सोमवार, अप्रैल 27, 2009

Ranchi KI Ek Shaam Peenaz Masani Ke naam ; Kahan the raat ko humse zara nigah mile

Pichhali post mein Peenaz se judi yadon ko bantate vakt aapase vada kiya tha yah batane ka ki aaj ki Peenaz masani mujhe kyoon nahin bhati ? karib dhaee sal pahale ki bat rahi hogi. karyalay ke kam se karnatak ke shimoga ke pas ke apane bhadravati ke sanyantr mein gaya tha. kam nipatane ke bad achanak khabar mili ki sham ko Peenaz masani ka karyakram hai.



par dikkat ye thi ki karyakram mein shirakat karane ke liye pass ki jaroorat thi jo hamare pas nahin tha. thi to bas mitr ki ek ambessador gadi. ab ambessador chahe kaisi bhi ho, isase utarane ke mane ek chhote se shahar mein yahi hain ki aap sarakari mahakame vale hain. to janab pulis ke bandobast ke bich ham kar se utare aur bina idhar udhar dekhe sidhe hanl ke prangan mein chal pade. ab majal hai ki koee hamare pass ke bare mein poochhata. :)

daraasal main aur mere variy sahayogi Peenaz ki gaee ghazalon ke prashansak rah chuke the. andar pahunche to stej ko dekh majara samajh nahin aaya. bhala ek ghazal gayika ke sho mein itani prakash vyavastha aur pichhe rakhe vishal myoojik sistam ka kya kam ! karyakram shuru hote hi jis tarah nartakon aur nrtyanganaon ke bich Peenaz ne pravesh kiya, ye samajh aa gaya ki yahan ghazalon ke aalava sab kuchh hone vala hai. aur huaa bhi vahi. ghazalon ko apani surili aavaj se sanvarane vali Peenaz naye chalatau ganon mein nartakon ke sath thirakati najar aaeen. gane bhi aise jisamein gayiki se jyada nachane ka skop jyada ho. man hi man dukhi huye ki pravesh ke liye itani bahaduri dikhane ke bad ye najara dekhane ko milega. fir ye sochakar santosh kiya ki shayad ye karnatak hai, ye sochakar Peenaz ne karyakram ki rooparekha ऍsi rakhi hogi.



isiliye jab ek hafte pahale ranchi mein hamare karyalay ke sabhagar kaksh mein Peenaz masani ke karyakram ke bare mein suna to socha ranchi mein selakarmiyon ke bich to vo apani ghazal jaroor sunavayengi. par jab yahan bhi unake karyakram ka vahi roop dekha to man behad nirash ho gaya. myoojik sistam ke shor ke bich mein sadha nrty karate nartak par Peenaza, sirf geet ke mukhade aur ek aadh antare ko ga rahi thin aur vo bhi ukhade ukhade suron ke satha. shayad vo sochati hain ki aaj ke shrota achchhi gayiki se jyada glaimar aur chakachaundh par jyada vishvas rakhate hain.


khair in filmi geeton ke bich unhonne betiyon par likha ek pyara nagma ga kar sunaya jise sun kar man ko thoda sukoon pahuncha

sanson mein preet bhare,
ragon mein geet bhare,
sapanon mein rang bhare beti.
lakshmi ka deep jale,
aarati ka shankh baje,
jis ghar mein vas kare beti.'


Peenaz ne bataya ki is geet ki sangeet rachana shantanu moitra ki hai aur vo apane har karyakram mein is geet ko jaroor pesh karati hain taki is bare mein logon mein jagarukata bade.

jab ghazal sunane aaee janata ko geeton ki ye mar bhari padane lagi to kisi ne pichhe se aavaj di ki ghazal sunane ko kab milengi? Peenaz turant mahaul ko samajh gaee aur kaha ki myoojishiyan to main apane sath laee nahin fir bhi aapaki kya faramaish hai. pahale anurodh par unhonne yoon unaki bajm e khamoshiyon ne kam kiya ..sunaya jise sun kar man gadagad ho gaya. fir kisi ne aaj jane ki zid na karo ka anurodh kiya. unake gaye huye bhag ki ek hisse ki recording main kar paya. lijiye suniye...


