Yadein Rajkumar Rizvi Ki : Tune ye phool jo julphon mein laga rakha hai..

Purane dinon ko yaad karte huye mainne aapako das pandrah din pahale rajendra aur nina mehta ka ek gair filmi geet jab aanchal rat ka laharaye sunavaya tha. unhin dinon ki yad karate huye aaj baat mehta yugal ke samakalin kalakar rajkumar rizvi ji jo gayiki ki drshti se mujhe kahin jyada manje huye kalakar lagate hain.

rajkumar rijavi ki aavaj se meri pahali mulakat vividh bharti ke rang tarang karyakram men huee thi. un dinon ek ghazal behad charchit huee thi aur pahali bar redio par jab rijavi sahab ko ise gate huye suna to mere kishor man par us gajal ka jabaradast asar huaa tha. gajal ke bol the

shakh se toot ke girane ki saja do mujhko
ik patta hi to hoon kyoon na hava do mujhko

shayad hi meri aayu varg ke kisi ghazal premi ne ye ghazal us jamane men nahin suni ya sarahi hogi. filahal ye gajal meri kaiset men hai aur jab bhi ye achchhi gunavatta ke sath mujhe milegi aapako ek sham mere nam par sunavaunga. par fir bhi isaki yad dilane ke liye in do panktiyon ko gunagunana dena hi shayad aapake liye kafi rahega

isase pahale aaj ki ye roomaniyat bhari gajal aapake samane parosoon, rajakumar rijavi ke bare men aapako kuchh batana chahoonga. rijavi sahab rajasthan men git sangit se jude parivar men paida huye. sangit ki shuruaati shiksha inhonne apane pita noor mohammad se li jinaka talluk kalavant gharane se tha. fir inhonne sitar bhi sikha par inake dil men gayiki ke prati vishesh prem tha. apani isi ichchha ko falibhoot karane ke liye rajakumar rijavi janab mahadi hasan sahab ke pratham shishy bane. yahi vajah hai ki inaki gayiki men apane ustad ka asar spasht dikhata hai. apane ustad ke bare men rajakumar rijavi sahab ne ek sakshatkar men kaha tha


mujhe mahadi hasan ka shastriy ragon se anurag aur likhe huye alafajon ke prati unaki sanvedanashilata ne khasa prabhavit kiya. ve hamesha kavita ki roomaniyat ke hisab se hi shastriy ragon ka chunav karate the. isi tarah jab gajal ke ashaaar ganbhirata ka put liye hote vo usake liye usi kism ka sangit taiyar karate.


daraasal agar mahadi hasan sahab ki gajal gayiki ke tarike ko aaj ke samay tak lane ki bat ho to rajkumar rijavi ka nam agrani roop men liya jana chahiye.

aajakal rijavi sahab ka jyada samay desh videsh men aamantrit shrotaon ke bich mahafil jamane men hota hai. bich bich men unake kuchh elabam bhi nikalate rahe hain. fark itana jaroor aaya hai ki pahale vo apani patni aur gayika indrani rijavi ke sath in mahafilon men sharik hote the aur aaj unaki gayika putri roona rijavi sath hoti hain . khair to lautate hain katil shifaee ki is gajal ki tarafa. pichhale sal is chitthe par mainne katil shifaee ke bare men is chitthe par yek lanbi shrrnkhala ki thi . katil ko log mohabbaton ke shayar ke nam se janate hain. sahaj shabdon ki chashani men roomaniyat ka tadaka lagana unhen bakhoobi aata hai isaliye jab vo kahate hain ki

jit le jaye koee mujhako nasibon vala
jindagi ne mujhe davon pe laga rakha hai.

imtihan aur mere jabt ka tum kya loge
mainne dhadakan ko bhi sine men chhupa rakha hai.

to man bas vah vah kar uthata hai.


rizvi sahab ne is gajal ko itane salike se gaya hai ki ghanton is ghazal ka khumar dil men chhaya rahata hai. to lijiye aap bhi suniye...



toone ye phool jo julfon men saja rakha hai
ik diya hai jo andheron men jala rakha hai

jit le jaye koee mujhako nasibon vala
jindagi ne mujhe davon pe laga rakha hai.

jane kab aaye koee dil men jhankane vala
is liye mainne girahaban khula rakha hai.

imtihan aur mere jabt ka tum kya loge
mainne dhadakan ko bhi sine men chhupa rakha hai.

