रविवार, जनवरी 27, 2008

Varshik Geetmala : Song no. 15 -Jab bhi Cigarette Jalti Hai, Main Jalta Hoon...

Click Here to read this Post in Hindi (Devnagari) Script

Naheen, naheen main Cigarette naheen peeta. Cigarette ke dhuein se allergy to maine virasat mein payee hai par college aur naukareepesha zindagee mein, suttebajo.n kee sohabat mein rahane ka mauka, bahudha mila hai. Cigarette kee talab uthane par unake chehare kee bechainee ko aap nazaraandaj naheen kar sakate.

Meree is sangeetamala ke 15 veen payadan ka geet inhee Cigarette premiyon ke manovigyan ko samane lata hai. Ye apane aap men ek anootha geet hai ek aese vishay par, jo ab tak geetakaron ke liye anachhuaa hee raha hai.
Cigarette peene ke nukasanon ko bhalee-bhanti samajhane vale bhee kyoonn use chah kar bhee chhod naheen pate use Gulzar sahab ne badee khoobasooratee se likha hai aur isake liye vo tareef ke patr hain. Par khas bat ye hai ki utane hee behatareen andaj men ise apana svar diya hai Adnan Sami ne. Adnan ke dvara gae is geet ko sunate hee aap ko aesa lagata hai ki aap kisee aesee mahafil ka hissa ban gae hon jahann sangeet aur nritya ke beech dhuenn ke kash rah-rah kar uth rahe hon.

to Gulzar ke shabdon par gaur karein.

Hey I Waana Tell You About This Thing
This Stick Of Cigarette, Yeah

fir talab, talab, hai talab, talab
besabab, besabab fir talab, hai talab
sham hone lagee hai, sham hone lagee
lal hone lagee hai, lal hone lagee

jab bhee Cigarette jalatee hai, main jalta hoon
aag pe pannv padta hai, kamabakht dhuenn men chalata hoon
jab bhee Cigarette jalatee hai, main jalta hoon
fir kisee ne jalayee ek diyasalaee
fir kisee ne jalayee ek diyasalaee
o.. aasaman jal utha hai, sham ne rakh udayee
upale jaisa sulagata hoon, kamabakht dhuenn men chalta hoonn

lambe dhage dhuenn ke, sanns silne lage hain
pyas udhadee huee hai, hoth chhilne lage hain
sham hone lagee hai, sham hone lagee
o.. lal hone lagee hai , lal hone lagee

kadva hai dhuaann jo nigalata hoon
jab bhee Cigarette jaltee hai, main jalta hoon
aag men panv padta hai, kamabakht dhuenn men chalta hoon
jab bhee Cigarette jaltee hai, main jalta hoon

Waise to 'No Smoking' naheen chalee par isaka geet sangeet bambaiya filmee geeton se kuchh hat ke hai. Vishal Bharadvaj kee bahumukhee pratibha ka andaj aap is bat se laga sakate hain ki unhonne is geet men pashchimee sangeet kee ek vidha jaaaz ka prayog kiya hai jisamen sexophone, trumpet jaise vady yantron kee pradhanata rahatee hai. par mukhy bat ye hai ki geet aur sangeet ko is tarah se racha gaya hai ki ve ek doosare se guthe nazar aate hain.

to aaiye sunate hain ye geet

Get this widget | Track details | eSnips Social DNA





Liked this song ? Express your opinion by clicking here.

शुक्रवार, जनवरी 25, 2008

Varshik Geetmala : Song no. 16 -Rozana Jiyein, Rozana Marein...Teri yaadon Mein Hum...Rozana

Click Here to read this Post in Hindi (Devnagari) Script

Varshik sangeetmala ki is payadan 16 par geet vo, jise pahale to maine rakha tha 20 vein seedhi par. Par baar baar sunne ke baad ye aur jyada achchha lagne laga. Is geet ke sath hi ek nayee tikadi ka aagaman ho raha hai is geetamala mein. Ye kahana atishyokti nahin hoga ki ye geet, is sal ke sabase roomani geeton men se ek hai. Isake bolon ko likha Chandigarh ke yuva geetakar Munna Dhiman ne. Munna bachapan se hi lekhan men ruchi lete aaye hain. natakon ke liye skript se lekar cadbury ke ad jingal tak ki rachana unhonne ki hai.

