गुरुवार, दिसंबर 13, 2007

Ye Aalam Shauq kaa Dekhaa na Jaaye....

Ahmad Faraz Pakistan ke mashahoor aur maqbool shaayaro.n mein se ek hain jinhe bhaarat me bhee utane hee chaav se paDha jaata hai. aaj pesh hai unakee likhee ek ghajal jise Faraz ne khud bhee apanee pasandeeda maana hai. ise mainne pahalee baar 1987 me suna tha aur ek baar sunakar hee isakee khoobasooratee man ko bha gayee thee. oopar se Ghulam Aliee kee gaayikee aur har sher ke baad kee tabale kee madhur thaap par man vaah-vaah kar uTha thaa. par jis casete me ye ghajal thee usame isake kul chaar hee sher the. bahut dino se pooree gajal kee taalaash me tha, vo aaj bhaTakate bhaTakate inTerneT par milee. leejie ab aap bhee isaka lutf uThaiye.

Get this widget Track details eSnips Social DNA



ye aalam shauq kaa dekhaa na jaaye
vo but hai yaa Khudaa dekhaa na jaaye

ye kin nazaro.n se tum ne aaj dekhaa
ke teraa dekhanaa dekha naa jaaye

hameshaa ke liye mujh se bichha.D jaa
ye manzar baarahaa dekhaa na jaaye

Galat hai jo sunaa par aazamaa kar
tujhe ai baavafaa dekhaa na jaaye

ye maharuumii nahii.n paas-e-vafaa hai
ko_ii tere sivaa dekhaa na jaaye

yahii to aashnaa banate hai.n aaKhir
ko_ii naa_aashnaa dekhaa na jaaye

'Faraz' apane sivaa hai kaun teraa
tujhe tujh se judaa dekhaa na jaaye



Do you like this ghazal? Click Here to Post your comments.

मंगलवार, दिसंबर 11, 2007

Some snaps of area around Powai Lake in IIT Bombay

Nov ka aakhiree hafta IIT Bombay me sthit Powai Lake ke aas-paas gujara thaa. din to adhyayan me gujar jaata tha, par subah aur shaame.n apanee hua karatee thee. mumbai kee chiraparichit bheeDabhaaD se nikal kar jab aap IIT ke aahaate me aate hain to sarvatr hariyaalee dekh man pulakit ho uThata hai. inhee drshyo ko apanee yaado me sahejane ke lie mainne inhe apane camera mein qaid karane kee koshish kee hai. to aap bhee chaliye na is jheel ke aas paas ke ilaake mein mere saath sair par ...

vaise to mumbai me ujaala chhah saaDhe chhah baje tak aa jaata hai par mai jab van vihaar guesT house ke baahar nikala to saat bajane vaale the. saamane tha peDo kee jhunD ke beech se jhaankata ye kritrim taal..


hum hi hain is taal ke isthaayi nivasi...





Aur camare mein qaid mera sabse khoobsurat lamha. Jheel ke beech tad vrikshon ke beech dhalta suraj. Dekhiye to jate jate bhi aakash mein kasi lalima de jata hai. Suraj ke doobne ke baad bhi aasmaan ke rangon ki badalti chhata kitni sammohak hai naa?










jahan prakriti ka saundarya is qaar bikhra pada ho wahan ki vaadiyon se prem kaise door reh sakta hai. Baans ki balliyon par isthit is lovers point par ek premi yugal.

Click Here to post your comments.

रविवार, दिसंबर 09, 2007

Hindi Blogger's Meet at IIT Mumbai

Pichle hafte ek training ke silsile mein IIT Bombay jana hua. Wahan par khushkismati rahi ki media, education, journalism aur engineering jaisi alag alag vidha se jude logon se milna julna hua.Dekhein usi meet se li gayi kuch tasveerein



Aao bikherein photogenic muskaan!

Mahfil jami to geet sangeet to hona hi tha


Raat hoti gayi..guftagoo chalti rahi


Agar aap ye jaanna chahte hain ki is meet mein kya baat cheet huyi to in links par jayein

  1. वो शाम जो मिलकर भी पूरी होने का अहसास नहीं दे पाई...
  2. देखिए गीतों भरी इस शाम में जलवे विमल वर्मा के ..
  3. आइए मिलवाते हैं आपको रंगमंच कलाकार, युवा कवि विकास से..

Click Here to Post your comments.

