गुरुवार, मार्च 26, 2009

Annual Musical Countdown 2008 : Winner: Ek Lau Zindagi ki Kyun Bujhi Mere Moula !

Aaj upasthit hoon varshik sangeetamala 2008 ke sarataj geet ko lekara. apani varshik sangeetamalaon mein mainne aksar unhin geeton ko sarataj geet ka sehara pahanaya hai jinhonne mujhe buri tarah udvelit kiya hai, jinake prabhav se main jald mukt nahin ho paya hoon. is geet ki aaranbhik dhun mainne munbaee trasadi ke turant bad NDTV India par suni thi. shuruaat ki dhun mein bajata guitar ka tanatanata svar jahan hamari asahayata par bhari chot kar raha tha vahin baki ka sangeet aankhon ko nam karane ke liye kafi tha. is geet ki takat ka andaja isi bat se lagaya ja sakata hai ki is geet ne sare desh ke logon ko NDTV ke dvara chalaye gaee muhim se jodane mein mahattvapoorn yogadan diya.

Par jab aap is poore geet ko sunte hain to un tamam logon ki tasavir ubharati hai jo vakt ke kroor hathon apani hansati khelati jindagi ko anayas hi kho kar aise shoony mein vilin ho gaye jahan se lautakar koee nahin aata.

'Aamir' film mein ye geet nirdosh aamir ke aatankavadiyon ke jal mein fansane ke bad bam visfot mein usaki asamay mrtyu ke bad bajata hai. aakhir kya chahata hai ek aam aadami apani jindagi se..yek ऍsa samaj jahan na koee nafarat ki lakire hon aur na hi insan ko insan se bantati sarahaden. isiliye geetakar amitabh varma in bhavanaon ko apane shabd dete huye likhate hain...



dhoop ke ujale se oos ke pyale se
khushiyan mile hamko
jyada manga hai kahan , sarahaden na ho jahan
duniya mile hamako
par khuda khair kar usake araman mein
kyoon bevajah ho koee kurban
gunacha muskurata ek vakt se pahale
kyoon chhod chala tera ye jahan
ik lau is tarah kyoon bujhi mere maula
ik lau jindagi ki maula



Ye ek aisa prashn hai jo haraisi trasadi ke bad hamare dil ke jakhmon ko aur hara kar deta hai aur jab tak ghrna aur nafarat failane vale logon ko ham apane samaj se bahar nahin kar payenge tab tak ye prashn hamare liye anuttarit hi bana rahega.

Jaisa ki aapako pahale bhi bata chuka hoon ki aamir film ka sangeet diya hai amit trivedi ne aur is geet ko gaya hai shilpa rav ne. daraasal aamir film ke sangeet nirdeshan ke liye amit trivedi ke nam ki sifarish shilpa rav ne hi ki thi. is sal shilpa rav ka gaya sabase lokapriy geet khuda jane.. hi raha hai par isase pahale unaka gaya vo ajanabi..bhi charchit huaa tha.


Shilpa rao ek chhote se shahar se upaji kalakar hain. aur agar main ye kahoon ki vo shahar mere rajy mein sthit hai to shayad ye tathy aap mein se kaiyon ko chauka de. shilpa jamshedpur se talluk rakhati hain aur sangeet ki aaranbhik shiksha unhonne apane sangeetajny pita se li. shuruaati daur mein vo chhote mote stej sho kiya karati thin. ऍsi hi ek sho mein unaki mulakat shankar mahadevan se huee. shankar ke protsahan se unhonne munbaee ka rukh kiya aur ab apani pratibha se sabako prabhavit kar rahi hain...

to chaliye sunate hain aamir film ka ye dilachhoota nagma....





