रविवार, जनवरी 30, 2011

Annual Music countdown 2010 Song No. 22 : Geet men dhalte lafzon mein...

Vaarshik sangeetamala ki baaisavin poyadaan par aap sabka svaagat hai. geetamala ki is sidhi par aaj geet vo jise gunagunaate hi man ek nai umng se bhar uthata hai. ye geet hai anuraag kashyap dvara sahanirmit film 'udan' ka . udan bataur ek film to sarahi hi gai thi. saath hi saath iska sangeet bhi yuvaaon aur sameekshakon dvara haathon haath liya gaya tha. anuraag kashyap ek aise nirmata nirdeshak hain jo apane geetakar v sangeetakaron ko kuch naya rachane ki poori svatantrata dete hain. aapako yad hoga ki pichhale saal anuraag nirdeshit film gulal ke sangeet men peeyoosh mishra ne kuch abhinav prayog kiye the. udan aaj ke yuvaaon dvara apani raah khud talashane ki kahani hai. shayad isiliye anuraag ne ubharte hue yuva sangeetakaar amit trivedi ko apani is film ke liye chuna. jab sangeetakaar amit hon to nabbe fisadi maamalon men aapako geetakar ka nam par jor daalne ki jaroorat nahin hoti. udan ke geetakar hain amit ke abhinn mitra aur sahayogi amitabh bhattacharya.


amit aur amitabh ki jodi sabse pahle ek shaam mere nam ki vaarshik sangeetamalaon men varsh 2008 men aamir ke sangeet ki vajah se aai thi. Dev D men imoshanal atyachar ne is jodi ko aam janta men pahachaan dilaai aur yahan tak ki amit trivedi ko is film ke liye rashtiya puraskar bhi mila. do saal pahle jis anajaan sitare ke geet ko is chitthe par sarataj geet ke tamage se navaza gaya tha vo aaj mukhya dharaon ke nirmaataon dvara anadekha nahin kiya ja pa raha hai (film aayasha iska pratyaksh praman hai) isase badi khushi ki baat mere aur hindi film sangeet ke liye nahin ki ja sakti.

to baat ho rahi thi amit aur amitabh ki jodi ki jo na is joshile gane ke geet sangeet ke rachayita hain par inhonne ise milkar gaya bhi hai. udan ka mukhya charitra zaindagi men ek kavi banane ki tamanna rakhta hai. lihaza usake dvara gaaye geeton men ek tarah ki kavyatmakta honi jaroori thi. amitabh ne udan film ke geet likhte vakat is jimmevari ko bakhoobi nibhaya hai. udan ke kavyatmak geeton aur use likhne vaale amitabh ki charcha to is geetamala men aage bhi hoti rahegi.

pahle ye dekhiye ki kitani khoobasoorati se ek yuva man ke bheetar ki umng,kuch naya karne ke utsah aur baahar nikalne ko chhatapatati oorja shakti ko shabdon men baandha hai amitabh ne.. kuch panktiyan to vakai lajavab hain jaise lamaha ye maanga nahin, ise hamane chheena hai.. ya fir jebon men ham, raaten liye, ghooma kare

pichhale geet ki tarah yahan bhi mukhade men sangeet sanyojan piyano se shuru hota hai aur gitar ki dhun se aage badhata hua rok beets liye geet men tabdeel ho jata hai. to aaiye is geet ko sunen isake bolon ke saath..


geet men dhalte lafzon men
tal pe chalti nabjon men
naya kuch naya to zaroor hai
shaam se le ke saharon men
dhoop jadi dopaharon men
naya kuch naya...

kya baat hai, jo baat hai, taza lage
zindagi ki, nayi-nayi faza lage
haan ye umango se foola hua seena hai
lamaha ye maanga nahin, ise hamane chheena hai
yoon hi jeena hai

dhool jami thi aankhon men
khavab khile ab lakhon men
naya kuch naya...
dard ki baaten kal ki hain
aaj men khushiyan chhalaki hain
naya kuch naya...
jebon men ham, raaten liye, ghooma kare
fursat ke ye, mauke sabhi, jhooma kare
haan ye umango...

hatheli men hai, nayi garmiyan
junoon sakht hai, gayi narmiyan
hai dilachasp ye haadase
mitenge nahin yad se
geet men dhalte...

vaise kya aap amit aur amitabh ki is yugal jodi ko ye geet apane saamane gaate nahin dekhna chahenge. chaliye aapki ye khavahish bhi poori kiye dete hain...



