Annual Musical Countdown 2008 : Song no. 7 : Teri Or Teri Or in velvet voice of Shreya & Rahat

Varshik Ssangeetamala ki 7th panyadan par bhi melody usi tarah bah rahi hai jaisi pichhali panyadan par thi antar sirf itna ki pichhali seedhi par jahan roop kumar rathaud suron ki ganga baha rahe the vahin aaj ki is panyadan par kokil kanthi Shreya Ghoshal virazmaan hain.

Sa re ga ma jaise musical talent hunt ki upaj Shreya ko gane ka pahla mauqa Sanjay Leela Bhansali ne Devadas mein diya tha aur uske baad is pratibhashali gayika ne pichhe mud kar nahin dekha hai. Singh is King ke is yugal geet mein shreya ka sath diya hain janab rahat fateh ali khan sahab ne. shreya ki meethi roomani aavaj ke parshv se jab rahat ji ki buland aavaj ubharati hai to in donon aavajon ka sangam ek saman bandh deta hai jiski taseer ghanton zehan mein vidyaman rahti hai.

Pritam yoon to dhunon ki chori ke liye badanam hain par har sal vo kuchh aisi zabardast dhunen bhi dete hain jisse aashchary hota hai ki itane pratibhashali hone ke bavazood dhun banane ke liye baraha inhen inspired kyoon hona padta hai ? is geet ke bol likhe hain Mayur Suri ne jo ek navodit geetakar ke sath sath sanvad lekhan ka bhi kaam karte hain. mayoor aur pritam ki jodi ne isase pahale bhi film pyar ke side effects mein ek kamal ka geet jane kya chahe man bavara... diya tha jo mujhe pritam ki sabase dil azeez rachna lagti hai.
to aaiye dalein is geet ke bolon par ek nazar aur sunein ye prem se otprot ye geet...



dil kho gaya, ho gaya kisi ka...
ab rasta mil gaya khushi ka...
aankhon mein hai khvab sa kisi ka...
ab rasta mil gaya khushi ka...
rishta naya rabba, dil chhu raha hai
khinche mujhe koee dor teri or
teri or, teri or, teri or hay rabba
teri or, teri or, teri or...
teri or, teri or, teri or hay rabba
teri or, teri ora, teri or ....

khulti fizayein khulti ghatayen ...
sar pe naya hai aasaman .......
charon dishayen , hansake bulayen ...
vo sab huye hain meharabaan......

hamein to yahi rabba , kasam se pata hai
dil pe nahin koee jor, koee jor...
teri or,.......

ik heer thi aur, tha ek ranjha ....
kahte hain mere ganv mein ...
sachcha ho dil to sau mushkilen ho....
jhukata nasiba panv mein .....
aanchal tera rabba falak ban gaya hai
ab iska nahin koee oor koee chhor
teri or..................dil kho.....

Click Here to read this post in (Hindi) Devnagari script.

Click Here to post your comment

Annual Musical Countdown 2008 : Song No. 8 - Roop Kumar Rathod with Tujh Mein Rab Dikhta Hai....

Varshik sangeetamala 2008 main dedh mahine ka safar poora kar ham sab aa chuke hain aathavin panyadan par. aur is panyadan par geet us film ka jise lokapriyata main ek sham mere naam ke hindi aur roman sanskaranon ke pathakon ne kul milakar abatak sabse jyada vote diye hain. ji haan is sangeetamala ki aathavin panyadan par film rab ne bana di jodi ka vo geet jise likha Jaydeep Sahni ne, dhun banaee salim suleman ne aur apani makhamali aavaj se nikhara roop kumar rathod ne..

Roop kumar rathod ek aise gayak hain jinhen bataur parshv gayak , chuninda geet hi milate hain par usamain ve vo prabhav paida karte hain jo salon saal man se nahin nikal pata. Ab vo chahe Border ka geet sandeshe aate hon ho ya anwar ka maula mere maula. aur pichhale sal manorma film ka geet tere savalon ke vo javab jo main de na, de na sakoon main unake lagaye behatarin oonche sur, us geet ko meri iss sangeetamala ki chhathi panyadan tak le gaye the.

