Monday, July 27, 2009

Ruk gaya aankh se bahta huaa dariya kaise : Same ghazal with two different singers. Identify the second singer !

Kuchh ghazalein khas hoti hain kuchh unhen gane vale khas bana dete hain aur aksar aisa jo kalakar kar pate hain unhein ham mahan gayakon ki shreni men la khada karte hain. Par aaj jis ghazal ka jikr karana chahta hoon usake bare men mera anubhav kuchh ulta raha. Yani is ghazal ko mere liye khas banaya ek aise kalakar ne jo ghazal gayiki ke liye nahin jana jata.

Yoon to Ghulam Ali ki tamam ghazalen mujhe behad pasand hain par jab Krishna Bihari Noor ki likhi ye ghazal unaki aavaj men suni thi to mujhe ye ghazal sunne men kuchh khas maja nahin aaya tha. Haan, Noor sahab ka ek sher jaroor behad pasand aaya tha

har ghadi tere khayalon men ghira rahta hoon
milana chahoon to miloon khud se main tanha kaise


jo us waqt dimag men chad sa gaya tha. Iss bat ko barason beet gaye aur phir ek din TV par ek karyakram men isi ghazal ko mainne ek navodit gayak ko gate suna. us gayak ne ghazal ka matla aur samany sa lagne vala ek sher is tarah dil se doob kar gaya ki main is bhooli huee ghazal ko ek doosare hi andaj se mahasoos karne laga.

Bas malaal is baat ka hi raha ki bande ne us karyakram men ye ghazal poori nahin sunaee. Baad men bahut khojabin karne par mujhe usTV recording ke kuchh tukde mile jise main jod kar karib paune do minute ki ek file bana paya.Aaj bhi udas lamahon men is ghazal ka ye chhota sa hissa main aksar suna karta hoon. Aaj yahi hissa aap ke sath bhi bant raha hoon.

To pahle suniye Noor sahab ki ye mashhoor ghazal janab Ghulam Ali ke svar men. Waise kahin ye bhi padha tha ki is ghazal ko ustad Aslam khan ne bhi apani aavaz di hai.

Get this widget



ruk gaya aankh se bahta huaa dariya kaise
gham ka toofan to bahut tez tha thahra kaise

mujhko khud par bhi bharosa nahin hone pata
log kar lete hain gairon pe bharosa kaise

har ghadi tere khayalon men ghira rahta hoon
milana chahoon to miloon khud se main tanha kaise

aur bhi ahal-e-khirad ahal-e-junoon the mauzood
lut gaye ham hi teri bazm men tanaha kaise


Aur ab suniye bina kisi sangeet ke is ghazal ke tukade ko. Ye kalakar TV par sangeet ke karyakramon ki badaulat kuchh filmon aur albums ke liye ga chuka hai aur yuvaon mein ek mashhoor naam hai. Ab aapko hi batana hai is gayak ka naam. Recording quality achchhi nahin hai aur shrotaon ka bina matalab ka shor bhi aapako jhelana padega ye pahle hi bata deta hoon par fir bhi ye tukada gayiki ke lihaz se aapko bhi aanandit karega aisi ummid hai.

Wednesday, July 22, 2009

Asha Bhosle : Masti Mein doobiye unki sureele aawaaz ke jadoo mein Khushboo film ke in geeton ke sath...

Gulzar, Pancham aur Kishor ki tikadi ne sattar ke dashak men to kayee bemisal nagme diye jo bhulaye nahin bhoolate. Par aaj mujhe yad aa rahi hai 1975 men pradarshit film khushaboo ki jisamen o majhi re jaise.... Kishor ke sadabahar nagme to the hi par Asha ji ke gaye kuchh nagme bhi behad lokapriy huye the. Aaj isi film ke un do geeton ki baat jisamen Gulzar aur pancham ke aalava, jadoogari thi Asha ji ki behatarin gayiki ki.

