Tuesday, June 29, 2010

Aap aaye to khayal-e-dil-e-nashad aaya : Mahendra Kapoor, Sahir aur Ravi ki tikdi ki anupam sougaat !

Kal Jagjit Singh ki gaai ek ghazal ki talash men You Tube pe nikala tha ki bhatakte-bhatakte ye geet saamane aa gaya. ab ise sune ek arsa ho gaya tha. dobara suna to isaki girafat se nikalna mushkil tha. aajakal kitane geeton men ye madda hai ki vo paanch minat ke andar hi darshakon ko nayak nayika ke prem, bevafaai aur virah ki poori kahani kah jaayen. par agar geetakar koi aur nahin, Sahir Ludhyanavi jaisa sanjida shayar ho to unake liye ye zara bhi mushkil kaam nahin raha hoga.

Gumraah film ke yoon to saare geet hi charchit hue the, par redio par baki geeton ki tulna men Mahendra Kapoor ka gaya ye geet kam hi baja hai. sangeetakaar Ravi ke sangeet nirdeshan men Mahendra Kapoor ke gaaye geet hamesha se jyada lokapriya hue hain. geet ke aaranbh ka sangeet sanyojan ka andaza aap geet ke vidio se bhi laga sakte hain. vo yug tha pratyaksh yaanilive recording ka. ab kya kisi geet ki recording ke pahle vaailin, sitaar aur baansuri vaadakon ka samooh dikhta hai jaisa ki is geet ke vidiyo ke aaranbh men dikhaya gaya hai.


Mahendra Kapoor aur Sahir jaise kalakaron ke baare men to pahle bhi aapako batata raha hoon. par aaj kuch baaten is nagme ke sangeetakaar Ravi ke baare men. vaise is geet ke sangeetakaar Ravi yaani 'Ravi Shankar Sharma' aaj bhi hamare beech hain. Gumraah ke aalava chaundavin ka chaand, hamaraj, vakat, neelakamal jaisi filmon ka geet dene vaale Ravi ne 1970 ke baad se hindi filmon ke liye sangeet dena chhod diya. 1982 men ye silasila film 'nikaah' men unake dvara sangeet nirdeshit karne se toota.

Par isi dashak men unhonne ye nirnay liya ki vo sirf malayalam filmon ke liye baanbe Ravi ke naam se sangeet nirdeshit karenge. apani pratibha ke bal par Ravi malayalam filmon men diye apane sangeet se bhi chha ge. aaj bhi purane zamane ki tarah Ravi pahle geetakaron dvara likhe geeton ko sunkar hi usake anuroop sangeet dete hain. vidhivat sangeet ki shiksha na lete hue bhi Ravi ji ne apane liye jo mukaam banaya hai vo unake liye kya kisi bhi sangeetakaar ke liye garv ka vishaya ho sakta hai.

Filahaal to Mahendra Kapoor ke gaaye is geet ki roomaniyat men doobiye aur shabaasi deejie saahir,Ravi aur Kapoor saahab ki is tikadi ko jinake sammilit prayas se ye geet itana jaandaar ban pada hai. par usake pahle meri aavaaz men suniye is geet ke mukhade aur antre ki gunagunahat...




aap aaye to khayal e dile nashad aaya
kitane bhoole hue jakhamon ka pata yaad aaya
aap aaye to khayal-e-dil-e-nashad aaya
kitane bhoole hue zakhmon ka pata yaad aaya

('dil‍- e- nashad' ka matalab hain dil ka dukhi, aprasann hona)

aap ke lab pe kabhi apana bhi nam aaya tha
shokh nazaron-si muhabbat ka salam aaya tha
umr bhar saath nibhane ka payam aaya tha
aapako dekh ke vo ahade vafa yaad aaya
kitane bhoole hue zakhmon ka pata yaad aaya

ruh men jal uthe bujhti hui yaadon ke deeye
kaise deevaane the ham, aapako paane ke liye
yoon to kuch kam nahin jo aapane aihasaan kiye
par jo maange se na paaya vo sila yaad aaya
kitane bhoole hue zakhmon ka pata yaad aaya

aaj vo baat nahin fir bhi koi baat to hai
mere hisse men ye halki-si mulakaat to hai
gair ka hoke bhi ye husn mere saath to hai
haay kis waqt mujhe kab ka gila yaad aaya

Vo yug tha pratyaksh yaani laaiv rikarding ka. ab kya kisi geet ki rikarding ke pahle vaailin, sitaar aur baansuri vaadakon ka samooh dikhta hai jaisa ki is geet ke vidiyo ke aaranbh men dikhaya gaya hai.





