ho saka.
pakistan ke is mashahoor shayar aur vyangyakaar ki nazamon aur kavitaon men ek aisi saadagi rahati hai jisake aakarshan men kya khaas, kya aam sabhi khinche chale aate hain. sher mohammad khan ke nam se ludhiyane men janme ibne insha ki ginti ese chuninda kaviyon men hoti hai jinhen hindi aur urdu donon bhashaon par samaan roop se maharat thi. isaliye kabhi kabhi unki rachanaaon ko kavita ya nazam ki paribhasha men baandhana mushkil ho jata hai.
ibne insha ne ye kavita sattar ke dashak men aae ithipoya ke akaal men peedit ek bachche ka chitra dekh kar likhi thi. bachche ki is avastha ne ibne insha ji ko itana vichalit kiya ki unhonne us bachche par itani lanbi kavita likh dali.
saat chhndon ki is kavita men ibne insha bachche ki badahali ka varnan karte hue badi khoobi se pathakon ke dilon ko jhakajhorte hue unka dhyaan vishva men faili aarthik asamaanta par dilaate hain aur fir ve ye sandesh bhi dena nahin bhoolte ki vibhinn mazahabon aur deshon ki seemaon men bante hone ke baavazaood ham sab usi aadam ki santaane hain jisase ye srishti shuru hui thi. lihaza duniya ka har bachcha hamara apana bachcha hai aur usaki jarooraton ko poora karne ka daayitva is vishb ki samast manav jaati par hai.
is kavita ko padhna apane aap men ek anubhooti hai. shayad ise padh sun kar aap bhi ibne insha ke khayalaton men apane aap ko doobata paayen
1. yah bachcha kaisa bachcha hai
yah bachcha kala-kala-sa yah kala-sa matiyala-sa yah bachcha bhookha bhookha-sa yah bachcha sookha sookha-sa yah bachcha kiska bachcha hai yah bachcha kaisa bachcha hai jo ret pe tanha baitha hai na isake pet men roti hai na isake tan par kapada hai na isake sar par topi hai na isake pair men joota hai na isake paas khilaunon men koi bhaalu hai koi ghoda hai na iska ji bahalane ko koi lori hai koi jhoola hai na isaki jeb men dhela hai na isake haath men paisa hai na isake ammi-abbu hain na isaki aapa-khaala hai yah saare jag men tanha hai yah bachcha kaisa bachcha hai
2.
yah sahara kaisa sahara hai na is sahara men baadal hai na is sahara men barakha hai na is sahara men baali hai na is sahara men khaosha (anaj ka guchha) hai na is sahara men sabza hai na is sahara men saya hai
yah sahara bhookh ka sahara hai yah sahara maut ka sahara hai
3.
yah bachcha kaise baitha hai yah bachcha kab se baitha hai yah bachcha kya kuch poochhata hai yah bachcha kya kuch kahata hai yah duniya kaisi duniya hai yah duniya kisaki duniya hai
4.
is duniya ke kuch tukadon men kahin fool khile kahin sabza hai kahin baadal ghir-ghir aate hain kahin chashma hai kahin dariya hai kahin oonche mahal atariya hain kahin mahafil hai, kahin mela hai kahin kapadon ke baazaar saje yah resham hai, yah diba hai kahin galle ke anbaar lage sab gehoon dhaan muhayya hai kahin daulat ke sandook bhare haan taamba, sona, roopa hai tum jo maango so haazir hai tum jo chaho so milta hai is bhookh ke dukh ki duniya men yah kaisa sukh ka sapana hai ? vo kis dharati ke tukade hain ? yah kis duniya ka hissa hai ?
5.
ham jis aadam ke bete hain yah us aadam ka beta hai yah aadam ek hi aadam hai vah gora hai ya kala hai yah dharati ek hi dharati hai yah duniya ek hi duniya hai sab ik data ke bande hain sab bandon ka ik data hai kuch poorab-pachchhim fark nahin is dharati par hak sabka hai
6.
yah tanha bachcha bechaara yah bachcha jo yahan baitha hai is bachche ki kahin bhookh mite {kya mushkil hai, ho sakta hai) is bachche ko kahin doodh mile (haan doodh yahan bahutera hai) is bachche ka koi tan dhaanke (kya kapadon ka yahan toda[abhav] hai ?) is bachche ko koi god men le (insan jo ab tak zinda hai) fir dekhiye kaisa bachcha hai yah kitana pyara bachcha hai
7.
is jag men sab kuch rab ka hai jo rab ka hai, vah sabka hai sab apane hain koi gaair nahin har cheez men sabka saajha hai jo badhataa hai, jo ugata hai vah dana hai, ya meva hai jo kapada hai, jo kambal hai jo chaandi hai, jo sona hai vah sara hai is bachche ka jo tera hai, jo mera hai
yah bachcha kiska bachcha hai ? yah bachcha sabka bachcha hai
punjabi lokagiton ka apana ek samriddh itihas raha hai. bulleshah ka soofi geet ho ya heer aur sohani mahival ke prem ya virah men doobe geet, sab apana jaadu jagaate rahe hain. aaj aapke saamane punjab ki ek aise hi ek lokageet shreni se parichay karane ja raha hoon jise 'jugani' ke nam se jana jata hai. barasaat ki andhakaramayi raton men chamakte juganu to ham sab ne dekhe hain. par juganu ki bharya is jugani ko dekhne ya pahachanane ka hunar to shayad hi ham men se kisi ke paas hoga.