Is geet men kahin koyee banavatipan nahin dikhta. Bas nishchal prem mein kahe gaye sahaj sachche se shabd jo seedhe dil par jakar lagate hain aur isaliye asaradar sabit hote hain.

Par munna ke bolon ko apani gahri sanvedanashil aavaaj se sanvara hai Amitabh Bachchan ne. Amitabh ke gaye gambhir geeton men mujhe 'Silsila ' ka unaka gaya geet nila aasaman so gaya.... sabase jyada pasand hai. Is geet ko niche ke suron se jaise unhonne oopar ki or uthaya hai vo man ko chhu leta hai. apani gayiki men amitabh ne munna ke bhavon ko yathasanbhav ubharane ki koshish ki hai.

Is geet ke sath hi pahali bar is sal aaye hain Vishal Bharadvaj is geetamala men. Vishal ne pichhle sal Onkara mein apne bemisal sangeet se sare sudhi sangeet premiyon ka dil jeet liya tha. Vishal is geet ke bare men kahate hain
"ki jab is geet ki recording chal rahi thi to amit ji ne kaha ki vishal, tumhare samane main ye geet gane mein asahaj mahasoos karoonga isaliye tum studio ke bahar hi baitho."

Vishal ka mat hai ki jis khoobsoorti se Amit ji ne is geet ko nibhaya hai ki unhein anya sitaron ke liye bhi parshv gayan karana chahiye.

kisi aise shakhs jisase hamne kabhi beintaha mohabbat ki ho, use jindagi se bhautik roop se alag karana jitna sahaj hai, utana hi kathin hai use apani yadon se juda karana. sote jagate zindagi ke har lamahe men vo chehara mandarata hi rahata hai. kis had tak ham in yadon men doobate chale jate hain vo aap is geet ke lafzon mein mahasoos kar sakate hain


Rozaana Jiye Rozaana Mare
Teri Yaadon Mein Hum
Rozaana

Rozaana Jiye Rozaana Mare
Teri Yaadon Mein Hum
Rozaana....

Ungali Teri Thame Huye Har Lamha Chalta Hoon Mein
Tujhko Liye Ghar Lautu, Aur Ghar Se Nikalta Hoon Mein
Ek Pal Ko Bhi Jata Nahi Tere Bin Kahin
Yun Raat Din
Bas Tujhmein Hi
Lipta Rehta Hoon Main
Rozaana ....
Rozaana Jiye Rozaana Mare
Teri Yaadon Mein Hum
Rozaana Jale Rozaana Ghoole
Teri Yaadon Mein Hum
Rozaana ....

Har Din Teri Ankhon Se Iss Duniya Ko Takta Hoon Mein
Tu Jiss Tarah Rakhti Thi Ghar, Vaise Hi Rakhta Hoon Mein
Teri Tarah Sang Sang Chale Yaadein Teri
Yun Har Ghadi Baaaton Mein Bas, Baaton Mein Teri
Gumsa Rehta Hoon Mein
Rozaana ...

Kuchh Gaao To Yaad Aaate Ho...
Gungunao To Yaad Aate Ho...
Kuchh Phehnu To Yaad Aate Ho...
Kahin Jaanu To Yaad Aate Ho...
Kuchh Khone Pe Yaad Aate Ho...
Kuchh Paanu To Yaaad Aate Ho...

Rozaana Chale Yaadon Mein Teri, Zindagi Ka Safar
Tujhse Hai Roshan, Tujse Hai Zinda(yeh Dil Ka Sheher
Rozaana ......


To aaiye sunein film Nishabd se liya huaa ye bhavapoorn geet





Get this widget | Track details | eSnips Social DNA



Liked this song ? Express your opinion by clicking here.

गुरुवार, जनवरी 24, 2008

Varshik Geetmala 2007: Song No.17- Bum Bum Bole...Masti mein Dole

daftar Payadan 17 jis par ek aisi film ka geet hai jisake gane is poori shrrnkhala men do teen bar nahin balki poore chaar bar bajane vale hain. ji han main bat kar raha hoon 'Tare Zameen par' ki jisaka mool vishay nanhe bachchon ki jindagi se juda hai. ab jahan bachche hon aur mauj masti ka mahaul na ho ऍsa kahin ho sakata hai.

