Jaane kya Chaahe Man... Baavara.. lyrics with translation

हिंदी में इस पोस्ट को पढ़ने के लिए यहाँ क्लिक करें।

Mere shahar me aaShaaDh kee ghaTaao.n ka raaj hai. Roj Theek kaaryaalay jaate vakt hee, apana raudra roop dikha kar vo mujhe bhingo Daalatee hai. par isame nayee baat kya hai? Ye baarish to is mausam me aapako bhee geela kar hee rahee hogee.

ooparavaale kee barakha to khaalee shareer bhigotee hai ...
par agar dil me udaasee ke baadal umaDe ghumaDe to poora man bheeng jaata hai...
paristhitiyaa aisee hotee hai ki nahee chaahate hue bhee aapako man kee pukaar ko anasuna kar dena paData hai...
nateejan dil kee ye udaasee dard ka roop le letee hai ...
aur jab ye dard asahaneey ho jaata hai to aansuo.n ka baandh TooT sa jaata hai...

Mayoor Puri ne seedhe saadhe lafjo me yahee koshish kee hai apane is geet me. mainne paraso pahalee baar is geet ko suna aur yakeen maanie ye kisee bhee tarah mere jehan se utar nahee rahaa.

Iska saara shreya jaata hai Assam ke yuva gayak Zubeen Garg ko.Zubeen mere blog ke liye naye nahee.n hain. Pichle saal unka ek geet meri geetmala mein shaamil thaa. is khoobasooratee se unhonne geet ke bolo ka marm pakaDa hai ki unake saath gunagunaate - gunagunaate geet khatm hone tak aankhe.n nam ho jaatee hain. mukhaDe ke baad ka unaka aalaap geet ko ek shaastreey rang deta hai. atishyokti nahee hogee agar main ye kahoon ki ye geet sach hee man ko baavara bana deta hai.

Pritam ne apanee chiraparichit shailee me pashchimee aur poorvee vaady yantro ka samaayojan kiya hai. geet ke antare ke beech-beech me bajatee pashchimee beeTs ke saath saarangee kee madhur taan kaano tak pahunchatee hai to man usaka kor-kor jajb karane ko udyat ho jaata hai.
to leejiye suniye 2006 mein release huee Pyar ke Side Effects ka ye geet.

<bgsound src="JaaneKya.wma">


Agar aap kisi kaaranvash oopar ke player se geet nahin sun paa rahe to music india online par yahan ise sun sakte hain.

(As the words are a bit difficult for non hindi speaking people I have just tried to explain the lyrics so that everyone can enjoy this superb song.)

feelin’ blue,feelin’ blue,feelin’ blue…
my heart sayscan't be, can't be, true…
only…, can't be through, my heart says can't be, can't be, true

feelin; blue,feelin; blue,feelin; blue;
my heart sayscan't be, can't be, true;
only;, can't be through, my heart says can't be, can't be, true

jaane kya chaahe man... baavara..
jaane kya chaahe man... baavara..
akhiyan mere.. saavan chala
akhiyan mere.. saavan chala
jaane kya chaahe man... baavara....saavan chala
feelin; blue,feelin; blue,feelin; blue;

saghan, achal saraabor hove
sajan, asuvan me kya jor hove

(O my beloved !...see the force of the tears...entire earth has become slushy & wet)

kya jor hove...
apane jiya pe...
man to mara ye manachala
jaane kya chaahe man baavara..

(We have absolutely no control on our heart...we can't fulfill what it wants...and sometimes we have to kill our soul , leaving endless trail of tears......)

jaane kya chaahe man baavara
akhiyan mere.. saavan chala

pavan poorva me yoo uData jaave
badara chanda se man juData jae
aave hava ka...
jhonka phir aisa..
TooTe patang kee Dor sa

(Easterly winds are flowing , the whole ambience is so captivating...but just a strong gush of wind..everything broke away..just like a kite's thread)

jaane kya chaahe man baavara
akhiyan mere.. saavan chala

Ye geet aapko kaisa laga? Post your comments here.

Parveen Shakir : Sorrow...Pain & the Tragic End.