punjabi lokagiton men yahi jugani ek masoom paryavekshak ka kaam karati hai. in geeton men jugani ke is binb se hansi thithola bhi hota hai .kataksh bhi hote hain, to kabhi aas paas ke parivesh ka dukh isake munh se foot padta hai. par jugani se jude adhikaansh geet moolatah ek adhyatmik soch ko aage badhate hain. ye soch kabhi apane aas paas ke sansaar ko samajhne ki hoti hai to kabhi manav se bhagavaan ke rishta ko tatolne ki kavayad.
vaise kya aap ye nahin janna chahenge ki jugani lokageet kaise rachti hai? ab jugani ka kya hai ud kar gali mohalle, skool ya baajaar kahin bhi pahunch sakti hai aur in jagahon par vo jo dekhati hai use hi teen ya char antaron men kah deti hai. theth punjabi shaili men gaaye in geeton ko aam jan badi aasaani se apani zaindagi se jod lete hain.
jugani se jude lokagiton ko apani gaayiki se sarahad ke donon or ke kalakar logon tak pahunchate rahe hain. kuch saal pahle rabbi sheragil ka aisa hi ek geet behad charchit raha tha. rabbi ke aalava gurudas maan aur aasha sinh mastana ne bhi shrotaon ko kai jugani geet diye hain.
sarahad paar yaani agar pakistan ki baat ki jaaye to jugani hi kya punjabi lokagiton ki har vidha ko poore mulk men mashahoor karne men sabse pahla nam aalam lohaar ka aata hai. aalam lohaar ne sath aur sattar ke dashak men jugani geeton ki ek alag pahachaan bana di. aalam jab jugani gaate the to ek adbhut vaadya yantra unake haathon men rahata tha. ye vaadya yantra tha chimata,! ji haan aalam lohaar ne hi in geeton ke saath saath chimate ke takarane se nikalne vali dhvani ka beets ki tarah istemaal kiya. fyoojan ke is yug men bhi unake putra aarif lohaar apane pita dvara shuru ki gai is gauravashali paranpara ka vahan kar rahe hain. haan lohe ke us purane chimate ke swaroop men jaroor thoda badalav hua hai.
pichhale hafte hi mujhe aarif lohaar ka gaya ek jugani lokageet sunane ko mila. ye lokageet unhonne is saal pakistan men kok stoodio ( Coke Studio ) ke teesare satra ke dauraan gaya tha. agar aap ye soch rahe hon ki ye kok stoodio kya bala hai to ye batana munasib rahega ki kok stoodio pakistan men kola kanpani kok ki sahayata se sthapit kiya gaya ek saangitik manch hai jo desh ke vibhinn hisson men panapte paranparagat sangeet ko badhava deta hai. is manch par desh ke nami v navodit gayak laaiv rikarding ke tahat apani pratibha ko darshakon ke saamane prastut karte hain.
pahali baar is jugani ko sunte hi aarif lohaar ki gaayiki ka main shaidaai ho gaya. geet ki bhavanaaon ke anuroop hi unake chehare ke bhaav badalte hain. aarif lohaar ka shabdon ka uchcharan itana spasht hai ki geet ko koi shabd aapke jaehan se bhatakne ki jurrat nahin kar paata. geet men vo to doobate hi hain sunane vaalon ko bhi apane saath baha le jaate hain. lohaar ki bemisaal gaayiki ke saath saath fyoojan aur koras ka jis tarah se is geet men prayog hua hai ki sunane ke saath haath paanv thirakne lagate hain. is geet men unka saath diya pakistan ki yuva modal aur ab gaayika misha shafi ne. jis tarah ham mata sherovali ke bhajan gaate samay mata ki jayajayakaar karte hain usi tarah main aapako yakeen dilata hoon ki chahe aapako punjabi aati ho ya nahin geet ko sunane ke saath saath aap koras men uth rahe jugani ji ke sur men sur milana avashya chahenge.
par is geet ka poorn aanand uthane ke liye pahle ye jaante hain ki is geet men aakhair jugani ne kahana kya chaha hai ....
alif allah chanbe di booti. te mere murshid man vich laai hoo
ho nafi us baat da pani de ke har rage harajaai hoo ho jug jug jeeve mera murshid sona hatte jis ai booti laai ho
mere saai ne mere hridaya men prem ka pushp ankurit kiya hai. saai ki bhakti se mere aacharan men jo vinamrata aur daya aai hai usase man ka ye fool aur khil utha hai. mera saai, meri har saans, har dhadakan men vidyamaan hai. mujhamen pran bharne vaale saai tum yugon yugon tak yoon hi bane raho.
peer meria jugani ji ai ve allah vaaliyan di jugani ji,ai ve allah vaaliyan di jugani ji ai ve nabi paak di jugani ji, ai ve nabi paak di jugani ji ai ve maula ali vali jugani ji,ai ve maula ali vali jugani ji ai ve mere peer di jugani ji, ai ve mere peer di jugani ji ai ve saare sabad di jugani ji, ai ve saare sabad di jugani ji o dam gutakoon dam gutakoon dam gutakoon dam gutakoon....gutakoon gutakoon padhe saain te kalma nabi da, padhe saai peer meraya
mere saath mera maargadarshak hai mera sant hai , meri aatma, bhagavan aur unake dooton ke vichaaron se pavitra hai. bhagavan jab bhi main tumhaare baare men sochta hoon mera hridaya ek aanand se dhadakne lagata hai. ullaas ke in kshanon men main khaud b khaud tere nam ka main kalma padhne lagata hoon.
