सोमवार, मार्च 28, 2011

Annual Music Countdown 2010 Sartaaz Geet: Dil to bachcha hai jee...

To bhaiyon evam bahanon vaarshik sangeetamala ke dhaai mahine ke safar ke baad vakat aa gaya hai sarataji bigul bajaane ka. yahan sangeetakaar v geetakar ki vahi jodi hai jisane pichhale saal bhi milkar sarataj geet ka khitab jeeta tha. vaise to pahali paanch poyadanon ke geet apane aap men kamaal hain par pahali poyadan ka ye geet har lihaaz men alahada hai. baki poyadanon ke geeton ko oopar neeche ke kram men sajaane men mujhe kafi mashakkat karni padi thi. par pahali sidhi par virajamaan ishkiya film ka ye geet kabhi apani jagah se tas se mas nahin hua. is geet ke bolon ka asar dekhiye ki saal poora hua nahin ki geet ke mukhade ko lekar ek nai film rileez bhi ho gai.


ji haan is saal ek shaam mere naam ki vaarshik sangeetamala ka sarataj banane ka gaurav haasil kiya hai gulzar ke likhe, vishal bharadvaj dvara sangeetabaddh aur rahat fateh ali khan dvara gaaye geet dil to bachcha hai ji ne... is geet ke baare men naseer bhaai (jin par ye gana filmaya gaya hai)ki tippani dilachasp hai. naseer kahate hain..
"gane ka kaam hai film men mood ko kriet karana. jo jazabaat us waqt haavi hain film men, usako rekhaankit (underline) karna. mujhe nahin maaloom tha ki ye gana film men background men hoga ki main ise gaoonga. ek tarah se ye achchha hi hua ki mainne gaya nahin kyoonki isase usase us aadami (kiradaar) ke dil ke khayalat aur zahir hue."

gulzar ke baare men naseer kahate hain 
"aadami utna hi javaan ya boodha hota hai jitana aap use hone dete hain aur gulzar bhaai dil se naujavaan hain. bahut kuch aisa hai gulzar men jo aadami unse apeksha nahin kar sakta aur yahi ek sachche kalakar ki nishani hai."

sach, kaun nahin jaanta ki pyar karne ki koi umr nahin hoti. aur ye bhi ki prem men pad jaane ke baad hamara mastishk man ka das ho jata hai. par un sarvavidit ahasason ko gulzar itani nafasat se geet ki panktiyon men utarte hain ki sunkar man thaga sa rah jata hai.

gulzar ki kalakari isi baat men nihit hain ki vo hamare aas paas ghatit hone vali chhoti se chhoti baat ko badi safaai se pakadate hain . ab isi geet men prem ke manovigyaan ko jis tarah unhonne samajha hai usaki ummeed sirf gulzar se hi ki ja sakti hai. ab geet ki is pankti ko len

haaye jor karen, kitana shor karen
bevaja baaton pe ain ve gaur karen

bataiye is 'ai ve' ki anubhooti to ham sab ne ki hai. kisi ki bevajah ki bakavaas ko bhi mantramugdh hote hue suna hai. bol kya raha hai vo sun nahin rahe par usaki aavaaz aur adaen hi dil ko lubha rahi hain aur man khush.. bahut khush.. hua ja raha hai. par kya kabhi socha tha ki koi geetakar prem men hone vaale in sahaj se ahasason ko geet men dhaalega?

gulzar ki kisi jazabe ko dekhne aur mahasoos karne ki adbhut kshamata to hai hi par saath hi unake binb bhi bade prabhavashali hote hain.mukhade men dhalti umr ka ahasaas dilane ke liye unka kahana daant se reshami dor katati.. nahin...man ko lajavab kar deta hai.

sangeetakaar vishal bharadvaj ne is geet ka sangeet ek retro ki feel deta hai. aisa lagata hai ki aap sath ke dashak ka gana sun rahe hain. vaadya yantron ke nam par kahin halka sa gitar to kahin tali ko sangat deta hua haaramoniyam sunaai de jata hai. rahat fateh ali khan ko aksar sangeetakaar vaise geet dete hain jisamen soofiyat ke saath oonche suron ke saath khelne ki rahat ki maharat istemaal ho. par vahin vishal ne isase theek ulat si paristhiti vaale (jhijhakte sharmate fusafusaate se geet men) men rahat ka istemaal kiya aur kya khoob kiya. to aaiye pahle sunen aur gunen ye geet


aisi ulajhi nazar unase hatati nahin...
daant se reshami dor katati.. nahin...
umr kab ki baras ke sufed ho gayi
kari badari javani ki chhatati nahin


varna yah dhadakan badhane lagi hai
chehare ki rangat udne lagi hai
dar lagata hai tanha sone men ji

dil to bachcha hai ji...thoda kachcha hai ji

kisako pata tha pahalu men rakha
dil aisa paji bhi hoga
ham to hamesha samajhte the koi
ham jaisa haji hi hoga

haay jor karen, kitana shor karen
bevaja baaton pe ain ve gaur karen

dil sa koi kameena nahin..

koi to roke , koi to toke
is umr men ab khaaoge dhokhe
dar lagata hai ishk karne men ji


dil to bachcha hai ji
aisi udaasi baithi hai dil pe
hansane se ghabra rahe hain
saari javani katra ke kaati
beedi men takara ge hain

dil dhadakta hai to aise lagata hai voh
aa raha hai yahin dekhta hi na ho
prem ki maren katar re

tauba ye lamhe katate nahin kyoon
aankhen se meri hatate nahin kyoon
dar lagata hai tujhase kahane men ji

dil to bachcha hai ji,thoda kachcha hai ji

par geet ko poori tarah mahasoos karana hai is geet ka video bhi dekhiye. geet ka filmaankan badi khoobasoorati se kiya gaya hai. naseer munh se kuch nahin bolte par unki aankhen aur chehare ke bhaav hi sab kuch kah jaate hain..



isi ke saath vaarshik sangeetamala ka ye saalana aayojan yahin samapt hota hai. jo saathi is safar men saath bane rahe unka bahut aabhaar.  


शनिवार, मार्च 26, 2011

Annual Music Countdown 2010 Runners Up: Nain Parinde Pagle Do Nain.....

Vaarshik sangeetamala ki doosari poyadaan par geet vo jise gaya shilpa rao, ne, dhun banaai sangeetakaar R. Anadh ne aur isake lajavab bol likhe swanand kirakire ne. ab film ka nam bataane ki jaroorat hai kya ? aadha nam to geet ke mukhade men hi hai aur usamen bas lafnga shabd dal deejie yaani ki 'lafange parinde'.

rudaki vishvavidyalay se mech. engg. ki padhayi karne vaale sangeetakaar R.Anadh ka parichay isi film ke geet 'man lafnga..' ki charcha ke dauraan kar chuka hoon. pichhale bees saal se vigyapanon ke liye dhun banane vaale aar aanand ne apane kairiyar ke shuruaati dinon men apane mitra gopal rao ke saath milkar ek stoodiyo banaya tha. stoodiyo ka nam aisa ki bade badon ko dimaag ki batti jalane ke liye mentos ka sevan karana pade.