Kya aap jante hain ki itni sadhi aavaj ke malik Roop Kumar Rathod ne sangeet ka ye safar ek gayak ke taur par nahin balki tabala vadak ki haisiyat se shuru kiya tha? Assi ke dashak ki shuruaat main jab ghazalon ka svarnim kal chal raha tha tab roop kumar rathaud sare mashahoor ghazal gayakon ke chahete tabala vadak the. Baad main jab patni Sonali Rathod ne unse gane ke liye prerit kiya to vo gayiki ke kshetra main aa gaye.

Roop kumar rathod ka parivar sangeetik vibhootiyon se bhara pada hai. Pita pandit chaturbhuj rathaud khud ek shastriy gayak the. bade bhaee shravan ek mashahoor sangeetakar rahe jinhonne nadim ke sath milkar nabbe ke dashak main kayee hit filmain din aur chhote bhaee vinod bhi parshv gayak to hain hee.

Agar is geet ko Roop sahab ki aavaj main sunkar aap geet ki bhavapoorn melody se abhibhoot ho jate hain to uska shrey geetakar aur sangeetakar ki jodi ko bhi jata hai. Jayadeep Sahni ke liye is tarah ke geet ko rachana ek alag anubhav tha. apane pyar ko apana aradhya manne ka khyal bharatiy sanskrti main koee naya nahin hai par aajakal is parikalpana ko lekar banaye gaye geeton ki tadad behad kam rah gaee hai. Jayadeep ke liye mushkil ye thi ki vo khud bhi is tarah ki soch se mutassir nahin the fir bhi unhonne kahani ki mang ke hisab se is vichar ko apane bolon main dhala aur jo parinam nikala vo to aap dekh hi rahe hain. jayadip khud apane prayas se behad santusht hain aur kahte hain ki
"apni soch ki charadivari main jo geetakar bandh ke rah gaya vo alag alag patakathaon ke anuroop geeton ki rachna kaise kar payega?"

chaliye batein to aaj bahut ho gaeen ab sunate hain ye behad pyara sa nagma



tu hi to jannat meri, tu hi mera joonoon
tu hi to mannat meri, tu hi rooh ka sukoon
tu hi ankhiyon ki thandak, tu hi dil ki hai dastak
aur kuchh na janoon, main bas itna hi janoon
tujh main rab dikhta hai, yara main kya karoon
sazde sar jhukta hai, yara main kya karun

kaisi hai ye doori, kaisi mazboori
mainne nazaron se tujhe chhu liya
kabhi teri khushaboo, kabhi teri baten
bin mange ye jahan pa liya
tu hi dil ki hai raunaka, tu hi janmon ki daulat
aur kuchh na janoon, bas itana hi janoon
tujh main rab dikhta hai, yara main kya karoon...

chham chham aaye, mujhe tarasaye
tera saya chhed ke choomta..
tu jo muskaye, tu jo sharamaye
jaise mera hai khuda jhoomta..
tu meri hai barakat, tu hi meri ibadat
aur kuchh na janoon, bas itana hi janoon
tujh main rab dikhta hai, yara main kya karoon ...

aur parde par Shahrukh Anushka ki jodi par filmaye is madhur geet ki jhalak aap yahan dekh sakate hain

Click Here to read this post in Hindi (Devnagari) script.

Click Here to comment on this post.

Annual Musical Countdown 2008 : Song No. 9- Maan meri Maan..a sweet song sung by Kailash Kher..

Dasvidaniya)! hai na azeeb naam ek bharateey film ke liye. Nirdeshak Sushant Shah ne apani film ke liye is russian jumle ka istemaal kiya jiska arth hota hai goodbye yani alvida! Khair, abhi varshik sangeetamala 2008 ko alvida kahane mein to kafi waqt baki hai par aaj bari hai pratham das payadanon mein se nauvin payadan ki, jahan isi film se liya gaya vo geet hai jisamein vyakt ki gaee bhavanaon ko ham sab apani maan.on ke liye mahasoos karate hain.