jugani tar khain vich thal chhadd duniya de janjaal kuch ni nibhana bandaya nal raakkhi sabad sidh amaal
ai ve allah .... jugani ji
mere saai kahate hain ki tumhaare paas jo bhi hai use baantna seekho. moh maya jaise duniya ke janjaalon se door raho. jeevan men ऍसा kuch bhi ऍसा nahin hai jo tumhen doosaron se milega aur jise tum mrityu ke baad tum apane saath le ja sakoge. isaliye ai allah ke bande apane karmon aur bhavanaaon ki pavitrata banaaye rakho.
jugani dig pai vich roi oththe ro ro kamali hoi oddi vath ni lainda koi te kalame bina ni miladi toi
ai ve allah .... jugani ji o dam gutakoon dam gutakoon dam gutakoon dam gutakoon....gutakoon gutakoon
ab is jugani ko hi dekho. lobh moh ke jaal se aisi aasakt hui ki paap ki gaharaiyon men ja phansi. ab lagataar roe ja rahi hai. par ab use poochhanevala koi nahin hai. is baat ko gaanth baandh kar sun lo bina srishtikarta ka dhyaan kiye tumhen kabhi shanti ya moksh nahin mil sakta.
ho vanga chadha lo kudiyon mere data de darabaar dhiyan vanga chadha lo kudiyon mere data de darabaar dhiyan
ho na kar tiya khaid piyari maan daindiyan gaaladiyan din din dhali javani jaandi joon sona puthiya lariyan aurat marad shahajaade sone o moti o la ladiyan sir da sarafan kar na jaide peer prem pya ladiyan o data ke de darabaar chakho pavan khaid sava ladiyan
ladakiyon vo vali choodiyan pahan lo jo tumhen saai ke darabaar se mili thin. aur haan apane yauvan ka itana gumaan na karana ki tumhen apani maataon ki dant fatakar sunane ko mil jaaye. jaise jaise din beetate hain ye yauvan aur baahari sundarta aur fiki padati jaati hai. is sansaar men koi vastu hamesha ke liye nahin hai. is sone ko hi lo kitana chamakta hai par ek baar bhatti ke andar jaate hi pighalkar saanche ke roop men apane aap ko garh leta hai. sach baat to ye hai ki is duniya ke ve saare mard aur aurat un maanikon aur motiyon ki tarah sundar hain jo apanon se jyada doosaron ke liye sochte aur tyag karte hain. aise hi log sachche taur par poori manavta se pyar karte hain. isaliye sachche man se saai ka naman karo vo tumhari jholi khushiyon se bhar denge.
ho vanga chadha la kudiyon mere data de darabaar dhiyan ho vanga chadha la kudiyon mere data de darabaar dhiyan
dam gutakoon dam gutakoon dam gutakoon dam gutakoon..kare sain padhe saai te kalma nabi da, padhe saai peer meraya ai ve mere peer di jugani ji....
Rahat Fateh Ali Khan mausiki ki duniya men ek aisa nam hai jise sunkar hi man is sukoon se bhar uthata hai ki ab jo aavaaz kanon men chhalakegi vo dilo dimaag ko yakinan 'rahat' pahunchaegi. hindi film paap ke apane gaaye geet lagan lagi tumse man ki lagan se.. apana bolivud ka safar shuru karne vaale rahat har saal kuch chuninda gane gaate hain par kamaal ki baat ye hain ki unamen se adhikaansh aam aur khaas donon tarah ke sangeetapremiyon ke dil men samaan asar daalte hain.
Is saal bhi unhonne kuch kamaal ke geet gaaye hain aur is baat ka suboot aap ek shaam mere nam ki vaarshik sangeetamala 2010 men nishchay hi paayenge. par is blog par hone vaale saalana vaarshik sangeetamala ka jalase men to abhi bhi kareeb dhaai mahine ka samay baki hai.
Rahat saahab ka nam aksar unake chacha nusarat fateh ali khan ke saath liya jata hai. kavvaliyon ke betaj baadashah nusarat ki saangitik virasat ko rahat ne aage badhane ki koshish ki hai. par unake saath apani kisi tarah ki tulna ko vo bemani batate hain. rahat ek aise parivar men paida hue jahan sirf sangeet ki taaleem ko asali padhai mana jata tha. saat saal ki aayu se hi unhen sangeet ki shiksha di jaane lagi thi. aur to aur kya aap maanenge ki nau saal ki chhoti umr men hi unhonne apana pahla stej sho de diya tha.
sangeet ke prati unka ye samarpan unki gaayiki men jhalakta hai. ve koi geet tabhi gaate hain jab usake bol unhen pasand aate hai anyatha vo geet gane se hi mana kar dete hain. kisi geet ke bol usaki aatma hote hain. shayad yahi vajah hai ki gaate vakat apane ko geet ki bhavanaaon se is kadar juda paate hain maano geetakar ki kahi hui baaten un par khud hi beet rahi hain.