ji haan unake studio ka nam tha 'Aqua Regia' jiska shaabdik arth hai 'Royal Water'. darasal rasaayanashastra ki bhasha men ise 'Nitro Hudrochloricacid' bhi kaha jata hai aur is aml ko 'royalati' is liye mili hui hai ki ye sone aur pletinam jaisi akad men rahane vali dhaatuon ko galane ki kshamata rakhta hai.

baad men dramavaadak aur aanand ke colej ke mitra, shaleen sharma bhi is samooh ka hissa bane aur aagosh nam ke baind ki shuruaat hui. baind ne ek elabam jaroor banaya par vo jyada chala nahin aur jaisa aksar hota hai vakat ke saath baind bikhar gaya.

pradeep sarkaar ek aise nirdeshak hain jo apani filmon ke geetakar v sangeetakaar chunane ke baad unhen apane kaam karne ki poori aajadi de dete hain. aar anand kahate hain ki natijan hamen bhi lagne lagata hai ki aisa kaam kiya jaaye jinase unake vishvaas par khara utra ja sake.


geetakar swanand kirkire ko vyavasayik hindi cinema men pahla mauka dene vaale bhi pradeep sarkaar hi the. 'parinita' aur 'laga chunri men daag' jaisi filmon men swanand ne jis tarah ka kaam kiya usake baad sarkaar ke liye vo pahali pasand hi ban ge. is film ki geet rachna ke baare men swanand kahate hain

mujhe aanand ke kaha ki tum pahle geet likh kar lao fir main dhun banaoonga. mainne socha ki ye to badi achchhi baat hai. kitana bhi lamba geet likh do koi tension nahin. film jis tarah ke yuvaaon par aadhaarit thi unake baare men sochkar mujhe khayal aaya ki gali mohallon ke kai ladake dikhte lafngon jaise hain par unamen bhi parindon ki tarah udan bharne ki chahat hoti hai. is liye lafange aur parinde saath ho ge. pradeep ji ko ye shabd itane pasand aae ki unhonne film ka naam bhi yahi rakh diya. mere liye lafnge aur parinde shabdon ka saath aana 'man lafnga' aur 'nain parinde' jaise geeton ki rachna ka sabab ban gaya.

nain parinde ..film ka ekmaatra ekal geet hai jise film ki hiroin par filmaya gaya hai. drishtiheen vyakti bhale hi dekh nahin sakta par usaki soch ka vistar vahan tak hota hai jahan aam jan pahunch bhi nahin paate. swanand ne apane is geet men aisi hi ek ladaki ke khavaabon ki udan ko shabdon men baandhne ki koshish ki hai. swanand sirf tukabandi aur raiming ko geet rachna ka dhyeya nahin maante. vo koshish karte hain ki inake alava geet se vo vichaar nikalen jo kiradaar ki bhavanaaon ko shrotaon tak pahuncha saken. swanand ki ye koshish mukhade aur donon antaron men safal hoti nazar aati hai. vahin sangeetakaar aanand ka gitar bhi pahle intaralyood men apana kamaal dikhala jata hai.

baki to swanand ke shabdon par shilpa rav ki aavaaz man men gahari utarati si jaati hai. jamahedpur se taalluk rakhne vali shilpa rav ko sangeet ki duniya men lane ka shreya shankar mahadevan ko jata hai. jahan film aamir men unka gaya geet ik lau munbai par hue hamale ke dauraan rashtra ka geet ban gaya tha vahin pichhale saal khauda jaane ko badi vyavasayik safalta mili thi. par shilpa ko unki pratibha ke hisab se jitane geet milne chaahiye utne mil nahin rahe. khaair abhi to sunte hain ye geet..


nain parinde, pagale do nain
nain parinde, jaage din rain
nain parinde, pagale do nain
nain parinde, jaagen din rain
pankh jhatak ye ud jaayenge, aasamaan men kho jaayenge
magaroor bade, banjare nain
nain parinde, pagale do nain

nain parinde baadal baadal, khavaabon ke sitare chug lenge
ho nain parinde chaand chura kar, palakon se apani dhak lenge
palak jhapakte ud jaayenge, sapanon ko apane ghar laayenge
mashahoor bade, matavaale nain
nain parinde, pagale do nain

ho nain parinde raushan raushan, andhiyare saare dho denge
ho nain parinde chhalke chhalke, palakon ko moond ke ro lenge
palak jhapakte ud jaayenge, gam ko bhula ke muskaayenge
majaboor nahin, sapanile nain
nain parinde, pagale do nain

nain parinde, pagale do nain...magaroor bade, banjare nain



sheeghra hi aapke saamane hoga vaarshik sangeetamala ka sarataj geet.



मंगलवार, मार्च 22, 2011

Annual Music Countdown 2010 Recap: Songs which missed the bus at the last moment

Vaarshik sangeetamala ka is saal ka safar apane antim mukaam par pahunch raha hai. aaiye dekhte hain kaun se geet is saal ki geetamala men shamil nahin ho paaye aur kaisa raha is saal ka safar sangeet se jude maharathiyon ke liye. agar aap is shrrinkhala men pesh kiye ge geeton par nazar dalenge to ye nishchay hi kahane men samarth honge ki mote taur par yah is saal ke sangeet par kisi khaas sangeetakaar ya geetakar ka varchasva nahin raha. haan ye jaroor hai ki kuch ke liye ye saal pichhale se fika jarur raha.

a r rahman is saal hindi filmon men jyada sakriya nahin rahe. ravan men unki gulazaar ke saath jodi vo kamaal nahin dikhala saki jisaki mujhe aasha thi. shankar ahasaan loe ne My Name is Khan men behatareen sangeet diya par poore saal baki filmon men diya unka sangeet kuch vishesh ullekhaneeya nahin raha. yahi haal sangeetakaar saleem sulemaan ka bhi raha. is saal ki filmon men sabse sukoon dene vaale sangeet ki rachna ka shreya saazid vazid,vishal shekhar,amit trivedi aur pritam ko jata hai. saazid vazid ne 'dabng' aur 'veer' ke sangeet par behatareen kaam kar film udyog men apani nai pahachaan bana li. vishal shekhar bhi 'I Hate Love Storys', 'anajana anajaani' men apane faarm men nazar aae vahin pritam ne saal men kam filmen karte hue bhi 'Once Upon A Time in Mumbai' aur 'aakrosh' men karnapriya sangeet diya.

a r rahman ko apana prerna srot maanane vaale aur mere pasandida sangeetakaar amit trivedi ne pichhale saalon ki tarah is saal bhi 'udan' aur 'aayasha' men apani pratibha ke zaauhar dikhalae. apani film 'aamir' ki badaulat vaarshik sangeetamala ka sarataj geet ka sehara pahanane vaale amit abhi bhi apane sangeet men nit ne prayogon se ek alag tarah ki aavaaz ham tak pahuncha rahe hain. unki is muhim men geetakar amitabh bhattacharya ne behatareen saath diya hai. hindi kavita ke premiyon ke liye 'udan' is saal ka ek yaadgaar elabam rahega aur amitabh bhattacharya ko iska poora shreya jana chaahiye.