You Tube ke audio version mein bhi aap ise sun sakte hain



Ye ghazal HMV ke paanch bhagon mein nikali huyiGhazalon Ka Safar (Year: 2001) RPG/Saregama ~ ISBN: CDNF15206367 ADD) ka ek hissa hai

---

Click Here to read this post in Hindi devnagari script.

Click Here to post your comment on this post.

---

Ye Shamein sab ki Sab Shamein Kya In Shamon Ka Arth Nahin ? : Suraj Ka Saatvan Ghoda

Manushy ka man bada vichitr hai. kabhi utsah se labarej to kabhi nirasha ke bhanvaron men andar tak dhansa huaa. par ganimat yahi ki koee bhi mooda, kaifiyat hamesha hamesha ke liye nahin rahati. isaliye vyakti kabhi apane charon or ho rahi achchhi buri ghatanaon ko nirasha aur avasad ke kshanon men bilkul hi bemani man leta hai to kabhi jab usaka man dhanatmak bhavanaon se ot prot rahata hai to apane dukh apani pida bhi use kisi bade uddeshy ki prapti ke liye bhagavan dvara li ja rahi pariksha man kar khushi kushi vahan karata jata hai.

apani jindagi ke ab tak ke anubhavon ko dekhata hoon to yahi pata hoon ki jin antaralon men vakt ke thapedon ne mujhe hatash kiya hai, asafalata aur asvikrti se samana huaa hai, us samay ki pida aur dukh bhavishy ki chunautiyon ka samana karane men mere liye sahayak rahe hain. dharmavir bharati ki ye kavita mujhe kuchh aisi hi shamon ke bare men sochane ko majaboor karati hai. aur jab un biti shamon ki pida aur akelepan ka jikr karane ke bad bharati ji ye kahate hain

ye shamen, sab ki sab shamen ...
jane kyon koee mujhase kahata
man men kuchh aisa bhi rahata
jisako chhu lene vali har pida
jivan men fir jati vyarth nahin

to lagata hai unaki lekhani se mere dil ki bat nikal rahi hai. to aaiye bharati ji ke sath dhoondhate hain un bojhil udas shamon ke mayane..


ye shamen, sab ki shamen ...
jinamen mainne ghabara kar tumako yad kiya
jinamen pyasi sipi-sa bhataka vikal hiya
jane kis aane vale ki pratyasha men
ye shamen
kya inaka koee arth nahin ?

ve lamahe
ve soonepan ke lamahe
jab mainen apani parachhaee se baten ki
dukh se ve sari vinayen fekin
jinamen ab koee bhi svar n rahe
ve lamahe
kya inaka koee arth nahin ?

ve ghadiyan, ve behad bhari-bhari ghadiyan
jab mujhako fir ehasas huaa
arpit hone ke atirikt koee rah nahin
jab mainne jhukakar fir mathe se panth chhuaa
fir bini gat-pag-noopur ki maniyan
ve ghadiyan
kya inaka koee arth nahin ?

ye ghadiyan, ye shamen, ye lamahe
jo man par kohare se jame rahe
nirmit hone ke kram men
kya inaka koee arth nahin ?

ye shamen, sab ki sab shamen ...
jane kyon koee mujhase kahata
man men kuchh aisa bhi rahata
jisako chhu lene vali har pida
jivan men fir jati vyarth nahin
arpit hai pooja ke foolon-sa jisaka man
anajane dukh kar jata usaka parimarjan
apane se bahar ki vyapak sachchaee ko
nat-mastak hokar vah kar leta sahaj grahan
ve sab ban jate pooja geeton ki kadiyan
yah pida, yah kuntha, ye shamen, ye ghadiyan

inamen se kya hai
jinaka koee arth nahin !
kuchh bhi to vyarth nahin !