mere priy gitakar Prasoon Joshi ne bachchon ki isi umang ko banaye rakha hai apane khoobasoorat bolon ke liye. bachche kitana khule dimag se sochate hain..unaki kalpanayen bina kisi poorvagrah ke rachit hoti hain..is khyal ko prasoon itane behatarin andaj men shabdon ka jama pahanate hain ki man unaki is kabiliyat ko naman karane ko hota hai.

ab dekhiye to barish ko aasaman ke nal khule hone se jodana , ya ped ki jagah kisi vyakti ke labada od khade hone ki bat ho. ye soch sahaj hi ek bal man ko samane le aati hai. prasoon ne sath hi is geet aur is film ke any geeton men bhi vartaman shaikshik pranali men rattebaji ki ahamiyat ko aade hathon lete huye maulik chintan ko tarajih dene par bal diya hai. unaki ye soch nishchay hi prashansaniy hai aur is git ke madhyam se ek achchha sandesh dene men safal rahe hain.

is geet ko sangitabaddh kiya hai Shankar-ahasan-loy ki tikadi ne aur ise svar diya hai shan ke sath khud aamir khan ne. kul milakar ye ek ऍsa git hai jo bachchon ke sath sath badon ko bhi gunagunane men behad aanand deta hai. mainne isake bolon ko git ke sath sunate huye likhane ki koshish ki hai taki git sunate sunate aap bhi aamir ki tarah akko takko karate chalen :).

chaka chaka chi cha cho chak lo ram
gando vando laka raka tam
akko takko idi idi idi go
idi paee vidi paee chiki chak cho
gili gili mal sulu sulu mal
maka naka huku buku re
tuku buku re chaka laka
bikko chikko sili sili sili go
bagad dum chagad dum chiki chaka cho

dekho dekho kya vo ped hai
chadar ode ya khada koee
barish hai ya aasaman ne
chhod diye hain nal khule kahin
ho... ham jaise dekhen ye jahan hai vaisa hi
jaisi najar apani
khul ke sochen aao
pankh jara failao
rang naye bikharao
chalo chalo chalo chalo
naye khvab bun len

he he he........
sa pa, dha re, ga re, ga ma pa sa
bam bam bama, bam bam bam bole
bam chik bole, are masti men dole
bam bam bole.....masti men dole
bam bam bole..masti men tu dol re

bhala machhaliyan bhi kyoon udati nahin
aise bhi socho na
socho sooraja, roj nahaye ya
bal bhigoke ye, buddhu banaye hamen
ye sare tare, timatimaye
ya fir gusse men kuchh badabadate rahen
khul ke sochen aao
pankh jara failao
rang naye bikharao
chalo chalo chalo chalo
naye khvab bun len

he he he........
bam bam bole.....masti men dole
bam bam bole..masti men tu dol re

o rat rat ke kyoon tainkar ful
...tainkar ful tainkar fula...
aankhen band to dabba gul
... dabba gul dabba gula...
oye band daravaje khol re
...khol re khol re khol re...
ho ja bindas bol re
...bol bol bol bol re
main bhi hoon tu bhi hai
main bhi tu bhi ham sab mil ke
bam chika, bam bam chika, bam bam chika, bam bam chik
bam bam bam

ऍsi rangon bhari apani duniya hain kyoon
socho to socho na
pyar se chun ke in rangon ko
kisi ne sajaya ye sansar hai
jo itani sundara, hai apani duniya
oopar vala kya koee kalakar hai
khul ke sochen aao
pankh jara failao
rang naye bikharao
chalo chalo chalo chalo
naye khvab bun len
bam bam bole.....masti men dole
bam bam bole..masti men tu dol re
to aaiye sunen 17 vin payadan ka ye geet

Get this widget | Track details | eSnips Social DNA




बुधवार, जनवरी 23, 2008

Varshik Geetmala 2007: Song No.18- Halke Halke Rang Chhalke

Click Here to read this post in Hindi (devnagari) script.

