बुधवार, अगस्त 27, 2008

Ahmad Faraz (1931-2008) : Ek Shayar Alhada Sa

kal din mein yahoo ke mail box mein jab kayee spams ke beech ye message dikhaee di ki Faraz nahi rahe to dil dhak se rah gaya. ekabaragi to laga ki ho sakta hai ki ye khabar ghalat ho. par googal search mein jab pakistani akhabar 'jang' ki janib se is khabar ki pushti huee to man anamana sa ho gaya. barabas unaki ye panktiyan yad aa gaeen

apane siva hamare n hone ka gam kise
apani talash mein to ham hi ham hain doston

kuchh aaj sham hi se hai dil bhi bujha-bujha
kuchh shahar ke chirag bhi maddham hain doston


Faraz kayee bimariyon se lagatar joojh rahe the aur unaki halat july ke pahale hafte mein amarika jane par aur bigad gaee thiaur somavar ki raat islamabad mein bitaee unaki aakhiri raat sabit huee.

Faraz ki shayari se mera parichay pahale pahal mehadi hasan aur gulam ali ki ghazalon se hi huaa tha. par Ahmad Faraz mein meri dilachaspi tab aur badi jab nabbe ke dashak mein unake dilli aagaman par The Times of India mein unaka ek interview pada. us interview mein Faraz se poochha gaya ki
kya shayari bina khud ke anubhavon kar likhi ja sakti hai?

Faraz ne uttar diya nahin, sachchi shayari tabhi nikalati hai jab dil ki hadon se koyee bat mahasoos ki ja sake. unhonne usi sakshatkar mein bataya tha ki ranjish hi sahi unhonne ek mohatarma ke liye likhi thi. par jisake liye ye likhi gayee thi usake bad unase unaka milana nahin ho saka. salon bad apane ek common freind se jab unki mulaqat huee to usane unhen bataya ki vo to fakr se kahati firati hai ki Faraz ne ye ghazal mere liye likhi hai.

Faraz ke sahapathi aur patrakar iftikhar ali ka kahana hai ki college ke jamane se Faraz ek aakarshak vyaktitv ke malik the. shuru se unaka jhukav kavita ki or tha. ve aksar chhatron ko apane ird-gird jama kar lete aur apani roomani kavitayen sunaya karate. peshavar mein us vakt ladake aur ladakiyon ko college mein milane julane ki rivayat nahin thi.. par Faraz ki kavitayen jane kaise chhatraon tak pahunch hi gaeen. fir to darjanon ki shakl mein chahane valiyon ke hastalikhit patr unhen milane lage. amir gharon ki ladakiyan apane naukaron ke hathon khat bhijavaya karatin to baki khud bas stanp par hi khaton ki delivery kar detin.

prem ko jis shiddat se unhonne apani shayari ka vishay banaya usaki misal milana mushkil hai. jis khoobasoorati se vo shabdon ko ashaaaron mein vo motiyon ki tarah pirote the vo unake in ashaaaron par gaur karane se aap khud hi samajh jayenge

************************************
dukh fasana nahin ke tujhase kahen
dil bhi mana nahin ke tujhase kahen

aaj tak apani bekali ka sabab
khud bhi jana nahin ke tujhase kahen
************************************
kurbaton mein bhi judaee ke jamane mange
dil vo bemehar ki rone ke bahane mange

apana ye hal ke ji har chuke lut bhi chuke
aur mohabbat vahi andaj purane mange
************************************
barason ke bad dekha ik shakhs dilaruba sa
ab jahan mein nahin hai par nam tha bhala sa

alfaj the ke jugnu aavaj ke safar mein
ban jaye jangalon mein jis tarah rasta sa

khvabon mein khvab us ke yadon mein yad us ki
nindon mein ghul gaya ho jaise ke ratajaga sa

tevar the berukhi ke andaj dosti ke
vo ajanabi tha lekin lagata tha aashana sa
************************************

ab ke ham bichhade to shayad kabhi khvabon mein milen
jis tarah sookhe huye fool kitabon mein milen

************************************
mashhoor patrakar khalid hasan unake bare mein likhate hain ki Faraz hamesha se tanashahon ke viruddh aur lokatantr ke himayati rahe. janaral jiya ka virodh karane ki vajah se unhen naukari se hath dhona pada aur kuchh salon ke liye ve nirvasit bhi huye. is bat ko janakar aapako hairani jaroor hogi par Faraz kishoravastha mein kashmir ke 1947-48 ke yuddh mein svechchha se sammilit huye the. pakistani shasakon se unaki kabhi bani nahin aur unhonne hamesha vahi kiya aur likha jisaki unake dil ne gavahi di. shayad hi is jamane mein bharatiy up mahadvip mein unake jitani shoharat kisi aur shayar ko mili. unhen bade chav se pada jata raha aur suna jata raha. General Zia ki hukoomat ke khilaf unaki nazm Mahasara..in seize (charon or se ghira huaa ) kafi lokapriy huee thi. suniye unhin ki aavaj mein ye nazm