Pichli post mein aapane Parveen Shaakir kee kuchh rachanae paDhee aur unhe mushaayare me apana kalaam paDhate dekhaa. Ab unakee shaayaree ke safar par aage chale. Ek pseudo naam 'Beena' se likhana shuru karane vaalee Parveen Shaakir urdoo ke mashahoor shaayar ahamad nadeem kaasamee ko aapana guru maanatee thee. 'Khushboo' ke aalaava apane jeevanakaal me unake chaar any kaavy sangrah 'sad barg' (1980), 'Khud Kalaamee' aur 'Inkaar' (1990) aur 'Maah-e-Tamaam' (1994) prakaashit hue. Khushboo ke baare me to pichhalee posT me charcha huee thee, par isake baad paraveen shaakir ne jo kuchh likha vo kuchh kuchh un TooTe khvaabo kee kahaanee jaisa hee lagata hai. in sangraho me priyatam kee sanvedanaheenata aur bevafaee ko unhonne apane kaavy ka mukhy viShay banaaya hai. shaayad isaka kaaraN unake nijee jeevan kee pareshaaniyaa rahee thee. assee ke dashak me Da. naseer ahamad se paraveen ka nikaah hua thaa. par ye rishta jyaada din chal nahee paaya aur antatah inake beech taalaak ho gayaa. is rishte se unake beTe muraad ka janm hua jisane unakee kaavyaatmakata ko ek nee disha dee. unake sangrah khud kalaamee me maatrtv se juDee kuchh najme bhee paDhane ko milatee hai.

par khushaboo ke baad unakee lekhanee me maayoosee aur udaasee ka puT baDhata chala gayaa. ye gajal, bahut had tak jeevan kee shaam me TooTe sapano kee choT se aahat paraveen kee aavaaj lagatee hai

aks-e-khushaboo hoon bikharane se na roke koyi
aur bikhar jaoo to, muz ko na sameTe koyi

kaamp uThatee hoon mai soch kar tanahaee me
mere chehare par tera naam na paDh le koyi

jis tarah khvaab ho ge mere reza reza
is tarah se, kabhee TooT kar, na bikhare koyi

ab to is raah se vo shakhs gujarata bhee naheen
ab kis ummeed par daravaaje se zhaanke koyi

koyi aahaT, koyi aavaaj, koyi chhaap nahee
dil kee galiyaan baDee sunasaan hai aaye koyi

paraveen shaakir ke baare me kaha jaata hai ki unhonne apanee kitaabo ko ek aatmakathy ka roop diyaa. unakee kitaabo me kavitao ka kram unake rache jaane ke hisaab se hai. isalie ek aam paaThak bhee sahajata se use ek kishoree (khushaboo) , patnee (sad barg), maa (khudakalaamee) aur ek paripakv stree ke roop me gaDhee rachanao me baanT sakata hai. par ye bhee sahee tha ki unaka aatmakathy ka lahaja itana khula bhee nahee tha ki seedhe-seedhe unakee nijee jindagee ka haal samaza de. apane mahaboob se unhe shikaayate rahee jo rah-rah ke unake lekhan me dikhatee rahee.

ajeeb tarj-e-mulaakaat ab ke baar rahee
tumhee the badale hue ya meree nigaahe.n thee.n
tumhaaree najaro.n se lagata tha jaise mere bajaye
tumhaare ohade kee dene tumhe mubaarak thee.n

so tumane mera svaagat usee tarah se kiya
jo afsaraan-e-hukoomat ke aitakaad me hai
takallufaan mere najadeek aa ke baiTh ge
fir *ehataraam se mausam ka jikr chheD diya
*aadar

kuchh us ke baad siyaasat kee baat bhee nikalee
adab par bhee do chaar tabasare faramae
magar tumane na hamesha ki tarah ye poochha
ki vakt kaisa gujarata hai tera jaan-e-hayaat ?