Varshik sangeetamala kee 18 veen payadan par geet vo jise sunate hee man halka aur prafullit sa mahasoos karata hai. ise aavaz dee pratibhavan gayak Neeraj Shridhar ne , bol likhe javed akhtar ne aur sangeetabaddh kiya vishal-shekhar ne. 2005 men 'You, Bomsi and me' mein inheen ka gaya huaa geet 'kahann ho tum mujhe batao' mujhe behad pasand aaya tha aur 2005 kee sangeetamala men vo naveen payadan ka geet bana tha.

neeraj shreedhar pahalee bar logon kee nazar men tab chadhe the jab unhonne purane hindee nagmon ko ek nae roop men pesh kiya tha. , jo samany rimix sangeet se alahada tha. isalie inake dvara punarnirmit vo chalee vo chalee...., chhod do aannchal.... aur hava men udta jaye.... jaise geet sameekshakon dvara bhee sarahe gaye the.

dilachasp bat ye hai ki Bombay Vikings namak band kee shuruaat bharat men naheen balki sweedon jaise desh men shuru huee, jahann vo pale badhe hain. sudoor pashchim ke is desh men is tarah ka nam chunane ka karann bas itana tha ki vo chahate the ki sveedan men unake baind ke bharateey rishte ko log mahasoos kar saken. apane shuruaat ke dinon men maikadanald men kam karane vale neeraj ko sangeet men jaij (Jaaz) behad priy hai.

to aaie lauten geet kee taraf jisamen vishal-shekhar kee dhun aisee hai jo geet par havee naheen hotee par use khoobasooratee se ubharane men sahayata pradan karatee hai. javed ke bol dil men umangen jagate hain aur neeraj kee dilakash aavaz man ko mohatee chalee jatee hai.


aankhon ki ki har daali par khil gaye
phool kayi, jab dil se dil mil gaye
Aankhein aankhon se kehne lagi hai
ek nayi dastaan
Halke halke rang chhalke
jaane abb kya hone ko hai

Saahil pe jaise aati hai lehraake mauje
dil mein aayi hai umange
Bheegi hawaayein gaati hai meethi si dhun mein
jaagi jaagi hai tarangein
Ajnabee jo kal mile the
faasle unke kam ho gaye
Halke halke rang chhalke
jaane abb kya hone ko hai

Phoolon ki rut mein bhawarein bhi deewane se hai
kaliyaan khilati hai sharmili
Abb zindagi ne odhi hai ek mehki mehki
khwaabo ki chaadar rangili
Tum se milke saath chalke
kya se kya dekho hum ho gaye
Halke halke rang chhalke
jaane abb kya hone ko hai

In lamhoo ki har daali per khil gaye
phool kayi jab dil se dil mil gaye
Aankhein aankhon se kehne lagi hai
ek nayi dastaan
Halke halke rang chhalke
jaane abb kya hone ko hai

To aaiye sune ye Honeymoon Travels Pvt. Ltd. ka ye pyara sa nagma

मंगलवार, जनवरी 15, 2008

Varshik Geetmala 2007: Song No.19- Lamha Ye Jayega Kahaan....

Vaarshik sangeetamaala kee 19 vee paayadaan aapake saamane hai mitro.n. Aur is par gaana vo jo 80's ke dashak me banee film 'Golamal' film ke us antare kee yaad dilaata hai jise Gulzar saahab ne likha tha . yaad hai na 'aane vaala pal jaane vaala hai' ka ye jumala

ik baar waqt se lamaha gira kahee.n
vahaa daastaa.n milee lamaha kahee.n nahee.n


jeevan ke is safar me kitane hee sunahare lamaho se ham do chaar hote hain par samay rahate un ke saath jeene kee ikchchha ko dabaate hue dauD me aage baDh jaate hai. par mukaam par pahunch jaane ke baad lagata hai are ! bahuteree baate.n to karanee rah hee gayee.n... .

aur fir yaad aatee hai ateet kee gard se zaankate un lamaho kee ...par kya ham unhe fir se taalaash paate hai? shaayad nahee.
ese hee lamaho kee kahaanee lekar ae hai navodit geetakaar Prashant Pandey. dekhie to vo kya kah rahe hain...

khushanuma, aawaara sa, besabab, bechaara sa lamha tha
jindagi ke aasmaan mein tuta sa woh taara tha, tanha tha
keh rahein hai zarrein dekho, raaston se gujra tha yahaan
dhundatein hai usako lekin gaayab hai pairon ke nishaan
lamha yeh jaayega kahaan lamha yeh jaayega kahaan
lamha kahaan yeh kho gaya, ik pal mein tanha ho gaya


aaye jo mausam naye, manjar badal jaayenge
shaakhon se patte gire, girake kidhar jaayenge
keh rahein hai zarrein dekho, raaston se gujra tha yahaan
dhundatein hai usako lekin gaayab hai pairon ke nishaan
lamha yeh jaayega kahaan lamha yeh jaayega kahaan
lamha kahaan yeh kho gaya, ik pal mein tanha ho gaya


