शुक्रवार, अगस्त 20, 2010

Jagjit Singh Ki Gayi Dus Behtareen Nazmein... concluding part

Jagjit Singh par aadhaarit is shrinkhala men baat ho rahi thi unki gaai das sabse behatareen nazmon ki. pichhali post men mainne inamen se paanch nazmon ke baare men aapase baat ki. aaj baari hai baki ki nazmon ki. pichhali baar ki nazmon men jahan ek aashik ka dard rah rah kar baahar aa raha tha vahin aaj ki nazmon men isake aalava aapako ek filasafikal soch bhi milegi. in nazmon ne mujhe aur nisandeh aapako bhi baraha apani ab tak ki gujari hui jindagi ke baare men sochane par mazaboor kiya hoga. to aaj ki is kadi ki shuruaat karte hain nida faazali ki likhi is nazm se


Aapako yad hoga assi ki shuruaat men ek kanpani kalar tivi ke utpaad ko la kar baajaar men teji se ubhari thi. ye kanpani thi 'vestan'. isi kanpani ne 1994 men Jagjit ka ekalbum nikaala tha jiska nam tha 'Insight'. isalbum ki khaasiyat thi ki ismen sirf nida saahab ki kritiyon ko shamil kiya gaya tha. dohon v gazalo se saje isalbum men nida ji ki do ek nazmen bhi thin. unhi nazmon men se ek men jindagi ke nichod ko chand shabdon me jis salike se nida ji ne baandha tha ki ek baar sunkar hi man vichalit sa ho gaya tha.

Jagjit ka sangeet sanyojan bhi achchha tha. nazm ki shuruaat guitar (vaadak : arashad ahamad) aur saath men voilin (vaadak : deepak pandit) ki sammilit dhun se hoti hai. jaise jaise ye nazm aage badhati hai Jagjit nazm ki bhavanaaon ke saath nazm ka tenpo badalte hain aur jab Jagjit nazm ke aakhir men nahin dubara ye khel hoga... teen baar doharate hain to shayar ki baat aapke mastishk se hoti hui dil men achchhi tarah se sama chuki hoti hai. to gaur kijie nida faazali ke shabdon aur Jagjit ji ki gaayiki ki sammilit jaadoogari par...


ye zindagi..

ye zindagi..
tumhari aavaaz men gale se nikal rahi hai
tumhaare lafazon men dhal rahi hai
ye zindagi.. ye zindagi ..

ye zindagi
jaane kitani sadiyon se
yoon hi shaklen, badal rahi hai
ye zindagi.. ye zindagi ..

badalti shaklon, badalte jismon
chalta-firta ye ik sharara
jo is ghadi nam hai tumhara
isi se saari chahal-pahal hai
isi se roshan hai har nazara
sitare todo ya ghar basao
kalam uthao ya sar jhukao
tumhari aankhon ki roshni tak
hai khel sara
ye khel hoga nahin dubara
ye khel hoga nahin dubara
ye khel hoga nahin dubara


jahan nida faazali ne jeevan ko apani daarshanikta bhari nazm men baandha vahi mazaj lakhanavi ne apani jindagi ki hatasha aur nirasha ko apani mashahoor nazm 'aavara' men jyon ka tyon chitrit kiya hai aur fir Jagjit ne majaaz ke usi dard ko bakhoobi kahakashan men gaai apani is nazm men kaaid kiya hai. is nazm ki taakat ka andaza isi baat se lagata hai ki man ise sunkar hi nahin par ise पढ़ने se hi gamageen ho jata hai...

shahar ki rat aur main nashad-o-nakara firoon
jagamagati jaagti sadakon pe aavara firoon
gair ki basti hai kab tak dar-b-dar mara firoon ?
ai gam-e-dil kya karoon, ai vahashat-e-dil kya karoon ?

raaste men ruk ke dam le loon, meri aadat nahin
laut kar vapas chala jaaoon, meri fitarat nahin
aur koi hamanavaan mil jaaye, ye kismat nahin
ai gam-e-dil kya karoon ? ai vahashat-e-dil kya karoon ?


vaise Jagjit ne mazaj saahab ki is nazm ke kuch hi hisse gaaye hain.

