Ek Haseen Shaam Ko Dil Meraa Kho gaya... Raja Mehdi Ali Khan

Raja Mehdi Ali Khan, jab bhi ye nam suna to laga bhala itane rais khanadaan ke charag ko geet likhne ka shauk kaise ho gaya? goki aisa bhi nahin ki hamare raje maharaje is hunar se maharoom rahe hon. turant hi janab vazid ali shah ka khyal jaehan men ubharta hai. par unki milkiyat dilli aur avadh tak faili hui thi par raja saahab ko kya soojhi ki vo apane baap dadaon ki jamidari chhodakar munbiya film indastri ka hissa ban baithe?

Raja saahab ke baare men jaanane ki ichha bahut dinon tak bani rahi par unake anamol geeton aur sangeetakaar madanamohan ke saath unki anupam jodi ke kisson ke aalava kuch jyada haath nahin laga.

Kuch dinon pahle film 'dulhan ek rat ki' ka apana ek pasandida nagma gunaguna raha tha ki yad aaya ki are ye geet bhi to raja saahab ka hi likha hua hai. raja saahab ke baare men mera purana kautuhal, fir jaag utha. is baar un par likhe kuch lekh haath lage. pata chala ki raja saahab, avibhajit bharat ke karamabad ki paidaish hain. pita bachapan men hi gujar gaaye aur mata hebe ji ke sanrakshan men menhadi ali khan pale badhe. maan apane zamane urdu ki kabil shayara ke roop men jaani gayeen. chalis ke dashak men jab vo aakashavani dilli men kaam kar rahe the to munbai se unhen sadaat hasan manto ka bulava aa gaya. manton ne tab hindi filmon men kaam karana shuru kiya tha.

Par raja saahab ne aate hi apani shayari ke jalave dikhane shuru kar diye aisa bhi nahin tha. aapako jaankar hairani hogi ki raja saahab ki film udyog men shuruaat bataur patakatha lekhak ke hui. aur to aur unhonne ek film ke liye chhota sa rol bhi kiya. par patakathalekhan aur abhinaya unhen jyada ras nahin aaya. 1947 ki film do bhaai men raja saahab ko pahali baar geet likhne ka mauka mila . is film ka geet "mera sundar sapana toot gaya..." behad charchit raha. vibhaajan aur dangon ki aag men jal rahe desh men date rahane ka faaisla bhi raja saahab ke bharat ke prati prem ko darshata hai. aur fir film shahid (1950) men deshaprem se otaprot unake likhe us geet ko bhala kaun bhool sakta hai 'vatan ki raah men vatan ke naujavaan shahid ho'.. '

Pachas ka dashak raja menhadi ali khan ke utkarsh ka dashak tha. dashak ki shuruaat men sangeetakaar madanamohan ke saath film 'madahosh' men unki jo safal jodi bani vo 'anapadh', 'mera saya', 'vo kaun thi', 'neela aakash', 'dulhan ek rat ki' aadi filmon men aur poshit pallavit hoti gai.

raja menhadi ali khan ke likhe geeton par nazar rakhne vaale film sameekshakon ka manna hai ki raja ne hi filmi geeton men 'aap' shabd ka prachalan badhaya. masalan unake likhe in geeton ko yad karen... 'aap ki nazaron ne samajha pyar ke kabil mujhe...' ya 'jo hamane dastan apani sunaai aap kyoon roe ' , 'aapane apana banaya meharbani aapki...'. madan mohan ke aalava raja saahab ne o pi naiyar v si ramachandra ke sangeet nirdeshan men bhi behatareen nagme diye. vaise kya aapako pata hai ki 'mere piya ge rangoon vahan se kiya hai telifoon.. ' bhi raja saahab ka hi likha hua geet hai.

Saath ke dashak ke madhya men lakshmikant pyarelal ke saath 'anita' aur 'jaal' jaisi filmen unake filmi safar ki aakhiri filmen thi. julaai 1996 men raja saahab is duniya se kooch kar ge. par unake rache geeton se aaj bhi ve hamare man men samaaye hain. aaj ki ye post us geet ke jikra bina adhoori rah jaaegi jisaki vajah se raja saahab ki yad punah man men aa gai.
film 'dulhan ek rat ki' film ka ye geet mujhe behad pasand hai aur kyoon na ho 'shaamon' se mere lagaav ki baat kya aap sab se chhipi he. aur fir jahan geet men aisi hi kisi shaam ko apane hamasafar ki yaadon men gota lagane ka jikra ho to vo geet kya dilazaeej nahin ban jaayega ?