Ek aam aadami ke kiradar mein Vinay Pathak ka kaam is film mein to behatarin hai hi sath hi Kailash Kher ka diya sangeet bhi man ko lubhata hai. Kailash ne is geet ki poori dhun mein guitar ka pramukhata se prayog kiya hai jo bolon ke sath sarasata se ghulata nazar aata hai. Kailash Kher ke rachit geeton ki khasiyat hai ki unamein jyada kavitaee nahin hoti.. Ve sahaj bhasha ka prayog karte hain . Par jab yahi sidhe sachche bol unake svar mein ubharate hain to dil ka kona kona geet ki bhavanaon se pighalata prateet hota hai. Unki aavaj mein ek divyata hai jo unke gaye geeton ko ek alag hi muqam par le jati hai. Mujhe kailash ji ki is antare ki adayagi sabase behatarin lagati hai jab vo gate hain ...

duniya mein jeene se jyada uljhan hai maan
tu hai amar ka jahan
tu gussa karti hai, bada achchha lagta hai
tu kan pakadti hai badi jor se lagata hai
meri maan..pyari maan..mamma

.....bachpan ki dher sari yaden ek sath aankhon ke samaane ghoom jati hain. to aap bhi suniye na ye geet. khud ba khud maan ki mamatamayi chhavi aapaki aankhon ke samaane aa jayegi...



maan meri maan
pyari maan..mamma
ho maan..pyari maan..mamma
hathon ki lakiren badal jayengi
gam ki ye janjiren pighal jayengi
ho khuda pe bhi asara, tu duaaon ka hai ghar
meri maan..pyari maan..mamma

bigadi kismat bhi sanvar jayegi
jindagi tarane khushi ke gayegi
tere hote kisaka dar , tu duaaon ka hai ghar
maan meri maan...pyari maan..mamma

yoon to main sabase nyara hoon
tera maan main dulara hoon
duniya mein jine se jyada uljhan hai maan
tu hai amar ka jahaan
tu gussa karati hai, bada achchha lagta hai
tu kan pakadati hai badi jor se lagta hai
meri maan..pyari maan..mamma

hathon ki lakiren badal jayengi,
gam ki ye janjiren pighal jayengi
ho khuda pe bhi asara, tu duaaon ka hai ghar
maan meri maan...pyari maan..mamma

Vinay Pathak par filmaye is geet ko aap yu tyoob par bhi dekh sakte hain..

Click Here to read this post in Hindi (Devnagari) script.

Click Here to post your comments .

Annual Musical Countdown 2008 : Song No. 10 - Khwaza mere Khwaza the sufi qawwali with its sweet instrumental version..

Karyalay ke dauron ne varshik sangeetamala ki gati manthar kar di hai. Bokaro se lautakar ab Bhilai ki or prasthan kar raha hoon par jane ke pahale aapako is sangeetamala ki panyadan ki ye soofi kavvali aur isaki nirali dhun jaroor sunavate jaoonga. pichhali post mein film aamir ke geet ne jo soofiyana mahaul racha tha, vo is payadan par bhi barakarar hai. Jodha Akbar ke is soofi kalam ko sangeetabaddh kiya rahman aur gaya bhi rahman ne.

Daraasal is geet se mera judav isaki picturiation ko dekhne ke baad huaa. usake baad jab mainne is soofi kvavali ka instrumental varsion suna man aisi shanti aur sukoon mein doob gaya ki is dhun ko bar bar sunane ki ichchha hoti rahi. fir pichhale saal ke bade hisse tak ye dhun meri mobile ki ring ton bani rahi. Allah Rakkha Rahman ko yoon hi sangeet samikshak genious ki upadhi nahin dete. kya dhun banaee hai unhonne !


Is dhun ko unhonne woodwind shreni ke vady 'oboe' ka bakhoobi istemal kiya hai jo bahut had tak clarinate se milta julta vady yantr hai sivaye isake ki isamein mouthpiece nahin hota. Iss vady yantr ke bare mein vistar se janana chahate hon to yahan dekhein . Agar ye geet meri is geetmala ke pratham das mein jagah pa saka hai to isake pichhe is dhun ka bahut bada hath hai.

Ab dhun to aapane sun li ab jara isake bolon par jara gaur faramayen . Ise doharate huye aapaka man bhi us ooparavale ki khidamat mein jhuk jayega.



khwaza ji.. khwaza
ya garibanavaj ya garibanavaj ya garibanavaj
ya moinuddin ya moinuddin ya moinuddin
ya khwaza ji ya khwaza ji...

khwaza mere khwaza
dil mein sama ja
shahon ka shah too
ali ka dulara

khwaza mere khwaza
dil mein sama ja
bekason ki taqdeer
toone hai sanvari
khwaza mere khwaza

tere darabar mein khwaza
noor to hai dekha
tere darabar mein khwaza
sar jhukate hain auliya
tu hai himalavali khwaza
rutaba hai nyara
chahane se tujhako khwaza ji
mustafa ko paya
khwaza mere khwaza

mere peer ka sadqa mere peer ka sadqa
hai mere pir ka sadqa
tera daman hai thama
khwaza ji.... taali har bala hamari
chhaya hai khumar tera
jitana bhi rashk karen beshak to kam hain aye mere khwaza
tere kadamon ko mere rahanuma nahin chhodana gavara
khwaza mere khwaza




Click Here to read this post in Hindi Devnagari Script

Click Here to comment on this post.