ik lau is tarah kyoon bujhi mere maula
gardishon mein rahati bahati gujarati
jindagiyan hain kitani
in mein se ik hai, teri meri agali
koee ik jaisi apani
par khuda khair kara, ऍsa anjam kisi ruh ko na de kabhi yahan
gunacha muskurata ek vakt se pahale
kyoon chhod chala tera ye jahan
ik lau is tarah kyoon bujhi mere maula
ik lau jindagi ki maula

dhoop ke ujale se os ke pyale se
khushiyan mile hamako
jyada manga hai kahan , sarahaden na ho jahan
duniya mile hamako
par khuda khair kar usake araman mein
kyoon bevajah ho koee kurban
gunacha muskurata ek vakt se pahale
kyoon chhod chala tera ye jahan
ik lau is tarah kyoon bujhi mere maula
ik lau jindagi ki maula




Varshik sangitamala ke samapan ke sath un sabhi pathakon ka shukriya ada karana chahoonga jo is lanbe safar men sath bane rahe.

Click Here to read this post in Hindi (Devnagari) Script.

Click Here to post your comment on the song.

सोमवार, मार्च 23, 2009

Annual Musical Countdown 2008 Review : Which is your favourite song of year 2008.

Varshik sangeetamala 2008 mein bacha hai sirf shikhar par baitha sarataj geet. par isase pahle ki us geet ki charcha ki jaye ek nazar sangeetamala ke is sanskaran ki baki paaydanon para. Bataur sangeetakar A.R.Rahman ne is sal ki sangeetamala par apani badashahat qayam rakhi hai. jodha akabar, yuvaraj, jane tu ya jane na, gazni ki badaulat is sangeetamala mein unke geet das bar baje. rahman ke aalava is sal ke anya safal sangeetakaron mein vishal shekhar, salim suleman aur amit trivedi ka naam liya ja sakta hai.

is saal ki sangeetamala mein Amitabh Verma, Jaydeep Sahani, Ashok Mishra, Irfan Siddaqui, Mayoor Suri, Qausar Muneer,Abbas Tyrevala aur Anvita Dutt Guptan jaise naye geetakaron ne pahli baar apni jagah banaee. Itne sare pratibhashali geetakaron ka ubharana film sangeet ke liye shubh sanket hai.

Wahin gayak gayikaon mein Vijay Prakash, Javed Ali, Rashid Ali, Shrinivas aur Shilpa Rao jaise namon ne pahali bar sangeet premi janta ka dhyan apani or aakarshit kiya.

to aaiye chalen is sal ki varshik sangeetamala ke punaravalokan (flashback) para..


वार्षिक संगीतमाला 2008 पुनरावलोकन:


This was the list of my favourite songs for the year. Tell me which is the most favourite song for u in year 2008 ?

Click Here to post your comments.

शुक्रवार, मार्च 20, 2009

Annual Musical Countdown 2008 : Runners Up: Kehne ko Jashn E Bahara Hai...

Varshik sangeetamala ka ye pichhale dhaee mahine ka safar tay kar ke aa gaye hain ham varsh 2008 ke doosre number ke geet par. Aur ye geet hai film Jodha Akbar ka. Javed Ali ka gaya, Javed Akhtar ka likha aur Allah Rakkha Rahman ka sangeetabaddh ye geet sangeet, bolon aur gayiki teenon hi drshtikonon se gajab ka prabhav dalta hai.

Waise to Javed Akhtar sahab ko is saal ka filmfare award isi film ke ek aur khoobasoorat nagme in lamahon ke daman ke liye mila hai par is geet ke bol bhi kamal ke hain. Is geet mein unhonne akbar aur jodha ke beech ke prem aur shadi ki paristhitiyon se paida tanav ko ubhara hai vo geet ki har pankti mein sahaj hi mahasoos kiya ja sakata hai.



Zindagi mein manachaha hamasafar agar sath ho to khushiyan kabhi behad najadik si mahasoos hoti hain. Par un khushiyon ko dil tak pahunchane ke liye apane bich ki aham ki divar ko girana padata hai. Poorvagrah mukt hona padta hai. Kayee baar ham ye sab jante boojhate bhi apne ko is dayare se bahar nahin nikal pate. Aur fir man mayoosi ke daur se guzarne lagta hai.