मंगलवार, दिसंबर 04, 2007

Bas Ek Lamhe Ka Jhagda tha : A Nazm of Gulzar !


Kuchh aavaaje man me goonj rahee hai. kuchh ahasaas peechha chhoDane ko taiyaar nahee hai. dil hai ki Doobata ja raha hai. baar-baar reeple ka baTan dab raha hai. kyo ho raha hai aisa? jab shabdo ke jaadoogar gulajaar ki ek se baDhakar ek khoobasoorat najme sunane ko mile to aisa hee hota hai. film das kahaaniyaa me har kahaanee ko dhyaan me rakhakar likhee ye najme roopahale parde ke kalaakaaro kee aavaaj me aur nikhar gee hai. aaj le ke aaya hoo is guladaste kee chand pasandeeda najmein...


kuchh viShay aise hai jin par gulajaar ne kee martaba likha hai. aur har baar unhee bhaavanao ko alag-alag bimbo ke maadhyam se baDee sahajata se apanee baato ko vo hamaare dil tak pahunchaate rahe hai. esa hee unaka ek priy viShay hai 'rishto kee talkhiyaa'' jis par jab bhee unhonne likha hai, man ko apanee bhaavanao ke sa bahaane me vo safal rahe hai. yaad hai na aapako inakee najm


koee mausam ka jhonka tha, jo is deevaar par laTakee huee tasaveer tirachhee kar gaya hai...ge saavan me ye deevaare seemee nahee theena jaane kyoo is dafa in me seelan aa gee haidaraare paD gee haiaur seelan is tarah bahatee he jaisekhushk rukhasaaro par aansoo chalate hai....


agar ye paDhakar aapaka man na bheega ho to diya mirja kee makhamalee aavaaj me ise sunakar jaroor bheeng jaega
Click Here to listen this nazm.

bas ek lamahe ka jhagDa tha....
dar-o-deevaar par aise chhanaake se giree aavaaj
jaise kaanch girata hai
har ek shay me gee, uDatee huee, jalatee huee kirachiyaa
najar me, baat me, lahaje me
soch aur saans ke andar
lahoo hona tha ek rishte ka, so vo ho gaya us din
usee aavaaj ke TukaDe uTha kar farsh se us shab
kisee ne kaaT lee nabje
na kee aavaaj tak kuchh bhee
ki koee jaag na jae
bas ek lamahe ka zagaDa tha........

*****************************************************************

Aapane kabhee socha hai ki door aakaashaganga ke kisee chhor par srShTikarta aur ek kavi aapane saamane baiThe ho aur jeevan roopee shataranj kee bisaat bichhee ho. yaad keejie premachand kee kahaanee 'shataranj ke khilaaDee' ke naayako ko. kaise dimaag ke purje bhiDaate bhiDaate, myaan se talavaare nikal aee thee aur shaam ke Dhalate sooraj kee laalima rakt kee boodo se aur gaharee ho gee thee. par ve to dono maanav the, isalie unhonne ek doosare par bal prayog kiya to use maanavochit durguN maan kar man ko samaza lena hogaa.


par yahaa maamala kuchh doosara hai . muharo ke is khel me baDee rochak sthiti hai. ek or saakShaat bhagavan hai to doosaree or unake samakSh hai ek adana sa shaayara. par itanee aasaanee se ghuTane nahee Tekane vaala hamaara kavi. dekhie to jindagee ko ulazaatee bhagavan kee har chaal ka is khoobee se javaab de raha hai ki baajee palaTatee najar aa rahee hai...

Click Here to listen the nazm

naseeruddeen shaah ne jis andaaj me is najm ko paDha hai vo kaabiletaareef hai.

poore ka poora aakaash ghuma kar baajee dekhee mainne...

kaale ghar me sooraj rakhake
tumane shaayad socha tha mere sab muhare piT jaenge
mainne ek chiraag jala kar apana raasta khol diya
tumane ek samandar haath me lekar muz par Dhel diya
mainne noor kee kashtee usake oopar rakh dee
kaal chala tumane aur meree jaanib dekha
mainne kaal ko toD ke lamaha-lamaha jeena seekh liya
meree khudee ko tumane chand chamatkaaro se maarana chaaha
mere ek pyaade ne tera chaand ka mohara maar liya
maut kee shah dekar tumane samaza tha ab to maat huee
mainne jism ka khol utaar kar saump diya aur ruh bacha lee

poore ka poora aakaash ghuma kar ab tum dekho baajee...

