गुरुवार, अगस्त 30, 2007

Memories of Kishore Da: The magic created by the trio..Gulzar, Pancham & Kishore part V

Click Here to read this post in Hindi (Devnagari Script).

Pichhalee post mein baat huee thee Kishore da kee ajeebogareeb shakhsiyat kee.....Aaj vaapas lauTate hain unake geeto ke safar par. Aap sab jo mujhe paDhate aaye hain, bhalee bhaanti jaanate hain ki Gulzar ka likha hua mujhe kitana pasand aata hai. Yahee wajah hai ki kishor ke gaye mere sabase priya geeto.n mein se chaar Gulzar ne likhe hai.

Ab kya karoo.n main !
jab Pancham da kee madhur dhun ho , shabd ho Gulzar ke aur aavaaj ho Kishor Kumar kee to us geet kee kaifiyat saalo saal dilo dimaag me naksh see ho jaatee hai. Kitana bhee inhe sun loo, gunaguna loo.n ye jehan se nahee haTate, maano man ke aangan me khoonTa gaaDe baiThe ho. Toh is kram me parichit hote hain Parichay film ke is geet se.

Geet Sankhya 6 : Musaafir hoo yaaro / Aane waala pal... jaane waala hai

Jee haan ! meree is shrrnkhala kee chhaThee paayadaan par ek nahee.n balki do geet hain. In dono me se ek ko chunana mere lie kaafee mushkil thaa.

To pahale baat kare 'Parichay' ke is sadaabahaar nagme kee..

'Parichay' mein pahalee baar pancham ne Gulzar ke saath kaam kiya thaa. Pancham aur Gulzar ke saje sangeet satro.n mein in geeto.n kee rachana hotee thee. Hua yoon ki Gulzar mukhaDe ko lekar jab raajakamal studio pahunche to vahaa doosari film ke paarshv sangeet kee recording chal rahee thee. Mukhada Pancham ko thama kar Gulzar vaapas chale ae. Raat ko ek baje pancham, Gulzar ke paas aaye aur kaha chalo neeche. Din bhar me Pancham ek cassete mein us gaane kee dhun bana chuke the. Baandra kee saDako par gaaDee dauDatee rahee..Dashaboard par dhun bajatee rahee aur khyaal lafjo.n kee shakl lene lage aur is tarah ye geet apane astitva me in aayaa.

Kishor ne jis mastee aur befikrapan se is geet ko gaaya hai ki man roopee musaafir geet ke saath hee is pyaare se safar me saath ho leta hai, vo bhee manjil ko jaane bagair. ..
to taiyaar hai na mere saath is geet ko gunagunaane ke liye


musafir hoon yaaron
na ghar hai na Thikaana
mujhe chalate jaana hai, bas, chalate jaana
musafir...

ek raah ruk gayee, to aur juD gayee
mai muDa to saath-saath, raah muD gayee
hava ke paro par, mera aashiyaana
musaafir...

din ne haath thaam kar, idhar biTha liya
raat ne ishaare se, udhar bula liya
subah se shaam se mera, dostaana
musaafir...

Jeetendra par filmaaye is geet ko aap yahaa dekh sakate hain.


Is paayadaan par doosara geet film 'Golamal' se hai. Isake liye 1979 me Gulzar ko filmfare puraskaar mila thaa. Pancham kee jabaradast dhun ke beech Kishor kee goonjatee aavaaj me is geet ko sunana man ko ek shaanti se bhar deta hai.



aane vaala pal jaane vaala hai
ho sake to is me
jindagee bita do
pal jo ye jaane vaala hai

ek baar yoo milee, maasoom see kalee
khilate hue kaha, ush baash? main chalee
dekha to yahee hai,DhoonDha to nahee.n hai
pal jo ye jaane vaala hai

ek baar waqt se, lamaha gira kahee.n
vahaa daastaa milee, lamaha kahee.n nahee.n
thoDa sa hansa ke, thoDa sa rula ke
pal ye bhee jaane waala hai

is geet ko Amol Palekar aur Bindiya Goswami par filmaaya gaya hai.


Geet Sankhya 5 : Phir wahee raat hai ...

Yaad aata hai B.I.T. Mesra ke hostel no. ek ka vo chhoTa sa kamara..
Alamaaree par rakha chhoTa sa Tep rikaarDar..
Kamare me ghupp andhakaar...
Pancham..Gulzar...Kishor ke is jaaduee geet sangeet ka khumaar.. is kadar sar chaDhata tha ki beesiyo baar cassete par is geet ko reverse kar kar ke sunate the.
Kitanee raate barbaad..nahee yoo kahana chaahie ki aabaad kee is geet ne.....
sapane dekhana sikhaaya is geet ne...vo bhee sotee nahee balki jaagatee aankho se..
Aap bhee ise mahasoos karana chaahenge mere saath...... ?




Phir wahee raat hai ...

Phir wahee raat hai, Phir wahee raat hai khvaab kee
ho ... raat bhar khvaab me,dekha karenge tumhe
Phir vahee raat hai ...

maasoom see neend mein, jab koyee sapana chale
ho ... ham ko bula lena tum, palakon ke parde tale
ho... ye raat hai khvaab kee, khvaab kee raat hai
Phir wahee raat hai, Phir wahee raat hai khvaab kee
Phir wahee raat hai ..
kaanch ke khvaab hain, aankho me chubh jaayenge
ho ... palako pe lena inhe, aankho.n mein ruk jaayenge
ho ... ye raat hai khvaab kee, khvaab kee raat hai
Phir wahee raat hai, Phir wahee raat hai khvaab kee
Phir wahee raat hai ..


Vinod Mehra aur Rekha par filmaye is geet ko aap yahaan dekh sakate hain.


Agale bhaag me baat hogee paayadaan sankhya chaar, aur teenke geeto.n kee...



What are your opinion about these songs? Please give your comments here.

सोमवार, अगस्त 27, 2007

Kishore Kumar : A complex personality with a naughty heart !