aur jab isake bad unhonne poochha aur koee request to mujhase na raha gaya aur main kah baitha kahan the raat ko hamase zara nigah mile sunaiye aur Peenaz ne use bhi ga kar sunaya. pichhali post mein pesh ki gaee ghazal ki tarah janab Dag Dehalavi ki ye ghazal bhi mujhe behad priy rahi hai. Jo log munh ki bajaye aankhon ke jariye apani bhavanaon ko sampreshit karane mein vishvas rakhate hain unhein ye ghazal nishchay hi pasand aayegi..




kahan the raat ko hamase jara nigah mile
talash mein ho ki jhootha koee gavah mile

ye hai maje ki ladaee ye hai maje ka milap
ki tujhase aankh ladi aur fir nigah mile

tera guroor samaya hai is kadar dil mein
nigah bhi n milaoon jo badashah mile

masalahat* ye hai ki milane se koee milata hai
milo to aankh mile, mile to nigah mile


rahasya, paramarsh *

ye sab sunakar karyakram ke pahale hisse mein ho raha malal kuchh had tak dhul gaya. par karyakram khatm hone ke bad ham sab yahi vichar vimarsh karate rahe ki jis sur mein aur jis siddhasthata ke sath vo ghazalen gati hain use chhodakar ek behad mamooli tarah ke stej gayak ki chhavi odane ki unhen kya jaroorat pad gaee hai. is saval ka javab to Peenaz masani hi de sakati hain par aap kahen ki aap ki kya ray hai is bare mein...




Click Here to read this post in Hindi devnagari script.






रविवार, अप्रैल 26, 2009

Peenaz Masani : Yoon Unki Bazm E Khamoshiyon Ne Kaam kiya

Peenaz Masani assi ke dashak men ek aisi aavaj thi jise baraha ham aur aap dooradarshan par suna karate the aur saraha karate the. us vakt ghar men ghazalon ki kaiset kam hi aa pati thin kyoonki unake dam us jamane men bhi assi rupaye se oopar huaa karata the aur vo hamare us vakt ke jeb kharch se kahin jyada tha.

shayad aathavin class men raha hoonga jab ghar men nepal sima par rahane vale ek rishtedar vahan se kuchh kaiset laye the. unhin men se ek kaiset thi jisaki ek said men Peenaj Masani aur doosari said men talat ajij ki ghazale thin. vo kaiset mujhe behad pasand aaee. lihaja use rivaind kar kar itana suna gaya ki usaka tep ragad khakar toot gaya. bad men pinaj ko sunate rahe par utana aanand kabhi nahin aa paya.



munbaee yoonivarsiti se snataka, Peenaz Masani aagara gharane ki shagird rahi hain aur ghazal gayiki unhonne ustad madhurani ji se sikhi. 1981 men bataur gayika ke roop men unhen pahachan mili. par isaka ek bada shrey sangeetakar jayadev ko bhi jata hai jinhonne pinaj ki pratibha ko 1978 men ek sangeet pratiyogeeta ke dauran pahachana. is pratiyogeeta men pinaj avval rahi thin. jayadev ne is yuva pratibha ke kairiyar men kafi dilachaspi li jisaki vajah se pinaj dooradarshan par ghazal gayika ke roop men pahachani jane lagin.

assi ka dashak ghazal gayakon ke liye svarnim kal kaha ja sakata hai. kya pankaj udhasa, kya anoop jalota sab ke sab gold aur pletinam disk jit rahe the. is daur men pinaj ke bhi darjanon elabam aaye aur vo bhi pletinam disk ki hakadar banin. par jyon hi film sangeet nabbe ke dashak se fir apane ko sthapit karane laga, myoojik kanpaniyon ki ruchi in kalakaron men kam hone lagi. pichhale das salon men pinaj ne bahut kam hi gaya hai, par unake purane samay ko yad kara, sarakar ne hal hi men unhen padmashri samman se vibhooshit kiya.