shabnam ka katra hai yeh, sholein bujha jaayega
kar jaayega aankhein nam yaadon mein bas jaayega
baarisho ki bundein barase, baadalon ke dil halke huye
jaane pehchaane chehron ke aks bhi kyun dhundalein huye
lamha yeh jaayega kahaan lamha yeh jaayega kahaan
lamha yeh jaayega kahaan tanha yeh jaayega kahaan
To suniye Agni dwara sangeet nirdeshit is geet ko jise gaya hai K.Mohan ne


Get this widget | Track details | eSnips Social DNA



शनिवार, जनवरी 12, 2008

Varshik Geetmala 2007: Song No.20- Zindagi ne Zindagi Bhar Gham Diye…

Jaise-jaise vaarshik sangeetamaala kee oopar kee paayadaano kee or raasta khul raha hai geeto ko kram dene kee mashakkat baDhatee ja rahee hai. ek baar kram bana lene ke baad mai baar-baar un geeto ko sunata rahata hoo aur fir lagata hai ki nahee, is geet ko kuchh aur oopar bajana chaahiye . isee vajah se 20 vee paayadaan ke geet ne paanch paayadaano kee chhalaang laga kar rukh kiya hai 15 vee paayadaan ka :). aur 20 vee paayadaan par seedhe viraaj raha hai ye naya geeta.

Is sangeetamaala me ye doosri baar aisa hua hai ki kisee paayadaan par sangeetakaar hee gaayak ka kiradaar sambhaal rahe hain. aur maje kee baat ye hai ki is yuva sangeetakaar ka aaj yaani 11 january ko 22 vaa janmadin hai.
Jee haa doston mai baat kar raha hoo Mithoon Sharma kee jinhonne pahalee baar meree 2006 kee sangeetamaala ke 5ve nambar ke geet ' ke roop me pravesh kiya tha aur jinake film anavar ke do geet 'maula mere' aur 'to se naina laage saanvare' 2006 kee meree soochee me aate-aate rah ge the. khair mithun pratibhaavaan hai isame to koee shak nahee hai par ye pratibha bahut kuchh unhe khaanadaanee viraasat ke roop me milee hai. ve sangeetajny naresh sharma ke putr aur pyaarelaal (lakShmeekaant pyaarelaal vaale) ke bhateeje hai.

beesavee paayadaan par jo geet mainne chuna hai vo film 'The train' se hai. mithun ka gaane ka andaaj bahut kuchh Aatif Aslam jaisa hai aur bahudha log unakee aavaaj ko sahee nahee pakaD paate hai. par 20 vee paayadaan par is geet ke hone kee vajah seed kaadaree ke bol bhee hai. geet ka ye antara muze sabase pasand hai

zindagi ne zindagi bhar gham diye…
Jitne bhi Mausam diye… Sab nam diye…
Zindagi ne zindagi bhar gham diye…

Ek mukkammal kashmakash hai zindagi..
Usne hamse ki kabhi na.. dosti…

Jab mili mujhko aasoon ke woh tohfe de gayi..
Has sake hum aise mauke kam diye…
Zindagi ne zindagi bhar gham diye…
Jitne bhi Mausam diye… Sab nam diye


to suniye 20 vee paayadaan ka ye geet jo mausam ke naam se bhee jaana jaata hai

Get this widget Track details eSnips Social DNA



शुक्रवार, जनवरी 11, 2008

Varshik Geetmala 2007: Song No.21- aankhon Mein Teri, Azab si..

'Om shaanti om' muze koee khaas pasand nahee ayee par yuva sangeetakaaro kee joDee Vishal aur Shekhar ka sangeet saraahaneey lagaa. to hujoor is geet ko sunane ke pahale kuchh dilachasp baate vishaal aur shekhar kee yugal joDee ke baare me. vishaal yaani Vishaal Dadlani ek sangeetakaar ke saath gaayak bhee hai aur mumbee ke rok bainD 'Pentagram' ke sadasya bhee, vahee shekhar yaani Shekhar Ravajiyani ne bhee shaastreey sangeet seekha hua hai.