Click Here to read this post in Hindi (Devnaagri) script

Film udyog me ye baat aam hai ki kishor ka vyavahaar apane milane vaale logo se bahudha ajeeb tarah ka hota thaa. Aisa vo kayee baar jaanabooz kar karate the par kahee na kahee unaka dil, sharaaratee bachche kee tarah tha jo unake dimaag me naye-naye khuraafaato ko janm deta thaa. Aksar unake is naTakhaTapan ka shikaar, unake kareebee hua karate the. Aaiye roobaroo hote hain unake aise hee kuchh kaaranaamon se..

Ek baar kee baat hai, kishor ke ghar ek interior decorator padhaaraa. Wo sajjan tapatee garmee me bhee three piece suiT me aaye, aur aate hee apane amerikee lahaje ke saath shuru ho ge kishor ko fanDe dene ki unake ghar kee aantarik saaj sajja kis tarah kee honee chaahiye. kishor ne kisee tarah aadhe ghanTe unhe zela aur fir apanee aavashyakata unhe bataane lage.

ab gaur kare kishor da ne un se kya kaha....

"muze apane kamare me jyaada kuchh nahee chaahie. bas chaaro taraf kuchh feeT gahara paanee ho aur sofe kee jagah chhoTee-chhoTee santulit naavein, jise ham chappoo se chala kar idhar-udhar le ja sake. chaay rakhane ke liye oopar se table ko dheere dheere neeche kiya ja sake taaki ham maje me vahaa se kap uTha chaay kee chuskiyaa le sake....."

interior decorator ke chehare par ab tak ghabaDaahaT kee rekhae ubhar aayee thee par kishor kahate rahe...

"....aap to jaanate hee hai ki mai ek prakrti premee hoo, isaliye apane kamare kee deevaar kee sajaavaT ke liye main chaahata hoon ki un par painTings kee bajaye laTakate hue jeevit kouve (crows) ho aur pankhe kee jagah hava chhoDate bandar... "

Kishor ka kahana tha ki ye sunakar vo vyakti bilkul bhayabheet ho gaya aur tej kadamo se kamare se baahar nikala aur fir baahar nikalakar ekadam se gate kee taraf, vidyut injan se bhee tej raftaar se dauD paDaa.

Ye baat kishor da ne Pritish Nandi ko 1985 me diye ge saakShaatkaar me batayee thee. Pritish Nandi ne jab poochha ki kya ye unaka paagalapan nahee tha?
Kkishor ka javaab tha ki agar vo shakhs us garm dupaharee me woolen three piece pahanane ka paagalapan kar sakata he to mai apane kamare me jinda kaanv-kaanv karate kauo.n ko laTakaane ka vichaar kyoo nahee.n la sakata ?

Ek baar ek yuva patrakaar kishor da se milane aayee. us vakt kishor ghar par akele raha karate the. patrakaar ne unase poochha ki vo apanee jindagee me kaafee akelaapan mahasoos karate honge?

kishor javaab me unhe baahar le gaye aur usaka parichay apane mitro janaardan, raghunandan, gangaadhar, buddhuraam aur zaTapaTaazaTapaT se karavaayaa. sabase gale mile, baatein kee aur kaha ye saare, is duShT sansaar me mere asalee mitr hain.

aap soch rahe hoge isame khaas baat kya thee!

khaas baat ye thee janaab ki ye sab unakee bagiya ke peD the jinase kishor khaalee samay me baDee aatmeeyata se baat karate rahate the.

apane sangharSh ke dino me unhe apanee adaakaaree ke paiso ke liye nirmaatao.n kee kaafee hujjat karanee paDee thee. par kishor bhee kam na the, ek baar aise hee ek nirmaata ko sabak sikhaane ke liye shoot ke Theek pahale unhonne apane baal hee muDava Daale. kisee doosare nirmaata ne aadhe paise diye to chehare ke sirf ek or make up kar shoT dene pahunche.

badalate mooD ke saath apanee kahee baat khud maanane se inakaar kar dete. rishtedaaro ko khaane par bulaate aur en vakt par jab koee aata to baahar se hee vida kar dete. kisee se khafa rahate to usake aate hee apane kutto ko ishaara kar dete aur fir to aane vaale kee shaamat hee aa jaatee.


apanee in nauTankiyo ko nijee jindagee ke aalaava unhonne selyulaeD par bhee baDe behatareen tareeke se utaaraa. ab paDosan ke geet'ek chatur naar kar ke singaar.....' ko lein. kishor kaha karate the ki is kiradaar ko nibhaane ke lie unhonne apane lambe baal rakhane vaale, kaajal lagaane aur hamesha paan chabaane vaale maama kee nakal utaaree. inakee behatareen adaakaaree ka ye asar hua ki suneel datt aur mahamood ko apana abhinay kishor kee tulana me bejaan lagane laga aur unhonne do din ke lie shooTing rok kar apana geTap badala aur vig lagaakar fir se shooTing kee. paDosan ka ye geet film itihaas ke haasy geeto me gaayan aur prastutikaraN dono hee lihaaj se avval sthaan rakhata hai.



Unake uchhal kood bhare abhinay ka film 'chalatee ka naam gaaDee' me darshako ne khoob aanand uThaayaa. is film me teeno bhaee yaani Ashok kumar, Anoop kumar aur Kishor saath-saath ae the. aap khud hee dekhie, is film ke lokapriy geet 'mai tha, vo thee aur sama rangeen samaz ge na me...' unake haav bhaavo ko......



kishor kumar ke is ajoobe bhare vyaktitv ka ek alag pahaloo ye bhee tha ki jab unhonne khud koee film banaee to viShayavastu ke nirvaah unhonne baDe sanjeeda Dhang se kiyaa. 'door gagan kee chhaanv me..' unakee esee hee film rahee jo us sipaahee kee daastaan kahatee hai jo yuddh se thak haar kar jab ghar lauTata hai to paata hai ki usaka ghar jala diya gaya hai aur us traasadee ko zelane vaala usaka buree tarah bhayabheet beTa kuchh bhee bata sakane me asamarth hai. baakee kee kahaanee pita putr ke pragaaDh hote sambandho ka lekha-jokha hai jise kishor ne khoobasooratee se filmaaya thaa. ese viShay ko chunana ye darshaata hai ki unake sharaaratee dimaag ke peechhe ek sanvedanasheel hrday bhee tha jo rah-rah kar unhe vaastavik jindagee se juDe viShayo par film nirmaaN ke lie prerit karata thaa.