aaj jo ghazal aapake samane pesh kar raha hoon ye usi kaisat ka hissa thi jisaka jikra, mainne is pravishti ke shuru men kiya hai.. is ghazal ka sangeet sanyojan kiya tha madhurani ji ne to aur isake bol likhe the saeed rahi ne. pinaj ki gayiki ka andaj kuchh aisa hai ki samany se lagane vale ashaaaron me unaki aavaj ki khanak se ek naee chamak aa jati hai



yoon unaki bajm-ye-khamoshiyon ne kam kiya
sab hi ne meri mohabbat ka ehataram kiya

hamara nam bhi lene lage vafa vale
hamen bhi aa ke farishton ne salam kiya

tere hi khata, teri tasavir le ke baith gaye
ye hamane kam yahi subah sham kiya

jamana unako hamesha hi yad rakhega
vo jisane ishk ki duniya men apana nam kiya

tu bevafa hai magar mujhako jan se pyara hai
isi ada ne rahi tera gulam kiya


Par achanak Peenaj Masani mujhe kyoon kar yad aa gaeen? daraasal kuchh dinon pahale vo ranchi aaee thin, hamara yani sel parivar ka manoranjan karane aur mainne bhi us karyakram men bhag liya tha. agali post men aapako bataoonga ki aaj ki Peenaj Masani mujhe kyon nirash karati hain ? sath hi hogi usi kaisat ki meri ek aur pasandida ghazal jisaki kuchh panktiyan unhonne mere anurodh par karyakram men gakar sunaeen...



शनिवार, अप्रैल 18, 2009

Main Ek Aghoshit Pagal Hoon : A touching poetry by politician on the politicians

Kal jab ranchi ke dainik prabhat khabar ke mukh prshth par chhapi desh ke ek purane neta sva. ramdutt joshi ki kavita dekhi to aaj ke netaon ke girate naitik star par behad rosh aaya. aajakal ke is chunavi mahaul men ye kavita behad prasangik hai. par isase pahale ki aap ramadatt joshi ji ki ye vyangyatmak kavita paden, thodi janakari joshi ji ke bare men aapase bantata chaloon jo is akhabar aur antarajal ke madhyam se mujhe mili hai.

ramdutt joshi sahab sath ke dashak men praja soshalist parti ke neta the. ve do bar tab ke uttarapradesh aur aaj ke uttarakhand ki kashipur vidhanasabha sit se vidhanasabha ke liye chune gaye. 1967 ke chunavon men unhonne congress ke bade neta aur uttarakhand ke bhootapoorv mukhyamantri narayan datt tivari ko bhi hara diya tha. joshi sahab ki ek aur kavita 'nainital ki sham' bhi behad charchit huee thi. aaj jab rajaniti, parivaravada, bhrashtachar aur aparadhikaran ke daladal men fansati ja rahi hai, joshi ji ka sahaj shabdon men girate naitik moolyon par ye kataksh dil ko jhakajhor jata hai. to aaiye paden aur sunen is kavita ko aur sankalp len ki jahan tak ho sake hamara vot svachchh chhavi vale ummidavaron ke hak men hi pade


jo bit gaya main vo kal hoon
kalantar ne paribhashayen, shabdon ke arth badal dale
siddhantanishth to sanaki hai, khabti hain naitikatavale
nahin dhan botarane ka shaoora, jyon band akal ke hain tale
eemanadar hain bevakoofa, vah to moorakh hain matavale
aadarshavad hai pagalapana, lekin main usaka kayal hoon
main ek aghoshit pagal hoon

nirvachit janasevak hokar bhi mainne vetan nahin liya
jo farst klans ka nakad kiraya bhi milata tha nahin liya
pahale daraje men rel safar ki fri suvidha ko nahin liya
sadharan shreni men janata ke sath khushi se safar kiya
jo vyarth marusthal men barasa main ek akela badal hoon
main ek aghoshit pagal hoon