शुक्रवार, जनवरी 14, 2011

Annual Music countdown Song No. 23 : Yadon ke nazuk paron par chala aaya pyar

Vaarshik sangeetamala ki 23 vin paaydaan par hai ek pyara sa meetha sa romaantic nagma jise gaya hai mohit chauhaan ne। film 'aashaayen' ke is geet ko sangeet se sanvara hain saleem sulemaan ki jodi ne। saleem sulemaan ne apane sangeetabaddh is geet men man ko shaant kar dene vala sangeet racha hai। geet ki shuruaat piaano ki dhun se hoti hai। poore geet men sangeetakaar dvaya ne vestarn feel banaaye rakha hai jo unake sangeet ki pahachaan raha hai। bharatiyata ka put bharne ke liye table ka bich bich men achchha istemaal hua hai।

par is geet ka sabse majaboot pahalu hai mohit chauhaan ki gaayiki aur meer ali husain ke bol। meer ali husain ek geetakar ke roop men behad charchit nam to nahin par char saal pahle vo tab pahali baar surkhiyon men aae the jab film dor ka geet sangeet khoob saraha gaya tha। husain ko jyada mauke saleem sulemaan ne hi diye hain aur unhonne mile in chand maukon par apane hunar ka parichay diya hai। sahaj shabdon men husain aam sangeet premi ke dilon ko chhoone ka madda rakhte hain। misaal ke taur par ye panktiyan mohabbat ka dariya ajooba nirala..jo bekhaauf dooba vahi to pahunch paaya paar  ya fir kabhi jeet usaki hai sab kuch gaya ho jo haar turant hi sunane men achchhi lagne lagti hain।

aur jab mohit doobate utarate se yaadon ke najuk paron par udate hue hamare kanon men prem ke mantra fookte hain to barabas hothon se geet foot hi padta hai। to aaiye sunen aur man hi man gunen mohit chauhaan ke saath is geet ko



khavaabon ki laharen, khushiyon ke saaye
khushabu ki kiranen, dhime se gaye
yahi to hai hamadam, vo  saathi, vo  dilabar, vo yar
yaadon ke najauk paron pe chala aaya pyar
chala aaya pyar, chala aaya pyar

mohabbat ka dariya ajooba nirala
jo thahara, vo paaya kabhi na kinara
jo bekhaauf dooba vahi to pahunch paaya paar
yaadon ke najauk paron pe chala aaya pyar
chala aaya pyar, chala aaya pyar

kabhi zindagi ko sanvaare sajaye
kabhi maut ko bhi gale se lagaye
kabhi jeet usaki hai sab kuch gaya ho jo haar
yaadon ke najauk paron  pe chala aaya pyar
chala  aaya  pyar, chala  aaya  pyar

khavaabon ki laharen, khushiyon ke saaye.....

film men is geet ko jaan abraham par filmaya gaya hai







बुधवार, जनवरी 12, 2011

Annual Music countdown Song No. 24 : Lehrein, Amit Trivediis soulful tune... Aisha...

Kuch dhunen aisi hoti hain jo ek baar sun lene ke baad varshon bhulae nahin bhoolti। do saal pahle ki hi to baat hai amit trivedi ne aamir ke liye ik geet sangeetabaddh kiya tha ik lau jindagi ki bujhi mere maulais geet ke mukhade ke sangeet men bajte piyano ki ek ek tankar dil men hathaude lagne ke jaisi tees utpann karati thi। do saal baad amit ne sangeet ke usi kamaal ko duharaya hai । fark sirf itana hai ki is baar unka saaj piyano ki jagah voyla hai jo ki voyalin shreni ka hi ek vaadya yantra hai। voyalin ki tulna men voela aakar men bada hota hai aur isake tar voyalin se apekshakrit lanbe hote hain।

