Annual Musical Countdown 2008 : Song no. 14 : Jab Dhoop ki Tarah Choo Gayi, Gulzar Ki Muskurahat

Jaisa ki mainne aapase kaha tha ki 15 se 22 payadanon tak ke geeton ke star mein jyada fark nahin tha. Par ab shuru ho raha hai is sangeetamala ka vo daur jis mein aate hain 14 vin se chhathi payadan tak ke geet jo meri rating mein behad aas pas hain. To aaiye doosare daur ka aaghaz karen Gulzar ke likhe yuvaraj film ke is geet se jisaki dhun banaee ek baar phir A.R.Rahman ne aur jise aavaj di Alka Yagnik aur Javed Ali ne ....

Kahte hain ki "muskurahat husn ka jewar hai" aur Gulzar jab is muskurahat ko apane bimbon mein dhalate hain to is geet se kavita sarikhe svar foot padate hain ab in lafzon par gaur karein

tu muskara jahan bhi hai tu muskura
tu dhoop ki tarah badan ko chhu zara
sharir* si ye muskurahaten teri
badan mein sunati hoon main aahatein teri
* natkhat

Geet ka itana hissa sunate hi aap Gulzar ke shabd jal mein bandh jate hain aur geet ki roomaniyat ke sath bahate chale jate hain.Ismein madad karata hai Rahman ka behatareen sangeet sanyojan. Char minute tak Alka ki mithi aavaj sunane ke baad Javed ka svar geet mein prem ke ehasas ko poornata deta prateet hota hai. Uske baad ki shastriy bandish aur parshv se aata Alka ji ka aalap man ko moh leta hai. Khud Gulzar, Yuvraraj mein Rahman dwaran diye gaye sangeet ko unake sabase achchhe kaam mein shumar karte hain.

Ab hamari chhodiye khud hi mahasoos keejiye mohabbat ki chashani mein doobe is geet ko Rahman ki madhur dhun ke sath

Tu muskura jahan bhi hai tu muskura,
Tu dhoop ki tarah badan ko choo zara,
Sharir si yeh muskurhatein teri,
Badan mein sunti hu mein aahatein teri,
Labon se aake choo de apne lab zara,
Tu muskura jahan bhi hai tu muskura,
Sharir si yeh muskurhatein teri,
Badan mein sunti hu mein aahatein teri…

Aisa hota hai khayalon mein aksar,
Tujhko sochu to mehek jaati hu,
Meri rooh mein bassi hai teri khushbu,
Tujhko choo lu to behek jaati hu,
Teri aankhon mein, teri aankhon mein,

Koi to jadoo hai, tu muskura,
Jahan bhi hai tu muskura,
Tu muskura jahan bhi hai tu muskura,
Tu dhoop ki tarah badan ko choo zara,
Sharir si yeh muskurhatein teri,
Badan mein sunti hu mein aahatein teri..

Tez chalti hai hawaon ki saasein,
Mujhko bahon mein lapet ke chupa le,
Teri aankhon ki haseen nooriyon mein,
Mein badan ko bichau, tu sula le,
Teri aankhon mein, teri aankhon mein,
Koi to nasha hai, tu muskura,
Jahan bhi hai tu muskura,

Aaa..aaa..aaa…
Aaa..aaa…aaaa…
Aaaaaaaa….
Tu muskura jahan bhi hai tu muskura,
Tu dhoop ki tarah badan ko choo zara,
Sharir si yeh muskurhatein teri,
Badan mein sunti hu mein aahatein teri..

Click Here to read this post in Hindi (devnagari) script.

Click Here to post your opinion about this song.

Annual Musical Countdown 2008 : Song no. 15 : Dil Hara Re...A song full of energy..

Varshik sangeetamala 2008 mein ab bache hain choti ke pandrah geet. ab tak pesh nichali payadanon ke das geeton main panch A.R.Rahman aur teen Vishal Shekhar ke dvara sangeet nirdeshit rahe hain. 14vin payadan ka ye geet ek bar fir Vishal Shekhar ki jholi main hai. Tashan film ke is geet ko gaya aajakal ke bahucharchit gayak Sukhawindar Singh ne, geet ke bol likhe bahumukhi pratibha ke dhani Piyush Mishra ne.

Waise to ye geet is sangeetamala ke tiee jhoomane jhumane vale geeton main se ek hai. is koti ka ek geet aap 25 vin payadan par sun chuke hain aur isi tarah ki masti aur urja se bharapoor geet aapako pahali panch payadanon ke andar sunane ko milega. to jab tak aap soche vicharen vo geet kaun sa ho sakta hai , tab tak is geet ke bare main kuchh bat kar li jaye

14 vin payadan ka geet unake liye hai jo jeevan ko befikri ke sath mastamaula andaz main jite hain. Jinke sir par na to beete kal ka bojh hai aur na hi aane vale kal ki chinta. Jo na samane aane vale khataron ki paravah karate hain aur na hi yaad rakhte hain apane ateet ko. Par zindagi ki is daud main agar ye hare hain to bas apae dil se...