dharmavir bharati ji ki kavitaon ko mainne jyada nahin pada aur is kavita par meri najar tab gaee jab pichhali post ki pustak charcha men sooraj ka satavan ghoda ke bare men likh raha tha. jaisa ki aap sab ko pata hai is kitab par shyam benegal sahab ne ek film banaee hai. aur net par film ki janakari dhoondhate huye mujhe is film ke ek geet ki tarif sunane ko mili aur is geet ki khoj men ye kavita pahale najar aaee. bad men jab geet sunane ko mila to dekha ki ye geet to is kavita se hi prerit hai.



s geet ka sangeet diya hai vanaraj bhatiya ne jo kuchh din pahale tak shyam benegal ki filmon ke sthayi sangeetakar rahe hain. geet ke bhavon ke aalava is geet men sabase jyada asaradar mujhe udit narayan ke aavaj ki madhurata aur unaka spasht uchcharan lagata hai. is geet men unaka sath diya hai kavita krshnamoorti ne. rag yaman par aadharit ye geet kuchh aur lanba hota to isaka aanand aur bad jata. pichhali post men kitab ke bare men charcha karate huye mainne aapako bataya tha is upanyas ke kiradaron ke bare men . ye geet filmaya gaya hai manik mulla (rajat kapoora) aur unaki premika lili (pallavi joshi) ke oopar.

ye shamein, sab ki sab shamein ...
kya inaka koee arth nahin ?
ghabara ke tumhen jab yad kiya
kya un shamon ka arth nahin
kya un shamon ka arth nahin

soonepan ke in lamahon main
apani chhaya se baten ki
jinamain koee bhi svar n rahe

---

Click Here to read this post in Hindi devnagari script.

Click Here to post your comment on this post.

---

Manik Mulla aur Suraj Ka Saatvaan Ghoda

Aap soch rahe honge jab itane prasiddh laghu upanyas ke lekhak Dharmaveer Bharti hain to fir shirshak men manik mulla kahan se aa tapake? daraasal bharati ji ne badi chaturaee se is laghu upanyas ke shirshak aur kahi gaee kahaniyon ka jimma manik mulla par dala hai jo un sat dopaharon men lekhak aur unaki mitr mandali ko na keval kahaniyan sunate hain , par sath hi sath un kahaniyon se nikalate nishkarsh ki vyakhya bhi karate hain.

par isase pahale ki manik mulla ki kahaniyon ki tah men jayen, katha lekhan ke bare men unake falasafe par bhi jara gaur farama len ...

kuchh patr lo, aur ek nishkarsh pahale se soch lo, fir apane patron par itana adhikar rakho, itana shasan rakho ki ve apane aap prem ke chakr men ulajh jayen aur ant men ve usi nishkarsh par pahunche jo tumane pahale se tay kar rakha hai.

prem ko apani kathavastu ka kendr banane ke pichhe manik mulla tagore ki ukti aamar majhare je aachhe se go kono virahani nari (arthat mere man ke andar jo basa hai vah koee virahani nari hai) par dhyan dene ko kahate hain. unaki manen to ye virahani nari har lekhak ke dil men vyapt hai aur vo bar bar tarah tarah se apani katha kaha karati hai .

Manik Mulla ki kahaniyan ek doosare se judi huee hain aur sootradhar hone ke aalava ve khud kaee kahaniyon ke nayak ban baithe hain yadyapi unake charitr men nayak hone ke gun chhatank bhar bhi nahin hain. manika, lili se apane prem ko kori bhavanaon ke dharatal se uthakar kisi moort roop men la pane men asamarth hain aur jab sati poorn vishvas ke sath unake sath jindagi vyatit karane ka prastav rakhati hai to ve kayaron ki tarah pahale to bhag khade hote hain aur bad men pashchatap ka bigul bajate firate hain.
sau prshthon ka ye laghu upanyas manik mulla ki prem kahaniyon ke atirikt unaki jindagi men aaee tin strion jamuna, lili aur sati ke ird gird bhi ghoomata hai. ye tinon nayikayen samaj ke alag alag vargon (madhyama, kulin aur nimn ) ka pratinidhitv karati hain. upanyas ki nayikayen apane aas pas ke halaton se kis tarah joojhati hain ye janana bhi dilachasp hai. jahan jamuna ka anapad bholapan sahanubhooti batorata hai vahin usaki samajhautavadi pravrti pathak ke chitt se use door le jati hai. lili men bhavukata aur vidvata hai to ahankar bhi hai. ek sati hi hai jo bauddhik roop se nimnatar hote huye bhi ek thosa, eemanadar vyaktitv ki svamini hai. sach poochhen to sati ko chhodakar lekhak ka banaya koee kiradar aadarsh nahin hai. daraasal lekhak madhyam varg ki bhed chal vali socha, samajhauta aur palayanavadi pravrti se aahat hain. apani isi yantrana ko shabd dete huye lekhak apane sootradhar ke madhyam se likhate hain..

