Wednesday, December 31, 2008

Annual Musical Countdown 2008 : Song no. 25 : Pappu Can't Dance Sala

2008 khatma hone ki qagaar par hai aur saal ko vida karte samay waqt aa gaya hai Annual Musical Countdown yani Varshik sangeetmala ke 25 choti ke geeti ki ulti ginti shuru karne ka. Sangeetmala ki 25 vien paaydaan par gana wo jiska aarambhik sangeet bajte hi yuva to yiva bachche boodhe bhi thirakne lagte hain. Ye geet is saal parties mein itna baja hai ki sahayad ise sunte sunte aap thode bore ho gaye honge.



Jee haan main usi Pappu ki baat kar rahan jiske paas wo sabhi khoobiyan hain jo aaj ki peedhi mein cool kahlane ke liye nihayat juroori hai. Bas dikkat ek hi hai ki kambakht Pappu ko nachna nahin aata aur isliye Pappu cool hone ke bajay nira Pappu rah jata hai.

Khair nachana to mujhe bhi nahin aata par Anupama Deshpande, Beni Dayal, satish subramanian, Tanvi, darshana aur Aslam ke sammilit swar mein gaye is geet ne kayi baar bachchon ke sath jhoomne par vivash kiya hai. Jane tu Ya Jane Na film ke is geet ko Abbas Tyrewala aur A.R.Rahman ne apne geet sangeet ke badaulat ise saal ka sabse safal funky dance no. ke roop mein sthapit kar diya hai.

Is geet mein 'sala' shabda ke prayog par bahas ho sakti hai. abbas 'sala' ki jagah 'baba' ka bhi istemaal kar sakte the. Par gane ka masaledaar jayke ko ubharne ke liye shayad unhone 'sala' ko hi prefer kiya. Ab chodiye in baaton ko ab jabki naye saal ke aane mein ek ghanta hi shesh rah gaya hai to kyun na ek baar aur thirak lein apne Pappu ke sath





Aur haan Ek Shaam Mere Naam ke pathakon ko is mauqe par Nav varsh ki hardik shubhkaamnaayein. asha hai is blog ke sath aapka ye judav naye varsh mein bhi bana rahega. Apne vichar mujhe is blog par comment ya mujhe seedhe mail kar avgat karate rahein.isse aap sabse sampark bana rahta hai.


Click Here to Post your comments on this post.

Friday, December 26, 2008

Annual Musical Countdown - 2008 ka aaghaaz aur ek nazar pichli countdowns par

To doston waqt aa gaaya hai Annual Musical Countdown 2008 shuru karenge. Is blog ke purane pathak Jaante hai ki ye silsila is blog par 2005 mein shuru hua tha jab 2004 ke 10 behtareen geeton ko is blog par pesh kiya tha.
Aur phir har saal saal ke aakhir mein meri nazron mein saal ke 25 manpasand geeton ko aapke saamne prastut karta raha hoon. Is baar bhi ye silsila 31 december se shuruat karne ka iraada hai. To isse pehle ki main ye countdown shury karoon ek nazar pichle salon ke sartaaj geeton ki taraf.
Sabse pehle 2004 ki baat karoon to is saal Phir Milenge ke do geeton Khul Ke muskura de tu aur kuch khushbuyein yadon ke jangal se beh chalin ne is geetmala mein pehla aur doosra sthan banaya tha. Ye donon hi geet Prasoon Joshi ne likhe the aur dhun dee hi Shankar Ehsaan loy ki tikdi ne.
Phir aaya saal 2005 jab Parineeta ka geet Raat humari to Chand ki saheli hai aur Hazaron Khwahishein aisi ke geet bawra man chale ek sapna ne sartaaj aur runners up geet ka sehra apne sir bandha tha. Is baar in donon geeton ko likha tha Swanand Kirkire ne aur dhun banayi thi Shantanu Moitra ne
.
2006 ki annual countdown mein Javed Akhtar ka likhe geet age Janam mohe bitiya Na Keejo (sangeet Anu malik) aur Mitwa mujhe sabse dil ke kareeb lage. Halanki is saal omkara aur guru film ke geet bhi behad achche the.
Aur pichle saal to Tare Zameein Par ke liye Shankar Ehsaan Loy aur Prasoon Joshi ne qamal ji kar diya. Aur ise Title song ko doosra aur behad samvedansheel nagme Maan... ko pehla sthan mila

to ab hai saal 2008 ki bari. Kya koi naya chehra is baar sartaaj geet mein shamil hoga ya wahi purane diggaj hi shikhar par chhaye rahenge .Is baar 25 geeton mein ek ko chhodkar sabhie is saal ki music release karne wali hindi filmon se liye gaye hain. Ek geet Non Filmi album ka haiasha hai mere manpasand 25 geeton ke is countdown show ka aap hissa banenge apne comments ke sath.

Thursday, December 25, 2008

The 3 mistakes of my life : Chetan Bhagat

Zindagi mein bhoolen to ham sabhi karate hain par in bhoolon ke bare mein kitanon se charcha ki hogi aapane ? shayad apane najadikiyon se ! ab ye idea to kabhi aapake man mein nahin hi aaya hoga ki apni ghalatiyon se tang aakar aap aatmahatya karane ki sochen aur use karyanvit karane se pahale ek bahucharchit upanyasakar ko e mail kar dein. khair main janata hoon itana dhansu tareeka aapake man mein kabhi nahin aaya, kyonki agar aisa hota to aap apana waqt meri is post ko padane mein barbad nahin kar rahe hote. :)

ab dekhiye ahmadabad ke govind patel ne yahi kiya aur chetan bhagat ki tisari kitab 'The 3 Mistakes of My Life' ke nayak ban baithe. govind bhagyashali rahe ki vo bach gaye aur apni kahani chetan ko suna paye. aur parason hi TV par ek promo dikha jisamein hiro kahata hai ki main govind hoon to turat samajh aa gaya ki ab 'Hello' ki tarah is kitab par bhi film banne ja rahi hai.

Chetan Bhagat ki ye kahani ahmadabad ki hai aur gujarat ki tatkalik ghatanaon bhookanpa, dangon aur bharat aastreliya kriket shrrnkhala aadi ke bich banati panapati hai. poori kahani un tin nimn madhyamavargiy doston ke ird gird ghoomati hai jinaki ruchiyan alag alag vishayon (dharma, kriket aur vyapara) se judi huee hain. mainne isase pahale unaki Five Point Someone aur One Night at Call Centre padi thi aur Five Point Someone ko to padane mein bahut maja aaya tha. agar kisi upanyasakar ki pahali kitab bahut pasand ki jaye to vo ek mapadand si ban jati hai aur aksar usaki tulana bad ki kitabon se hone lagati hai.

aur is hisab se 257 prshthon ki ye kitab mujhe utani pasand nahin aati. halanki chetan ki lekhan shaili hamesha ki tarah rochak hai. unake charitron se aam aadami bhi jald hi juda mahasoos karata hai. yuvaon ke dil mein uth rahi baton ko bebaki se likhane mein chetan mahir hain. unhonne gujaratiyon ke vyapar mein Never Say Die vali nishtha ke sath ek aam vyapari ki soch ko bhi tatolane ka kam kiya hai.

par kitab se gujarane ke baad aapko ye nahin lagta ki aapane kuchh vishisht padha. poori kitab ek vyavasayik hindi film ki patakatha jyada nazar aati hai jisamein rajaniti, dharma, hinsa, prem, cricket ka uchit anupaton mein samavesh hai aur yahi karan hai ki filmavalon ne is kahani ko jald hi jhatak liya.
antatah yahi kahna chahoonga ki agar aapake pas kuchh aur karane ko na ho to ye kitab pad sakte hain jaisa mainne hospital mein apani dyooti nibhate vakt kiya aur agar kitab se jyada filmo ka shauk rakhate hon to is par aadharit film dekh lein ..

Wednesday, December 10, 2008

Jallad Ki Diary...Hangman's Journal by Shashi Warrior

Aapne mrtyu ko kya bilkul nazdeek se dekha hai? ya kabhi ye socha hai ki jab aap kisi ko bina vidvesh ke mar dein to usake baad aapaki kya manaahsthiti hogi. Kaisa lagata hai jab aam jindagi mein log aapako aur aapake peshe ko ek tarah ke khauf se dekhte hain. ek aam jan ke liye ye saval betuke aur bemani se lagenge. par jab bat ek peshevar jallad ki ho to ye prashn behad prasangik ho uthate hain.
inhi prashnon ko lekar keral ke angloindian upanyasakar Shashi Warrior pahunch jate hain Janardan Pillai ke paas, jinhonne travanakor ke raja ke shasan kal aur usake uparant mein tin dashakon mein 117 fansiyan deen thin. lekhak ne is upanyas mein un sari baton ko bina lag lapet pathakon tak pahunchane ki koshish ki hai jise janardan ne apani soch aur samajh ke hisab se lekhak dvara di gaee copiyon mein likha aur apane marne ke pahale lekhak ko saugat ke roop mein chhod gaya.

ye pustak sabase pahale 1990 mein Hangman's Journal ke nam se angreji mein prakashit huee aur isaka hindi sanskaran pahali baar penguin books ne yatra books ke sahayog se 2006 mein nikala. is sanskaran ka angreji se anuvad kumudani pati ne kiya hai. is upanyas ka vishay kuchh aisa hai jo na chahate huye bhi aapako ye sochane ke liye majaboor kar deta hai ki fansi ke samay jan jane vale aur lene vale ki kya dasha hoti hai. par us baare mein bad mein bat karate hain pahale ye bataiye ki fansi lagane ki bat kahate huye kya aapane kabhi socha hai ki vastav mein ye prakriya hai kya? par lekhak pathak ko is duvidha mein jyada der nahin rakhate aur upanyas ka aagaj kuchh yoon karate hain...

"......ise patan kahate hain
isake liye jailoron ke paas ek laghu talika hoti hai, yah batane ke liye ki aparadhi vyakti gardan mein lage fande sahit kitani doori tak gire jise usaka kaam safaee se tamam ho. visheshajnyon ka kahana hai ki use utana hi girana chahiye ki usake veg se rassi usaki gardan tod de. yadi sharir adhik door girata hai to rassi usaki gardan mein dhans jati hai aur bahut sanbhav hai ki sir ko alag kar de. yadi sharir paryapt doori par nahin girata hai to gardan nahin tootegi aur vyakti ko dam ghutakar mitane mein kuchh minute lagenge...."