Faraz ki ye panktiyan unaki kalam, unake aadarsh, unaki shakhsiyat ki kahani kahati hain

mera kalam nahin tajabi us muballis ki
jo bandigi ka bhi haradam hisab rakhata hai
mera kalam nahin mijan aise aadil ki
jo apane chehare par dohara naqab rakhta hai

mera kalam to amanat hai mere logon ki
mera kalam to adalat mere zamir ki hai
isiliye to jo likha shafaq-e-jaan se likha
zabin to loch kaman ka jaban teer ki hai
main kat giroon ki salamat rahoon yakin hai mujhe
ki ye hisar-e-sitam koyee to girayega

aur chalate -chalate ahamad Faraz ki likhi chand panktiyan apani shrrddhanjali ke taur par is mahan shayar ke liye arpit karana chahoonga

vo gaya tha sath hi le gaya, sabhi rang utaar ke shahar ka
koyee shakhs tha mere shahar mein kisi door par ke shahar ka

chalo koyee dil to udas tha, chalo koyee aankh to nam rahi
chalo koyee dar to khula raha shabe intajar ke shahar ka

kisi aur desh ki or ko suna hai Faraz chala gaya
sabhi dukh samet ke shahar ke sabhi karj utar ke shahar ka ...

शनिवार, अगस्त 23, 2008

Mohabbaton ka Shayar Qateel Shifai V : Raqs karne ka mila hukm jo darayaon mein

"..............is prakar ham dekhate hain ki doosare mahayuddh ke bad naee pidhi ke jo shayar badi teji se ubhare aur jinhonne urdu ki ‘roti-bisoorati’ shayari ke sir men antim kil thonkane, vishv ki pratyek vastu ko samajik prshthabhoomi men dekhane aur urdu shayari ki naee dagar ko adhik-se-adhik safa, sundara, prakashaman banane men badh-chadhakar hissa liya, unamen ‘Qateela’ shifaee ka vishesh sthan hai. balki sangeetadharmi chhandon ke chunava, chust sammishran aur gunagunate shabdon ke prayog ke karan use shayaron ke dal mein se turant pahachana ja sakata hai.

samaya, anubhav aur sahity ki pragatishil dhara se sambandhit hone ke bad jis parinam par vah pahuncha, usaki aaj ki shayari usi ki pratik hai. usaki aaj ki shayari samay ke saj par ek surila rag hai- vah raga, jisamein prem-pida, vanchana ki kasak aur kranti ki pukara, sabhi kuchh vidyaman hai. usaki aaj ki shayari samaja, dharm aur rajy ke sunahale kalashon par manaviy-bandhutv ke gayak ka vyangy hai......."


Prakash Pandit dvara Qateel shifaee ke liye kahe gaye ye shabd sahi mayene mein unaki shayari ko saragarbhit karate hain. mohabbaton ke is shayar ne apane lekhan mein prem ke aalava bhi any vishayon ka samavesh kiya. misal ke taur par unaki is ghazal par gaur karen..

raqs1 karne ka mila hukm jo darayaon mein
ham ne khush ho ke bhanvar bandh liye panvon mein
1. nrty


dekhiye kya khoob vyangy kiya hai Qateel ne...

un ko bhi hai kisi bhige huye manjar ki talash
boond tak bo na sake jo kabhi saharaon mein


ai mere ham-safaron tum bhi thake-hare ho
dhoop ki tum to milavat na karo chhanv mein

pakistan mein nirantar badalati rajanitik satta parivartan par vyangy karate huye is ghazal ke agale sher mein vo kahate hain ...

jo bhi aata hai batata hai naya koee ilaj
bant na jaye tera bimar masihaon mein


ab agala jo sher hai vo aap tabhi samajh payenge jab aapako islam dharm se judi is katha ke bare mein aapako pata ho. mujhe ye janakari ek pustak se mili use jyon ka tyon aap tak pahuncha raha hoon. to janab yoosuf hajarat yakoob ke putr the jo param sundar the aur jinhen unake bhaiyon ne eershyavash bech diya tha. aage chal kar in par mishr ki rani julaikha aasakt ho gaeen thin aur ve mishr ke raja ban gaye. unaki aur julaikha ki kahani ko aam jindagi mein manhagaee ki samasya ke sath kis tarah piroya hai Qateel ne ye dekhen aap is sher mein...

hausala kisamein hai yusuf ki kharidari ka
ab to manhagaee ke charche hai julaikhaon mein


aur jab tivi chainal se lekar patr patrikayen sab aapake bhagy ki khushahali bayan kar rahi hon aur aapake din nagavar gujar rahe hon to ye sher kya aap nahin kahana chahenge..

jis barahaman ne kaha hai ke ye sal achchha hai
us ko dafnao mere hath ki rekhaon mein


vo khuda hai kisi toote huye dil mein hoga
masjidon mein use dhoondho n kalisaon mein


bharat aur pak ke logon ke bich mein divar khadi karane vale shasak varg ke bare mein vo kahate hain...

ham ko aapas mein muhabbat nahin karane dete
ik yahi aib hai is shahar ke danaon mein


aur fir vapas apane rang mein lautate huye ye yad dilana bhi nahin bhoolate :)..

mujhase karate hain "Qateela" is liye kuchh log hasad
kyon mere sher hain makabool hasinaon mein

kyoon na is behatarin ghazal ko khud Qateel ki aavaj men suna jaye...