ham jaise log jo n uchch varg ke hen aur n nimnavarg ke, unake yahan rudiyan, paramparayen, maryadayen bhi aisi purani aur vishakt hain ki kul milakar ham sabhi par aisa prabhav padata hai ki ham yantr matr rah jate hain. hamare andar udar aur oonche sapane khatm ho jate hain aur ek ajab si jad moorchhana ham par chha jati hai. .....ek vyakti ki eemanadari isi men hai ki vah ek vyavastha dvara ladi gayi sari naitik vikrti ko bhi asvikar kare aur usake dvara aaropit sari jhoothi maryadaon ko bhi, kyonki donon ek hi sikke ke do pahalu hote hain. lekin ham vidroh nahin kar pate aur samajhautavadi ho jate hain.

par bat yahin tak khatm nahin ho jati. tathakathit buddhijiviyon par kataksh karate huye ve kahate hain ki sirf naitik vikrti se apane aap ko alag rakh kar hi bhale hi ham apane aap ko samaj men sajjan ghoshit karava len par tamam vyavastha ke viruddh na ladane vali pravrti parishkrt kayarata hi hogi.

ye laghu upanyas chhaः kiradaron ki katha par aadharit hai aur har ek bhag men katha ek kiradar vishesh ke najariye se badati hai. har katha ke bad ka vishleshan anadhyay ke roop men hota hai jahan bharati ki vyangyatmak tippaniya dil ko bendh jati hai. isiliye is upanyas ki bhoomika men mahan sahityakar ajnyey likhate hain

sooraj ka satavan ghoda ek kahani men anek kahaniyan nahin anek kahaniyon men ek kahani hai. ek poore samaj ka chitr aur aalochan hai; aur jaise us samaj ki anant shaktiyan paraspar-sambaddha, paraspar aashrit aur paraspar sambhoot hain, vaise hi usaki kahaniyan bhi. vah chitr sundara, pritikar ya sukhad nahin hai; kyonki us samaj ka jivan vaisa nahin hai aur bharati ne chitr ko yathashaky sachcha utarana chaha hai. par vah asundar ya apritikar bhi nahin, kyonki vah mrt nahin hai, n mrtyupoojak hi hai.

aur ant men bat is pustak ke pratitatmak shirshak ki. katha ke sootradhar ko ye vishvas hai ki bhale hi soory ke chhaः ghode jo madhyam varg men vyapt naitik patana, anachara, aarthik sangharsha, nirasha, katuta ke path par chalakar apane rah se bhatak gaye hain par soory ke rath ka satavan ghoda abhi bhi maujood hai jo pathabhrasht samaj ko sahi raste par la sakata hai. isiliye vo likhate hain

".....par koee n koee cheez aisi hai jisane hamesha andhere ko chirakar aage badhane, samaj-vyavastha ko badalane aur manavata ke sahaj moolyon ko punaः sthapit karane ki takat aur prerana di hai. chahe use aatma kah lo, chahe kuchh aura. aur vishvasa, sahasa, saty ke prati nishtha, us prakashavahi aatma ko usi tarah aage le chalate hain jaise sat ghode soory ko aage badha le chalate hain.....vastav men jivan ke prati yah adig aastha hi sooraj ka satavan ghoda hai, ‘‘jo hamari palakon men bhavishy ke sapane aur vartaman ke navin aakalan bhejata hai taki ham vah rasta bana saken jis par hokar bhavishy ka ghoda aayega......’’

dharmavir bharati ki bharatiy Gyanapith se prakashit kitab net par yahan upalabdh hai. bharat men isaka mooly sirf 35 rupaya hai aur ye do se tin ghante ki siting men aaram se padi ja sakati hai. shyam benegal ne is laghu upanyas par aadharit ek film bhi banaee thi jo nabbe ke dashak men kafi sarahi gaee thi. mainne vo film nahin dekhi par is patakatha par benegal ke nirdeshan men bani film pustak se bhi asaradar hogi aisa mera vishvas hai

---

Click Here to read this post in Hindi devnagari script.