Janardan apane sansmaran mein kaee baar fansi dene ke pahale hone vali kavayad ka jikr karate hain. fansi ke takhte ka parikshan pahale bina vajan ke aur fir vajan ke sath kiya jata hai. jallad ka sabase pramukh kary hota hai rassi ki ganth ko sahi jagah lagana. ganth sahi jagah lagi to gardan turant tootati hai varna kaidi ki dam ghutakar dhire dhire maut hoti hai. purane jamane mein rassi khud jallad taiyar karata tha. rassi ka us hisse ko chikana rakhane ke liye jo gardan ko chhoota hai, makkhan ya rifanid tel ka is tarah istemal hota tha ki makkhan rassi ke reshon mein poori tarah sama jaye. ab to narm kapaas ka prayog hone laga hai.

takhta, livara, rassi ki janch ke bad livar chhoda jata hai to takhta niche divar se lagi paiding se takarata hai jo aavaj ko kam karane ke liye lagaya gaya hota hai. parikshan ho chuka hai. sab kuchh sahajata se sampann hone ke bad bhi janardan asahaj mahasoos kar rahe hain. ve janate hain ki aaj ki rat fansi lagane ke pahale vali rat koee kaidi unase aankhen nahin milayega. us rat janardan khud se saval poochhate hain

"..maut ko jivan se sahaj banane ke liye ham apane jivan ka itana samay kyoon laga dete hain? .."

par ye kitab fansi ki prakriya se kahin jyada fansi dene vale ke antarman mein jhankati hai aur yahi is upanyas ka sabase sashakt pahalu bhi hai. kisi ko marana chahe vo aapaki dyooti ka hissa kyon na ho manasik roop se behad yantrana dene vala hota hai. aur janardan is yantrana se har fansi ke bad doobate utarate hain. kyon ye pesha chuna unhonne? pet palane ke liye isake aalava koee chara bhi to nahin tha. man ko samajhate hain. aakhirakar ve raja ke nirnay ka palan bhar kar rahe hain. vo raja jise dharati par bhagavan ka doot banakar bheja gaya hai. par kuchh salon ke bad jab janardan skool ke samay ke apane purane shikshak se milate hain to ve raja ke bhi ek samany insan hone ki asaliyat se vakif hote hain aur unake dil par hatya ka bojh har fansi ke bad badata chala jata hai.

par kisi ki jan lene ke pap se bachane ka dar sirf jallad ki pareshani ka sabab nahin tha,. khud raja bhi is pap ke bhagidar nahin banane ke liye ek alag tarah ki nautanki ko anjam dete the. lekhak ne is dilachasp prakaran ka khulasa apani pustak mein kiya hai.

har mrtyudand ke thik pahle vale din dopahar tak usaki kshama yachana ki arji raja ke paas pesh ki jati thi. raja sham ko fansi ki saja ko aajivan karavas mein badal dete par unake is nirnay ko amal mein lane ke liye unaka harakara sooryoday ke bad nikalata taki jab tak vo jel tak pahunche, fansi lag chuki ho. pata nahin raja aisa karake kisako chhalava dete the par bechara jallad kya karata usake paas to in chhalavon ki dhal bhi nahin thi. isaliye to un di gaee fansiyon ke baare mein janardan sochana nahin chahata. use lekhak par krodh aata hai ki kyon unake chakkar mein pada. par sochana padata hai chetan man mein na sahi to achetan svapnil man se....

".....main pahale sidiyan dekhata hoon, betaratib patthar ki sidiyan, jo fansi ke takhte ke niche bane andhere kuyen ki or jati hain. .............fansi ke takhte para, fande ke thik niche nakab pahane aadami khada hai. usaki dharidar poshak kadak or taja hai. vah nakab kuchh ajib sa hai......... sudoor dhol ki aavaj tej hoti hai aur main samajh jata hoon ki kya gadabadi hai. nakab adhik chapata sa hai. kam se kam vo utha huaa hissa hona chahiye , jahan aadami ki nak uthati hai. ....antaradrshti se ek pal mein jan leta hoon ki nakab ke pichhe koee chehara nahin hai.
nakab hi chehara hai.
bhay gahara hota jata hai . mujhe yahan se kisi tarah bach nikalana hai. vah lohe ka daravaja mujhase lagabhag tis fut door hai par main daud nahin pa raha hoon. main bahut takalif ke sath dhire dhire daravaje tak pahunchata hoon, par yah kya? daravaje par bhari tala pada hai jise main hila nahin sakata.
kisi poorvabhas ke chalate mudata hoon. vahan chapate nakab vala aadami dikhata hai, usake hath pair poori tarah mukt hain. main apani gardan ke ird gird usake majaboot hathon ko kasata huaa mahasoos karata hoon. main sans nahin le pa raha... main aankhen band karane ki koshish karata hoon taki usaka chapata sa nakab meri aankhon se ojhal ho jaye, par lakh chahakar bhi ye sanbhav nahin ho pata. jaise jaise apane ghutanon par dhasakata jata hoon mujhe maloom hota hai ki meri chhati ke bhitar dil fat jayega...."


janardanaise svapn se achanak jag uthe hain. par apani purani yadon ko taja karane ke kram mein ye svapn aur bhayavah hote jate hain. aakhir kaun sa aparadh bodh unhen salata hai aur usase nikalane ke liye ve kis tarah apane aapako manasik roop se taiyar karate hain ? in baton se judi is rochak aur ek alag tarah ke upanyas ki charcha jari rahegi agali kadi mein ...

Monday, December 08, 2008

Mumbai Trashadi par Prasoon Joshi Ki Kavita : Is Baar Nahin...

Prasoon Joshi film jagat mein ek uchch koti ke geetakar ka darja rakhate hain. Phir milenge, Rang De Basanti aur fir pichhle sal ki bahucharchit film Tare Zameen Par ke geeton ko unhonne hi likha tha. is pratibhashali geetakar ke pichhe chhupe sanvedanashil kavi ko aap mein se bahuton ne shayad na dekha ho. kuchh din pahale is chitthe par aap sab ke sath unaki ek kavita intzaar aap sabake sath banti thi.

Aaj jabki Mumbai mein hal ki ghatanaon ne poore desh ko hi jhakajhor kar rakh diya hai to prasoon isase achhoote kaise rahate ? to aaiye padhein unaki peeda ko vyakt karati ye kavita jisake bhavon ko ham sab bharatavasi tahedil se mahasoos kar rahe hain..

Is Baar Nahin....

is baar jab vah chhoti si bachchi
mere pas apani kharonch lekar aayegi
main use foo-fu kar ke nahin bahalaoonga
panapne doonga usaki tees ko
is baar nahin

is baar jab main cheharon par dard likhoonga
nahin gaoonga geet peeda bhula dene vale
dard ko risne doonga
utarane doonga gahare
is baar nahin

is baar main na maraham lagaoonga
na hi uthaoonga ruee ke fahe
aur na hi kahoonga ki tum aankhe band kar lo,
gardan udhar kar lo main dava lagata hoon
dekhane doonga sabko
ham sabako
khule nange ghav
is baar nahin

is baar jab ulajhanein dekhoonga,
chhatapatahat dekhoonga
nahin daudoonga uljhi dor lapetne
ulajhne doonga jab tak ulajh sake
is baar nahin

is baar karm ka havala de kar nahin uthaoonga auzaar
nahin karoonga fir se ek nayee shuruaat
nahin banoonga misal ek karmayogi ki
nahin aane doonga zindagi ko aasani se patri par
utarane doonga use keechad mein, tedhe-medhe raston pe
nahin sookhane doonga deevaron par laga khoon
halka nahin padane doonga usaka rang
is baar nahin banne doonga use itana lachar
ki pan ki peek aur khoon ka fark hi khatm ho jaye
is baar nahin .....

is baar ghavon ko dekhna hai
gaur se
thoda lambe waqt tak
kuchh faisale
aur usake bad hausale
kahin to shuruaat karani hi hogi
is baar yahi tay kiya hai.......

Wednesday, December 03, 2008

Girti Lashein Sulagte Prashna : Ek Lau Zindagi ki Kyun Bujhi Mere Maula.

pichhale hafte se pc ki or dekhane ka hi dil nahin ho raha. bloging hi bemani lag rahi hai. cuttack mein bharat ki jit ki khushi ko dil mein aatmasat kar hi raha tha ki channel surfing ke dauran remote ka button hath se dab gaya. aur fir rat ke das baje se daee baje tak tivi ke parde sadak par girati lashon ke manjar ko dekhata raha. bahut si tasaviren bilkul dil se nahin nikal pa raha, karyalay yantravat ja raha hoon par jehan mein vahi baten umad ghumad rahi hain. kuchh prashn hain jinhen har vyakti poochh raha hai, ye janate huye bhi ki usake prashn ka eemanadari se javab dene vala yahan koee nahin...




.......taj aur viti steshan par golibari shuru ho gaee hai. shuruaati report mein bataya ja raha hai shayad do guton ki aapasi ranjish ka natija hai. taj ke samane afaratafari ka mahaul hai. pulis ka sipahi hath mein danda le kar logon ko hata raha hai. par logon ko hatate hatate anayas hi bagal ki bench par jhuk gaya hai. ek goli usake pet ke pas lagi hai. jin logon ko vo vahan se hata raha tha vahi use kandhe par le kar kisi gadi se use hanspital bhijavane ka intajam kar rahe hain. ek taraf AK47 ki andhadhundh firing hai to doosari or ye pulisiya danda ! kya is nainsafi ka javab kisi ke pas hai?



......yek ghanta beet chuka hai. taj par pulis ki aur tukadiyan hathiyaro samet aa gaee hain. unhen bas itana bataya gaya hai ki taj mein kuchh aatankavadi ghuse hain. aatankavadi kitane hain, kahan chhupe hain pata nahi? par jaise hi ye sipahi apani position lene ke liye gadi se utarate hain oopar se goliyon ki bauchhar shuru ho jati hai. hamare sipahiyon ko apane shatruon ke bare mein kuchh bhi nahin pata hai par ve sankhya mein itane kam hote huye bhi sari gatividhiyan dekh pa rahe hain. agale chhar ghanton mein jab tak NSG commando ko kaman saunpi jati hai to bhi koee rananiti nahin ban paee hai aur na aatankiyon ki sthiti ke bare mein janakari mein ijafa huaa hai. sanbhavataः yahi vo samay raha hoga jab golibari se ghayal log dam tod rahe honge. sahaj prashn uthata hai ki kya hamari pulis jis par munbaee ki suraksha ki pahali jimmedari hai, kya is tarah ki sthiti se nipatane ke liye prashikshit hai?