Click here to post your views on these nazms.

मंगलवार, नवंबर 20, 2007

Bahut Din ho Gaye Sachchi, Teri Aawaaz ki Bauchhaar mein Bheega Nahin Hoon Main: nazm of gulzar in the voice of Anupam Kher

Click Here to read this post in Hindi (devnagari) script.

Kya aapakee jindagee me aisa nahee hua ? kuchh ajeej shakle gujarate lamaho kee parato par kya syaah hotee nahee chalee gee? kuchh to hai ye vakt bhee ajeeb cheej, khud to kabhee booDha nahee hota par apane saath rishto kee mulaayamiyat me silavaTe khaDee kar deta hai. puraane chehare ya rishte vaise hee ho jaate hai jaise kachchee saDak par chalate vaahano kee vajah se dhool dhoosarit shuShk aur nistej patte .

par in dhundhale cheharo roopee patto par varSho se na sunee aavaaj kee bauchhaare jab paDatee hai to fir hariyaalee lauT aatee hai aur sab khushanuma sa ho jaata hai.....gulajaar saahab aisee hee aavaajo kee prateekSha me hai apanee is najm me..

vaise gulajaar ka likha vo geet to yaad hai na aapako

naam goonj jaega, chehara ye badal jaega
meree aavaaj hee pahachaan hai gar yaad rahe...

is najm me gulajaar saahab ke kuchh jumalo par gaur kare

teree aavaaj, ko kaagaj pe rakhake, mainne chaaha tha ki pin kar loo
ki jaise titaliyo ke par laga leta hai koee apanee album me


uff koee kya kahe unake is vaaky vinyaas par !
aur fir yahaa dekhe kis baareekee se cheharo par banate haav bhaavo ko najm me utaara hai unhonne..

tera be ko daba kar baat karana
Wow ! par hoTho ka chhalla gol hokar ghoom jaata tha


maamoolee baato ko adbhut banaana koee gulajaar se seekhe.
to sunie anupam kher kee shaanadaar aavaaj me gulajaar kee ye najm....


main kuchh-kuchh bhoolata jaata hoon ab tuzako

main kuchh-kuchh bhoolata jaata hoon ab tuzako
tera chehara bhee dhundhalaane laga hai ab takhayyul* mein
badalane lag gaya hai ab vah subah shaam ka maamool
jisame tuzase milane ka bhee ek maamool** shaamil tha

tere khat aate rahate the
to muzako yaad rahate the
teree aavaaj ke sur bhee
teree aavaaj, ko kaagaj pe rakhake
mainne chaaha tha ki pin kar loo
ki jaise titaliyo ke par laga leta hai koee apanee album me

tera be ko daba kar baat karana
'wow' par hoTho ka chhalla gol hokar ghoom jaata tha
bahut din ho ge dekha nahee na khat mila koee
bahut din ho, gayee sachchee
teree aavaaj kee bauchhaar me bheega nahee hoo mai

* kalpana, ** reeti

शुक्रवार, नवंबर 16, 2007

Humari Saanson mein Aaj Tak wo Hina ki Khushboo mahak rahi hai : Noor Jehan

Click Here to read this post in Hindi (Devnagari) script.

Pichhala hafta antarajaal yaani 'net' se door rahaa. jaane ke pahale socha tha ki noorajahaa kee gayee ye gajal aapako sunavaata chaloonga par paTana me deepaavalee kee gahamaagahamee me net caffe kee or rukh karane ka dil na huaa. vaise to Noor Jehan ne tamaam behatareen ghazalo.n ko apnee gaayikee se sanvaara hai par unakee gayee ghazalo.n mein teen meree behad pasandeeda rahee hain. uname se ek Faiz kee likhee mashahoor nazm "....muzase pahalee see mohabbat meree mahaboob na maang....." is chiTThe par aap pahale sun hee chuke hain. agar na sunee ho to yahaa dekhe
.

