Click Here to read this post in Hindi (Devnagari) script.
Char saal pahle antarajal par ek nazm padane ko mili thi, shayari ke ek manch par. likhne vale the Vinay ji jinake bare men mujhe bas itana maloom tha ki vo kanpur se hain. aksar unaki ghazalon aur nazmon ko us manch par ham saraha karate the.
aaj achanak unaki ek saadi si magar behad asaradar nazm ki kuchh panktiyan yad aa gayeen jo pahali bar padhne ke bad aksar gahe bagahe fir se laut kar hothon par aa jati hain. isiliye aaj socha ki kyoon na fir purani sanchikaon se nikal kar unhen aap tak laya jaye.
poori nazm men shayar apani mashooka se door jane ki baat karata hai, par nazm ki aakhiri do panktiyan us ki manasik sthiti ko behad khoobasoorati se vyakt kar deti hain...
mere sar khamoshi ka koyee ilajam bhi nahin
tumhare nam ab mera koyee paigam bhi nahin
waqt e maji ki ab koee tasavir nahin hai
tumhare vaste kaghaz pe koyee taharir nahin hai
ab door se mujhako tum sada mat dena
bujhate huye sholon ko hava mat dena
jo masayal hain mere sulajhane do mujhe
jata hoon agar door to jane do mujhe
manjilen aur bhi to hain jinhen pana hai tumhein
chand taron se bhi oopar jana hai tumhein
mere vaste kabhi koyee gam nahin karna
hausala apana kabhi bhi kam nahin karna
ab hamesha ke liye tum bhula dena mujhko
dil ke khali kisi kone men sula lena mujhko
ye alag bat hai zara nashad hoon main
pankh kat gaye mere par aazad hoon main
Vinay ji se pichhale char salon se meri net par mulakat nahin huee. aasha hai vo jahan bhi honge sakushal honge. chalate chalate unaka ek behatarin sher arj hai
ye to nahin kahata ki main shakhs badanasib tha
magar hara hoon jab kabhi main jeet ke karib tha
Click Here to post your comments
Agar Sahitya aur sangeet ki dhara mein bahne ko taiyaar hain aap to keejiye ye haseen shaam mere naam.
बुधवार, मई 21, 2008
मंगलवार, मई 13, 2008
Khumar-e-gam hai mahakati fiza mein jite hain...
Click Here to read this post in Hindi (Devnagari) script.
Pichhali post mein film Leela ke geet jaag ke kati sari raina...' ko aapane suna tha. Isi film ki ek ghazal he jo mujhe behad priy hai. ise gaya aur sangeet diya hai Jagjit Singh ne. Ab sangeet mein to kuchh khas nayapan nahin hai par isake bol jo Gulzar ne likhe hain lajavab hain. khasakar isaka matla to dil khush kar deta haiaur mujhe in panktiyon ko gunagunana behad pasand hai
khumar-e-gam hai mahakati fiza mein jite hain
tere khayal ki aabo hava mein jite hain
bade tapak se milate hain milane vale mujhe
vo mere dost hain teri vafa mein jite hain
firak-ye-yar mein sanson ko roke rakhate hain
har ek lamha utarati qaza mein jite hain
firak-viyog
aur gulzar hon aur sapanon ki baat na ho ye kaise ho sakata hai. sapana bhi kaisa... aadha adhoora. ab adhoore sapanon ki vedana to ham sabane jheli hai. isaliye to ve apani bat kuchh yoon rakhate hain.
na baat poori huee thi ki raat toot gayee
adhoore khab ki aadhi saza mein jite hain
tumhari baton mein koyee masiha basta hai
hasin labon se barasati shafa mein jite hain
shafa- chamak , tandarusti
to aaiye sunein is ghazal ko
Dimple Kapadiya par filmaye is ghazal ko you tube par yahan dekh sakate hain.lila film ki CD aap yahan se kharid sakate hain.
Do post your comment if u like this ghazal.
Pichhali post mein film Leela ke geet jaag ke kati sari raina...
khumar-e-gam hai mahakati fiza mein jite hain
tere khayal ki aabo hava mein jite hain
bade tapak se milate hain milane vale mujhe
vo mere dost hain teri vafa mein jite hain
firak-ye-yar mein sanson ko roke rakhate hain
har ek lamha utarati qaza mein jite hain
firak-viyog
aur gulzar hon aur sapanon ki baat na ho ye kaise ho sakata hai. sapana bhi kaisa... aadha adhoora. ab adhoore sapanon ki vedana to ham sabane jheli hai. isaliye to ve apani bat kuchh yoon rakhate hain.
na baat poori huee thi ki raat toot gayee
adhoore khab ki aadhi saza mein jite hain
tumhari baton mein koyee masiha basta hai
hasin labon se barasati shafa mein jite hain
shafa- chamak , tandarusti
to aaiye sunein is ghazal ko
Dimple Kapadiya par filmaye is ghazal ko you tube par yahan dekh sakate hain.lila film ki CD aap yahan se kharid sakate hain.
Do post your comment if u like this ghazal.
