Saturday, April 28, 2007

' Deevat Par Deep by Baalkavi Bairaagi


हिन्दी में इस पोस्ट को पढ़ने के लिए यहाँ क्लिक करें ।

Bairaagee jee ne apanee is anupam kavita me baat kee hai chamakate hue soory aur apanee lau se andhere ko door bhagaate deepak kee .

Ek or saare din apanee roshanee bikherata soory hai to doosaree or andhakaar se laData deepak . Bairaagee jee ne baDe hee bhaavanaatmak tareeke se raat bhar jalate is deepak ke charitr me zaankane kee koshish kee hai . Kaalee andhiyaaree raat ke raajadarabaar me usake senaapati pavan se laData ye deepak usakee maar se TimaTima jaroor uThata hai par yuddhakshetr me DanTa rahata hai....avichalit ....niDar...

Par ye niDarata kis kaam kee? Ye jaanate hue bhee ki usaka sangharsh savere tak bhula diya jaana hai .....Usakee is manodasha ko kitanee khoobasooratee se shabdo me baandha hai bairaagee jee ne

mai jaanata hoo tum savere maang usha kee bharoge
jaan meree jaayegee par rN ada usaka karoge!!


Par andhere par vijay paane ke lie jo moolamantr bairaagee jee dete hai vo kitana seedha aur sahaj hai vo in panktiyo se dekhe

aakaash kee aaraadhana ke chakkaro me mat paDo
sangraam yah ghanaghor hai, kuchh mai laDoo, kuchh tum laDo!!


Sach kaun kah sakata hai ki apane aas paas kee ye vastue nirjeev hai . Ek chhoTa sa deepak kitanee moort aur amoort bhaavanao ko apane dil me chhupa kar baiTha hai , par hamane kab khabar lee usakee. Dhany hai ye kavi jo apanee sanvedanasheelata se hamaare aas paas kee in nirjeev vastuo me upamao ke maadhyam se aisa praaN foonkate hai ki lagata hai unake kartyo me bhee koee sandesh hai, koee gooDh baat hai jo ab jaakar udghaaTit huee hai .

Aur isase pahale Madhya Pradesh ke Neemach se taalluk rakhane vaale 'Baalakavi Bairaagee' jee kee pooree kavita aapake saamane pesh karoo, mai behad aabhaaree hoo Rachana jee ka jinhonne is kavita ko muze paDhane ke lie bheja .

Kavita ka naam hai "DeevaT(candle stand ) Par Deep"

hai karoDo soory lekin soory hai bas naam ke,
jo na de hamako ujaala, ve bhala kis kaam ke?
jo raat bhar jalata rahe us deep ko deejai du;aa
soory se vah shreshTh hai, kshudr hai to kya hua!
vakt aane par mila le haath jo andhiyaar se
sambandh kuchh unaka nahee hai soory ke parivaar se!

dekhata hoo deep ko aur khud me zaankata hoo mai
fooT paData hai paseena aur behad kaampata hoo mai
ek to jalate raho aur fir avichal raho
kya vikaT sangraam hai,yuddharat pratipal raho
haay! mai bhee deep hota, joozata andhiyaar se
dhany kar deta dhara ko jyoti ke upahaar se!!

yah ghaDee bilkul nahee hai shaanti aur santosh kee
sooryanishTha sampada hogee gagan ke kosh kee
yah dhara ka maamala hai, ghor kaalee raat hai
kaun jimmevaar hai yah sabhee ko jnyaat hai
roshanee kee khoj me kis soory ke ghar jaoge
deepanishTha ko jagao, anyatha mar jaoge!!

aap muzako sneh dekar chain se so jaie
svapn ke sansaar me aaraam se kho jaie
raat bhar laData rahoonga mai ghane andhiyaar se
ranch bhar vichalit na hoonga mausamo kee maar se
mai jaanata hoo tum savere maang usha kee bharoge
jaan meree jaayegee par rN ada usaka karoge!!

aaj maine soory se bas jara-sa ye kaha-
aapake saamraajy me itana andhera kyon raha?
tamatamaakar vah dahaaDa--mai akela kya karoo?
tum nikammo ke liye mai hee bhala kab tak maroo?
aakaash kee aaraadhana ke chakkaro me mat paDo
sangraam yah ghanaghor hai, kuchh mai laDoo, kuchh tum laDo !!


Kitane sahee nishkarsh par pahunche hai bairaagee jee. Jag ke is andhakaar ko na to ye vishaal sooraj miTa sakata hai na vo chhoTa sa nanha sa deepaka. Jaroorat mil kar mukaabala karane kee hai kyoonki alag thalag hokar is andhere ke saamraajy ko bhed paana atyant kaThin hai .

8 comments:

Raviratlami said...

Manish,
I am also seriously considering to cross post my hindi writings in Roman script in a saperate blog. Is it worth? How much traffic this roman site generates? thx.

Manish said...

For last 6 months this site has genearated a monthly traffic of 2300 to 4400, average being around 3100 . In keyward analysis most of the search is related to post related to music and poetry.

Worth wali baat to is aadhaar par aap behtar bata payenge. Mere liye to bas itna hai ki this blog has given me my best freinds in blog world. I am also able to divert some people to Hindi Blogging. Rachna ji is one such example.

Aur haan aaj pehli baar Bhomiyo ka sahara liya hai is post ko likhne mein. Par main wahan roman hindi ki post hindi mein convert nahin kar paa raha tha.

Raviratlami said...

Thanks for your input Manish. I see that this blog is also quite old, and rich in content. That is why it is generating that much traffic.

In comparison, my hindi blog also attract about 4500 hits per month - with generous posting of about 15 each month. But, unless I had rich content, cross posting will not do much difference, and you also had said that ppl come for Music and Poetry - that my blog lacks. Still I am open to that idea :)

Smita said...

Manishji badhai ho... Bada khoobsoorat laga naya "look".. Not that the old one was not nice..!! Aur "apne hoton ka geet" sunane ke liye dhanyawaad.. Mein bahut dinon se iska intezaar kar rahi thee!

Manish said...

Smita Shukriya ji ! Ab sirf gana hi mat sunne lag jaiyega..:)...posts ke bare mein bhi apne vichar deejiyega !

Dawn....सेहर said...

Meine school ke dino mein parhi hai Bairaagi ji ki kavita aur har baar sochti thi ke inka naam Bairaagi kyun hai :)
Shukriya ek khubsurat post ko parhne ka awsar dene ke liye
Cheers

Manish said...

Shukriya DON ! Apna sawal Bairagi se poochein suna hai wo aaj bhi apne paas aye har khat ka jawaab dete hain.

Dawn....सेहर said...

pata do mein zaroor likhoongi. Kyunke mein school mein mashhoor thi isi baat ke liye. Lekhakon ki jivani dee jati thi lekh se pehale aur mein wahan parh leti thi oonka niwas sthan aur oonhein patra likh kar apne prashno ka uttar pa leti thi. Ye sab mere bachpan ki hobbies hein...shayad ab phir shuru kar doon ;)
Cheers