Pahala geet tha bechara dil kya kare... jise sunne aur gungunane bhar se hi man masti ki ek naee tarang men doob jata hai. Iss geet ki prakrti hindi film jagat men in arthon men bhinn hai ki yahan apane dil ki bat nayika khud nahin kah rahi hai balki uske man ke halaton ko usaki mitr apana svar de rahi hai. Waise jivan men ye to aap sab ne mahasoos kiya hoga ki jab hamare man men chalati bhavanaon ko hamara karibi mitr padh leta hai to hamen man hi man khushi hi hoti hai. Isaliye geet men is khushi ki tarang sarvatr vyapt hai.

Is geet ka filmankan charitra abhinetri Farida Zalal par huaa tha. Nayika thin Hema Malini aur nayak the Jitendra jinhonne is film mein ganv ke Doctor ki bhoomika ada ki thi. agar film na bhi dekhi ho to geet k bolon se aap kafi kuchh samajh gaye honge.


Waise Gulzar ne Pancham ke ek album men geeton ka jikr kiya to ye bhi baat baanti ki Asha ji behad safaeepasand hain. Aur jab bhi vo samane dikhti Pancham ye kahna nahin chookte ki lo ab ye mujhase kam karayengi. Pancham ne to aasha ki is safaee pasandi ko dhyan men rakhakar unhen janmadin ke avasar par chandi ke warq men lapet kar ek jhadu bhi diya tha aur javab men Asha ji ke hothon par yahi geet tha


bechara dil kya kare, savan jale bhado jale
do pal ki rah nahin, ik pal ruke ik pal chale

ganv ganv men, ghoome re jogi, rogi change kare,
mere hi man ka, taap na jane, hath na dhare
bechara dil kya kare, savan jale bhado jale..

tere vaste, lakhon raste, tu jahan bhi chale,
mere liye hain, teri hi rahen, tu jo sath le
bechara dil kya kare, savan jale bhado jale..




Isi film ke liye Gulzar sahab ne ek aur behatarin geet racha tha jo ki pahale geet ki tarah hi mujhe behad priy hai.

Ab aap hi bhala bataiye yauvan ki dahaleez par kadam rakhti kis ladki ko dulhan banne ki ikchchha nahin hoti? Aur sajana sanvarna to unake svabhavik charitr ka aham hissa hai. Par is umang ke sath ek tarah ki bechaini bhi to rahati hai. Ek anajan se ghar men jane ka dar aur naye jivanasathi ke bare men uthti tarah tarah ki hajaron kalpanayen ! In bhavanaon ko Gulzar ne bade hi pyare andaj men sameta hai is geet men. Aur Asha ji ki mithi aavaj men is geet ko sunane ka apna alag hi aanand hai.


ghar jayegi tar jayegi ho doliyan chad jayegi
ho.... mehendi lagayake re kajal sajayake re
dulhaniya mar jayegi
ho..dulhaniya mar jayegi


dhire dhire le ke chalana aangan se nikalana
koee dekhe na dulhan ko gali men
ho ankhiyan jhukaye huye ghunghata giraye huye
mukhada chhupaye huye chali main
jayegi ghar jayegi tar jayegi
ho ghar jayegi ...

mehandi mehandi kheli thi main teri hi saheli thi main
toone to kusum ko chuna tha
ho toone mera nam kabhi aankhon se bulaya nahin
mainne jane kaise suna tha
jayegi ghar jayegi la la la
ho ghar jayegi ...






Click Here to read this post in Hindi devnagari script.

Click Here to post your comment on this post.

Saturday, July 11, 2009

Surmayi Shaam, Saans Lete Saye aur Jagti Parchhaiyaan...

Haal hi mein is blog par maine baat ki thi Maya Memsaab ke geet Mere sirahne jalao sapne ke bare mein. Aaiye aaj bat karate hain Hridayanath Mangeshakar ke sangeetabaddh do geeton ki, jinamen se ek ko unhonne apani aavaj bhi di hai. yoon to hrdayanath mangeshakar gair filmi album (Mira baee ke bhajan aur Ghalib ki ghazalon par) ke aalava kaee hindi filmon harishchandra taramati, chakra dhanavan, subah, mashal, lal salam jaisi filmon ka sangeet de chuke hain par mujhe nabbe ke dashak men aaee film lekin aur maya memsaab men unake dvara diya gaya sangeet sabase jyada prabhavit karta hai.