.....viti par tabahi machane ke bad aatanki kama hanspital ki or chal pade hain. khabar milati hai ki vahan se ek jipsi uda li gaee hai. midiya us jipsi ko aate huye dikha raha hai. kaimaramain pulis ki jipsi samajhakar us par fokas karata hai. par ye kya usaki khidakiyon se goliyan nikalati dikh rahi hain. jipsi kuchh der mein ojhal ho jati hai par kaimara jese hi agal bagal ghoomata hai sadak par lashen giri dikhati hain. ek vyakti sadak par se apane mitr ko bula raha hai,par tabhi vo khud bhi goliyon ka shikar ho jata hai. e ti es pramukh hemant karakare aur unake sathiyon ko inhin bagate aatankavadiyon ne goli se chhalani kar diya hai. rat ke do baj gaye hain par is khabar ko sun kar man aur bujh sa gaya hai.



hemant karakare vahin hain jo maleganv ke bam dhamakon ki janch kar rahe the. kaisi vidanbana aur besharmi hai ki hamara pramukh vipakshi dal jo is janch ki satyata par savaliya nishan utha raha tha aaj is vir ki vidhava ko muaavaja dene ki bat kar raha hai. hal ke bam dhamakon ke bad muthabhed mein dilli mein bhi jab hamare javan shahid huye the to doosare dal apani rajanitik goti senkane mein pichhe nahin rahe the. aur pradesh ke grh mantri ki to bat hi kya kuchh hi dinon pahale bihar se gaye ek digbhramit chhatr ko marane ke bad unhonne bayan diya tha ki mu्baee mein goli ka javab goli se diya jayega. aaj jab asal ke aatankiyon ki goliyon se ladane ki unaki taiyari ki pol khul gaee hai to unaka bayan he ki aise chhote mote hadase to hote hi rahate hain. kya kaha jaye aise logon ke bare mein jinamein na netrtv ki koovat hai na kisi tarah ki manaviy sanvedanaon ki samajha. daraasala, aaj munbaee sanbhali hai to apane janbaj sipahiyon ki vajah se nahin to isase bhi bure parinam hamare samane rahate.


paksh aur vipaksh ke netaon mein itani ganbhir samasyaon se ladane ki na ichchha shakti hai na koee sochi samajhi rananiti. midiya bhi mool prashnon ko pichha karate rahane ki jagah tiaarapi ke chakkaron mein ulajh jata hai. aam aadami ke pas matadan ek hathiyar hai par vo kisako vot de? door door tak koee ऍsa netrtv najar nahin aata jisake pas in paristhitiyon se nibatane ke liye koee disha ho,koee dooradrshti ho.

par ham dabav jaroor dal sakate hain ki kam se kam suraksha ke saval par hamare neta ek sur mein bat karen. jis tarah har pradesh ke neta vikas ko mudda banane par majaboor huye hain usi tarah suraksha bhi ek mudda bane.
aatankavad se nibatane ke liye pulis aur suraksha balon ke hath kholane honge,rajanaitik dabavon se mukt kar unhen kam karane dena hoga, unaka sankhya bal badana hoga, unhein hathiyar dene honge aur prashikshit karana hoga. par itana karane se bat ban jayegi ye bhi nahin hai. hamein apana ghar bhi sanbhalana hoga, bharat ke sare logon ko ek jut karana hoga. aur ye ham aap kar sakate hain. sanpradayikata, kshetriyata aur jatiyata se nafarat failane vale netaon ka bahishkar kijiye. in netaon ke bahakave mein aane se pahale hamein ye sochana hoga ki ye jo kah rahe hain vo sare desh ke liye sahi hai ya nahin. hamare vir shahidon ki kurbani ham yoon nahin bhool sakate, hamein aapane aap se hamesha ye poochhate rahana hoga.


ik lau is tarah kyoon bujhi mere maula ?
ik lau jindagi ki maula ?

Wednesday, November 19, 2008

So Gaye Hain, Kho Gaye Hain Dil ke Afsaane ...

Year 2000 mein ek film aaee thi Zubaida jismein Karishma Kapoor ka abhinay, Shyam Benegal ke nirdeshan mein nikhar kar samane aaya tha. par is film ki ek aur khasiyat thi aur vo thi Javed Akhtar ke khoobsoorat bolon par diya gaya A.R.Rahman ka behatarin sangeet. yoon to is film ke tamam geet behatarin the par ek nagma jaroor apane mood mein baki geeton se alahada sa tha. vaise bhi udas nagme, dil ke konon mein aksar jyada din tak kabja jama lete hain isaliye zubaida ke geeton ko jab yad karata hoon to yahi geet man mein sabase pahale ubharata hai....

khvahishon ki chita mein agar aag lag jaye to kya hoga ? sare araman rakh hi to ho jayenge naa . par us rakh ke beech sulagati halki si chingari ko koee naummid kaise kare ? use to hamesha hi aasha rahati hai hava ke ek jhonke ki jo shayad kabhi us chingari ko dhadhakati jvala ka roop de jaye.

kuchh aise hi ahasas jaga jata hai lata ji ka gaya ye geet ...

mukhade ke pahale rahaman jis dhun se is geet ka aagaj karate hain vo poore geet ki udasi ko apne mein samahit karati si chalati hai. aur intterludes mein diya gaya sangeet is mayoosi ko ham tak baha kar le aata hai.

vahin damit sankuchit ichchhaon ko javed akhtar jab is dhang se ubharate hain

dil mein ik parachhaee hai laharaee si
aaraju meri hai ik angadaee si
ik tamanna hai kahin sharamaee si


to man vah vah kiye bina nahi rah pata !

to aaiye sunen rahaman, javed aur lata ji ka ye sammilit shanadar prayas


So gaye hain, kho gaye hain dil ke afsaane
So gaye hain, kho gaye hain dil ke afsaane

Koi to aata phir se kabhi inko jagaane
So gaye hain, kho gaye hain dil ke afsaane

So gaye hain, kho gaye hain dil ke afsaane
Saans bhi leti hain jo kathputliyaan
Unki bhi thaame hain koi doriyaan
Aansuon mein bheegi hain khaamoshiyaan

So gaye hain, kho gaye hain dil ke afsaane
So gaye hain, kho gaye hain dil ke afsaane

Dil mein ek parchhaayi hai lehraayi si
Aarzoo meri hai ek angdaayi si
Ek tamanna hai kahin sharmaayi si

So gaye hain, kho gaye hain dil ke afsaane
So gaye hain, kho gaye hain dil ke afsaane





Click Here to read this post in Hindi (Devnagari) script.

Wednesday, November 12, 2008

Roshan Jamaal E Yaar se Hai Anjuman Tamaam

'kahakashan' men jagjit singh ne tamam shayaron ki bemisal gajalon ko bade dil se apani aavaj se sanvara hai. isamen ek gajal thi unnav ke pas 'mohan' men janmen saiyad fajal ul hasan sahab ki jinhen ye duniya maulana hasarat mohani sahab ke nam se jyada janati hai. maulana vibhajan ke bad men bhi bharat men hi rahe aur maee १९५१ men lakhanaoo men unaka intakal huaa.

to aaiye dekhen kya kahana chaha hai shayar ne apani is roomani si gajal men

raushan jamal-ye-yar se hai anjuman tamam
dahaka huaa hai aatish-ye-gul se chaman tamam

hairat guroor-ye-husn se shokhi se iztarab
dil ne bhi tere sikh liye hain chalan tamam


tumhare is roop se poori mahafil gulashan ho gaee hai thik vaise hi jaise surkh dahakate fool poore bagiche ko raushan kar dete hain. par mujhe hairat hoti hai tere husn ka guroor dekha...ghabara jata hoon teri is madamast chanchalata se. ab to lagata hai ki jamane ke rang dhang dekh toone bhi apane salike badal liye hain.

allah re jism-ye-yar ki khoobi ke khud-b-khud
ranginiyon men doob gaya pairahan tamam

dekho to chashm-ye-yar ki jadu nigahiyan
behosh ik nazar men huee anjuman tamam

aur teri khoobasoorati ke bare men kya kahoon tumhare sharir se lipatakar sare libas aur bhi dilakash lagane lagate hain. rahi bat tumhari aankhon ki, to tumhari hasin najar ke ek var se to poori mahafil hi behosh ho jaye

shirini-ye-nasim hai soz-o-gudaz-ye-mir,
‘hasarata’ tere sukhan pe hai lutf-ye-sukhan tamam


aur makte men to maulana hasarat mohani apani pith thokane ka lobh sanvaran nahin kar pate. pahale to mir ki shayari men vo hava ki si mithasa, dard aur komalata ka jikr karate hain aur fir ye kahane se bhi nahin chookate ki meri shayari sune bina shayari ka poori tarah lutf uthana sanbhav nahin hai.

jagjit ne is gajal ke sirf tin ashaaaron ko is elabam men istemal kiya hai. vahin prasiddh soofi gayika aabida paravin ne apane alag nirale andaj men apane elabam raks e bismil men is gajal ko apana svar diya hai to aaiye pahale sune jagajit sinh ko


Aur yahi ghazal Abida ki aawaaz mein



Click here to post your comments

Tuesday, November 04, 2008

Chhath Song : Kerava je farela ghavad se...Marbo Re Sugwa Dhanuk Se..Suga gire Murjhaye



aaj Chathth Parva hai. in panktiyo ke likhe jaane tak shrrddhaalu Doobate sooraj ko arghy de chuke honge aur kal bhor me doosara arghy ugate sooraj ko diya jayegaa. chhaTh ka naam Bihar aur poorvee Uttar Pradesh ke sabase paavan parvo me shumaar hota hai. vishva mein jahaan kaheen bhee in pradesho ke log gaye hain vo apane saath isakee paramparao.n ko le kar gaye hain. chhaTh jis dhaarmik utsaah aur shrrddha se manaaya jaata hai isaka andaaja isee baat se laga sakate hain ki jab teen chauthaee pulisavaalo ke chhuTTee par rahate hue bhee bihar jaise raajy mein is dauraan aaparaadhik gatividhiyaa sabase kam ho jaatee hain.

ab chhaTh kee baat ho aur chhaTh ke geeto.n ka jikr na aaye ye kaise ho sakata hai. bachapan se mujhe in geeto.n kee lay ne khaasa prabhaavit kiya thaa. in geeto.n se juDee ek rochak baat ye hai ki ye ek hee lay mein gaye jaate hain aur saalo saal jab bhee ye din aata hai mujhe is lay mein chhaTh ke geeto.n ko gunagunaane me behad aanand aata hai. yoon to Sharada Sinha ne chhaTh ke tamaam geet ga kar kaafee prasiddhi praapt kee hai par aaj jis chhaTh geet kee mai charcha kar raha hoon use mainne TV par bhojapuree lok geeto.n kee gaayika Devi kee aavaaj me suna tha aur itane bhaavanaatmak andaaj me unhonne is geet ko gaaya tha ki meree aankhe bhar ayee thee.

isase pahale ki ye geet mai aapako sunaoo, isakee prShThabhoomi se avagat karaana aapako jarooree hogaa. chhaTh me surya kee araadhana ke liye jin falo.n ka prayog hota hai uname kela aur naariyal ka pramukh sthaan hai. naariyal aur kele kee pooree ghaud (guchchha) is parv me prayukt hote hain.

is geet me ek aise hee tote ka jikra hai jo kele ke aise hee ek guchchhe ke paas manDara raha hai. tote ko Daraaya jaata hai ki agar tum is par chonch maaroge to tumhaaree shikaayat bhagavaan surya se kar dee jaegee jo tumhe nahee maaf karenge. par fir bhee tota kele ko jooTha kar deta hai aur surya ke kop ka bhaagee banta hai. par usakee bhaarya suganee ab kya kare bechaaree? kaise sahe is viyog ko ? ab to na dev ya surya koee usakee sahaayata nahee kar sakate aakhir pooja kee pavitrata jo naShT kee hai usane.

ye geet thoDee bahut fer badal ke baad sabhee pramukh bhojapuree gaayako dvaara gaaya gaya hai. to pahale sune meree ise gunagunaane kee koshish




kerava je farela ghavad se
oh par suga meDaraay

u je khabaree janibo adik (sooraj) se
suga dele juThiyae

u je marabo re sugava dhanuk se
suga gire murazaay

u je suganee je roe le viyog se
aadit hoi na sahaay
dev hoi na sahaay


ab 'Devi' ka gaaya hua ye geet to muze nahee mil saka par aap sab ke lie Anuraadha Podwaal ke svar me ye geet prastut hai






Click Here to post your comments.