chaliye aaj aapako rahat saahab ka vo gana sunavate hain jo unhonne varsh 2008 men saleem sulemaan ke sangeetanirdeshan men film 'aaja nach le' ke liye gaya tha. is geet ke bol likhe the jayadeep saahani ne. jayadeep ke is geet men apane piya ke liye ek vikal pukar hai. poore geet ke bolon men jagah jagah haaye shabd ka prayog hua hai. rahat jitani baar 'haaye' kahate hain har baar usaka lahaza aur us se judi tadap rah rah kar ubharati hai.
o re piya haaye..haaye..haaye
udne laga kyoon man baavala re aaya kahan se ye hausla re o re piya haaye
vaise bhi jab hava ki chhooti sarasarahat, barish ki machalti boonden sab milkar unki hi yad dilaen to fir man ko masos kar kahan tak rakha ja sakta hai...
tanabaana tanabaana bunti hava haaye.. bunti hava boonden bhi to aae nahin, baaj yahan haaye.. saajish men shamil sara zahan hai har zarre zarre ki ye iltiza hai o re piya, o re piya haaye o re piya
rahat ki gaayiki ka sabse sukhad pahalu hai, unka apani gaayiki men shastriya sangeet ki seekhi hui vidha ka adbhut prayog. unake lagabhag har geet men ek saragam sunane ko aapako milegi jiska tempo saragam ke saath badhata chala jata hai. geet ke saath jab antre ke baad is saragam ko sunte hain to geet prem ki bhavanaaon se bhi kahin aage aapako ek alag hi duniya men le jata hai. rahat ki gaayiki ka ye pahalu unhen doosare gaayakon se alag kar deta hai.
ni re, re re ga ga ga ma ma ma pa pa ma ga re sa sa re re sa ga ga re ma ma ga pa pa ma dha dha pa ni ni sa sa sa pa sa ma pa dha ni sa ni re ni sa sa sa....
nazaren bolen duniya bole dil ki zabaan haaye dil ki zabaan ishk maange ishk chahe koi toofan
haaye chalna aahiste ishk naya hai pahla ye vada hamane kiya hai o re piya haaye ..
nange pairon pe angaro chalti rahi haaye chalti rahi lagata hai ki gairon men main palti rahi haaye le chal vahan jo mulk tera hai zahil zamana dushman mera hai o re piya haaye ..
rahat ko 'live' is geet ko gaate dekhna chahenge....
Kya aapako pata hai ki ek zamana vo bhi tha jab kisi sangeetakaar ko hindi filmon men heero se bhi jyada paarishramik diya jata raha ho? aaj ke hindi film udyog men to aisa hona asanbhav hi prateet hoga. par pachas aur sath ke dashak men aisi hi ek sangeetakaar jodi thi jisane apane rache geeton ki lokapriyata ke aadhar par ye mukaam haasil kiya tha. ye sangeetakaar the shankar jaykishan yaani shankar singh raghuvanshi aur jaykishan dayabhai panchal.
jahan shankar tabla bajaane men praveen the to vahin jaykishan ko haaramoniyam bajaane men maharat haasil thi. kaam ke silasile men ek gujaraati nirdeshak ke karyalay men hui pahali mulakaat inki dosti ka sabab ban gai. tab shankar prithvi raj kapoor ke thiyetar ke prithvi men kaam kiya karte the. kahate hain jaykishan se unki aisi jami ki unhonne unhen prithvi thiyetar men bataur haaramoniyam vaadak kaam dila diya. ye un dinon ki baat hai jab raj kapoor saahab aag ki mishrit safalta ke baad apani nai film barasaat ke liye sangeet nirdeshak ki talash men the. par ye taalash kaise poori hui ye vaakaya bhi dilachasp hai. shankar ne dooradarshan men aane vaale karyakram fool khile hain gulashan gulashan men tabassum ko diye apane ek sakshatkar ke dauraan is ghatna ka jikra karte hue kaha tha
raj saahab ne pikchar shuru ki ‘barasaat’. to haradam milte aur kahate ki bhaai gane pasand aaenge to main loonga, tum banate raho. to aise kai gane banaaye lekin unako kabhi pasand aae hi nahin. ham unako kahate ki bhaai aap banavate hain lekin lete to hain nahin. ittefaq se ham poona ge ek waqt thietar ke saath. rat ka waqt tha , mainne baaja liya. baaja lekar kaha – raj saahab! baithiye, ab ye dhun suniye zara – aapako kaisi lagti hai! bhale hi mat lijie lekin sun lijie.. ‘amua ka ped hai, vahi munder hai, aaja more baalma, ab kaahe ki der hai’ ye gana mainne sunaya. raj ji ne sunte hi kaha ki bhaai! apan bambai chalte hain aur gane ko ricord karte hain. to bas fir bambai aa ge aur waqai vo ganbheeratapoorvak us gane ke peechhe lag ge – bhaai vo gana zara fir sunao! baad men us gane ke liye hasarat miyan likhne ke liye aaeaur hasarat jayapuri jab aae to jo gana bankar nikala vo tha jiya beqaraar hai, chhayi bahaar hai, aaja more baalma, tera intazaar hai.
ye geet aur barasaat ka poora sangeet kitana safal hua isase aap sab vaakaif hain. darasal yahin se shankar, jaykishan, shailendra, hasarat jayapuri , lata aur mukesh jaise kalakaron ka ek aisa samooh bana jo jaykishan ke nidhan ke pahle tak rajakapoor ki filmon ka ek tredamark ban gaya. shankar jaykishan ne apani aapasi sahamati se yah nirnay kar rakha tha ki donon men se agar koi duniya se chal basa to jo bachega vo bhi apane geeton ke kredit men shankar jaykishan ka nam hi istemaal karega.
