Friday, May 11, 2007

Rabindranath Tagore ki Pustak 'Gora'


Baat Feb kee hai . Kanapur se Neelaanchal Express se lauT raha tha . Muri mein train itanee vilambit huee ki Ranchi kee or jaane vaalee saaree train chhooT gayeen .Aglee Train do ghanTe baad aane vaalee thee . samay kaaTana bhaaree paD raha tha ki saamane patra patrikaon se sajee ThelaagaaDee par najar paDee aur dekha jeevan ke asalee satya ka darshan karaatee satya, madhur aur manohar katha-kahaaniyo ke beech se Taiore chintit se jhaank rahe hain.
-
Isase pahale mainne Geetaanjali kee kuchh kavitaon ko chhoDakar Tagore ko kabhee nahee paDha tha . Par Gora ke baare me suna tha ki achchhee kitaab hai , isaliye jab pustak vikreta ne 300 pages kee is kitaab ka moolya matra 80 rupaye bataaya to turant mainne ise khareedane ka man bana liya .

Katha kee parshThabhoomi us samay kee hai jab Raja Ram Mohan Roy dvaara sthaapit Brahma Samaaj tejee se hindu samaaj me apana paanv pasaar raha tha . Jahaan jaatigat bhedabhaav ne samaaj ke nimn tabako me ek asantosh paida kar rakha tha, vaheen doosaree or reeti rivaaj aur vyarth ke dhaarmik anushThaano aur aaDambaro se hinduon ka paDha likha naya tabaka ek ghuTan see mahasoos kar raha tha .

Par kya is baare me upanyaas ka mukhy kiradaar Gora bhee aisa hee sochata tha ?
Ye janne ke liye padhein Hindi mein is pustak ki vristat charcha.

3 comments:

Dawn....सेहर said...

Wah! Manish Tagore ji ki likhi chahe woh kavita ho ya kahani mere dil ke bahut kareeb hein woh sab...! Bachpan se oonki khanaiyan parhna aur phir TV per oonhi kahaniyon per natak dekhna meri ek lath ban chuki thi...ab jab oon dino ko yaad karti hoon to bahut dukh hota hai ke ab aisa kuch bhi nahi ho pata...waqt waqt ki baat hai nai? Lekin tumhare iss tarah ke lekh mere dil ko chooh jaate hein aksar :)
Shukriya dost
Cheers

Manish said...

Maine unka ye pehla upanyaas hi padha. Is kitaab ka angreji anuvaad bhi hua hai. dharm aur samaj par unke philosophical thoughts kaaphi aakarshit karte hain.

ratish said...
This comment has been removed by the author.