Monday, November 03, 2008

Goodbye Anil Kumble : You always gave your 100% to the team.

Anil Kumble ne kal Delhi test ke aakhiri din pratham shreni cricket se sannyas le liya. Nabbe ke dashak se apane career ki shuruaat karane vale anil ke 18 varshon ke antararashtriy cricket ke safar ka main sakshi raha hoon. is dauran bharat le liye diya gaya unaka yogdaan kisi bhi hisab se sunil gavaskar aur kapil dev se kamatar nahin hai, aisa mera manana hai




Kumble ka naam aate hi ek aise khiladi ki shakl jehan men ubhar kar aati hai jisane hamesha tim ke hit ko sarvopari rakha. ye khiladi jab bhi maidan men utara apana sarvasv jhonk kar aaya. Isiliye antim test ke liye jaise hi kunbale ko ye laga ki sharirik roop se vo poornatah saksham nahin hain, usane is shrrnkhala ke bich men hi ye nirnay le liya ki alavida kahane ka vakt aa gaya hai.




anil ko 'jumbo' ki upama unaki tej gati se feki jane vali Flipper ki vajah se hi nahin mili balki isamein unake jumbo size panvon ka bhi hath raha :). anil mere hamaumr to hain hi, sath hi vo hamari jat biradiri vale bhi hain. chaunk gaye ! are janab mere kahne ka matlab ye tha ki vo bhi ek yantriki yani Mech. Engg. (vo bhi Distinction Holder) hain. ab ye alag bat hai ki apne chust dimag ka prayog unhone cricket ke maidan men apni gendon ki length, gati aur flight ke badalav mein de dala aur tabhi to 132 test men 619 wicket jhatak dale.


jitane maichon men unhonne bharat ko apni gendabaji ke bal par jitaya hai vo unase jyada nami khiladiyo se kahin adhik hai. vaise to kitne hi mauke hain jo kumble ne tamam bharatiyon ke liye yadagar bana diye par aaj is mahan khiladi ki vidaee ke samay unamein se kuchh palon ko aapase fir bantana chahoonga jise yad kar man aaj bhi behad romanchit ho uthta hai.



Feb 1999 Feroz Shah Kotla, Delhi

pakistan ki team ko jitane ke liye antim pari men 400 se oopar ran banane hain. jeet asanbhav hai bas match bachane ki jugat hai. pahale spell mein anil bhi kuchh khas nahin kar pate hain. skor 101 tak ja pahunchata hai vo bhi bina koee wicket khoye. par anil ka doosara spell pakistani ballebajon ke liye pranaghatak sabit hota hai. afridi, saeed anwar , ijaj ahamad, salim malik, injamam jaise dhurandhar ballebaj kumbale ke shikar banate chale jate hain. halat ye hai ki saqualin mushtak ka jab nauvan wicket girta hai to shrinath koshish karate hain ki vo galati se aakhiri wicket na le jayen. Wasim akram ke aaut hote hi bharat ko milati hai ek jabaradast jeet aur kumble ko ek aisa vyaktigat mukam jise cricket itihas men sirf ek aur bar hi sampadit kiya gaya ho. to aaiye fir se mahasoos karen khushi ke un palon ko aur dekhen kumble ne kaise kiye the apane ye das shikar



May 2002, Antigua, West Indies



Bharat aur West indies ke bich antigua men chautha test match chal raha hai. West indies ke tej gendabaj Mervin Dillon ek bouncer fenkate hain. anil isase pahale ki gend ki line se apane aap ko hata payen gend unake gaal par ja lagati hai. shuru men to aisa lagata hai ki sirf bahari katav hai par jab raat men dard badata hai to pata lagata hai ki jabade men hi crack hai. par jujharupan aur jivatata ki misal dekhiye, chauthe din ke khel men sir par bandage bandhe ye khiladi maidan par utarata hai aur lara jaise mahan ballebaj ko out karne men safal ho jata hai.



August 2007, Queens Park, Oval


Oval men doosara test England aur bharat ke bich khela ja raha hai. rano ka ambar lag raha hai. dhoni ki aatishi pari ka anayas ant huaa hai aur maidan men kumble hain. lag raha hai bharat ki pari jaldi hi simat jayegi kyoonki doosare chhor par shri sant hain jinaka temprament jagajahir hai. par apni test jivan ki 151 vin pari men kumble poore foarm men hain. tendulakar ki tarah hi cover drive laga rahe hain. aur ye kya ab to vo apane pahale shatak ke pas bhi pahunch gaye hain.

hamare dil ki dhadakane baad gayee hain. nichale kram ke ballebaj ka shatak, oopari kram ke ballebaj ki tulana men hamare liye hajar guna jyada mahattv rakhta hai. shatak se ab ek shot ki doori hai par ye gend to balle ke nichale kinare se nikal kar wicket ki bagal se hoti huee simarekha ki or ja rahi hai . vahin kumble pahala ran poora kar doosare ke liye bhag rahe hain aur ab to gir bhi pade hain par shatak poora ho gaya hai. hamari aankhe khushi ke atirek se sajal ho uthin hain aur udhar dressing room men to jashn ka mahaul hai hi.


November 2008, Firozshah Kotla, Delhi

Kumble kaich lete vakt fir ghayal hain. bayen hath men fir 11 tanken pade hain fir bhi australiyaee team ko all out bhi karana hai. harabhajan nahin hai to maidan men unaki jaroorat hai. ishant sharma aur amit mishra jaise yuva khiladiyon se lekar lakshman tak aasan catch nahin le pa rahe. Kumble kshetrarakshan se khush nahin. Michel Johnson sidha Kumble ke sir ke oopar se gend ko uthate hain. par Kumble ne call kar diya hai ki pichhe daudate huye bhi ve hi catch lenge aur vo chotil hath se bhi catch pakad lete hain.
hamein nahin pata ki ye unaka antim shikar hai kyoonki unaki aankhon men viket lene ki bhookh ab bhi dikhati hai par 38 sal ki umr mein shayad sharir aur sath nahin de raha.


aaj ye dukh nahin balki khushi ka mauka hai ek mahan khiladi ki vidaee ka jisane apane vinamr svabhav aur khel ke prati atoot katibaddhata se is desh men hi nahin balki videshi khiladiyon ke bich ek samman ka sthan banaya. aasha hai antim test men bharatiy team Kumble ko series jitane ka tohafa jaroor degi.

aaj is desh ko anil jaise jivat khiladiyon ki jaroorat hai jinhen na keval apni kabiliyat par bharosa hai par apni pratibha ko tarashate rahane ke liye nirantar mehanat karane ki ichchha shakti bhi hai

Anil apni patni aur bachchon ke sath zindagi ki tamaam khushiyan batorein meri unke liye yahi shubhkaamnayein hain..


Click Here to read this article in Hindi (Devnagari) script.

Do u like this article? Click Here to Post your opinion .

Sunday, November 02, 2008

Ilaahi Koyi Hawa Ka Jhonka...Mohammad Hussain, Ahmad Hussain

Ek zamana vo tha jab aankhon ki dekha dekhi ke liye shopping malls ki jagah chhat aur ghar ki chhoti si balkoni yuvaon ke liye aadarsh sthal huaa karati thi. mobbile, chatt aur e mail ki kaun kahe tab to patthar se bandh kar padosinon ki chhat par paigam pahunchaye jate the. hathon ka halka ishara, jharokhon ke pardon se dikhati bechain nigahen ya fir ek khoobasoorat si muskan salon chalate so called chakkar ki kul jama poonji huaa karatin thi. par main in baton ko aapako kyon yad dila raha hoon ? shayad isaliye ki ahamad aur mohammad husain ka gaya ye nagma bhi vaise hi kisi jamane mein likha gaya hoga.

par isase pahale ki husain bandhuon ke is natakhat aur gudagudate se nagme ko suna jaye samay ki paridhi ko 14 varsh pahale tak sametane ka man ho raha hai.

Baat 1994 ki hai....
ham tin mitr jo us vakt eskartsa,faridabad mein karyarat the ek pariksha dene dilli mein aaye. pariksha kendr tha IIT dilli. sath valon mein ek banda dilli ka tha aur dooja merath ka. pariksha ke bad bas se ham hanj khas (Hauz Khas) se lajapat nagar tak aa gaye the. ab hamein vahan se aashram ke raste faridabad jane vali bas pakadani thi.

ab jo bhi bas ja rahi thin vo poori tarah thasathas bhari hueen.
so kare to kya karen ham ?
kabhi us tej dhoop to kabhi DTC ko kos rahe the..

ki itte mein door se ek chartered bas aati dikhaee di. amooman aisi bas sirf apane roj ke musafiron ko hi baithati hain so usake vahan rukane ki koee aasha nahin thi. par bas jyonhi pas aaee ki ham sabaki najar us khoobasoorat mukhade par ja ataki jo khidaki se ham sabhi ki or hi dekh rahi thi. bas fir kya tha ham sabhi ke man mein shararat soojhi aur sab samavet svar mein usaki or dekh ke ek sath chilla uthe...

roko! roko! hamein isi bas mein chadana hai !

ab dilli ke bas kandaktar to aise hi itane hi kathor hrday vale thahare so bhala bas kyoon rukati par ham bhi jaan lagakar bas ke sath aise daude ki aaj to bas mein entry le hi lenge. par daudana to ek bahana tha, bas mohatarama ka dhyan apani or khinchana tha.

aur hamara daudana vyarth nahin gaya kyonki tohafe mein mili hamein ek unamukt si khilakhilati hansi jise dekh kar ham nihal ho gaye :).

jindagi ki yadon mein kaid ye lamahe jab bhi jehan ki vadiyon mein ubharate hain, man mein khushamijaji aa jati hai. aur ye nagma jise assi ke dashak mein pahali bar suna tha, bahut kuchh aisa hi ahsas dila jata hai

vo jindagi mein k.amar ki tarah se raushan hain
ki usi ke aks se shaffak dil ka darpan hai
hasin sharik e safar hai bahut mubarak hai
usi ke sath to mera janam ka bandhan hai

ilahi koyee hava ka jhonka
dikha de chehara uda ke aanchal
jo jhankata hai bhi vo sitamagar
vo khidakiyon mein laga ke aanchal

suni jo kadamon ke mere aahat
to ja ke chupake se so gaye vo
so gaye vo...
jo mainne talavon mein gudagudaya
palat diya musakurakar aanchal
ilahi koyee hava ka jhonka......

guroor dhayega koee kitana
guroor mahashat bapa karega
guroor dhayega ...
ye tera aathakheliyon se chalna
jhuka ke gardan gira ke aanchal
ilahi koyee hava ka jhonka......

juroor hai majara ye koee
vo rahate hain door door hamase
door doora................
jo pas aakar bhi baithate hain
to har taraf se daba ka aanchal
ilahi koyee hava ka jhonka......