yoon to shankar jaykishan ke tamaam yaadgaar geet rahe hain. par aamrapaali ke liye unka sangeetabaddh ye geet mujhe lata ji ke gaaye hue geeton men bemisaal lagata hai. pichhale mahine lata ji ke janmadin ke avasar par ise aapke saamane prastut karne ki tamanna thi jo samayabhaav ke kaaran poori nahin ho paai. ek aitihasik prem katha par aadhaarit is virah geet ka pratyek antra man ko bhiga deta hai. ise geet ke bol likhe the shailendra ne.
geet to madhur tha hi par ye baat bhi gaur karne ki hai ki kitani pyari hindi ka prayog kiya tha shailendra ne is geet men. darasal "biraha ki is chita se tum hi mujhe nikalo....jo tum na aa sako to, mujhe swapn men bula lo" aur "man hai ki ja basa hai, anajaan ik nagar men,kuch khojta hai pagal khoi hui dagar men..".jaisi panktiyan badi hi tabiyat se nayika ke manobhaavon ko ubharti hain. ubharegin kaise nahin hamari svar kokila ne koi kasar rakh chhodi hai apani bemisaal gaayiki men?
adhikatar sangeet sameekshak ise shankar ki composition maante hain. kaha to yahi jata hai ki film aamrapaali ke saare ganon ko shastriya ragon par aadhaarit karne men shankar ka haath tha. vaise is geet ke mukhade aur antre ke pahle sitaar ki jo madhur dhun shankar ne rachi hai vo to geet men bas char chaand hi laga deti hai. to aaiye ek baar fir sunte hain is meethe sammohak geet ko jo filmaya gaya tha vaijayantimala ji par.
tumhen yad karte karte jaaegi rain saari tum le gaye ho apane sang nind bhi hamari
man hai ki ja basa hai, anajaan ik nagar men kuch khojta hai pagal khoi hui dagar men itane bade mahal men, ghabaraaoon main bechari tum le gaye ho apane sang nind bhi hamari tumhen yad karte karte .....
biraha ki is chita se tum hi mujhe nikalo jo tum na aa sako to, mujhe swapn men bula lo mujhe aise mat jalao, meri preet hai kunvari tum le gaye ho apane sang nind bhi hamari tumhen yad karte karte tumhen yad karte karte.....
October 1982 men hosh sanbhaalne ke baad pahali baar shayad dilli jana hua tha. dilli ki aitihasik imaaraten bhi tabhi dekhi thin par sabse jyada jo baat yad rah gai, vo thi us rat ki! poori yatra ke dauraan pitaji se yahi shikayat karta raha tha ki papa agar aap ek mahine der se hamen yahan laaye hote to hamen eshiyai khelon ko dekhne ka mauka mil jata. baad men mera man rakhne ke liye pitaji hamen navanirmit javahar lal neharu stadium ke baahar le aae the.
baahar se hi doodhiya roshni se nahaya hue stadium ko dekhna ek chhote shahar se aae us bachche ke liye kitana romaanchakari raha hoga ye aap bhali bhanti samajh sakte hain. meri manah sthiti ko samajh pitaji hamen stadium ke andar dakhil kar lene ke jugad men lag ge the. andar udghatan samaroh ki taiyariyan joron par thin.
sanyog se stadium ke baahar tainat surakshakarmi hamare pradesh ka tha aur pitaji ke kahane par usane hamen das minat ke liye andar jaane ki izajat de di thi. Seedhiyan chadhkar jab stadium ke andar mainne kadam rakha to andar ke us alaukik drishya hari doob ki vishal aayatakar chaadar aur usake charon aur faila hua track ka katthai ghera aur maidaan se aati swagatam ki madhur dhun. ... ko dekh sun kar man khushi se jhoom utha tha.
inhi smritiyon ko liye main vapas patna aa gaya tha. man men in khelon ke prati utsah ka ye aalam tha ki agale mahine jab navanbar se ye khel praranbh hue the tab mera poora din telivizan ke saamane baith kar jata tha. ye batana aavashyak hoga ki eshiyai khelon ke saath hi patna men rangeen telivizan ki shuruaat hui thi. hamare ghar tab rangeen kya, shvet shyam tivi bhi nahin tha. par ham subah aath baje hi naha dho kar padosi ke ghar chale jaate aur vahan anya bachchon ke saath hi jameen par baith kar khiladiyon ke karanamon ko apalak nihara karte the.
jimanastik, ghudasavari, naukayan, golf, lon tenis v ethaletics ki vibhinn pratispardhaayen kya hoti hain aur kaise kheli jaati hain ye mujhe pahali baar inhi khelon ke dvara pata chala. bees kimi daud ke svarn padak vijeta chaand ram, madhyam doori ki dhaavika geeta jutshi, hamari golf teem tab ke hamare heero ban ge the. vahin pakistan se hoki ke faainal men mili karari haar jisamen hamare golakipar negi ka lachar pradarshan aur kaptan zafar ikabal ka penalti strok mis kar jana shamil tha, hamen bahut dinon tak akharta raha tha.