Film Gumraah men ye geet filmaya gaya hai Sunil Dutt, Mala Sinha v Ashok kumar par. sSunil Dutt geet ko ga to rahe hain par Mala Sinha ne bhi geet ke bhaavon ko apani chehare ki bhaav bhangimaon se jis khoobasoorati se ubhara hai vo dekhte hi banta hai.




Sunday, June 27, 2010

Tasweer Zindagi Ke.. A book on Bhojpuri Ghazals by Manoj Bhawuk !

Manoj Bhawuk ki likhi kitab 'tasveer jindagi ke' ke baare men pichhali post men mainne aapako bataya tha ki is kitab ki adhikaansh ghazalon men unake aas paas ka samaj jhalakta hai. zahir hai koi bhi gazalakaar apani jindagi se jo anubhav sametata hai vahi apani ghazalon men udelta hai.


khud manoj apane ek sher men kahate hain..

dukh darad ya hansi ya khushi, je bhi duniya se hamara milal
oohe duniya ke sanupat hin, aaj deke ghazal ke sakal

samajik samasyaaon par unake ashaaron ki charcha to main pahle kar hi chuka hoon par garibon ki haalat par apane is sankalan men ek poori ghazal likhi hai. deen dukhiyon ke dard ko apani is chhoti bahar ki ghazal men vo kuch yoon vyakt karte hain..

dnse umr bhar, deg deg par
ban ke karit saanp garibi

heet meet ke darshan durlabh
jab se lelas chhaap garibi

janm karj men mrityu karj men
aisan chnpalas chaanp garibi

ham sabhi apani jindagi men kabhi hatasha ke daur se gujarte hain to kabhi din hanste khelte nikal jaate hain. manoj ki shayari men ye dono manahsthitiyan ujagar hui hain. kabhi jindagi ko vo bojh ki tarah vo kheenchta sa anubhav karte hain

kuchhuo kahan ba aapan, jhootho ke ba bharam
saanso udhar jisan laage kabo kabo,

doli i deh laage, dulhin i aatma
jinagi kahaar jisan laage kabo kabo

to kabhi use vo prem ke rang se sarabor paate hain..

ab t har vakat sang tahare ba
dil ke kagaj, par rang tahare ba

tohase alaga bala dahab kaise
dhaar tahare, patang tahare ba

par ye jaroor gaur karne ki baat hai ki jindagi ki jo tasveer manoj ne apani is pustak men dikhaai hai usamen pyar ka rang baki rangon ki tulna men fika hai. haan, ye jaroor hai ki manoj ki gazalen sirf samajik asamaanta ka aaina bhar nahin hain par saath hi saath vo unase ladane ka hausla bhi dilati hain. misaal ke taur par unake likhe in ashaaron par gaur kijie.. kya josh jagati hain ik aam jan ke man men !

hokhe agar jo himmat kuchhuo pahaar nikhe
man men j than lin kahanvaan bahaar nikhe

kuch log neek baate tabahin tikal ba dharati
kise kahin ki kehu par aitabaar naikhe

ya fir hamen jeevan men jujhaaru hone ka ka sandesh deti in panktiyon ko dekhen..

har kadam jeeye mare ke ba ihan
saans jabale ba lade ke ba ihan

jindagi toofaan men ego diya
timatimate hin jare ke ba ihan

uhe aag sabka jigar men ba, par raah ba sabka juda
kehu kar rahal ba dhuaan dhuaan, kehu de rahal ba roshni

to kahin vo sanvaad ke raaste aapasi sanshay ko mitane ki baat kahate hain..

bhed man ke man men rakhab kab le anise jaant ke
aaj khul ke baat kuch ruro kahin kuch hamahoon kahin

ghar basal alage alag, bakir ka na i ho sake
rura dil men ham rahin aur hamara men rura rahin

Manoj ki lekhani aaj ki jeevan shaili aur khaaskar internet par hamari badhati nirbharta par badi khoobasarati se chali hai. urdu ki mazahiya shayari ke andaaj men unhonne 'internet' par jo bhojapuri ghazal kahi hai usake kuch sher to vakai kamaal ke hain. kuch ashaaron ki baangee dekhiye..

kisan kisan kaam nadhail baate internet par
maus dhile log dhadhail baate internet par

bedekhal bejanal chehara se bhi pyar mohabbat ab
ajabe gajabe mantra marail baate internet par

jahan oopar ka sher soshal netavarking ke prati hamare badhate khinchaav ko dikhata hai to vahin ye sher internet ki samajik sveekriti ko maze maze men poori kamayabi se ubharta hai

saali se jab poochhanin, kaho doolha katahoon set bhayil
kahali u muskaat, khojail baate internet par

is ghazal ke apane sabhi pasandida ashaaron ko bol kar padhne ka aanand hi kuch aur hai. to lijie suniye ise padhne ka mera ye prayas..



