बुधवार, मई 21, 2008

Pankh kat gaye mere par aazad hoon main ...

Click Here to read this post in Hindi (Devnagari) script.

Char saal pahle antarajal par ek nazm padane ko mili thi, shayari ke ek manch par. likhne vale the Vinay ji jinake bare men mujhe bas itana maloom tha ki vo kanpur se hain. aksar unaki ghazalon aur nazmon ko us manch par ham saraha karate the.

aaj achanak unaki ek saadi si magar behad asaradar nazm ki kuchh panktiyan yad aa gayeen jo pahali bar padhne ke bad aksar gahe bagahe fir se laut kar hothon par aa jati hain. isiliye aaj socha ki kyoon na fir purani sanchikaon se nikal kar unhen aap tak laya jaye.

poori nazm men shayar apani mashooka se door jane ki baat karata hai, par nazm ki aakhiri do panktiyan us ki manasik sthiti ko behad khoobasoorati se vyakt kar deti hain...

mere sar khamoshi ka koyee ilajam bhi nahin
tumhare nam ab mera koyee paigam bhi nahin
waqt e maji ki ab koee tasavir nahin hai
tumhare vaste kaghaz pe koyee taharir nahin hai

ab door se mujhako tum sada mat dena
bujhate huye sholon ko hava mat dena
jo masayal hain mere sulajhane do mujhe
jata hoon agar door to jane do mujhe

manjilen aur bhi to hain jinhen pana hai tumhein
chand taron se bhi oopar jana hai tumhein
mere vaste kabhi koyee gam nahin karna
hausala apana kabhi bhi kam nahin karna

ab hamesha ke liye tum bhula dena mujhko
dil ke khali kisi kone men sula lena mujhko
ye alag bat hai zara nashad hoon main
pankh kat gaye mere par aazad hoon main


Vinay ji se pichhale char salon se meri net par mulakat nahin huee. aasha hai vo jahan bhi honge sakushal honge. chalate chalate unaka ek behatarin sher arj hai

ye to nahin kahata ki main shakhs badanasib tha
magar hara hoon jab kabhi main jeet ke karib tha


Click Here to post your comments

मंगलवार, मई 13, 2008

Khumar-e-gam hai mahakati fiza mein jite hain...

Click Here to read this post in Hindi (Devnagari) script.

Pichhali post mein film Leela ke geet jaag ke kati sari raina... ' ko aapane suna tha. Isi film ki ek ghazal he jo mujhe behad priy hai. ise gaya aur sangeet diya hai Jagjit Singh ne. Ab sangeet mein to kuchh khas nayapan nahin hai par isake bol jo Gulzar ne likhe hain lajavab hain. khasakar isaka matla to dil khush kar deta haiaur mujhe in panktiyon ko gunagunana behad pasand hai

khumar-e-gam hai mahakati fiza mein jite hain
tere khayal ki aabo hava mein jite hain


bade tapak se milate hain milane vale mujhe
vo mere dost hain teri vafa mein jite hain

firak-ye-yar mein sanson ko roke rakhate hain
har ek lamha utarati qaza mein jite hain

firak-viyog

aur gulzar hon aur sapanon ki baat na ho ye kaise ho sakata hai. sapana bhi kaisa... aadha adhoora. ab adhoore sapanon ki vedana to ham sabane jheli hai. isaliye to ve apani bat kuchh yoon rakhate hain.

na baat poori huee thi ki raat toot gayee
adhoore khab ki aadhi saza mein jite hain


tumhari baton mein koyee masiha basta hai
hasin labon se barasati shafa mein jite hain

shafa- chamak , tandarusti

to aaiye sunein is ghazal ko


Dimple Kapadiya par filmaye is ghazal ko you tube par yahan dekh sakate hain.lila film ki CD aap yahan se kharid sakate hain.

Do post your comment if u like this ghazal.

शुक्रवार, मई 09, 2008

Jaag Ke Kati Sari Raina..A haunting melody created by Jagjit Singh & Gulzar

Click Here to read this post in Hindi (Devnagari) script.

Jagjit Singh aur Gulzar do aisi shakhsiyat rahe hain jinhonne tees se chalis ki peedhi ko ghazal aur geeton se jode rakhane mein mahattvapoorn bhoomika nibhaee hai. jahan Jagjit Singh ne aam aadami ko ghazal ki khoobasoorati se saral alafajo mein parichit karaya vahin Gulzar ne filmi geeton mein bolo ki sarthakata aur unase paida hone vali jadoogari ko jilaye rakha.