Agale bhaag me punah lauTenge apanee das geeto kee shrrnkhala ko aage baDhaate hue chhaThe aur paanchave nambar ke un geeto ke saath jinhe gulazar ne likha aur jo kishor da ke gae hue mere sabase priy geeto me rahe hai
(Post has been coverted in Roman courtsy Bhomio.com)

गुरुवार, अगस्त 23, 2007

Memories of Kishore Da : The sweet sweet 70's Part-III

Click here to read this post in Hindi (Devnaagari) Script.


Sattar ka dashak Kishore Kumar kee gaayikee ke lie svarNim kaal thaa. is dashak me gaye huye geeto.n me se kuchh ko chhaanTana behad duShkar kaary hai. KaTee Patang (1970), Amar Prem (1971), BuDhDha mil gaya(1971), Mere Jeevan Saathee (1972), Parichay (1972), Abhimaan(1973), Kora Kaagaj(1974), Milee(1975), Aandhee(1975), Khushbu(1975) mein gaye kishor ke geet mujhe khaas taur se priy hain.

pahale Dev Anand aur fir Rajesh Khanna ko apanee aavaaj dene ke baad is dashak me vo Amitabh ko bhee apanee aavaaj dete najar ae. kishor har abhineta kee aavaaj ke hisaab se apanee voyas maaDuleT karate the. is daur me kishor ne baDe sangeetakaaro me barman seeniyar, pancham, kalyaaN jee-aanand jee aur lakShmeekaant pyaarelaal ke saath kaam karate hue film jagat ko kee anamol geet die.

chaahe vo 'buDhDha mil gaya 'ka roomaanee geet 'raat kalee ik khvaab me...' ho ya yooDaling me unakee mahaarat dikhaata 'mere jeevan saathee ' ka 'chala jaata hoo kisee kee dhun me...' ya fir dard me Dooba 'milee' me gaaya hua 'baDee soonee soonee hai..... ' ya 'ae tum yaad muze, gaane lagee har dhaDakan....' sab ke sab kishor da kee gaayan pratibha me vidyamaan har rang kee upasthiti ko darj karaate hai.

Kishor da ke sabase sureelay geet S.D. Burman aur pancham da ke saath hai. pancham ko jab bhee apanee kisee film ke lie kishor da se gaana gavaana paData tha to usake do din pahale us geet kee dhun ka Tep vo unake yahaa bhijava dete the. ve kahate the ki isase kishor ko geet ko mahasoos karate hue jajb karane me sahooliyat hotee thee aur vaastavik rikaarDing ka pariNaam behatareen aata thaa.

vaise muze milee me yogesh ka likha geet 'ae tum yaad muze...' behad priy hai par es Dee barman kee dhun ka aanand to aap pahale bhee le chuke hai to aaj pahalee baar is shrrnkhala me pesh hai kalyaaN jee-aanand jee ke sangeetabaddh ye do nagme

Geet Sankhya 8..Jeevan se bharee teree aankhe.n

ye geet film safar ka hai. is geet ke bol behad khoobasoorat hai. inhe likha tha indeevar ne. kaun kahega ki ye vahee indeevar hai jinhonne assee ke dashak me bappee da ke saath milakar kuchh aise geet likhe jisame kavita kee chhaaya to leshamaatr bhee nahee hai.

aankhe khuda kee dee huee haseen niyaamat hai. shaayaro ne inakee kahaanee apane ashaaro me to khoob bayaa kee hai jisaka jikr is chiTThe par pahale bhee ho chuka hai. isalie indeevar bhee is geet mein agar aankho ke in saagaro me Doobate najar aa rahe hain to acharaj kaisa !



jeevan se bharee teree aankhe
majaboor kare jeene ke liye
saagar bhee tarasate rahate hai
tere roop ka ras peene ke liye
jeevan se bharee teree aankhe ...

tasveer banaaye kya koee
kya koee likhe tuzape kavita
rango chhando me samaegee
kis tarah se itanee sundarata
ik dhaDakan hai too dil ke liye
ik jaan hai too jeene ke liye
jeevan se bharee teree aankhe ...

madhuban kee sugandh hai saanso me
baaho me kanval kee komalata
kiraNo ka tej hai chehare pe
hirano kee hai tuz me chanchalata
aanchal ka tere ek taar bahut
koee chaak jigar seene ke liye
jeevan se bharee teree aankhe ...



is geet ko aap yahaa dekh sakate hai.



Geet sankhya 7....Mera jeevan kora kaagaj

Kora Kaghaj ka ye geet is maayane me bhee mahattvapoorN hai ki 1974 me binaaka geet maala ki pahalee paayadaan par ye viraajamaan thaa. is geet ke bol M.G. Hashamat ke the aur mujhe bahut bhaate hain. kalyaaN jee-aanand jee kee dhun geet kee udaasee ko hrday tak pahuncha detee hai


Kishore da ki aawaaz mein ye geetyahan se bhi sun sakte hain सुन सकते हैं।


mera jeevan kora kaagaj kora hee rah gaya...2
jo likha tha...... aansuo ke sang bah gaya
mera jeevan
mera jeevan kora kaagaj kora hee rah gaya

ik hava ka zonka aaya,
ho..ik hava ka zonka aaya
TooTa Daalee se phoo..l...TooTa Daalee se phoo..l
na pavan kee na chaman kee
kisakee hai ye bhoo..l.. kisakee hai ye bhoo..l
ho gayee.... khushabu hava mein kuchh na rah gaya
mera jeevan
mera jeevan kora kaagaj kora hee rah gaya

uDate panchhee ka Thikaana
mera na koee jahaa.n..mera na koee jahaa.n
na Dagar hai na khabar hai
jaana hai muzako kahaa..jaana hai muzako kahaa
ban ke sapana hamasafar ka saath rah gaya

is geet ko aap yahaa dekh sakate hain.