Bharateey natya sansthan se snatak, abhineta aur geetakar Piyoosh Mishra ne geet main in bhavon ko khoobasoorati se piroya hai. Vishal Shekhar ka sangeet geet ke sath thirakane par majaboor karta hai. Sukhavindar Singh ki aavaz is tarah ke urjatmak geeton ke liye bilkul upayukt hai. Isiliye to geet sunte hi shrotaon ke munh se ye sahaj nikalata hai ki inhonne to sama hi bandh diya..

paagal, manvaa….
kaise bhaage re, paagal manva…
taabad tod naach lun, naach lun, naach lun…
naach lun… re…
oo… woho! oo… woho! oo… woho! oo… woho!
oo… woho! oo… woho! oo… woho! oo… woho!
ho ho, chhappan taare tod naach lun…
sooraj chandaa mod naach lun…
ab to taabad tod naach lun..
main to banjaara re… oo… woho!
ho ho, chhappan taare tod naach lun…
sooraj chandaa mod naach lun…
ab to taabad tod naach lun..
main to banjaara re…
bun ke awaara.. main kis mele mein pohanch gaya hun…
koi to roko… kho jaaun re…
masti ka maara, ye kya bolun main, kise kahun main…
dil ka main haara, ho jaaun re…
dil haara re..
dil hara haara, dil haara haara, main haara…
o yaara re…
dil hara haara, dil haara haara, main haara…
dil haara re..
dil hara haara, dil haara haara, main haara…
oo… woho!
oo… woho!
oo… woho! oo… woho! oo… woho! oo… woho!
aaj akele… har ik haalaat se aage…
zubaani baat se aage.. chala aaya…
har taare ki… aankh mein aankhein daale…
chandni raat se aage… chala aaya…
kisko bolun main, kaise bolun main…
koi… mujhko bata ke jaaaye…
koi to bata jaaye…
dil haara re..
dil hara haara, dil haara haara, main haara…
o yaara re…
dil hara haara, dil haara haara, main haara…
dil haara re..
dil hara haara, dil haara haara, main haara…
ho….
rasta bola… re ki thakk jaayega…
beech mein ruk jayega.. abhi ruk ja…
arre aage jaake… garaj ke aandhi hogi…
garaj ke toofan hoga… abhi ruk ja…
main to deewana, bola aa ja na…
donon… sang mein chalenge haan…
aa bhi ja, tu aa ja re…
dil haara re..
dil hara haara, dil haara haara, main haara…
o yaara re…
dil hara haara, dil haara haara, main haara…
dil haara re..
dil hara haara, dil haara haara, main haara…
taabad tod naach lun… hoye!
dil haara….
dil haara…..
dil haara re…
dil re-e-e-e-e…
dil haara re..
dil hara haara, dil haara haara,
main yaara yaara, main yaara yaara…
dil haara re.. dil haara re… dil haara re..
main yaara re…
main yaara re… dil haara re…
dil haara, main yaara, main yaara, main yaara…
dil haara, main yaara, main yaara, main yaara…
dil haara re…


Click Here to read this post in Hindi (Devnagari) script.

Click Here to comment on this post.

Annual Musical Countdown 2008 : Song no. 16 : Mar Jaawan with Shruti Pathak's great vocals...

Aaj bari hai is sangeetamala ke geet number solah ki aur is payadan par geet vo jisaki, gayika, sangeetakar aur yahan tak ki geetakar bhi is sal pahali bar apani jagah bana rahe hain. Ye geet mainne tab suna jab main is sangeetamala ki sari 25 payadanen ki soochi taiyar kar chuka tha. par is sal ki sa re ga ma pa ki vijeta Vaishali Mhane ko jab mainne ise gate suna to mujhe laga ki is geet ke liye to jagah banani padegi. Peahli bar is geet ko sunate hi gayika Shruti Pathak ki pith thapathapane ki ichchha hoti hai. is geet mein neeche ke suron ko jis tarah unhonne nibhaya hai vo nisandeh tareef ke kabil hai.

Par is prashansa ki hakadar sirf Shruti nahin hain. Agar shruti ki gahri aavaj ka jadu aap par hota hai to vo Irfan Siddqui ke bolon ki wajah se. Prem mein doobi ek ladaki ki bhavanaon ko jab vo Irfan ke in shabdon mein ham tak pahunchati hain to man bas gulzarish ho jata hai.

soche dil ki aisa kash ho
tujhko ik nazar meri talash ho
jaise khwab hai aankhon mein base meri
vaise needon pe silavatein pade teri
bheege bheege aramanon ki rahat hai
haye geeli geeli khvahish bhi to behad hai
mar javan mar javan tere ishq pe mar javan......