pahar din kee *ajeeyat me kitanee shiddat hai
ujaaD raat kee tanhaee kya kayaamat hai
shabo kee sust raavee ka tuze bhee shikava hai
gam-e-firaak ke kisse **nishaat-e-vasl ka jikr
ravaayate hee sahee koyi baat to karate.....
*atyaachaar **milan kee khushee

aur ek sher me to unhonne yahaa tak kah diya

kaise kah doo ki muze chhoD diya hai us ne
baat to sach hai magar baat hai rusavaee kee

kuchh jumale paraveen shaakir kee shaayaree me har jagah pae jaate hai. khaasakar khushaboo jisake baare me vo apanee kitaab me kahatee hai ki jab us pyaaree hava ne fool ko chooma......ek khushaboo see saaree fija me fail gee. kaavy samaalochak see. em. neem saahab kahate hai ki prateekaatmak lahaje me paraveen kee kavitao me vo fool aur koyi nahee balki vo khud hai aur vo alhaD hava unakee or khinche ve log, jinake sansarg se unake khyaal shaayaree ke rup me ubhare. ab isee gajal ko le.. kya khoobasoorat matala hai !

teree khushaboo ka pata karatee hai
muz pe ehasaan hava karatee hai

vaise baakee ke sher bhee kuchh kam nahee

dukh hua karata hai kuchh aur bayaa
baat kuchh aur hua karatee hai

*abr barase to inaayat us kee
shaakh to sirf dua karatee hai
*baadal

masala jab bhee uTha chiraago ka
faisala sirf hava karatee hai

aur ye ashaar bhee kamaal ke hai

chehara mera tha nigaahe us kee
khaamoshee me bhee vo baate us kee

mere chehare pe gajal likhatee gee
sher kahatee huee aankhe us kee

baakee roomaanee shaayaro kee tarah paraveen ko bhee chaand, chaandanee aur baarish aakarShit karate rahe. par yahaa dekhie kitane dilakash andaaj me unhonne yahaa chaandanee, neend aur khvaab kee baate kee hai.

chaandanee ...
us roshan zarokhe ko chhoo kar ae, na ae
magar ...
meree palako kee takadeer se neede chunatee rahe
aur us aankh ke khvaab bunatee rahe ...

aur chaand me apanee tanahaee ka aks DhoonDhate hue unhonne kaha

ek se musaafir hai
ek sa mukaddar hai
mai jamee par tanaha
aur vo aasamaa me ...

Baarish se muktalif kuchh najme to yahan likh hi chuka hoon. Yahaan baarish se juDee ek ghajal jo muze behad priy hai ke chand sher pesh kar raha hoon.

baarish huee to phoolon ke tan chaak ho gaye
mausam ke haath bheeg ke *saffaak ho gaye
*khoonee

baadal ko kya khabar ki baarish kee chaah me
kitane buland-o-baala *shajar khaak ho gaye
*peD

juganoo ko din ke vakt pakaDane kee jid kare
bachche hamaare *ahad ke chaalaak ho gaye
*samay

lahara rahee hai barf kee chaadar haTa ke ghaas
sooraj kee shah pe tinake bhee bebaak ho gaye

parveen shaakir kee gajaliyaat ko Mehdi Hasan, Taahira Sayeed, Roona Laila jaise fanakaaro ne apanee aavaaj dee hai. par muze in sabame taahira sayeed kee gaee baadabaa khulane se pahale ka ishaara dekhana... behad pasand hai.

<bgsound src="badban.WMA">

*baadabaa khulane se pahale ka ishaara dekhana
mai samandar dekhatee hoo tum kinaara dekhana
*jahaaj ka paal

yoo bichhaDana bhee bahut aasaa na tha us se magar
jaate jaate us ka vo muD kar dubaara dekhana

kis *shabaahat ko liye aaya hai daravaaje pe chaand
ai **shab-e-hijraa jara apana sitaara dekhana
*soorat **viyog kee raat

aeene kee aankh hee kuchh kam na thee mere liye
jaane ab kya kya dikhaayega tumhaara dekhana

paraveen shaakir ne apanee jindagee us tej chalatee hava see jee, jise apanee manjil par jald se jald pahunchana ho. unake poore jeevan ko dekhe to yuvaavastha me milee khyaati, sivil sarvisej me safalata, shaadee fir beTe muraad ka janm, taalaak, kasTam ke kamishnar pad tak unakee tarakkee, apane jeevan kaal me hee unakee saaree rachanao ka prakaashan sab kuchh itana jaldee hota chala gaya maano unhe pahale se maaloom ho ki unake paas samay jyaada nahee hai. 26 Dec 1994 me kee subah unakee kaar kee bas se Takkar ho jaane kee vajah se unhonne 42 varSh kee umr me achaanak hee is duniya se kooch kar diyaa. par urdoo shaayaree ke premee na unako bhoole hai na unakee rachanao ko. aakhir khud unhonne hee to likha tha

mar bhee jaoo to kahaa log bhula denge
lafz mere hone kee gavaahee denge..........