Previous posts of this series:

  1. यादें किशोर दा कीः जिन्होंने मुझे गुनगुनाना सिखाया..दुनिया ओ दुनिया.
  2. यादें किशोर दा कीः पचास और सत्तर के बीच का वो कठिन दौर... कुछ तो लोग कहेंगे


Post your comments here.

रविवार, अगस्त 19, 2007

Memories of Kishore Da...The difficult 50's & 60's...Part II (Kuch to log kahenge..)

Click here to read this post in Hindi (Devnaagari) Script.

Pachaas ka dashak Kishor ke lie bataur gaayak kaafee mushkil vaala samay rahaa. Is dauraan unhonne kayee filmein kee jiname 'Naukaree', 'Miss Maala', 'Baap re baap', 'Aasha', 'Dillee ka Thag' aur 'Chalatee ka naam GaaDee' charchit rahee. Naukaree film me ek geet tha 'chhoTa sa ghar hoga...' jise sangeetakaar Salil Chaudhary, Hemant da se gavaana chaahate the. kishor da ne jab ise khud gaane kee peshakash kee to salil da ka seedha sa javaab tha ...



"jab mainne tumhe kabhee suna hee nahee to ye geet tumase kaise gava loo. "

baDe maan-munauval ke baad salil da raajee hue. ye vaakaya is baat ko spaShT karata hai ki vo samay aisa tha jab jyaadaatar sangeet nirdeshak kishor kee aavaaj ko gambheerata se nahee lete the.

bataur naayak kishor kumaar ka ye samay jyaada behatar rahaa. 1956 me G.K.Nanda kee film 'Dhaake ka Malamal' me pahalee baar vo aur Madhubaala saath saath dekhe ge. shaayad isee vakt unake prem kee shuruaat huee. 1958 me film 'chalatee ka naam gaaDee' is joDee kee sabase safal film rahee. is joDee par filmaye geet 'ik laDakee bheegee bhaagee see...' aur 'paanch rupaiya baarah aana....' isee film se the. 1961 me apanee pahalee patnee Rooma Guha ke rahate hue Kishor ne Madhubaala se shaadee kee aur isake lie muslim dharm ko apanaate hue apana naam Abdul Kareem rakh liyaa. Zaahir hai ye saaree kavaayad doosaree shaadee karane me kaanoonee pachaDo se bachane ke lie kee gee thee.

Kaanoonee pachaDo kee baat chalee hai to ye bataana bhee laajimee hoga ki aay-kar vaalo se kishor da sanakapan kee had tak ghabaDaate the. kaha jaata hai ki 'chalatee ka naam gaaDee' unhonne ye soch kar banaee ki ye film flop ho jaegee aur isake nukasaan ko baDha-chaDha kar dikha vo Tax chukaane se bach jayenge. par hua Theek isaka ulaTa. 'chalatee ka naam gaaDee' hiT huyee. kishor is baat se itane kupit huye ki unhonne is film se milane vaalee saaree royalty apane sachiv Anoop Sharma ke naam kar dee :).

kishor da ke baare me ye bhi kaha jaata hai ki aayakar vaalo aur avaanchhit mehamaano se bachane ke liye har teen chaar mahine par vo apane bangale me aane ke mukhy dvaar ko badalate rahate the, taaki raid paDane ke dauraan vo sabako chakama de sakein.

Vaapas baDhate hain kishor da ke sangeet ke safar par. sangeetakaar S.D.Burman pahale aise sangeetakaar the jinhonne ye samajha ki kis tarah ke gaano ke liye kishor kee aavaaj sabase jyaada upayukt hai. unhee kee vajah se 60's mein kishor, Dev Aanand kee aavaaj bane. Burman senior dvaara sangeet nirdeshit 'Guide' aur 'Jewal thief' me unake gaye geeto ne unake yash ko failane me madad kee.

par kishor kee gaayikee ke liye meel ka patthar saabit huee 1969 me banee film 'Araadhana'.

S.D.Burman ne is film ke geet Rafi saahab se gavaane ka man bana chuke the. par dhune bana chukane ke baad vo beemaar paD gaye aur isake sangeet ko poora karane kee jimmevaaree pancham da par aan paDee. unhone in dhuno ko gaane ke liye kishor da ko chuna aur usake baad jo rach kar baahar nikala vo itihaas ban gayaa. is film ke geet 'roop tera mastaana...' ke lie kishor da ko pahalee baar filmafare award se navaaja gayaa.

Sattar ke dashak kee shuruaat kishor da ke liye jabaradast rahee. S.D.Burman ke sangeet nirdeshan me 'Sharmeelee' aur 'Prem Pujari' ke geet charchit hue. vahee 'Araadhana', 'KaTee Patang' aur 'Amar Prem' kee aapaar safalata ke baad kishor da parde par Rajesh Khanna kee sthaayee aavaaj ban ge. kishor da ke baare me baakee baate to aage bhee hotee rahengee par ab chale is shrinkhala ke agale geet par


Geet Sankhya:9 - Kuchh to log kahenge...

'Amar Prem' mein Anand Bakhshi ne kamaal ke geet likhe hain. Chaahe vo 'chingaaree koyee bhaDake..' ho...ya fir 'ye kya hua ..' koee bhee sangeet premee inake prabhaav se bach nahee paataa. antarajaal par to bhaarat ke baahar ke log ko jinhe hindi ya urdu nahee aatee, ko bhee mainne in geeto ke angrejee anuvaad kee taareef karate paayaa.