geetakaron ki baat ki jaaye to is saal amitabh ke aalava gulzar, swanand kirkire aur irshad kamil ka kaam behatareen raha. gulazaar ki prashansa men jitana kaha jaaye kam hai. 'veer' aur 'ishkiya' men unake rache geeton par log abhi bhi vaahavahiyan ruki nahin hain. vahin 'parinita', 'lage raho munnabhai' aur 'thri idiyats' jaisi bhinn prakriti ki filmon ki safal geet rachna ke baad swanand ne 'lafnge parinde' aur 'peepali laaiv' ke geeton ke madhyam se 'saarthak geeto ko rachane vaale geetakar' ki apani chhavi ko banaaye rakha hai. irashad kamil ke baare men is sangeetamala ke dauraan kai baar charcha hui hai aur mera vishvaas hai ki aage ke saalon men bhi hoti rahegi. ye jaroor hai ki is saal javed akhtar aur prasoon joshi jaise maane hue geetakaron ki jholi se kuch khaas nahin nikala. ne geetakaron men jeetendra joshi ne apane likhe geet chamacham se mujhe khasa prabhavit kiya.

bhale hi geetakar aur sangeetakaron ne is saal ki sangeetamala men mil kar safalta ke jhande gade hon par parshvagayiki men ye saal poori tarah rahat fateh ali khan ke nam raha. sangeetamala ki aaranbhik das poyadanon men se chhah par kabja jamaane vaale rahat ne apani bemisaal gaayiki se sangeetapremiyon ke dil men saal bhar khoob rahat pahunchai. rahat ke alava mohit chauhaan,rekha bharadvaj aur shreya ghoshal ke gaaye geeton ko bhi kafi lokapriyata mili. jagajeet sinh, sonu nigam aur shilpa rav ke ek ek geet is geetamala men baje par un geeton men unhonne apani gaayiki se man ko mohit kar diya.
Har saal ki tarah is saal bhi antim pachchees men kuch geet aate aate rah ge. is ferahist men bas itani si tumse gujarish hai.. gujarish, ab mujhe koi intazaar kahan ...ishkiya, jindagi do pal ki..Kites, bahane de.. ravan, tere naina My Name is Khan jaise geet shamil hain . ye geet to aapane pahle bhi sune honge par aaj main aapako sunana chahta hoon is saal ki sangeetamala taiyaar karte vakat sune ge char anasune geet jo kuch hat kar sunane ka ahasaas man men jaga ge..

pal men mila jahan shreya ghoshal dvara gaya aisa nagma hai jo udas to karta hai par man ko shaant bhi kar deta hai. geet men sangeet na ke barabar hai par bhaavon men doobati shreya ki gaayiki usaki kami mahasoos nahin hone deti.



film straikar ke is geet fir yoon hua men gulazaar ke shabd aur vishal ki aavaaz ka vaisa hi adbhut sangam hai jisase ham onkara ke o saathi re aur film kameene ke kya karen jindagi isako jo ham mile ke dauraan gujar chuke hain



ab aate hain das tola ke is geet par jise gaya hai sonu nigam ne . khaud gulazaar is film men apane rache geeton ko pichhale saal ki apani santoshajanak kritiyon men maante hain.



amit trivedi vestarn aur bharateeya sangeet ke fyoojan men maahir hain. edamishan opan men shrriti pathak dvara gaaye geet men haaramoniyam jaise vaadya se ki gai kalakari turant dhyaan kheenchti hai


to aaiye saal ke sarataj aur ranars ap geet se roobaru hone ke pahle ek baar nazaren ghuma lete hain dhaai mahine purane is safar par...
  1.  
  2.  
  3. sajada tera sajada din rain karoon , sangeet: shankar ahasaan loe, geet : niranjan ayngar, gayak : rahat fateh ali khan, chalachitra : My Name is Khan
  4. fool khila de shakhon par pedon ko fal de maula, sangeet: roop kumar rathaud, geet : shakeel aazmi, gayak : jagajeet sinh, chalachitra : Life Express 
  5.  bin tere bin tere koi khalish hai, sangeet: vishal shekhar, geet : vishal dadalani, gayak : shafakat amaanat ali khan, sunidhi chauhaan, chalachitra : I hate Luv Storys
  6. tere mast mast do nain, sangeet:saazid vazid, geet : faaiz anavar, gayak : rahat fateh ali khan, chalachitra : dabng
  7.  surili ankhiyon vaale, sangeet:saazid vazid, geet : gulazaar, gayak : rahat fateh ali khan, chalachitra : veer
  8. too na jaane aas paas hai khauda, sangeet: vishal shekhar, geet : vishal dadalani, gayak : rahat fateh ali khan, chalachitra : anajana anajaani
  9. man ke mat pe mat chalio, sangeet: pritam, geet : irashad kamil, gayak : rahat fateh ali khan, chalachitra : aakrosh
  10. manhagaai dayan khat jaat hai, sangeet:ram sanpat, gayak :raghuveer yaadav, chalachitra : peepali laaiv
  11. desh mera rangarez ai babu, sangeet:Indian Ocean, geet :swanand kirakire, sandeep sharma , gayak :rahul ram, chalachitra : peepali laaiv
  12. kanha bairan hui re baansuri, sangeet:saazid vazid, geet : gulazaar, gayak : rekha bharadvaj, chalachitra : veer
  13. chamacham jhilamilaate ye sitaaron vaale haath, sangeet:shailendra barve, geet : jeetendra joshi, gayak : sonu nigam, chalachitra : straikar
  14. bahara bahara hua dil pahali baar ve, sangeet: vishal shekhar, geet : kumar, gayak : shreya ghoshal, chalachitra : I hate Luv Storys
  15. aazadiyan, sangeet: amit trivedi, geet : amitabh bhattacharya, gayak : amit v amitabh, chalachitra : udan
  16. tum jo aae, sangeet: pritam, geet : irashad kamil, gayak : rahat fateh ali khan, chalachitra : Once Upon A Time in Mumbai
  17. sidhe saade sara sauda sidha sidha hona ji , sangeet: pritam, geet : irashad kamil, gayak : anupam amod, chalachitra : aakrosh
  18. pi loon tere gore gore haathon se shabanam, sangeet: pritam, geet : irashad kamil, gayak :mohit chauhaan chalachitra : Once Upon A Time in Mumbai
  19. Cry Cry itana Cry karte hain koy ko, sangeet: e aar rahman, geet : abbaas toyaravala, gayak : rashid ali, shreya ghoshal, chalachitra : jhootha hi sahi
  20. noor e khauda , sangeet: shankar ahasaan loe, geet : niranjan ayngar, gayak : shankar mahadevan, adanan sami, shreya ghoshal , chalachitra : My Name is Khan
  21. man lafnga bada apane man ki kare, sangeet: aar aanand, geet :swanand kirakire, gayak :mohit chauhaan chalachitra :lafnge parinde
  22. geet men dhalte lafajon par, sangeet: amit trivedi, geet : amitabh bhattacharya, gayak : amit v amitabh, chalachitra : udan
  23. yaadon ke najauk paron par, sangeet: saleem sulemaan, geet :swanand kirakire, gayak :mohit chauhaan chalachitra :aashaayen
  24. khoi khoi si kyoon hoon main, sangeet: amit trivedi, geet : javed akhatar, gayak : anusha mani, chalachitra : aayasha
  25. tum ho kamaal, tum lajavab ho aayasha , sangeet: amit trivedi, geet : javed akhatar, gayak : amit trivedi, chalachitra : aayasha 



रविवार, मार्च 20, 2011

Annual Music Countdown 2010 Song No. 3: Sajda tera sajda din rain karoon .na hi chain karoon..

