Saturday, January 23, 2010

Annual Musical Countdown 2009 : Song no. 20 : Tere Naina Hans Diye..Bas Gaye Mere Dil Mein tere Naina

Kahate hain pyar ki shuruaat aankhon ki dekha dekhi se shuru hoti hai. Wo geet yad hai na aapako nain lad jahien to manava ma kasak hoibe kari..... Ab in aankhon par shayaron ne ek se ek umda sher kahe hain to bhala geetakar kaise peechhe rahen. Har saal kisi na kisi ki pyari aankhon ka jikra filmi geeton men aa hi jata hai . Ab 2006 ki baat karen Gulzar saahab ne nainon ke baare men Omkara men likhe apane geet men bada hi khoobasoorat jumala racha tha...
nainon ki jubaan pe bharosa nahin aata, likhat padhat na raseed na khata !

Pichhale saal ke geeton ne bhi ye parampara banaaye rakhi hai aur unamen se do geet is sangeetamala ka hissa ban paaye hain. Nainon ke barasane ki baat agar ki jaaye to ekadam se Lata di ka gaya naina barase.... yaad aa jata hai. Par navodit geetakar Rajat Aroda 20 vin paaydaan ke is geet men nainon ke 'barasane' ki jagah unake 'hansane' ki baat kar rahe hain.
Ye geet hai film Chandani Chaouk to China ka hai jo theek ek saal pahle pichhali janawari men pradarshit hui thi. vaise to is film ke baki geet kuch khaas prabhaav nahin chhod paaye the par film ka ye romaantik nagma jaroor ek alag tarah ki khushabu se sarabor kar gaya tha.

Yah geet agar is sangeetamala men apana sthan bana paaya hai to vah apane bolon ki vajah se nahin balki apani behad pyari melody aur khoobasoorat gaayiki ke liye.


Halki beats se shuru hote is geet men jaise Shankar Mahadevan geet ka mukhada gunagunaate hai man is geet se bandh sa jata hai. shankar ki gaayiki ke baare men baate karne ke liye to aage bhi kafi mauke milenge. Shankar ka is geet men saath diya hai Shreya Ghoshal ne. shreya ne apani saamaanya shaili se hatkar geet men roomaniyat ka ek put dene ki koshish ki hai.


Shankar Ehasaan Loy dvara sangeetabaddh is geet ki laya aapke dil men kafi sukoon pahunchaegi aisa mujhe yakin hai... to sun kar dekhiye ye nagma aur bataiye ye kaisa laga aapako ?



tere naina....hans diye
bas gaye...mere dil men, tere naina....

mere dil men jo aramaan hain, paas aake zara dekho n
dil ke tar men hai saragam ,chhede hai ab koi anajana
yah pyar ki hai baaten, kuch anakahi mulakaaten
ho...aise hi milte hai, milke machalte hai do dil javaan
tere naina.....naina

ho...ab dekho mil ge ho to
fir se na kahin kho jana
aankhon men hi rahana
baahon men tum meri so jana

ho..mere paas too jo aae
to khauda mujhe mil jaaye
ho..hontho ko hontho se milne de
silne de door n ja...

tere liye...charon or dhoondha mainne
mil gai..jo too mujhe
mil gaya
sara jahan sara yahan, ab chahoon main kya?


mere liye..sapana tha
yah pyar tera
kholi aankhen
saamane tha mere liye
yar mera pyar tera ,ab chahoon main kya?


ho..aise n mujhako sada de
paas aa na ab too saja de
ho..sabse chura loon main
jag se chhupa loon main
itane paas aa..

mere dil ke jo ... anajana
yah pyar ...... dil javaan
tere naina.....




nainon ki baaten is sangeetamala men aage bhi chalti rahengi aakhir..

in aankhon ki masti ke mastaane hajaron hain

in aankhon ke vaabasta afasane hajaron hain




Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .



Thursday, January 21, 2010

Annual Musical Countdown 2009 : Song no. 21 : Behti Hawa Sa Tha Wo.....