Maya memasanb ka cassette 1993 men Sterling company ne jari kiya tha. Is film ka sabse prachalit geet tha ik haseen nigah ka dil pe saya hai, jadu hai junoon hai kaisi maya hai ye maya hai...jise kumar shanu aur lata ji ne alag alag gaya tha. kumar shanu ki aavaj men is geet ki kuchh panktiyan sun kar hi is cassette ko kharid liya gaya tha. par bad men jab geet sun liye gaye to ye charcha bhi khoob chali thi ki dekhiye kumar shanu ik hasin nigah ko kuchh ik hasin nigah jaisa uchcharit karate hain. par is bat ko najaraandaj kar den to ye geet unaki aavaj par faba bhi khoob tha aur shayad yahi vajah thi ki ek alag hatake bani is film ka geet hote huye bhi sibaka geet mala ki bhinn panyadanon par kaee hafton tak ye geet apani shobha badata raha tha. ye bhi sahi hai ki gulajar ki chiraparichit chhap se paripoorn is kaiset ke baki geet utane nahin baje..

Kuchh vaisa hi hal 1991 men pradarshit film lekin ka raha jahan ek bar fir gulzar aur hrdayanath mangeshakar ki jodi thi. yara sili sili aur kuchh had tak kesariya balama to lokapriy huye par baki geet par logon ki nigah kam hi gaee. meri aaj ki post aapako in filmon ke aise hi ek-ek geet ki yad dilane ki ek koshish hai.

in donon geeton ki vishayavastu men ek samyata hai ye donon parachhaiyon ki baten karate hain. vaise sayon ki duniya se gulajar ka rishta purana hai. yad hai na aapako sitara film men aasha ji ka gaya vo nagma

ye saye hain..
ye duniya hai , parachhaiyon ki
bhari bheed men khali tanahaiyon ki
ye saye hain..


Jab insan apana aks hi kho de to usamen aur usaki parachhaeen men jyada fark nahin rah jata. par yahan to kalpana hi doosari hai. chhaya men umang hai, ullas hai, chahat hai ek naee pyari si kaya ko pane ki, sajne sanvarane ki, mayavi duniya men kadam rakhne ki....
hridayanath ji ne apani sadhi gayiki se is chhoti si bandish men jo jadu utpann kiya hai, usaka anubhav ise sunkar hi kiya ja sakta hai. apani svaralahariyon ke utar chadav se matr kuchh shabdon se kitana zabardast prabhav paida kiya ja sakta hai ye geet is ki jeeti jagati misal hai. vaise is geet men hrdayanath mangeshakar ke sath parshv men jo aavaj ubharati hai vo lata ki nahin hai jaisa kaee jagahon par ullekh hai, balki asha ji ki hai. rochak tathy ye hai ki is geet ko ekal geet ke roop men hi racha gaya tha. huaa ye kirecording ke samay apane bhaee ke sath asha ji bhi chali aaeen aur fir laga ki agar parshv se nari svar rahe to geet aur prabhavi ban sakata hai aur is tarah asha ji bhi apani humming ke sath geet ka hissa ban gayeen.

to suniye hrdayanath mangeshakar ka divy svar is geet men





chhaya jagi...
chhaya jagi...
chhaya jagi jagi
chhaya jagi jagi
chhaya jagi jagi
chhaya jagi...........chhaya jagi
chanchal chanchal komal chanchal chanchal
chanchal komal komal chanchal chanchal
kaya mangi.........kaya mangi
kaya man...........gi kaya mangi kaya mangi

saj ke solah singar
chali sapanon ke sapanon ke par
saj ke solah singar
chali sapanon ke sapanon ke par
maya lagi ....
maya lagi maya lagi maya lagi maya lagi
maya lagi lagi
maya lagi lagi

sayon se jude doosare geet ko gaya hai Suresh Wadkar ji ne. ye geet un geeton men se hai jisaki gayiki aur sangeet ne mujhamen aisi kaifiyat bhar di ki isake shabdon ki gaharaiyon men pahunchane ke pahle hi ye mere man men rach bas gaya tha. aur jab is geet ke liye likhe gulzar ke khoobasoorat lafjon ko jindagi ki kaee shamon men karib se gujarane ka mauka mila to ye geet dil ke aur karib hota chala gaya. daraasal ye geet un geeton men hain jahan shabda, sangeet aur gayiki tinon milakar aisa purazor asar paida karte hain ki aap is geet men doobate chale jate hain.