vaise to zankaar beeTs me apane umda sangeet kee vajah se ye joDee charcha me aee par pichhale saal inaka sitaara tab chamaka jab e. aar. rahamaan ne kinhee kaaraNo se 'om shaanti om' ka sangeet dene ka vichaar tyaag diya aur ye film vishaal; ;shekhar kee jholee me aa giree.

to 21 vee paayadaan par geet hai..aankho me teree ajab see.. jise likha jaaved akhtar saahab ne . jaaved saahab kee ye khoobee hai ki vo apane geeto me bina kisee kliShTata ke vo khoobasooratee le aate hai jo aam geeto me nahee milatee. geet ka mukhaDa to pyaara hai hee

aankho me teree ajab see ajab see adayein hain
dil ko bana de jo patang
saanse ye teree, vo havayein hain


aur antare me unakee ye soch bhee khoob lagatee hai

tere saath saath aisa, koyee noor aaya hai
chaand teree roshanee ka halka sa ik saaya hai...


to pahale dekhie Amanat Ali Khan ko sa re ga ma par ye geet gaate hue saath me Deepika bhee dikhengee apanee khoobasurat aankho.n ko zapakaate hue.



Aur phir suniye is geet ko KK ki aawaaz mein


Get this widget Track details eSnips Social DNA


मंगलवार, जनवरी 08, 2008

Annual Musical Countdown 2007: Song No. 22 - Toh Phir Aao, Mujhko Satao..

Click Here to read this post in Hindi (Devnagari) script

Is sangeetamaala ke 22 ve number ka geet ek alag sa mood liye hue hai. ise gaaya hai paakistaan ke navodit gaayak Mustafa Zahid ne.

...Man maayoos ho aur dil behad bhara bhara sa to apanee aantarik peeDa baahar nikaalane kee chhaTapaTaahaT hrday ko vyaakul kar hee detee hai aur apanee hataasha ko nikalane ke lie aise hee svar prasfutit hote hain....
Badi bakhoobee nibhaaya hai mustafa ne ise. darasal mustafa jaahid ne ye geet apane elabam Rozen-e-deewar (raaksan) me khud racha tha aur vo 2006 me paakistaan me behad lokapriy hua thaa.

Rahat Fateh Ali Khan aur usake baad Atif Aslam ke sangeet ko bhaarat ke logo ke beech pahunchaane vaale nirdeshak mahesh bhaTT ne jab Mustafa Zahid ka ye elabam suna to use vo apanee film 'aavaaraapan' me lene ke lie taiyaar ho ge. sangeet ko Preetam ne fir se punah sanyojit kiya aur Syed Qadri ne bhee bolo me aur asar laane ke lie thoDe badalaav kie. mainne is geet ke dono roop aarambhik aur parivarttit dono sune hai aur us hisaab se preetam aur Qadri saahab ne geet ko bhaavanao ko aur purajor dhang se rakha hai.

par geet ke asalee heero Mustafa Zahid hain. 25 varSheey mustafa ko jab ye geet gaane ko kaha gaya to unhonne sTooDio kee pooree battiyaa band karane kee maang kee. jaahid kahate hai ki film ke nirdeshak mohit sooree ne kaha ki ye geet film ke climax me aata hai aur tumhe ise is tarah gaana hai ki isakee har pankti se vo dard ubhare jo naayak ka kiradaar mahasoos kar raha hai. to mustafa jaahid ne ye gaana ghane andhakaar me gaaya aur jab vo rikaarDing sTooDiyo se baahar nikale to unakee aankho kee laalee kisee se chhup nahee rahee thee.

toh phir aao mujhko sataao
toh phir aao mujhko rulaao

dil badal bane aankhein behne lagi
aahein aise uthein jaise aandhi chalein
toh phir aao mujhko sataao
toh phir aao mujhko rulaao
aa bhi jaao

ho ho ho........
gum le ja tere, jo bhi tune diye
ya phir mujhko bata, inko kaise sahein
toh phir aao mujhko sataao
toh phir aao mujhko rulaao
aa bhi jaao

ho ho ho.......
abb to iss manjar se, mujhko chale jana hai
jin raahon pe mera yaar hai
unn raahon ko mujhse paana hai
toh phir aao mujhko sataao
toh phir aao mujhko rulaao
aa bhi jaao


to janab aap bhi shant mahoul mein is geet ko sunein iska asar khudbakhud mehsoos kareinge..