शुक्रवार, मई 09, 2008
Jaag Ke Kati Sari Raina..A haunting melody created by Jagjit Singh & Gulzar
Click Here to read this post in Hindi (Devnagari) script.
Jagjit Singh aur Gulzar do aisi shakhsiyat rahe hain jinhonne tees se chalis ki peedhi ko ghazal aur geeton se jode rakhane mein mahattvapoorn bhoomika nibhaee hai. jahan Jagjit Singh ne aam aadami ko ghazal ki khoobasoorati se saral alafajo mein parichit karaya vahin Gulzar ne filmi geeton mein bolo ki sarthakata aur unase paida hone vali jadoogari ko jilaye rakha.
2006 mein Gulzar aur Jagjit Singh ke sammilit prayason se se ek khoobasoorat album Koyee baat chale ki rachana huee thi. ye album Jagjit Singh ki gayiki se kahin jyada Gulzar ki triveniyon ki vajah se charchit rahi thi.
par isase pahale bhi Gulzar aur Jagjit Singh 2002 mein ek film mein ek sath aa chuke the. ye film thi leela aur is ka sangeet bhi Jagjit Singh ne diya tha. mujhe is film ke lagabhag sare geet aur ghazal achchhe lagate hain. par is geet ki baat hi kuchh alag hai. Gulzar ke bol jee ko bedh jate hain jab vo kahate hain
jaag ke kati sari raina
nayanon mein kal ooos giri thi
ooos (dew) ka roopak ke taur par kitana behatareen istemal kiya unhonne aur fir geet ki ye pankti
karavat karavat banti raina
jaag ke kati sari raina....
bas hoth nishabd ho jate hain shabdon mein goonjati anubhootiyon ko mahasooos kar ke...
vahi Jagjit Singh apni gayiki se geet ke bolon ki bechaini aur dard ko aur ubhar dete hain. unaki aavaj ka jadu shastriyata ke rangon mein rang kar sir chadh kar bolata hai. gaur kijiyega Jagjit ji ne ghazal gayiki ke sath guitar ki sangat kar ek naya prayog kiya hai
to aaiye sunein ratri geeton ki shrinkhala ke is doosare geet ko
jaag ke kati sari raina
nayanon mein kal oos giri thi
jaag ke kati sari raina....
prem ki agni bujhti nahin hai
bahati nadiya rukti nahin hai
sagar tak bahate do naina
jaag ke kati sari raina....
ruh ke bandhan khulte nahin hain
dag hain dil ke dhulte nahin hain
karavat karavat banti raina
jaag ke kati sari raina....
nayanon mein kal oos giri thi
jaag ke kati sari raina
Leela film ke is geet ko aap yahan dekh sakte hain
Jagjit Singh aur Gulzar do aisi shakhsiyat rahe hain jinhonne tees se chalis ki peedhi ko ghazal aur geeton se jode rakhane mein mahattvapoorn bhoomika nibhaee hai. jahan Jagjit Singh ne aam aadami ko ghazal ki khoobasoorati se saral alafajo mein parichit karaya vahin Gulzar ne filmi geeton mein bolo ki sarthakata aur unase paida hone vali jadoogari ko jilaye rakha.
2006 mein Gulzar aur Jagjit Singh ke sammilit prayason se se ek khoobasoorat album Koyee baat chale ki rachana huee thi. ye album Jagjit Singh ki gayiki se kahin jyada Gulzar ki triveniyon ki vajah se charchit rahi thi.
par isase pahale bhi Gulzar aur Jagjit Singh 2002 mein ek film mein ek sath aa chuke the. ye film thi leela aur is ka sangeet bhi Jagjit Singh ne diya tha. mujhe is film ke lagabhag sare geet aur ghazal achchhe lagate hain. par is geet ki baat hi kuchh alag hai. Gulzar ke bol jee ko bedh jate hain jab vo kahate hain
jaag ke kati sari raina
nayanon mein kal ooos giri thi
ooos (dew) ka roopak ke taur par kitana behatareen istemal kiya unhonne aur fir geet ki ye pankti
karavat karavat banti raina
jaag ke kati sari raina....
bas hoth nishabd ho jate hain shabdon mein goonjati anubhootiyon ko mahasooos kar ke...
vahi Jagjit Singh apni gayiki se geet ke bolon ki bechaini aur dard ko aur ubhar dete hain. unaki aavaj ka jadu shastriyata ke rangon mein rang kar sir chadh kar bolata hai. gaur kijiyega Jagjit ji ne ghazal gayiki ke sath guitar ki sangat kar ek naya prayog kiya hai
to aaiye sunein ratri geeton ki shrinkhala ke is doosare geet ko
jaag ke kati sari raina
nayanon mein kal oos giri thi
jaag ke kati sari raina....
prem ki agni bujhti nahin hai
bahati nadiya rukti nahin hai
sagar tak bahate do naina
jaag ke kati sari raina....
ruh ke bandhan khulte nahin hain
dag hain dil ke dhulte nahin hain
karavat karavat banti raina
jaag ke kati sari raina....
nayanon mein kal oos giri thi
jaag ke kati sari raina
Leela film ke is geet ko aap yahan dekh sakte hain
सदस्यता लें
संदेश (Atom)