11 th July 2001 ko Qateel is duniya se kooch kar gaye. apane 81varshon ke is jivan ke safar men unake karib bis kavy sangrah chhape aur karib 2500 geet hindi aur pakistani filmon ka hissa bane. mohabbat ke ehasas ko purajor dhang se apane kavy men dhalane vale is shayar ko ham sab kabhi nahin bhula payenge. khud Qateel ne kaha tha..

Qateela’ apani jaban kabu men rakhana
sukhan se aadami pahachana jaye


aaj is shrrnkhala ke samapan par Qateel shifaee ki ek geetanuma ghazal yad aa rahi hai jise gunagunana mujhe behad pasand hai. daraasal jindagi men pahali bar intaranet ka prayog mainne isi ghazal ko khojane ke liye kiya tha. isaka matala behad khoobasoorat hai

pyar tumhara bhool to jaoon, lekin pyar tumhara hai
ye ik mitha jahar sahi, ye jahar bhi aaj gavara hai


yoon to is ghazal ko talat ajij sahab ne gaya hai par aaj isake kuchh ashaaaron ko jheliye meri aavaj men :) !



aasha hai Qateel shifaee ke bare men panch kishton ki ye peshakash aapako pasand aaee hogi...

Click Here to read this post in Hindi (Devnagari) script.

गुरुवार, अगस्त 21, 2008

Mohabbaton ka Shayar Qateel Shifai IV : Barasat ki bheegi raton mein phir koyee suhani yaad aayee

isase pahale ki qateel ke geeton aur geetanuma gajalon ka jikr kiya jaye, aaj ki sham ka aaghaz qateel ki is lokapriy ghazal ke chand ashaaaron se karate hai्

garmi-ye-hasarat-ye-nakam se jal jate hain
ham charagon ki tarah sham se jal jate hain

shama jis aag men jalati hai numaish ke liye
ham usi aag men gumanam se jal jate hain

jab bhi aata hai mera nam tere nam ke sath
jane kyoon log mere nam se jal jate hain

rabta baham pe hamen kya n kahenge dushman
aashana jab tere paigam se jal jate hain


qateel ne ek shayar ke roop men to prasiddhi paee hi, sath hi sath tamam pakistani aur hindi filmon ke liye geet bhi likhe. janavari 1947 men qateel ko lahaur ke ek film prodyoosar ne gane likhane ki davat di, unhonne jis pahali film men gane likhe usaka nam tha ‘teri yada’ . vaise to hindi filmon men 'gumanam' aur fir 'teri kahani yad aayee' men likhe unake geet behad karnapriy hain par qateel ke likhe geeton men jo sabase adhik charchit huaa vo tha "mohe aayee n jag se laj ....ke ghungharu toot gaye." ham logon ne to pahali bar ise anoop jalota ke svar men suna tha par bad men pata chala ki ise to kitane hi gayakon ne apani aavaj se sanvara hai. qateel majahiya lahaje men kahate the ki "jab tak bharat aur pakistan ka koee bhi gayak is geet ko nahin ga leta vo gavaiya nahin kahalata".

aksar filmon ke geet likhane aur sath sath shayar karane valon ko theth sahityik varg hey drshti se dekhata hai. qateel ko bhi is vajah se apane aalochakon ka samana karana pada. isaliye is geet ko mushayare men padate vakt qateel ne is bat par jor diya ki unake geet sirf filmi nahin balki ilmi bhi hote hain. dekhiye is mushayare men vo ye geet kis ada se padh rahe hain.





mohe aayee n jag se laaj
main itana jor se nachi aaj
ke ghungharu toot gaye
kuchh mujh pe naya joban bhi tha
kuchh pyar ka pagalapan bhi tha
har palak meri tir bani
aur zulf meri zanjir bani
liya dil sajan ka jit
vo chhede payaliya ne geet
ke ghungharu toot gaye

dharati pe n mere pair lage
bin piya mujhe sab ग़ैr lage
mujhe ang mile aramanon ke
mujhe pankh mile paravanon ke
jab mila piya ka ganv
to aisa lachaka mera panv
ke ghungharu toot gaye

mehandi hasan sahab ka gaya huaa "zindagi men to sabhi pyar kiya karate hain ..." jaisa ajar amar geet bhi qateel shifaee ne hi likha tha.

talat ajzeez ne bhi qateel ki kaee geetanuma gajalon ko apani aavaj di hai. ummid hai ki barasat ke is mausam men is gajal ko sunakar talat ajij ki aavaj aapako apani kuchh purani yadon tak pahunchane men madad karegi. vaise bhi is gajal ke makate men jise talat ajij ne gaya nahin hai qateel khud bhi kahate hain

ham chak - e-gireban aap bhi the, kya kahate qateel jamane se
chheda jo paraya afasana, apani bhi kahani yad aayee

to lijiye suniye talat ajij ki aavaj men ye mashahoor ghazal



barasat ki bheegi raton mein phir koyee suhani yaad aayee
kuchh apana jamana yad aaya, kuchh unaki javani yaad aayee

ham bhool chuke the, kis ne hamen, duniya men akela chhod diya
jab gaur kiya to ik soorat jani pahachani yad aayee

kuchh panv ke chhale, kuchh aansoo, kuchh gard-ye-safara, kuchh tanahaee
us bichhade huye hamarahi ki ek-yek nishani yad aayee

fir sabr ka daman chhoot gaya, shishe ki tarah dil toot gaya
tanahaee ke lamahon men shayad fir koee purani yad aayee

Click Here to read this post in Hindi (Devnagari) script.