Vaarshik sangeetamala ka sarataj bigul bajane men ab sirf do poyadanon ki doori hai. yaani aaj hai teesari poyadaan ki baari. geetamala ki is sidhi par jo geet hai usaki khaas baat ye hai ki ye geetakar ka racha pahla geet hai. geetakar vahi jo noor e khauda ke saath aapase beesavin poyadaan par mukhatib hue the. ji haan film My Name Is Khan ka likha geet sajada niranjan ayngar ka bataur geetakar racha pahla geet hai.

niranjan ke kachche geeton se pakke geetakar banane ka vaakaya main aapase pahle hi baant chuka hoon. sangeetakaar shankar ahasaan loe ne film ki patakatha ke hisab se ek aise geet ki darakar thi jisamen prem ke saath soofiyat ka rang bhi ho aur jisaki shuruaat sajada jaise shabd se ho. niranjan ko isi aadhar par ek kachche geet ko likhne ka kaam saunpa gaya. niranjan ne jo geet racha use jab karan zaauhar ghar le ke ge to geet ke bol sun kar unki maan ne poochha kya ise javed saahab ne likha hai? baad men karan aur shankar ekamat hue ki jo geet niranjan ne likha hai vo hi film men jaayega.

par kya aapke man men ye prashn nahin aa raha ki ek tamil hote hue bhi niranjan ayngar ne apane pahle kuch geeton men hi soofiyat ka itana pyara rang kaise dal diya? darasal niranjan ko soofi aur urdu kaviyon ki rachanaayen shuru se bhati rahi hain aur ve bulle shah, gulam farid, zigar muradabaadi aur ahamad faraaz jaise shayaron ko nirantar padhte rahe hain.

sajada ek aisa geet hai jiska sangeet sanyojan aur gaayiki avval darje ki hai. geet shuru hota hai ॠचा sharma ke gahare svar men. richa prem men apane rom rom doob jaane ki baat khatm karati hi hain ki rahat apani ruhani aavaaz men sajada shabd ko is tarah uthate hain ki dil vaah vaah kar uthata hai. par jab in gaayakon ke surile svar ke baad koras ubharta hai ye geet ek alag hi dharatal par pahunch jata hai aur kya aam kya khaas sabhi sangeetapremi ise gunagunane nazar aate hain.

shankar ahasaan loe ne intaralyoods men sinthesaaijar aur table ke sanyojan se jo dhun nikali hai vo sahaj hi aapaka dhya

n kheenchti hai. shankar is geet ke baare men kahate hain ki ek sahaj geet ko sangeetabaddh karana mushkil hota hai. khaaskar tab jab vo dil ko chhoote vo ek sahi aur pyari si baat bhi kahata chale. par is mushkil kaam ko nibhane men shankar ahasaan loe ki jodi safal rahi hai.

aaiye sunen ye nagma jo prem ki baat ko ek aadhyatmik rang deta hua chala jata hai...


rom rom tera nam pukare
ek hue din rain hamare
ham se ham hi chhin ge hain
jab se dekhe nain tihaare
sajada ….

teri kali ankhiyon se zaind meri jaage
dhadakan se tej daudoon, sapanon se aage
ab jaan lut jaaye, ye zahan chhoot jaaye
sang pyar rahe, main rahoon na rahoon

sajada tera sajada, din rain karoon .na hi chain karoon
sajada tera sajada, lakh baar karoon meri jaan karoon

ab jaan ....sajada tera sajada....

ranjhana.. naino ke teer chal ge..
saajana.. saanson se dil sil ge…
palakon men chhupa loon, tera sajada karoon
seene men sama loon, din rain karoon
palakon men chhupa loon, seene men sama loon
tere ang ang rang mera bole
ab jaan ....sajada tera sajada....

beliya…kya hua jo dil kho gaya
maahiya.. ishk men khauda mil gaya
jara ankh se pila de..tera sajada karoon
jara khavab saja de..o din rain karoon
ab jaan ....sajada tera sajada....
teri kali ... na rahoon
sajada tera sajada.....

vaise is geet ke dauraan shaharukh aur kajol ki shadi ko filmaya jana tha. shooting sthal tha colej aaf faain aartas kailifornia. par shadi ke liye sajavat ke liye rang birange kapade se pandal sajana tha. par shooting ke dauraan hava itani tej ho gai ki shadi ko ek bade ped ke neeche shoot karana pada.




शुक्रवार, मार्च 18, 2011

Annual Music Countdown 2010 Song No. 4: Phool khila de shakhon par, pedon ko fal de malik...,

Kabhi kabhi sidhi sahaj baaten bhi gajab ka asar karati hain khaaskar jab vo dil se kahi gai hon. vaarshik sangeetamala ki chauthi sidhi ka geet ek aisa hi geet hai. jab bhi main is geet ko sunta hoon to aankhen nam ho jaati hain aur agar gunagunane ki koshish karoon to gala bharra jata hai.

desh ke aam aadami ke jeevan ki daridrata ko darshata ye geet bharat men vyapt aarthik asamaanta ko ek dam se saamane la khada karta hai. geet men ishwar se ki ja rahi praarthana aapako ye sochane par majaboor kar deti hai hain ki kyoon itani tarakki ke baavazaood ham apane nagarikon ki chhoti chhoti jarooraton ko poora karne men aaj tak asamarth hain?

gazalagayiki ke baadashah jagajeet sinh ne filmon men geet yada kada hi gaaye hain. par jab jab unki gaayiki filmi parde par aai hai tab tab unki aavaaz ka jaadu sar चढ़कर bola hai. hothon se chhoo lo tum.., tum itana jo muskura rahe ho.., tumako dekha to ye khyal aaya.., jaag ke kaati saari raina.., hoshavaalon ko khabar kya ....jitana bhi sochta hoon unake gaai filmi geeton gajalon ki ferahist saalon saal baad bhi usi tarah jaehan men turant aa jaati hai.


film Life Express men jab gayak roop kumar rathaud jinhonne is film men sangeet diya hai, jagajeet ke paas ge to girte swasth ke chalte kam sakriya rahane ke baavazaood vo unki iltaza ko thukra nahin sake. is geet ke baare men jagajeet kahate hain ki

"roop kumar rathaud mere chhote bhaai ki tarah hain. bataur sangeetakaar ye usaki teesari film hai aur ye mera usake saath gaya doosara geet. film ke liye usane bahut badhiya sangeet racha hai. khaaskar mere dvara gaaye geet ka sangeet to ekadam sahaj magar asardaar hai."
afsos ye raha ki 'saroget madar' par kendrit patakatha par bani ye film apane nirman ki anya khamiyon ki vajah se jyada nahin chali. isaliye jagajeet ka gaya ye behatareen geet jyada charcha nen nahin aaya. roop kumar rathaud ne is karunamayi praarthana ke mood ke hisab se hi sangeet rachna ki hai. is geet ka ek varjan roop kumar rathaud ki aavaaz men bhi hai par jab shakeel azmi ke likhe is geet ko jagajeet ki ruhani aavaaz ka sparsh milta hai to sunanevaale ke man men bhavanaaon ka sailaab umad padta hai. aaj is geet ke prati meri bhavanaaon ko main shabdon ke bajaaye is geet ko gunagunakar vyakt karana chahoonga.



phool khila de shakhon par, pedon ko fal de malik,
dharati jitani pyasi hai, utna to jal de malik

vakat bada dukhadayak hai, paapi hai sansaar bahut,
nirdhan ko dhanavaan bana, durbal ko bal de malik

kohra kohra sardi hai, kaanp raha hai poora gaanv,
din ko tapata sooraj de, rat ko kambal de malik

bailon ko ik gathari ghaas, insanon ko do roti,
kheton ko bhar gehoon se, kaandhon ko hal de malik

haath sabhi ke kaale hain, najaren sabaki peeli hain,
seena dhaanp dupatte se, sar ko aanchal de malik

ab suniye is geet ko jagajeet sinh ke svar men...