janata dvara parityakt vidhayak ko penshan ke kya mane
hai ek dakaiti kanooni, janata bechari kya jane ?
kanoon banana janahit men jinaka kartavy vahi jane
kyon apane hi aishvary vrddhi ke niyam banate man mane
aansu se jo dhul jata hai, dukhati aankhon ka kajal hoon
main ek aghoshit pagal hoon

sada jivan oonche vichara, yah sab dhakosalabaji hai
abake jyadatar netagan jhoothe , pakhandi paji hain
koee vaicharik vad nahin, koee sainddhantik soch nahin
sarvopari kursivad eka, jisaka nindak main pagal hoon
main ek aghoshit pagal hoon

jan pratinidhiyon ka jivan stara, sadharan ke hi saman
hai lokatantr men aavashyaka, samuchit hai naitik sanvidhan
koee kora upadesh nahin, gandhiji ka kirtiman
landan ke rajamahal men bhi, bharat ke pratinidhi ne mahan
charitarth kiya aadarshon ko, jinaka main man se kayal hoon
main ek aghoshit pagal hoon

kadiyan, eeton ki chhat divaren, darakin bina palastar ki
toote ukhade hain farsh aur hain fati chadaren bistar ki
ghar ki n marammat kara saka, do bar vidhayak rah kar bhi
main ek khandaharavasi hoon, khush hoon is badahali men bhi
lakhon janasadharan hain beghara, unaki pida se ghayal hoon
main ek aghoshit pagal hoon








Click Here to read this post in Hindi devnagari script.




गुरुवार, अप्रैल 09, 2009

History of Bangladesh's Independence Struggle : Main Borishailla by Mahua Maji

Vaise to is blog par ab tak kaee kitabon ki charcha huee hai par aaj fark sirf itana hai ki is kitab ko padane ke pahale, isaki lekhika mahuaa maji ko hindi divas samaroh men dekhane sunane ka saubhagy mujhe mila hai. main borishailla, ranchi ki lekhika mahuaa maji ka pahala upanyas hai jo hamare padosi desha, bangladesh ke mukti sangram ki amar gatha kahata hai.

samajashastr se snatkottar karane vali mahuaa maji ji ne bangladesh ko hi aakhir apane upanyas ka vishay kyoon chuna? daraasal lekhika ka dadihal dhaka aur nanihal barisal borishal raha. isaliye bang bhoomi se bahar rahati huee bhi unake purakhon ki matrbhoomi aur vahan se aaye logon ke bare men unaki sahaj utsukata bani rahi.

jaisa ki vishay se spasht hai, is tarah ka upanyas likhane ke liye gahan chhan bin aur tathy sankalan ki aavashyakata hai. mahuaa ne jis tarah is pustak men muktivahini ke karyakalapon ka vivaran diya hai, usamen unake dvara risarch men ki gaee mehanat saf jhalakati hai. ab agar aap is uhapoh men hon ki pustak ka shirshak main borishailla kyoon hai to isaka sidha sa javab hai ki aanchalik bhasha men bangladesh ke dakshini hisse men avasthit is sanskrtik nagari borishal barisal ke logon ko borishailla kaha jata hai aur is kahani ke nayak keshto ghosh ki karmabhoomi bhi borishal hi hai isiliye vo kah sakata hai 'main borishailla'.

mahuaa ne apani katha kesto ke madhyam se rachi hai. kesto ka bachapan borishal shahar men bita aur fir jab usake pita ki mithaee ki dukan men aag lag gaee to use apane bhaee bahanon ke sath apane paitrk ganv shonaramapur jana pada. kesto ke bachapan ki kahani kahane men mahuaa bang bhoomi ka poora najara aapake samane la khada karati hain. gachh bhara nariyala, pokhar bhari machhali, voroj bhara pan aur gola bhara dhan jaise drshy rah rah kar ubharate hain. har mausam ki apani nirali chhata ko lekhika ne apani kalam men bakhoobi kaid kiya hai. gram bangla men utar aaee sharad ritu ke bare men vo likhati hain