Dekhiye in bhavanaon se gunthe javed ke shabdon ko javed ali ne kis khoobasoorati se ada kiya hai aur pichhe se rahaman ka bahata nirmal sangeet dil ko geet mein ramane mein majaboor kar deta hai.

aur agar javed ali aapake liye naye nam hon to unake bare mein isi sal ki sangeetamala ki ye post dekhiye ....


Kehne ko Jashn-e-bahaara hai
Ishq yeh dekh ke hairaan hai
Phool se khushboo khafa khafa hai gulshan mein
Chhupa hai koi ranj fiza ki chilman mein
Saare sehmein nazaare hain
Soye soye waqt ke dhaare hain
Aur dil mein khoyi khoyi si baatein hain
Kehne ko Jashn-e-bahaara hai .....

Kaise kahein kya hai sitam
Sochte hain ab yeh hum
Koi kaise kahein woh hain ya nahi hamaare
Karte to hain saath safar
Faasle hain phir bhi magar
Jaise milte nahi kisi dariya ke do kinaare
Pass hain phir bhi paas nahi
Humko yeh gham raas nahi
Seeshe ki ek diwar hai jaise darmiyaan
Kehne ko Jashn-e-bahaara hai .....
Hum ne jo tha naghma suna
Dil ne tha usko chuna
Yeh dastaan hamein waqt ne kaisi sunaai
Hum jo agar hain gumgheen
Woh bhi udhar khush to nahi
Mulaquaato mein hai jaise ghul si gai tanhai
Milke bhi hum milte nahi
Khilke bhi gul khilte nahi
Aankhon mein hai baharein dil mein khiza
Kehne ko Jashn-e-bahaara hai .....

सोमवार, मार्च 16, 2009

Annual Musical Countdown 2008 : Song No. 3 - Aadmi Aazaad Hai..A song which depicts state of democracy in India

Varshik sangeetamala main ab bachi hai aakhiri ki teen positions. tisari payadan par geet vo jise aapake sunane ki sambhavana kam hi hogi kyoonki is geet ki charcha main ab tak kam hi huee hai. nukkad geeton ki shaili main racha ye geet ek group song hai jo is desh main prajatantr ki gauravashali paranpara ko pahle to yaad karta hai aur fir aaj ke lokatantr main aaye khokhalepan ka jikr karta hai. ab jab ki loksabha ke chunavon ki ghoshana ho gaee hai agar ilektranik midiya ki najar is geet par jaye to isaka is chunavi mausam main achchha istemal ho sakta hai.

Daraasal is tarah ke geet hindi filmon main behad kam najar aate hain jabaki aaj ke samajik rajanitik halat main aise kaee geeton ki jaroorat he jo itane sal ke lokatantr ke bavajood paida huee visangatiyon ko rekhankit kare. par aise geet tabhi likhe jayenge jab in vishayon ko lekar filmain banaee jayengi.

Is geet ko likha hai Ashok Mishra ne. ashok mishra ko is tarah ke geet ki rachana karane ka mauka diya nirdeshak shyam benegal ne apani film velakam tu sajjanapur main ! geetakar ne geet ke donon antare main jo baten kahin hai vo aaj ke rajanitik halaton ka sachcha aaina hai. chahe vo satta ki kabhi na marane vali bhookh ho ya fir noton ke bal par voton ki takat ko prabhavashoony karane ki bata.

Sangeetakar Shantanu Moitra ne lok dhun ka svaroop apanate huye is samooh gan ke mukhy svar main Kailash Kher ko chuna jo ki sat pratishat sahi aur prabhavi chunav raha. kul milakar kailash ki goonjati aavaja, prabhavi bol aur geet ke anuroop banaee gaee pyari dhun ne is geet ko varshik sangeetamala ki pahali teen panyadanon main la khada kiya hai. to aaiye is geet ke madhyam se yad karen prajatantr ke mool tattvon ko aur apane vot ki ahamiyat ko pahachanate huye matadan ka sankalp lein.