Assi prishthon ke is ghazal sangrah men Manoj Bhavuk ki 72 ghazalen hain. aur jaisa ki mainne pichhali post men bhi kaha ki agar aap ek ghazal premi hain aur bhojapuri bhasha ki jaanakari rakhte hai to maatra 75 rupaye ki ye pustak aapke liye hai. ise hind yugm ne utkrisht chhapaai ke saath baajaar men utara hai. is pustak ko kharidne ke liye aap sampadak@hindyugm.com par i mel kar sakte hain ya mobail par +91 9873734046 aur +91 9968755908 par sanpark kar sakte hain.

aur haan aapako ye pustak charcha kaisi lagi ye jaroor bataiyega.






Thursday, June 03, 2010

Ghazlein Bhojpuri Mein : Haan Chaliye aapko le chalein aisi hi ek pustak yatra par..

Bhojpuri men ghazalon ki kitab, sunane men kuch azaeeb lagata hai na ? Mujhe bhi laga tha jab do mahine pahle jab ek mitra ne mulaqat ke dauraan is pustak haath men pakadate hue kaha tha ki ise padhiyega jaroor aapako pasand aaegi. Waise to mitra ne kavitaon ki kai aur kitaben padhne ko di thin par jahan baki pustakon ke kuch pannon tak jaakar hi padhne ka utsah jata raha, vahin manoj bhavuk dvara likha ye bhojapuri sangrah 'Tasveer Zindagi ke' aisa man men rama ki isaki kai ghazalon ko baar baar padhna man ko behad sukoon de gaya.

34 varsheeya Manoj Bhavuk bhojapuri sahitya jagat men ek chiraparichit nam hain. Siwan, Bihar men janme aur renukoot men pale badhe manoj, bhojapuri bhasha, sahitya aur sanskriti ke prachaar prasaar men hamesha se sakriya rahe hain. ek aanchalik bhasha men ghazal kahana apane aap men ek ganbheer chunauti hai aur mujhe ye kahane men koi sandeh nahin ki manoj apane is prayas men poornatah safal rahe hain. shayad yahi vajah hai ki manoj ko is pustak ke liye varsh 2006 ka bharateeya bhasha parishad sammaan diya gaya aur vo bhi girija devi v gulzar saahab ki upasthiti men. kisi bhi navodit ghazalakaar ke liye ye param saubhaagya ki baat ho sakti hai.



manoj ki ghazalon men jahan bhavanaaon ki gaharaai hai vahi bhojapuri ke theth shabdon ke prayog se upaja madhurya bhi hai. manoj apani ghazalon men hamare aantarik manobhaavon, hamari achchhi v buri vritiyon ko badi sahajta se vyakt karte deekhte hain. misaal ke taur par unake in ashaaron ko dekhiye

agar jo pyar se mil ja t maando bhaat kha leele
magar jo bhaav na hokhe, mithaai teet lagela

dukh men dhoondh l n raah bhavuk sukh ke jeeye ke
darad jab raag ban ja la t jinagi geet lagela

zameer cheekh ke sau baar roke toke la
tabo t man i behaya gunah kar jala

bahut ba log je maralo ke baad jeeyat ba
bahut ba log je jiyate men yar, mar jala

apane is ghazal sangrah men manoj ne bharateeya gaanvon ki purani pahachaan khatm hone par kai jagah apane dil ke malal ko shabd diye hain

kahahin ke baate desh i gaanvan ke hऽ magar
khojalo p gaanv na mili ab kavano bhaav men

lor ponchhat ba kehu kahan
gaanv apano shahar ho gayil

badalav ke uthat ba aisan na tej aanhi
kahavaan i god jata kuchhuo bujhat naikhe

par poori pustak men manoj apani ghazalon men sabse jyada hamari grameen v kasbai zindagi ki samasyaaon ki baat karte hain. bhookh, garibi, berojagari, bhrashtaachaar, samajik v aarthik vishamata in saari samasyaaon ko unki lekhani baar baar hamara dhyaan aakrisht karati hai. misaal ke taur par in ashaaron men unki lekhani ka kamaal dekhiye

pani ke baahar maut ba, pani ke bheetar jaal ba
lachar machhali ka karo jab har kadam par kaal ba

samvedna ke laash p kursi ke god ba
maaloom na, i log ka kise sahaat ba

eh kadar aaj berojagari bhayeel
aadami aadami ke savari bhayeel

aam janta bagicha ke chirai niyan
jahnvaan rakhavar hin ba shikari bhayeel

na rahit jhaanjhar madiya foos ke
ghar men aait kaise ghaam poos ke

aaj u langado daroga ho gayil
dekh lin sarkaar jaadu ghoos ke

roshni aaj le bhi na pahunchal jahan
kehu uhanvo t diyari jarave kabo

sab banalke ke kismat banave ihan
kehu bigaral ke kismat banave kabo

yoon to is poori kitab ke aise kai sher man men gahari chhaap chhodate hain par ek ghazal jo mujhe is poori pustak men sabse jyada romanchit kar gai, ko aapako sunane ka lobh sanvaran nahin kar pa raha hoon.