mere is sankalan ki teesari nazm haialbum 'Face to Face' ki jisaki cassette mainne 1993 men kharidi thi. isalbum men ek nazm thi sabeer datt saahab ki. yah vahi datt saahab hain jinki rachna 'ik barahaman ne kaha hai ki ye saal achchha hai........' un dinon behad mashahoor hui thi. haal hi men mujhe is chitthe ki ek pathika ne mail kar ye saval poochha ki ye nazm kya ek chirstian geet hai?

sach kahoon to is prashn ko padhne ke pahle tak ye khyal kabhi mere jaehan men nahin ubhara tha ki is nazm ko aisa kaha ja sakta hai.

ismen koi shak nahin hariyana ke nami shayar Sabir Dutt saahab ne is nazm men bhagavan jeesas ki zaindagi ki ghatanaaon ko liya hai par vo yahan sirf ek prateek, ek bimb ke roop men istemaal hua hai. darasal Sabir ji ki ye nazm aaj ke daur ke is beimaan aur bhrasht samaj ka aaina hai. bhagavan Jesus ke roopak ka istemaal karte hue ve ye batana chahate hain ki jeevan men satya aur imanadari ki raah par chalne vaalon ko har tarah ki kathinaiyon ka saamna karana padta hai. nazm ke ant men hamare samaj par bataur kataksh karte hue sabeer logon ko sach na bolne ki salah de daalte hain. Jagjit ji ki is nazm ka sangeet sanyojan bhi apani tarah ka hai. is nazm men samooh svar ka istemaal bhi behad prabhavi dhng se kiya gaya hai.


sachchi baat kahi thi mainne
logon ne sooli pe chadhaya
mujh ko zahar ka jaam pilaya
fir bhi un ko chain n aaya
sachchi baat kahi thi mainne

le ke jahan bhi, vakt gaya hai
zulm mila hai, zulm saha hai
sach ka ye inam mila hai
sachchi baat kahi thi mainne

sab se behatar kabhi n banana
jag ke rahabar kabhi n banana
peer payambar kabhi n banana

chup rah kar hi vakt gujaaro
sach kahane pe jaan mat vaaro
kuch to seekho mujh se yaro
sachchi baat kahi thi mainne...

aur agar in sab nazmon ko sunane ke baad aapaka man kuch bhari ho gaya ho to kyoon na bachapan ki yaadon ko taza kar aapke mood ko badala jaaye. sudarshan faakair saahab ne kya umda nazm likhi thi ham sabke masoom bachapan ko kendra men rakhakar. jab bhi is nazm ko sunta hoon unki lekhani ko salam karne ko ji chahta hai.

Jagjit saahab jab bhi kaansarts men chir parichit dhun ke saath is nazm ka aagaaz karte the poora maahaul taaliyon se goonj uthata tha. vaise to baad kealbumon men is nazm ka sangeet thoda badal gaya v chitra ji ki aavaaz ki jagah sirf Jagjit ka solo hi sunane ko milta raha par aaj yahan main usi purane varsan ko aapke saamane prastut karana chahoonga


ye daulat bhi le lo, ye shoharat bhi le lo,
bhale chheen lo mujhase meri javani
magar mujhako lauta do bachapan ka savan,
vo kaagaz ki kashti, vo barish ka pani

mohalle ki sabse nishani purani,
vo budhiya jise bachche kahate the nani,
vo nani ki baaton men pariyon ka dera,
vo chehare ki jhurriyon men sadiyon ka fera,
bhulae nahin bhool sakta hai koi,
vo chhoti-si raaten vo lambi kahani

kadi dhoop men apane ghar se nikalna
vo chidiya, vo bulabul, vo titali pakadana,
vo gudiya ki shadi pe ladana-jhagadana,
vo jhoolon se girana, vo gir ke sanbhalna,
vo peetal ke chhallon ke pyare-se tohafe,
vo tooti hui choodiyon ki nishani.

kabhi ret ke oonche teelon pe jana
gharaunde banana,bana ke mitana,
vo masoom chahat ki tasveer apani
vo khvaabon khilaunon ki jagir apani,
n duniya ka gham tha, n rishton ka bandhan,
badi khoobasoorat thi vo zindagani


sach sudarshan ji us zindagi ka bhi apana hi ek maja tha..