vaise kya aapako nahin lagata ki in sayon ki duniya bhi kuchh ajib si hai. aise to saye hamare sath hamesha rahte hain par divas ke avasan ke sath inaka vistar badata chala jata hai. fir kyoon na apani asali rangat tak pahunchane ke liye ye sham ka intajar karen.

suramaee sham is tarah aaye
sans lete hain jis tarah saye

par nayak ko to is sham ka intajar kisi doosari vajah se hai. shayad ye sham bhi vahi manjar duhara de.. jab vo to nahin dikhi thi par usake saye ki khushabu jehan men utar si gaee thi.

koee aahat nahin badan ki koee
fir bhi lagta hai tu yahin hain kahin
vakt jata sunaee deta hai
tera saya dikhaee deta hai
jaise khushabu najar se chhu jaye
sans lete hain jis tarah saye

aaj vo aas pas nahin par din ke ghante jyon jyon gujarate hain dil par ke oopar ka bojh halka hota jata hai. vo sham aur tera vo saya khayalon ke jariye dil ke pas jo aa jata hai

din ka jo bhi pahar guzarta hai
ik ahasan sa utarta hai
vakt ke panv dekhta hoon main
roj ye chhanv dekhta hoon main
aaye jaise koee khayal aaye
sans lete hain jis tarah saye
surmayi sham is tarah aaye..

to aaiye mahasoos karen gulzar ke shabdon ko is geet ke zariye





Kahe Tarsaye Jiyra : A beautiful classical duet by Asha & Usha Mangeshkar

Kuchh dinon pahale sangeetakar Roshan aur Sahir ki jodi dvara rachit dil jo na kah saka ke bare men bate hueen thin. aaj se char din bad yani 14 July ko sangeetakar Roshan ka janm din hai to menne socha ki kyoon na Sahir ke bolon par unake sangeetabaddh is shastriy nagme ko aapake samane prastut kar unaki yad dilaee jaye. Lata ji ke sath to Roshan sahab ne to kaee adbhut geet diye hain par aaj ka ye geet lata ji ka nahin balki Asha Bhonsle aur Usha Mangeshkar ka gaya yugal geet hai.

Agar hindi filmon men shastriy yugal geeton ki baat karein to unamen 1964 men aaee film Chitralekha ke is geet ka jikr nahin hona aashchary ki bat hogi. ye geet rag kalavati par aadharit hai jo ki madhyaratri ke poorv gaya jane vala rag hai. khair main to mangeshkar bahanon ki is shastriy jugalabandi ko kisi bhi vakt sunata hoon, man mudit ho jaya karta hai. sangeetakar raushan ki khasiyat yahi thi ko vo apani dhunon men lok sangeet aur shastriy sangeet ke beech aisa samanjasy sthapit karte the ki hrday unki jadoogari par vah vah kar uthe. bemisal gayiki aur sangeet ke aalava ek aur baat is geet ko anokha banati hain vo hain isake bola..

Sahir ek maqbool shayar to the hi filmon ke liye unaki likhi huee ghazalen bhi utani hi mashahoor hueen. par vahi shakhs shuddh hindi men bhi usi mahiri ke sath geet rachana kar sakta hai ye baat is geet ke shabdon par gaur karane se pata chal jati hai.

Chaliye ab is geet ka mood tatolate hain. savan ka mahina praranbh ho chuka hai. aise men agar piya ji paradesh men hon aur lautane ka nam nahin le rahe aur oopar se barish ki ye halki halki fuharen tan man men aur aag laga den to jiyara to tarasega hi !

to aaiye sunte hain aasha aur usha ji ki is adbhut jugalabandi ko
Get this widget eSnips Social DNA


kahe tarasaye jiyara
kahe tarasaye jiyara, jiyara...
yavan ritu sajan jake n aa...ye..
kahe tarasaye jiyara, kahe tarasaye jiyara..