isi liye jab 28 saalon baad itane bade star par rashtamandal khel jaisi khel pratiyogita ki mezabani karne ka mauka bharat ko mila to mujhe hardik khushi hui thi. tamaam log is tarah ke khelon ko paise ki barbaadi batate rahe hain par mere man men is baat ko le ke kabhi subaha nahin raha ki is tarah ke khelon ka aayojan se desh ke pratibhavan khiladiyon (jo aadhi adhoori suvidhaon ke balaboote par bhi apani apani spardhaon men achchha pradarshan kar rahe hain) ko ek achchha pletafarm mil jata hai. jo rol modal in khelon ke zariye chamakte hain vo kai bhavi khiladiyon, yuvaaon aur bachchon men ek aasha ki kiran, ek sapana jaga jaate hain ki ham bhi kabhi us mukaam par pahunch sakte hain. isake atirikt desh ke nagarikon men aise safal aayojan se jis aatmagaurav ki bhavna jaagrat hoti hai usaka koi mol nahin hai.
par in sab baaton ka ye matalab nahin ki ham in khelon ke aayojan men hue bhrashtaachaar par aankhen moond len. doshiyon par nakel kasane ke liye jo karyavahi chal rahi hai vo apane uchit mukaam par pahunche, yahi aasha hai.
pichhale do hafton ke aayojan men karyalay se ghar aa kar bitaaye lamahe mere liye behad khushagavar rahe hain. teen dashak poorv hue bachapan ke us abhootapoorv anubhav men fark yahi tha ki is baar mere bachapan ko mere aath varsheeya putra ne jeeya aur main bhi usaki sangat men vahi baalak ban gaya.
aaj main comanavelth khelon se judi in yaadon ko un khiladiyon, mazadooron, desh ke vibhinn bhaagon se aae kalakaron, suraksha balon ke javaanon, svechha se apani sevaayen dene vaale bachchon ko samarpit karana chahta hoon jinki athak mehanat ka fal hamane is abhootapoorv aayojan men dekha. udghatan samaroh men bharat ke vividh rangon ka itana suruchipoorn pradarshan bahut dinon tak yad rahega. itane sundar nritya, man mohati poshaken aur sabse lajavab bharateeya rel ke binb ke jrariye bharat ke aam nagarikon ka sammaan.
hariyana aur pashchimi uttarapradesh apani sankeern samajik prishthabhoomi, mada bhroon hatyaaon ke liye badanaam rahe hain. par mujaffaranagar ki alka tomar aur bhivani ki geeta jab apani virodhi pahalavaanon ko patakhani de rahi hain to man yahi soch raha hai kya ve apane ilake ke logon men bachchiyon ke liye nai soch ka sootrapaat nahin karengi? gauratalab rahe ki ye mahilaen sarakari madad se jyada apane abhibhavakon dvara mile sahayog se is mukaam tak pahunchane men safal hui hain. ye vo khiladi hain jinhonne aayatit gaddon ke bajaaye mitti ke akhadon men kushti ki shuruaat ki. jimanejyim ke bajaaye khet khalihanon men daudakar apani fitanes banaaye rakhne ki kavayad ki aur in sabse jyada samaj ki paravaah na karte hue bhi us spardha men nam kamaya jo unake liye praayah varjit thi.
fir bhi jab inka jazabe ki misaal dekhiye. babita, geeta ki chhoti bahan hain. chehare se abhi bhi bachchi hi dikhati hain. rajat padak jeet liya unhonne par aankhon men aansu hain... kuch galti ho gai nahin to gold main bhi le hi aati..bhagavaan kare jeet ki ye bhookh aage bhi bani rahe...
chaliye paridrishya badalte hain. baat karte hain jharakhand ki jahan hockey aur teerandaji ke pratibhavan khiladiyon ki achchhi khasi paudh hai. suvidhaon ke nam par kuch estrotarf stadium bane. rakh rakhaav ke aabhaav men fat ge hain par khiladi unhin par ab bhi khelte hain. sports hostal hain par vahan khiladiyon ko dhng ka bhojan naseeb nahin hai. fir bhi purush aur mahila hoki teem men aadivasi khiladi apani pratibha ke bal par mukaam bana hi lete hain.
deepika kumari ko hi lijie pita aatoriksha chalate hain, maan ek nars hain. beti ko nishana saadhne ka bachapan se hi shauk tha. teer na sahi patthar to the aur lakshya aam ka ped. par sheeghra hi man men ye aatmavishwas sama gaya ki agar main ye nishana achchha laga sakti hoon to teer bhi hi nishane par hi chhodoongi. ek baar tata ki teerandaji ekadami men pravesh mila to fir usane peechhe mud kar nahin dekha. gyaharavin men पढ़नेवाली ye ladaki gems ke faainal men apane virodhi ko apane skor ke paas bhi nahin fatakne deti. hamare sistam men ye chamatkar nahin to aur kya hai !
aisi kitani hi kahaniyan aapako nishanebaajon, bharattolakon aur ethaleet ki mil jaayengi jinhonne vipareet paristhitiyon men bhi apane desh ka sar garv se ooncha kiya hai. comanavelth khelon ki safalta ka sara daaromadaar in khiladiyon par hai. chalte chalte kuch lamahe jinhonne in khelon ko mere liye kuch aur khaas bana diya.
