Tuesday, May 01, 2007

Humse Wo Door Door Rehte Hain : Munni Begum

Ghazal gaayikaon mein Munni Begum kee gaayan shailee kuchh haTakar rahee hai . mursheedaabaad me janmee, baangalaadesh me palee baDhee aur sattar ke dashak me karanchee se sangeet ka kairiyar shuru karane vaalee munnee begam ne shaastreey sangeet kee shiksha baangalaadesh ke gulaam mustafa vaarasee se paee thee .

To kya alag tha Munni Begum ke lahaje me...shabdo ke chunaavo kee saadagee aur bina ghuma fira kar use gaane ka tareeka . Iseelie begam ko janata ne to sar aankho par biThaaya par vahee gajal panDito ne unakee gaayikee ke taur tareeke par savaaliya nishaan lagae . Par Munni Begum ne apanee shailee nahee badalee . Vo us jamaane kee pahalee aisee gaayika thee jo apanee mahafil me haaramoniyam le kar khud baiThatee thee .
Munni Begum khud bataatee hai ki us vakt log sirf ye dekhane pahunchate the ki ye dubalee patalee see laDakee haaramoniyam bajaate hue ga kaise letee hai . Apanee gaayakee ke saath Munni Begum ko apanee gajalo kee dhune khud banaana aur sTej par apane shrotao se sanvaad sthaapit karana behad pasand hai . .

Waise to Munni Begum kee saikaDo gajale hai par aaj unakee ek halkee fulkee see gajal pesh kar raha hoo jo shaayad hee aapane pahale sunee hogee . aap dhyaan de ki is gajal ka lagabhag har sher aisa hai jo ek rikshevaale se lekar ek gajal premee ke dil ko gudagudaega .

To hujoor der kis baat kee apane speekar kee aavaaj tej keejie aur saath- saath maja leejie is pyaaree see gajal ka !


<bgsound src="Humsewohdurdurrehatehein.WMA">

hamase vo door door rahate hai
dil me lekin juroor rahate hai

isalie dekhabhaal karatee hoo
aeene me hujoor rahate hai

log itane kusoor kar ke bhee
is tarah bekasoor rahate hai

mai jamee par taalaash karatee hoo
aap taaro se door rahate hai

meree tishan-e -mijaajiyo me 'adam'
mahakade pe jaroor rahate hai .

tishanagee - ;pyaas, pipaasa

Special thanks to DON jiske radio blog par pehli dafe maine ye ghazal suni.

6 comments:

Dawn....सेहर said...

darasal Munni Beghum se mera introduction mere ek Fiji dost ne Canada mein karwaya...ek ghazal suni thi oonke car mein..."Awargi mein had se guzar jana chahiye..." bas phir kya tha oonki cd hee le li!
Ooske baad kayee logon ko sunaya aur woh sab Munni ji ke fan ban gaye ,....aur ab aap bhi :)
Accha laga ek post oonke naam dekh kar!
Shukriya
Cheers

Alapana said...

Shukriya, aapke badolath ek bahuth hi pyara geet sunneko mila hain,aur hum bhi munnibegum ke fan bangaye,i am off hunting for the CD now and your new template looks good:)

Dimple said...

"log itane kusoor kar ke bhee
is tarah bekasoor rahate hai

mai jamee par taalaash karatee hoo
aap taaro se door rahate hai"..fav lines..:)
aur haan gaana bahut i pyaara tha !!

Manish said...

DON Maine high school mein pehli baar munni begum ko vividh bharti ke karyakram rang tarang mein suna tha. Inki kuch ek ghazlein bahut pasand thin mujhein.

Par baad mein ek arsa baad jab inhein suna to jaisa Hindi blog par Anoop bhargava ji ne kaha mujhe inke gayan mein ekroopta si mehsoos huyi.

aur bahut dinon baad jakar inki koyi ghazal (jab ise tumhare blog) par suna to ek dum se mast kar gayi. I still like Nayyara Noor, Iqbal Bano & Tina Sani more than Munni begum. Par is baat se inkaar nahin kar sakta ki jis saadgi se ye gati hain usse ye ek vrihad janmanas tak apni baaton ko pahuncha pati hain aur ye apne aap mein ek achievement hai.

Manish said...

Neel & Dimple seedhe sadhe par khoobsurat lafz aur gane mein ek halki si shararat yahi is ghazal ki sabse badi khasiyat lagi mujhe. Shukriya ki aap donon ko bhi ye pasand aaya.

Dawn....सेहर said...

Ismein koi shaq nahi jinka zikr kiya hai mujhe bhi oonke gaaye ghazal behad pasand hai aur Munni ji ke har ghazal to nahi lekin ek aadh ghazalein mujhe bhi pasand hain :)
Lekin oonke baare mein adhik jaankari tumhare iss post se milin :)
Shukriya phir ek baar
Cheers