Is film se is sankalan ke lie in bemisaal geeto me se ek ko chunana behad kaThin thaa. agar mainne ye geet 'kuchh to log kahenge....' chuna hai to vo isaliye ki isake bol mere dil ko in teeno geeto me sabase jyaada chhoote hain. kishor kee gaayikee aur S.D.Burman kee dhune (waise to kaagajee taur par R.D.Burman isake sangeet nirdeshak kahe jaate hain , par vibhinn sangeet sameekShak baar-baar ye kah chuke hain ki is film kee dhun Burman senior kee thee) man ke aar-paar ho jaatee hai.

to sune meree koshish is geet ko gunagunaane kee...



kuchh to log kahenge
logo ka kaam hai kahana
chhoDo bekaar kee baato.n mein kaheen beet na jaye raina
kuchh to log kahenge....

kuchh reet jagat kee aisee hai, har ek subah kee shaam huyee
too kaun hai, tera naam hai kya, seeta bhee yahaan badanaam huyee
fir kyoo sansaar kee baato se bheeng ge tere naina
kuchh to log kahenge....

hamako jo taane dete hain, ham khoye hain in rangaraliyo.n mein
hamane bhee unako chhup-chhup ke aate dekha in galiyo.n mein
ye sach hai jhooThee baat nahee , tum bolo ye sach hai na
kuchh to log kahenge....


Rajesh Khanna aur Sharmila Tagore abhineet is geet ko aap yahaan dekh sakate hain.



Post your comments here.

मंगलवार, अगस्त 14, 2007

Memories of Kishore Da...Who induced me to sing...Part I (Duniya O Duniya tera Jawab Nahin..)

Click here to read this post in Hindi (Devnaagari) Script.


Kisane jaana tha ki ek chhoTe se shahar 'khanDava' me paidaish lene vaala 'aabhaas kumaar gaangulee' naam ka baalak bhaarateey sangeet ke itihaas me apanee amiT chhaap chhoD jaegaa. 1948 me khemachandr prakaash kee sangeet nirdeshit film jiddee me apana pahala geet 'marane kee duae kyoo maagoo' se lekar akToobar 1987 me 'vakt kee aavaaj' me aasha jee ke saath gae geet 'guru o guru..' tak apane chaalees saal ke sangeet safar me kishor da ne sangeet premee karoDo bhaarateeyo ka dil jeeta aur aaj bhee jeet rahe hai. kishor kumaar ko jab unake baDe bhaee ashok kumaar ek abhineta banaane ke lie mumbee lae to kishor da, man hee man koee khaas utsaahit nahee the. unaka to sapana apane us vakt ke preraNaasrot ke el sahagal se milane ka tha jo durbhaagyavash poora nahee ho paaya kyonki inake mumbee aagaman ke kuchh hee din pashchaat sahagal chal base.

Apane shuruaatee dino me K.L.Sehgal ke andaaj ka anukaraN karane vaale kishor da kee gaayikee me ek khoobasoorat moD tab aaya jab unakee mulaakaat S.D.Burman saahab se huee. ye bhee ek sanyog hee tha ki barman senior, ashok kumaar jee ke ghar pahunche aur kishor ko baatharoom me gunagunaate sun kar ThiThak gaye, aur unase mil kar jaane ka hee nishchay kiyaa. unhonne hee kishor ko gaayan kee apanee shailee vikasit karane ke lie prerit kiyaa. kishor da kee jis aavaaj ke ham sab kaayal hai, vo pachaas ke uttaraardh me S.D.Burman ke saanidhy ka hee pariNaam raha hai.

agar baakee gaayako kee apekSha kishor da ke yogadaan par vichaar karoo to yahee paata hoo ki jahaa Rafi ne gaayikee me apanee vividhata se sabaka man jeeta, vahee kishor da ne hindee film sangeet kee gaayikee ko aam janata ke hoTho tak pahunchaayaa. unakee gaayikee ka tareeka aisa tha ki jise gunagunaana ek aam sangeet premee ke lie apekShaakrt adhik sahaj hai. darasal kishor, mukesh aur hemant da sareekhe gaayako ne apanee aavaaj ke balaboote par hee sangeetapremee janamaanas ko apana deevaana bana liyaa. mohammad Rafi aur manna De jaise gaayako dilakash aavaaj ke maalik to the hee par saath-saath ve shaastreey sangeet me mahaarat haasil karane ke baad hindee filmo me paarshv sangeet dene ae the. kishor da ke paas esee kaabiliyat nahee thee fir bhee isakee kamee unhonne mahasoos nahee hone dee aur apane madhur geeto ko hame gunagunaane par majaboor karate rahe.


4th August ko kishor da ka janmadin thaa. so is mahaan shakhsiyat ko apanee shrrnddhaanjali svaroop, aaj se mai 'kishor da' ke un das geeto ko aapake saamane pesh karoonga jinhe gunagunaana muze behad priy hai. darasal aaj hamaare sareekhe log agar baatharoom singar ban pae hai to usaka bahut baDa shrey kishor da ko jaata hai :). kishor da ki khushamijaaj gaayikee se to ham sabhee vaakif hai. yooDaling ke saath gae un geeto ke saath hota hoo, to man halka-halka sa lagane lagata hai. par mainne in das geeto me jyaadaatar vaise geeto ko chuna hai jiname ek udaasee ka puT hai.

vaise to jindagee khushee aur maayoosee ka sangam hai par khushee to sab ke saath banTatee rahatee hai, rah gee udaasee to vo dil ke kisee kone me munh chhupae baiThee rahatee hai. aur kabhee ekaant ke palo me aap dil ke kareeb vakt gujaarane jaate hai to isee udaasee se roobaroo ho baiThate hai.

khair, to chale geeto ki is ulaTee ginatee ko shuru kare .


geet sankhya 10.: duniya o duniya, tera javaab nahee ...

is shrankhala ka pahala geet film naya jamaana se hai. ye film 1971 me rileej huee. is geet ke bol likhe the aanand bakhshee ne aur dhun banaee thee es Dee barman ne.

baDee pechadagee hai is duniya me....

jaise log dikhate hai vo hote nahee...
sahajata se sab par vishvaas karane vaala, kabhee na kabhee Thokar khaata hee hai...
mahaan jan kahate hai ki ese Thokare kha ke aadamee paripakv banata hai.
par kya ye sach nahee ki ham sabhee ka jeevan esee hee hoshiyaaree jama karate-karate, kuTilata ke us mukaam tak pahunch jaata hai ki kabhee-kabhee apane bachcho kee maasoomiyat dekh, khud par sharm aatee hai. man sochane par majaboor ho jaata he yaar ! ham bhee kabhee ese the... duniya ke ese hee roop kee zalak dikhaata he ye geeta.

to pahale sunie gunagunaahaT is baatharoom singar kee....