Irfan Siddqui ek yuva geetakar hain aur Gulzar se khase prabhavit bhi. Ve kahate hain ki Gulzar halke fulke shabdo ke sath gahre shabdon ke mishran ki kala jante hain. Irfan vaise to geet ke bol sahaj rakhane par vishvas rakhte hain par vo ye bhi mahasoos karte hain ki urdu shabdon ka prayog karane se geet ka asar aur badh jata hai. Jaise isi geet ki charcha karate huye ve kahate hain ki unhonne neeche ki panktiyon mein khat aur lat ka istemal isi lihaz se kiya

bheege bheege sapanon ka jaisa khat hai
haye! geeli geeli chahat ki jaise lat hai

Isi geet ke sath pahli bar bataur sangeetakar Salim Suleman ne is sal ki sangeetamala mein pravesh kar liya hai. Salim Sulemann isse pahale pichhale sal Dor aur Chak De India ke geeton ke sath varshik sangeetamalaon ka hissa ban chuke hain. Is geet mein Salim Merchant ne antare ke bich arabi bolon ka samavesh kiya hai jo kuchh sunane mein is tarah lagte hain

radi krah di krava, val hava vasabah
vadi krah hitavaha, allah dukha vasabah
latehval falahavaha, allah dukha vasabah
vadi krah hitavaha, allah dukha vasabah

Ab is ki likhne mein bhoolen to avashya huee hongi par choonki arabi ka janakar nahin hoon isaliye ise nazarandaz kar dijiyega. Antarjaal par isake anuvad se iske bhavon ka andaz lagta hai jo kuchh is tarah se hai...."bhagavan sakshi hai ki teri yaad mein tarasane aur apana gunah kubool karane ke bavajood tumne apana vada nahin nibhaya"

Khair Salim ka ye tareeka gane mein ek nayapan lata hai par mujhe lagta hai ki agar ye arabi novelty saleem nahin bhi introduce karte to bolon aur gayiki ki badaulat ye geet wahi sar chhodta. To aaiye sune aur dekhen Fashion film ka ye geet

mar javan mar javan
tere ishq pe mar javan
bhige bhige sapanon ka jaisa khat hai
haye gili gili chahat ki jaise lat hai
mar javan mar javan tere ishq pe mar javan......

soche dil ki aisa kash ho
tujhko ik nazar meri talash ho
jaise khwab hai aankhon mein base meri
vaise needon pe silavatein pade teri
bheege bheege aramanon ki rahat hai
haye geeli geeli khvahish bhi to behad hai
mar javan mar javan tere ishq pe mar javan......

Click here to read this post in Hindi (devnagari) script.

Do u have something to say about this song. Click here to post ur comment.

Annual Musical Countdown 2008 : Song No. 17 - In Lamhon Ke Daman Se...

Varshik sangeetamala ki 17 vin payadan par pahli baar is saal avatarit huye hain Sonu Nigam aur Javed Akhtar sahab aur sath mein hain A.R.Rahman. Bharatiya vady ayantron aur urdu ki mithas ke sath film jodha akabar ke is geet ka aagaj hota hai. Javed sahab ne is geet ki shuruaat mein itane pyare bol likhe hain ki man vah vah kar uthata hai. Sonu nigam ne is sal behad chuninda nagme hi gaye hain aur is geet ke hisab se unhonne isaki adayegi mein ek mulayamiyat gholi hai jo man ko chhu jati hai.

in lamahon ke daman mein
pakija se rishte hain
koee kalama mohabbat ka
doharate farishte hain

A.R.Rahman dvara sangeet nirdeshit is geet ke teen spasht hisse hain. Ek mein shahanshah Akbar ke dil ki iltija hai to doosare mein maharani Jodha ki prem ki svikarokti. Rahman ne geet ke in donon ke beech ek chorus dala hai jo in do hastiyon ki is prem katha mein praja ke svar jaisa lagata hai. Par mukhade ke bad ka chorus, geet ke poore mood se thoda loud lagta hai.

in lamahon ke daman mein
pakija se rishte hain
koee kalama mohabbat ka
doharate farishte hain

khamosh si hai jamin hairan sa falak hai
ik noor hi noor sa ab aasaman talak hai
nagme hi nagme hain jagati soti fijaon mein
husn hai sari adaon mein
ishk hai jaise havaon mein

kaisa ye ishk hai
kaisa ye khvab hai
kaise jajbat ka umada sailab hai
din badale raten badalin, baten badalin
jine ke andaj hi badale hain
in lamahon ke daman mein .....