Click Here to Post your comments.

मंगलवार, अगस्त 19, 2008

Mohabbaton ka Shayar Qateel Shifai III : Ye mozaza bhi mohabbat kabhi dikhaye mujhe...

Qateel ki shayari ko jitana padhenge aap ye mahasoos karenge ki prem, viyog, bevafaee ki bhavana ko jis shiddat se unhonne apani lekhani ka vishay banaya hai, vaisa gine chune shayaron ki shayari men hi najar aata hai. aaj ke is bhag men aapako sunavayenge Qateel ki aavaj men unaki ek khoobasoorat kata aur ghazal, unaki shakl-o-soorat ke bare men prakash pandit ki chutakiyan aur aakhir men prem ke viyog men doobi unaki ek ghazal jise apani aavaj men mainne aap tak pahunchane ka prayas kiya hai.

kya aap manate hain ki prem men doobakar koee chamatkar sanbhav hai? kya aapane ऍsa mahasoos nahin kiya ki prem aapaki soch ko us muhane tak le jata hai jahan dimag roopi nadi men uthati laharen shithil pad jati hain. shayad ऍse hi kisi mood men Qateel kah uthate hain

bashar 1 ke roop men ik dilaruba tilism bane
shafaka2 men dhoop milayen to usaka jism bane
vo mojaja3 ki had tak pahunch gaya hai Qateel
roop koee bhi likhoon usi ka isma4 banen


1.manushya, 2.pratah kaal ya sandhya ke samay men aakash men chhaee lali, 3. chamatkar, 4.chhavi, nam



apani isrecording men Qateel ek alahada andaj men jab apana ye sher padate hain to man bag-bag ho jata hai

na koee khab hamare hain na tabire hain
ham to pani pe banaee huee tasaviren hain

aur jab is sher ka jikr aaya hai to is ghazal ka makata bhi aapase bantata chaloon

ho na ho ye koee sach bolane vala hai Qateel
jisake hathon men kalam pavon men janjire hain

to chaliye ab le chalate hain aapako ek mushayare men jahan Qateel apani buland aavaj ye ghazal pad rahe hain aur apane sathiyon ki vaha vahi loot rahe hain.






ye mojaja bhi mohabbat kabhi dikhaye mujhe
ki sang tujh pe gire aur jakhm aaye mujhe

main ghar se teri tamanna pahan ke jab nikaloon
barahana shahar men koee najar na aaye mujhe

vo mera dost hai sare jahan ko hai maloom
daga kare vo kisi se to sharm aaye mujhe

vo meharaban hai to ikarar kyoon nahin karata
vo badaguman hai to sau bar aajamaye mujhe

main apani jat men nilam ho raha hoon Qateel
gam-ye-hayata1 se kah do kharid laye mujhe
1. jeevan
is ghazal men chand sher aur hain jo mujhe behad pyare hain. ab yahan gaur faramaiye kitane tarike se bat rakhi hai apani shayar ne..

main apane panv tale raundata hoon saye ko
badan mera hi sahi, dopahar na bhaye mujhe


aur mere mitr dhyan rakhen :)

vahi to sabase jyada hai nuktachin mera
jo muskura ke hamesha gale lagaye mujhe


ye mushayara to sanbhavatah nabbe ke dashak ke uttarardh ka hai. Qateel ke bare men itana padane ke bad m pathakon men sahaj utsukata jag uthi hogi ki 'mohabbaton ka ye shayar ' apani javani men kaisa dikhata hoga ? mere pas yuva Qateel ki koee tasavir to nahin par prakash pandit ka ye shabd chitra, jaroor unaki shakl-o-soorat ka khaka aapake jehan men khinchane men safal hoga, ऍsa mujhe yakin hai. prakash pandit sahab bade hi majahiya lahaje men yuva Qateel ke bare men likhate hain...

".....Qateel’ shifaee jati ka pathan hai aur ek samay tak gend-balle, raikata, lungiyan aur kulle bechata raha hai, chungikhane men muharriri aur bas-kampaniyon men buking-klarki karata raha hai to usake she’ron ke loch-lachak ko dekhakar aap avashy kuchh der ke liye sochane par vivash ho jayenge. is par yadi kabhi aapako use dekhane ka avasar mil jaye aur aapako pahale se maloom n ho ki vah ‘Qateel’ shifaee hai, to aaj bhi aapako vah shayar ki apeksha ek aisa klark najar aayega jisaki sau sava sau ki tanakhvah ke pichhe aadhe darjan bachche jine ka sahara dhoondh rahe hon. usaka kad maujoon hai, nain-naksh maujoon hain. bal kale aur ghungharale hain. gol chehare par tikhi moonchhen aur chamakili aankhen hain aur vah hamesha ‘taee’ ya ‘bo’ lagane ka aadi. fir bhi n jane kyon pahali najar men vah aisa theth panjabi najar aata hai jo abhi-abhi lassi ke kuhani-bhar lambe do gilas pikar dakar lene ke bare men soch raha ho.
pahali najar men vah jo bhi najar aata ho, do-char najaron ya mulakaton ke bad badi sundar vastavikata khulati hai-ki vah dakar lene ke bare men nahin, apani kisi premika ke bare men soch raha hota hai-us premika ke bare men jo use virah ki aag men jalata chhod gaee, ya us premika ke bare men jise in dinon vah pooja ki sima tak prem karata hai. ......."