To aaj jikr un teen ghazalo.n me is doosaree ghazal kaa. ye ghazal mainne pahalee baar 1995-96 me ek cassette mein sunee thee aur tabhee se ye mere man me rach bas gayee thee. Lafzon kee rumaaniyat ka kamaal kahein ya noor jehan kee gaharee aavaaj ka suroor ki is ghazal ko sunate hee man pulakit ho gaya thaa. is ghazal kee bandish 'Raag Kafi' par aadhaarit hai jo ardharaatri me gaaya jaane vaala raag hai. vaise bhee mahaboob ke khayaalo me khoe hue gaharee andheree raat me bistar par leTe-leTe jab aap is ghazal ko sunenge to yakeen maaniye aapake hoTho par sharaarat bharee ek muskuraahaT tair jaygee.




hamaaree saanso me aaj tak vo hina kee khushaboo mahak rahee hai
labo pe nagme machal rahe hai, najar se mastee zalak rahee hai

vo mere najadeek aate aate haya se ik din simaT ge the
mere khayaalo me aaj tak vo badan kee Daalee lachak rahee hai

sada jo dil se nikal rahee hai vo sher-o-nagmo.n me Dhal rahee hai
ki dil ke aangan me jaise koee gajal kee zaanzar zanak rahee hai

taDap mere bekaraar dil kee, kabhee to un pe asar karegee
kabhee to vo bhee jalenge isame jo aag dil me dahak rahee hai

is ghazal ko kisane likha ye muze pata nahee par haal hee muze pata chala ki is ghazal ka ek hissa aur hai jise janaab mahadee hasan ne apanee aavaaj dee hai. vaise to dono hee hisse sunane me achchhe lagate hai par ye jaroor hai ki noorajahaa kee gaayikee ka andaaj kuchh jyaada asaradaar lagata hai.

shaayad is kee ek vajah ye bhee hai ki jahaa is gajal ke pahale hisse me mahakate pyaar kee taajagee hai to vahee doosare hisse me aashik ke buze hue dil ka yathaarth ke saamane aatmasamarpan.

to Mehdi Hasan saahab ko bhee sunate chale,isee ghazal ke ek doosare roop me jahaa ek maayoosee hai..ek peeDa hai aur kee anasulaze savaal hai...



hamaaree saanso me aaj tak vo hina kee khushaboo mahak rahee hai
labo pe nagme machal rahe hai, najar se mastee zalak rahee hai

kabhee jo the pyaar kee jamaanat vo haath hai gairo kee amaanat
jo kasame khaate the chaahato kee, unhee kee neeyat bahak rahee hai

kisee se koee gila nahee hai naseeb hee me vafa nahee hai
jahaa kahee tha hina ko khilana, hina vahee pe mahak rahee hai

vo jin kee khaatir gajal kahee thee, vo jin kee khaatir likhe the nagme
unhee ke aage savaal banakar gajal kee jhaanjhar jhanak rahee hai


Aapko kaun sa version jyada achcha laga? Click Here to post your opinion.

मंगलवार, नवंबर 13, 2007

Humne Hasraton Ke Daag Aasuon Se Dho Liye : Ghulam Ali

Click Here to read this post in Hindi (Devnagari script).

Zindagee me kitanee baar aisa hota hai ki aap apane mitr se rooTh jaate hain. baat cheet band ho jaatee hai. Aap sochate hain ki is baar mai nahee bolane waalaa. Use hee mujhe manaana hogaa. par fir ek din anaayaas hee sab pahale jaisa ho jaata hai, jhukata koyee ek hai par khushee dono ko hotee hai.

mere ek mitr hai jo bataate hain ki kuchh aisa hee masla unake saath college ke zamaane me pesh aaya thaa. Ab baat college kee hai to aap samaz hee rahe honge ki ye dostee kis tarah kee thee. sab kuchh sahee chal raha tha ki inhonne kuchh kah diya aur udhar munh aisa foola ki logo ne hoTh na hilaane kee kasam kha lee. ab ye sanvaadaheenata kee sthiti kab tak bardaasht ho paatee?

par kya kare janaab ....bahut upaay soche gaye aur ant mein humare un mitra ne ek din aanan faanan mein Ghulam Ali sahab ki ye cassette khareedi aur de aaye saath me is ghazal ka matla likh kar...

hamane hasarato ke daag aansuo se dho liye
aapakee khushee hujoor boliye na boliye


Ab Ghulam Ali kee aavaaj kahien ya matle kee gaharayee maamala fir aisa chal nikala ki aaj tak dauD raha hai. :) to aap ke saath kabhee aisa ho to aap bhee ye tarakeeb apana sakate hain.