das nazmon ke is sankalan ka samapan main javed akhtar ki likhi is nazm se karana chahoonga jise Jagjit ji ne apanealbum silasile ka hissa banaya tha. yealbum 1998 men aai thi par javed saahab ne is nazm men un ahasasaat ko apane shabd de diye hain jinase yakinan ham sabhi kabhi na kabhi jaroor gujar chuke hain ya gujarenge. is maaene men ye nazm samay ki seemaon se pare hai aur isi vajah se aaj ki in paanch nazmon men sabse jyada priya hai. Jagjit saahab ne apane ruhani svar se ise hamesha hamesha ke liye azar amar kar diya hai.

main bhool jaaoon tumhen main bhool jaaoon tumhen ab yahi munasib hai
magar bhoolana bhi chahoon to kis tarah bhooloon
ki tum to fir bhi hakikat ho koi khavab nahin

yahan to dil ka ye aalam hai kya kahoon
kamabakht
bhula saka n ye vo silasila jo tha hi nahin
vo ik khayal jo aavaaz tak gaya hi nahin
vo ek baat jo main kah nahin saka tum se
vo ek rabt
jo ham men kabhi raha hi nahin
mujhe hai yad vo sab jo kabhi hua hi nahin
agar ye haal hai dil ka to koi samajhaaye
tumhen bhulana bhi chahoon to kis tarah bhooloon
ki tum to fir bhi hakikat ho koi khavab nahin...



to janab Jagjit ki gaai meri das pasandida nazmen to ye thin
  1. baat nikalegi to fir door talak jaaegi..
  2. bahut dinon ki baat hai...
  3. tere khushabu me base khat main jalata kaise..
  4. koi ye kaise bataaye, ki vo tanaha kyon hai..
  5. ab mere paas tum aai ho to kya aai ho?
  6. ye zindagi jaane kitani sadiyon se yoon hi shaklen, badal rahi hai...
  7. sachchi baat kahi thi mainne..
  8. ye daulat bhi le lo ye shoharat bhi le lo
  9. aye ghame dil kya karoon aiye vahashate dil kya karoon...
  10. ujhe bhulana bhi chahoon to kis tarah bhooloon
janna chahoonga ki inamen se ya inake itar Jagjit ki gaai kis nazm ko aapane apane dil men basaya hai?


Click Here to read this post in Hindi devnagari script.You can also listen these nazms there itself.

Click Here to post your reactions on this post. You can post your comment in English or Romanised Hindi also .

रविवार, अगस्त 15, 2010

Jagjit Singh Ki Gayi Dus Behtareen Nazmein...

Jagjit Singh par apani shrinkhala ko aage badhate hue aaiye baat karen unki nazmon ki. par iska matalab ye nahin ki unki gaai gajalon ki baat khatm ho gai. darasal unki gaai hui pasandida gajalon ki ferahist itani lanbi hai ki kabhi kabhi samajh nahin aata ki is athah sagar men se kya chunoon aur kya chhodoon. par gajalon ki apeksha unki gaai nazmen kam hain aur unamen se adhikaansh bas kamaal hain. isiliye Jagjit saahab ke sangrah se apani das pasandida nazmon ko chunane men mujhe koi takalif nahin hui. to aaj ki post men baat karte hain inamen se paanch nazmon ki..

pichhali baar jab aapase Jagjit ji ke album The Unforgettable ki baat ho rahi thi to mainne aapase us album ki ek behatareen nazm ki charcha agli post tak ke liye multavi kar di thi. aaj ki baat usi nazm se shuru karte hain.

Agar aapako is baat ka udaaharan dena ho ki sirf ek nazm ke chalte kisi shayar ka nam varshon liya jata rahe to is nazm ki misaal di ja sakti hai. yoon to kafeel aazar bahut saalon tak filmon ke liye bhi likhte rahe, kai behatareen gazalen bhi kahin par baat nikalegi to fir door talak jaaegi...... ne unki kahi baat ko pichhale teen dashakon se lakhon gajal premiyon ne apane dil se nikalti aavaaz mana hai. dukh isi baat ka hai dilli men supurd-e-khak kiye ge is shayar ko vo shoharat unki zindagi men na mil saki jo ise gakar ham tak pahunchaane vaale Jagjit ji ko mili. pichhale hafte jab 'Universal' dvara nikaale ge rafi saahab ke gaaye kuch antim geeton ki charcha ho rahi thi to ye bhi baat anayas hi pata chali ki sangeetakaar chitragupt ne ye saare geet kafeel aazar se likhavaaye the. baharahaal kafeel ki kuch gazalen bhi lajavab sa kar deti hain. ab unake likhe in chand ashaaron ki baangee len..