oopar ki baton ko samajhane ke liye mujhe kuchh aur kahane ki jaroorat nahin bas is ghazal ko ek bar pad len,

meri zindagi, tu firak hai ,vo ajal se dil men makin sahi
vo nigah-ye-shauk se door hain ,rag-ye-jan1 se lakh karin sahi
1 shareer ki mukhy raktavahini

hamen jan deni hai ek dina, vo kisi tarah vo kahin sahi
hamen aap khinchiye var para, jo nahin koee to hamin sahi

sar-ye-toor sar-ye-hashr ho, hamen intajar kabool hai
vo kabhi milen vo kahin milen, vo kabhi sahi, vo kahin sahi

na ho un pe mera bas nahin, ki ye aashiki hai havas nahin
main unhin ka tha, main unhin ka hoon, vo mere nahin, to nahin sahi


mujhe baithane ki jagah mile, meri aaraju ka bharam rahe
teri anjuman men agar nahin , teri anjuman ke karin sahi

tera dar to hamako na mil saka, teri rahagujar ki jamin sahi
hamen sajada karane se kam hai jo vahan nahin to yahin sahi

use dekhane ki jo lau lagi to Qateel dekh hi lenge ham
vo hajar aankh se door ho, vo hajar pardanashin sahi



mainne Qateel sahab ki aavaj men ye ghazal khojane ki koshish ki par nahin mili to apani aavaj men ise padane ki koshish ki hai. is ghazal ko padate vakt mujhe ek alag tarah ka pravah aur junoon ka ehasas huaa isaliye ye andaja laga sakata hoon ki ise likhane vala apani mohabbat men kis kadar junooni raha hoga.



रविवार, अगस्त 10, 2008

Mohabbaton ka shayar Qateel Shifai Part : II : Ishq karoge to kamoge naam, tohmatein batti nahin khairaat mein..

Yoon to jagjit ji ne Qateel Shifaee ki bahut sari ghazalen gaee hain par mujhe unamein se tin meri aal taim fevarat ghazalen hain. to chaliye aaj ki sham ki mahafil sajate hain jagjit ji ki gaee in tinon ghazalon se . aur pichhali post ki tarah mahafil ka ant Qateel ki aavaj mein padi gaee unaki ek khoobasoorat ghazal se....

zindagi mein kabhi aap jab apane pyare hamasafar ke sath baithe hon aur man apane sathi ke prati apane prem ko abhivyakt karane ko machal raha ho to kis tarah apani bhavanaon ko shabd denge aapa? kya kahenge aap usase ? aapaka uttar to mujhe nahin maloom par main to Qateel ki is ghazal ka hi sahara loonga. isaka har ek sher kamal hai. kanlej ke jamane mein is ghazal ko jab pahali bar suna tha to mahinon apane aap ko is ghazal ke prabhav se mukt nahin kar paya tha. daraasal sidhe sade shabdon se ek gahari bhavana ko nikal pana sabake boote ki bat nahin hai. par Qateel ko is fan mein kamal hasil tha. matale par gaur karen kya aagaj hai is ghazal ka


apane hothon par sajana chahata hoon
aa tujhe main gunagunana chahata hoon

aur fir ye shera..subhanaallah !

koee aansu tere daman par girakar
boond ko moti banana chahata hoon

thak gaya main karate-karate yad tujhako
ab tujhe main yaad aana chahata hoon

chha raha hai sari basti mein andhera
raushani ko ghar jalana chahata hoon

aakhari hichaki tere janon pe aaye
maut bhi main shayarana chahata hoon

Qateel ki zindagi mein kaee premikayen aaeen jinake bare mein prakash pandit ji ne likha hai
Y".......prem aur pooja ki sima tak prem usane apani har premika se kiya hai aur usaki har premika ne varadan-svaroop usaki shayari mein nikhar aur madhury paida kiya hai, jaise ‘chandrakanta’ nam ki ek film aiktres ne kiya hai jisase usaka prem keval dedh varsh tak chal saka aur jisaka ant bilakul natakiy aur shayar ke liye atyant dukhadayi siddh huaa. lekin ‘Qateela’ ke kathananusar : "yadi yah ghatana n ghati hoti to shayad ab tak main vahi paramparagat ghazalen likh raha hota, jinamein yatharth ki apeksha banavat aur faishan hota hai. is ghatana ne mujhe yatharthavad ke marg par dal diya aur mainne vyaktigat ghatana ko sansarik rang mein dhalane ka prayatn kiya. atayev usake bad jo kuchh bhi mainne likha hai vah kalpit kam aur vastavik adhik hai."...................."

prakash shayar ki zindagi mein prerana ke mahattv ke bare mein apane lekh mein aage likhate hain.....