Please post your comments here

Barish ke rang Parveen Shakir ke sang....

.
.
.
.
.
.
.
.

.

.

.

.

.

.

.

Barish ka mausam joron par hai aur baat Parveen Shakir ki ho rahi hai. Pata hai unhein bhi har shayra ki terah barish ki girti boondon se khaas lagaav tha. Is barish ki mukhtalif unhoine kai namkeen nazmein likhi hain. Meri pasand kuch yoon hai

*************************************************
(1 )
Barish ab se pehle bhi kai baar huyi thi
kya is bar mere rangrez nay chunri kachchi rangi thi
ya tan ka hi kehna such tha
rang to us kay honton mein tha.....

*************************************************
(2)
Barish mein kya tanha bheengna ladki?
use bula jiski chahat mein tera tan man bheenga hai
pyar ki barish se badhkar bhi kya barish hogi
aur is barish ke baad
hijra ki pehli dhoop khilegi
tujh par rangon ke ism (naam) khulenge....

*************************************************
(3 )
Main Kyun use phone karoon
usko to bhi ilm mein hoga
kal shab
mausam ki pehli barish thi.....

*************************************************
Kya aapke paas bhi barish se judi Parveen Shakir ki koyi nazm hai. Agar hai to share karein.

Post your comments here.

Parveen Shakir : A poetess who achieved so much in a short life span...

हिंदी में इस पोस्ट को पढ़ने के लिए यहाँ पर क्लिक करें।

Apane blog par aapake saath mai Faiz ka kalaam baanT chuka hoon. Aaj kee ye mahafil hai Parveen Shakir ke naam. Parveen Shakir ka naam pahalee baar internet par urdoo kavita ke ek manch par suna thaa. Waqt ke saath usee manch par is mashahoor paakistaanee shaayara kee kee ghajalein aur najmein paDhane ka mauka mila aur unake kaavya kee sanvedanasheelata aur saafagoee ne muze khaasa prabhaavit kiyaa. Koshish karoonga ki unakee chand behatareen krtiyaa aapake saamane rakh sakoo jo unakee shakhsiyat ko aapake saamane jaahir kar sake.

Parveen Shakir ko aisee shaayara me shumaar kiya jaata hai jinhonne apanee kavita me vo sab bebaakee se bayaa kiya jo unhonne apanee jindagee me mahasoos kiya aur sahaa. unaka sabase pahala ghajalon aur najmon ka sangrah Khushboo (1976) tab prakaashit hua jab vo 24 varSh kee thee. Yeman Taims ne Paraveen Shakir ke is sangrah ke baare me likha hai ki yoo to kavitao me khushaboo ek aisa prateek hai jo us pyaar kee kahaanee kahata hai jo kabhee mila nahee. par paraveen jis khushaboo kee baat karatee hai vo ek aise phool kee hai jisane pooree shiddat se fija me apanee mahak bikheree, par vo apano dvaara upekShit hee raha . vo bhee us soorat tak ki aakhirakaar vo murazaakar miTTee kee gard faankane par majaboor huaa. unaka ek behad mashahoor sher yaad paData hai

vo to Khushbuu hai havaao.n me.n bikhar jaayegaa

masalaa phuul ka hai phuul kidhar jaayegaa

ham to samajhe the ke ek zaKhm hai bhar jaayegaa

kyaa Khabar thii ke rag-e-jaa.N me.n utar jaayegaa

Darasal, ye sangrah kishoraavastha se nikal kar yuvaavastha me pravesh karatee laDakee ke khvaabo, khushiyo aur rusavaiyo ka aeena hai. Ab unakee isee najm ko dekhe...kis tarah yahaa apane saathee kee kalpanao me khoee ye laDakee madhur sapano ke jaal bunate-bunate ek chubhatee sachchaee ke roobaroo aa jaatee hai

Apne bister pe buhut dair se mein neem daraz
Sochti thi ke woh is waqt kahan par ho ga?
Mein yahan hoon magar uss koocha-e-rang-o-boo mein
Roz ki tarha se woh aaj bhi aaya ho ga
Aur jab us ne wahan mujh ko na paya ho ga...........