Hindi film sangeet men kai bar aisa hota hai ki jab aap kisi geet ko sirf sunte hain to vo aap par jabaradast prabhav dalta hai par film ko dekhte samay vo geet kahani men ghulta milta nazar nahin aata। Par doosari or paristhitijanya geet hote hain jo kahani ki patakatha ke anusaar apne aap ko dhal lete hain। Aise geet ekabaragi sunane men to vo asar nahin daalte par film dekhne ke bad dheere dheere man men baithane lagate hain। Vaarshik sangeetamala 2009 ki 21 vin poyadaan par ek aisa hi geet virajamaan hai। Iss geet ki dhun banaai Shantanu Moitra ne, ise likha Swanand Kirkire ne aur apani makhamali aavaaz se ismen rang bhare gayak Shan ne।

Swanand Kirkire ko film '3 Idiots' ki patakatha likhte samay se hi is pariyojana men shamil kar liya gaya tha। Isaliye is film ke sare geeton ke bol patakatha ki dhara ke sath bahate nazar aae। All Izz Well ki utpatti ke bare men Swanand ji ki raay se main aapako pahle hi avagat kara chuka hoon। Aaj jante hain ki Swanand ke jodidaar shantanu kya kahate hain is geet ke bare men ।

Waise Shantanu Moitra ek aise sangeetakar hain jo apane aap ko poornakalik sangeetakar nahin mante। Ad jingle karte karte film udyog ka raasta dekhne vale shantanu ko sangeet se utna hi pyar hai jitana ki khagol vigyaan, ghumakkadi aur parvatarohan se। Saal men vo chuninda film karte hain। Hajaron khwahishen aisi aur Parinita ke madhyam se 'Ek shaam mere naam' ki vaarshik sangeetamala 2004 aur 2005 men oopar ki poyadanon par dhoom macha chuke hain।

Shantanu is geet ke bare men kahate hain

Hamara ye geet aise ek shakhas ki kahani kahta hai jo hamari jindagi men aaya, hamen janane ki koshish ki, jisane hamare dil ko chhua aur fir apne vichaaron se aage badhane ki roshni dikhakar itani sahajta se hamari jindagi se alag ho gaya jaise kuch hua hi na ho। Saalon bad jab aap usake bare men sochte hain to lagata hai are vo to kabhi smriti patal se door gaya hi nahin। aur man anayas hi udvign ho uthata hai ki aakhir vo gaya kahan?

Shantanu ne jo baat kahi hai usaki sachchai se shayad hi mujhe ya aapako sandeh hoga। Isi baat ko purajaor dhng se rakhne men gayak geetakar aur sangeet nirdeshak ki jodi kamayaab hui hai। Swanand ke sahaj bol, Shantanu ka bahata sangeet khaskar mukhade ke bad ka tukada aur interludes man ko behad sukoon dete hain। Shaan ki aavaaz ki mulayamiyat aapako ateet ki yaadon ki puravai men bhatakne ko badhya karti hai।

to aaiye is geet ke bolon ko padhte hue sunen is geet ko

bahati hava sa tha vo
udati patang sa tha vo
kahan gaya use dhoondho...

ham ko to rahen thin chalati
vo khud apani rah banata
girta sanbhalta masti men chalta tha vo
ham ko kal ki fikra sataati
vo bas aaj ka jashn manata
har lamahe ko khul ke jeeta tha vo
kahan se aaya tha vo
chhooke hamare dil ko
kahan gaya use dhoondho

sulagti dhoop men chhaanv ke jaisa
registan men gaanv ke jaisa
man ke ghaav men maraham jaisa tha vo
ham sahame se rahate kuen men
vo nadiya men gote lagata
ulti dhara cheer ke tairta tha vo
badal aavara tha vo
pyar hamara tha vo
kahan gaya use dhoondho

ham ko to rahen thin chalati.....
.........kahan gaya use dhoondho






Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .


Monday, January 18, 2010

Annual Musical Countdown 2009 : Song no. 22 : Ye Zindagi Bhi kya kya Humko Dikhlati Hai...