dekh lo khvaab magar khvaab ka charcha n karo
log jal jaayenge sooraj ki tamanna n karo

waqt ka kya hai kisi par bhi badal sakta hai
ho sake tum se to tum mujh pe bharosa n karo

kirchiyan toote hue akas ki chubh jaayengi
aur kuch roz abhi aaina dekha n karo

bekhyali men kabhi ungaliyan jal jaayengi
rakh guzare hue lamhon ki kureda n karo

Jagjit apani mahafilon men is nazm ki kahani sunaate hue kahate hain ki unhonne ise pahali baar shama patrika men padha tha aur tabhi utaar liya tha. aapako jaan kar acharaj hoga ki aaj ham aur aap jis nazm ko Jagjit ji ki sabse behatareen gaai hui nazmon men ginte hain use Jagjit ji ne bataur sangeet nirdeshak bhoopendra se gavaya tha. voalbum nahin aaya , fir ek film bani usamen bhi ye nazm record hui par vo film beech men hi ruk gai. par Jagjit ko is nazm men bahati bhavanaaon ki gaharaai ka andaaz tha isaliye jaise hi HMV vaalon ne ek naye album ko nikaalne ke liye unako sveekriti di Jagjit ne ise sabse pahle record kiya.

kya bataayen ki kitani mohabbat thi mujhe is nazm se high school ke zamane se. ise sunte , gunagunaate aur na jaane man kaisa kaisa ho jata. shayar ke man men chahe jiska bhi dard raha ho vo, is nazm ke lafazon ko sunkar pahle to man men sahanubhuti ka bhaav umadta ghumadta aur fir vo kab na jaane apane dard men ekakar ho jata iska pata hi nahin lagata tha. Jagjit ji ki bemisaal gaayiki ke deevaane bhi shayad ham sab tabhi hue the.


baat nikalegi to fir door talak jaaegi
log bevajah udaasi ka sabab poochhenge
ye bhi poochhenge ki tum itani pareshan kyoon ho
ungaliyan uthengi sookhe hue baalon ki taraf
ik nazar dekhenge gujre hue saalon ki taraf
choodiyon par bhi kai tanz kiye jaayenge
kaanpte haathon pe bhi fikare kase jaayenge
log zalim hain har ik baat ka tana denge
baaton baaton me mera zikra bhi le aaenge
unki baaton ka zara sa bhi asar mat lena
varna chehare ke tasur se samajh jaayenge
chahe kuch bhi ho savalat n karana unase
mere baare men koi baat n karana unase

baat nikalegi to fir door talak jaaegi

kafeel saahab ki nazm ka jo mood tha jo kaifiyat thi usase milte julte ahasason se hi judi ek nazm uttar pradesh ke machhalishahar se taalluk rakhne vaale shayar salam machhalishehari ki bhi thi jise Jagjit saahab ne apane album Ecstasies (1984) ka hissa banaya tha. ye nazm kya thi saade zabaan men pahle mile pyar aur fir dutkar ki kahani thi. par Jagjit ki adaegi ka andaaz aisa tha ki nazm ke ant ki in panktiyon tak aate aate aavaaz rundhne si lagti thi.

vahi haseen shaam hai
bahaar jiska nam hai
chala hoon ghar ko chhodkar
n jaane jaoonga kidhar
koi nahin jo rokkar
koi nahin jo tokkar
kahe ke laut aaiye
meri kasam n jaiye...
poori nazm ko aap yahan padh aur sun sakte hain.

par Ecstasies ke baazaar men aane ke pahle anka ek auralbum Milestone aaya jisaki ek nazm 1982 men aai film 'arth' ka hissa bani thi. bhala rajendranath rahabar ki likhi vo nazm koi bhool sakta hai. vaise to rahabar saahab ki gajalon ko aaj bhi Jagjit Singh apanealbumon men shamil karte hain par rahabar saahab ko jo shoharat bataur shayar ke rup men mili hai usamen is nazm ka khasa haath raha hai. aaj bhale hi haath se likhi chitthiyan itihas ka hissa banti ja rahi hon par haath se likhe shabd sirf unake arth tak simat nahin jaate the balki use likhne vaale shakhs ki us vakat ki manahsthiti ka aaina hote the. aaj ke is e mail ke yug men agar aapako meri baat nagavar gujre to bas Jagjit ki aavaaz men is nazm ko sun ke dekh lijie.


