Saturday, January 13, 2007

Geet # 18 : Mohe Mohe Tu Rang De Basanti...

Bin rangon ke zindagi kitni saadi kitni manhoosiyat liye hogi .
Aisi zindagi ki kalpana karte huye bhi dar sa lagta hai, ek uljhan si hoti hai
Mujhe to lagta hai ki rang zindagi ke urjaa shrot hain
Humare manobhavon ko utprerit karne ki achook shakti hai inmein..


Ab is geet ko hi lein, yahan Prasoon Joshi ji ka tan-man basanti rang se tar ho gaya hai.
18 vein seedhi par khada, Rang De Basanti ka ye geet aapne sun liya to aapke basanti rang mein rangne ki guarantee meri.
A.R.Rahman ki sureeli dhun aur Daler Mehandi ki joshili aawaaz ka adbhut sangam hai ye nagma.
Prasoon Joshi ne 2004 mein apne kavyamay geeton se mera dil jeet liya tha. Is geet ke bol yani lyrics mein ek masti hai , umang hai jo dil ko chhoo jati hai

thodi si dhool meri dharti ki mere watan ki
thodi si Khushboo baurai si mast pavan ki
thodi si dhaunkne waali dhak-dhak dhak-dhak dhak-dhak saansein
jin mein ho junoon junoon vo boondein laal lahuu ki
yeh sab tuu mila mila le phir rang tuu khila khila le
aur mohe tu rang de basanti yaara mohe tu rang de basanti

sapne rang de, apne rang de
khushiyaan rang de, gam bhi rang de
naslein rang de, faslein rang de
rang de dhadkan, rang de sargam
aur mohe tu rang de basanti yaara mohe tu rang de basanti

dheemi aanch pe tuu zara ishq chadha
thode jharne laa, thodi nadi mila
thode saagar aa, thodi gaagar laa
thoda chhidak chhidak, thoda hila hila
phir ek rang tu khila khila
mohe mohe tu rang de basanti yaara, mohe tu rang de basanti

basti rang de, hasti rang de
hans hans rang de, nas nas rang de
bachpan rang de, joban rang de
ab der na kar sachmuch rang de
rang rez mere sab kuchh rang de
mohe mohe tu rang de basanti yaara, mohe tu rang de basanti

Is geet kee link tak pahunchne ke liye yahan
click karein.

Devnaagri mein ye post
yahan padhein.

5 comments:

MS said...

"Maine tere liye hi saat rang ke sapney chuney, sapney suriley sapney"

Suroen-se saji aapki is shaam me humein itna Anand aata hai ki "Anand" film ka yeh geet sahsa aa gaya hamaarey zehen mein - Waakai mein aisa lagta hai jaisey aapney apney sabhi Doston ke liye yeh suriley sapney sajaaye hon yahaan par :))

Aur aaj is khaas din par - jab hamaarey behad hi pyaarey se dost ManishJi ka janmadin hai - Let me take this opportunity to thank you for all these sweet memories and times you've given us over the years through your blog.

Janmadin ki haardik-shubhkaamanayein ManishJi... Wish U a very very happy Bday. Have a gr8 time with your family today and in the year ahead!

Hum bhi musafir ban gaye hain philhaal, lekin aapki is kutiya mein aatey rahengey sada :)

Dawn said...

WAh! mein soch hee rahi thi ke ye list mein nahi hai kya :D
waqai...rangon ka mehatwa yahan khas samajh mein aata hai :)
bahut khoob
Cheers

Manish said...

MS aapne jitne pyar se humein wish kari hai ki dil khush ho gaya.
Shukriya janaab apni vyastta mein se kuch samay humari is ghar mein bitane ka.
aap jaise pyare dost to is mehfil ki jaan hain kyunki ye mehfil sajayi hi aap jaise sangeet premiyon ke liye gayi hai. aate rahein

Manish said...

DON Yahi nahin jee abhi ek aur bhi hai ;)

Phoenix Rises said...

You know, I didn't like this song much when I heard it for the first time. But now I really like it! Daler Mahendi has sung it exceedingly well!