Ab lautein is ghazal par..vaastav me ye pooree ghazall baDee pyaaree hai. khaasakar pahale do sher to vaakayee kamaal ke hain. yakeen nahee aata to khud hee sun le..



hamane hasarato ke daag aansuo.n se dho liye
aapakee khushee hujoor boliye na boliye

kya haseen khaar* the, jo meree nigaah ne
saadagee se baaraha, rooh me chubho liye

*kaanTe
mausam-e-bahaar hai, ambareen* khumaar hai
kisaka intajaar hai, gesuo.n ko kholiye
*itr

zindagee ka raasta kaaTana to tha adam*
jaag uThe to chal diye, thak gaye to so liye

*kaThin

Do you like this Ghazal ? Click Here to post your comments.

रविवार, नवंबर 04, 2007

De de koyi jaan bhi agar, dilbar pe ho na, dilbar pe ho na koyi asar

Nida Fazli sahab ne kya khoob kaha hai

teraa hijr meraa nasiib hai teraa Gam hii merii hayaat hai
mujhe terii duurii kaa Gam ho kyun tuu kahiin bhii ho mere saath hai
teraa ishq mujh pe hai maharabaaN mere dil ko haasil hai do jahaaN
merii jaan-e-jaaN isii baat par merii jaan jaaye to baat hai


par haqeeqat agar isase Theek ulaT ho to koee kya kare? vo prem jisaka koyee pratikaar na mile, jo sirf hamaare ekatarafa khushanuma khyaal roopee bulabulo ka pulinda ho..., vyarth hai, kabhee bhee phat sakata hai ye samajhane me aksar yuva kaafee samay laga dete hain. aur jab baat samajh aatee hai to bhee use sveekaar karane ko dil taiyaar nahee hota kyonki tab tak ham apanee kitanee maanasik urja kharch kar chuke hote hain. man raasta dikhaata hai sabase kaT jao..akelepan ko gale laga lo..chupachaap apanee ghuTan aur bechainee bardaasht karo..

kuchh ese hee dard kee abhivyakti karata sameer ka likha geet mainne pichhale shanivaar reDio par sunaa. aur ye kailaash kher kee aavaaj ka jaadoo tha ki ek baar sunakar ye geet dil kee vaadiyo me aTak sa gaya par bol yaad na rah pae isalie mushkil thee ki khojoo kaise aur yakeen maanie us geet ko dubaara sunane ke lie ravivaar ko vo chainal subah se lagaataar Tyoon kiya to shaam ko jaakar ye geet muze dubaara sunane ko milaa.

kya shuruaat hai geet kee..shankar-ehasaan-loe ka kalarav sa karata sangeet...kailaash kher kee dilakash gaharee aavaaj aapako ekadam se baandh letee hai aur fir giTaar ke vo kamaal ke noTs aur baansuree kee taana. geet ke baDhane ke saath kher kee aavaaj me gaharaata dard , sameer ke bolo ko aatmasaat karane ko baadhy kar deta hai. kailaash kher ke kairiyar ke shuruaatee safar aur gaayikee ke baare me to yahaa pahale bhee baat ho chukee hai. bas is geet ko sunane ke baad nam aankho se bas yahee dua nikalatee hai

ya rabba ye banda bas ese hee gaata rahe....

To leejie suniye film Salaam-e-ishq ka ye geet


Pyaar hai ya saja, aai mere dil bata
tootata kyon nahi dard ka silsila
is pyaar mein hon kaise kaise imntihaan
ye pyaar likhe kaisi kaisi dastaan
ya rabba de de koyi jaan bhi agar
dilbar pe ho na, dilbar pe ho na koi asar
ho ya rabba de de koi jaan bhi agar
dilbar pe ho na, dilbar pe ho na koi asar
pyaar hai ya saja, aai mere dil bata
tootata kyon nahi dard ka silsila

kaisa hai safar wafa ki manjil ka
na hai koi hal dilon ki mushkil ka
dhadkan dhadkan bikhri ranjishein
saansein saansein tooti bandishein
kahi to har lamha honton pe fariyaad hai
kisi ki duniya chaahat mein barbaad hai
ya rabba de de koi jaan bhi agar
dilbar pe ho na, dilbar pe ho na koi asar
ho ya rabba de de koi jaan bhi agar
dilbar pe ho na, dilbar pe ho na koi asar

koi na sune sisakati aanhon ko
koi na dhare tadapati baahon ko
aadhi aadhi puri khwaishein
tooti footi sab farmaaishein
kahin shak hain kahin nafrat ki deewaar hai
kahin jeet mein bhi shamil palpal haar hai
ya rabba de de koi jaan bhi agar
dilbar pe ho na, dilbar pe ho na koi asar
ho ya rabba de de koi jaan bhi agar
dilbar pe ho na, dilbar pe ho na koi asar
ho o o pyaar hai ya saja, aai mere dil bata
tootata kyon nahi dard ka silsila
ho o o o ho o o o
na poocho dard bandon se
hansi kaisi khushi kaisi
musibat sar pe rehati hai
kabhi kaisi kabhi kaisi
ho o o o... rabba, rabba ho o o ho
rabba ho o o, ho o ho rabba