To bhaiyon aur bahanon vaarshik sangeetamala ki 22 vin paayadaan par gana vo jise likha javed akhtar saahab ne dhun banaai ek sangeetakaar tikadi ne aur geet ko gaya ek doosare sangeetakaar ne. Pratispardha ke is yug men aajakal ye svasth paranpara chali hai ki sangeetakaar kuch doosare sangeetakaron ko apane ganon par gava rahe hain. Vishal Dadlani, Saleem Merchant isake kuch udahaaran hain jinhen doosare sangeetakaron ne apani filmon men gavaya hai.

Par aaj main in donon ki nahin balki Vishal Shekhar ki jodi vaale ShekharRavajiyaani ki baat kar raha hoon jinhonne pahali baar kisi doosare sangeet nirdeshak ke liye gana gaya. Waise isase pahle shekhar apani aavaaz ka hunar Jhankar beats, Bluffmaster, Golmaal aadi filmon men dikha jhuke hain. Par ye filmen vishal shekhar ki khud ki filmen thin. Fir Shankar Ahasan Loy dvara sangeet nirdeshit film Luck by Chancemen unhonne microphone kaise utha liya ?


Adhikatar paashchaatya rhythm par sangeet rachane vaale par saath hi hindustani shastriya sangeet men paarangat shekhar is baare men kahate hain
"Mainne apane liye aisa koi niyam nahin bana rakha tha ki doosaron ke liye na gaaoon par mujhe kisi vishisht geet ka intajaar tha. Isaliye jab shankar ahason loy mere paas ye jindagi bhi.... gane ka prastaav le ke aae to mujhe laga ki is geet men vo khaas baat hai. Mujhe is geet men ek mulayamiyat dikhi. vaise bhi javed saahab jab bol likhen to unamen kuch to alag hota hi hai."

To aaiye dekhen vakai kya khaas baat hai is geet men. pahali to isaki aaranbhik beets jo geet ke mood ko bana deti hai. mukhada to theek thaak hai hi par mujhe asali aanand tab aata hai jab shekhar javed sahab ke likhe in bolon ko khatm kar.. ..

jaane hamako kya paana hai socho kya hai apani manjil
samajhane se kab mana hai dekho karta zaid hai ye dil

chhoone hain....taare ise chaahiye... saare ise .....se apane sur ko oopar uthate hain aur fir shankar ahasaan loy dvara diya gaya interlude man ko prasann kar deta hai. to meri raay ye hai ki agar aapaka man kuch bujha bujha hai to is geet ki khuraak lijie. vishvaas kijie aap pahle se achchha mahasoos karenge.


ye jindagi bhi kya kya hamako dikhalati hai sapanon ki dhundhali raah men
ye jindagi bhi hamen kahan le ke aa jaati hai ik anajaani si chaah men
jaane hamako kya paana hai socho kya hai apani manjil
samajhane se kab mana hai dekho karta zaid hai ye dil
chhoone hain....taare ise chaahiye... saare ise

ye jindagi bhi kitani baaten kah jaati hai ik sidhi saadhi baat men
ye jindagi bhi kyoon itane khwab sajati hai har sooni sooni rat men
khvaabon men koi aramaan hai poochho dil se aramaan kya hai?
mushkil hai ya vo aasaan hai sun lo ye dil kahata hai
chhoone hain....taare ise chaahiye... saare ise

jo palakon ke tale hai apane sapane le ke chale ye kah do vo chale sanbhal ke
na karana koi gile kahin jo thokar aisi lage ki sapane toote aansu chhalke


agar aapako yad nahin aa raha ki film men ye geet kab tha to ye bata doon ki ye geet Luck by Chance ki shuruaat men prayukt hua hai





Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .



Monday, January 11, 2010

Annual Musical Countdown 2009 : Song no. 23 : Gulzar, Pritam aur Abhijeet jab chahein Khuda Ki khairiyat...