"......barasat khatm hone ke sath hi aakash ka rang badalane laga. jeth ke madhy se lagatar rote rahane ke bad is aashvin men aakar aakash manon dil kholakar hans pada. svachchh bharahin badalon ke kuchh jhund aakash ke hansate nile chehare par safed danton ki tarah chamakane lage. jhootakali, mohanachuda, hariyala, haldimana, tooni, bangaee jaise tarah tarah ke rang birange pakshi jo barish ke karan najar nahin aate the, jhund ke jhund pankh pasar kar khule aakash men mandarane lage. khule maidan men jahan lambe lambe dhan ke paudhe nahin the, pani ke oopar door digant tak manon foolon ko samrajy bichha huaa tha. lal lal kumud foolon ka, jalakumbhi ke nile nile manabhavan foolon ka aur bade bade thal se bichhe hare patton ke bich sar uthaye khade safed gulabi kamal foolon ka samrajya......"

aanchalik parivesh ki prastuti jamin se judi lage isake liye lekhika ne hindi shabdon ko vaise hi likha hai jaise ve bangla men bole jate hain. sath hi sath unhonne jagah jagah bang bhoomi ke mahan kaviyon, bhatiyari lok giton aur mukti sangram ke prerak naron ko hindi ke sath sath bangla men bhi likha hai taki pathak ko us sanskrti aur us samay ke mahaul se apana samanjasy bithane men sahooliyat ho.

poore upanyas ko do bhagon men banta ja sakata hai. pahale charan men lekhika kesto ki bachapan ki shararaton se lekar kishoravastha men munbaee bhagane aur fir prem men asafal hokar vapas borishal men ek bade vyavasayi aur bandi bildar banakar apane aap ko sthapit karane ki kahani kahati hain. upanyas ka agala charan svatantr pakistan ke poorvi hisse men ubhare bhashaee rashtravad ki katha kahata hai. pashchimi pakistan ke shasakon dvara nirantar barate jane vale bhedabhava, se ye bhashaee rashtravad svatantrata sangram men tab badal jata hai jab chunavi jit ke bad pakistani shasak shekh mujib ko satta hastantarit kiye jane se aanakani karate hain.

fir shuru hoti hai muktivahini ke abhyuday ke sath pakistani shasakon ke barbar julm ki gatha jo kaee jagah rongate khadi kar deti hai. agar aap muktivahini ki utpatti ke karanon, unake ladane ke tarikon aur us kalakhand men pak sena dvara ki gaee barbarata aur bharat dvara kiye gaye paroksh aur pratyaksh sahayog ke bare men vistar se janane men ruchi rakhate hon to ye upanyas aapake liye hai. bharat ke yuddh men nirnayak sahayog ke bavajood bhi bangladeshiyon ki bharat ke prati sandeh karane ki pravrti aur vigat varshon men alpasankhyak hinduon ke sath hone vali dangaee hinsa ka jikr bhi ek kachot ke sath lekhika ne kiya hai.

mahuaa maji ke is upanyas ko padane ke bad kuchh prashn dimag men svataः uthate hain.
kya dharm ko kisi rashtr ki utpatti ka aadhar banana chahiye ? agar aisa hota to pakistan ke do tukade kabhi na banate. 'main borishailla' ki rachana prakriya par bat karate huye mahuaa maji kahati hain ki bangladesh ke mukti sangram ko apane pahale hi upanyas ka vishay banane ka karan tha ki main naee pidhi ke liye use ek drshtant ke roop men pesh karana chahati thi ki aaj beshak poori duniya men sari ladaiyan dharm ke nam par hi ladi ja rahi hain, lekin sach to ye hai ki sara khel satta ka hai.
upanyas ke aakhir men apani bat ko prabhavi dhang se rakhate huye mahuaa likhati hain

