रविवार, फ़रवरी 04, 2007

Geet # 8 : Tere Bina Besuwadi Ratiyaa O Sajna..

beetee naa bitaayee rainaa, birahaa kee jaayee rainaa
bheegee huyee aakhiyon ne laakh bujhaayee rainaa ...
...chaand kee bindee waalee, bindee waalee ratiyaa.n
jaagee huyee aakhiyon mein raat naa aayee rainaa


Raat ka ye tanha safar Gulzar ke liye naya nahin. Parichay ke is geet ki tarah kayi baar in manobhavon ko ubhara hai unhone .
Ab waise bhi man ka meet hi sath na ho to sheetal, saloni, chaandni raat mein ishq ka tadka lagayega kaun? Phir to wo raat bhi pheeki pheeki besuwaadi hi hogi naa.

Isi mukhde ko sajaya hai apni dhun se sangeetkaar A.R.Rahmaan ne. Aur ise gaya A.R.Rahmaan ke sath ek yuva gayika Chinmayi Sripada ne. Chinmayi bahubhashavid hain, manovigyaan ki chatra hain, bachpan se shashtreya sangeet seekh rahi hain aur sabse khushi ki baat ye ki wo humari aur aapki terah ek blogger bhi hain. Dekhiye to khud kya kehti hain apne blog par Guru ke geeton ki unki adaaygi ke bare mein.

All I remember was Rahman Sir telling me to just let go and sing even if I think I am a fool. And though I was seriosuly inhibited, and will always remain,some light bulb might have gone off in my brain and in that momentary light,I should have forgotten about the "feeling foolish" bit. When I came out of the booth,the apprehensions were back with a bang. I couldnt recognise my voice for one.


Ye to huyi gaayika ki baat par is geet ka sabse sashakt pahlu iski dhun hai jo dheere dheere dilo dimag mein pravesh karti hai hai aur phir ek aisi jagah bana leti hai ki man se nikalti hi nahin. Dhun ke beech mein Rahman ne shashtreey sangeet aur bharteey vadya yantron ka behtareen istemaal kiya hai. Ek interview mein A.R.Rahman ne ye song Nusrat Fateh Ali Khan ko apni sridhanjali bataya hai. aise asha hai ki bhale inki raat kaate nahin kat rahi ho, aap chain ki bansi baja kar so rahe honge.

Dum dara dum dara mast mast
Dara dum dara dum dara mast mast
Dara dum dara dum dum
O humdum bin tere kya jeena

Tere bina besuwaadi besuwaadi ratiyaa o sajna
Ho, rookhi re o rookhi re
Kaatoo re kaate kate naa.

Na jaa; chaakri ke maare
Na jaa; souten pukaare,
Saawan aayega to puchega, Naa jaa rey

Pheeki Pheeki besuwaadi yeh ratiyaa.
Kaatore kaate na kate na
Ab tere bina sajna sajna ,Kaate kate na ......

Tere bina chand ka sona khota re
Peeli peeli dhool udaave jhoota re
Tere bina sona peetal
Tere sang keekar peepal
Aaja kate na ratiyaa
Tere bina beswaadi beswaadi ratiyaa o sajna .....


Is geet ko aap yahan bhi sun sakte hain.
Pichle saal 8 th paaydaan ka geet tha Hum Rahein Na Rahein Kal

देवनागरी में पढ़ने के लिए यहाँ क्लिक करें ।

10 टिप्‍पणियां:

  1. tareef ke liye shabd kaafi nahin hain iss gaane ke liye..

    shuru mein aapne jo comparison diya uske baare mein maine socha nahin tha.. hmmm (If i got the line correctly, doesnt Gulzar say 'Jhooth se kaali laage, kaali laage ratiyaan' in that one?)

    'Tere bina keekar peepal' yeh line mujhe pehle samajh nahin aaya tha.. Hindi se connection zara kam hi rehta hai isiliye shaayad 'keekar' yeh naam bhool gayi thi :P

    jaise jaise mere priya geet aapke countdown mein pravesh paa rahe hain, vaise vaise oopar ki paaydaanon ke vishay mein utsukta badh rahi hai .. :))

    जवाब देंहटाएं
  2. Suparna haan wo lins bhi hain gane mein maine jo stanza refer kiya hai wo first stanza hai song kaa. 'Jhooth se kaali lage...
    second stanza mein aata hai

    yug aate hai, aaur yug jaayein
    chhotee chhotee yaadon ke pal naheen jaayein
    jhoothhh se kaalee laage, laage kaalee ratiyaa
    roothhee huyee aakhiyon ne, laakh manaayee rainaa


    Keekar plant to mujhe bhi yaad nahin tha ;) anyway gulzar ki wazah se bhoole huye shabdon ko bhi yaad karna padta hai.

    Out of 7 remaining songs 5 tumhein bhi kuch jyaada kuch kam achche lagte honge ye mera guess hai :p

    जवाब देंहटाएं
  3. Amazing Manish! Meine bhi AR Rehman ka woh comment parha tha jahan oonhone Nusrat ji ke liye shradhanjali ka jikr kiya tha!
    Mujhe ye geet bahut pasand aaya aur haan gaayika ke baare mein byora likhne ke liye shukriya! Kyunke, desh se bahar rehane aur oopar se naye naye kalakaaron ke aane ki wajah se kuch jyada pata nahi chalta. Gaane hit hojaate hein bas!
    Mujhe accha laga Chinmayi ke baare mein jaankar. May God Bless her and give success!
    Cheers

    जवाब देंहटाएं
  4. I looooooooove this song!! :D
    But Manish, didn't "Guru" release in 2007?

    जवाब देंहटाएं
  5. DON Meri koshishyahi rahti hai ki geet ke sath jude anjaan chehron ko oopar la sakunn

    जवाब देंहटाएं
  6. PR achcha laga jaankar ki tumhein bhi ye song itna pasand hai.
    tum movie release ki baat kar rahi ho shayad. guru ka music to 5th nov 2006 ko hi release ho gaya tha . see here
    http://www.blockbusters.in/bollywood/hindi/mani-ratnam-releases-music-of-guru/

    i have included all the songs whose music was released in 2006.

    जवाब देंहटाएं
  7. Yep, one of the beautiful songs of the year! Liked it a lot, N yes Chinmayi is too good in the song... after all hamaarey sheher Chennai se jo hai ManishJi! ;)

    Cheers!
    MS

    जवाब देंहटाएं
  8. ur site is very nice hope u continue to put and share such information all the time....all the best!

    जवाब देंहटाएं
  9. Shukriya anonymous ji mera utsah badhane ke liye. Waise aap apna naam bhi likhte to behad khushi hoti. Asha hai aap yahan aage bhi aate rahenge.

    जवाब देंहटाएं