Par fir Madhushri ki mithi aavaj geet ko vapas usi dharatal par pahuncha deti hai jahan se ye shuru huaa tha aur man mein vahi sukoon tari ho jata hai jisaka ahasas geet ke praranbh se hona shuru huaa tha...

samay ne ye kya kiya
badal di hai kaya
tumhen maine pa liya
mujhe tumane paya
mile dekho ऍse hain ham
ki do sur ho jaise maddham
koee jyada na koee kam
kisi aag mein.. ki prem aag mein
jalate dono hi the
tan bhi hai man bhi
man bhi hai tan bhi

mere khvabon ke is gulistan mein
tumase hi to bahar chhaee hai
foolon mein rang mere the lekin
inamein khushabu tumhin se aaee hai

kyoon hai ye aarajoo
kyoon hai ye justajoo
kyoon dil bechain hai
kyoon dil betab hai

din badale raten badalin, baten badalin
jine ke andaj hi badale hain

in lamahon ke daman mein ....

nagme hi nagme hain jagati soti fijaon mein...
ishk hai jaise havaon mein

to aaiye sunen aur dekhen Jodha Akbar ka ye pyara sa nagma....

Click Here to Read this post in Hindi (Devagari) script.

Click Here to comment on this post

Annual Musical Countdown 2008 - Song no. 18 : Lyricist Anvita Dutt Guptan with Khuda Jane..

Jahan tak sangeet nirdeshakon ki bat hai varshik sangeetamala 2008 main ab tak A.R.Rahman ka dabdaba kayam hai. Par ab tak ham kaee naye geetakaron Qausar Muneer, Shabbir Ahmad aur Abbas Tyrevala ko sun chuke hain. Aaj bari hai Anvita Dutt Guptan ki jinhonne likha hai varshik sangeetamala ki 18 vin payadan ka ye geet jise khoobasoorati se filmaya gaya hai Deepika aur Ranveer ki jodi par




Waise aap jaroor janana chahate honge ki ye Anvita Dutt Guptan hain kaun ? Anvita ke geetakar banne ka safar dilachasp hai aur kuchh had tak Prasoon Joshi se milta hai. Anvita jab 24 sal ki thin tab apani boss ke sath 'dilavale dulahaniya le jayenge ' dekhane gayeen aur tabhi unake dil main film jagat se judne ka khwab palane laga. Tab tak Anvita, Prasoon ki tarah vijnyapan jagat ka hissa ban chukin thin aur apane chaudah salon ke kairiyar main vibhinn vigyapan agencies main bataur creative director ke pad par kary kar chuki hain.

Prasoon se ulat, karib do sal pahale unhonne apane pad se istifa de diya aur bataur geetakar apne spane ko poora karane ki sochi. Anvita ne ab tak apane geeton main Prasoon jaisi kavyatmakata ka parichay to nahin diya par sahaj shabdon se aam sangeetapremi jan ka dhyan khinchane main vo safal rahi hain.

Rahman ke baad is sal sabase jyada lokapriyata agar kisi ne batori hai to vo hai Vishal Shekhar ki jodi ne. Is sangeetamala main unka sangeet nirdeshit ye teesra geet hai. Is geet ko apani madhur aavaj se sanvara hai KK aur Shilpa Rao ne. Is geet main KK yani Krsihna Kumar Menon ne jis khule gale se sur lagaye hain vo dil ko khush kar dete hain aur man is geet ko gunagunane ka karne lagata hai. Jharkhand ke Jamshedpur se talluk rakhane vali Shilpa ko is sal ki udiyaman gayika ya khoj kah sakte hain. Apni gahari aavaj main vo KK ka achchha sath nibhati nazar aaee hain.

to aaiye sunen bachna aye hasinon film ka ye nagma



sazde main yoon hi jhukta hoon, tum pe hi aa ke rukta hoon
kya ye sabko hota hai,
hamko kya lena hai sab se
tum se hi sab batein ab se, ban gaye ho tum meri duaa

sazde main yoon hi jhukta hoon, tum pe hi aa ke rukata hoon....
khuda jane ki main fida hoon
khuda jane main mit gaya
khuda jane ye kyoon huaa hai
ki ban gaye ho tum mere khuda

tu kahe to tere hi kadam ke main nishanon pe
chaloon rukoon ishare pe
tu kahe to khvab ka bana ke main bahana sa
mila karun sirahane pe
tumase dil ki batein sikhin
tumase hi ye rahein sikhin
tum pe mar ke main to ji gaya

khuda jane ki main fida hoon............

dil kahe ki aaj to chhupa lo tum panahon main
ki dar hai tumako kho doonga
dil kahe sanbhal jara khushi ko na nazar laga
ki dar hai main to ro doonga
karati hoon saugaten tumase
bandhe dil ke dhage tumase, ye tumhen na jane kya huaa
khuda jane ki main fida hoon............

Click Here to read this post in Hindi Devnagari script.

Click Here to post your opinion about the song.

Annual Musical Countdown : Song No.19 - Kahin To Kahin To Hogi Wo....