Annual Musical Countdown 2008 : Song No. 11 - Mahfooz...A Sufi Song from Movie Aamir

Varshik sangeetamala ke ek mahine se chal rahe safar mein ab tak aap mere sath geet sankhya 25 se lekar 12 tak ka safar tay kar chuke hain. ab tak aapane kabhi udasi to kabhi muskurahat ke rangon se bhare geet sunen. par aaj 11 vin payadan par chada hai mahaul soofi sangeet ka. aur ek rochak tathy ye ki is panyadan ke sangeetakara, geetakar aur sare gayakon ke liye meri kisi bhi sangeetamala mein ye pahali intri hai.

Gyarahavin payadan ka ye geet hai film 'Aamir' se. isake sangeetakar hain Amit Trivedi aur geetakar hain Amitabh. is geet ko apani aavaj di hai Amit Trivedi, Murtaja Qadir aur Amitabh ki tikadi ne.

'Aamir' ka sangeet mujhe adbhut lagata hai . Vibhinn prakar ke taal vadyon (Percussion instrumeints) ka prayog amit ne tali ki sangat ke sath jis tarah kiya hai vo mujhe mantramugdh kar deta hai. maje ki bat ye hai ki 29 varshiy Amit Trivedi ko is geet ki dhun tab dimag mein aaee jab vo ek 20-20 maich dekhane ke liye doston ki pratiksha karate huye saindavich khane ki yojana bana rahe the. Amit Trivedi ke bare mein vistar se charcha hogi par usake liye aapako kuchh aur panyadanon tak pratiksha karni hogi.

Amitabh ke bol geet ke mood ke anuroop soofiyana rang se range dikhate hain. ab is antare ko dekhen ...hamare jivan ki sari doriyan ooparavale ke hath mein hain is sidhi sachchi bat ko amitabh ne badi khoobasoorati se yahan pesh kiya hai.

sone chamak mein sikke khanak mein
milata nahin milata nahin
dhool ke jarron mein, dhoondhe koee to
milata vahin milata vahin
kya majal teri marji ke aage bandon ki chal jayegi
tane jo ungali too, kathaputali ki chal badal jayegi... jayegi

geet ke ant tak pahunchane tak geet ki dhuna, bol aur gayiki tinon milakar ऍsa asar dalate hain ki man ise gunagunaye bina rah nahin pata. to chaliye sunate hain man ko shant karata ye soofiyana nagma



aani jani hai kahani
bulabule si hai zindagani
banati kabhi bigadati
tez hava se ladati bhidati
han raham han raham faramaye khuda
mahafooj har kadam karana ai khuda
ai khuda....

sanson ki sookhi dor anoothi
jal jayegi jal jayegi
band jo laye the hath ki mutthi
khul jayegi khul jayegi
kya guman karen kaya ye ujali
mitti mein mil jayegi
chahen jitani shamaye roshan kar len, dhoop to dhal jayegi... jayegi
han raham han raham faramaye khuda...

sone chamak mein sikke khanak mein
milata nahin milata nahin
dhool ke jarron mein, dhoondhe koee to
milata vahin milata vahin
kya majal teri marji ke aage bandon ki chal jayegi
tane jo ungali too, kathaputali ki chal badal jayegi... jayegi
han raham han raham faramaye khuda...

Click Here to read this post in Hindi (Devnagari) script.

If you have something to say, Click Here to post ur views.

Annual Musical Countdown 2008 : Song no. 12 : Zindagi, Zindagi Kya kami Rah Gayi...