Click Here to read this post in Hindi (Devnagari) script.

Wednesday, October 29, 2008

Suno achchha nahin lagta ... in my voice

Kya aap apane kisi priy ke prati Possessive hain?
vaise to ham sabhi hote hain kabhi chhoti si kisi vastu ke liye to kabhi apane kisi khas ke liye. par ye Possessiveness kuchh jyada ho jaye to vahi hal hota hai jo is shayar ka ho raha hai.... dil ki majabooriyon ko bhala kaun lagam de sakata hai.
Par aisa rog na hi lage to behatar varna 'Possessiveness' ka ye kida dukh bhi bahut deta hai.

is rachna ka ek hissa bahut pahale mujhe apani ek post par tippani ke roop men mila tha. jab poora pada to laga ki hai to sadi si nazm par dil ko chhooti huee isiliye ise aaj aap sab ke sath bant raha hoon

suno achchha nahin lagta
ki koee doosara dekhe
tumhari sharabati aankhen
lab o rukhasar1 aur palaken
siyah lanbi ghani julfen
sarahe doosara koee
mujhe achchha nahin lagta

suno achchha nahin lagta
kare jab tajakira2 koee
kare jab tabasara3 koee
tumhari jat ko khoje
tumhari bat ko soche
mujhe achchha nahin lagta

suno achchha nahin lagta
tumhari muskarahat par
hajaron log marate hon
tumhari ek aahat par
hajaron dil dhadakate hon
kisi ka tum pe yoon marana
mujhe achchha nahin lagta

suno achchha nahin lagta
hava gujare tumhen chhu kar
na hoga jabt4 ye mujhase
kare koee ye gustakhi
tumhari julfen bikhar jayen
tumhara lams5 pa jayen
mujhe achchha nahin lagta

suno achchha nahin lagta
ki tumako fool bhi dekhen
tumhare pas se mahaken
ya chanda ki gujarish ho
ki apani roshani bakhshoon
rukh e janan koee dekhe
mujhe achchha nahin lagta


1. gala, 2. charcha, 3. vistar se ghatana ka vivaran dena, 4. bardasht, 5. sparsh



Is nazm ki bhavanaon ko apani aavaj men utarane ki koshish ki hai. padhte vakt do jagah bhoolen huee hain kyonki recording ke samay sahi bol mere paas nahin the baad men jab najm utarane baitha to dekha ki tajakara ki jagah tajakira aur tumhare lams pe jayen ki jagah arth ke hisab se tumhara lams pa jayen hona chahiye. aasha hai aap ise najaraandaj kar denge.

Click Here to read this post in Hindi (Devnagari) script.

Do u like this Nazm? Click Here to Post your opinion about this Nazm..

Saturday, October 25, 2008

Kaviraja kavita ke mat ab kaan marodo ..ek filmy hasya kavita

Filmon mein hasya kavita ka prayog hote mainne bahut kam hi dekha hai. ek aisi hi kavita par meri nazar tab padi, jab isase sanbandhit janakari is chitthe ki pathika anbika pant ji ne apani tippani ke madhyam se mangi. antarajal par khojane par pata chala ki ye kavita to vi shantaram ki 1959 mein pradarshit huee mashahoor film navarang ka hissa thi.

mainne ye film dooradarshan par assi ke dashak mein dekhi thi. Bharat Vyas ke likhe aadha hai chandrama raat aadhi... aur ja re ja natakhat.... jaise nayab giton ke bich koee kavita bhi filmaee gaee thi, isaka khyal to mujhe bilkul nahin tha. ek rochak tathy ye bhi hai ki rachanakar bharat vyas ne khud is hasy kavita ke liye svar diya tha .

to dekhiye bharat vyas ji kaviyon ko kis tarah dhan sangrah karane ke liye udyat kar rahe hain.




kaviraja kavita ke mat ab kaan marodo
dhandhe ki kuchh bat karo kuchh paise jodo

sher shayari kaviraja na kam aayegi
kavita ki pothi ko dimak kha jayegi
bhav chad rahe anaaj ho raha manhaga din din
bhookhe maroge raat kategi tare gin gin
isi liye kahata hoon bhaiyya ye sab chhodo
dhandhe ki kuchh bat karo kuchh paise jodo

are chhodo kalam chalao mat kavita ki chakki
ghar ki rokad dekho kitne paise baki
are kitana ghar mein ghi hai kitana garam masala
kitane papada, badi, mangodi, mirch masala
kitana tel nona, mirchi, haldi aur dhaniya
kaviraja chupake se tum ban jao baniya

are! paise par rach kavy bhookh par git banao
paise,are paise par rach kavy bhookh par git banao
gehoon par ho ghazal, dhan ke sher sunao
non mirch par chaupaee, chaval par dohe
sukavi koyale par kavita likho to sohe

kam bhade ki
are! kam bhade ki kholi par likho qavvali
jhan jhan karati kaho rubaee paise vali
shabdon ka janjal bada lafada hota hai
kavi sammelan dost bada jhagada hota hai
mushayaron ke sheron par ragada hota hai
paise vala sher bada tagada hota hai

isi liye kahta hoon mat is se sar fodo
dhandhe ki kuchh bat karo kuchh paise jodo


Click Here to read this post in Hindi (Devnagari) script.

Friday, October 17, 2008

Itni Muddat Baad Mile Ho : Dilraaj Kaur

Pichhale hafte bhar main apae blog se door orrissa ke kasbon aur jangalon mein yayavari karata raha . safar ke dauran nauka par lete lete aasaman ki or najaren dalin to ye aadha adhoora chand mujhako takata dikha aur barabas janab mohasin nakavi ki ye panktiyan yad aa gaeen

bichhud ke mujh se kabhi toone ye bhi socha hai
adhoora chand bhi kitana udas lagata hai

chitthe se apana virah aaj samapt huaa to dil huaa ki kyoon na Mohsin Naqvi sahab ki ye pyari ghazal aap sabako sunavaee jaye. ye ghazal ghulam ali sahab ki us album ka hissa thi jisane unhen bharat mein ghazal gayiki ke kshetr mein makabooliyat dilavaee. ab hangama hai kyoon barpa, aavaragi aur itani muddat baad mile ho jaisi mashahoor gajalon ko kaun bhool sakata hai. 'aavaragi' likhane vale bhi mohasin hi the.

par kabhi-kabhi sidhe sahaj shabd jyada teji se asar karate hain. shayad yahi vajah rahi ki bis baees sal pahale gulam ali ki ye gajal aisi dil mein basi ki fir kabhi nahin nikal saki.

itani muddat bad mile ho
kin sochon mein gum rahate ho

tez hava ne mujhase poochha,
ret pe kya likhate rahate ho

hamase n poochho hijr ke kisse
apani kaho, ab tum kaise ho

kaun si bat hai tum mein aisi
itane achchhe kyon lagate ho


par aaj ise main aapako Ghulam ali sahab ki aavaj ke sath sath dilaraj kaur ki aavaj mein bhi suna raha hoon. jahan ghulam ali ne is ghazal mein shabdon ke utar chadav ko apani gayiki ke hunar ke jariye kaee namoonon mein pesh kiya hai vahin dilaraj kaur ne sidhe tarike se is ghazal ko apani khoobasoorat aavaj se sanvara hai. to pahale suniye Dilaraj Kaur ki dilakash adayegi..



Ghulam ali is gajal ko gate samay kahate hain jaise lafj ijajat den vaise hi sur lagane ki koshish kar raha hoon to suniye unaka apana alag sa andaja...



vaise aap batayen ki inamein se gajal gayiki ka kaun sa tarika aapako jyada pasand aaya ?


Click Here to read this post in Hindi (Devnagari) script.

Sunday, October 12, 2008

In memory of Mahendra Kapoor : Mera Pyar Wo Hai Ke Mar Kar Bhi...

Mahendra Kapoor pichhale hafte is duniya se rukhasat kar gaye. Abhi kuchh din pahale hi Maharashtra sarakar ne unhein is saal ka lata mangeshkar puraskar dene ki ghoshna ki thi. parshv gayan to unhonne chhod hi rakha tha par sattar se oopar hone ke bavajood abhi bhi vo sangeetik gatividhiyon se alag nahin huye the. bharat ke bahar unake concert har sal huaa karate the aur abhi haal mein ye bhi pada tha ki gayan ki sabhi vidhaon mein apani pratibha dikhane ke bad vo ek soofi album ki taiyari mein jute the.

Mahendra Kapoor ke mashahoor geeton se ham sab vakif hain. Manoj Kumar aur B.R.Chopda ke banner tale bani filmon ke adhikatar geet unhonne hi gaye. deshabhakti geeton ka khayal aate hi aaj bhi janata ko pahale unhin ka chehara zehan mein aata hai par mainne to any koti ke geeton mein bhi kapoor sahab ki gayiki ko behatarin paya hai. aaj main jo geet aapake samane pesh kar raha hoon vo mujhe behad pasand raha hai. jab bhi ise gunagunata hoon, man poori tarah isake bhavon mein doob jata hai.