jinako duniya ki nigahon se chhupaaye rakha,
jinako ik umr kaleje se lagaaye rakha,
deen jinako jinhen iman banaaye rakha

jinka har lafz mujhe yad tha pani ki tarah,
yad the mujhako jo paigaam-ai-jubani ki tarah,
mujh ko pyare the jo anamol nishani ki tarah,

toone duniya ki nigahon se jo bachkar likhe,
saalaha-saal mere nam barabar likhe,
kabhi din men to kabhi rat ko uthakar likhe,

tere khushabu me base khat main jalata kaise,
pyar me doobe hue khat main jalata kaise,
tere haathon ke likhe khat main jalata kaise,

tere khat aaj main ganga men baha aaya hoon,
aag bahate hue pani men laga aaya hoon

aur jab film arth ka jikra hua ho to fir kaifi aazmi ki ye nazm jo tanahaai ki kitani shaamon ki saathi rahi, kaise bhulaai ja sakti hai.


koi ye kaise bataaye, ki vo tanaha kyon hai
vo jo apana tha, vahi aur kisika kyon hai
yahi duniya hai to fair, aisi ye duniya kyon hai
yahi hota hai to, aakhir yahi hota kyon hai

ik jara haath badha de to, pakad le daman
usake seene me sama jaaye, hamari dhadakan
itani kurabat hai to fair, faasla itana kyon hai?

dil-e-barabad se nikala nahi abatak koi
ik lute ghar pe diya karta hai dastak koi
aas jo toot gayi hain, fair se bandhata kyon hai?

tum masarrat ka kaho ya ise gam ka rishta
kahate hai pyar ka rishta hai janam ka rishta
hai janam ka jo ye rishta to badalta kyon hai?

aapako yad hoga ki nabbe ke dashak ke praranbh men TV serial kahakashan men mazaj lakhanavi ki likhi nazm thi ab mere paas tum aai ho to kya aai ho? urdu faarsi ke tamaam jatil shabdon se bhari ye gajal apane aap men ek alag aalekh maangti hai. par yahan main sirf itana kahana chahoonga ki bina lafazon ke sahi mayane samajhe hue bhi jab Jagjit ki aavaaz men ye panktiyan kanon men goonjati thin....


vo gudaaz-e-dil-e-marahoom kahan se laaoon
ab mai vo jazaba-e-masoom kahan se laaoon
ab mere paas tum aai ho to kya aai ho?

.....to dil jaar jaar ho jaya karta tha.

aapane ik baat gaur ki hogi ki is aalekh men menne jo paanch nazmen chuni vo sab prem men toote hue dil ki vyatha ko chitrit karati hain. hamari peedhi par inka jaadu agar sar chadhkar bola to usaki ek vajah ye thi ki hamane ise kishoravastha se yuvaavastha ki seedhiyon ko chadhte hue suna. kam se kam mere liye aur mere jaise bahuton ke liye ye vo din the jab ekakipan ke lamahe hamen kaatne ko daudate the. aaj bhi ye nazmen un dinon ki smritiyan vapas le aati hain. aapaka kya khyal hai inake baare men ..jaroor bataiyega.

agli baar baki ki paanch nazmon ke saath punah haazir hota hoon.



Click Here to read this post & in Hindi devnagari script. You can also listen these nazms there itself.

Click Here to post your comment on this post. You can post your comment in English or Romanised Hindi also .

गुरुवार, अगस्त 05, 2010

Jagjit Singh Ki Gayi Ghazalon Ka Safar, Part -V : Unka aarambhik dour, The Unforgettable aur Ameer Minai ki wo yaadgaar ghazal...

Jagjit Singh ne ghazal gaayiki men jis mukaam ko chhua vo unhen aasaani se mila ho aisi baat nahin hai. char bahanon aur do bhaiyon ke bade parivar se taalluk rakhne vaale Jagjit Singh ke pita sardaar Amar Singh Dheeman ek sarakari mulazim the aur ve chahate the ki unka putra prashasanik seva men jaaye. par Jagjit ji ko sangayeet men bachapan se hi ruchi thi. pita unki is ruchi men aade nahin aae. shri ganganagar men shri chhaganlal sharma se aaranbhik shiksha lene ke baad Jagjit ji ne shastriya sangayeet ki shiksha ustad zamaal khan se li.