Aap ko ilm hay,woh aaj nahin aai hain?
Meri har dost se us ne yahi poocha hoga
Kiyon nahin aai woh? Kiya baat hui hay aakhir?
Khud is baat par sau baar woh uljha ho ga

Kal woh aaiey gee tu mein uss se nahin boloon ga
Aap hi aap kaee baar woh rootha ho ga
Woh nahin hay tu bulandi ka safar kitna kathin
Seerhiyaan charhte hue uss ne socha ho ga

Rahdaari mein, harey lawn mein, phoolon ke qareeb
Us ne har simt mujhe aa ke dhoondha ho ga
Naam bhoole se jo mera kahin aaya ho ga
Ghair mehsoos tareeqey se woh chonka ho ga

Aik jumley ko kai baar sunaya ho gaa
Baat kartey huey sau baar woh bhoola ho gaa
Yeh jo larki nai aai hai? kahin woh to nahin?
Us ne har chehra yahi soch ke dekha ho ga

Jaan-e-mehfil hai magar aaj faqat merey baghair
Haye kiss darja wohi bazm mein tanha ho gaa
Kabhi sannaton se wehshat jo hui ho gee use
Us ne besakhta phir mujh ko pukaara ho ga

Chalte chalte koi maanoos si aahat paakar
Doston ko bhi kissi uzr se roka ho gaa
Yaad kar ke mujhey num ho gai hon gee palkein
aankh mein par gaya kuch keh ke yeh tala ho ga

aur ghabra ke kitaabon mein jo lee ho gee panah
har satr mein mera chehra ubher aaya ho ga
jab mili ho gee ussey meri alaalat ki khabar
us ne aahista se deewar ko thama ho gaa

ittifaqan mujhey us shaam meri dost mili
mein ne poocha ke ,suno, ?aaiey they woh? Kaisey thay??
Us ne aik lamhey ko dekha mujhey aur phir hans dee
us hansi mein tu woh talkhi thi ke us se aage
kiya kaha uss ne..mujhey yaad nahin hai laiken?
itna maaloom hai....................
"khawabon ka bharam toot gaya"

Parveen Shaakir ne angrejee me MA kiya . 9 saal tak vo college mein shikShika rahee. isee dauraan inaka doosara kaavy sangrah Sad-barg (sau patte) chhap chuka thaa. paDhane-likhane me inakee kaabiliyat ka aalam ye tha ki 1986 me jab pahalee baar paakistan civil services kee pareekSha me baiThee to chun lee gee. maje kee baat ye rahee ki us imtihaan me ek savaal inakee kavita se bhee poochha gayaa.

Ghajal me to hamesha se prem, viyog, ekaakeepan, udaasee, bevafaee, aasha aur hataasha se juDee bhaavanao ko pradhaanata milee hai. kaavy sameekShako ka aisa maanana hai ki parveen shaakir ne na keval apanee ghajal aur najmon me in bhaavanao ko pramukhata dee , balki saath saath in viShayo ko unhonne ek naaree ke drdhTikoN se dekha jo tab tak urdoo kavita me Theek se ubhar ke aa nahee paaya thaa. paraveen, naajuk se naajuk bhaavanao ko sahajata se vyakt karana bakhoobee jaanatee thee. milan ke komal mulaayam jajbaato ko jis khoobasooratee se unhonne apanee is najm me ukera hai, usakee misaal samakaaleen urdoo shaayaree me nikaal paana mushkil hai.