Click Here to post your comment on this post.

---

Jab aanchal raat ka lehraye...taazmahal mein aa jana : Rajendra & Neena Mehta

Ek mahine pahale april main jab patna jana huaa tha to man hi man is bar yatra ka ek lakshy ye bhi rakha tha ki ghar par purani recording wali tapes ki chhana been ki jaye aur ye dekha jaye ki mainne aur meri badi didi ne milakar kisi jamane main jo gajalen gair filmi geet redio se record ki thin vo ab surakshit hain bhi ya nahin. apani is muhim ke dauran purani kuchh gajalen milin par aaj ke mp3 ki gunavatta ke samane vo kahin nahin thaharati thin. par khoj bin ka fayada ye huaa ki kuchh priy geet gajal jo jehan main kahin dab se gaye the vo ek bar fir se ubhar kar aa gaye. unhin me se ek tha rajendra aur nina mehta ka gaya ye nagma jo tajamahal ki prshthabhoomi main likha gaya ek adbhut prem geet hai.

is geet ko apani badi di ki badaulat pahali bar mainne assi ke dashak main suna tha. ye vo vakt tha jab gajal gayiki main ek naee pratha vikasit huee thi yugal jodiyon ke sath sath gane ki. mehata yugal ke aalava rajakumar rizvi / indrani rizvi aur jagajit singh / chitra singh ki jodi gajal gayiki ko ek naya aayam de rahi thin. bad main is trend ko anoop aur sonali jalota (jo ab sonali rathaud ho gaeen hain aur roop kumar rathaud ke sath kansart main najar aati hain) aur bhoopendr aur mitali mukharji ne khoobasarati se aage badaya.

>

chitra sabhar : hamara forum

yek sath purush aur nari svar ko sunana bhata to bahut tha par kuchh ek jodiyon ko chhod den to purush svar ki aavaj gunavatta ke samane jodidar mahila svar us koti ka nahin ho pata tha. nabbe ke dashak main film sangeet jab fir se ubharane laga aur parinamasvaroop gajal gayiki main khasakar yugal jodiyon ke elabam ki sankhya main teji se kami aaee. aur ab to ye dekh raha hoon ki pichhale dashak main koee naee jodi gajal gayiki ke kshetr main ubhar kar samane nahin aaee.

aaj jis gair filmi geet ko aapake samane pesh kar raha hoon vo mehata yugal ke aalava kaee any fanakaron ne bhi gaya hai par mujhe yahi varsan sabase jyada pasand aata hai. us jamane main geet gajalon ka ye guladasta kaiset aur sidi ke roop main na aakar hamasafar nam ke LP ke roop main rikard kiya gaya tha. niche aur oopar ke chitron main aap is LP ki aavaran tasaviren dekh sakate hain

is geet ko likha tha prem varabatoni sahab ne. vyaktigat roop se unake bare main mujhe koee janakari nahin hai par unaka nam un shayaron main aksar aata raha jinake kalamon ko jagajit ne apane elabam main jagah di. itana to spasht he ki apane nam ke anuroop prem sahab ne behatarin romantik gajale aur najmain kahin. misal ke taur par ye najm yad hai na aapako

javani ke hile haya ke bahane
ye mana ki tum mujh se parda karogi
ye duniya magar tujh si bholi nahin hai
chhupakar mohabbat ko rusava karogi

ya fir unaki gajal ke in ashaaaron ko dekhiye
kabhi to khul ke baras abr e meharaban ki tarah
mera vajood hai jalate huye makan ki tarah
sukoot e dil to jajira hai barf ka lekin
tera khuloos hai sooraj ke sayaban ki tarah

to aapane dekha ki prem sahab ki shayari kis kadar roomani khayalaton se bharapoor hai. apane isi hunar ka jadu bikhera hai unhonne is geet main. tajamahal ko mohabbat ka makabara manane valon ke liye unaki ye panktiyan to sidhe dil main utar jati hain

ye tajamahal jo chahat ki aankhon ka sunahara moti hai
har rat jahan do ruhon ki khamoshi jinda hoti hai

khair ab aap suniye ye poora geet aur bataiye mujhe ki ise sunakar un purane dinon ke bare main aapako kya yad aaya....