>
Get this widget Share Track details


duniya o duniya, tera javaab nahee
teree jafao.n ka, bas koyee hisaab nahee

too chhaanv hai ya hai dhoop khabar kisako
kya hai tera asalee roop khabar kisako
aaye najar kaise too aansoo hai, khvaab nahee
duniya o ...

tere jubaa pe hai, jikr sitaaro ka,
tere labo pe hai, naam bahaaro ka
par tere daaman me, kaanTe hain, gulaab nahee
duniya o ...

ye kin khayaalo mein, kho gaye hai aap,
kyo kuchh pareshaa se, ho gaye hai aap
aapase to muzako kuchh shikava janaab nahee
duniya o ...

dharmendr, praaN aur hema maalinee par abhineet is geet ko aap yahaa dekh sakate hain.



Hindi to Roman Transliteration courtsy Bhomiyo.com


Do u like this song? Post your comments here.

शनिवार, अगस्त 11, 2007

My Favourite poems of Dr. Ram Kumar Verma

Dr. Ram Kumar Verma ke vyaktigat jeevan ke baare me muze jyaada kuchh pata nahee thaa. Agar aaj main, unakee ye kavitae aapake saamane pesh kar raha hoo to isaka poora shrey meree maataajee ko jaata hai jinhonne Varma jee kee kavitao se hamaara pratham parichay karaayaa. Aaj bhee aksar vo antyaakSharee khelate vakt ya aise bhee, unakee kavitae dhaaraapravaah bol jaatee hain. Ye muze baad me hee pata chala, ki aadhunik hindi saahitya mein Ram Kumar Verma jee kee ginatee, ek kavi ke aalaava naaTakakaar ke roop me bhee hotee thee. Ram Kumaar jee Allahabad Vishvavidyaalay se juDe the aur apanee samakaaleen, Mahadevi jee ke kareebee the.

Aaj aapke saamne unki teen rachnaon ko pesh kar raha hoon. Asha hai ye aapko pasand aayengi.
***********************************************************
Ye Gajre Taron Wale

Waise to barasaat me shaayad hee meghaviheen aakaash nazar aata hai. par gar aasamaan saaf ho to idhar-udhar bikhare taaro ka saundarya dekhate hee banata hai. Garmee me der raat bijalee gul hone se chhat par khaaT ke oopar leTe-leTe kitanee baar hee is drshy ka aanand uThaaya hai. Par taaro bharee raat, agar ek jharne ke bahate jal ke saanidhy me gujaaree jaye to.....? Paanee par TimaTimaate taaro ke laharaate pratibimb ka sammohan bhee kya khoob hogaa. to chale anubhav kare varma jee ka ye adbut shabdachitra...

is sote sansaar beech,
jag kar, saj kar rajnee baale!
kahaa bechane le jaatee ho,
ye gajare taaro vaale?

mol karega kaun,
so rahee hai utsuk aankhe saaree.
mat kumhalaane do,
soonepan me apanee nidhiyaan nyaaree.

nirjhar ke nirmal jal mein,
ye gajare hila hila dhonaa.
lahar hahar kar yadi choome to,
kinchit vichalit mat honaa.

hone do pratibimb vichumbit,
laharo hee me laharaanaa.
'lo mere taaro ke gajare'
nirjhar-swar mein yah gaanaa.

yadi prabhaat tak koyee aakar,
tum se haay! na mol kare.
to foolo par os-roop me
bikhara dena sab gajare.

***********************************************************

Ek Deepak Kiran Kan Hoon

Raat kee baat ho to fir usako uddeepit karatee deepak kee us kiraN kee gaatha nahee sunana chaahenge aap ? Baalkavi Bairaagi kee ek ojamayee kavita "Deevat par Deep" kee charcha to mainne pahale bhee kee thee. raam kumaar varma jee ne bhee dhuyein kee god me jalatee lau kee kahaanee kuchh yoon bayaan kee hai ..








ek deepak kiraN-kaN hoon
dhoomr jisake kroD me hai, us anal ka haath hoon main
nav prabha lekar chala hoon, par jalan ke saath hoon main
siddhi paakar bhee, tumhaaree saadhana ka..
jvalit kShaN hoon.
ek deepak kiraN-kaN hoon
vyom ke ur me, apaar bhara hua hai jo andhera
aur jisane vishv ko, do baar kya sau baar ghera
us timir ka naash karane ke liye,
mai aTal praN hoon.
ek deepak kiraN-kaN hoon
.

shalabh ko amaratv dekar,prem par marana sikhaaya
soory ka sandesh lekar,raatri ke ur me samaaya
par tumhaara sneh khokar bhee
tumhaaree hee sharaN hoon.
ek deepak kiraN-kaN hoon.

***********************************************************

Kholo Priyatam Kholo Dvaar....

Aur chalate-chalate vo kavita jo meree maa aur ab muze bhee behad priy hai .
Is chhoTee see kavita ko maa kee madad se mainne apanee diary mein utaara thaa. Shaayad ye tab likhee gayee ho jab chhaayaavaad kee tootee, hindee kaavy saahity me bolti thi.

shishir kaNo se ladee huyee
kamalee ke bheege hain sab taar
chalata hai pashchim ka maarut
le kar sheetalata ka bhaar

aruN kiraN sam kar se chhoo lo
kholo priyatam kholo dvaar....