khel hockey, maich bharat banam pakistan ... bharat ke liye karo ya maro ki sthiti. shuruaati kuch minat aur pakistan gol par tabadatod hamale..kya suraksha pankti, kya aakraman pankti, jagah badal badal kar , pratidvandiyon ko chhakate aur mauka padane par lanbe pos dene men bhi kotahi nahin baratate in khiladiyon ke aakraman ki laharen dekhte hi banti thin. kuch minaton men skor 1-0 se badhakar 4-0 ho jata hai aur antatah 7-4 se bharat vijayi hota hai. shayad comanavelth hoki men ab tak padakaviheen rahi bharateeya teem ke liye ye ek nai shuruaat ho.....
khel hockey, maich bharat banam England inglaind 3-0 se aage. main nirash ho kar tivi band karne ki galti kar baithata hoon. putra ke aagrah par pandrah minat baad tivi kholta hoon ye kya skor 3-3 aur fir penalti strok ka vo drama. man men zafar ikabal ka bhoot fir ubharta hai par is baar ki patakatha kuch aur hai.....
khel badminton, maich bharat banam malaysia maleshiya 2-0 se aage. saina rabar ko bachaane ke liye maidaan men utarati hain. maleshiya ki anubhavi khiladi bade kam antar se pahla set apane nam karati hain. saina jaanti hen ki unake jeetne se bhi antim nirnay men jyada fark nahin padane vala. par agale do seton men jor lagati hain. har ank ke liye kaante ki takkar, lanbi thaka dene vali railiyan . par saina apana aatmabal nahin khoti. yahi kahani vo ekal faainal mukable men doharaati hain. kitane dinon baad dekha hai itane majaboot iraadon vala khiladi......
khel : table tennis, padak vitaran samaroh purush yugal rashtradhun ke saath tirange ka uthana tebal tenis khiladi sharad kamal ko bhavatirek kar de raha hai. bharateeya dhvaj oopar uth raha hai aur vo podiyam par khade ho kar foot foot kar ro rahe hain. khushi ke aansuon ka sailaab kitana anokha hota hai na....
khel :atheletics, 4 x400 meetar mahila relay par poore khelon ka sabse aanandadayak kshan diya mujhe 4 x400 meetar ki mahila relay team ne. manajeet kaur, sini, ashvini aur manadeep ki is chaukadi ne jis tarah se naijiriyai dhaavakon ko peechhe chhoda vo apane aap men ek kamaal tha. manajeet aur sini ne doosare chakra tak bharat ko doosare sthan ke kareeb rakha tha par ashvini ne teesare chakra men peechhe khisak jaane ke baad jis teji se teesare se doosare aur fir pahle sthan par teem ko la kar khada kar diya vo kalpana se pare tha. aur manadeep ne ye badhat ant tak barakaraar rakhi...
to aaiye ek baar fir dekhte hen ki ye sab hua kaise..
ek baar fir se rashtramandal khelon kee in mahaan sipaahiyon ko mera kotishah naman. aasha hai inki mehanat ko se hamara khel tantra aur behatar dhng se kaam karega taki sau karod se jyada aabadi vaale is desh ko aise anek gauravashali kshanon dekhne aur mahasoos karne ka mauka mile.
A R Rahman ne bataur geetakar gulzar ke saath kai filmen ki hain aur javed saahab ke saath bhi. par javed akhtar ke bolon ko unake sangeet ke saath mainne jyada aatmasaat hote paaya hai. yahi vajah hai ki sढ़adesh, lagaan aur jodha akbar men is jodi dvara diya gaya geet sangeet man ke behad kareeb raha hai. par gulzar saahab ke lafajon ke saath rahman saahab vo prabhaav paida nahin kar paate hain jo vishal bharadvaj kara lete hain. vaise ye bhi nahin ki ravan, dil se, saathiya, guru ya fir slumdog millionaire men is jodi ne hamen achchha sangeet nahin diya. guru ka ai hairte aashiki aur dil se ka satrangi re... rahman ki behatareen compositions men gina jata hai. par jab in jaisi vibhootiyan saath hoti hain to hamari apekshaen kuch jyada hi badh jaati hain aur yahi vajah hai ki ye album poori tarah dil men ghar nahin kar paate.
saal 2002 men jab saathiya pradarshit hui thi to usaka mukhya geet saathiya, saathiya maddham maddham teri geeli hansi.. behad lokapriya hua tha. is geet ki har ek pankti par gulzar ki amit chhaap thi. vahin o hamdam suniyo re men gulzar ke shabdon se kahi jyada rahman ka vaadya sanyojan is qadar haavi tha ki geet men chupke se chaand nange paanv aa kar kab gujar jata tha iska pata hi nahin lagata tha.
in aath saalon men is film ko jo geet mere saath hamesha hi saath saath zehan ki vaadiyon men sair karta raha hai vo hai sadhana saragam ka gaya chupke se chupke se raat ki chaadar tale... geet ke mukhade ke pahle ka chorus mujhe hamesha college ke dinon ki taraf kheench le jata hai. dost yaron ki vo ekatarafa kissa goi, kisi ka rah rah kar thndi aahen bharana aur kisi ka bilavazah tadapana ya usaka abhinay karna. par un prem men doobe dilon ki vyatha men shareek hona bhi hamen tab khushi khushi manjoor hota tha.