Get this widget Track details eSnips Social DNA



इस संगीतमाला के पिछले गीत



Click Here to post your comments.

रविवार, जनवरी 06, 2008

Annual Musical Countdown 2007 : Song No. 23 - Kasak Uthi Mere Man Mein Piya Mujhe Gale Laga Le

Click Here to read this post in Hindi (Devnagari) script.

Vaarshik sangeetamaala kee 23 vee seeDhee me disha badalate hai mauj mastee se melody kee oor. Kayee geete aise hote hai jinake bol to seedhe sahaj hote hain, par geet kee melody aisee hotee hai ki aap us ke saath doobane lagate hai. To is paayadaan par aapaka intajaar kar raha hai aisa hee ek geet jisakee dhun banayee aur gaaya Anand Raj 'Anand' ne (sambhavatah likha bhee unhonne hee. )

Poore geet ka pravaah aisa hai ki aap ke man me ek prem kee nirmal svachchh dhaara see bahatee mahasoos hotee hai. Baansuree kee taan poore geet ke saath chalatee hai jo man ko kaafee sukoon pahunchaatee hai.

Ab thodi batein is geet ke peechhe ke shakhs ke baare mein. Anand Raj Anand , Delhi ke aise parivaar se aate hain jo jewellary ke vyavasaay se juda thaa. Bachapan se hee unakee sangeet me ruchi thee. Jab ve school me paDhate the tab bhee sangeet kaaryakram me filmye gaane na chun kar apane dvaara svarabaddh rachana ko sunaana pasand karate the.


Mumbai nagariya me unaka aagaman 1992 me hua par ek gaayak, geetkaar aur sangeetakaar ke teeno roopo ko nibhaane ke avasar unhein jyaada nahee mile. Mumbai film udyog ne unhe gambheerata se tab lena shuru kiya jab unaka ek geet 'chhoTa bachcha samajh ke mujhe na dhamakaana re' lokapriy ho gayaa. Phir nirmaata nirdeshak Sanjay Gupta kee team ke vo lagabhag sthaayee sadasy ho ge aur 'Kaante' se lekar aaj kee 'Welcome' tak unaka safar badastoor jaaree hai.


To aaiyee sune Anand Raj 'Anand' ko 'Chhodo na Yaar' ke is geet mein

Get this widget Track details eSnips Social DNA



Annual Musical Countdown - 2007/ Song no. 24 : Jhoom Barabar Jhoom

Pichhle geet ne agar thirakane ko majaboor na kiya ho to ab bhee der nahee huee is baar Gulzar ke bolo par hee jhoom lein. Haan hujoor sahee pahachaana aapane is sangeetamaala kee 24 vee paayadaan par geet vo jise likhane ke peechhe prerit kiya Gulzar ko sattar ke dashak kee is kavvaalee ne. bachapan me mainne bhee isaka khoob aanand uThaaya thaa. agar bol na yaad aa rahe ho to mai aapakee madad kar deta hoo

kaalee ghaTa hai, mast fazaa hai
kaalee ghaTa hai, mast fajaa hai jaam uTha kar ghoom ghoom ghoom
jhoom baraabar jhoom sharaabee, jhoom baraabar jhoom....


Naza Sholapuri kee is rachana ko aavaaj dee thee 1974 me banee film '5 Rifles me Azizj Nazan ne aur sunane vaale jhoom-jhoom ke mast ho ge the. par Gulzar ne film 'Jhoom baraabar Jhoom' me jo geet racha usame sharaab ka nasha to nahee raha par vishuddh panjaabee taDaka jaroor laga diyaa. is geet ke film me teen roop hai. ek me shankar mahadevan ka solo hai to doosare me vo Sunidhi Chauhan aur Zubeen Garg ke saath hai aur teesare me Sukhvindar Singh, MahalakShmee Aiyar aur KK ke saath sur mila rahe hai.