O Pi Naiyar ke sangeet nirdeshan mein 'ye raat fir na aayegi' film ke is geet ko likha tha shamasul hooda 'bihari' yani S.H.Bihari sahab ne. ab unka jikr aaya hai to ye batana munasib hoga ki apne naam ke anuroop bihari sahab bihar ke ek nagar ara ke nivasi the. yoon to unhonne jyada filmon ke liye geet nahin likhe par jinake liye bhi likha kamal likha. prem ki bhavanaon ko vyakt karane ka unka tarika hi alahada tha. kya aapako nahin lagata ki prem ko shiddat se mahasoos karane vala hi ye likh sakata hai
khuda bhi agar tumase aa ke mile to
tumhari qasam hai mera dil jalega

isi film ke liye aasha ji ka amar geet yahi vo jagah hai bhi bihari sahab ki lekhani ki upaj tha.
bihari ke is is geet ko mahendra ji ne is bhav pravanata se gaya hai ki ye geet aapake mood ko sanjida karane ki takat rakhata hai... to aaiye sunen ye geet





mera pyar vo hai ke, mar kar bhi tum ko
juda apani bahon se hone n dega
mili mujhako jannat to jannat ke badle
khuda se meri jaan tumhein maang lega
mera pyar vo hai ........

zamana to karavat badalata rahega
naye zindagi ke tarane banenge
mitegi n lekin muhabbat hamari
mitane ke sau sau bahane banenge
haqiqat hamesha haqiqat rahegi
kabhi bhi n isaka fasana banega
mera pyar vo hai ... ...

tumhen chhin le meri bahon se koyee
mera pyar yoon besahara nahin hai
tumhara badan chandani aake chhu le
mere dil ko ye bhi gavara nahin hai
khuda bhi agar tumase aa ke mile to
tumhari qasam hai mera dil jalega
mera pyar vo hai ke ... .....

mahendra kapoor ne us kal khand mein apani upasthiti darj karaee jab rafi, kishor aur mukesh jaise mahan gayak apani choti par the. ye bhi ek karan raha ki jis shoharat aur samman ke vo hakadar the vo poori tarah unhen nahin mil paya. is bat ka mugalata kapoor sahab ko bhi raha. ek patrika ko diye apane sakshatkar mein ek bar unhonne badi vinamrata se poochha tha
".....mere bare mein itna kam likha jata hai. mujhe samajh nahi aata kyoon ? kya mainne koee ghalti ki hai? ....."

mahendra kapoor to nahin rahe par unake gaye geet aane vali pidiyon ke dilon ko bhi jitate rahenge aisi aasha hai.


Click Here to read this post in Hindi (Devnagari) script.

Thursday, October 02, 2008

A touching poem on Gandhiji by Kailash Gautam : Sarr footat hau, gala katat hau, lahu bahat hau, ganhi ji

Aaj Gandhi Jayanti to hai hi sath sath eid aur Shastri ji ke janmadin ka khushanuma mauka bhi hai.

Aaj is pavitr din akhabar uthata hoon aur Agaratala mein bam kand se ghayal mahila aur orissa ke Kandhamal men jale huye gharon ki tasaviren dekhta hoon to Kailash Gautam ki ye kavita yaad aa jati hai.

sir footat hau, gala katat hau, lahu bahat hau, ganhi ji
des bantat hau, jaise hardi dhan bantat hau, ganhi ji


Isliye ye samay vichar karane ka hai, ki ham itane asahishnu, itane jallad , itane sanvedanashoony kyoon hote ja rahe hain? kaise ham samajh lete hain ki aisi jaleel harakaton ko karne se hamara bhagavana, hamara paravaradigar hamari peeth thonkega?

Desh ke in halaton men Kailash ji ki ye kavita kitani sarthak hai ye ise padh kar aap mahasoos kar sakate hain.

sir footat hau, gala katat hau, lahu bahat hau, ganhi ji
des bantat hau, jaise haradi dhan bantat hau, ganhi ji
ber bisavatai raroova chiraee roj rarat hau, ganhi ji
tohare ghar ke rama i malik sabai kahat hau, ganhi ji

hinsa raahjani hau bapoo, hau gundaee, dakaiti, hauvai
desi khali bam banook hau, kapada ghadi bilaiti, hauvai
chhuaachhoot hau, oonch nich hau, jat-paant panchaiti hauvai
bhay bhatiya, bhool bhulaiya, bhashan bhid bhandaiti hauvai


ka batalaee kahai sunai me saram lagat hau, ganhi ji
kehuk nanhi chitt thekane baram lagat hau, ganhi ji
aisan taru chatakal abaki garam lagat hau, ganhi ji
gabhin ho ki thanth marakahin bharam lagat hau, ganhi ji

je alalai beiman ihan oo dakarai kiriya khala
lamba tika, madhuri bani, panch banaval jala
cham sohari, kam sarauta, petaipet ghotala
yekko karam n chhootal lekina, chauchak kanthi mala

nona lagat bhit hau sagaron girat parat hau ganhi ji
had paral hau anganai angana, mar tarat hau ganhi ji
jhagara k' jar anakhun khojai jahan lahat hau ganhi ji
khasam mar ke dhoom dham se gaya karat hau ganhi ji

uhai amiri uhai garibi uhai jamana abbau hau
kabbau gayal n jaee jad se rog purana abbau hau
doosar ke kabja men aapan pani dana abbau hau
jahan khajana rahal hamesa uhai khajana abbau hau


katha kirtan bahara, bhitar juaa chalat hau, ganhi ji
mal galat hau duee nanbar ka, dal galat hau, ganhi ji
chal galata, chaupal galata, har fal galat hau, ganhi ji
tal galata, hadatal galata, padatal galat hau, ganhi ji

ghoos pairavi jor sifarish jhooth nakal makkari vale
dekhatai dekhat char din mein bhailain mahal atari vale
inake aage bhakuaa jaise farasa aur kudari vale
dehalain khoon pasina dehalain tabbau bahin matari vale

toharai nam bikat ho sagaro maans bikat hau ganhi ji
tali peet rahal hau duniya khoob hansat hau ganhi ji
kehu kan bharat hau kehu moong darat hau ganhi ji
kahaee ke hau sor dhovail pap farat hau ganhi ji

janata bade jayanti babu neta bade nisana hauvai
pichhala sal havala vala agila sal bahana hauvai
aajadi ke mane khali rajaghat tak jana hauvai
sal bhare men ek ber bas raghupati raghav gana hauvai

aisan chadhal bhavani sire na utarat hau ganhi ji
aag lagat hau, dhuvan uthat hau, naak bajat hau ganhi ji
kariya achchhar bhanis barabar bed (ved) likhat hau ganhi ji
yek samay k' bagad billa aaj bhagat hau ganhi ji

Click Here to Read this Bhojpuri poem in Devnagari (Hindi) script.

Do you like this poem. Click Here to give your valued opinion.

Wednesday, October 01, 2008

Chal Mere Sath hi Chal aye meri Jaan-E-Ghazal.. A sweet Ghazal by Hussain Brothers

Shastriya sangeet mein jugalabandi ka apna hi maza hota hai. vaisa hi kuchh ahasas tab hota hai jab hussain bandhu ek sath milkar ghazal ke taar chhedate hain. ji han main ustad ahmad husain aur mohammad husain ki baat kar raha hoon. husain bandhuon ko sangit ka fan virasat me hi mila tha. inake pita ustad afzal husain jayapuri khud ek charchit thumari aur ghazal gayak rah chuke hain.

husain bandhuon ki gayiki se pahla parichay assi ke dashak me Music India nam ki company ki cassette ke tahat huaa tha. par inaki jyadatar ghazalon ko sunana aur pasand karana samabhav huaa vividh bharati ke karyakram rang tarang ki vajah se. jane kya mohabbat thi vividh bharati valon ki inase ki har doosare din inaki ghazalen sunane ko mil hi jaya karati thin. ek ghazal jo bar-bar baja karati thi aur jo mujhe un dinon poori yad ho gayee thi, vo thi

do javan dilon ka gham dooriyan samajhati hain
kaun yaad karata hai hichakiyan samajhati hai...

jisane kar liya dil me pahli bar ghar 'danish'
usako meri aankhon ki putaliyan samajhti hain


par jis ghazal ki bat aaj main kar raha hoon usaki tasir hi dil par kuchh alag si hoti hai. ye un ghazalon me se hai jo jindagi ke har padav par mere sath rahi hai ek hausala deti huee si. jab bhi man pareshan ho aur apana lakshy dhundhala sa ho to ye ghazal rasta dikhalati si mahasoos huee. 'rag yaman' par aadharit is ghazal ko likha tha, husain bandhuo ke chahete, mashahoor gitakar Hasrat Jaipuri sahab ne.

to aaiye sunate hain husain bandhuon ki dilakash aavaj me ye ghazal




chal mere sath hi chal ai meri jan-ye-ghazal
in samajon ke banaye huye bandhan se nikala, chal

ham vahan jayen jahan pyar pe pahare n lagen
dil ki daulat pe jahan koee lutere n lagen
kab hai badala ye jamana, tu jamane ko badala, chal

pyar sachcha ho to rahen bhi nikal aati hain
bijaliyan arsh se khud rasta dikhalati hain
tu bhi bijali ki tarah gam ke andheron se nikala, chal

apane milane pe jahan koee bhi ungali n uthe
apani chahat pe jahan koee bhi dushman n hanse
chhed de pyar se tu saj-ye-mohabbat pe ghazala, chal

pichhe mat dekh n shamil ho gunahagaron mein
samane dekh ki manjil hai teri taron me in
bat banati hai agar dil me irade hon atala, chal



Click Here to read this post in Hindi (Devnagari) script.

Monday, September 22, 2008

Jane Hai Wo Kahan, Jisko Dhoondhti hai Nazar : Sweet Melody in the voice of Shreya Ghoshal

Aaj jis geet ko main yahan pesh kar raha hoon wo geet hai film 'Honeymoon Travels Private Limited' ka jisake ek geet halke halke rang chhalke.... ne pichhale sal ki meri varshik sangeetamala men apani jagah banaee thi. par isi film ke ek aur nagme ko main samay rahate sun nahin paya tha. baad mein jab bhi ise suna man ko halka fulka mahasoos kiya. aur iska mukhy shrey main sangeetakar Vishal Shekhar aur gayika Shreya Ghoshal ko dena chahata hoon.
Ek khoobasoorat dhun aur us par Shreya ki itani surili aavaj samany shabdon men bhi mohabbat se labarej ek khushanuma ahasas paida kar deti hai.
to aaiye sunen shreya aur Shaan ke gaye is geet ko jisaki shabd rachana ki hai javed akhtar sahab ne..

jane hai vo kahan, jisako dhoondhti hai nazar
main ye dil main ye jan, de doon vo mile jo agar

har pal vo chehara, rahata hai in aankhon mein
jise mainne nahin dekha, par dekha hai khwabon mein
paungi kahan main usako, ye to na janoon
par kahata hai dil mera
sang mere vo bolega
chupake se vo bolega
dekho mujhe....

jane hai vo kahan........ agar

khoya khoya sa kabse firta tha main rahon mein
tumhen kahin main chhupaoon to bhar loon in bahon mein
milogi mujhe tum ik din, mujhko yakin tha
ham aaj mil hi gaye
sach kar do mera sapna
tum hi to jara apna
kah do mujhe...



jane hai vo kahan........ agar

Thursday, September 18, 2008

Bahut Dinon Ki Baat Hai, Fiza ko Yaad bhi Nahin

Kya aapake sath kabhi aisa huaa hai ki kisi shayar ki ek rachana ne bahut dinon tak aap par prabhav chhoda ho par fir kabhi aap usaka likha na pad paye hon, na sun paye hon. aaj ki nazm ek aise hi shayar ki hai jinaka nam tha salam machhali 'shahri'. ab shayaron ke naam is tarah ke ho sakte hain ye n to tab samajh paya tha aur na aaj hi. Par baad mein pata chala ki janab Uttar Pradesh ke Jaunpur zile ke ek qasbe Machhali Shahar se talluk rakhte hain.