बुधवार, मार्च 16, 2011

Annual Music Countdown 2010 Song No. 5: Bin Tere Bin Tere koyi Khalish Hai Hawaon Mein Bin tere...

Vaarshik sangeetamala 2010 ka safar ab apane antim daur men pahunch gaya hai. aur ab baat bachi hai sangeetamala ke pratham paanch geeton ki. ye paanchon nagme aise hain jinako sun kar man unamen doobata sa jata hai. vaise bhi jab koi geet aapako apane abhi ke mood se hatakar sidhe geet ki bhavanaaon men baha le jata hai to vo aapke liye vishisht ho uthata hai. paanchavi poyadaan ke is geet ko gaya hai shafakat amaanat ali khan aur sunidhi chauhaan ne. film ka nam to aap samajh hi chuke honge 'I Hate Luv Storys'.

mainne ye film nahin dekhi par isake geet sangeet par vishal shekhar ne jo kaam kiya hai vo nishchay hi prashansaneeya hai. jaisa ki anajana anajaani ke geet too na jaane aas paas hai khauda ... ke baare men baaten karte vakat mainne aapako bataya tha ki vishal aur shekhar ekadam bhinn sangitik parivesh se aae hain. par is bhinnta ko inhonne apani taakat ki tarah istemaal kiya hai. kuch dinon pahle main komal nahata dvara unake tivi par liye sakshatkar ko sun raha tha. sakshatkar men unase poochha gaya ki apana sangeet vo kis tarah rachte hain. kya unake paas koi myoojik baink hai ? vishal shekhar ka kahana tha..

Aaj ka yug dhunon ko ikattha karake unhen istemaal karne ka nahin rah gaya hai. aaj to saare nirdeshak hamen skript likhne ke samay se hi hamen vichaar vimarsh men shamil kar lete hai. hamari khushakismati hai ki ab tak ham logon ne jitane nirdeshakon ke saath kaam kiya hai unamen jyadatar hamare nikat ke mitra the. isaliye dhun sunaate samay hamen unki nishpaksh raay milti rahi. vaise bhi agar ham safal hain to bas ooparavaale ki vajah se. chahe ham kitani bhi mehanat kar len par vishvaas maaniye vo mehanat geet ka mukhada hamare man men nahin lati. hamare adhikaansh lokapriya nagmon ka srijan cofi shaap men, gadi men draiv par ya aisi hi kisi anaupacharik avastha men hua hai . isiliye ham apane aap ko bas ek madhyam maante hain usaka jo hamse ye kara raha hai. koi geet hit hoga ya nahin isase jyada hamen ye baat jyada mayane ki lagti hai ki ham apane rache sangeet ka aanand le pa rahe hain ya nahin.

vishal dadalani is geet ke geetakar bhi hain. geetakar aur sangeetakaar ki dohari bhoomikaayen vo pahle bhi nibha chuke hain. vaisi bhi rok baind se apane sangeet ke safar ki shuruaat karne vaale vishal ko ye kaam aasaan lagata hai kyoonki baind men kaam karne vaalon ko geet likhne se lekar usake sangeet aur gaayan ka kaam khud hi karana padta hai.

gitar ki dhun aur fir shuruaati angreji koras se is geet ka aagaaz hota hai.

Lost n lonely coz you're the only
One that knows me
That I can't be without you
Lost n lonely coz you're the only
One that knows me
That I can't be without you


fir ubharati hai parshva se shafakat amaanat ali khan ki aavaaz jo mukhade ke saath hi aapako geet ki udaasi men bhingo leti hai. ban kar bigadate rishton ki peeda geet men sahaj hi vyakt hoti hai. natija ye ki nayak ki jindagi ka ekakipan aapako bhi kaatne sa daudta hai . khaaskar tab jab amaanat tarah tarah se bin tere..koi khalish hai havaaon men ko apane alag alag andaajon men doharate hain. shafakat amaanat ali khan , rahat ki tarah hindi filmon men nirantarta se to nahin gaate par apane gine chune geeton men vo khasa asar chhod jaate hain. mitava... aur mora saiyan mose bole na... men unki gaayiki ka main hamesha se murid raha hoon. to aaiye sune unki v sunidhi ki aavaaz men is behatareen nagme ko...


hai kya ye jo tere mere daramiyan hai
anadekhi anasuni koi dastan hai
lagne lagi ab zindagi khali, hai meri
lagne lagi har saans bhi khali
bin tere. bin tere..bin tere
koi khalish hai havaaon men bin tere

ajanabi se hue kyoon pal saare
ye nazar se nazar ye milate hi nahin
ik ghani tanhaai chha rahi hai
manjilen raaston men hi gum hone lagi
ho gayi anasuni har dua ab meri
rah gayi anakahi bin tere
bin tere. bin tere..bin tere

raah men raushni ne hai kyoon haath chhoda
is taraf shaam ne kyoon hai apana munh moda
yoon ke har subah ik beraham si rat ban gayi
hai kya ye ......

ye geet irafaan khan aur sonam kapoor par filmaya gaya hai aur koi taajjub nahin ki donon hi ise is film ka sabse achchha geet maante hain.

is geet ka ek aur varsan bhi film men hai jise likha hai kumar ne aur gaya hai shekhar ne. is varsan ki khaas baat ye hai ki ismen vaadya yantra ke roop men sirf gitar ka istemaal hua hai.


chalte chalte geet ke mood ko kayam rakhna chahta hoon kanchan ji ki in panktiyon ke saath

hansi befikra vahi aur hamari fikra vahi,
teri shareer nigahon men mera zikra vahi,
dikhaai deti n ho usaki ibarat lekin,
hai saari baat fiza men vahi, hava men vahi...

tumhari khushabu abhi bhi yahi pe bikhari hai
tumhari muskurahaten hain aas paas vahi...



सोमवार, मार्च 14, 2011

Annual Music Countdown 2010 Song No. 6: Tere Mast Mast Do Nain....