To huzoor waqt aa gaya hai varshik sangeetamala ke thoda roomani hone ka aur isiliye yahan gana vo jo pichhale mahine banaye gaye mere kram se panch chhalange oopar mar kar aa pahuncha hai payadan sankhya 19 par. Jane Tu Ya Jane Na ke is geet ki dhun banaee hai Allah Rakkha Rahman yani vahi apane chahete A.R.Rahman ne aur sach kahoon to geet shuru hone ke pratham 35 seconds main hi aap unaki di huee dhun se is geet ke mood ko samajh jate hain ki ye ek pyara sa romantic nagma hoga.

Mujhe ye dhun kamal ki lagati hai..aur dhun ka asar gahara ho hi raha hota hai ki nepathy se aati hai Rashid Ali ki awajaz aur goonjate hain ye swar...
kahin to ..kahin to
hogi vo
duniya jahan tu mere sath hai
jahan main, jahan too
aur jahan bas tere mere jajbat hain

Bas mood ek dam se badal jata hai. mujhe is geet ki ye panktiyan sunakar apni kishoravastha ke din yaad aa jate hain jab ham aisi hi kitni kalpanatmak udanon main doobate utarate rahte the. Abbas Tyrewala ki tarif karani hogi ki behad saral shabdon ka prayog karate huye bhi apni baat ko ham tak pahuncha pate hain. Kabhi kabhi is bhagadaud bhari jindagi main kori bhavukata ki bhi jaroorat mahsoos hoti hai aur tab aise geet man ko bade bhale lagate hain.

Rashid Ali ke bare main to ham pichhali post main vistar se baat kar chuke hain. Iis geet main Rashid ka ek antare main sath diya hai Mansoon Wedding main nayika ki bhoomika nibhane vali Vasundhara Das ne. Bas is geet ki ek hi baat nahin jamati aur vo hai ant main chorus ko lane ke liye geet ke scale main laya gaya badalav. Isliye char minute das second bitate hi main geet ki punaravrti kar leta hoon. To lijiye pahale padiye is geet ke bol....

kahin to ..kahin to
hogi vo
duniya jahan tu mere sath hai
jahan main, jahan too
aur jahan bas tere mere zazbat hain
hogi jahan subah teri
palakon ki kiranon main
lori jahan chand ki
sune teri bahon main

jane na kahan vo duniya hai
jane na vo hai bhi ya nahin
jahan meri zindagi mujh se
itani khafa nahin

sansein kho gayee hai kisaki aahon main
main kho gayee hoon jane kiski bahon main
manzilon se rahen dhoondhati chali
kho gayee hai manzil kahin rahon main

kahin to kahin to
hai nasha
teri meri har mulaqat main
hothon se, hothon ko choomate
o rahate hain ham har baat pe
kahati hai fiza jahan
teri jamin aasaman
jahan hai tu meri hansi
meri khushi meri jaan
jane na kahan vo duniya hai
jane na vo hai bhi ya nahin
jahan meri zindagi mujh se
itani khafa nahin...

to ab suniye Rahman, Abbas aur Rashid Khan ki is behad romantic peshakash ko...

Click Here to read this post in Hindi (Devnagari script).

Do u like this song. Click here to give your opinion about it.

Annual Musical Countdown 2008 : Song no. 20 : Meet Rashid Ali with Kabhie kabhie Aditi

Aaj ham pravesh kar rahe hain Varshik Sangeetamala 2008 ke pratham bees geeton ki ferhist main. Pichhali post main aap roobaru huye the gayak Javed Ali se aur aaj 20 vin payadan par jo geet hai use aavaj di hai naye kalakar Rashid Ali ne !

Jane tu ya Jane Na ka ke sabase lokapriya geet ko gane vale Rashid ko A.R. Rahman ki khoj kaha ja sakta hai. Rashid ke parivar ka talluk yoon to Uttar Pradesh se hai par ve London main hi pale badhe. Maan Ghazal gayika thin isaliye Britain ke jane mane kalakaron ke pashchaty sangeet ke sath hindustani shastriya sangeet se bhi unka parichay sath sath huaa. School main Jazz sangeet ki or unmukh huye. Phir jab Violin aur Guitar ke beech apana pasandida vady yantra ko chunne ki bari aayee to unhonne guitar ko chuna.

2002 main pahali bar A.R.Rahman se ek concert ke dauran unaki mulaqat huee aur fir 2003 main ve bataur guitarist unke qafile ke sadasy ban gaye. Jane tu ya jane na main kabhi kabhi aditi main na keval unhonne apani pyari adayegi se sabaka man moha balki apani or se guitar ke kuchh beats jode. Rashid kahte hain ki

"....maine bollywood main pravesh ke bare main is tarah nahin socha tha. Han itni tamanna juroor thi ki jab stage par jaoon to log mujhe apani aawaaz, apane guitar vadan ke liye pahachanein. ...."