Varshik sangeetamala ki 12 vein panyadan par geet vo jise gaya yek kemikal injiniyar ne, dhun banaee rahaman ne aur geet ke bol likhe gulajar ne. film ka nam to aap pahachan hi gaye honge ji han yuvaraj . rahi bat gayak ki to ye koee naye navele gayak nahin. sabase pahale main inaki aavaj ka kayal huaa tha film dil chahata hai ke geet kaisi hai ye rut ki jisamain.. se . fir lagan ke geet mitava main udit narayan ka inhonne bakhoobi sath diya tha. isake aalava sapane aur Earth 1947 ke geeton ko ye apani aavaj de chuke hain.

ye hain Srinivas ! kanartak sangeet main daksh is gayak ko apane sapane ko poora karane main das sal lag gaye. to kya tha inaka sapana? shrinivas ka sapana tha ilairaja ke sangeet nirdeshan main gana gana. par inaka shauk jab tak anjam tak pahunchata tab tak roji roti ka jariya bhi to dhoondhana tha. so teksatail udyog main naukari kar li par sangeet se apana nata nahin toda. aur badakismati ye ki jab pahali bar ilairaja ne gane ka mauka dena chaha to gale main sankraman ke chalate vo mauka gavan baithe. par jahan pratibha ho vahan mauke to milenge hi . shrinivas ne apne agale mauke ka bharapoor upayog kiya aur tamil film udyog ki jani pahachani aavaj ban baithe.

A.R. rahman ki khasiyat hai ki vo naye pratibhavan cheharon ko hindi film jagat main mauke dete rahate hain. aapako yad hoga ki film guru main tere bina tere bina besuvadi ratiyan main unhonne chinmayi ko mauka diya tha aur is sal javed ali, rashid ali aur is geet main shrinivas ko apana hunar dikhane ka unhonne mauka diya hai.

jab bhi yuvaraj ka ye geet sunta hoon to srinivas ki aavaj ki khanak aur spashtata sidhe dil main utar jati hai. to aaiye sunen ekakipan ke lamahon ko bayan karata ye udas nagma

Zindagi zindagi kya kami reh gayi
Aankh ki kor mein
Kyun nami reh gayi
Tu kaha kho gayi
Tu kaha kho gayi
Koi aaya nahi
Dopahar ho gayi
Koi aaya nahi
Zindagi zindagi
Din aaye din jaaye
Sadiyaan bhi gin aaye
Sadiyaan re…
Tanhaayi lipti hai
Lipti hai saanso ki rassiyaan re
Tere bina badi pyasi hai
Tere bina hai pyasi re
Naino ki do sakhiyan re
Tanha re…
Main tanha re..
Zindagi zindagi kya kami reh gayi
Aankh ki kor mein
Kyun nami reh gayi
Zindagi zindagi
Subah ka kohra hai
Shaam ki dhool hai
Tanhaayi hai…
Raat bhi sard hai
Dard hi dard hai
Ruswaayi hai
Kaise kate saanse uljhi hain
Raatein badi jhulsi jhusli hain
Naina kori sadiyaan re tanha re
Main tanha re
Zindagi zindagi kya kami reh gayi
Aankh ki kor mein
Kyun nami reh gayi




Click here to read this post in Hindi (Devnagari) script

Click Here to post your comments about this post.

Annual Musical Countdown 2008 : Song no. 13 : Haule Haule Ho jayega Pyar..How the song was conceived ?.

To aa gayee hai Varshik sangeetamala ke beechon beech ki 13 vin payadan aur yahan geet vo jo poore desh ko apane lafjzon ke bal par haule haule jhuma raha hai. To kisane likha ye geet? Ek samay to media main ye khabarein bhi aa gayeen ki ise likhane vale koyee aur hain aur un sajjan ne TV par is geet se susajjit ek kitab bhi dikha dali jo unake hisab se kaee sal pahale hi chhap gaee thi. Media ki kayee kahaniyon ki tarah vo story bhi aaee gaee ho gaee. Ab main to yahi man kar chaloonga ki ye geet Jaydeep Sahni ka hi likha hai jo isase pahale chak de india ke geeton ko likh kar charcha main aa chuke hain.

Waise kya aap bata sakate hain ki Jaydeep aur Javed Akhtar main kya samanata hai? Bhai in donon ne film jagat man apane career ki shuruaat bataur patkatha lekhak se ki. Ye alag baat hai ki Javed sahab ab geeton ki rachna main hi waqt lagate hain jabaki Jaydeep abhi bhi patkatha lekhak ke taur par jyada jane jate hain.