"........to kya dharm se adhik mahattvapoorn kuchh aur tatv hain jo dharm ke sath shamil hain ya dharm unamen shamil hai. kya hain vo tattv ? yah to ham sabane dekha hai ki poorvi pakistaniyon ke liye dharm se adhik mahattvapoorn sanskrti rahi. tabhi to bangla bhasha, sahity sanskrti ke liye bhasha aandolan huaa aur aandolanon ka silasila chal nikala .
aur pashchimi pakistaniyon ke liye? unake liye nishchay hi dharm se adhik mahattvapoorn satta rahi. varchasv ka sukha, shoshan se prapt ऍshvary ka sukh hamesha unake dharm par havi raha tabhi to samanadharmi hote huye bhi vo poorvi prant ke logon se itani kroorata se pesh aaye jitani ki koee vidharmi bhi nahin aa sakata tha.
isaka matalab dharm utana mahattvapoorn nahin jitana jatalaya jata hai. mahattvapoorn hote hain doosare karaka. dharm to sirf ek mukhauta hai jise pahanakar aur pahanakar kuchh svarthi tattv apana svarth sadhate hain. ...."


mahuaa maji ne apane 399 prshthon ke upanyas men rochakata banaye rakhi hai. ' rajakamal' dvara prakashit is upanyas ko July 2007 mein 'indu sharma katha samman' se navaja gaya tha. 150 rupaye ki is pustak ko aap net par yahan se kharid sakate hain.





मंगलवार, अप्रैल 07, 2009

Akele Dekhi Pehli Film ka Wo Pyara Sa nagma : pyar ke mod par..

Cinema dekhana mere liye kabhi lat nahin bana. shayad hi kabhi aisa huaa hai ki mainne koee film sho ke pahale hi din ja kar dhakka mukki karate huye dekh li ho. par isaka matalab ye bhi nahin ki movie haal mein jakar film dekhana achchha nahin lagata tha. bas dikkat mere sath yahi hai ki man layak film nahin rahane par mujhe tin ghante pikchar jhel pana asahy kary lagata hai. isiliye aajakal kafi tahakikat karake hi film dekhane jata hoon.

par bachapan ki bat doosari thi. daraasal hamare pitaji padaee likhaee ke sath parivar ke manoranjan ka bhi khasa khyal rakhate the. so unaki vajah se har hafte ya fir do hafton mein ek bara, do rikshon mein savar hokar hamara panch sadasyon ka kunaba patana ke vibhinn sinemahanlon mona, elifistana, ashoka, apsara aur vaishali aadi ka chakkar laga leta tha. ye silasila tab tak chala jab tak papa ka tabadala patana se bahar nahin ho gaya. 1983 mein release huee rajesh khanna ki avatar sare parivar ke sath dekhi gaee meri aakhiri film thi.

yek bar dasavin mein ladakon ne skool mein free period ka fayada uthakar film dekhane ki sochi. yojana ye thi ki free period ke samay film dekh li jaye aur film ki samapti tak ghar par hajiri bhi de di jaye. ab film bhi kaun si ? Brook Shield ki Blue Lagoon:) . man hi man dar rahe the ki sahi nahin kar rahe hain. par sathiyon ke josh dilane par skool se bahar nikal aaye, par ayen vakt par mukhy shahar ki or jane vali bas ke panyadan par pair rakhakar vapas khinch liya. dost bas se pukarate rahe par main anamane man se vapas laut aaya.

usake bad film dekhana ek tarah se band hi ho gaya. 89 mein enggg mein dakhila huaa to pahali bar ghar se nikale. pahale semaetar ki shuruaat mein kanlej kainpas se bahar jana to doora, raiging ke dar se ham hanstal ke bahar nikalana bhi khatare se khali nahin samajhate the. jate bhi to kaise, praya aisi kahaniyan sunane ko milati ki log gaye the film dekhane par siniyars ne firayalal chauk par jabaradasti ka trafik inspektar bana diya. yani khud ka manoranjan karane ke bajaye doosaron ki hansi ka patr ban gaye.

khair, ek mahine ke bad jab ragging ka daur kam ho gaya to ham doston ne milakar ek film dekhane ka karyakram banaya. pahali bar akele kisi film dekhane ke aalava ye mauka chhaः sal ke antaral ke bad sinema hanl mein jane ka tha. seniors se bachne ke liye student bas ki jagah staaf bus li aur chal diye ranchi ke ratan talkies ki or.