Aur ab jabaki roothe huye ko manata ye geet sabaki zuban par hai Rashid khushi mahasoos kar sakte hain ki bahut jald hi vo apana sapna poora kar paye hain. To aaiye ek bar fir sunate hain ye geet Rashid Ali ki aawaz main.....

kabhi kabhi aditi zindagi main yoon hi koee apana lagta hai
kabhi kabhi aditi vo bichhad jaye to ik sapana lagta hai
aise main koee kaise apane aansuo ko bahane se roke
aur kaise koee soch le everything’s gonna be okay

kabhi kabhi to lage zindagi main rahi na khushi aur na maja
kabhi kabhi to lage har din mushkil aur har pal ek saza
aise main koee kaise muskuraye kaise hans de khush hoke
aur kaise koee soch le everything gonna be okay
soch jara jane jaan tujh ko ham kitana chahte hain
rote hai ham bhi agar teri aankhon main aansu aate hain
gan to aata nahin hai magar fir bhi ham gate hain
ke aditi mana kabhi kabhi sare jahan main andhera hota hai
lekin raat ke baad hi to savera hota hai

kabhi kabhi aditi zindagi main yoon hi koee apana lagta hai
kabhi kabhi aditi vo bichhad jaye to ek sapna lagta hai
he aditi hans de hans de hans de hans de hans de hans de tu zara
nahin to bas thoda thoda thoda thoda thoda thoda muskura

tu khush hai to lage ke jahan main chhaee hai khushi
sooraj nikale badalon se aur baten zindagi
sun to jara madahosh hava tujhase kahane lagi
ke aditi vo jo bichhadate hai ek n ek din fir mil jate hain
aditi jane tu ya jane n phool fir khil jate hain

kabhi kabhi aditi .................thoda muskura

Mujhe lagata hai ki ye sal ka sabase khushanuma geet hai jo kisi ke bhi udas man ko prafullit kar de. aap kya sochate hain is geet ke bare main

Click Here to read this post in Hindi (Devnagari script)

Do you like the song? Click Here to post your opinion about it.

Annual Musical Countdown 2008 : Song No. 21- Meet Javed Ali who has this 'Gujarish' for you...

Pichhali varshik sangeetamala main jaisa ki aap ko yad ho, Tare Zameen Par ke char geet shamil huye the jin main se ek 'sartaj geet' bhi tha. Aamir Khan ki is film ke liye geet likhe the Prasoon Joshi ne, jo mere priy geetakar rahe hain. par 21vin seedhi par jo geet hai vo is sangeetamala main prasoon joshi ka likha pahala aur aakhiri geet hai. aakhiri isaliye ki is saal joshi sahab ne jyada filmon ke liye geet nahin likhe. vaise bhi vo geet tabhi likh pate hain jab McCann-Erickson main vo apane dayitvon se farig ho payen jo ki aksar vo nahin hote.

Prasoon Joshi ne hal hi main Hindustan Times ko diye sakshatkar main kaha tha ki gajani jaisi thrilar (Thriller) ke geeton ko likhana unake liye ek chunauti se kam nahin tha. khair prasoon joshi ke is geet ka plas pvaint isaka mukhada aur rahaman dvara banaee isaki aaranbhik dhun hai jo ek bar hi main aapako apane sath bandh leti hai. par joshi aur rahaman jaise diggajon ke bich is geet se jo naya nam juda hai vo hai gayak Javed Ali ka

Waise sahi arthon main Javed film jagat ke liye naye nahin hai. dilli main janme javed husain ke pita kavvali gayak hain. Mallu aur Majid Khan se shastriy sangeet sikhane ke bad unhonne apana kuchh samay gajalon ke badashah Ghulam Ali ki shagirdi main bitaya. Baad main apane guru ke samman main unhonne apana nam Javed Ali rakh liya. Javed ne varsh 2000 main ek gumanam si film beti na. 1 ke liye geet record kiya par aisi filmon ke geet kaun dekh pata hai so unaki aavaj anasuni hi rah gaee. Phir Neel aur nikki, kyoon ho gaya na, golamal, chameli aadi filmon ke kuchh geet unaki jholi main aaye. Par unaka sitara pichhale sal chamaka jab vi met main gaye nagme nagada baja se.

Is sal javed ke kismat ke sitare tab aur buland huye jab A.R.Rahman ne apani sabhi filmon main javed ko gane ka mauka diya. javed ki aavaj ki khasiyat usaka alag tarah ka hona hai. 29 varshiy javed ne film udyog main sangharsh karate huye apani ek alag pahachan banane ki koshish ki hai jisamain ab jakar unhen safalata mil rahi hai. Javed ki gayiki main vividhata ki jhalak aap tab dekhenge jab do any geeton jo ki oopar ki payadanon par hain, main unhen sunane ka mauka milega.