Madanamohan dvara mukhade ki aaranbhik dhun kamaal ki hai. yahi kaaran he ki is geet ke mukhade ko gunagunana mera priya shagal raha hai. aaj socha mohammad rafi saahab ki makhamali aavaaz men gaaye poore geet ko gunagunane ki koshish karoon. rafi saahab ne jis masti se is geet ko gaya hai ki sun kar hi man jhoom uthata hai aur hoth thirakne lagate hain.



ik haseen.. sha..m ko dil mera... kho gaya
pahle apana, hua karta tha, ab kisi ka... ho gaya

muddaton se.., aa..raju thi, jindagi men.. koi aaye
sooni sooni, jindagi men. koi shama.. jhilamilae
vo jo aae to raushan zamana ho gaya
ik haseen.. sha..m ko dil mera... kho gaya

mere dil ke, karavaan ko le chala hai.. aaj koi
shabanami si. jisaki aankhen, thodi jaagi.. thodi soi
unako dekha to mausam suhaana ho gaya
ik haseen.. sha..m ko dil mera... kho gaya
pahle apana, hua karta tha, ab kisi ka... ho gaya

Mujhe jhel liya hai ! theek hai janab ab rafi ki aavaaz men bhi is geet ko sunavaaye dete hain. vaise film men is geet ko filmaya gaya tha dharmendra v nootan par..

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Tum na mano magar haqeeqat hai... Pankaj Udhas

Assi ka dashak mere liye hamesha nostalajiya jagata raha hai. film sangeet ke us parabhav kaal ne gajalon ko jis tarah lokapriya sangeet ka hissa bana diya vo apane aap men ek anoothi baat thi. us daur ki suni gazalen jab achaanak hi jaehan men ubharati hain to man aaj bhi ekadam se pachchees saal peechhe chala jata hai. bahut kuch tha us samay dil men mahasoos karne ke liye, par saath hi bade kam vikalp the man ki bhavanaaon ko shabd dene ke liye.

Pahle bhi aapako main apani inhin purani yaadon ke sahaare rajakumar rizavi, rajendra mehata, anoop jalota v peenaaz masani ki gaai apani pasandida gajalon se milavata raha hoon. isi kram men aaj baari hai us dashak ke lokapriya gajal gayak pankaj udhas ki. us dashak men pankaj ji ki lokapriyata ka aalam ye tha ki unake gaaye geet v gazalen misaal ke taur par 'chaandi jaisa rang hai tera', 'ik taraf tera ghar ik taraf maikada..', 'ghungharu toot ge..' gali nukkadon par aise baja karte the jaise aaj ke hit filmi geet.


Itana hote hue bhi pankaj udhas mere pasandida gajal gayak kabhi nahin rahe. par is napasandagi ka vaasta mujhe unki aavaaz se kam par unake dvara chuni hui gajalon se jyada raha hai. pankaj udhas ne gajalon ke chunaav se apani ek aisi chhavi bana li jisase unki gaai har gajal men 'sharab' ka jikra hona lazimi ho gaya. gajalon ka daur manda hone par pankaj ne kuchhek filmi geeton men bhi apani aavaaz di aur beech beech men gajal ke ikka dukka elabam nikaalte rahe.

Varsh 2006 men gajal gaayiki ke 25 saal poore hone par unhen padmashri se sammaanit bhi kiya gaya. haal filahaal men pankaj udhas apani us purani chhavi ko dhone ka prayas kar rahe hain. 2004 men unhonne meer taki 'meer' ki gajalon se juda elabam nikaala aur aajakal vo daag 'dehalavi' ki gajalon se jude elabam ko nikaalne ki taiyari men hain.

Khaair lautate hain aaj ki gajal par jiska mukhada anayas hi pichhale hafte mere hothon par aa gaya.. kabil ajameri ki likhi is gajal ko yoon to ikabal baano ne bhi gaya hai par pankaj udhas ka andaaz kahin jyada dilakash hai. to aaiye gunagunaate te hain pankaj udhas ke saath is gajal ko





tum na maano magar haqeeqat hai
ishq insan ki jaroorat hai

husn hi husn jalave hi jalave
sirf ehasaas ki jaroorat hai

us ki mahafil men baith ke dekho
zindagi kitni khoobsoorat hai

ji raha hoon is aitmaad* ke saath
zaindagi ko meri jaroorat hai
*vishvaas

Par pankaj ji ne Qabil Ajmeri saahab ki poori ghazal nahin gaai hai. isake baki ashaaron se roobaru hone se pahle is anajaan se shayar ke baare men kuch baaten. kabil azameri, mohaseen bhopaali, akhatar ansaari akabarabaadi v himayat ali shayar ke samakaaleen the. sath ke dashak men kabil ka nam pakistan ke sahityik paridrishya men ubhara. par falak par ye tara jyada dinon tak chamak na saka aur ikatis saal ki kam umr men hi tibi ki beemari se peedit hone ki vajah se vo chal base. apane samay ke shayaron ki aapasi pratidvandita aur unki beemari ne unhen jeevan bhar pareshaan rakha. fir bhi jindagi ke prati unki aastha khatm nahin hui aur shayad isiliye unhonne likha.