गुरुवार, नवंबर 01, 2007

Test Match at Oval (1979) & Radio Commentary of Great Sushil Doshi

Zindagi me bahut saare lamahe aise hote hain jo aap varSho sahej kar rakhana chaahate hain. un lamaho ka romaanch dil me jhurjhuri see paida kar deta hai. aaj jis vaakaye ko aapake saamane rakh raha hoo vo sambandhit hai cricket se juDee us hastee se, jisake radio par bolane ke kaushal ne, us chhoTe bachche ke man mein, khel ke prati na keval usake anuraag me vrddhi ki balki un kShaNo ko hamesha-hamesha ke liye usake hrday me racha basa diya . jee haan, mai baat kar raha hoo prasiddh cricket commentator Sushil Doshi kee jinhonne ne baal jeevan mein apanee jeevant commentator se mujhe is had tak prabhaavit kiya ki bachapan me jab bhee mujhse poochha jaata ki beTa, tum baDe ho kar kya banoge to mai tatkaal uttar deta ki mujhe cricket commentator hee banana hai.

Baat aaj se kareeb 28 varSh poorv 1979 kee hai. September ka mahina chal raha thaa. Bharat aur England ke beech test series ka aakhiree TesT oval me khela ja raha thaa. muze reDiyo par TesT match ke aankho dekha haal sunane ka chaska lag chuka thaa. yoo to jab bhee TesT match bhaarat mein hua karate the, radio kee commentry ravivaar ko hee Theek tarah se sunane ko mil paatee thee. par jab-jab Test match England mein hote, hamaaree to chaandee hee ho jaatee. saaDhe paanch ghanTe ke samay antaraal kee vajah se homawork bana chukane ke baad, bhojan ke baad ke khel ka haal ham maje se sun sakate the. oopar se shaam ke vakt aankho dekha haal sunane ka romaanch hee alag hota thaa. aur fir chaar september kee vo shaam to kuchh esa lekar aayee thee, jisakee mainne kabhee kalpana bhee nahee kee thee.

Test match me bhaarat kee sthiti ko paanchave din kee subah chintaajanak hee aanka ja sakata thaa. England ne match ke chauthe din 8 wicket par 334 ran par paaree ghoShit kar bhaarat ke saamane jeet ke lie 438 ran ka vishaalakaay skor rakha thaa. yoo to chauthe din kee samaapti tak Gavaskar aur chetan chauhaan kee salaamee joDee 76 ran kee saajhedaaree kar DaTee huee thee par baakee kee bhaarateey Teem poore din bhar me Botham aur Bob Willis sareekhe gendabaajo ko zel payegee isame sabako sandeh thaa. par hame kya pata tha ki 'sa' naam se shuru hone vaale do shakhs, maidaan ke andar aur baahar se maich kee ek alag hee scriptlikhane par tule hue hai.

Sushil Doshi kee aavaaj kamaal kee thee. aankho dekha haal vo kuchh yoo sunaate the jaise saara kuchh aap ke saamane ghaTit ho raha ho. yahee nahee bhaarat ka wicket girane se huee maayoosee, ya fir chauka paDane se unakee uttejana ko sunane vaale ke dilo dimaag tak pahunchaane kee unakee kala adbhut thee. antarajaal par to muze unakee Radio Commentary kee koee recording to nahee milee. par muze jitana kuchh yaad hai, usake hisaab se unaka andaaje bayaa kuchh kuchh yoo hua karata thaa.

sushil2.mp3


chauke vaalee kamenTree me doshee kee bolane kee raftaar vaaky ke saath saath baDhatee chalee jaatee thee. aur maje kee baat ki us shaam ko gaavaskar ne apanee 221 rano kee yaadagaaree paaree me 21 chauke lagae. gaavasakar kee us jabaradast paaree kee kuchh zalake aap yahaa dekh sakate hain



Jab 80 run banaakar chetan chauhaan out huye to bhaarat ka score tha 213 run. gavasakar ka saath dene aaye vengsarakar aur is joDee ne score 366 tak pahuncha diyaa. yaani jeetane ke liye 72 ran aur haath me 8 wicket. par thoDe thoDe rano ke antar par wicket girate rahe aur ham sabake dil ka tanaav baDhata gaya aur us vakt sushil doshi ne kaha..