Daro na itana dhool dhoosarit
hoga naheen tumhaara dvaar
dho Daale hain inako priyatam
in aankhon se aansoo Dhaar

aruN kiraN sam kar se chhoo lo
kholo priyatam kholo dvaar...

***********************************************************

You can post your comments here.

मंगलवार, अगस्त 07, 2007

'Dikhayi Diye Yoon Ki Bekhud Kiya...' a ghazal of Meer Taki 'Meer' sung by Lata in movie 'Baazaar'

हिंदी में इस पोस्ट को पढ़ने के लिए यहाँ क्लिक करें।

Baazaar film mein Lata mangeshkar ki gayi is ghazal mein Meer Taki 'Meer' ke likhe hue chand shero ko shaamil kiya gaya hai. Khayyaam saahab kee dhun, Lata jee kee gaayikee aur parde par Supriya Paathak kee adaayagee ka andaaj hee kuchh esa hai ki ye ghazal, poora marm na samajhate hue bhee, man me kuchh ajeeb see kashish chhoD jaatee hai.

Pichle hafte mere ek mitra ne iske bare mein tafseel se likhne ko kaha. Mujhe yaad pada ki ek baar internet poetry forum par iske bare mein kuch charcha huyi thi. lihaazaa diary ke panne ulte aur ye ghazal poori hi likhi mil gayi. ab jitni ise khud samajh paye wo aap tak pahuchaane ki koshish karte hain..........

Matale me Meer saahab kahate hain ki zindagee mainne fakeero.n see kaaTee. chaaha bas itana ki sab raajee khushee rahe.n..

fakeeraana aayee sada kar chale
miyaa khush raho ye dua kar chale


mera nishchay tha tumhaare saath jeene marane ka..aaj usee soch ko mainne tumhaare saamane jaahir kar diya taaki use nibhaane ko hamesha taiyaar rahoo

jo tujh bin na jeene ko kahate the ham
so is ahad ko ab vafa kar chale


man me koyee ummeed to nahee.n fir bhee nigaah hai ki us raah se haTatee hee nahee.n. Par ye kaisee berukhee hai ya rab ... ki tum aaye bhee to munh chhipaakar chalate bane ?

koee naummeedaana karate nigaah
so tum ham se munh bhee chhipa kar chale


Milane kee bekaraaree is kadar thee ki rago me bahate khoon kee laalee saare shareer par chha gayee thee. Bas ye samaz lo mere mahaboob, ki tumhaaree galee, tumhaare darabaar mein, apane khoon se nahaakar aa rahe hain.

bahut aarajoo thee galee kee teree
so yaan se lahoo mein naha kar chale


Aur ye jo agala sher hai use filmee ghazal me bataur mukhaDe kee tarah istemaal kiya gaya hai. ye sher muze pooree ghajal kee jaan lagata hai. Meer saahab kahate hain ki tumhaaree ik zalak paakar ham is kadar madahosh ho chuke hai ki hame ab apanee khabar hee naheen hai. Ya yoon kahein ki mera wajood tere husn kee chaandanee mein sama sa gaya hai. Saadagee bhare alfaaj me kitanee khoobasooratee se gaharee baat kah ge hai Meer!

dikhayee diye yoon ki bekhud kiya
hamein aap se hee juda kar chale


Zindagee bhar ye mastak teree araadhana me zuka hee rahaa. Kam se kam is baat ka to sukoon hai ki hamane teree khidamat me koee kamee naheen rakhee.

jabee sajada karate hee karate gee
hak-e-bandagee ham ada kar chale


Itanee shiddat aur gaharaee se mainne tuze pooja mere dost ki jinhonne meree ye ibaadat dekhee, ve saare log tuze bhagavaan ka hee roop maan baiThe.

parastish ki yaa tak ki ai but tuze
najar me sabhee kee khuda kar chale


saaree zindagee ghajal ke aashaar mukammal karane me gujar gayee. Par aaj dekho hamaaree vo mehanat rang la rahee hai aur ye kaavy kala kitanee fal-fool rahee hai

gayee umr dar band-e-fikr-e-ghazal
so is fan ko baDha kar chale


makate me meer ka andaaj kuchh adhyaatmik ho jaata hai. kahate hai ki gar koyee hamase poochhe ki is sansaar me hame kis lie bheja gaya tha aur hamane apane is jeevan se kya kuchh paaya to ham kya javaab denge?

kahe kya jo poochhe koee ham se meer
jahaa me tum ae the kya kar chale



Bazar film ke is geet ko aap yahan sun sakte hain.

Get this widget Share Track details


aur mehfil ka vo drishya dekhna bhi chahein jahaan Supriya, aankhon hi aankhon mein is ghazal ke madhyam se Farookh Sheikh se apni mohabbat ka izhaar kar rahi hain to ye viio juroor dekhein.



Do you have anything to say about this ghazal? Post your comments here.

St. Michael's High School, Patna and the sad story of Class 10 'D'

Ye ghaTana kareeb bees saal puraanee hai.

GhaTana sthal tha... shahar ke ek behad sammaaneey missionary school ka aahaata, jahaan ka chhaatra hona us shahar me ek vishiShT pahachaan dilaata tha....
par us anushaasan priy school ke gate par ye majama kaisa?
aree ! ye laDake to principal aur vice principle ko na jaane kya-kya apashabd kah rahe hain. Saamoohik naarebaajee se saara maahaul garm hai. Kataar me lagee baso.n ke drivr aur conductor is abhootapoorv drishya ko dekh kar aanandit hain.

Aur kyoo na ho...school ke itihaas me aisee dhrShTata pahale kabhee kisee ne nahee kee thee.

Phir aakhir class '10 D' ke chhaatra aisa kyoon kar rahe the ?