sach poochhiye to 24 vin poyadaan par ek baar fir aayasha film ke is geet ne dastak di hai to vo apani isi bemisaal dhun ke liye। dukh, tanaav aur avasad ke bhaavon ko vyakt karte is geet ke liye isase achchhi dhun nahin ho sakti thi। geet ki shuruaat voyla ke istemaal se shuru hoti hai। voyla ki tankar ko baad bajte voyalin ki madhurta man moh leti hai aur nayika ki yaadon ke saath dil bahata sa prateet hota hai।

film aayasha ke is geet ko badi mulayamiyat se gaya hai anusha mani ne। anusha munbai se taalluk rakhati hain aur gaayika ke roop men filmon men aane ke pahle vo gujaraati natakon men gaya karati thin। sangeetakaar amit trivedi ke saath unhonne ek elabam rikard kiya jo kabhi pradarshit nahin ho paaya। par us elabam ka ek geet dil men jaage aramaan aise dev di men amit trivedi ne istemaal kiya। anusha ki aavaaz ko shankar ahason loe bhi apani filmon men istemaal kar chuke hain hain। unki kaabiliyat ka andaaja laga paane ke liye unake kuch aur geeton ke aane ki pratiksha rahegi। javed akhtar ne is geet ki bhavanaaon ke anuroop shabd dene ki koshish ki hai par mujhe laga ki vo isase aur behatar prayas kar sakte the। filahaal to suniye is geet ko

khoi khoi si hoon main
kyoon yah dil ka haal hai
dhundhale saare khwab hai
ulajha har khayal hai
saari kaliyan murajha gayi
rang unake yaadon men rah ge
saare gharaunde ret ke
laharen aai, laharon men bah gaye

raah men kal kitane charaag the
saamane kal foolon ke bag the
kis se kahoon kaun hai jo sune
kaante hi kyoon mainne hain chune
sapane mere kyoon  hain kho ge
jaage hai kyoon  dil men gam ne

saari kaliyan ....laharon men bah gaye

na  na .......
kya  kahoon  kyoon  ye  dil udas  hai
ab koi door hai na paas hai
chhoo  le jo dil vo baaten ab kahan
vo din kahan raaten ab kahan
jo beeta kal hai ab khavab sa
ab dil mera hai betab sa


saari  kaliyan .... laharon men bah gaye

pata nahin aap is geet ki dhun men kitana bahe। vaise film men is geet ko sonam kapoor par filmaya gaya hai..



सोमवार, जनवरी 10, 2011

Annual Music Countdown Song No. 25 : Tum ho kamaal, tum lajawab ho Aisha...

Vaarshik Sangeetamala 2010 men aap sabka swaagat hai। to hamesha ki tarah ulai ginti shuru karte hain pachchees vi poyadaan ke geet ke saath। sangeetamala ki 25 vin seedhi par virajamaan is geet ko likha hai javed akhtr saahab ne। darasal ye sheershak geet ek aisa geet hai jo film men nayika ke sanpoorn charitra ko apane mukhade aur do antaron men bhali bhanti paribhaashit kar deta hai। ji haan ye geet hai film aayasha ka ! dekhiye to javed saahab kitani khoobasoorati se aayasha ka pahla parichay hamen dete hue likhte hain

tum ho kamaal, tum bemisaal, tum lajavab ho aayasha
aisi haseen ho, jis ko chhoo lo usako haseen kar do
tum sochti ho duniya men koi bhi kyoon kharab ho aayasha
tum chahati ho tum koi rang har zindagi men bhar do, bhar do

Agar ye mukhada nayika ke charitra ke dhanatmak pahaluon ko dikhata hai to baki ke antre men aayasha ki charitrik durbalataon ki jhalak bhi dikhala jaate hain javed saahab। par agar ye geet ek hi baar men aapaka dhyaan apani or kheenchta hai to isaki vajah hai iska behatareen sangeet sanyojan। gitar tali aur anya vaadyon ke fyoozan se amit trivedi jo dhvani utpann karte hain vo kanon ko aage aane vaale geet ki or baandhe rakhne men kamayaab hoti hai। amit ne is geet men tramped ka intaralyoods aur mukhade men behatareen istemaal kiya hai।