Vaarshik sangeetamala ki 23 vin position par ek nayi tikadi virajamaan hai. Yahan sangeetakar Pritam hain par gayak Neeraj Shridhar nahin, Gulzar hain par Vishal Bharadvaj nahin aur to aur Abhijeet ka sath dene ke lie Alka Yagnik bhi nahin maujaood. Nirdeshak Priyadarshan ne Gulzar aur Pritam ko ye soch kar anubandhit kiya ki film ke geet aise hon jo jinamen aaj ke sangeet ki jhalak to ho par sath men bhavanaayen bhi ho jo dil ko chhu sake.

Waise is tikadi ne is geet men Priyadarshan ko nirash nahin kiya isiliye ve kahate hain ki ye geet unki banaai filmon ka ye sabse behatareen geet hai. Pritam,Gulzar aur Abhijeet da ne milkar ek aise geet ki rachna ki hai jisamen rumaniyat to hai hi, sath hai behatareen melody .


Geet guitar ki madhur tan se shuru hota hai. fir aata hai ladakiyon ka koras aur usamen se ubharta abhijeet da ka makhamali svar. ye to nahin kahoonga ki Gulzar ne apne shabdon men kuch ne binbon ka istemaal kiya hai fir bhi unka karishma itana jaroor hai ki geet ko sunkar isake mukhade ko gunagunaate rah jaen.

To aakhir ye geet kaun sa hai? Ye geet hai saal ke shuru men surkhiyan batorne vali film billu ka aur agar ab tak aapane ise nahin suna to main to bas itana hi kahoonga ki khudaya khair :)...

Pritam ne is geet ke banane ki baaton ko yad karte hue kahate hain

Mainne is geet ki shuruaat o rabba ho oo oo..se karne ki sochi thi par Gulzar ne use khudaya khaieeer kar geet ka prabhav hi badha diya. main apne giton ka koi hissa khali nahin chhodta, yaani mere giton men aarkestraiseshan khoob hota hai. par is geet men mainne apne bahut sare vadya yantra hata kiye to make it simple.

Darasal Pritam ki ye 'imposed simplicity' hamare jaise sunane vaalon ke kanon ko sukoon dene vali ho gi. to aaiye sunen pahle Abhijeet da ki aavaaz men is geet ko

Get this widget Track details eSnips Social DNA

isi geet ke doosre version ko gaya hai Soham Chakravarti,Aakriti Kakkad aur Monali ne. par mujhe doosre version se kahin jyada Abhijeet ka solo prabhavit karta hai.

raton rat tara koi, chaand ya sitara koi
gire to utha lena
o suniyon re
tara chamakila hoga,chaand sharmila hoga
nath men laga lena

jara si saanwari hai vo
zara si bawari hai vo
vo surame ki tarah meri
aankhon men hi rahati hai

subah ke khwab se udai hai
palakon ke niche chhupaai hai
maano na maano tum
sote sote khvabon men bhi khwab dikhaati hai
maano na maano tum
pari hai vo pari ki kahaniyan sunati hai

khudaya khair, khudaya khair, khudaya khair, khudaya khair

raton rat tara koi...nath men laga lena

tu hava main zami, tu jahan main vahin
jab ude mujhe le ke kyoon udati nahi
tu ghata main zami,tu kahin main kahin
kyon kabhi mujhe leke barasati nahi

jara si saanwari hai vo... rahati hai
subah ke khwab....khudaya khair

jab daant men oongli dabaye
ya oongli pe lat lipataye
badal ye chadhta jaaye, ho...

kuch kar ke vo baat ko tale
jab mathe pe vo bal dale
ambar yah sikudta jaaye ho........

vo jab naakhoon kutarati hai,to chanda ghatne lagata hai
vo pani par kadam rakhe, sagar bhi hat jata hai

subah ke khwab....
khudaya khair,khudaya khair,khudaya khair,khudaya khair





Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .


Sunday, January 10, 2010

Annual Musical Countdown 2009 : Song No. 24- Kahan se Aayi Ye Masakkali ?