sabz maddham roshanii me.n surKh aa.Nchal kii dhanak
sard kamare me.n machalatii garm saa.Nso.n kii mahak

baazuuo.n ke sakht halqe me.n ko_ii naazuk badan
silvaTe.n malabuus par aa.Nchal bhii kuchh Dhalakaa huaa

garmii-e-ruKhsaar se dahakii hu_ii Thaa.nDii havaa
narm zulfo.n se mulaayam u.Ngaliyo.n kii chhe.D chhaa.D

surKh ho.nTho.n par sharaarat ke kisii lamhe.n kaa aks
reshamii baaho.n me.n chuu.Dii kii kabhii maddham dhanak

sharmagii.n lahajo.n me.n dhiire se kabhii chaahat kii baat
do dilo.n kii dha.Dakano.n me.n guu.Njatii thii ek sadaa

kaa.Npate ho.nTho.n pe thii allaah se sirf ek duaa
kaash ye lamhe Thahar jaaye.n Thahar jaaye.n zaraa


aur yahaa dekhe pyaar ke khushanuma ahasaas ko yaado ki giraft me kaid karatee ye ghazal apane pravaah me paaThak ko kis tarah baha le jaatee hai.

sundar komal sapano.n kii baaraat guzar ga_ii jaanaa.N
dhuup aa.Nkho.n tak aa pahu.Nchii hai raat guzar ga_ii jaanaa.N

bhor samay tak jis ne hame.n baaham ulajhaaye rakhaa
vo albelii resham jaisii baat guzar ga_ii jaanaa.N
[baaham=with each other]

sadaa kii dekhii raat hame.n is baar milii to chup ke se
Khaalii haath pe rakh ke kyaa sauGaat guzar ga_ii jaanaa.N

kis ko.npal kii aas me.n ab tak vaise hii sar-sabz ho tum
ab to dhuup kaa mausam hai barasaat guzar ga_ii jaanaa.N

log na jaane kin raato.n kii muuraade.n maa.Ngaa karate hai.n
apanii raat to vo jo tere saath guzar ga_ii jaanaa.N

Jo shakhs tees kee umr ke pahale hee seleebreTee ka darja pa chuka ho usakee jindagee me khushiyo kee kya kamee . par kya esa ho paaya tha paraveen ke saath ? kaavy aur naukaree dono me kam umr me itanee tarakkee pa kar bhee apanee nijee jindagee me unhe kaafee niraasha haath lagee thee. gam aur khushee ka ye mishraN unakee lekhanee me jagah-jagah saaf dikhaee paData hai.

kuchh to hava bhee sard thee kuchh tha tera khayaal bhee
dil ko khushee ke saath saath hota raha malaal bhee

baat vo aadhee raat kee raat vo poore chaand kee
chaand bhee ain *chet ka us pe tera **jamaal bhee
* ek mahine ka naam ** sundarata

sab se najar bacha ke vo muz ko aise dekhate
ek dafa to ruk gee gardish-e-maah-o-saal bhee

dil to chamak sakega kya fir bhee taraash ke dekh lo
*sheeshaagaraan-e-shahar ke haath ka ye kamaal bhee
* sheeshe par kaam karane vaala

us ko na pa sake the jab dil ka ajeeb haal tha
ab jo palaT ke dekhiye baat thee kuchh *muhaal bhee
* mushkil

meree talab tha ek shakhs vo jo nahee mila to fir
haath dua se yoo gira bhool gaya savaal bhee

shaam kee naasamaz hava poochh rahee hai ik pata
mauj-e-hava-e-koo-e-yaar kuchh to mera khayaal bhee

us ke hee baajooo me aur us ko hee sochate rahe
jism kee khvaahisho pe the rooh ke aur jaal bhee

Agalee posT me baate hongee unakee kuchh barish se judi nazmon kee. to chalate-chalate ek jhalak dekhie unhe khud ek mushaayare mein

Post your comments here

The Andaman Saga......

Sunaami ke kareeb 40 dinon pehle hum Andaman gaye the. Is blog ko shuru karne ke pehle us yatra ke bare mein bahut kuch silsilewaar dhang se likh kar rakha tha. 15 pages likhne ke baad bhi main apni yatra ke madhya bhaag tak pahunch paya tha. Aur uske baad wo silsila hi ruk gaya.

