गुरुवार, अप्रैल 17, 2008

Maula Mere Le Le Meri Jaan : a touching song from Chak De India

Click Here to read this post in Hindi/Devnagari script.

Aaj ek geet kuchh soofiyana andaj ka jise mainne pichhale RMIM puraskaron ke dauran namit geeton men hone ki vajah se suna tha aur ek bar sunkar hi laga tha ki isamen kuchh alag baat hai. is geet ko film ke kahani ke paridrshya mein dekha jaye to geet ki bhavanaon ko samajhane mein aasani hoti hai. geet ke pichhe ka prasang kuchh is tarah se hai ...

apne desh ke prati sab kuchh utsarg ke ke bhi jab poori team ki galati ka thikara ek goalkeepar par footata hai aur alag majhab hone ki vajah se use jagah jagah gaddar ki upadhi se vibhooshit kiya jata hai to vo sochane par majaboor ho jata hai. use lagata hai ki shuru se to main isi mitti ka raha, yahin khela, pala bada, . khushiyon ke pal sath sath bante. isaki aan ko apana mana to fir aaj ye sab kyoon sunana pada mujhe? kya galati huee mujhse. is jalalat se to maut hi behatar thi...

is geet ko gaya salim marchent ke sath krishna ne . salim aur unake bhaee suleman chak de india film se liye gaye geet ke sangeetakar hain. salim suleman naye sangeetakaron ki jamat men ek ubharata naam hain. pichhale sal film dor ke liye inaka likha nagma ye hausala kaise jhuke kafi saraha gaya tha.

is geet ko likha hai, jayadip sahni ne jo geetakar se jyada ek patakatha lekhak ki haisiyat se jyada jane jate hain. 'khosala ka ghosala' se lekar 'chak de indiya' men apane patakatha lekhan se is computer engineer ne bahut vahavahi looti hai. par is dil ko chhoone vale geet men unhonne dikha diya ki unaki pratibha bahuaayami hai.

to aaeeye sunein ye marmasparshi geet...

Get this widget Track details eSnips Social DNA



tija tera rang tha main to
jiya tere dhang se main to
tu hi tha maula tu hi aan
maula mere le le meri jaan

tere sang kheli holi
tere sang ki divali
tere aanganon ki chhaya
tere sang savan aaya
fer le tu chahen najaren, chahe chura le
ab ke tu aayega re shart laga le

tija tera rang tha main to
jiya tere dhang se main to
tu hi tha maula tu hi aan
maula mere le le meri jaan

mitti meri bhi tu hi
vahi mere ghi aur choori
vahi ranjhe mere vahi hir
vahi sevaeeyan vahi khir
tujhase hi roothana re mujhe hi manana
tera mera nata koee dooja na jana

tija tera rang tha main to
jiya tere dhang se main to
tu hi tha maula tu hi aan
maula mere le le meri jaan

Click Here to post your comments.