Varshik sangeet mala ki 24 vin paayadaan par swagat kijie Mohit Chouhaan, A.R.Rahman aur Prasoon Joshi ki tikadi ka. Is tikadi ka hi kamaal hai ki Masakkali ke madhyam se inhonne kabootar jaise paalatu pakshi ki or ham sabka dhyaan fir se aakarshit kar diya.:)

Waise purani dilli ki chhaton par to nahin par kanpur ke apne nanihaal vale ghar men kabootaron ko paalne aur padosiyon ke kabootar ko apani mandali men tarah tarah ki aavaaze nikalkar aakarshit karne ke jugad ko kareeb se dekha hai. Itana hi nahin sham ke waqt unhin aavaajon ke sahaare jharokhon se masakakaliyon ko bhi nikalte dekh bachapan men main hairaan rah jata aur sochta kya ye gur mama hamen bhi sikhaayenge.

Aap bhi soch rahe honge ki geet ke bare men kuch baaten na kar ye main kya kabootaron ki kahani le kar baith gaya. Ab kya karen pahali bar jab TV ke parde par masakali ko saloni Sonam Kapoor ke oopar fudakte dekha to man kabootar kabootari ki jodi par atak gaya aur geet ke bol unke peechhe bhatak gaye. Geet sunte samay mujhe ye laga tha ki pahle antre men manamani manamani kahate kahate mohit ki aavaaz vaise hi atak gi hai jaise purane record players ki atakti thi.


Wo to bhala ho Colors vaalon ka jinhonne December ke mahine men jab ye film dikhaai to fir is geet ko gaur se sunane ka mauka mila. Ye bhi samajh aaya ki Prasoon kabootar ke sath kam aur nayika roopi kabootari se jyada baaten kar rahe hain is geet ke madhyam se. Prasoon ki visheshata hai ki unka hindi bhasha jyaan aaj ke geetakaron se kahin jyada samriddh hai. Isaliye vo jab pyare kintu sahaj hindi shabdon ka chayan apne geeton men karte hain to geet nikhar uthata hai. Par kahin kahin 'meter' se bahar jaane ki vajah se geet ko nibhane men jo kathinaai aai hai use Mohit Chouhaan ne chunauti ke roop men lekar ek behatareen prayas kiya hai.

Waise aap ye jaroor janane ko utsuk honge ki ye masakakali shabd aaya kahan se . Is geet ki utpatti ke bare men prasoon ne 'mid de' ko die apne ek sakshatkar men bataya tha

'Masakakali' shabd ka nirman to anayas hi ho gaya. Rahman apani ek dhun computer par baja rahe the ki unake munh se ye shabd nikala. Mainne poochha ye kya hai to vo muskura diye. Par vo shabd mere dimag men is tarah rach bas gaya ki mainne use apne geet men istemaal karne ki sochi aur isiliye kabootar ka nam bhi masakakali rakha gayae.

Aur to aur ek majedaar tathya ye bhi hai ki prasoon ke is geet ne 'laka' prajati ke kabootaron ke dam dilli ke bajaron men aath guna tak badha diye aur log videshi kabootaron se jyada ise hi lene ke peechhe pade rahe.

Mohit chahaun ki gaayiki aur Rahman ki dhun ki badaulat se ye geet ja pahuncha hai meri is geetamala ki 24 vin paayadaan par. to is geet ko suniye dekhiye kahin masakakali ki tarah aapaka man hiloren hiloren lete lete furr furr karne ke lie machal na uthe.