ji raha hoon is aitmaad ke saath
zaindagi ko meri jaroorat hai

kuch saal pahle pakistan men unka ek kavya sankalan chhapa tha jiska nam unki isi mashahoor gajal ke nam par 'ishk insan ki jaroorat hai' rakha gaya hai. to aaiye पढ़ें is gajal ke baki ashaar

kuch to dil mubtala e vahashat* hai
kuch teri yad bhi kayamat hai
* dara sahama sa

mere mahaboob mujhase jhooth na bol
jhooth soorat e gar sadakat* hai
* gavahi

us ke vaade pe naz the kya kya
ab daro o baam se nadamat* hai
* sharmindagi

raasta kat hi jaayega kabil
shauk e manjil agar salamat hai

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---

Apane aap raton men chilamanen sarakti hain..Kaif Bhopali ka likha ek yaadgaar nagma.

Yaad hai na garmi ke dinon ki vo raaten jo aapane chhat par akele kisi ka intazaar karte hui bitaai thin. par ye intazaar kiska ? sabse azaeeb baat to yahi hoti thi ki hamen khaud pata nahin hota tha ki ham aakhair hain kisaki pratiksha men ? par us intazaar ki kaifiyat dil men tari rahati thi. bas bunte rahate the man men ham us anajaane azanabi ki shakhsiyat. chaand taron men khoja karte the us chehare ka aks. charon or faili shoonyata men bhi sunaai deti thin unki sadaayen.

Par ye to un beete lamahon ki baate hain. ye sab main aaj aapase kyoon kah raha hoon? kya karoon kaif bhopaali ka likha ye nagma un ahasason ki yad tajae jo kar raha hai. bhopal ke azaeem shayar Kaif Bhopali ka ye geet film Shankar Hussain ka hai jo 1977 men aai thi. sangeet rachna thi Khayyam ki.


Kaif saahab ne is geet ke liye jo bol likhe vo apane aap men kamaal the. ab in panktiyon ko dekhiye kitana makhamali ahasaas jagati hain dil men

ek ajanabi aahat aa rahi hai kam-kam-si
jaise dil ke paradon par gir rahi ho shabanam-si

ya fir ise sun kar kaun sanvedansheel hridaya rasasikt na ho uthega

jaane kaun baalon men ungaliyan pirota hai
khelta hai pani se, tan badan bhigota hai

Sangeetakaar khayyam ne geetakar ke lafzon ki isi gaharaai ko dhyaan men rakhakar namamaatra ka sangeet diya. natija ye ki geet sunte vakat aapaka dhyaan bolon se hat hi nahin sakta. aur agar aapako bhatakne ki beemari bhi ho to kokilakanthi lata ki bhavapoorn svaralahari aapako bhatakne nahin degi. darasal sitaar ki aaranbhik dhun ke baad lata ji ki aavaaz kanon tak chhan chhan kar kaif bhopaali ke shabdon ko is tarah pahunchati hai ki man geet ki bhavanaaon ke saath hichakole lene lagata hai. ye geet is baat ka saboot hai ki agar geet ke bolon aur gaayiki men dam hon to sangeet ka kiradaar gaun ho jata hai.

To aaiye sunte hain lata ji ke gaaye is geet ko


apane aap raton men chilamanen sarakti hain
chaunkte hain daravaaze, seedhiyan dhadakti hain
apane aap.. apane aap..

ek ajanabi aahat aa rahi hai kam-kam-si
jaise dil ke paradon par gir rahi ho shabanam-si
bin kisi ki yad aae, dil ke tar hilte hain
bin kisi ke khanakaaye choodiyan khanakti hain
apane aap.. apane aap..

koi pahle din jaise ghar kisi-ke jata ho
jaise khud musafir ko raasta bulata ho
paanv jaane kis jaanib, be-uthaaye uthate hain
aur chham-chhama-chhamachham paayalen jhanakti hain
apane aap.. apane aap raton men

jaane kaun baalon men ungaliyan pirota hai
khelta hai pani se, tan badan bhigota hai
jaane kisake haathon se gagaren chhalakti hain
jaane kisaki baahon se bijaliyan lapakti hain
apane aap . ..

apane aap raton men chilamanen sarakti hain
chaunkte hain daravaaze, seedhiyan dhadakti hain
apane aap.. apane aap..

Waise to pakeeza aur razia sultan ke apane lokapriya geeton ke aalava kaif bhopaali saahab ne kai gazalen bhi kahin. unamen se kuch ko jagajeet sinh ne apani aavaaz men gakar aam jan tak pahunchaya . par un gajalon ki baat kabhi aur kar lenge. abhi to is geet ko sunane se bane mood men kuch aur sunavakar aapaka maza kirakira nahin karana chahta.

---

Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

---