Jaydeep ke bare main aapko kuchh aur batayenge aage ki payadanon main par abhi to ye janiye ki kya kahna hai geetakar Jaydeep Sahni ka is geet ke bare main..

Sandhya Ayyar ko hal hi main diye gaye ek sakshatkar main jaydip ne bataya ki "...ye geet film ke mukhy patr Suri ki manodasha kahne ka prayas karta hai ki dil se jude masalon ke bare main kaise sochata hai. Mera ye geet ek aise charitra ki baat karta hai jo khud ko vishvas dilana chahata hai ki sabr karne se kaam ant main jakar banta hai. Par ye kam uske liye aasan nahin kyonki usi ke dil ke doosare hisse ki soch bilkul alag hai. Yani ek or sabr to doosari or lakshy pane ki jaldi. ab na to soori stylish hai, na koyee prakhar vakta aur na hi chumbakiy vyaktitv ka swami. Vo to ek aam aadami hai , vidyut vibhag ka adna sa karmachari, jo vo jumale bol bhi nahin sakta jo bharatiy filmon ke nayak aksar prem main padane ke bad bolte hain. par Suri ke paas ek khoobi to hai hi aur vo hai usaki lagan aur sachchaee aur vo apani isi takat ko khud ko bata raha hai. aur isi soch par mainne is geet ko racha hai....."

Shayad geet ki yahi sachchaee hai jisane ise aam jan aur samikshakon donon main ise lokapriy banaya hai. Jayadip Sahni ke bolon ke sath Salim Suleman ka sangeet poori tarah nyay karata hai. Sukhwindar Singh ne haule haule chalane vale nagme ki khoobasoorat adayegi kar ye jatala diya hai ki unaka hunar sirf oonche suron vale dance number tak hi seemit nahin.

to aaiye pahale chalein rab ne bana di jodi ke is shabda chitra ke safar par

Rab Da Hi Tab Koi Hona, Karein Koi Yun Jaadu Tona
Maan Jaaye Maan Jaaye Haye Mera Sona..
Rab De Sahare Chalde, Na Hai Kinare Chal De
Koi Hai Na Kahare Chal De
Kya Kheh Ke Gaya Tha Shayar Woh Shayana..
Aag Ka Dariya Doob Ke Jana


Haule Haule Se Hawa Lagti Hai
Haule Haule Se Dawa Lagti Hai
Haule Haule Se Dua Lagti Hai, Haaan
Haaye, Haule Haule Chanda Badhta Hai
Haule Haule Ghonghat Uth Ta Hai
Haule Haule Se Nasha Chadhta Hai, Haan
Tu Sabar To Kar Mere Yaar, Zara Saans To Le Dildaar
Chal Fikar Nu Goli Maar Yaar Hai Din Jindai De Chaar
(Haule Haule Ho Jayega Pyaar Chhalyaa
Haule Haule Ho Jayega Pyaar...

Ishq e dii Galiyaan Tang Hai
Sharmo Sharmliee Band Hai
Khud Se Khud Ki Kaisi yeh Jung Hai
Pal Pal Yeh Dil Ghabraye
Pal Pal Yeh Dil Sharmaye
Kuch Kehta Hai Aur Kuch Kar Jaaye
Kaise Yeh Peheli.. Muh Dil Mar Jana..
Ishq Mein Jaldi Bada Jurmaana
Tu Sabar To Kar Mere Yaar, Zara Saans To Le Dildaar
Chal Fikar Nu Goli Maar Yaar Hai Din Jindadi De Chaar
(Haule Haule Ho Jayega Pyaar Chal Yaar
Haule Haule Ho Jayega Pyaar....

Rab Da Hi Tab Koi Hona, Karein Koi Yun Jaadu Tona
Maan Jaaye Maan Jaaye Haye Mera Sona..
Rab De Sahare Chalde, Na Hai Kinare Chal De
Koi Hai Na Kahare Chal De
Kya Kheh Ke Gaya Tha Shayar Woh Shayana..
Aag Ka Dariya Doob Ke Jana
Tu Sabar To Kar Mere Yaar, Zara Saans To Le Dildaar
Chal Fikar Nu Goli Maar Yaar Hai Din Jindadi De Chaar
Haule Haule Ho Jayega Pyaar ....



Click Here to read this post in Hindi

Do you like this song. Click Here to express your opinion.