Geet ke pahale roop me Gulzar ishq kee pechadiyo.n se ulajh rahe hain..
o yeh ishq puraana paapi, har baar khata karata hai rabba...
har baar bachaata hoon main, har baar yeh ja marta hain rabba rabba....
ho paas koyi aa gaya to, raaj koyi aa gaya toh
baar baar baar kaleje pe na maar akhiyaan -
udati udati ankhiyon ke, lad gaye penche lad gaye ve
jhoom..............
To wahin agle version mein apne priya bimbon raat, chaand aur chaandni se alag shabda chitra kheench rahe hain.
ho chaand ki utaar li hai dono baaliyaan
aaja aaja hath maar de taaliyaan
billoni billoni billoni ,hath maar de taaliyaan -
aaja chaandani kutenge, aasamaan ko lutenge
chal dhuva udaake jhoom jhoom....
jhoom baraabar jhoom baraabar jhoom baraabar jhoom
Par geet ke bolon se jyada is geet ke mukhde mein prayukta musical arrangement prabhawit karta hai aur iske liye Shankar -Ehsaan-Loy ki tikdi ne Guitar, Bagpiper, drum aur Dhol ka bakhoobi istemaal kiya hai..

शुक्रवार, जनवरी 04, 2008

Annual Musical Countdown - 2007/ Song no. 25 : Om Shanti Om..Bas Deewangi deewangi Hai

Jaisa ki aapase vaada tha, keral ke 13 din ke pravaas ke baad punah haajir hoo Varshik Sangeetamaala 2007 me pichhale saal ke apane chuninda 25 geeto ko lekara. vigat teen varShau se meree ye koshish rahee hai ki aaj ke is dhoom dhaDaakedaar sangeet ke daur me jo kuchh sureela aur arthapoorN ho raha use aap tak pahuncha sakoo. kee baar kah hee chuka hoo ki reDio seelon kee sibaaka geetamaala se mera juDaav bachapan se raha hai. isalie is shrrnkhala me bhee mai aapako 25 geeto kee seeDhiyaa chaDhavaata hua, apanee pahalee paayadaan par le jaunga bahut kuchh ameen chaacha ke andaaj me.

Jaisa hamesha se hota aaya hai ne saal ka aagaaj mastee bhare kuchh aise geeto se jinhonne aam janamaanas ko thirakane par majaboor kiya achchhe sangeet ke bal para. to bahano aur bhaeeyo 'ek shaam mere naam' kee vaarShik sangeetamaala 2007 kee 25 vee paayadaan par gaana vo jise gaaya Rahul Saxena, Shaan, Udit NaaraayaN, Shreya Ghoshaal aur Sunidhi Chauhaan ne, likha jaaved akhtar ne par ye abhineet kiya gaya mumbee maayaanagaree ke 31 jagamagaate sitaaro dvaaraa. vaise to faraah khaan chaahatee thee ki ye geet aamir, saif, shaaharukh aur sanjay datt milakar gae. par aamir , taare jamee par kee shooTing par is kadar vyast rahe ki samay nahee nikaal pae. lihaaja geet ko unake bagair hee shooT karana paDaa. amitaabh , abhiShek kee shaadee me vayast rahe.
ab baakee star ko Farah Khan ne is geet me kaise nachaaya vo to aap is veeDio me dekh sakate hai par jab dharmendra pa jee kee baaree aee to faraah ne apane ghuTane Tek diye aur unase kaha ki aap jo kar sakate hai kar deejiye.



pooree film me is geet ka mainne sabase jyaada aanand liya aur usaka poora shrey vishaal-shekhar ke madhur sangeet aur faraah kee choriography ko dena chaahiye. to aap bhee sunie, tab tak mai kal fir haajir hota hoo 24 vee paayadaan ke geet ke saath
Get this widget Track details eSnips Social DNA

>

गुरुवार, जनवरी 03, 2008

Shukriya...Meherbani..for readers of 'Ek Shaam Mere Naam' for touching milestone of 100000 page loads

Pichle mahine yani December ke teesre saptah mein ye blog 100000 yani (One lakh) page loads ko paar kar gaya.
Mere Roman Hindi Blog ne is manzil ko chhua hai iske liye un tamaam jaane aur anjaane pathakon ko mera tahedil se shukriya jinke sahyog ne mujhe Devnagari ke sath sath Roman mein bhi likhte rahne ke liye prerit kiya hai.




Aap log is blog ke bare mein sujhav bhejte rahein taki main jahan tak sambhav ho sake ismein sudhar lata rahoon. Aap sab ko naye saal ki hardik shubhkaamnaayein !
Aur haan yaad rakhein har saal ki terah is blog par saal bhar ke chune huya mere pasandeeda 25 geeton ki hit parade yani varshik sangeetmala jald hi shuru hogi asha hai aap humesha ki terah is safar mein mere sath honge...:)

Click Here to Post your comments