Aur han agar aap ye soch rahe hon ki is geet ki credits main sonu nigam ka bhi nam hai to vo isaliye ki aaranbhik dhun ke thik pahale ki gunagunahat sonu ki aavaj main record ki gaee hai. Toh suniye javed ki aavaj main is vikal premi ki gujarish



tu meri adhoori pyas pyas
tu aa gaee man ko ras ras
ab to tu aa ja pas pas...
hai gujarish...

hai hal to dil ka tang tang
tu rang ja mere rang rang
bas chalana mere sang sang
hai gujarish...

kah de tu han to jindagi
chainon se chhoot ke hansegi
moti honge moti rahon men
ye yeh yeh ...tu meri adhoori ...

shishe ke khvab le ke
raton men chal raha hoon
takara na jaoon kahin

aasha ki lau hain roshan
fir bhi toofan ka dar hai
lau bujh n jaye kahin

bas ek han ki gujarish...
fir hogi khushiyon ki barish

tu meri adhoori ...

chanda hai aasaman hai
aur badal bhi ghane hain
yah chanda chhup jaye na

tanhaee das rahi hai
aur dhadakan bad rahi hai
yek pal bhi chain aaye n

kaisi ajab dastan hai
bechainiyan bas yahan hain

tu meri adhoori

Click to read this post in Hindi (Devnagari script)

Click Here to Comment on this Post

Annual Musical Countdown 2008 : Song No. 22 - Aankhon Se Khwab Rooth Kar...

Varshik sangeetamala ki 22 vein payadan par is bar faila hai udasi ka rang ! Is geet ke gayak gayika ki jodi ko aap ne filmi geeton ki bajaye gair filmi albums main jyada suna hoga. Piya basanti main Chitra ke sathi gayak aur Gulzar ke soofi album ishqa ishqa ke pichhe ki vo surili aavaj yad hai na aapako.

Jeei haan main bat kar raha hoon prasiddh sarangi vadak aur gayak Ustad Sultan Khan aur sab ke tan man main film Omkara main namakiniyat gholati Rekha Bharadvaj ki. Jab do itane pratibhavan kalakar ek geet ko apani aavaj den kuchh to nayee baat paida hogi na. Aur ye mauka aaya Shamir Tondon dvara sangeet nirdeshit film Superstar main

Mujhe Rekha Bharadvaj ki aavaj main ek alag tarah ki kashish nazar aati hai. Pehli baar jab unka soofi geet tere ishq main suna tha to unaki aavaj ka shaidaee ho gaya. Baad main unake sangeetakar pati Vishal, jo college main unke junior the ke nirdeshan main Omkara ke geet 'namak ishq ka ' ne unki pratibha ko vyavasayik safalata bhi mili. par durbhagyavash abhi bhi vishal ke aalava any sangeetakar unaki pratibha ka fayada nahin utha paye hain.

Ab lauten is geet par to ye vaisa nagma nahin hai ek hi bar main aapke dilo.n dimag par chadh jaye. Shabbir Ahmad ka likha ye geet, bite huye kal main bikhare kuchh khvabon aur khushanuma ehasason ki baat karta hai jo waqt ke thapedon se aise chitke ki unamain padi dararon ko paatne ki aas, aas hi rah gayee. aur geet ke sath ye bhavanayen dhire-dhire man main utarati hain. Is geet ko mere liye vishisht banane ka sara shrey main geet ke bolon aur Ustad sahab v Rekha ji ki gayiki ko dena chahoonga. ShamirTondon ka sangeet mujhe kuchh hisson main achchha laga.

To aaiye pahale gaur karen geet ke bolo par

aankhon se khvab rooth kar
palkon se ashk toot kar
jane kahan bikhar gaye
sahil se maujen foot kar
araman dil se chhoot kar
jane kahan, jane kahan, bikhar gaye...

raste vahi galiyan vahi, lekin vo baat ab hain kahan
jisamain kabhi thi jindagi, soona pada hai ab vo makan
soona pada hai ab vo makan
kuchh lamhe jaan boojh kar
khushiyan tamam loot kar
jane kahan bikhar gaye

yadon se roothi thak ke main, lauti to ye pata chala
pairon main the chhale pade, mushkil tha kitna fasala
zazbat mere oob kar, gam ke bhanvar main doob kar
jane kahan bikhar gaye

aankhon se khvab rooth kar...

aur han fursat ke lamahon ke bich hi suniyega is geet ko..

aur is geet ke video ko dekhana chahate hon to ye raha link

Do you like this song. Click Here to Post your opinion.

Annual Musical Countdown 2008 : Song No. 23 - Falak Tak Chal Sath Mere....

To aaj bari hai Varshik Sangeetamala ki 23 vein payadan ki. Waise is nagme aur agale aath das nagmon men sab kamobesh ek hi star ke hain isaliye is geet ki ranking par jyada mat jaiyega.

Is romantic nagme ko itana khoobsoorat banane mein sangeetakar Vishal Shekhar, gayak Udit Narayan aur geetakara Kausar Munir ki barabar ki sahabhagita hai. Kausar Munir pahli bar meri kisi geetamala ka hissa bani hain aur mujhe ummeed hai ki inake likhe kayee aur achchhe nagme hamein aage bhi sunane ko milenge.