Aathavin ya nauvin kaksha mein raha hoonga jab badi di ne ek cassette kharidi thi. nam tha Ecstasies . sach poochhiye to jindagi mein pahali bar ghazalon ko sunana isi samay shuru huaa tha. ghazalon ki kaiset mein ye nazm bhi thi aur jahan tak mujhe yad padata hai ise sunane ke pahale tab tak ki jindagi mein sirf mainne ek aur nazm baat nikalegi to door talak jayegi.... suni thi. aur jaisi ki umr thi ise ek bar sunakar hi man aisa dravit ho utha tha, mano shayar ne jo kaha vo mere sath huaa ho. salon ye kaisat ghis ghis kar tab tak suni jati rahi jab tak vo kharab nahin ho gaee.

Aaj Salam Machhli Shehari ki is nazm ko dobara padata hoon to shayar ko salam karane ko ji chahata hai, lagata hai ki shayar ne kitani sadi juban mein ek jajbaati nazm likhi thi jo badi sahajata se chhutapan mein dil mein utar gaee thi.

aap ne bhi Jagjit Singh ki dilakash aavaj mein ise suna hi hoga aur nahin suna to ek bar jaroor suniye....




bahut dinon ki baat hai
fiza ko yad bhi nahin
ye baat aaj ki nahin
bahut dinon ki baat hai

shabab par bahar thi
fiza bhi khushagavar thi
na jane kyoon machal pada
main apane ghar se chal pada
kisi ne mujhako rokakar
badi ada se tokakar
kaha ke laut aaiye
meri kasam n jaiye

par mujhe khabar n thi
mahaul pe najar n thi
na jane kyoon machal pada
main apane ghar se chal pada
main shahar se fir aa gaya
khayal tha ke pa gaya
use jo mujhse door thi
magar meri jaroor thi

aur ik hasin sham ko
main chal pada salam ko

gali ka rang dekhakar
nayi tarang dekhakar
mujhe badi khushi huee, khushi huee
main kuchh isi khushi mein tha
kisi ne jhankakar kaha
paraye ghar se jaiye
meri kasam n aaiye

vahi hasin sham hai
bahar jisaka nam hai
chala hoon ghar ko chhodakar
n jane jaoonga kidhar
koee nahin jo rokakar
koee nahin jo tokakar
kahe ke laut aaiye
meri kasam n jaiye

meri kasam n jaiye....


'shehari' is nazm ke rikard hone ke gyarah sal poorv yani 1973 mein 51 varsh ki alpayu mein is duniya jahan se rukhasat ho chuke the. is gumanam se shayar ki mrtyu ke bees saal baad inaki rachanaon ki sudh li gayee. nabbe ke dashak mein uttar pradesh urdu akadami se inaki rachanaon ka pahala sangrah prakashit huaa tha. aur 1998 mein dilli ke ek prakashak ne inake bare mein ajij indauri ki likhi ek kitab bhi chhapi, nam tha salam machhali shehari : shakhsiyat aur fan. main ab tak inaki koee kitab nahin pad paya hoon, par ummid hai jald hi padoonga.

Click Here to read this post in Hindi (Devnagari) script.

Do u like this nazm Click Here to Post your opinion about this nazm.

Thursday, September 11, 2008

On Asha Bhosle's 75th Birthday : Her sweet songs, nazm & ghazal from album Meraj E Ghazal

8 September Asha tayee ki 75 vin salagirah thi. kuchh dinon pahale unhen 'sa re ga ma' ke manch par gaate suna tha. abhi bhi vo khanaka, vo madhury jas ka tas bana lagata hai. aaj is khushi ke avasar par geet aur gajalon ka ye guladasta aapake liye pesh-ye-khidamat hai. jivan ke har rang ko apani gayiki main samahit karane vali is mahan gayika ki aavaj main aaj suniye piya ko sanbodhit karaata ek pyara sa gita, ek udasi bhari najm aur faij ki likhi ek dilakash gajal .

sabase pahale bat is najm ki jo mainne sabase pahale 1985 ke aas pas suni thi. abhi jo thodi bahut urdu samajh main aati hai, us vakt vo bhi samajh nahin aati thi. par jane kya tha is najm main, ki mukhada sunate hi isaki udasi dil main tair jati thi. mere khyal se ye sara karishma tha aasha taee ki bhavapoorn aavaj ka, jisaki vajah se bhasha ki samajh na hote huye bhi isaki bhavanaon ka sanpreshan hrday tak sahajata se ho jata tha.

to aaiye pahale sunen Meraj-e-Ghazal se li gaee salim gilani sahab ki likhi ye najm

raat jo toone deep bujhaye
mere the... mere the....
ashk jo sare dil main chhupaye
mere the... mere the....

kaife baharan, mahare nigaran, lutf e junoon
mausam e gul ke mahake saye
mere the... mere the....

mere the vo, khab jo toone chhin liye
git jo hothon par murajhaye
mere the... mere the....

aanchal aanchala, gesu gesoo, chaman chaman
sari khushabu mere saye
mere the... mere the....

sahil sahil laharen jinako dhoondhati hain
maji ke vo mahake saye
mere the... mere the....


ghulam ali ke sath aasha ji ka ye album mujhe do any prastutiyon ke liye bhi priy tha. ek to shabih abbas ka likha, bada pyara sa muskuraata gudagudata ye nagma . dekhiye aasha ji apani ithalati aavaj main kis tarah apane sajan ke liye prem ke kaside pad rahi hain

salona sa sajan hai aur main hoon
jiya main ik agan hai aur main hoon

tumhare roop ki chhaya main sajan
badi thandi jalan hai or main hoon

churaye chain raaton ko jagaye
piya ka ye chalan hai aur main hoon

piya ke samane ghoonghat utha de
badi chanchal pavan hai aur main hoon

rachega jab mere hathon main mainhadi
usi din ki lagan hai aur main hoon

aur aaj ki is mahafil ka samapan karaate hain isi album ki is behad mashahoor ghazal se, jise likha tha faiz ahmad faiz ne

yoon saja chand ki chhalaka tere andaz ka rang
yoon faza mahaki ki badala mere hamaraj ka rang



If you want to purchase this album. Click Here

Tuesday, September 09, 2008

Gurucharan Das : Kahani Ek Parivaar Ki

Achchhi kitabon ke bare mein to ham aksar charcha karate rahate hain. par vo kitaben jo hamein itani jyada nahin janchati un par bat karana ham pasand nahin karate. aaj ki charcha ek aisi hi kitab ke bare mein hai jise likha hai jane mane buddhijivi Gurucharan Das .



akhabaron ko niyamit roop se padane valon aur audyogik jagat mein ruchi rakhane valon ke liye gurucharan das ka nam kisi parichay ka muhataj nahin hai. College ke samay se Times of Indiamein aksar ravivar ke din unake likhe column par nigah gujarati thi aur vahin ye bhi likha mil jata tha ki likhane vala praktar end gembal (Proctor & Gamble) ka CEO hai. harvard vishvavidyalay se rajanitishastr mein snatak rah chuke gurucharan das ki sabase mashhoor kitab India Unbound hai jo unhonne san 2000 mein likhi thi.

'kahani ek parivar ki' jo ki lekhak ka pahla upanyas hai, 1990 mein prakashit huaa. ye upanyas poorvi panjab mein rahane vale aur vibhajan ke samay bharat mein aane vale parivar ki kahani hai. angreji mein A Fine Family ke nam se chhapi is kitab ka hindi anuvad narendr saini, jo ki khud ek patrakar rah chuke hain, ne kiya hai.

upanyas shuruaat mein layalapur kasbe ke mashahoor vakil bauji ke vyaktitv ka parichay karata huaa unake parivar ke ird gird ghoomata hai, jabaki vibhajan ke bad ki gatha poori tarah unake pote arjun ki jindagi ki jaddojahad se judi hai. vibhajan par likhe any upanyason ki tarah ye upanyas bhi us ke poorv aur bad ki samajik aur rajanitik paristhitiyon ka aakalan karata hai. gurucharan das ne us vakt ki hindu aur muslim soch ko ubharane ki safal koshish ki hai.

par kahani kahane ka lekhak ka andaj behad niras aur ubaoo hai. kaee patr kahani ke sath chalate-chalate achanak se gayab ho jate hain. vaise to ye ek anuvad hai par lekhak ki bhasha bina kisi loch-lachak ke sidhi sapat hi chalati rahati hai. mujhe yakin hai ki ३९५ prshthon vali is kitab ko khatm karana aapake liye chunauti jaroor hoga. isaliye meri ray yahi hai ki 225 rupaye ki penguin india dvara prakashit is pustak par hath na hi dalein to behtar hai.

is chitthe par aap in pustakon ke bare mein bhi pad sakate hain

असंतोष के दिन, गुनाहों का देवता, कसप, गोरा, महाभोज, क्याप, एक इंच मुस्कान, लीला चिरंतन, क्षमा करना जीजी, मर्डरर की माँ, दो खिड़कियाँ, हमारा हिस्सा, मधुशाला,
मुझे चाँद चाहिए



Click Here to read this post in Hindi (Devnagari) script.

Click Here to Post your comments.