"...is match ka romaanch kuchh is tarah baDh gaya hai ki ab ye match dil ke mareejo ke liye rah nahee.n gaya hai. dil kee beemaariyo se trast vyaktiyo ke doctor unako ye salaah de rahe honge ki is match ka aankho dekha haal na sune, kyoonki ye romaanch jaan leva saabit ho sakata hai....."

Doshi kee ye panktiyaa bilakul saTeek thee kyoonki gunDappa vishvanaath ke roop me 410 ran par paanchavaa vikeT khone ke baad hee 15 ran ke antaraal me teen wicket aur khokar bhaarat jeet se haar kee kagaar par pahunch gaya thaa. ant me Bharat Reddy aur Karasan Ghavari ke crease par rahate hue hee shaayad kharaab roshanee kee wajah ek ovar pahale se dono kaptaano kee sahamati se maich Dra ke roop me samaapt ho gayaa.

Radio Commentary ka ek aur naayaab anubhav 'Rothamans cup' ka raha hai jab mainne radio pakistan tune kar ke bhaarat kee pakistan par jeet ka haal mohalle ke saare laDako ko sunaaya thaa. aur fir kaun bhool sakata hai jasadev singh kee jaaduee aavaaj me kee gayee moscow olympic hockey final mein bhaarat aur spain ke beech ke mukaabale kee commentary, jisaka nateeja bhaarat ke pakSh me raha thaa.

jab se TV Channel match live dikhaane shuru kiye raDio commentary ka vo mahattv nahee rahaa. par Sushil Doshi aur Jasdev Singh jaise diggajo kee badaulat assee ke dashak me shaayad hee shahar ka koee kona hota ho jahaa cricket aur hockey ke match ke samay transistor na dikhaee paData ho. vo ek alag yug tha, jisaka aanand hamaaree peeDhee ke logo ne uThaaya hai.

aaj mai apanee is posT ke maadhyam se raDio commentary kee in mahaan vibhootiyo ke prati aabhaar prakaT karana chaahata hoo jinakee vajah se khel ke maidaan se itanee dooree par rahane ke baavajood ham in romaanchak kShaNo ke sahabhaagee ban sake.


गुरुवार, अक्तूबर 25, 2007

Duniya Kare Sawal to Hum Kya Jawaab Dein ...

Click Here to read this post in Hindi Devnagari script and also to listen this song


Insaan jab ishq karata hai to usaka junoo.n use saaree duniya se laDane kee taakat de deta hai. lagata hai ki agar aapaka mahaboob aapake saath ho to fir jahaan saath rahe, na rahe kya fark paData hai. par jisake bharose saare jag kee dushmanee mol lee, agar vahee hamaaree bhaavanae samaz na sake na ka TooTana laajimee hai. kis kis ko safaee dete rahe aur agar de bhee to kis avalamb par ? aakhir tumhaare na samaz paane ka gam kya kam hai ki saare jamaane se laDate fire.

Sahir ne isee baat ko apanee is najm me piroya hai. unake savaal ke andar kee bebasee, lafjo me ubhar kar aee hai. aur Lata jee kee gaayikee saahir ke is savaal ko dil tak pahunchaatee hai ik Tees ke saatha. to peshe khidamat hai, roshan ka sangeetabaddh kiya hua film 'Bahu Begam' ka ye geet...

duniya kare savaal to ham kya javaab dein
tumako na ho khayaal to ham kya javaab dein
duniya kare savaal ...

poochhe koyee ki dil ko kahaa chhoD aaye hain
kis kis se apana rishta-e-jaa toD aaye hain
mushakil ho arj-e-haal to ham kya javaab dein
tumako na ho khayaal to ...

poochhe koee ki dard-e-vafa kaun de gaya
raato.n ko jaagane kee saja kaun de gaya
kahane se ho malaal to ham kya javaab dein
tumako na ho khayaal to ...



Click Here to Post your Comments.

बुधवार, अक्तूबर 24, 2007

Story of one whole night of Durga Puja at Ranchi..