chandrakanta se prem aur vichhoh se pahale ‘Qateela’ shifaee aartanad kism ki
paramparagat shayari karate the aur ‘shifa’ kanapuri nam ke ek shayar se apane kalam par salah lete the. fir 'ahamad nadim kasami' sahab se bhi unhonne maitripoorn paramarsh liye. lekin kisi ki islah ya paramarsh tab tak kisi shayar ke liye hitakar siddh nahin ho sakate jab tak ki svayan shayar ke jivan mein koee prerak vastu n ho. lagan aur kshamata ka apana alag sthan hai, lekin is disha ki samast kshamatayen maulik roop se us prerana hi ke vashibhoot hoti hain,jise ‘manovrttanta’ ka nam diya ja sakata hai.
agar oopar ki ghazal mein aapako prem ka sailab umadata dikh raha hai to is ghazal par nigah daliye. bevafaee se chhalani hrday ki vedana najar aayegi aapako isamein. daraasal kisi shayar ya kavi ki lekhani usake vyaktitv ka aaeena hai bashartte use pad aur samajh pane ka hunar aap mein maujood ho. is ghazal ko mainne pahali bar aakashavani patana se suna tha aur pahali bar sun kar man mein ek udasinata ka bhav vyapt ho gaya tha. mere ek mitr ne bataya tha ki jagjit ji apani kanasart mein ye ghazal jaldi nahin gate aur gate hain to matale aur usake bad ka sher unhen apane bete ki yad dilakar bhavuk kar deta hai. jagjit ji ne is ghazal mein Qateel ke sahab ke un char sheron ko chuna hai jo is ghazal ki jan hain...


sadama to hai mujhe bhi ki tujhase juda hoon main
lekin ye sochata hoon ki ab tera kya hoon main

bikhara pada hai tere hi ghar mein tera vajood
bekar mahafilon mein tujhe dhoondhata hoon main

main khudakashi ke jurm ka karata hoon aitaraf
apane badan ki kabr mein kab se gada hoon main

kis-kisaka nam laoon jaban par ki tere sath
har roj ek shakhs naya dekhata hoon main

na jane kis ada se liya toone mera nam
duniya samajh rahi hai ke sab kuchh tera hoon main

le mere tajurbon se sabak ai mere rakib
do char sal umr mein tujhase bada hoon main

jaga huaa jamir vo aaeena hai "Qateela"
sone se pahale roj jise dekhata hoon main

zindagi ki kitani sunasan raten aasaman ke in chand taron se mook sanvad karate huye bitaee hain usaka koee hisab filahal mere pas nahin. aaj bhi jab kabhi abhi apane ghar jata hoon to rat mein chhat par chahalakadami karate huye sitaron se Qateel ki juban mein guftagu karana bahut bhata hai..




pareshan rat sari hai sitaron tum to so jao
sukoot-e-marg tari hai sitaron tum to so jao

hanso aur hanste-hanste doobte jao khalaon mein
hamein ye rat bhari hai sitaron tum to so jao

tumhen kya aaj bhi koee agar milane nahin aaya
ye baji hamne hari hai sitaron tum to so jao

kahe jate ho ro-ro ke hamara haal duniya se
ye kaisi rajdari hai sitaron tum to so ja

hamein to aaj ki shab pau fate tak jagana hoga
yahi kismat hamari hai sitaron tum to so jao

hamein bhi nind aa jayegi ham bhi so hi jayenge
abhi kuchh bekarari hai sitaron tum to so jao

is ghazal ko pakistani film ishk e laila mein bhi shamil kiya gaya tha jahan ise aavaj di thi ikabal bano ne. pichhali post mein yoonus bhaee ne Qateel ke mushayare ka vidio dene ka anurodh kiya tha. to aaj sunane ke sath Qateel sahab ko dekhiye unaki mashahoor ghazal hath diya usane mere hath mein....
hath diya usane mere hath mein
main to vali ban gaya ik rat mein

ishk karoge to kamaoge nam
tohamaten bantati nahin khairat mein

ishk buri shai sahi par doston
dakhal na do tum meri har bat mein

mujh pe tavojjah hai sab *aafak ke (*sansar)
koee kashish to hai meri jat mein

rabt badaya na 'Qateel' isaliye
fark tha donon ke khayalat mein







aaj to bas itana hi agale bhag mein fir milenge unki kch aur ghazlon ke sath..

गुरुवार, अगस्त 07, 2008

Mohabbaton ka Shayar Qateel Shifai : Listen his poetry in his own voice

Qateel shifaee ki shayari se mera parichay jagajit sinh ji ki vajah huaa. jagajit ji apane alag alag elabamon mein unaki kaee ghazalen gaee hain jisamein jyadatar ghazalen ishk mohabbat ke ahasason se bharapoor hai. daraasal prem Qateelki adhikansh ghazalon aur najmon ka mukhy vishay raha hai isaliye unhen 'mohabbaton ka shayar' bhi kaha jata hai. bad mein vibhinn shayari manchon mein Qateelki kaee aur ghazalen aur najmein padane ko milin. aaj se shuru hone vali is shrrnkhala mein main aapase batoonga Qateelsahab ki jindagi se judi baton ke sath unaki chand ghazalen aur najmein jo mujhe behad pasand hain.