Usi silsile ko apne Hindi Blog par dobara shuru kar raha hoon.

Asha hai ye shrinkhala aapko pasand aayegi. Agar aap bhi Andman gaye hon to apne anubhavon ko share karein.

1. Ranchi se Kolkata ...Aakhir kaise huyi humari yatra aarambh?
2. Kolkata to Port Blair : Meri wo pehli viman yatra. :)
3. Cellular Jail : Itihaas se jhankte wo avismarneey panne.
4. Ross Island : Nariyal ke pedon se aachaadit vo pyara dweep
5. North Bay ki Corals aur Chidiya Tapu ka sunset
6. Barish mein Bheegi Bheegi si vo Pehli Samudri Yatra
7. Kyun mana jata hai Havelock Asia ka sabse sundar tat (sea beach)?
8. Andman Trunk Road aur 'Jarwa'
9. Kaise Huye Hum Roobaroo Baratang mein Jarwa se ?
10. Mount Harriet & Twenty Rupee Note..The end of Andman Saga.
    

An Evening with my Virtual Friends in Delhi :)

हिंदी में इस पोस्ट को पढ़ने के लिए नीचे संबंधित पोस्ट पर क्लिक करें।

1. कैसे हुई नेट की जिंदगी से जुड़े लोगों से पहली मुलाकात!
2. कौन से मुद्दे उठे आपसी बातचीत में।
3. आपसी बातचीत के दौरान बिताए लमहों का चित्रात्मक ब्योरा !
   
   Sach kahoon to main nijee zindagee me apane shahar se baahar nikalane par bahut milanasaar nahee raha hoon, isame aalasya ka hee mukhy yogadaan raha hai.
   
   27 June ko jab mai dillee ke lie nikal raha tha to isee asamanjas mein tha ki sabako bata to diya hai, par mai kya khud hee vakt nikaal paoonga sabase milane julane ka? Vimaan ke cabin kakSh se udaghoShaNa ho rahee thee ki dillee ke chaaro or maanasoonee baadalo ka pahara hai...vimaan ke utarane ke pahale kee DagamagaahaT ke lie maanasik roop se taiyaar rahe. par ye kya jab dillee paas aee to baadalo ka koee naamonishaan tak nahee thaa. shaam ke saat baje bhee andhera dillee ko nigal nahee paaya thaa. 36 Digree taapamaan ke saath umas bharee shaam hamaara intajaar kar rahee thee . Karolabaag me hoTal me taro taaja hone ke baad fon nambar kee ferahist nikaalee jo ki muze mel aur chiTThe par milee thee. hamaaree soshal neTavarking ka janaab haal ye hai ki fon kee kaun kahe uname se 90 feesadee logo se chaiT tak me bhee kabhee meree baat nahee huee thee.
   
   mere pahale nishaane pe the jagadeesh bhaaTiya saahab...nambar turant laga aur udhar se shaant chitt svar sunaee paDaa. mera naam sunakar kuchh der tak vo chup rahe....aakhir vaastavik duniya se neT kee duniya me aane me kuchh samay to lagata hee haina . fir baDee garmajoshee se svaagat kiya, mausam, sheyar, ghar parivaar kee baate huee...fir kaha jaroor mulaakaat hogee. bhojan ke baad fir fon sambhaala, ab raat ke vakt to jo tayashuda baichalars hai unhe hee pareshaan kiya ja sakata hai. so pahale amit se baat huee , fir raajesh raushan aur sabase ant me shailesh bhaaratavaasee se. amit ke baare me blogar meeT ke pahale ke kisso aur paricharcha me saath hone kee vajah se muze usake vyaktitv ka andaaja thaa. baatacheet se bilakul nahee laga ki pahalee baar baat ho rahee ho. raajesh raushan raanchee ke hai ye muze pata nahee thaa. pahale shashi fir avinaash .. sachin aur ab raajesh ..jaanakar prasannata huee kee blaaging parivaar me zaarakhanD se kisee na kisee roop me juDe patrakaaro kee ferahist lambee hotee ja rahee hai.
   