Vigyaan se intar karne ke baad vo jaalndhar chale aae. yahin colej ke karyakramon men vo hissa lene lagaye. Jagjit ji ke sakshatkaron men mainne unhen ye kahate suna hai ki aise hi ek karyakram men jab unhonne gana khatm kiya to log unki gaayiki se itane abhibhoot ho gaye ki unhen rok kar paise dene lagaye. un chhote chhote noton ko Jagjit ji shayad hi kabhi bhool paayen kyoonki shrotaon se mile is pyar ne unake man men ek ऍसे sapane ka sanchaar kar diya tha jisako poora karne ke liye unhonne kafi mehanat ki.

1965 men vo mumbai pahunche. shuruaati din bade kathinaai bhare the. vigyapanon ke jingles, shadiyon aur filmi partiyon men jahan bhi gane ke liye unhen nyauta mila unhonne asveekar nahin kiya. sangharsh ke in hi dinon men unki mulakaat chitra ji se hui aur 1969 men unhonne unase vivaah kar liya. sattar ke dashak men jab bhi koi ghazalon ki baat karta tha, sab ki jubaan par noorajahaan, begam akhatar, ke el sahagal, talat mahamood aur mahadi hasan jaise kalakaron ka nam aata tha. tab ghazal gaayiki ka apana ek alag shastriya andaaz hua karta tha par ye bhi tha ki tabaki ghazal gaayiki aam avaam se kahin door kuch niji mahafilon ki shobha bankar hi seemit ho gai thi.

Jagjit Singh ki dooradarshita ka hi ye kamaal tha ki unhonne is doori ko samajha aur ghazalon ke saath ek ne tarah ke sangayeet, halke bolon aur ghazalon men melodi ka put bharne ki koshish ki aur use janta ne haathon haath liya. 1976 men unka rileasehue album The Unforgettable ka neele rang ka kaiset kavar mujhe aaj tak yad hai. yoon to is album ki tamaam gazalen aur nazamen charchit hui thin. par is album ko yaadgaar banane men mukhya bhoomika rahi thi ameer meenaai ki ghazal sarakti jaaye hai rukh se.. aur ek utani hi sanvedansheel nazam se.

par inki baat karne se pahle baaten is album ki kuch anya ghazalon ki jinake kuch ashaaron ko gunagunane men ab bhi vahi aanand aata hai jo tab aaya karta tha. misaal ke taur par jigar muradabaadi ki is ghazal ko len. kya dil ka dard jubaan tak aata nahin mahasoos hota aapako?

dard badh kar fugan1 na ho jaaye
ye zamin aasamaan na ho jaaye
1. aartanaad

dil men dooba hua jo nashtar2 hai
mere dil ki jaubaan na ho jaaye
2. khanjar

fir tarik badayunni ke kalam ko chitra ne is karine se gaya hai ki kanon men sangayeet ki shama khud b khud jal uthati hai

ik na ik shamma andhere men jalae rakhiye
subah hone ko hai maahaul banaaye rakhiye

jin ke haathon se hamen zakhm-e-nihan 3pahunche hain
vo bhi kahate hain ke zakhmon ko chhupaye rakhiye
3. chhupe hue jakham

chitra ji ki gaai sudarshan faakair ki ghazal ke ye ashaar bhi mujhe hamesha yad rahate hain

kisi ranjish ko hava do ki main zainda hoon abhi
mujhako ahasaas dila do ki main zainda hoon abhi

mere rukne se meri saans bhi ruk jaayengi
faasle aur badha do ki main zainda hoon abhi

par jab baat sarakti jaaye.... ki aati hai to mood pahle chahe jaisa bhi rahe ekadam se badal jata hai. Jagjit ji ki ye ghazal unake album men to thi hi, apani kaansarts men bhi vo ise badi tabiyat se gaate the. mere paas unka royal alabart haul men gaya hua varsan bhi hai jisamen vo ameer meenaai ki ghazal ki shuruaat ke pahle ye pyara silasila shuru karte the...