aadami aazad hai, desh bhi svatantr hai
raja gaye rani gaee ab to prajatantr hai
jan ke liye, jan ke dvara janata ka raj hai
prajatantr sabase bada, ham sabako naj hai
vot chhota sa magar shakti main anant hai
ab to prajatantr hai, ab to prajatantr hai

khil rahi thi kali kali, mahke thi har gali
aap kabhi saanp huye, ham ho gaye chhipkali
satta ki ye bhookh vikat aadi hai na ant hai
ab to prajatantr hai, ab to prajatantr hai

are jisaki lathi usaki bhains aapne bana diya
he note ki khan khan suna ke vote ko goonga kiya
parti fund, yagya kund ghotala mantr hai
ab to prajatantr hai, ab to prajatantr hai
aadami aazad hai, desh bhi swatantr hai
raja gaye rani gaee ab to prajatantr hai

मंगलवार, मार्च 10, 2009

Annual Musical Countdown 2008 : Song No. 4 - Enjoy Holi with this superb no. Chakkar ghumio composed by Amit Trivedi

Sabse pahle to holi ki is poorv sandhya bhi ek aise sukhad sanyog par aaee hai jab meri is sangeetamala ka sabse mastamaula geet aapako jhoomane jhumane ya yon kahiye ki aapako ghumane ke liye taiyar hai. daraasal is sal mere ghar par jab-jab aamir film ka ye geet baja hai mere panv khud ba khud thirak gaye hain jabaki mujhe nachana bilkul nahin aata :).

Geetkar amitabh varma ne geet main lafzon ka yoon chunav kiya hai ki usmain lok geeton ka sa thhethhpan baraqarar rahe. daraasal film ki kahani main ye geet background main aata hai jab nayak ki zindagi ki gadi achanak patri se utar jati hai aur vo is chakravyooh ke daladal main dhansata chala jata hai. ab dekhiye amitabh ka kamaal.. is paristhiti ko kis sahajta se gali mohalle ki bhasha main vyakt kiya hai

are chalte chalte haye haye
hallu hallu dayen bayen ho
are dekho aayen bayen sayen
zindagi ki jhanye jhanye ho
are nikale the kahan ko
aur kidhar ko aaye
ki chakkar ghumio..



Doosari or sangeetkar Amit Trivedi ne rajasthani lok dhun ke sath taal vadyon ka itana behatarin sanyojan kiya hai ki har interlude main khud jhoomne ke sath auron ko bhi jhumane ka man karta hai. Amit ne khud is geet ko apni aavaj di hai. aamir film ke is geet main amit aur amitabh ki is jodi ki prayogadharmita ki jitani tarif ki jaye kam hogi.

Par ye jodi kya achanak hi hindi film sangeet ke parde par ubhar kar aa gaee? nahin ye amit ke das varshon ke kathin sangharsh ka phal hai jisane film aamir aur ab Dev D ke madhyam se unhen apani pahachan banane ka mauka diya hai.

Yoon to 15 varsh ki umr se hi amit ko sangeet ke prati ruchi badh gayee thi, par unka ye prem tab moort roop le saka jab college se nikalne ke baad unhonne om namak sangeet baind banaya. 19-20 saal ki umr se hi amit ne Tv serial, natakon aadi ke liye parshv sangeet dene se lekar vigyapann ki dhunen banaee aur yahan tak ki dandiya show ke orchestra main bhi kam kiya. Times Music ne is samooh ki pratibha ko pahachana aur amit trivedi ka pahala album bazaar main aaya. par thik se prachar aur pramotion na hone ki vajahon se unka ye prayas logon ki najaron main nahin aa paya. khair inaki mitr aur navodit gayika shilpa rao ki sifarish se inhen anurag kashyap ne Dev D ke liye anubandhit kiya par uska kam beech main hi ruk gaya par anurag ne tab inhen aamir Dev D aur is pahli film main hi unhonne apni hunar ka loha sabse manva liya.

ab holi ke is mahaul main is geet se aapaki doori aur nahin badaoonga. bas playar aan kijiye, apani chintaon ko door jhatakiye aur bas ghoomiye aur jhoomiye.