vaise gar sun na bhi paayen to in ashaaron par jaroor gaur faramaayen

deh ba makaan men ,drishti ba baagaan men
hosh men rahe kahan, man to i navab h..

aadmi ke swapn ke khel kuch ajeeb ba
ji gayill t zindagi, mar gayil to khwab h..

heen mat banal kara deen mat banal kara
aadami ke janm tऽ khud ego khitab h..

vaah vaah kya baat kahi hai manoj ne!

agar aap ek ghazal premi hain aur bhojpuri bhasha ki jaanakari rakhte hai to maatra 75 rupaye ki pustak aapke liye hai. ise hind yugm ne utkrisht chhapaai ke saath baajaar men utara hai. is pustak ko kharidne ke liye aap sampadak@hindyugm.com par i mel kar sakte hain ya mobail par +91 9873734046 aur +91 9968755908 par sanpark kar sakte hain.

aur agar aap ab bhi aashvast na ho paayen ho is kitab ko kharidne ke baare men to intazaar kijie is pustak yatra ki doosari kisht ka jahan manoj bhavuk ki shayari ke kuch anya rangon se roobaru hone ka aapako mauka milega.






Wednesday, June 02, 2010

Gopal Das Neeraj ka jeevan darshan : Unke 'Char Vicharon' Ke sath..

Zindagi ko dekhne aur mahasoos karne ke hamare maapadand samay aur hamari soch men ho rahe nirantar vistar se badalte rahate hain. vakat se aage dekh paane ki soch, ek aam manav ki prakriti men nahin hai. darasal hamare apane jeevan men jo ghatit hota rahata hai use hi jeevan ka sach maanane ke liye ham taiyaar baithe rahate hain.

Par jis jeevan darshan ko samajh paane men shayad ham apani poori Zindagi nikaal den use gopal das niraj jaisa saksham kavi chand panktiyon men kaise vyakt kar deta hai ye kavita iska ek sundar udaaharan hai.

Is kavita ke madhyam se niraj is baat ko saral sahaj shabdon men purajor tarike se rakhte hain ki kisi manushya ke liye jeevan ki paribhasha is baat par nirbhar karati hai ki usane ab tak Zindagi ke kin rangon ka svaad chakha hai?

to aaiye jeevan ke prati niraj ke anubhavo se roobaru hote hain unki is kavita char vichaar men...

(1)
jo punya karta hai vah devta ban jata hai,
jo paap karta hai vah pashu ban jata hai,
aur jo prem karta hai vo aadami ban jata hai

(2)
jab mainne prem kiya to mujhe laga jeevan aakarshan hai,
jab mainne bhakti ki tab mujhe laga jeevan samarpan hai,
kintu jab se mainne sevavrat liya
tab mujhe pata chala ki jeevan sabse pahle sarjan hai

(3)
jab main baitha tha to samajhta tha ki jeevan upasthiti hai,
jab main khada tha tab samajhta tha ki jeevan sthiti hai,
kintu jab main chalne laga tab lagne laga, "jeevan gati hai"

(4)
jab tak main pukarta raha
tab tak samajhta raha ki jeevan tumhari aavaaz hai
aur jab main svayam ko pukarne laga
to kahane laga jeevan apani hi aavaaz hai
kintu jis din mainne sansaar ko pukarana shuru kiya hai
us din se mujhe lagne laga hai
ki jeevan meri aur tumhari nahin
un sabaki aavaaz hai jinki ki koi aavaaz hi nahin hai.....

Pata nahin aapane jeevan ke kin roopon ka ab tak anubhav kiya hai . ho sakta hai aapaka nazariya bhinn ho? par saare nazariyon ko mila kar dekhen to shayad sabamen hi jeevan ka koi na koi sach chhupa baitha mile.

Ab oopar ke chitra ko hi len. kisi ko vo kharagosh nazar aaya hoga to kisi ko battakh! par vaastavikta to ye hai ki chitra men ye donon hi roop vidyamaan hai. shayad Zindagi bhi aisa hi ek chitra hai jisamen kai saare chitra samaaye baithe hain...kyoon hai na?