mazare kais par jab ruh-e-laila ek din aai
to aramaanon ke murajhaaye hue kuch fool bhi laai
lagi jab fool rakhne to kabr se aavaaz ye aai
chadhana phool jaaneman magar aahista aahista

aur usake baad shuru hoti thi ameer meenaai saahab ki ghazal jisake char ashaaron ko gakar hi Jagjit man men aisa jaadu jagaate the ki dil sachamuch men baag baag ho jata tha. Jagjit khud maante hain ki ye pahali ghazal thi jisaki vajah se log unhen pahachanane lage.



sarakti jaaye hai rukh4 se naqaab aahista aahista
nikalta aa raha hai aafatab5 aahista aahista
4. chehare, 5. sooraj

javaan hone lagaye jab vo to hamse kar liya parada
haya yaqlakht6 aai aur shabaab aahista aahista
6. turant

shab-e-furqat7 ka jaaga hoon farishton ab to sone do
kabhi fursat men kar lena hisab, aahista aahista
7. viyog ki rat

Live concert men Jagjit ne is makate ke ek alag hi mizaj ka jikra kiya tha. Jagjit ka kahana tha ki doosare misare men 'hujoor' aur 'janab' ke prayog men vahi antar hai jo ki lakhanoo aur punjab ke adab men. Jagjit ne jis andaaz men ye antar gakar samajhaya hai use sunkar aap muskuraya bina nahin rah paayengaye..

vo bedardi se sar kaaten ‘ameer’ aur main kahoon unase
huzoor aahista aahista janab aahista aahista


is ghazal men ameer meenaai ke chand sher aur hain jinhen Jagjit ji ne gaya nahin hai.

saval-e-vasl8 pe unako udu9 ka khauf hai itana
dabe honthon se dete hain javab aahista aahista
8.milne ki baat par, 9. pratidvndi

hamare aur tumhaare pyar men bas fark hai itana
idhar to jaldi-jaldi hai udhar aahista aahista

vaise is ghazal se to aap vaakif hongaye hi par ye bataayen ki isake shayar ameer meenaai ke baare men aap kitana jaante hain? aksar ham in lazavab ghazalon ko likhne vaalon ko apani yaadadasht se nikaal dete hain. par agar aisi gazalen likhi hi nahin jaatin to Jagjit jaise mahaan fanakar ham tak inhen pahunchate kaise? to chaliye jaanen ameer saahab ke baare men.



Ameer meenaai ki paidaish 1826 men Lucknow men hui thi . janab mujaffar ali aseer ki shagirdi men unki kavyatmak pratibha ka vikas hua. 1857 ke vidroh ke baad ve rampur chale gaye jahan pahle ve navab yoosuf ali khan aur fir kalab ali khan ke darabaar men rahe. unki adhikaansh kritiyan isi kaalakhand ki hain.

ameer meenaai ki shayari ko jitana mainne पढ़ा hai usamen mujhe mohabbat aur rusavaai ka rang hi jyada nazar aaya hai. unake likhe kuch ashaar pe gaur karen

zabt kamabakht ne aur aa ke gala ghonta hai
ki use haal sunaoon to suna bhi na sakoon

bewafa likhte hain vo apani kalam se mujhako
ye vo kismat ka likha hai ki mita bhi na sakoon

aisa hi kuch rang yahan bhi dikhta hai

kah rahi hai hasr men vo aankh sharamaai hui
haaye kaise is bhari mahafil men rusavaai hui

main to raj e dil chhupaaoon par chhipa rahane bhi de
jaan ki dushman ye zalim aankh lalachai hui

gard udi aashik ki turabat se to jhunjhala ke kaha
vaah sar chadhne lagi paanv ki thukaraai hui

ameer saahab ki shayari ke do sankalan 'maraf ul ghazab' aur 'sanam khan e ishq' bataaye jaate hain. unhonne ek urdu shabdakosh bhi banaya jo kisi vajah se prakashit nahin ho paaya. rampur ke navaabon ke intakaal ke baad ameer, Hyderabad men nijaam ke darabaar men chale gaye. par haidarabad ki aabohava unhen ras nahin aai aur 1900 men ve chal base.

Jagjit ki jis doosari peshakash ki wajah se ye album kabhi na bhoolne vala ban gaya hai usaki charcha karenge agli post men...


Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .