Shin Chan Nohara : Kaise Bana Hum Sabka Pyara?

हिंदी में इस पोस्ट को पढ़ने के लिए यहां क्लिक करें।

Mujhe naheen lagta tha ki paanch saal ka ye bachcha mera kuchh bigaaD paayega, par vaastav me aisa ho nahin saka hai. Avval to isake aate hee apane putr ko mai TV. band karane kee hidaayat de deta thaa. Aakhir hai bhee to ye itana sharaaratee. Jab dekho apane maata-pita kee naak mein dam kar deta hai, apane shikshkon ko chhakaata rahta hai aur yahaan tak kee sundar kanyaaon ko dekh unakee or aankhein tarerane lagata hai. Par kya mai itane sharaaratee bachchon ke kaaranaamo ko apalak nihaarate apane baalak ko mana kar pa raha hoon. Naheen, kyoonki apanee in saaree khuraafaato ke baad bhee Shin Chaan Nohaara ham sabake man-mastiShk me rach bas gaya hai.

Jo log Shin Chaan cartoon show se parichit nahee hain unako bataana chaahoonga ki ye Jaapaanee cartoon show Hungama TV par aata hai aur chhoTe-baDe bachchon ke saath-saath baDo me bhee kaafee lokapriya ho raha hai . Aaj yaani 19 June ko ye bhaarat mein apane prasaaraN ka ek saal poora kar legaa. vaise sabase pahale aaj se 15 saal poorv ye show 'Crayon Shin Chaan ' ke naam se Japan ke ek channel TV Aashee se prasaarit hona shuru hua thaa. Aaj isaka prasaaraN bhaarat ke aalaava uttaree aur dakShiNee amerika aur euorope mein bhee safalataapoorvak ho raha hai.

Shin Chaan kee sabase baDee khaasiyat ye hai ki is cartoon shrrinkhala me ek paanch saal ke bachche kee maasoomiyat aur usake khuraafaatee dimaag ko bakhoobee chitrit kiya gaya hai. jab vo TV par apane maata-pita se baate kar raha hota hai to doosare kamare se sunate hue mujhe aisa lagata hai ki are ye to vahee sanvaad aur hidaayatein hain jo ham roz apane kuladeepak ke saamane raTate rahate hai. Cartoon me dikhaee jaane vaalee jyaadaatar sharaaratein itanee maasoomiyat bharee hotee hai ki hoThon par muskuraahaT aa hee jaatee hai.

Shin Chaan ke parivaar ke sabhee sadasyo ko aap jara najadeek se jaanana chaahate hai to yahaan jaaiye . Aur aaj yani 19 June ko isakee varShagaanTh ke upalakSh me saara din bharat mein isee shrrnkhala ke ansh aap Humgama TV par dekh hee sakate hai. Aur agar aap aisee jagah baiThe ho jahaa is channel ka door-door tak ata-pata na ho to bhee koyee baat nahee. aakhir You Tube to hai na...

To chaliye aap bhee dekhie na 'Shin Chaan' kee ek jhalak !:)



Waise Shin Chaan kee kuchh sharaaratein aisee bhee hain jinhe dekhakar lagta hai ki gar ise sampaadit kar diya jaata to behatar rahtaa. Kyonki jis baat ko bura bataakar apane bachcho me ham sahee galat kee bhaavana laate hai, use hee apane pasandeeda charitra ko karta dekh bachcha use sahee maanane ke liye jald taiyaar nahee hotaa. Khair aise me mai to bas ye kah deta hoo ki ye thoDa shaitaan bachcha hai isaliye aisa karata hai. Waise aap kya karate/kahate aise haalaato me ?

(Roman transliteration with the help of Bhomiyo.com with some modification)

Post the comment on this post here.

Tere Ishq Mein.. Badal Dhune..Mausam bune..Gulzar

हिंदी में इस पोस्ट को पढ़ने के लिए यहाँ क्लिक करें।

Waise to Gulzar saahab aajakal 'Jhoom Baraabar Jhoom' ke geeton se sabako jhuma rahe hain par maine ab tak is album ke jitane geet sune hain, vo kuchh khaas pasand nahee aaye hain. Khair bahut dino se unaka likha ek soofee geet aapake saamane pesh karane kee chaahat thee .

Baat 1994 kee hai, Vishal Bharadvaaj aur Gulzar kee joDee Maachis ka sangeet taiyaar karane mein juTee thee . Usee vakt Vishaal apanee patnee ke liye soofee Kavi Bulleshaah kee kavitaon par ek album taiyaar karane kee soch rahe the. Ab ye na poochhane lagiega ki kaun hai vishaal kee patnee (agar nahee pata to usaka khulaasa thoDee der baad)? aur tab Gulzar ne peshakash kee, ki vo is album ke geeto ke bol likhenge.

Par 1994 me dimaag me upaje is vichaar ko phaleebhoot hone me 10 varSh lag gaye aur 2004 me Ishqa-Ishqa ke naam se ye album Music todaye ne nikaala .

Ab is nagme ke baare me kya kaha jae...dhun ,lafj, gaayikee mooD ko roomaanee bana hee dete hai. Labelubaab ye ki khuda ishk na karavaaye:) !

Prem kee anubhootiyon ke liye Gulzar jis shabda chitra ka istemaal karte hain vo apane aas-paas ke praakrtik bimbo se bhara hota hai . Gulzar kee kalpanaon ko jeene kee koshish keejiye....

Aap apane priyatam ke khyaalo me khoye hote hain aur ye din kab aapakee toh leta hua chala jaata hai..syaah raate taaro ka saath chhoD kab subah me tabdeel ho jaatee hai.. kya inaka hisaab rakh paate hain aap?

Aise me raat koyal se bhee kaalee dikhe to kya aashchary hai? Aasamaan jameen sab ek lagane lage to bhee taajjub nahee .
Aapake dil ka mausam to vahee rahata hai bhale saamane kee fija kitanee baar apana rang badal le. Har pal, har lamahe ko apanee yaado me sahej kar rakhana chaahate hai aap. Aur kabhee to aisa lagata hai ki maano lamaho ko ginate-ginate sadiyaa beet gayeen par tanahayee door hone ka naam hee nahee letee.

To leejie suniye ishq ka ye fasaana Rekha Bharadvaaj kee dilakash aavaaj mein
<bgsound src="Tere_Ishq_Mein.WMA">

Tere ishq mein, haye tere ishq mein
Tere ishq mein, haye tere ishq mein
Raakh se rookhi koyal se kali
Raat katte na hijraan wali
Tere ishq mein, haye tere ishq mein
Rakh se rookhi koyal se kali
Raat kate na hijraan wali
Tere ishq mein, haye haye
Tere ishq mein.....

Teri justajoo karte rahe marte rahe
Tere ishq mein
Tere roobaroo baithe huye marte rahe
Tere ishq mein
Tere roobaroo teri justajoo
Tere ishq mein, haye Tere ishq mein
Badal dhune mauasam bune sadiyaan gini lamhe chune
Lamhe chune mausam bune
Kuch garm the kuch gungune

Tere ishq mein
Badal dhune
Moasam bune
Tere ishq mein
Tere ishq mein, haye haye
Tere ishq mein....


Tere ishq mein tanhaiyaan, tanhaiyaan tere ishq mein
Humne buhat behlaiyaan tanhaiyaan
Tere ishq mein
Roh se kabhi manwaiyaan
Tanhaiyaan tere ishq mein
Mujhy ttoh ker koi din gayea
Mujhy cherr ker koi shab gayi
Maine rakh li sari aahatein
Kab ayi thi shab kab gayi
Tere ishq mein kab din gayea shab kab gayi
Tere ishq mein
Tere ishq mein haye haye haye
Tere ishq mein
Raakh se rokhi koyal se kali
Raat katte na hijraan wali

Dil soofi ye tha hum chal deye jahan le chala
Tere ishq mein
Hum chal deye
Tere ishq mein
Haye tere ishq mein
Main asmaan main hi zameen
Geelee zameen sili zameen
Jab lab jale pi li zameen
Gili zameen tere ishq mein

aur agar audio sune mein pareshani ho to is geet ka video ye raha.



Ab baat ishq kee ho rahee hai to chalate-chalate ye bhee bataata chaloo ki Rekha aur Vishaal Bhaaradvaaj ek hee college me paDha karate the. Rekha kee khyaati college mein ek achchhee gaayika ke taur par pahale se thee. Vishaal inake junior the. Par sangeet ke kaaryakramo me saath-saath hissa lete rahe aur saath hee lage rahe apane ishq ka muqaam haasil karane me. aur aaj kee vastusthiti se to aap vaakif hain hee.

