Tuesday, July 26, 2005

Khul Ke Muskura Le Tu Dard Ko Sharmane De....

To kareeban 5 hafton ke is safar ko tai karte karte hum aa hi pahuche hain us manzil pe jiska aap sab ko besabri se intezaar hoga! Ye to samajh hi gaye honge aap sab ki meri is countdown ke shikhar par ek baar phir film PHIR MILENGE ka ye geet vidyamaan hai!
Aur haan is song ka mukhda sunne ke pahle ek khoobsurat si CIBAKA SMILE aap sabon ke chehre pe honi chahiye! Hmmmmm to Ameen Shayni sahab ki tarz yaad ki jaye to announcement kuch is terah se hoti...


To Choti ki is paaydaan pe wo gaana hai doston jiski dhun banayi Shankar Ehsaan Loy ne, jiske bol likhe Prasoon Joshi ne aur jise apni madhur aawaz se sanwara Bombay Jayshree ne

Khul Ke Muskurale Tu Dard Ko Sharmaney De
Boondon Ko Dhartee Par Saaz Ek Bajaney De


Ab agar main ye na bataoon ki mere man mein kaun si bhavnayein uthin thin is song ko sunne ke baad to meri baat adhoori reh jayegi...

Kai baar aap sab ne gaur kiya hoga ..

Rozmarra ki zindagi kitne hi tanavon se bhari kyun na ho kisi se hansi khushi do batein kar lene se man halka sa ho jata hai.

Thodi si hansi thodi si muskurahat man ke depression ko yun kam kar deti hai ki kya kahein!

Par humesha to koi sath nahin rehta na ghamon ko halka karne ke liye.
To kya kare koi ?

Aree! par aas paas koi nahin to kya hua uparwale ki di huyi ye aabo hawa ye khoobsurat fiza to hai na :)

Kabhi akele mein usmein doob kar dekhiye shayad hi zindagi ka koi rang aapko na dikhai de!

Chahe wo pawan ka mast jhonka ho jiska sparsh (touch) aapke dil mein ek gudgudi macha de..

Ya barish ki rimjhim bundein jo aapko hothon ko khud ba khud geet gungunane pe mazboor kar de..

Ya phir wo balkhati nadi jiska alhadpan aapke dil mein shararat bhar de..

Ya phir charon or phaili jheel ka shant thahra hua paani jo apni shunyata (nothingness) mein aapko is terah sama le ki aap apni abhi ki pareshani ko bhula baithein..

Ya phir bag ki wo titlee jo phoolon ke aas paas is terah mandra rahi ho jaise keh rahi ho ki ..
aree ab to poori terah khilo !
naya basant (spring) aane ko hai aur tum ho ki abhi bhi apni pankhudiya sikode baithe ho..

Aap kahenge nahin ji humein to ye sab nahin dikhai deta :)

Par shayron ko to mother nature is kadar attract karti hai ki unhein jeevan ka koi bhi lamha, koi bhi jazba isi se nikalta dikhai deta hai. Aur waise bhi ye sach hi to hai..


Ab Prasoon Joshi ki is nazm ko dekhiye aur mehsoos keejiye..
Apni charon or ki fiza mein kabhi apne aapko akela nahin payenge!

Khul Ke Muskurale Tu Dard Ko Sharmaney De
Boondon Ko Dhartee Par Saaz Ek Bajaney De
Hawayen Keh Rahee Hain, Aaja Jhoomein Zara
Gagan Ke Gaal Ko Chal Jakey Choolein Zara

Jheel Ek Aadat Hai, Tujh mein Hee To Rehtee Hai
Aur Nadee Shararat Hai, Terey Sang Behtee Hai
Utaar Gham Ke Mozey,
Zamein Ko Gungunaney De
Kankaron Ko Talwon Main,
Gudgudee Machaney De
Hawayen Keh Rahee Hain, Aaja Jhoomein Zara
Gagan Ke Gaal Ko Chal Jakey Choolein Zara

Bansuree Ki Khidkiyon Pe Sur Yeh Kyon Thithaktey Hain
Aankh Key Samander Kyon Bewajeh Chalaktey Hain
Titliyan Yeh Kehtee Hain
Ab Basant Aaney De
Jungalon Ke Mausam Ko
Bastiyon Mein Chaney De

