Wednesday, November 30, 2005

Udaigiri & Khandgiri

Apne Orissa pravas ke aakhir din ka pehla hissa Dhauli aur baki mandiron ko dekhne mein beeta. Humari yatra ka antim padav Udiagiri aur Khandgiri the. Choonki in donon jaghon ke aakhir mein giri lafz juda hai to ye to aap samajh hi gaye honge ki ye jaghein pahadi pe isthit hai. Udaigiri ka vikas Jain naresh Kharvel ne kiya tha. Agar Udaigiri ko door se dekhein to aaytakar (rectangular) gufaon ka jaal dikhega . Us waqt jiska istemaal Jain bhikshu vishram ya dhyan mein kiya karte the. Aaj bhi ye gufayein vishramsthali hi dikhti hain par farq sirf itna hai ki aaj inka pryog premiyugal kuch pal al sath bitane ki jagah ke taur pe jyada karte hain :)

Udaygiri ke theek dusri or bagal ki pahadi pe Khandgiri ka Jain mandir hai. mandir ke theek bagal mein ek alag sa drishya dikha jo ki jhat maine apne cam mein qaid kiya. Jante hain sabse pehle ise dekh ke bachpan mein khele jane wale game PITTO ki yad aa gayi jismein hum chote chote paththar ke tukdon ko ek doosre ke upar sajakar rubber ball se phoda karte the. Par yahan to un pathron ki jagah eintein (bricks) rakhi huyi thin.

To is blog ke pyare pathak gan is tasweer pe gaur karein aur guess kar ke bataiyein ki in aade tirche paththaron aur einton ko is terah se sajane ka abhipray kya hai?

Aakhir mein shukriya aap sab ka jinhone mere is safar ke kuch yaadgar lamhon ko tanmayta se padha aur apni pratikriyaein vyakt keen.:)

19 comments:

Akruti said...

Next trip of mine will be to Orissa:)
Manishji,bahuth din hogaye aapne sangeet pe koi post nahi likha,so maine socha main hi kuch likhdoon:) deklijiyega waqt milne par:)

Divya said...

wow manish ..aapka safar to bohat achha tha.. pics bhi kaafi achhe hai.. hope u had fun :)

PuNeEt said...

hi Manish...
yaar bahut maza aagaya aapke trip ka varnan jaan kar...
tumko itna gyan pehle se tha ya guide ne diya...
great yaar...

PITTO
lolzzz hum yehan issey lagori kehte hain ;-0

ki in aade tirche paththaron aur einton ko is terah se sajane ka abhipray kya hai?
taaki aaap aapke bacpan ke khel fir se khel sako ;-)
lolzzzz

Koi idea nahin aap hi bata di jiye

Nice Post n Nice pics

Cheers

Zombie said...

pichhle aadhey ghantey se soch rahi hu why these bricks have been placed this way.....i give up!! tell meeeeee

Zombie said...

ummm city blueprint?

Dewdrop said...

tum bohat lambi vacation pe ho shayad, itna travel, Im jealous

Raj said...

bahut sundar rahi hogi aapki yaatra......

Manish said...

Sorry folks for this late reply!
Wo kya hua ki humari colony mein BSNL walon ne cable lay karne ke liye jo khudai ki usse ek jagah ki main supply power line damage ho gayi aur use detect aur repair karne mein 4 din laga diye! Humein to lagne laga tha ki shayad light ki humein juroorat hi nahin hai :) anyway coming back to ur replies...

Manish said...

Neel Hmmmm juroor jana! tumhara music wala post office mein to padh liya tha par ab jab ki power aa gayi hai I will be able to post my reaction!

Manish said...

Divya haan ji it was an enjoyable trip1 waise bhi I do love to travel waise kaisi rahi tumhari Coorg ki trip? U must have enjoyed too

Manish said...

Puneet hmmm lagori ha ha achcha naam hai! mujhe to lagta tha har jagah ek hi naam hoga loz!
Waise bhi ball se achchi khasi pitai ho jati thi is game mein :)

rahi baat details ki
Local stories to wahan ke logon se hi suni hain baki ASI aur kuch humara school..ee gyan

shukriya ji ki tumhein ye sab achcha laga! aur haan at leat u made a guess ! answer thodi der mein:)

Manish said...

Thanx zombie
for giving it a try.

Infact its a wish to make ur dream home! Hai na interesting :)

Darasal aisa kehte hain ki agar is terah se aade tirche paththar aap lagayenge to aapki apna ghar banane ki abhilasha juroor poori hogi :)

Manish said...

Shabnam
ha ha vacation lambi nahin thi mera description lamba tha DD! I was back on 8th Nov! Par khushi ke palon ko yaad karna, unke bare mein sochna aur kuch likhna apne aap mein ek sukhad ahsaas hai jise main jaldi apne man se jane nahin dena chahta tha :)

Manish said...

Raj Hmmm haan raj it was an enjoyable experience

Zombie said...

doesn't make sense at all...but I'll try...mein apne ghar ke bahar paathar laga dungi aada tirccha :-) let's see

Dewdrop said...

hmm Manish :)

Manish said...

Zombie its a bit symbolical !
Kisi bhi ghar ki neenv ke liye brick pe brick rakhte hai na! So wahan mandir ke bagal mein log bricks aur paththar ki ye aadi tirchi choti si neenv khadi karte hain! Baki ye to aastha ki baat hai aisa karne se sachmuch kuch hota hai ya nahin.
Afterall faith has no logic:)

Dawn....सेहर said...

manish sach kahoon to mujhe pitthoo yaad aaya...iss tasveer ko dekh kar...wow...aajkal koi khelta hai kya ????
rahi baat aapke sawaal ka..(as u know I always loose in guessing work..lol), mujhe to ye mohan jodaro ki halki se zhanki lagi ;)

waise...ghar banane ke liye bhi pehali neenv aise hee banti hain na :)

amazing...sach..dil kar raha hai mein bhi nikal padoon...India darshan ke liye :)
bahut khubsurat safar raha...aisa laga jaise hum bhi the saath mein :)

cheers

Manish said...

kyun PITTO pe ban lag gya hai kya? :)

bahut khubsurat safar raha...aisa laga jaise hum bhi the saath mein :)

loz aisa kyaaaaa:)