Post your comment here

Raat Aadhee Kheench Kar Meri Hathelee by Harivansh Rai 'Bachchan'

हिंदी में इस पोस्ट को पढ़ने के लिए यहां क्लिक करें।

kavita ya ghazal kee adaayagee, usame kahee huee bhaavanao ko shrota ke dil tak pahunchaane me ek utprerak ka kaam karatee hai . Pitaajee bataate hai ki unake jamaane me Allahabad Univ. me Harivansh Rai Bachchan manch se jab apanee madhushaala ka kaavy paaTh karate, to sab ke sab mantramugdh ho kar sunate rahate . 'Bachchan' ko to sunane ka saubhaagy muze sirf aaDiyo kaiseT me hee hua hai. par high school mein jab pahalee baar dooradarshan par 'Neeraj' ko poore bhaavaavesh ke saath kavita paDhata dekha to man romaanchit ho gaya tha .

vaise veer ras ke kaviyo ke liye to ye adaegee, unakee rojee roTee ka savaal hai . pata nahee aap logo ne kabhee aisa mahasoos kiya ki nahee par jahaa tak mera anubhav hai, jab bhee is koTi ke kavi manch par aate hai to poora sammelan kaksh unakee aavaaj se gunjaayamaan ho jaata hai aur agar taaliyo ke atirek ne unaka utsaah baDha diya to aage kee darshak deergha ke shrotao ke lie kaan ke pardo ke faTane ka bhee khatara manDaraata rahata hai .:)

vaise ye kaabiliyat kitanee aham hai isaka andaaja aap is puraanee ghaTana se laga sakate hai. ye us vakt kee baat hai jab indeevar ke geet filmo me kaafee mashahoor ho rahe the.ek baar kaafee paise dekar Indeevar ko ek kavi sammelan me aamantrit kiya gaya aur jaisa ki amooman hota hai unhe sabase ant me kaavy paaTh karane ko bulaaya gaya . unhonne apane ek behad mashahoor geet se shuruaat karee par unakee adaayagee itanee lachar thee ki janata geet ke beech se hee uTh kar apane ghar ko palaayan kar gee aur aayojak apane turup ke patte ka aisa hashr hote dekh sar dhunate rah ge .

par baat shuru kee thee mainne Harivansh Rai Bachchan se aur aaj unhee kee ek kavita aapake saamane unake suputr amitaabh bachchan ke svar me pesh kar raha hoo. ye kavita prem aur virah kee bhaavanao se labarej hai . itanee khoobasooratee se 'Bachchan jee' ne ek premee ke dard ko ubhaara hai ki kya kaha jae ! aur jab aap ise Amitaabh kee gaharee aavaaj me sunate hai to usaka asar is kadar hota hai ki man kavi kee panktiyo ko apane dil me aatmasaat sa paata hai .

<bgsound src="raataadhi.mp3">

Raat aadhee kheench kar meri hathelee
Ek ungli se likha tha pyar, tumne.

phaasla tha kuchh humare bistaron me
Aur charon or duniya so rahi thi.
Tarikayein hi gagan ki janti hain
Jo dasha dil ki tumhare ho rahi thi.
Main tumhare paas hokar door tumse
Adhjaga sa aur adhsoya hua sa.
Raat aadhi kheench kar meri hatheli
Ek ungli se likha tha pyar, tumne.

Ek bijli chhu gayi, sahsa jaga main
Krishnapakshi chaand nikla tha gagan me.
Is tarah karwat padi thi tum ki aansoo
Bah rahe the is nayan se us nayan me.
Main laga doon aag us sansaar me
Hai pyar jisme is tarah asamarth-kaatar.
Jaanti ho us samay kya kar guzarne ke liye
Tha kar diya taiyyaar tumne!
Raat aadhi kheench kar meri hatheli
Ek ungli se likha tha pyar, tumne.

Praath he ki oar ko hai raat chalthi
Auh ujaale mein andhera doob jaata.
Manch he poora badaltha kaun aise
kkoobiyon ke saath parde ko uttatha.
ek chehra sa laga thumne liya tha
aur meine tha utharaa ek chehra.
vo nisha ka swapn mera tha ke apne
par gazab ka tha kiya adhikaar thumne.
Raat aadhi kheench kar meri hatheli
Ek ungli se likha tha pyar, tumne.

Aur utne faasle par aaj tak
Sau yatna kar ke bhi na aye fir kabhi hum.
Fir na aya waqt waisa, fir na mauka us tarah ka
Fir na lauta chaand nirmam.
Aur apni wedna main kya bataun!
Kya nahi ye panktiyan khud bolti hain?
Bujh nahi paya abhi tak us samay jo
Rakh diya tha haath par angaar tumne.
Raat aadhi kheench kar meri hatheli,
Ek ungli se likha tha pyar, tumne.

(Roman transliteration with the help of bhomiyo.com)