Kuch saal pahle ki baat hai janab amazad islam amazad saahab ka ik sher padha tha. saalana sangeetamala ki chhathi poyadaan par virajamaan is geet ko dekh kar vahi sher barabas yad aa jata hai

jaati hai kisi jheel ki gaharaai kahan tak
aankhon men teri doob ke dekhenge kisi din

sach kisi bhi chehare ki jaan hoti hain ye aankhen. isiliye shayaron ki kalam jab bhi inki tarif men chali hai..chalti hi gai hai. aur natija ye hai ki

in aankhon ki masti ke mastaane hajaron hain
in aankhon ke vaabasta afsane hajaron hain

unhin afsanon ko aur samriddh karta faiz anavar ka likha film dabng ka ye geet aise hi do manachale shokh nayanon ki kahani kah raha hai. vaise bhi nainon ke var se aashik janm janmaantar se ghaayal hote rahe hain. jagajeet ji ki gaai gajal ki vo panktiyan yad hai na aapako

unki ik nazar kaam kar gai
hosh ab kahan hosh e yar men

dabng ka ye geet saal ke sabse charchit men se ek raha hai aur isaki mukhya vajah hai saazid vazid ki behad karnapriya dhun aur rahat ki gaayiki. vaise kya aapako pata hai ki in bhaiyon ki sangeetakaar jodi men kaun bada hai aur kaun chhota? chaliye aapki mushkil main aasaan kiye deta hoon. bade hain saazid jinhen ridam men khaas maharat haasil hai vahin chhote bhaai vazid shastriya sangeet seekhe hue gayak hain. sangeet inake parivar men kaipeedhiyon se juda raha hai. inake pita ustad sharafat khan maane hue tabla vaadak hain.

is jodi ne jis tarah poore geet men table aur intaralyoods men gitar ka istemaal kiya hai vo ek baar sun kar hi man mohit ho jata hai. par geet ko lokapriyata ke is mukaam tak pahunchaane men rahat ki gaayiki ka bhi barabar ka haath raha hai. vaise is geet ko rahat se gavaane ke liye saazid vazid ko kafi mashakkat uthani padi thi. munbai men jab rikarding karne ka samay aaya to rahat ko bharat aane ka visa nahin mil paaya. fir geet ki rikarding pakistan men hui to usaki gunavatta se saazid vazid santusht nahin hue. ant men saazid vazid ne rahat ko landan bulakar rikarding karavaai.

unki gaayiki par itana vishvaas rakhne vaale in sangeetakaron ke is parishram ko rahat ne vyarth jaane nahin diya aur sammilit prayason se jo natija nikala vo geet ke baajaar men aate hi har sangeetapremi shakhas ke hothon par tha. to aaiye ek baar fir se aanand len is geet ka.



taakate rahate tujhako saanjh savere
nainon men... haaye, nainon men..... haaye...
taakate rahate tujhako saanjh savere
nainon men basiyan jaise nain ye tere
nainon men basiyan jaise nain ye tere
tere mast mast do nain
mere dil ka le gaye chain
mere dil ka le gaye chain
tere mast mast do nain

pahle pahal tujhe dekha to dil mera
dhadka haaye dhadka, dhadka haaye
jal jal utha hoon main, shola jo pyar ka
bhadka haaye bhadka, bhadka haaye
neendon men ghul gaye hain sapane jo tere
badle se lag rahe hain andaaz mere
badle se lag rahe hain andaaz mere

tere mast mast do nain...

mahi beaab sa, dil ye betab sa
tadapa jaaye tadapa, tadapa jaaye
nainon ki jheel men, utra tha yoon hi dil,
dooba jaaye dooba, dooba jaaye
hosho havaas ab to khone lage hain
ham bhi deevaane tere hone lage hain
ham bhi deevaane tere hone lage hain
tere mast mast do nain...

taakate rahate tujhako saanjh savere
nainon men bansiya jaise nain ye tere
nainon men bansiya jaise nain ye tere
tere mast mast do nain.....

aur geet ka video jo salman aur sonakshi sinha par filmaya gaya hai ye raha.



sonakshi kahati hain ki vo sirf sapane men sochti thi ki unki aankhon ko kendra men rakhakar koi geet filmaya jaaye. aur dekhiye unka sapana kitani jaldi poora ho gaya. chalte chalte unake nayanon ke liye to bas yahi kahana chahoonga ki

doob ja un hasin aankhon men faraaz
bada haseen samandar hai khudakushi ke liye



गुरुवार, मार्च 10, 2011

Annual Music Countdown 2010 Song No. 7: Sureeli ankhiyon vaale, suna hai teri ankhiyon se...

Ankhiyan bhi kya surili ho sakti hain? sach kahoon to kabhi aankhon ke surilepan ko jaanchane ki koshish ki hi kahan mainne? shayad usake liye Gulzar jaisi shayarana tabiyat ki jaroorat thi. haan ye jaroor hai ki jab se Gulzar ne aankhon ke liye is visheshan ka istemaal apane likhe is geet men kar diya hai tabse main bhi ek jodi surile nayanon ki talash men hoon. dekhoon dhoondh paata hoon ya nahin :)!

shayaron ki yahi to khaasiyat hai ki aise aise roopakon ko istemaal karte hain jinhen sun kar sunane vala pahle to ye sochta hai ki ye khayal usake man men pahle kyoon nahin aaya aur fir lipatata chala jata hai shayar dvara bichhaaye ge kalpanaaon ke jaal men. vaarshik sangeetamala ki saatavin poyadaan par film veer ka ye geet hridaya men kuch aisa hi ahasaas de kar chala jata hai.


Sajid Wajid vaise to bataur sangeetakaar pichhale barah saalon se film udyog se jude hain. par unake dvara rache ge pahle ke sangeet men ऍसी koi baat dikhati nahin thi ki unhen sangeetakaron ki bheed se alag drishti se dekha jaaye. is liye jab nirdeshak anil sharma ko angreji raj ke zamane ki is ऍतिहासिक prem katha ke sangeet rachane ke liye Sajid Wajid ka nam salman khan dvara sujhaya gaya to vo man se isake liye taiyaar nahin the. par Sajid Wajid ki jodi ne apane baare men unki soch ko badalne par mazaboor kar diya. geetakar Gulzar jinhonne pahali baar Sajid Wajid ke saath is film men kaam kiya ne pichhale saal skreen patrika men diye ge ek sakshatkar men kaha tha ki

Sajid Wajid behad pratibhashali hain. inhen inake hunar ke liye jo sammaan milna chaahiye vo ab tak unhen nahin mila. shayad is film ke baad logon men vo apani ek alag pahachaan banane men safal hon. pahali mulakaat men hi inhonne mujhe prabhavit kar diya. unnisavin shatabdi ke british raj men upaji is prem kahani ko paashchaatya aur lok dhunon ke jis sammishran ki aavashyakta thi vo in donon ne bhali bhanti poori ki hai.

khud bhaiyon ki ye sangeetakaar jodi maanti hain ki ye film unhen sahi samay par mili. agar kairiyar ki shuruaat men aisi film milti to usake saath ve poora nyay nahin kar paate. is film ko karte hue unhonne apane ek dashak se jyada ke anubhav ka istemaal kiya. sangeet ke har tukadon ko rachane ke liye poora vakt liya aur sahi asar paida karne ke liye geet ki 'laaiv' rikarding bhi ki.

gitar aur piyano ki parshva dhun se shuru hote is geet ko jab gulajaar ke bahate shabdon aur rahat ki sadhi hui gaayiki ka saath milta hai to mood romaantik ho hi jata hai. geet ke peechhe ke sangeet sanyojan men kam se kam vaadya yantron ka istemaal hua hai par usaki madhurta aur bahaav geet ki bhavanaaon ke anuroop hai. film ke pashchimi parivesh ki vajah se geet ka ek antra angreji men likha gaya hai jise soojan dimelo ne apani aavaaz se sanvara hai.

to aaiye doobate hain Gulzar ke shabdon ke saath rahat ji ke dvara gaaye hue is bemisaal geet men..


surili ankhiyon vaale, suna hai teri ankhiyon se
bahati hain neenden...aur neendon men sapane
kabhi to kinaron pe, utar mere sapanon se
aaja zameen pe aur mil ja kahin pe
mil ja kahin, mil ja kahin samay se pare
samay se pare mil ja kahin
too bhi ankhiyon se kabhi meri ankhiyon ki sun
surili ankhiyon vaale, suna hai teri ankhiyon se...

jaane too kahan hai


सोमवार, मार्च 07, 2011

Annual Music Countdown 2010 Song No. 8: Tu Na Jane Aas Paas Hai Khuda...

