Saturday, March 04, 2006

Shaadi ... Joote...aur Choron Ka Sardaar ! Part - I

Shadiyon ke is mausam mein pichle mahine main kuch dinon ke liye Kanpur gaya tha. Shadi meri cousin sis ki thi. Haldi…. Mehndi….Shadi ke geet…..Donon khemon mein hone wali sangeetmay nonk jhonk…..sabka khasa anand uthaya maine. Par sabse maza aaya Jooton ki Chori mein.
North Indian shadi mein ye rasma aam hai. Hota ye hai ki vadhu paksha yani ladki walon ko dulhe ke joote churane hote hain aur ye joote neg ki moti rakam wasool karne ke baad hi Dulhe ko lautaye jate hain. Ab is chori ko rokne ke liye ladke wale bhi taiyar ho kar aate hain. Aksar iska jimma waise logon ko saunpa jata hai jinhein jooton ki security ka achcha khasa experience hasil ho. :)
Choonki neg (money to be given to as per final bargain :) lene ka haq hone wali saaliyon ka hai isiliye ladki walon ki side se unki team hi sabse jyada active rehti hai is kaam ko anzaam dene ke liye.

Shadi ka karyakram suru hua. Humare kheme ki ladkiyan jooton ko suru se track kar rahi thin. Shadi ki raat ko logon ko hotel ke diff rooms distribute karne ka jimma mere upar tha. So main usi mein busy tha. Neeche vivah mandap mein aaya to dekha ki gaana bajana suru ho chuka hai. Beech mein hi mujhe ye khabar dee gayi ki joote ki security ka jimma 10-12 saal ke do bachchon ke upar hai jo saanp ke phan ki terah joote ke upar pehra de rahe hain. :)
Sath mein ye request bhi ki bhaiya aap kuch help karein humari.
Maine kaha are ismein main kya help karoonga. Phir ek nazar un veer balakon pe padi to laga ki hmmmmm yahan kuch apni daal gal sakti hai.

Main phir alag thalag ho ke bahar hi ghoomne laga. Andar un pe jo attention rakhi ja rahi thi unse un rakshakon ko tension ho rahi thi. So wo bhi aaye un jooton ke liye safe place dhoondhne ke liye. Maine unse poocha ki bachchon kya kar rahe ho? Bade bholepan se wo bole ki hum jooton ko chipane ki jagah dhoondh rahe hain. Maine unki baton mein jyada dilchaspi nahin dikhai par ye dekh liya ki wo kidhar jaa rahe hain. Kuch der baad we donon mandap mein wapas aa baithe. Unke chehre ki hansi bata rahi thi ki unhone apna safe place dhoondh liya hai.

Par mujhe hotel ke us area ke chappe chappe ki jaankari thi. Aur usmein joota chipane ki jagahein behad limited thin. Unhein neeeche aaya dekh ke main tez kadmon se chal pada …apne muqam ki or. Aur kuch hi minutes mein humari toli mein khushi ki lehar daud padi kyunki Doolhe ke joote humare kabze mein the…
Kya humari ye khushi chanik (kuch samay ke liye) nahin thi?
Kya we joote humari custody mein der tak rakh paye….? .
Joote ke hath se nikalne ki aur use punah pane ki humari koshish ki dastaan agle hisse mein….

8 comments:

Nagu said...

quite interesting manishji.Yeh joote chipane ka silsila shayad bahut poorana hain par hum aapke hain kaun movie ne shayad ise zyaada is popular kar diya (south mein). waiting for the next aprt of ur story

Dawn....सेहर said...

Wha janab....ab aaya oonth pahar ke neeche :)...chaliye ye shrinkhala bhi shuru kar hee diya...warna hum to aap per dhava bolne wale the ke....maze karke aaye ho aur...humein ooski zhalak se bekhabar..????
awesome...!!! mujhe hamesha se hee shadi ki north mein jo bhi riwaaz hote hein oonhein ..beshaq woh fhizuli kahein phir bhi ooska maza to kuch aur hee hai kyun hai na Manish :D....
sach sach batana dil kiya tha na ke.....ek baar phir shaadi kar liya jaye hmm hmm bolo bolo tell...tell ....
lol
waiting for next one ;)

cheers

Manish said...

thx Nagu & DON for patient reading. Hope both of u will enjoy the next part too.

PuNeEt said...

i was late here...
bt am having fun...

:-)

Cheers

Dawn....सेहर said...

Lekin manish ye kya ...:( mere sawalon ka jawab doooooooo do na :D

shaadi karne ka mann hua tha ;)
bolo bolo kuch to boloooooooooooooooooo

Manish said...

ji nahin hua tha !

Manish said...

Puneet shukriya for enjoying the post.

Dawn....सेहर said...

zhuth bole kavva kaate :P