गुरुवार, अगस्त 02, 2007

Mora Saiyaan Mose Bole Naa a composition based on 'Raag Khamaaj'

हिंदी में इस पोस्ट को पढ़ने के लिए यहाँ क्लिक करें।

'Sa Re Ga Ma Pa' Zee TV ka ek aisa kaaryakram hai jisake pratibhaagee har saal kuchh aise geet juroor chunate hai jisamein unakee gaayan pratibha nikharakar aa sake. Abhee pichhale hafte kee baat hai, PC ke saamane baiThakar keyboard par ungaliyaa ghis raha tha ki bagal ke kamare se is geet ka mukhaDa sunaa. DauD kar gaya to dekha to Dubai se aaye gaayak 'Amaanat Ali' is geet ko baDee sanjeedagee se ga rahe hain.. Gaana to khatm ho gaya par geet ka ye jumala "mora saiyaa mose bole na....." man me rach-bas gayaa. Man hee man apane ko kosa ki ye geet agar itana lokapriya hai, ki Diya Mirza , jee TV ke us show mein aane ke pahale use apanee gaaDee me sun rahee thee to mai ab tak ise kyoo nahee sun paayaa.

Internet par khoj ke baad pata chala ki ye kisee film ka geet naheen, balki Pakistan ke music band ‘Fuzon’ kee Album 'saagar' ka ek trak hai. Ye banD Shafakat Amaanat Ali Khaan (gaayan), Imaraan Momin ( keeborD ) aur Shaalum Xavier( giTar) ka sammilit prayaas hai. Is geet kee khaasiyat ye hai ki is geet kee bandish raag khamaaj par aadhaarit hai aur shafakat ne ise gaaya bhee behad khoobasooratee se hai. Agar Shafakat Amaanat Ali Khan aapake liye naya naam ho to ye bata dena jarooree hoga ki ye vahee shafakat hain jinake gaye 'Kabhee alavida na kahana' ke geet mitava... par saara desh jhoom uTha thaa. PaTiyaala gharaane se juDe shafakat se jab ye poochha gaya ki TheTh shaastreey gaayan ko chhoD kar unhe is tarah ka album karane kee kya soojhee to unaka javaab tha ki

"Shaastreey sangeet mein thoDee meeThee chaashanee laga ham aaj ke yuvao ko paros rahe hain. Aaj hamaare kaaryakramo me yuva aate hai aur kahate hai ki 'khamaaj' gaiyee. Unamein se adhikatar ko is raag ke baare me pata nahee hotaa. Par ye bhee jaroor hoga ki uname se kaiyon mein ise seekhane kee ruchi jaagrat hogee."

Is geet ke bol bilakul seedhe saral hain…
...apane piya ke virah viyog me Doobee naayika kee karuN pukaar hai ye nagma..
Is saleeke se shafakat ne un bhaavanao ko apane sur ke utaar chaDhaav ke saath samaahit kiya hai ki ise sunate sunate man khone sa lagata hai ..kuchh kShaNo ke lie apane chaaro or kee duniya bemaanee see lagane lagatee hai...sachchee lagatee hai to bas is geet kee bhaavanae ..


<bgsound src="MeraSaiyaan.wma">


saavan beeto jaye peeharava
man mera ghabaDaye
aiso gaye paradesh piya tum
chain hamein naheen aaye
mora saiyaan mose bole na....
main laakh jatan kar haaree
laakh jatan kar haar rahee
mora saiyaan mose bole na....

too jo naheen to aise piya ham
jaise soona aangana
nain teree raah nihaarein
nainon ko tarasao na
mora saiyaan mose bole na....
mai laakh jatan kar haaree..
laakh jatan kar haar rahee
mora saiyaa mose bole na....

pyaar tumhe kitana karate hain
tum ye samaz naheen paaoge
jab ham na honge to peeharava
bolo kya tab aaoge ?
mora saiyaan mose bole na....
mai laakh jatan kar haaree
laakh jatan kar haar rahee
mora saiyaan mose bole na....




Do you like this song? Post your comments here.

बुधवार, अगस्त 01, 2007

'Kasap' ...by Manohar Shyam Joshi


Mera uttaraanchal se kya sambandh hai?

Kuchh khaas nahee. Bas itana bhar ki Roorkee mein main DeDh varSh raha hoon aur Praveen Singh Khetwal jo mere yaatra vivaraNo me aapako hamesha dikhaee paDate hain aur mere abhinn mitr hain, khud Kumaoon se hain. Khetwal jee kee shaan me ek baat ye bhee kahane yogya hai ki unaka Mahendra Singh Dhoni ke ghar, jo ki hamaare office ke paas hai, aana jaana hai. Kaaryaalay me ham sabhee man me ye aas lagae hai ki kabhee na kabhee vo saakShaat hame Dhoni se milava payenge.
Par Roorkee ka mera pravaas ho ya Khetwal jee ka saanidhya, koyee mujhe uttaraanchal kee miTTee ke itane paas nahee le gaya jitana vo shakhs jisase mai kabhee nahee mila aur na hee mil paoongaa. Jee haan, mai Manohar Shyaam
Joshijee kee baat kar raha hoon. jinakee kitaab Kyaap kee charcha kuchh dino pahale mainne is blog par kee thee. Aaj aapake samakSh Joshee jee ke ek alag tarah ke upanyaas Kasap kee charcha karoongaa. Alag isliye ki joshee jee apane vyangyaatmak lekhan kaushal ke liye jara jyaada jaane jaate hai aur ye katha hai gaanv ke ek anaath, saahity cinema premee, moodiyal laDake Deveedatt
Tivaaree yaani DD aur shaastriyo kee sirachaDhee, khilandaD aur dabang laDakee Baby ke prem kee.

Kaisi thi ye prem katha?

Kya alag tha ismein aur kaun se prashna chhod gayi ye mere man mein..ye aap yahan padh sakte hain...

My Rating - Very Good ***