Chaliye badhate hain vaarshik sangeetamala ki aathavin paaydaan par. ham sab ke jeevan men ek vakat aisa bhi aata hai jab har baaji aapke khilaf palatati nazar aati hai. sangi saathi sab aapaka saath ek ek kar ke chhodane lagate hain. hatasha aur akelepan ki is ghadi men aage sab kuch dhundhala hi dikhta hai. aathavin poyadaan ka geet ek aisa geet hai jo zaindagi ke aise daur men vishvaas aur aasha ka sanchaar ye kahate hue karta hai mushkil ke in palon men aur koi nahin to vo ooparavala tumhaare saath hai.

film 'anajana anajaani' ke is geet ko gaya hai rahat fateh ali khan ne aur sangeet rachna hai vishal shekhar ki. vishal shekhar ko is geet ko banane ke pahle nirdeshak ne sirf itana kaha tha ki aapako aisa geet banana hai jisamen bhagavaan khaud insan ko apane hone ka ahasaas dila rahe hain. vishal shekhar ki jodi ke shekhar ravajiyaani ne jhatapat mukhada rach dala too na jaane aas paas hai khuda…. par is mukhade ke baki antre vishal dadalani ne likhe hain.

vishal shekhar ki jyadatar sangeetabaddh dhunen hindustani aur vestarn rok ke sammishran se bani hoti hain. darasal jahan shekhar ne vidhivat shastriya sangeet ki shiksha li hai vahin vishal munbai ke rok baind pentagram ke gayak rahe hain. is alag alag parivesh se aane ka prabhaav unake sangeet par spasht dikhta hai.


par jahan pichhale geet men irashad kamil ke bolon ko mainne geet ki jaan mana tha yahan vo shreya poori tarah se rahat fateh ali khan ko jata hai. unhonne poore geet ko itana doob kar gaya hai ki shrota geet ki bhavanaaon se apane aapako ekakar paata hai. mukhade ki unki adaegi itani jabaradast hai ki unki aavaaz ki prabalta aapako bhavavibhor kar deti hai aur man apane aap se gunagunane lagata hai too na jaane aas paas hai khuda…too na jaane aas paas hai khuda…. vishal shekhar ke gitar ke intaralyoods man ko sukoon dete hain. rahat se har sangeetakaar koi saragam koi aalaap apane geeton men gavata hi hai. rahat yahan bhi apani usi maharat ka bakhoobi pradarshan karte hain.

to aaiye sunen is geet ko


dhundhala jaayen jo manzilen, ik pal ko too nazar jhuka
jhuk jaaye sar jahan vahin, milta hai rab ka raasta
teri kismat too badal de, rakh himmat, bas chal de
tere saath hi mere kadamon ke hain nishan

too na jaane aas paas hai khuda…too na jaane aas paas hai khuda…
khud pe dal too nazar, haalaaton se haar kar kahan chala re
haath ki lakeer ko modta marodta hai, hausla re
to khud tere khvaabon ke rang men too apane zahan ko bhi rang de
ki chalta hoon main tere sang men, ho shaam bhi to kya
jab hoga andhera, tab paayega dar mera
us dar pe fir hogi teri subah
too na jaane aas paas hai khuda…too na jaane aas paas hai khuda…

mit jaate hain sab ke nishan, bas ek vo mitata nahin, haay
maan le jo har mushkil ko marzi meri, haay
ho hamasafar na tera jab koi, too ho jahan rahoonga main vahin
tujhase kabhi na ek pal bhi main juda
too na jaane aas paas hai khuda…too na jaane aas paas hai khuda…

film men ye geet ranaveer kapoor aur priyanka chopada par filmaya gaya hai.




शनिवार, मार्च 05, 2011

Annual Music Countdown 2010 Song No. 9: Man ke 'mat' pe mat chalio, ye jeete ji marva dega

Vaarshik sangeetamala ki navin poyadaan par ek baar fir aa rahe hain janab Rahat Fateh Ali Khan . rahat idhar kuch galat karanon se samaachaar patron men surkhiyan bator rahe the. apani roohani aavaaz se jo shakhas man ko shaant aur mudit kar deta hai usase is tarah ke aacharan ki ummeed kam se kam ham aur aap jaise prashansak to nahin hi kar sakte. aasha hai rahat is ghatna se sabak lenge aur bhavishya men jab bhi unki charcha ho to sirf unki gaayiki ke liye...

jab rahat ka pichhala geet solahavin poyadaan par baja tha to menne aapase kaha tha ki is saal ki vaarshik sangeetamala men rahat ne apane geeton se jo dhoom machai hai usaki misaal pahle ki kisi bhi sangeetamala men dekhne ko nahin mili. rahat ki gaayiki ke dabadabe ka andaaz aap isi baat se laga sakte hain ki is saal ke pratham das geeton men se paanch unake dvara gaaye nagme hain.

to ab baat karen navin poyadaan ke is geet ki jo liya gaya hai film 'aakrosh' se. anupam amod ki aavaaz men is film ka ek aur pyara geet sauda udanon ka hai ya aasamaanon ka hai, le le udanen meri.. aap pahle hi sangeetamala men sun chuke hain. aakrosh ka sangeet diya hai pritam ne aur likha hai Irshad kamil ne. darasal rahat ki gaayiki to apani jagah hai hi par is geet ki jaan hai Irshad kamil ke bol. roomaniyat bhare geeton men Irshad kamaal karte hain vo to aap pichhale saalon men jab vi met, lav aaj kal, ajab prem ki gajab kahani aur is saal Once Upon A Time In Mumbai sarikhi filmon men pahle hi dekh chuke hain. par aakrosh ke is geet men Irshad geet ke bolon men ek daarshanik chintan ka bhi sootrapaat karte hain. vaise to geet ke har antre men Irshad apani lekhani se chamatkrit karte hain par khaas taur par unki likhi ye panktiyan man ko lajavab sa kar deti hain.

"..man se thodi anaban rakhna,
man ke aage darpan rakhna
manava shakal chhupa lega.."