ding dang dang ding dang dang tiding ting
ding dang dang
ding dang dang ding dang dang tiding ting
ding dang dang

are chalte chalte haye haye
hallu hallu dayein bayein ho
are dekho aayein bayein sayein
zindagi ki jhanye jhanye ho
are nikale the kahan ko
aur kidhar ko aaye
ki chakkar ghumiyo
ki chakkar ki chakkar ki chakkar ki chakkar
palle kuchh pade na
koyee samajhaye
ki chakkar ghumiyo
ki chakkar ki chakkar ki chakkar ki chakkar
are ghumiyo re, haye ghumiyo, re ghumiyo chakkar ghumiyo
haye haye ghumiyo re ghumiyo ghumiyo re ghumiyo chakkar ghumiyo

le kooti kismat ki footi matki
re footi....
daudan lagi to chitki
khel kabaddi laga
khel kabaddi laga
bhool ke duniyadari yara khel kabaddi laga
nind khuli to jaga
nind khuli jo haye
ki chakkar ghumiyo
ki chakkar ki chakkar ki chakkar ki chakkar
palle kuchh pade na
koee samajhaye ki chakkar ghumiyo
are ghumiyo re haye ghumiyo, re ghumiyo chakkar ghumiyo
haye haye ghumiyo ghumiyo ghumiyo ghumiyo chakkar ghumiyo
ding dang dang ding dang dang tiding ting

chikoti vakt ne kati aisi chikoti
khunnas main teri sataki
chhink mare laga, chhink mare laga
jhada sach ko dhool udi to
chhink mare laga
nind khuli to jaga
nind khuli jo haye
ki chakkar ghumiyo
ki chakkar ki chakkar ki chakkar ki chakkar
palle kuchh pade na...............




Click Here to read this post in Hindi (devnagari) script.

Click Here to post your opinion about the song.

शनिवार, मार्च 07, 2009

Annual Musical Countdown 2008 : Song No. - 5 A classical composition Manmohani sung beautifully by Vijay Prakash

Is saal ki sangeetamala ab apne antim charan mein pahunch gaee hai. Aakhiri panch payadanon par virajaman geeton mein kafi vividhata hai . kahin melody ki bahar hai to kahin dil ko jhakajhor dene vale shabda. kahin nukkad geeton ki jhalak hai to kahi lok sangeet aur aaj ke sangeet ka adbhut mishran hai.

Par panchavi panyadan 5th) ka geet to in sabse alag hai. Raag Bhimapalas par aadharit is geet ko sangeetakar A.R.Rahman ne synthisizer ki parshv dhun ke sath mishrit kiya hai. is geet ki dhun aur gayak Vijay Prakash ka utkrsht shastriy gayan aapako geet ke sath baha le jata hai. Geet ki ekamatr kamazori agar ise kamzori samjhein :) iski lambaee hai jo keval 3 min 11 sec ki hai. jaise hi is geet se apne ko aatmasaat pata hoon ye geet khatm ho jata hai. kash! rahman gulzar ke likhe is geet mein ek antara aur badava lete to sone par suhaga hota.

par isse pahale ki aap yuvraj film ke is geet ko sunein kuchh batein gayak Vijay Prakash ke bare mein. Vijay Prakash karnataka se aate hain aurZee TV par aane vale karyakram sa re ga ma ki upaj hai. 1999 mein sa re ga ma pratiyogeeta mein ye fainal tak pahunche the. apani aavaj ki gunavatta ke hisab se vijay ko utne geet nahin mile jitne milne chahiye the par is geet ki safalata ke baad shayad hindi film jagat mein unka sitara aur buland ho. vaise ek baat batani yahan lajimi hogi ki slumdog millionare ke geet ke liye rahman ne jin char gayakon ko anubandhit kiya tha unamein vijay prakash ek the. halanki ant mein sukhvindar ne is geet ko gaya par geet mein high pitch par jay ho ka udghosh vijay ne kiya hai.

geet toom tanana... ke aakarshit karane vale loop se shuru hota hai aur fir vijay apni shastriy gayan ka hunar bakhoobi dikhate hain. aise geeton mein bol suron ke utar chadav ke liye sirf setu ka kam karate hain. ..

lat ulajhi sulajha ja balam
mathe ki bindiya
bikhar gaee hai
apane hath saja ja balam
lat ulajhi
manamohini
manamohini more man bhaye..
manamohini man bhaye..