Qateelka janm pashchimi panjab ke haripura, jila hajara (pakistan) mein huaa. Qateelunaka takhallus tha, Qateelyani vo jisaka katl ho chuka hai . apane ustad hakim muhammad shifa ke samman mein Qateelne apane nam ke sath shifaee shabd jod liya tha . Qateelapani prarambhik shiksha islamiya midil skoola, ravalapindi mein prapt karane ke bad gavarnameint haee skool mein dakhil huye, lekin pita ke dehant aur koee abhibhavak n hone ke karan shiksha jari n rah saki aur pita ki chhodi huee poonji samapt hote hi unhen tarah-tarah ke vyapar aur naukariyan karani padin. sahity ki or inaka dhyan is tarah huaa ki klasikal sahity mein pita ki bahut ruchi thi aur ‘katila’ ke kathananusara, ‘‘unhonne shuru mein mujhe kuchh pustaken lakar din jinamein ‘kissa chahar daravesha’ ‘kissa hatimataee’ aadi bhi thin. ve aksar unhen padhate the jisase unhen likhane ka shauk huaa.

Qateelshifaee ke bare mein mainne tafasil se jana, janab prakash pandit sanpadit kitab 'Qateel shifaee aur unaki shayari' ko padane ke bada. sach mein Qateelki shakhsiyat ka andaja aap unaki shayari se nahin laga sakate.

prakash is kitab ke parichay mein Qateelke bare bade rochak mein andaj mein likhate hain
"...........kisi shayar ke she’r likhane ke dhang aapane bahut sune honge. udaharanataः ‘ikabala’ ke bare mein suna hoga ki ve farshi hukka bharakar palang par let jate the aur apane munshi ko she’r diktet karana shuru kar dete the. ‘josha’ malihabadi subah-sabere lambi sair ko nikal jate hain aur yon prakrtik drshyon se likhane ki prerana prapt karate hain. likhate samay betahasha sigaret foonkane chay ki ketali garm rakhane aur likhane ke sath-sath chay ki chuskiyan lene ke bad (yahan tak ki kuchh shayaron ke sambandh mein yah bhi suna hoga ki unake dimag ki girahen sharab ke kaee paig pine ke bada) khulani shuru hoti hain. lekin yah andaj shayad hi aapane suna ho ki shayar she’r likhane ka mood lane ke liye subah char baje uthakar badan par tel ki malish karata ho aur fir tabadatod dand pelane ke bad likhane ki mej par baithata ho. yadi aapane nahin suna to soochanarth nivedan hai ki yah shayar ‘katila’ shifaee hai.

‘katila’ shifaee ke she’r likhane ke is andaj ko aur usake likhe she’ron ko dekhakar aashchary hota hai ki is tarah langar-langot kasakar likhe gaye she’ron mein kaise jharanon ka-sa sangit foolon ki-si mahak aur urdu ki paramparagat shayari ke mahaboob ki kamar-jaisi lachak milati hai. arthat aise vakt mein jabaki usake kamare se kham thokane aur paintaren badalane ki aavaj aani chahiye, vahan ke vatavaran mein kuchh aisi gunagunahat basi hoti hai.........."


Qateelki shayari ki khas bat ye hai ki vo bashir badr sahab ki tarah hi bade sade lafjon ka prayog kar bhi kamal kar jate hain. misal ke taur par unaki is ghazal ke chand ashaaar dekhiye

pyas vo dil ki bujhane kabhi aaya bhi nahin
kaisa badal hai jisaka koee saya bhi nahin

berukhi is se badi aur bhala kya hogi
ik muddat se hamein usane sataya bhi nahin

sun liya kaise khuda jane jamane bhar ne
vo fasana jo kabhi hamane sunaya bhi nahin

tum to shayar ho Qateel aur vo ik aam sa shakhs
us ne chaha bhi tujhe jataya bhi nahin


kitani sahajata se kahe gaye sher jisako pad kar dil apane aap pulakit ho jata hai. agar meri bat par ab tak yakin nahin aa raha to Qateelke is andaje bayan ke bare mein aapaka kya khayal hai ?

gujare dinon ki yaad barasti ghata lage
gujaroon jo us gali se to thandi hava lage

mehaman ban ke aaye kisi roz agar vo shakhs
us roj bin sajaye mera ghar saja lage

jab tashanagi ki aakhiri had par mile koyee
aankh usaki jam badan mahakada lage

main is liye manata nahin vasl ki khushi
mujhako rakib ki na kahin badaduaa lage

vo kahat dosti ka pada hai ki in dinon
jo muskura ke baat kare aashana lage

ek aisi khushajamal pari apni soch hai
jo sabake sath rah ke bhi sab se juda lage

dekha ye rang baith ke bahuroopiyon ke beech
apane siva har ek mujhe parasan lage

tark-ye-vafa ke bad ye us ki ada "Qateel"
mujhko sataye koyee to us ko bura lage


aur khud agar Qateel Shifaee aapako ye ghazal apani aavaj mein sunayen to kaisa rahe ? to lijiye hajarat suniye ye ghazal Qateel ki apani aavaz mein...