2006 mein Gulzar aur Jagjit Singh ke sammilit prayason se se ek khoobasoorat album Koyee baat chale ki rachana huee thi. ye album Jagjit Singh ki gayiki se kahin jyada Gulzar ki triveniyon ki vajah se charchit rahi thi.

par isase pahale bhi Gulzar aur Jagjit Singh 2002 mein ek film mein ek sath aa chuke the. ye film thi leela aur is ka sangeet bhi Jagjit Singh ne diya tha. mujhe is film ke lagabhag sare geet aur ghazal achchhe lagate hain. par is geet ki baat hi kuchh alag hai. Gulzar ke bol jee ko bedh jate hain jab vo kahate hain

jaag ke kati sari raina
nayanon mein kal ooos giri thi


ooos (dew) ka roopak ke taur par kitana behatareen istemal kiya unhonne aur fir geet ki ye pankti

karavat karavat banti raina
jaag ke kati sari raina....


bas hoth nishabd ho jate hain shabdon mein goonjati anubhootiyon ko mahasooos kar ke...

vahi Jagjit Singh apni gayiki se geet ke bolon ki bechaini aur dard ko aur ubhar dete hain. unaki aavaj ka jadu shastriyata ke rangon mein rang kar sir chadh kar bolata hai. gaur kijiyega Jagjit ji ne ghazal gayiki ke sath guitar ki sangat kar ek naya prayog kiya hai



to aaiye sunein ratri geeton ki shrinkhala ke is doosare geet ko
jaag ke kati sari raina
nayanon mein kal oos giri thi
jaag ke kati sari raina....

prem ki agni bujhti nahin hai
bahati nadiya rukti nahin hai
sagar tak bahate do naina
jaag ke kati sari raina....

ruh ke bandhan khulte nahin hain
dag hain dil ke dhulte nahin hain
karavat karavat banti raina
jaag ke kati sari raina....


nayanon mein kal oos giri thi
jaag ke kati sari raina
Leela film ke is geet ko aap yahan dekh sakte hain




शुक्रवार, मई 02, 2008

'Chandni Ratein'..by Noorjehan & Shamsa Kanwal

main raat ka prani hoon aur aap mein se bahutere aur bhi honge. mainne subah ugate sooraj ki lali to birale hi dekhi hai par ratri ki bela mein chand taron ke samrajy ko bina kisi uddeshy ke ghanton apalak nihara hai. isaliye jab koee geet rat ki baten karata he to usamein khayalat dil par purajor asar karate hain.

to aaj ho jaye ik ratri geet vo bhi ऍsi rat jab chand apani snigdh chandani ke prakash se sari dharati ko prakashaman kar raha ho. is ujale mein jab door tak dikhati pangadandiyon mein kisi ke aane ki aas ho aur dil mein halka halka pyar ka suroor ho to kaun sa geet gana chahenge aap yahi na..



chandani ratein ..chandani ratein ..sab jag soye, ham jagen
taron se kare baten, chandani ratein ..chandani ratein ..


is geet mein ek mithi si shikayat hai par jab aap ise gate hain to sidhe sahaj par man ko chhoone vale shabdon ki masti mein doob jate hain. sabase pahale is geet ko gaya tha sur ki malika noorajahan ne ! recording purani hai isaliye aavaj ki gunavatta vaisi nahin hai. noorajahan shuruaat ek qata se karati hain aur fir shuru hota hai ye pyara sa nagma

ik hook si dil mein uthati hai.
ik dard sa dil mein hota hai.
ham raton ko uth kar rote hain
jab sara aalam sota hai

chandani ratein ..chandani ratein ..
sab jag soye, ham jagen
taron se kare baten
chandani ratein ..chandani ratein ..

takte takte tooti jaye aas piya na aaye re, takte takte
sham savere, dard anokhe uthe jiya ghabaraye re, sham savere
raton ne meri neend loot li, din ke chain churaye
dukhiya aankhen doondh rahi hai, kahe pyar ki baten
chandani ratein ..chandani ratein ..

pichhali raat mein ham uth uth ke chupake chupake roye re, pichhali rat mein
sukh ki nind mein geet hamare desh paraye soye re sukh ki nind mein
dil ki dhadakanen tujhe pukaren aa ja balam aaee baharen
baith ke tanahaee mein kar len sukh dukh ki do baten
chandani ratein ..chandani ratein ..

Get this widget | Track details | eSnips Social DNA






गुरुवार, मई 01, 2008

Memoirs from Kerala : Part-IV - Kochi to Munnar - Serpentine roads & Breathtaking Tea Gardens

Click Here to read the detailed travelogue of journey from Kochi to Munnarin Hindi (Devnagari) script

Date 24.12.2007

Rubber ke jungle aur rubber ko ek ardhvritakar (semi circular) pot mein nikalta kisaan (farmer)

dekhiye ananaas ke khet !(pineapple field)

Gyarah baje tak hum Kothamangalam mein the. Waise traffic ki betarteebi har bharteey shahar ki pehchaan hai.

Ohh tedhe medhe raston se sar chakrane laga. Shukra hai Munnar ab jyada door nahin

uff ye hariyali

ati sundar, just speechless

kya pose hai, kyun na ho itna sundar jharna jo peeche hai.

Click Here to post your comment