   haa to hindee yugm ke shailesh jee se sampark karana aasaan siddh nahee huaa. maje kee baat ye ki raat ke gyaarah baje ke baad bhee unaka fon vyast chal raha thaa. hamaare dimaag kee ghanTee bajee..kahee inaka koee chakkar vakkar to nahee chal raha? khair das minaT baad fir koshish kee to kahane lage ki ek puraane sakha the , un se aksar jab bhee baat hotee hai lambee hee chalatee hai. ab ve vaastav me sakha the ya sakhi isakee puShT khabar to hamaare devesh khabaree jee hee de sakate hai :p. muze is posT ke chhapate-chhapate abhee bhee unakee is baare me antim riporT ka intajaar hai.
   
   agalee subah kaaryaalay nikalane ke Theek pahale maithilee jee se sampark saadhaa. itane pyaar se unhonne milane kee ichchha jataee ki man abhibhoot ho gayaa. isase pahale mai unake baare me bas itana jaanata tha ki vo kaife hindee chalaate hai jisakee shuruaat me lekho ko chiTThe se lene ke sambandh me vivaad hua thaa. masijeevee ko jab fon kiya to vo kolej jaane kee taiyaaree me the. kanoT ples me unaka kolej hai to vahaa mulaakaat hone kee sambhaavana ho paegee aisa unhonne kahaa. fir sangeet me ruchi rakhane vaale sajeev saarathee se baat huee. bahut achchhee aavaaj lagee unakee. baato se pata chala ki vo bhee kanoT ples ke paas hee kaam karate hai aur vo jaroor aenge.
   
   aruN aroDa se baat shuru huee to unhonne pahalee baat ye kahee ki muze to yakeen hee nahee ho raha ki aap muze fon karenge. darasal aruN jee sabase pahale paricharcha me ae the aur pangebaaj banane se pahale sabase pahalee nonk zonk (shreesh, yaad hai aapako) unakee muzase hee huee thee :). aruN jee kee 29 ko ek meeTing thee. par 28 ko fon par hee unase kaafee baate huee. mainne unhe apane fareedaabaad ke puraane anubhav bataaye aur unase unake vyaapaar se juDee jaddojahad kee kahaanee sunee.
   
   28 ka saara din aur shaam kaaryaalay ke kaam me nikal gayaa. raat ko raajeev ranjan prasaad se baat huee. pata chala ki 29 ko shaayad hee unhe samay mil pae. baat unakee kavitao se chalakar bastar kee naksalee samasya tak pahunch gee. apane kShetr kee samasyao ke prati unakee bhaavanae apane jile se unake mamatv ko darshaatee dikhee. kul milaakar muze vo jindaadil vyaktitv ke svaamee lage.
   
   28 ko mainne apana Thikaana karolabaag se haTaakar kanoT ples ke hoTal paark me kar liyaa. hoTal to behatar tha hee ,saath me sabase baatacheet se ye anumaan bhee lag gaya ki milan sthal kanoT ples me rahane se suvidha hogee. shaam 5 baje ka vakt amit ne suzaaya taaki aafis se seedhe log udhar chale jae. sabako sms kar diya gayaa. chaar baje tak mai hoTal pahunch gaya thaa. paanch baj ge par bhaarateey maanako ke hisaab se koee nahee aayaa. sabase pahalee ghanTee saaDhe paanch baje amit ne bajaee , aur kareeb saaDhe chhah tak saare log ek-ek kar aa chuke the. hairat kee baat thee ki ek hee shahar me rahakar bhee bahut se log pahalee baar aapas me mil rahe the.
   
   (chitra me baaye se shailesh ,sajeev saarathee, devesh khabaree, amit gupta, manish yaani mai khud :), aruN aroDa,jagadeesh bhaaTiya aur maithilee gupt jee)
   
   saaDhe paanch baje hamaaree gapashap raat baarah baje tak chalee. beech-beech me log rukhasat hote ge. vibhinn masalo par ham sab ek doosare ke vichaaro se avagat hue aur saath hee ek doosare kee shakhsiyat se vaakif hue.
   
   
   
   
   
   
   
   
   
   
   
   
   
   
   Post your comment here
   

(Pic no. 2 & 6 courtsy : Amit Gupta)