e masakakali masakakali, thoda matakakali matakakali
e masakali masa masa kali, thoda matakakali matakakali

zara pankh jhatak gayi dhool atak
aur lachak machak ke door bhatak
ud dagar dagar kasbe kooche nukkad basti
tadi se mud ada se ud
kar le poori dil ki tamanna, hava se jud ada se ud
purr bhurr bhurr furr, tu hai heera panna re
masakakali masakakali, thoda matakakali matakakali

ghar tera saloni, badal ki colony
dikha de thenga in sabako jo udana na jaane
udiyo na dariyo kar manamani manamani manamani
badhiyo na mudiyo kar nadani
ab than le , muskaan le, kah san nanananan hava
bas than le tu jaan le,kah san nanananan hava

e masakakali masakakali, thoda matakakali matakakali
e masakali masa masa kali, thoda matakakali matakakali

tujhe kya gam tera rishta, gagan ki baansuri se hai
pavan ki gufatagu se hai, sooraj ki roshni se hai
udiyo na dariyo kar manamani manamani manamani
badhiyo na mudiyo kar nadani

e masakali masakali, ud matakakali matakakali
e masakali masa masa kali, ud matakali matakali
ab than le , muskaan le, kah san nanananan hava
bas than le tu jaan le,kah san nanananan hava





Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .


Thursday, January 07, 2010

Annual Musical Countdown 2009 - Song No. 25 - All Izz Well

Three Idiots ke gane maine kareeb teen hafte pehle sune the aur ek bargi sun kar man utna prassana bhi nahin hua tha. Karan the Swanand Kirkire. Parineeta aur uske baad Khoya Khoya Chand mein unke geeton ki kavyatmakta ho ya phirर Laga Chunri mein Daag mein do bahnon ki alhad chanchalta ko ubharta unka pyara sa geet ho wo humesha man mein apne geeton se alag sa ahsaas jagate the



So maine unse facebook par jaakar unse apni nirasha prakat kar dee par film mein unke geeton ka safar dekh itna juroor lag gaya tha ki kavyatmakta se hinglish ganon ka safar unhonein film ki script ke liye hi tay kiya hoga. Aur aakhirkaar jab maine film dekhi to wahi geet jo bas theek thaak lag rahe the filmankan ke baad behtareen lagne lage.

Khud Swanand Kirkire ne kya kaha is geet ke bare mein wo aap vistar se meri is post mein padh sakte hain

To varshik sangeetmala kee 25th Rank par isi film ka ek lokpriy geet hai jo aaj kal yatra tatra sarvatra baj raha hai:). Murgi ki baang se shuru hota ye geet aapko apne atpate bolon ki wazah se aapka dhyan pehle kheenchta hai, phir geet ki masti aapko jhoomne par vivash kar deti hai. Par jhumane kesath Swanand hansi hansi mein aaj ke chhatra warg ki maansik sthiti ka bhi behtareen aakalan karte hain.

Shantanu Moitra ke mast sangeet par bane is geet ko Sonu Nigam ne Swanand Kirkire aur shaan ke sath milkar poore manoyog se gaya jise sun kar aap mehsoos kar sakte hain




Jab life ho out of control
Honthon ko kar ke gol
Honthon ki kar ke gol
Seeti bajaa ke bol

Aal Izzz Well

Murgi kya jaane aande ka kya hoga
Aree life milegi ya tawee pefry hoga
Koi na jaane apna future kya hoga

Honth ghuma
Seeti bajaa
Seeti bajaa ke bol
Bhaiyaa aal izz well

Aree bhaiyaa all izz well
Aree chachu aal izz well
Aree bhaiyaa all izz well

Confusuion hi confusion hai
Solution kuch pata nahin

Solution jo mila to saala
Question kya tha pata nahin
Dil jo tera baat baat pe Ghabraaye
Dil pe rakh ke haath usae tu fuslaa le
Dil idiot hai pyaar se usko samjha le

Honth ghuma.... aal izz well

Aree bhaiyaa all izz well
Aree chachu aal izz well
Aree bhaiyaa all izz well

Scholarship ki pi gayaa daaru
Gham to phir bhi mitaa nahin

Agarbattiyan raakh ho gayi
God to phir bhi dikha nahi

Bakra kya jaan uski jaan ka kya hoga
Seenk ghusegi ya saala Keema hoga
Koi na jaane apna future kya hoga

To Honth ghuma...