jab aanchal raat ka laharaye aur sara aalam so jaye
tum mujhse milne shama jalakar tajmahal main aa jana
tum mujhase milane shama jalakar tajamahal main aa jana
jab aanchal rat ka laharaye.....

ye tajmahal jo chahat ki aankhon ka sunahara moti hai
har rat jahan do ruhon ki khamoshi jinda hoti hai
is taj ke saye main aakar tum geet vafa ka doharana
tum mujhase milane shama jalakar tajamahal main aa jana
jab aanchal rat ka laharaye.....

tanahaee hai jagi jagi si, mahaul hai soya soya huaa
jaise ke tumhare khvabon main khud tajamahal ho khoya huaa
ho tajamahal ka khvab tumhin ye raj na mainne pahachana
tum mujhase milane shama jalakar tajamahal main aa jana
jab aanchal rat ka laharaye.....

jo maut mohabbat main aaye vo jan se badakar pyari hai
do pyar bhare dil raushan hain go rat bahut andhiyari hai
tum rat ke is andhiyare main bas ek jhalak dikhala jana
tum mujhse milne shama jalakar tajmahal main aa jana
jab aanchal rat ka laharaye.....

---

Click Here to read this post in Hindi devnagari script.

Click Here to post your comment on this post.

---

Tan Par Lagti Kaanch Ki Boondein, Man par Lagein toh Jaane...

Pichhali post men baten garmi ki betahasha tapish ki ho hi rahi thin ki indradev ne daya kar kuchh ghanton ke liye apane dvar khol diye. tapati dhara pahali barish ki boondon ko pakar apani sondhi sondhi khushabu bikherane lagi. vaise barish ki ye boonde hamare tan ko to thandak de gaeen par agar man ab bhi dahakata rahe to ? na na ye prashn meri janib se nahin balki khud gulajar sahab kar rahe hain is git men jise aaj main aapako sunane ja raha hoon.

1997 men basu bhattachary ke nirdeshan men ek film aaee thi. naam tha Aastha..In the prision of spring film to mujhe kuchh khas jami nahin thi par isake kuchh giton ne khasa prabhavit kiya tha. film ke sangitakar the sharang dev.

Sangeetkar ke roop men Sharang Dev bahut jyada suna huaa nam nahin hain. Ho bhi kaise apane moolyon se samajhauta na karne vale kalakaron ko film industry jyada tarajeeh nahin deti. vaise aapko agar nahin pata to bata doon ki sharang dev, mahan shastriya gayak pandit jasraj ke putr hain. sharang dev aajakal television ke producer ban gaye hain aur apane banaye serials men khud sangeet dete hain. ek sakshatkar men sharang ne kaha tha ki aastha ke geeton ki safalata ke baad bhi vo film nirmataon dvara hathon hath nahin liye gaye. shayad unaki parivarik prshthabhoomi aur kalatmakata ke prati jyada rujhan ek aam mumbaeeya nirmata ko pasand nahin aaee. gayika sriradha banarji bhi is film men gaye geeton ke bad namamatr hi sunaeen padin.

isi film ka ek geet tha tan pe lagati kanch ki boondein .. kuchh geet aise hote hain jinake pichhe ke bhavon ki gaharaee men jane ke pahale hi, apani gayiki aur sangit ki vajah se vo dil men sama jate hain. is geet ke mamale men mere sath bhi kuchh aisa hi huaa. gulzar ke bolon se poornatah ulajhane ke pahale hi sriradha banerji ki aavaj ki tis aur sharang dev ke behatarin sangit ne mujhe is git ke prati aakarshit kar diya. jab film dekhi to gulajar ke shabdon ke pichhe ki nihit bhavanaon ko samajhane men sahooliyat huee.