रविवार, अगस्त 03, 2008

Kya Karoon samvedna Le Kar Tumhari : The poem that united Harivansh Rai & Tezi Bachchan

Amooman jab kavi koyee kavita likhata hai to koee ghatna, koyee prasang ya fir kisi vyaktitv ka tana bana jaroor usake manas patal par ubharata hai. ye tana bana jaroori nahin ki hal filahal ka ho. atit ke anubhav aur aas pas hoti ghatanayen kaee bar naye purane taron ko jod jati hain aur ek bhavana prakat hoti hai jo ek kavita ki shakl le leti hai. par kabhi bhoot mein likhi aapaki rachana, aap hi ke bhavishy ki rahon ko bhi badal de to ? ho sakata hai aap ke sath bhi kuchh aisa huaa hon.

aaj jis prasang ka ullekh karane ja raha hoon vo ek bar fir harivansh ray bachchan ji ke jivan ki us sandhya se juda huaa hai jab shyama ji ke dehant ke bad ve ekaki jivan vyatit kar rahe the aur apane ek mitr prakash ke yahan bareli pahunche the. vahin unaki pahali mulakat mis teji soori se huee thi. apani aatmakatha mein mulakat ki rat ka jikr karate huye bachchan kahate hain

"........us din 31st december ki raat thi. rat mein sabane ye ichchha jahir ki naya varsh mere kavy path se aaranbh ho. aadhi rat bit chuki thi, mainne keval ek do kavitayen sunane ka vada kiya tha. sabane kya karoon sanvedana le kar tumhari vala git sunana chaha, jise main subah suna chuka tha. yah kavita mainne bade sinikal mood mein likhi thi. mainne sunana aaranbh kiya. ek palang par main baitha tha, mere samane prakash baithe the aur mis teji soori unake pichhe khadin thin ki git khatm ho aur vah apane kamare mein chali jayen. git sunate sunate na jane mere svar mein kahan se vedana bhar aaee. jaise hi mainne us nayan se bah saki kab is nayan ki ashru-dhara pankti padi ki dekhata hoon ki mis soori ki aankhen dabadabati hain aur tap tap unake aansu ki boonde prakash ke kandhe par gir rahi hain. yah dekakar mera kanth bhar aata hai. mera gala rundh jata hai. mere bhi aansu nahin ruk rahe hain. aur jab mis soori ki aankhon se ganga jamuna bah chali hai aur mere aankhon se jaise sarasvati. kuchh pata nahin kab prakash ka parivar kamare se nikal gaya aur ham donon ek doosare se lipatakar rote rahe. aansuon se kitane kool-kinare toot gir gaye, kitane bandh dhah-bah gaye, ham donon ke kitane shap-tap dhul gaye, kitana ham baras-baras kar halake huye hain, kitana bhing-bhing kar bhari? koee premi hi is virodh ko samajhega. kitana hamane ek doosare ko pa liya, kitana ham ek doosare mein kho gaye. ham kya the aur aansuon ke chashme mein naha kar kya ho gaye. ham pahale se bilakul badal gaye hain par pahale se ek doosare ko jyada pahachan rahe hain. chaubis ghante pahale hamane is kamare mein ajanabi ki tarah pravesh kiya aur chaubis ghante bad ham usi kamare se jivan sathi pati patni nahin banakar nikal rahe hain. yah nav varsh ka nav prabhat hai jisaka svagat karane ko ham bahar aaye hain. yah achanak ek doosare ke prati aakarshita, ek doosare par nichhavar athava ek doosare ke prati samarpit hona aaj bhi vishleshit nahin ho saka hai. ......"

to dekha aapane kavita ke chand shabd do ajanabi manavon ko kitane pas la sakate hain. bhavanaon ke sailab ko umadane ki takat rakhate hain ve. to aaiye dekhen kya thi vo poori kavita

kya karoon sanvedana lekar tumhari?
kya karoon?

main dukhi jab-jab huaa
sanvedana tumane dikhaee,
main krtajny huaa hamesha,
riti dono ne nibhaee,
kintu is aabhar ka ab
ho utha hai bojh bhari;
kya karoon sanvedana lekar tumhari?
kya karoon?

yek bhi uchchhvas mera
ho saka kis din tumhara?
us nayan se bah saki kab
is nayan ki ashru-dhara?
saty ko moonde rahegi
shabd ki kab tak pitari?
kya karoon sanvedana lekar tumhari?
kya karoon?

kaun hai jo doosaron ko
du:kh apana de sakega?
kaun hai jo doosare se
du:kh usaka le sakega?
kyon hamare bich dhokhe
ka rahe vyapar jari?
kya karoon sanvedana lekar tumhari?
kya karoon?

kyon n ham len mana, ham hain
chal rahe aisi dagar par,
har pathik jis par akela,
dukh nahin bantte paraspar,
doosaron ki vedana mein
vedana jo hai dikhata,
vedana se mukti ka nij
harsh keval vah chhipata;
tum dukhi ho to sukhi main
vishv ka abhishap bhari!
kya karoon sanvedana lekar tumhari?
kya karoon?

kya ye sach nahin jab apane dukh se ham khud hi nibatane ki asafal koshish kar rahe hon to sanvedanaon ke shabd ,dil ko sukoon pahunchane ke bajaye matr khokhale shabd se mahasoos hote hain. harsh ki bat itani jaroor hai ki bachchan ki ye dukhi karati kavita khud unake jivan mein ek naee roshani ka sanchar kar gaee.

vaise ye batayen ki kya aapake dvara likhi koyee kavita aisi bhi hai jisane aapake jivan ke marg ko ekadam se mod diya ho?