Hansi ki phuhaaron ke saath ye geet engineering college ke un purane dinon ki yaad dila deta hai jismein ye idiotic lamhe apne lagne lagte hain




Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .

Sunday, January 03, 2010

Varshik Sangeetmala 2009: Saal ki saat behtareen dhunein jinhone jhoomne par mazboor kar diya !

Dekhate dekhate naya sal aa hi gaya aur nae sal ka pahala din yani poori mauj masti ka mahaul. isalie mahaul ko banae rakhane ke lie Varshik Sangeetmala 2009 kee shuruaat kee ja rahi hai vaise geeton se jinakee dhunon poore sal hamen thirakane par majaboor kar diya aur inamen se kuchh par to shayad aap kal raat ke jashn men bhi thirake honge. aaj kee is post men mainne aise hi sat geeton ke mukhadon ko chuna hai jinakee ridam man aur tan donon ko hila jati hai.



To shuruaat vishudha mumbaiya filmi tadke se jismein chaunk lagane ka kaam kar rahe hai Salman Khan Pehchan gaye na ye hai film Wanted ka theme song




Salman ke funde to aapne sun liye ab Gulzar ke sath raat ki matki bhi phod leejiye. Ho sakta hai aapka bhi koyi gud luck nikal kar bahar aa jaye. Par huzoor iske liye ghar mein baithne se kaam nahin chalega. Karni padegi thodi sadkon par than thana than... :)





Statutory Warning: Is geet ka overdose aapko sar mein than than kara sakta hai:)

Waise Gulzar sahab ne is geet ke aalawa Jai Ho likh kar poore Vishwa mein apni jai jai kaar karwa lee. Waise to isse apekshakrit behtar geet Gulzar sahab ne kayi aur bhi likhehonge par A.R.Rahman ke karnpriya sangeet aur Jai Ho ke asardaar jumlre ne lagta hai Jury membraan par zabardast prabhav dala. Yahan tak ki Australia ke nav varsh samaroh mein is geet ko bajaya gaya




Par ARR aur Vishal bhardwaj se jyada bhari pada Pritam ka rocky bhangda . Chahe APKGK jki prem ki naiya ho ho ya Love Aaj Kal ka Twist aur Chorbaazari har jagah unhin ka sangeet chaya raha. Unk geeton ki dhunein thirkati rahin aur rahe sahe effect ko Neeraj Sreedhar ne apni mastmaula shailee ki gayiki se poora kar diya,. To inmein se kaun si dhun pehle sunna pasand karenge aap.

Kya kaha saap ke been se shuruaat karoon. to pakidiye bagal wale ki 'wrist' aur karna shuru keejiye twist :)



Suniye Chorbazari do nainon ki madmast sangeet jis par hum sabne saal mein na jane kitne thumke lagaye




Aur Ram ke bharise hi sahi Prem ki naiya ko kaise bhool jaiyega..



Ye to ho gaye six songs. Par saatwan song kaun sa hai . are ye song nahin dhun hai bhai aur mujhe ye saal ki sabse original aur pasandeeda jhumane wali dhun lagi. Aur iske dance steps to humare jaise nausikhiye bhi badi aasani se kar sakte hain . Ye dhun banayi Illaiaja ne to shuru ho jaiye पा पपपा पा पा पपपा पा पा पपपा ..... karne



Waise Big Boss mein Amit ji ne ye clipping khoob dikhayi. agar steps yaad na ho to yahan dekh leejiye.


Ye rahin meri pasand ki saal ki sabse zyada thirkane wali dhunein? Waise aapki pasandeeda dhun kaun si hai ye jaanne mein mujhe bahut maza aayega. Tab tak aap likhiye apni pasand main chunta hoon 25 wiin position yani 25 win paaydaan ka geet.

Ek Shaam Mere Naam ke readers ko meri taraf se hardik badhai. asha hai is naye saal mein is blog ke prati aapka sneh poorvavrat bana rahega.



Click Here to read this post in Hindi devnagari script.

Click Here to post your comment on this post. You can post your comment in English or Romanised Hindi also .