Irshad Kamil aaj hindi film sangeet men apani ek vishisht pahachaan banate ja rahe hain. par agar unake pita ki chalti to vo aaj injiniyaron ki jamat men khade hote. rasaayan shastra ke profesar ke putra hone ke nate unhen colej men ganit aur vigyaan vishayon ko jabaran chunana pada. aruchikar vishayon ka saath aur usake saath char char tyooshan karne ki baadhyata Irshad ko nagavar guzari. colej ki us vyast dinacharya men kamil kuch sukoon ki talash men rangamanch men ruchi lene lage. saal ke ant men jab nateeje nikale to vo ganit aur bhautiki men fel ho ge the. kamil ke pita ke liye vo nirasha ka din tha par kamil ise apani jindagi ki sabse achchhi asafalataon men ginte hain kyoonki is asafalta ne hi unhen jeevan ki nai disha pradaan ki.

vaise to manav man ki vichitrataon par pahle bhi geet likhe ja chuke hain aur Irshad saahab ka ye geet usi kadi men ek ullekhaneeya prayas hai. pritam sangeet ke saath yahan jyada prayog nahin karte aur geet ke fakirana mood ko apani dhun se barakaraar rakhte hain.

vaise man ke bhatakaav ke baare men sab jaante samajhte bhi kya ham isaki ichchhaaon ke aage ghutne nahin tek dete, isake das nahin ban jaate. khaaskar tab jab hamare hridaya men kisi ke prati prem ki vaitarani bahane lagti hai. to aaiye sunte hain is arthapoorn geet ko rahat ji ke svar men..



is geet ko aap yahan bhi sun sakte hain

ishk mushk pen jor na koi
manase badhakar chor na koi
bin aag badan sulaga dega
ye rag rag rog laga dega


man ke 'mat' pe mat chalio, ye jeete ji marva dega
man ke 'mat' pe mat chalio, ye jeete ji marva dega
maashook mohalle men jaake besabra roj daga dega
ho. man ki mandi, man vyapari, man hi man ka mol kare
ha ha ha...
bhool bhal ke nafa munafa, nain taraju tol kare
nain taraju tol kare
khud hi mol badha de manava, khud hi maal chhupa de manava
khud hi bhaav gira dega


man ke mat pe mat chalio, ye jeete ji marva dega


man bahakaaye, man bhatakaaye, man batalae sau raste
man ki mat men pyar hain manhaga, pran pakheru hain saste
pran pakheru hain saste
man se thodi anaban rakhna, man ke aage darpan rakhna
manava shakal chhupa lega
man ke mat pe chalio..

chalte chalte Irshad kamil ki likhi in panktiyon ke saath aapako chhodana chahoonga

jo saamane hai saval banake…
kabhi mila tha khayal banake…
degi use kya misaal duniya …
jo ji raha ho misaal banake

Irshad bataur geetakar ek misaal ban kar ubharen, meri unake liye yahi shubhakamanaayen hain.



बुधवार, मार्च 02, 2011

Annual Music Countdown 2010 Song No. 10: Sakhi saiyan to khoobai kamat hain, manhagaai dayan khayat jaat hai...

Waqt aa gaya hai vaarshik sangeetamala ke antim das men pravesh karne ka aur yahan vo geet hai jo is saal ka sabse prasangik geet saabit hua hai. ji haan sahi pahachaana aapane ye geet ya yoon kahen ki ye lokageet hai sakhi saiyan to khoobai kamat hain, manhagaai dayan khayat jaat hai... manhagaai to saal dar saal sattadhari dalon ki sarakaron ka nasoor banti rahi hai. par jab ye bundelakhandi lokageet peepali laaiv ke liye rikard kiya gaya to petrol se le ke khadyannon ki keematen nirantar badhati ja rahi thin.

geet ke mool lekhak gaya prasad prjapati v geetakar swanand kirkire ki tarif karni hogi ki chand panktiyon men unhonne manhagaai ke chalte desh ke aam nagarikon aur visheshakar kisaanon ko ho rahi pareshaniyon ko is tarah chhua ki ye geet poore desh ki aavaaz ban gaya. geet ke pahle antre men jahan vo badhati manhagaai se ho rahi garibon ki durdasha ka chitran karte hain

har mahina uchhale petrol
dijal ka uchhala hai rol
shakkar bhaai ke ka bol
roosa bhaat, maati dhaan hamari jaan hai
manhagaai dayan khayat jaat hai.

vahin doosare antre men ve apratyashit badalte mausamon ki vajahon se ho rahi fasalon ki tabaahi aur kisaanon par aae sankat ko bhi bakhoobi vyakt karte hain...

soyabeen ka haal behaal
garami se pichake hain gaal
gir ge patte, pak ge bal
aur makka ji bhi khaaye ge maat hain
manhagaai dayan khayat jaat hai.

sangeetakaar ram sampat ne is geet men bas ye dhyaan rakha ki gaanv ki chaupaalon ya keertan mandaliyon ke saath jis tarah ka sangeet bajta hai usase tanik bhi chhed chhad na ki jaaye. isaliye aapako geet ke saath sirf dholak, jhal, majire aur haaramoniyam ka svar sunaai deta hai. bilakul vaisa hi jaisa aapane apane gali mohalle men suna hoga.


par mujhe geet ke asali heero lagate hain charitra abhineta raghuveer yadav. raghubeer yadav ne jis andaaz men is geet ko apani aavaaz di hai usase logon ko yahi lagega ki koi manja hua lokagayak ga raha hai. vaise dilachasp baat ye ki is geet ko rat men khule aasamaan ke neeche rikard kiya gaya tha. geet men kuch vividhataayen raghuveer ji ne khud jodi thin aur geet bina kisi ritek ke hi oke kar liya gaya tha.

aapako ye jaankar hairani hogi ki film maisi saab aur tivi dharavahik mungeri lal ke haseen sapane se apane kairiyar ke aaranbhik dinon men charcha men aaya ye shakhas vaastav men jabalpur ke ek kisan parivar se taalluk rakhta hai. aur to aur pandrah saal ki umr men jab raghuveer apane gaanv ko chhodakar nikale the to abhineta banane nahin balki ek gayak ke roop men apana kairiyar banane ke liye.

par bhagya ko kach aur manjoor tha. rozi roti ke jugad men pahle unhonne ek parsi thietar kanpani men chhah saalon tak kaam kiya. fir teen saal neshanal skool aur drama men aur adhyayan karne ke baad vo ek dashak tak vahan पढ़ाते rahe. fir filmon men kaam milna shuru hua to gayak banane ka khavab, khavab hi rah gaya. par aaj bhi unhen sangeet se pyar hai kyoonki achchha sangeet unhen man ki shanti deta hai. ek kalahapoorn damapatya jeevan ki vajah se kort,kachahari aur yahan tak ki jel ki hava kha chukne vaale raghuveer yaadav ko peepali laaiv men abhinaya ke aalava gaayiki ke liye jo vaahavahi mil rahi hai vo un jaise guni kalakar ke liye aage bhi safalta ki raah kholegi aisi meri manokamna hai.

aaiye filahaal to sunte hain ye geet.





chalte chalte geet se jude do rochak tathya aur. film vaise to ek kaalpanik gaanv peepali ki kahani kahati hai par is is geet ke saath jo gaayan mandali hai vo madhyapradesh ki rajadhani bhopal ke paas sthit gaanv badavaai se taalluk rakhati hai. vahin is film ki shooting bhi hui. film ki lokapriyata badhane par is gaanv ke logon ne film ke nirmata aamir se aspatal, vidyalay, sadak ki maang nahin ki balki ek abhinaya sikhane vaale sansthan kholne ki peshakash ki. shayad gaayan mandali ko bataur paarishramik mile chhah lakh rupaye isaki vajah rahe hon.