ab akelapan ho, hrday men uthal pu्thal machi ho aur ekamatr sahachari prakrti ho to fir use hi apane man ka rajadar banayenge na aapa. aur fir gulajar aur unake bimba.. git ke pahali ki apani kamentri men hi vo kamal kar jate hain

jise tum bhatakana kahati ho na manasi
main use aur janane ki talash kahata hoon
yek doosare ko janane ki talash
main is jamin par bhatakata hoon itani sadiyon se
gira hai vakt se hatake lamaha usaki tarah
vatan mila to gali ke liye bhatakata raha
gali men ghar ka nishan dhoondhata raha barason
tumhari ruh men , jism men bhatakata hoon
tumhin se janmoon to shayad mujhe panah mile

to aaiye sunen ye sanvedanashil nagma



tan pe lagati kanch ki boonden
man pe lagen to jane
barf se thandi aag ki boonden
dard chuge to jane
tan pe lagati kanch ki boonden .....

lal sunahari chingari si
belen jhoolati rahati hain
bahar gulamohar ki lapaten
dil men uge to janen
tan pe lagati kanch ki boonden .....

barish lanbe lanbe hathon
se jab aa kar chhooti hai
ye lobana* si sasen hain jo
ye loban si sasen thodi
der ruken to jane
tan pe lagati kanch ki boonden .....

* A type of incense

---

Click Here to read this post in Hindi devnagari script.

Click Here to post your comment on this post.

---

Kul shahar badahavas hai is tej dhoop mein : Gopal Das Neeraj

Chunavon ke charan dar charan khatm hote ja rahe hain. par naksaliyon ke aatank se jyada soory devata hi apana raudr roop dikhalakar matadataon ko bahar nikalane se rok rahe hain. may mahina shuru hone ke pahale hi garmi ye rang dikhayegi isaki shayad chunav aayog ne bhi kalpana nahin ki hogi. apani kahoon to is jalati tapati garmi mein ghar ya office ke andar dubake rahane ki ichchha hoti hai. fir bhi khane ke samay scooter par bitaye vo das minute hi aag sadrish bahati lapaton se samana kara dete hain.

aise mein agar aur bhi garm ilakon ka daura karana pade to isase badakismati kya hogi. par pichhale hafte karyalay ke kam se chhattisagadh, jharkhand aur orrisa ke garmi se buri tarah jhulasate ilakon se hokar gujarana pada. raste bhar khidaki ki shishe se sunasan kheton aur sadakon ka najara dikhata raha.

pani ki talash mein subah se hi matakiyan bhar kar le jati auratein hon ya ganv ki kachchi sadakon par cycle se school jate bachche sab ke sab mausam ki is mar se trast dikhe. kam se kam ham logon ko to karyalay ka vatanukoolit vatavaran garmi se rahat dila deta hai, par jinhen do vakt ki roti jugadane aur rojamarra ke kamon ke liye bahar nikalana hi hai unake liye is dhoop ko jhelane ke aalava aur chara hi kya hai.

mujhe yad aati hai gopal das 'neeraj' ji ek ek hindi ghazal jo garmi ki is tivr dhoop se jhulasate huye ek din ke halaton ko bakhoobi apani panktiyon mein sametati hai. aap bhi pade ye ghazal jisamein Neeraj garmi se badahavas shahar ki vyatha chitrit karate karate apane samaj ki aarthik vishamata ko bhi rekhankit kar gaye hain...

kul shahar badahavas hai is tej dhoop mein
har shakhs zinda lash hai is tej dhoop mein

hare thake musafiron aavaj do unhen
jal ki jinhen talash hai is tej dhoop mein

duniya ke amano chain ke dushman hain vahi to
ab chhanv jinake pas hai is tej dhoop mein

nangi harek shakh harek fool hai yatim
fir bhi sukhi palash hai is tej dhoop mein

pani sab apana pi gaee khud har koee nadi
kaisi ajib pyas hai is tej dhoop mein

bitegi han bitegi dukh ki ghadi jaroor
neeraj tu kya udas hai is tej dhoop mein

---

Click Here to read this post in Hindi devnagari script.

Click Here to post your comment on this post.

---