Vijay Prakash ki shastriy gayiki ka aur aanand uthana chahate hon to 199 ka ye video dekhiye jisamein sa re ga ma mein vo rag bhopali par aadharit bandish prastut kar rahe hain.





वार्षिक संगीतमाला 2008 में अब तक :



Click Here to read this post in Hindi (Devnagari) script.

Do you like this song. Click Here to post your opinion about it.

मंगलवार, मार्च 03, 2009

Annual Musical Countdown 2008 : Song no. 6 : Kuch Kum Roshan Hai Roshni, Kuch Kum Gili Hai Baarishein...

Varshik Sangeetamala 2008 mein lag gaya tha brake jis vajah se meri ye gadi panyadan sankhya 7 par ruki huee thi. Aur isi beech hindi film sangeet ne vo muqam tay kiya jo ab tak hamein kabhi nahin mila tha. to sabse pahale A.R.Rahman aur Gulzar ki jodi ko Oscar Award milne ke liye ek bada sa Jai Ho ! Ye is bat ko pukhta karaa hai ki bhale hi ham apne film sangeet ke svarnim ateet ko pichhe chhod aaye hon par naya sangeet bhi aseem sambhavanaon se bhara hai aur isase bilakul naummidi sahi nahin hai.

To chalein is sangeetmala ki aakhir ki chhah sidiyon ka safar tay karen kuchh adbut geeton ke sath. Chhathi payadan par ek aise kalakar hain jo ek nami sangeetkar jodi ka aham hissa to hain hi, ve gate bhi hain aur apani chamakadar chand ke sath dikhate bhi bade khoob hain. par huzoor abhi inaki khoobiyan khatm nahin huee hain. Chhathi payadan ke is geet ko likha bhi inhonne hi hai.Ji han ye hain Vishal Dadlani aur meri sangeetamala ki chhathi payadan par geet vo jise film Dostana mein aavaj di hai Shaan ne...



Gar zindagi ki zaddozahad mein agar aap ube huye hon to nishchay hi ye geet aapake liye maraham ka kam karenga. Piano ke pyare se aaranbhik notes , shan ki makhamali aavaj aur girti manahsthiti mein man ko sahlate Vishal ke shabd is geet ke mere dil mein jagah banane ki mukhy vajahen rahin hain. to aaiye sunen ye geet





Kuch Kum Roshan Hai Roshni, Kuch Kum Gili Hai Baarishein..
Kuch Kum Lehrathi Hai Hawa, Kuch Kum Hai Dil Mein Kwahishein..
Tham Sa Gaya Hai, Yeh Waqt Aise, Tere Liya Hi Tehra Ho Jaise..
Mmmmm..Mmmm..Mmmmm..Mmmm..

Mmm…, Kyun Meri Saans Bhi, Kuch Bheegii Si Hai
Dooriyon Se Huyie, Nazdiki Si Hai
Jaane Kya, Yeh Baat Hai, Har Subha, Aab Raat Hai..
Kuch Kum Roshan Hai Roshni, Kuch Kum Gili Hai Baarishein..
Kuch Kum Lehrathi Hai Hawa, Kuch Kum Hai Dil Mein Khwahishein..
Tham Sa Gaya Hai, Yeh Waqt Aise, Tere Liya Hi Tehra Ho Jaise
Mmmmm..Mmmm..Mmmmm..Mmmm

Phool Mehke Nahin, Kuch Gumsum Se Hain
Jaise Roothe Huwe, Kuch Yeh Tumse Hain
Khusbooien Dhal Gayi, Saath Tum Aab Jo Nahin..
Kuch Kum Roshan Hai Roshni, Kuch Kum Gili Hai Baarishein..
Tham Sa Gaya Hai, Yeh Waqt Aise, Tere Liya Hi Tehra Ho Jaise..


Click Here to read this post in Hindi (Devnagari) script.

Click Here to post your comment.