Kausar ne prakrtik bimbon ka istemal karate huye is geet mein pyari mulayamit bhari hai jo dil ko chhu jati hai. Udit bhaee ki aavaj itani spasht aur sadhi huee hai ki usaki khanak der tak geet sunane ke bad bhi dimag men taji rahati hai. Mahalakshmi Iyer ne Udit ka bakhoobi sath diya hai.

Par Tashan film ke is geet mein Vishal Shekhar ke sangeet ko nazaraandaz nahin kiya ja sakata. 24th vin payadan par aapne dekha ki unhonne ek hinglish geet ke liye pashchaty sangeet sanyojan ka sahara liya jo ki geet ke mood ke sath ghul mil gaya par is roomani nagme mein bharatiy vadya yantron ka bhi khoobasoorat istemal kiya hai jo dil ko sukoon pahunchata hai. Geet ki kavyatmakata to behatar hai hi par Vishal Shekhar ne geet men masti ka rang bhi sangeet ke jariye jod diya hai

to pahalen paden kausar sahiba ka likha ye dilakash git

falak tak chal sath mere, falak tak chal sath chal
ye badal ki chadar
ye taron ke aanchal
mein chhup jayen ham, pal do pal
falak tak chal....

dekho kahan aa gaye ham sanam sath chalke
jahan din ki bahon men raton ke saye hain dhalate
chal vo chaubare dhoondhen jin men chahat ki boonden
sach kar de sapanon ko sabhi
aankhon ko miche miche main tere pichhe pichhe
chal doon jo kah de tu abhi
baharon ki chhat ho, duaaon ke khat ho
padate rahen ye gajal
falak tak chala....

dekha nahin mainne pahale kabhi ye nazara
badla huaa sa lage mujhako aalam ye sara
sooraj ko huee hai rahat raton ko kare shararat
baitha hai khidaki par teri han..is baat par chand bhi bigda, katra katra vo pighla
bhar aaya aankhon mein meri

to sooraj bujha doon , tujhe main saja doon
savera ho tujh se hi kal
falak tak chal sath mere ......

Aur aaie ab chalein Udit aur Mahalakshmi ke sath aasaman yani falak tak ke safar mein sath sath

Do u like it? Click Here to Post your comment on this song.

Annual Musical Countdown 2008 : Song No. 24 - Jane Kyun...Dil Janta Hai

To chaliye aaj aapako le chalate hain varshik sangeetamala ki e chaubisavin sidi par jahan gana vo jise likha Anvita Dutt Guptan ne, tarj banaee Vishal Shekhar ki jodi ne aur jise aavaj di isi sangeetakar jodi ke sadasya Vishal Dadalani ne. ye bhi nahin hai ki is geet ke bol kuchh khas gaharaee liye hon. par jab aap is geet ko sunate hain to geet main kahi gaee bat sidhe dil par asar karati hai. vishal shekhar ne angreji jumalon ko hindi ke sath is tarah sangeetabaddh kiya hai ki donon bhashayen ek doosare main ghulati milati si dikhati hain.


Lautate hain geet ki bhavanaon ki oor. Hum sabhi ki zindagi main koee to koee hota hi hai na jiske aas pas hone se ham apane aap ko nishchint sa mahasoos karate hain. usaki ek najar man ko tasalli deti hai, kuch yoon ki

zindagi
kuchh nahi......! bas ye ahasas .....!
ki tum ho mere gird....!"

Anvita Dutt Guptan bhi yahi bat apane is hingalish geet se kahane ki koshish ki hai aur sach me jab bhi is geet ko sunta hoon to barabas mukhda gunagunane se apne aap ko rok nahin pata jane kyoon dil janata hai tu hai to I'll be allright.

tu hai to tedhi medhi rahein
ulati pulati batein, sidhi lagati hain
tu hai to jhoothe moothe vade
dushman ke irade sachche lagte hain
jo dil main tare vare de jaga, vo tu hi hai, tu hi hai
jo rote rote de hansa, tu hi hai vahi
jane kyoon dil janta hai tu hai to I'll be allright
I'll be allright I'll be allright

sari duniya ik taraf hai, ik taraf hain ham
har khushi to door bhage, mil rahe hain gham
But When U Smile For Me, World Seems All Right
ye meri jindagi, pal main hi khil jaye jane kyoon
jane kyoon dil janata hai tu hai to I'll be allright

chhote chhote kuchh palon ka ye dostana ye
jane kyoon ab lag raha hai ye jana mana ye
Cos When Smile For Me, World Seems All Right
ye sare pal yahin, yoonhi tham se jayen jane kyoon.
jane kyoon dil janata hai tu hai to I'll be allright

to vishal dadalani ki aavaj main suniye ye pyara sa halka fulaka nagma

Click Here to Comment on this post.