Sunday, September 07, 2008

Jayshankar Prasad's Tumul Kolahal from Kamayani sung beautifully by Asha Bhosle

Hindi sahitya ke itihaas mein ek yug ‘chhayavada’ ke naam se jana jata hai, jisake char bade maharathi the - Prasad, Nirala, Pant aur Mahadevi. satavin se lekar dasavin tak main in chhayavadi kaviyon ki kavitaon se bilkul ghabara jaya karata tha. shikshak chahe kitana bhi samajha lein, in kaviyon ki likhi panktiyon ki saprasang vyakhya karane aur bhavarth likhane mein hamare pasine chhoot jate the.Jayshankar Prasad ki pahali kavita jo dhyan mein aati hai vo thi beeti vibhavari jaag ri.... jo kuchh yoon shuru hoti thi

beeti vibhavari jaag ri!
ambar panaghat mein dubo rahi
tara ghat usha nagari
.

shikshak bade manoyog se ratri ke beet jane aur subah hone par nayika ke jagane ke aagrah ko tamam roopakon se vishleshit karate huye samajhate, par man ye manane ko taiyar na hota ki samany si baat raat ke jane aur pratahkal ki bela ke aane ke liye itna kuchh ghuma fira kar likhane ki jaroorat hai. vaise bhi ghar par subah na uth pane ke liye pitaji ki roz ki ulahana sunane ke baad kavi ke vicharon se man ka kahan samy sthapit ho pata ? vakt beeta, samajh badali. aur aaj jab is kavita ko kisi ke mukh se sunta hoon to khud man gunaguna uthta hai

khag kul-kul sa bol raha, kisalay ka anchal dol raha,
lo yah latika bhi bhar laee, madhu mukul naval ras gagari.
adharon mein raag amand piye, alakon mein malayaj band kiye
tu ab tak soyee hai aali, aankhon mein bhare vihag ri.
beeti vibhavari jag ri!



Aisi mohak panktiyan likhane vale Jayshankar prasad ji ki prshthabhoomi kya rahi ye janane ko aapaka man bhi utsuk hoga. jayshankar ji ke kavy sankalan par ek kitab sahity akadami ne chhapi thi. usake prakkathan mein vikhyat sahity samikshak Vishnu Prabhakar ji ne likha hai

"..........Jayshankar ji ka janm mat shulk dashami sanvat 1946 (san 1889) ke din kashi ke ek sampann aur yashasvi gharane mein huaa tha. jab pita ka dehavasan huaa, us samay prasad ki avastha keval gyarah varsh ki thi. kuchh hi varshon ke bhitar bade bhaee bhi paralok sidhar gaye aur solah varshiy kavi par samasyaon ka pahad aa toota. aarthik drshti se poori tarah jarjar ho chuki ek sanskari kul parivar ke lupt gaurav ke punaruddhar ki chunauti to munh baye samane khadi hi thi, jis parivar par antahin mukadamebaji, bhari karj ka bojha, svarthi aur akaranadrohi svajana, tathakathit shubhachintakon ki khokhali sahanubhooti ka vyangya...sabakuchh viparit hi viparit tha. koee aur hota to apani sari pratibha ko lekar is bojh ke niche chakanachoor ho gaya hota. kintu is pratikool paristhiti se joojhate huye prasad ji ne n keval kuchh varshon ke bhitar apane kutumb ki aarthik avastha srdrdh kar li, balki apani bauddhik-manasik sampatti ko bhi is vatyachakr se akshat ubar liya.

svayam jayashankar ji ne likha hai
ye manasik viplav prabho, jo ho rahe din rat hain
kuvichar kuron ke kathin kaise kutil aaghat hain
he nath mere sarathi ban jav manas-yuddh mein
fir to thaharane se bachenge ek bhi n viruddh mein.

yahi huaa bhi. jis gahare manovijnyan yatharthavad ki ninv par prasad ke jeevan krtitv ki poori imarat khadi hai, vah unaki vyaktigat jivani ki bhi buniyad hai. ghar-parivar vyavasthit kar lene ke bad hamare kavi ne apane antarjivan ki vyavastha bhi utani hi drdhata se samhali aur apani rachanatmak pratibha ke nirantar aur achook vikas kram se unhonne sahity jagat ko vismay mein dal diya.

dhire-dhire, lagabhag naamaloom dhang se unaki rachanayen sahity jagat mein gahare bhidati gaeen aur kya kavita, kya kahani, kya nataka, kya-chintan har kshetr mein khamir ki tarah roopantarit siddh hoti chali gaee. kisi ne unake bare mein likha hai ki prasad ka jo aantarit vyaktitv tha, vah lilapurush krshn ke darshan se prerana pata tha, aur unaka jo samajik vyaktitv tha, vah maryada purushottam ram ko apana aadarsh manata tha. nishchit hi prasad ji ke kavy ke pichhe jo jivan aur vyaktitv hai, usamein dhairy aur nissangata ki vipul kshamata rahi honi chahiye.

prasad ka vaishishty karuna aur anand ke atirikt jin do tatvon se prerit hai, ve hai unaka itihas-bodh aur aatm-bodha. pahali drshti mein paraspar virodhi lagate huye bhi ye donon chijen unake krtitv mein itane avichchhedy roop mein judi huee hain ki lagata hai, donon ka vikas do lagatar pas aati huee aur ant mein ek bindu par mil jane vali rekhaon ki tarah huaa. yah bindu nishchay hi ‘kamayani’ hai............."

usi 'kamayani' se liye gaye is ansh ko aasha ji ne behad surile andaj mein gaya hai. sangeet jayadev ka hai. . ye geet aasha jayadev ke elabam An Unforgettable Treat se liya gaya hai jo saregama par upalabdh hai. isi album mein mahadevi ji ka likha kaise unako paoon aali bhi hai .

mere khyal se kisi hindi kavi ki kavita ko itane adbhut roop mein kabhi svarabaddh nahin kiya gaya hai. bas lagata yahi hai ki prasad ke shabdon mein aasha jayadev ki jodi ne pran foonk diye hon. aasha hai aap ko bhi is madhur geet ko sunane mein utana hi aanand aayega jitana mujhe aata raha hai...




tumul kolahal kalah mein
main hraday ki bat re man

vikal hokar nity chanchal,
khojati jab nind ke pal,
chetana thak-si rahi tab,
main malay ki baat re man

chir-vishad-vilin man ki,
is vyatha ke timir-van ki
main usha-si jyoti-rekha,
kusum-vikasit prat re man

jahan maru-jvala dhadhakati,
chataki kan ko tarasati,
unhin jivan-ghatiyon ki,
main saras barasat re man

pavan ki prachir mein ruk
jala jivan ji raha jhuk,
is jhulasate vishv-din ki
main kusum-ritu-rat re man

chir nirasha niradhar se,
pratichchhayit ashru-sar mein,
madhup-mukhar marand-mukulit,
main sajal jalajat re man"


Click Here to read this post in Hindi (Devnagari) script.


Monday, September 01, 2008

'Himalaya' a poem by Ramdhari Singh Dinkar

Pichhle hafte hamare daftar mein Ramadhari Singh 'Dinkar' ke janmashatabdi varsh ke upalakshy mein unaki kavitaon ka path karane ke liye ek sandhya chuni gayee thi. dinkar rashtakavi to the hi, hamari peedhi ko unhonne kishoravastha mein apani ojapoorn kavitaon se kalam ki takat ka andaja karavaya. aur yahi karan tha ki us shaam, hall ko bharane mein jyada waqt nahin laga. ham sabke samane, hamare ek sahityanuragi sahayogi ne dinkar ke kavya jeevan ka ek behad sanvedanashil jivan vrit khincha.

Maine is avasar par unaki kavita 'Himalaya' ka path kiya. ye kavita meri navin kaksha ki pathy pustak mein thi. mujhe yaad hai ki school mein jab bhi is kavita ko doharate the, kavita ka ant aate-aate dhamaniyon mein rakt pravah ki tivrata apane charam par pahunch jati thi.

Aaj jab is kavita ko dobara padata hoon to lagata hai fir is soye huye desh ko tandra se uthane ki jaroorat hai. bahari shaktiyon ki bat karen to kashmir se lekar arunachal tak jagah jagah dushman hamare is prahari kau apane pairo tale raundakar isaka apaman karate fir rahe hain . to vahin doosari or isase janmi nadiyan jo uttar ke maidanon ko sinchit aur urvar banati thin aaj apane pralay se janamanas ko lil rahi hain fir bhi ye yati chup hai,shant hai...

Chahe vo Jammu mein janata ka mahinon se ubalata aakrosh ho, ya orissa ki kanoonavihinata, ya fir 15 dinon se koshi mein aaee pralayakari baadh (floods) mein aam janata ke rote bilakhate chehre.... bharat mein rajanaitik aur prashasanik akarmanyata ka jo drshy dikhaee de raha hai vo vastav mein behad bhayavah hai. is drshti se dinkar ki ye panktiyan aur bhi prasangik ho gayee hain.

us punyabhoomi par aaj tapi !
re aan pada sankat karal
vyakul tere sut tadap rahe
dans rahe chaturdik vividh vyal
mere nagpati ! mere vishal
!

aaiye paden rashtra kavi dinkar ki ye kavita ...aur shapath lein ki desh ke ek sudhi nagarik ki haisiyat se ham in akarmany netaon aur prashasakon par ekajut hokar dabav banayen taki ve apane kartavyon se vimukh na hon aur sath hi sahayog den unake prayason ko safal banane mein..

mere nagpati ! mere vishal !

sakar divy gaurav virata,
paurush ke punjibhoot jvala!
meri janani ke him karit !
mere bharat ke divy bhal !
mere nagpati ! mere vishal !

yug yug ajeya, nirbandh mukt
yug yug garvonnata, nit mahan
nissim vyom mein tan raha
yug se kis mahima ka vitan
kaisi akhand ye chir samadhi ?
yativara! kaisa ye amar dhyan ?

tu mahashoony mein khoj raha
kis jatil samasya ka nidan ?
ulajhan ka kaisa vishamajal
mere nagpati ! mere vishal !

au maun tapasya lin yati
pal bhar ko to kar drganmesh
re jvalaon se dagdh vikal
hai tadap raha pad par svadesh

sukhasindhu , panchananda, brahmaputr
ganga yamuna ki amiy dhar
jis punyabhoomi ki or bahi
teri vigalit karuna udar

jisake dvaron par khada krant
simapati ! tu ne ki pukar
'pad dalit ise karana pichhe
pahale mera sir le utara.'

us punyabhoomi par aaj tapi !
re aan pada sankat karal
vyakul tere sut tadap rahe
dans rahe chaturdik vividh vyal
mere nagpati ! mere vishal !


kitani maniyan lut gaeen ? mita
kitana mera vaibhav ashesha!
tu dhyan magn hi raha; idhar
viran huaa pyara svadesh .

vaishali ke bhagnavashesh se
poochh lichchhavi shan kahan ?
o ri udas gandaki ! bata
vidyapati kavi ke gan kahan ?


tu tarun desh se poochh are
goonja kaisa yah dhvans rag
ambudhi antastal bich chhupi
yah sulag rahi hai kaun aag ?

prachi ke prangan bich dekh
jal raha svarn yug agnijval
tu sinhanad kar jag tapi
mere nagpati ! mere vishal !

re roka, yudhishthir ko na yahan
jane de unako svarg dheer
par fer hamein gandiv gada
lauta de arjun bhim veer

kah de shankar se aaj karen
ve pralay nrty fir ek bar
sare bharat mein goonj uthe
'har har bam' ka fir mahochchar