Is geet ke baare men apane ek sakshatkar men amit kahate hain  

suno aayasha' geet ka sangeet banana bahut mushkil tha। ismen bahut bahas hui। kai dhunon ko hatana pada। koi dhun riya (nirmatri) ko pasand thi to rajashri (film ki nirdeshika) ko koi aur dhun pasand aati thi aur yadi un donon ko dhun pasand aati thin to mujhe pasand nahin hoti thi।

Is geet ko amit trivedi ne aish king aur nakaash azaeez ne gaya hai। jahan ajeez indiyan aaidal do ke pratibhaagi rahe hain vahin aish king bitren men rahate hain aur pop jagat men apani pahachaan banane ki koshishon men lage hain।


Vaarshik sangeetamala 2010 se judi pravishtiyo ko ab Aap facebook par yahan bhi dekh sakte hain।



सोमवार, जनवरी 03, 2011

Mitro Marjani : Krishna Sobti ka ek bahucharchit laghu upanyas...

Zindaginama padhne ke baad mitron ne yad dilaya tha ki aapako krishna sobati ki likhi kitab mitro marajaani bhi पढ़नी chaahiye। mitro ke kiradaar se bahut pahle ek mitra ne apani blog post ke zariye milaya tha। par zidaginama ke mishrit anubhav ne mitro.. ko padhne ki ichha fir se jaga di thi। kuch mahine pahile jab pustak mele men rajakamal dvara prakashit iska sau pejon ka peparabaik sanskaran dekhne ko mila to tatkaal mainne ise kharid liya। vaise bhi aajakal patali kitabon ko dekhakar jyada khushi hoti hai kyoonki ye bharosa to rahata hai ki ek baar पढ़ने baitha to khatm kar ke hi uthoonga।

mitro marajaani ek madhyamavargeeya sanyukt vyapari parivar ki laghu katha hai jisaki kendriya kiradaar 'mitro' yani ghar ki manjhali bahu hai। mitro ko bhagavaan ne anupam saundarya bakhasha hai aur mitro is baat par itarati bhi hai। apane is yauvan ko vo poori tarah jeena chahati hai। pati saradari lal se sanpoorn sharirik sukh n milne par vo kudhti rahati hai। apani kudhan ko vo saas aur devarani ke saamane bina kisi laag lapet ke nikalti bhi rahati hai। krishna sobati ki mitro un auraton men se nahin hai jo saradarilal jaise purush ko apani niyati maan kar, roz ke pooja path aur choolha chakki men man ramakar apani sharirik sukh ki avahelna kar sake। vo apani is bhookh ki tripti ko apana vazib hak samajhti hai। so pati ki anupasthiti men vo usake mitra pyaron sai nain matakka karne men parahez nahin karati। saradarilal ko apani kami ka ahasaas hai। patni ki rangeen tabiyat usaki baukhalahat ko aur badha deti hai। vo apani patni ke charitra par saval uthata hai। maar kutauval ke baad jab sasur ke saamane panchayat judati hai to mitro apani safaai badi bebaki se kuch yoon deti hai।

"sajjano mere pati ki baat sach bhi hai aur jhooth bhi।........ ab aap hi kaho sone si apani deh jhur jhurkar jala loon ya gulajari devar ki gharavali ki nyay sui silaai ke peechhe jaan khapa loon? sach to yoon jeth ji ki deen duniya bisara main manukkh ki jaat se hans khel leti hoon। jhooth yoon ki khasam ka diya rajapaat chhod kar main kothe par to nahin ja baithi।"

purush kaalantar se stri ko usake shareer se maapta taulta aaya hai। purush ki is lolupta ko usake swabhaav ka abhinn ang maan liya gaya। par stri agar aisa roop dhaaran kar le to kya ho is prashn ko kam hi lekhakon ne upanyas ka vishaya banaya hai। par krishna sobati ne 1967 men गढ़े is upanyas men ek aise stri charitra ka nirman kiya jise apane shareer aur usaki jarooraton ka na sirf khyal hai par use vo har kimat par paana bhi chahati hai। krishna ji ne is kitab ke angreji anuvaad To hell with Mitro ke prakashit hone ke poorv apane is upanyas ke baare men kaha tha ki tab ka hindi ilakon ka samaj behad rudhiwadi tha। isake prakashan ke samay is vishaya ko kafi uttejak kaha gaya par logon ne upanyas ke andar ke tattva ko pahachaana aur use usi tarah liya।