vo film thi vidhu vinod chopada ki parinda. itane salon bad bade parde par film dekhana bada romanchak anubhav raha. nana patekar ka kasa huaa abhinay aur madhuri dikshit ki masoomiyat bhari khoobasoorati bahut dinon tak smrti patal par ankit rahi. aur sath mein chhaya raha is film mein aasha aur suresh wadkar ke svaron mein gaya huaa ye yugal geet

pyar ke mod pe chhodoge jo bahein meri
tumako dhoondhegi jamane mein nigahen meri


gane ki jan aasha taee ka gaya ye mukhada hi tha jisake bol aur dhun sahaj hi man ko aakarshit kar leti thi.
ye vo samay tha jab film jagat ne hi R.D. Burman ko ek chuka huaa sangeetakar man liya gaya tha. par is film ka sangeet kafi saraha gaya aur is geet ke aalava tumase milake aisa laga tumase milake..bhi kafi pasand kiya gaya. parinda ke geeton ko likha tha Khursheed Hallauri ne. to aaiye sunen parinda film ka ye yugal geet...


बुधवार, अप्रैल 01, 2009

Ye sara jism jhuk kar bojh se duhara huaa hoga : Dushyant Kumar

Jaisa ki kuchh dinon pahale aapako bataya tha ki aajakal jin kitabon ko pad raha hoon unamain dushyant kumar ki 'saye main dhoop' bhi hai. is kitab ki tarif bahut suni thi aur radhakrishan prakashan dvara prakashit is kitab ko jitna suna tha, usase behatar hi paya.

Aaj log badi sankhya main ghazal ko samajik rajanitik halaton se jod kar apani bat ko kah rahe hain. par vahin dushyant ji ne to aaj se 35 varsh pahale hi (saye main dhoop ka pahala sanskaran 1975 main chhapa tha) apani marak lekhani ke dvara apane aas pas ki garibi, bhrashtachar aur samaj main badati sanvedanahinata ko bakhoobi chitrit kiya tha. dukh ki bat ye hai ki tin char dashak pahale likhe in ashaaaron ko dekhane se ye lagata hai ki ye aaj ki sthiti ke liye likhe gaye hon.

Aisi hi ek ghazal ko aaj aap sab tak pad kar pahuncha raha hoon . isaka har ek sher mere dil ke aar par nikal gaya. to sunate sunate mahasoos kijiye dushyant ji ki is bemisal ghazal ko


ye sara jism jhuk kar bojh se duhara huaa hoga
main sazde* men nahin tha aapako dhokha huaa hoga

prarthana mein jhuka huaa

aur niche ke sher ko padate samay kya aapako hamare afasarashahon aur rajanitijnyon ki yad nahin aati jinaki yojanaon ke liye svikrt dhan nadi ke pani ki tarah unaki jeb men thahar jata hai.

yahan tak aate-aate sookh jati hain kaee nadiyan
mujhe maloom hai pani kahan thahara huaa hoga

aur agale ashaaar hamare samaj par aisi teekhi chot karate hain ki kahin na kahin ham aap bhi usaki mar se apane ko lahuluhan pate hain

ghazab ye hai ki apani maut ki aahat nahin sunte
vo sab ke sab parishan hain vahan par kya huaa hoga


tumhare shahar mein ye shor sun-sun kar to lagta hai
ki insanon ke jangal men koee hanka huaa hoga

kaee faanke bita kar mar gaya jo uske bare mein
vo sab kahte hain ab, aisa nahin ,aisa huaa hoga

yahan to sirf goonge aur bahare log baste hain
khuda jane yahan par kis tarah jalsa huaa hoga

chalo, ab yadagaron ki andheri kothari kholen
kam-aj-kam ek vo chehara to pahachana huaa hoga


60 rupaye ki ye kitab agar aap ke sangrah men nahin hai to ise jaroor kharidein.

Click Here to read this post in Hindi script.

Click Here to post your opinion about this post.