nit nit jage na
nit nit ja.. jage na, nit nit ja.. jage na,
nit nit jage na
soya singa...r, soya singa.......r
jhanan jhan jhanana, nit na bula..ye
kahe jiyara tarasaye
kahe tarasaye jiyara, kahe tarasaye jiyara..

nit nit aaye na
nit nit aa.. aaye na, nit nit aa.. aaye na,
nit nit aaye na
tan pe nikha...ra, tan pe nikha......r
pavan man suman nit na khila..ye
kahe jiyara tarasaye
kahe tarasaye jiyara, kahe tarasaye jiyara

nit nit barase na
nit nit bara. barase na, nit nit bara.. barase na
nit nit barase na
ras ki fuhara, ras ki fuha...r
sapan ban gagana, nit na luta..ye
kahe jiyara tarasaye
kahe tarasaye jiyara, kahe tarasaye jiyara
jiyara...

Aur chitrlekha film ke is geet ko dekhana chahate hon to yahan dekh sakate hain






Sunday, July 05, 2009

Mere Sirhane Jalao Sapne : Dreamz without action have no meaning !

Sapne dekhane chahiye..yahi to vicharak sadiyon se kahte aaye hain par sath men vo ye bhi puchhalla jod dete hain ki apne sapanon ko poora karne ki disha men manushy ko thhos kadam bhi uthane chahiye. aur ye tabhi sambhav hai jab insan men adamya ichchha shakti, badhaon se ladane ka dridhasankalp aur mehnat se door bhagane ki fitrat na ho.

Par ye batein kahna aasan hai aur ise apne jivan men karyanvit kar pana behad mushkil. apne aas pas ki duniya men roj kaee patra aise nazar aate hain jinaki khvabon ki udan to kafi lanbi hoti hai par uske anuroop unke karmon ki ferahist behad chhoti. aur oopar se unhein is bat ka ahasas tak nahin hota. asafalta ka ek var aise logon ka utsah thanda kar deta hai. apne bhagy ko kosate vo apna samay duniya men nuqs nikalne men hi vyarth kar dete hain. par khvab hain ki fir bhi bechain kiye rahte hain aur log baag safalta ke shortcut ki talash men kuchh aise bhatak jate hain ki vapas zindagi ki gadi patri par laa pana behad mushkil ho jata hai.

Ye to nahin kahoonga ki bilkul aisa hi, par kuchh kuchh milata huaa ek jatil charitra tha Madame Bovary ka jinhen nabbe ke dashak men Ketan Mehta ne apni film maya memasaab men maya ke bharatiy roop men roopantarit kiya tha. film ki katha men maya ne bhi apni khvabon ki udan bina vanchhit karmon ki latayee ke aasaman men belagam chhod di thi. in khvabon ne jab maya ki zindagi ke makan men apne liye koee aashiyana nahin dekha to sarpon ki kenchul chada nind men apan fan failaye chale aaye use dasane.. ab aise sapanon ka kya kare maya, shayad unake dahan se hi use mukti mile..

Khvabon khayalon ki bhasha ko agar kisi geetakar dvara vividh konon se dekhe parakhe aur rache jane ki baat aati hai to sabase pahale gulzar ka nam jehan men ubharata hai. aur shayad isiliye ketan mehta ne film maya memsaab ki svachhand vyaktitv svamini maya ke man ko padhne ka kam gulzar ko saunpa. aur dekhiye kis khoobsoorati se is geet men gulzar ne maya ki bhavanaon ko apane lafz diye hai..

Mere sirhane jalao sapne
Mujhe jara si to neend aaye

Khayal chalte hain aage aage
Main unki chhaon main chal rahi hoon
Na jaane kis mom se bani hoon
Jo katra katra pighal rahi hoon
Main sahmi rahti hoon neend main bhi
kahin koi khwab das na jaye

Kabhi bulata hai koi saaya
Kabhi udati hai dhool koi
Main ek bhatki hui si khushbu
Talaash karti hoon phool koi
Jara kisi saakh par to baithun
Jara to mujhko hawa jhulaye





to aaiye sunen Hridaynath mangeshkar ke sangit nirdeshan men lata mangeshkar ki madhur svar lahari se susajjit ye geet..