mitro marajaani ki utpatti ke baare men krishna ji ka kahana tha
ek subah mainne man hi man ek drishya dekha ki kamare men chhata latka hua hai aur ek vriddh vyakti neeche palng par leta hua hai। sanyukra parivar ke ghar ki isi chhavi se is upanyas ki shuruaat hui। meri ek badi kamajaori hai। kahani ka agar khaka mere man men ho to main nahin likh sakti। main charitron ko tohati hoon, parakhati hoon aur aage badhati hoon। charitron ki soch par main apani soch nahin laadati। mitro ki atript ichchhaayen jis theth bhasha men nikal kar aai hain vo nihaayat usaki hain।

kuch misaal dekhen
"jind jaan ka yah kaisa vyapaar? apane ladake beej dalen to punya, dooje dalen to kukarm.."
"mera bas chale to ginkar sau kaurav jan daloon par amma, apane ladale bete ka bhi to aadatod jutao! nigode mere patthar ke but men bhi to koi harakat ho !.."

lekhika  sirf mitro ki soch ko saamane nahin rakhati par saath saath parivar ki maryadit badi bahu ke madhyam se nari ke liye banaaye ge samajik maapadandon ka jikra karana nahin bhoolti। badi bahu ke ab is kathan ki hi baangee lijie

"is kulaboran ki tarah janani ko haya n ho, to nit-nit joothi hoti aurat ki deh nire paap ka ghat hai।"
krishna sobati ji ki bhasha shaili ek baar fir vilakshan hai। saas bahuon ke jhagade, jethani devarani ke aapasi tanon, mitron ki belagaam jubaan ko krishna sobati ne jis shaili men likha hai use padhkar aap sidhe apane aapako in charitron ke bich paate hain। jindaginama ki tarah yahan bhi aanchalikta ka put hai par punjabi ke bhari bharakam shabdon ka bojh nahin। khaair vapas chale mitron ke charitra par...

sobati ji ne mitro ke charitra ke kai rang dikhaaye hen jo shvet bhi hain aur shyam bhi। mitro munhafat jaroor hai par usaki baaton ki sachchai saamane vaale ko andar tak kanpa deti hai। mitro apani chhoti devarani ki tarah kaam se ji nahin churati par agar usaka mood na ho to use usake shayan kaksh se baahar nikaalna mushkil hai। saas ke saamane unake bete ki namardi ke taane dene se vo zara bhi nahin sakuchati par saath hi chhoti bahu dvara saas ka apamaan hote dekh vo usaki achchhi khabar leti hai। saaj shrringar men doobi rahane vali mitro chhote devar ke gaban se aai musibat ko door karne ke liye apane aabhooshan dene men ek pal bhi nahin hichakti। har rat pati ke aane ki pratiksha men ghanto baat nihaarti hai to doosari taraf gair mardon se apani hasaraton ko poora karne ke swapn bhi dekha karati hai।

mitro ki ye charatrik visangatiyan pathakon ke man men usake prati aakarshan banaaye rakhati hain। mitro apani jindagi se kya chahati hai ye to lekhika shuru se hi vishleshit karati chalti hain। par mitron apani devaraniyon se alag anokhi kyoon hui iska sanket upanyas ke aakhir men ja kar milta hai jab lekhika pathakon ko mitron ki maan se milavaati hain । jindagi bhar apane yauvan ka aanand uthane vali aur unhin kadamon par apani beti ko badhava dene vali maan ka ek naya roop mitro ke saamane aata hai jo use bheetar tak jhakajhor deta hai। upanyas ke ant men aaya ye natakeeya mod badi khoobi se racha gaya hai।

aaj jab nari ki aajadi ko sharirik aur maanasik donon nazariye se dekhne ki bahas tej ho chuki hai ye upanyas ek stri ke charitra ki un aantarik paraton ko tatolta hai jis par hamara samaj jyadatar chuppi saadh leta hai।maatra pachas roopaye ke peparabaik sanskaran ko agar aapane nahin padha to jaroorpadhein। mitro ka charitra aapako jaroor udvelit karega।