Chorus ke baad is geet men rah jaate hain to gulazaar ke hridaya ko sahalate shabd aur saadhana saragam ka geet ki bhavanaaon men bahata svar. taajajub nahin ki sangeet premi is geet ko hamesha hi saadhana saragam ke gaaye das behatareen geeton men shumar karte hain. isase pahle ki is geet ki or rukh karen kuch baaten isaki gaayika ke baare men..
maharashtra se taalluk rakhne vali sadhaa ghanekar ne apani maan neelataai ghanekar se sangeet ki aaranbhik shiksha li. bharateeya shastriya sangeet inhonne pandit jasaraj se seekha. hindi film sangeet men paanv rakhte hi vo saadhana saragam ke naam se mashahoor hui. fir teri kahani yad aai, jurm, jo jeeta vahin sikandar, 1947 Earth men sadhana ke gaaye geet hamesha se sangeetapremiyon ki jubaan par rahe hain. par hindi film jagat ne unhen vo mauke nahin diye jo unhen dakshin bharat men jaakar mile. saadhana saragam aaj tak 24 jaubaanon men geet ga chuki hain. aur to aur dakshin ka na ho ke bhi varsh 2007 men tamil aur telagu ki sarvashrashth parshvagayika ka khaitab jeet chuki hain. a r rahman umaki gaayiki se itane prabhavit rahe hain ki apane ek sakshatkar men unhonne kaha tha ki
usaki ginti main aisi kuch gaayikaon men karta hoon jinhonne apani adaegi se mujhe har mod par achanbhit kiya hai. bahut saare gayak is baat men nipun hote hain ki mainne jaisa kaha use vo hoo bahu apani gaayiki men utaar dete hain. par vo to mere anudeshon se kahin aage geet ko itani saralta se ek aise dharatal par le jaati hai jo mujhe chakit to karta hi hai aur saath hi unake saath kaam karne ke aanand ko bhi badhata hai.
to aaiye sunte hain is geet ko jise sabse pahle saadhana ne tamil men varsh 2000 men film snehidhne ke liye gaya tha. to pahle suniye ye tamil version
aur usake baad saathiya ke liye hindi men gaya vahi geet..
dosto se dosto se jhoothi-moothi doosaron k nam le ke teri meri baaten karana yara rat se din karana lanbi judaai teri bada mushkil hai aahon se dil bharana yara rat se din karana kab ye poori hogi door ye doori hogi kab ye poori hogi door ye doori hogi roz safar karana yara rat se din karana
chupke se chupke se rat ki chaadar tale chaand ki bhi aahat na ho baadal ke peechhe chale jale katra-katra gale katra-katra rat bhi na hile aadhi aadhi rat bhi na hile aadhi aadhi ye chupke se chupke se rat ki chaadar tale
farawari ki sardiyon ki dhoop men moondi-moondi ankhiyon se dekhna haath ki aad se nimi-nimi thand aur aag men haule-haule marva ke rag men meer ki baat ho din bhi n doobe rat na aaye shaam kabhi na dhale shaam dhale to subah n aaye rat hi rat chale chupke se chupke se rat ki chaadar tale.....
tujh bina pagli puravai tujh bina pagli puravai aake meri chunri men bhar gai too kabhi aise hi gale lag jaise ye puravai aa gale lag jaise ye puravai saathiya sun too kal jo mujhako nind na aaye paas bula lena god men apani sar rakh lena lori suna dena
Jagjit ke in albums ke lokapriya hone men ghazalon men diye ge sangeet ka bhi aham yogadaan tha. us waqt ke liye ye alag tarah ka sangeet tha. kuch ghazal on ko to unki aaranbhik dhunon se hi pahachaan kar shrota tali bajaane lagate the. jagajeet ne apani sangeetabaddh ghazalon men santoor, guitar, sinthesizer, violin aur baansuri ka baraha prayog kiya. ghazal ke panditon ne ghazal ke vishuddh roop men ise pradooshan ki sangya di par aam jan ne ghazal ke is rup ko haathon haath liya.
haalanki nabbe ke baad aae albumon menJagjit ka diye sangeet men bahut jyada doharav hone se usaka prabhaav vo nahin raha. par unki gaai ghazalon ki kuch dhunen aaj bhi vahi jaadu jagati hain. to aaj aapke saamane main aisi hi aath dhunon ko lekar aaya hoon. aapako batana ye hai ki ye dhunen kin ghazalon ke aaranbh hone ke pahle bajaai gayi hain.
1. First aur 8th Ghazal peene pilane ke bare mein hai in donon se hi jagjit ke kisi na kisi album ka aaghaaz hota hai.
2. Log mante hi nahin na chaho to bhi ......... aa jate hain :)
3.Pakistan ke mashhoor shayar jo kabhi pehalwaan the ki roomani ghazal...
4. Andheron mein is ghazal ki roomaniyat kuch aur badh jati hai. 80 ke dashak ki ek nayaab ghazal
5. Jagjit aur chitra ne khoob 'tabahi' machayi thi is ghazal mein
6. Is ghazal ke shayar ka naam shayad koyi nahi jaanta par mohabbat mein nakaam logon ke bade kaam aati hai ye ghazal..
7. Aur is dhun ke bare mein kya kahoon kuch bhi kehna munasib nahin hoga...
8. First aur 8th Ghazal peene pilane ke bare mein hai in donon se hi jagjit ke kisi na kisi album ka aaghaaz hota hai.
To dekhein aap Jagjit Singh ke kitne bade fan hain?