Hawayen Keh Rahee Hain, Aaja Jhoomein Zara

Gagan Ke Gaal Ko Chal Jakey Choolein Zara

Khul Ke Muskurale Tu Dard Ko Sharmaney De

Boondon Ko Dhartee Par Saaz Ek Bajaney De

Mujhe is baat ka behad afsos rahega ki itna behtareen music aur lyrics hone ke bavjood bhi FILMFARE ne is film ke kisi bhi song ko nominate tak karne ke kabil nahin samjha! Anyway I will strongly recommend u all to buy this album! It worth buying :)

To listen the song click the link below
http://www.musicindiaonline.com/l/17/s/movie_name.7074/

Aur aakhir mein my special thanks to all of u Puneet, NEEL, DON, Phoenix, Zainab Isha, DD, Avik, Pari for patiently going thru my bakwas along with the countdown :)

14 comments:

Dawn....सेहर said...

Manish...thnx...I love the lyrics and the way its sung...amazing situation as well ...& how can I forget this gift which u gave me on my b'day in ur own voice..:)

keep singing ....music brings...hulchul ;) just like nadi :)

good show!!!

PuNeEt said...

Good 1 Manish...
Jaise maine pehle hi kaha tha "Phir Milenge" ke gane maine sune hi nahin hain... to is weekend main aapka #1 gana zarur sununga...

Maine already woh 3 gaane jo nahin sune the unko apne PC par download kar liye hain... ye shayad 4th song hoga ;-))

Jaisa maine shayad har baar kaha hain... aapke geet ko prastut karne ka aandaz bahut hi acha hain...
Jise aapne last para main bakwaas kaha hain :-))
Iska matlab ya to aapki bakwaas bhi itni khubsurat hain ya fir mujhe bakwaas pasand aati hain...
he he he he

I enjoyed a lot... Just keep writing ...
Take care... Simlz

nin said...

nice lyrics...

Dewdrop said...

Manish,
Doosri payedan pe 'Phir Milenge' ka geet saja ke, aapne logo ko trick kar diya. Didnt expect to have the song from same movie on top 2 spots. Waise bohat hee pyara geet hai. Puneet kee tarah maine bhi 'Phir Milenge' ke geet pehle sune nahi the, iseliye shayad guess karna mushkil tha. Maine aapkee geetmala beech mein se join kee, lekin kaafi mazaa aaya. Likhte rahiye :)

:) said...

aahaa kai gaane sune hue the par ye to kabhi suna hi nahi:( ..lakin ab sun liya..hehe nice song.. aapke likhne ka andaaz bahut acha hai..
:)

Manish said...

hmmmmm thx DON I also love the poetry of the song

Jheel Ek Aadat Hai, Tujh mein Hee To Rehtee Hai
Aur Nadee Shararat Hai, Terey Sang Behtee Hai
Utaar Gham Ke Mozey, Zamein Ko Gungunaney De
Kankaron Ko Talwon Main, Gudgudee Machaney De


just fabulous! isn't it

Manish said...

Puneet
shukran shukran!
Barish ne Mumbai mein is hafte aisa kehar barpaya ki aap sab ki zindagi aast vyasta ho gayi hogi!

juroor suniyega ye song aur bataiyega kaisa laga!

Manish said...

Thx Avik !

Manish said...

Hi DD
Achcha laga jaankar ki humare in geeton ki pherhist aapko pasand aayi! Thx for joining in :)

Manish said...

Hi Pari
Chaliye humari wazah se hi sahi aapne ye song to suna!
meri batein aapko pasand aayin jaankar khushi huyi :)

PuNeEt said...

Apka #1 gana wakai main hi #1 hain… maza aagaya…

“Yaad hain woh pehili mulakat yaad hain” bhi bahut zada pasand aaya…

Ek waqt tha jab maine is movie ka ek bhi gana nahin suna tha…
aur is waqt is movie ke 4 gaane mere paas hain… bahut bahut shukriya…

:-))

Manish said...

Thanx Puneet ki tumne in songs ko suna aur pasand kiya! Its always wonderful to share a nice song with frens who have similar tastes :)

Divya said...

beautiful.. good one again buddy.. wo gaana sach me khoobsurat hai

Manish said...

Jaankar behad khushi huyi Divya ki tumhein bhi ye song achcha lagta hai!