Click Here to read this post in Hindi (Devnagari ) Script

shahar mein jashn ka mahaul hai. salon sal aam jan men is utsah kee punaravriti ko dekhata aaya hoonn. bachapan aur kishoravastha ke kaee salon men patana kee galiyon aur sadkon men isee hujoom ka kaee bar hissa bana hoonn. aur ab rannchee men apane balak ko jab in pooja pandalon kee sair kara raha hoonn to vahee drishy fir se samane aa raha hai. sabase achchhee bat yahee dikhatee hai ki log bag apanee rojamarra kee jindagee ke kashton ko bhool kar kis tarah kar har sal naee umang aur utsah ke sath is tyohar men shamil ho jate hain.


vaise to sham se hee pooja pandalon me darshanarthiyon kee bheed umad padtee hai par us vakt kee dhakkamadhukkee men parivar ke sath nikalane kee himmat naheen hotee. isalie tamam log ardharatri ke bad hee nikalate hain. rat ke sadhe gyarah baj rahe hain. hamaree taiyaree pooree ho chukee hai. par pahalee badha ghar ke bahar . get ke theek samane khadee ek gadee ke roop men dikhaee detee hai. gadee kisee doosare mohalle se aaee hai, isalie pata naheen chal raha hai ki kisakee hai? thodee poochhatachh ke bad bhee jab koee nateeja naheen nikalata to gadee ka harn lagatar baja kar sare mohalle kee neend kharab kee jatee hai. jinakee neend kharab hotee hai unamen se kuchh hamaree is khoj men shamil hote hain aur das minat ke andar vo gadeevala, kshama manngata huaa vahann se gadee hatata hai.

pahalee badha par kar ham chal pade hain rannchee lek ke pas ke rajasthan mitr mandal ke pandal kee taraf.

raat ke barah baj chuke hain par bheed jas kee tas hai. ab ghar se kha pee kar kaun chalata hai. pandal hoga to aas pas khane kee stol bhee hongee. vaise bhee is nimmee-nimmee thand men golagappe, samose aur chat khane ka aanand kuchh aur hai.
ranchee mein is bar sardee kuchh jald hee aaee hai. bakaree bajar kee or halke halke kadam se badhate hue is thandak ka ahasas ho raha hai. rat ke ek bajana chahate hain. bheed tejee se kadam badhane naheen de rahee hai. gareeb, ameer, manachale, piyakkad sab isee tolee men kandhe se kandha mila rahe hain. rannchee ka sabase sundar pandal har sal bakaree bajar men hee lagata hai. is pandal ka bajat das lakh ke kareeb hota hai. isalie pandal ka ahata vigyapan se ata pada hai. par dillee ke aksharadham mandir ke modal kee baharee aur aantarik sajja dekhane layak hai. aakhir iseelie itane log itanee door door se ise dekhane ke lie aate hain. aap bhee gaur karein

har bade pandal ke bahar mele ka bhee aayojan hai. speekar se udghoshak 'maut ke kuenn ' men aane ke lie bheed ko aamantrit kar raha hai. tarah-tarah ke jhoolon par ek se das sal ke bachche badh chadh kar hissa le rahe hain. par itanee bheed men hamen vahann rukane ka dil naheen kar raha aur ham sab ratoo rod kee or badh chale hain. ratoo rod se kachaharee tak ka mukhy aakarshann yahann kee vidyut sajja hai. kaheen mahabharat kee jhankiyann hain to kaheen sapere ka nag nach chal raha hai. mera putr ise dekh kar behad utsahit hai aur mujhe inakee tasaveeren jaroor lene kee hidayat de raha hai.





ghadee kee suiyann teen ke pas pahunnch rahee hain . raste men bahar gannv se aae yuva rod ke divaidar par baith kar jhapakiyann le rahe hain . rat vo isee tarah gujarenge aur subah aavagaman ka sadhan upalabdh hone par apane ghar chale jaennge. bheed ab kam ho rahee hai aur ab pandalon men durga kee pratimaon ka avalokan aur naman karana sabako jyada santosh de raha hai. teen baje ham kokar ke pandal ke andar hain. yahann abhee bhee 100 se jyada log dhvani aur prakash ke beech mahisasur vadh ka aanand le rahe hain. pandal ke bahar 20-20 kee aakhiree gend ka drishy dikhaya ja raha hai aur shreesant ko gend lapakate dekh kar bachche taliyann baja rahe hain.
hamara aakhiree padav kanntatolee aur firayalal hai. itana ghoomane firane ke bad sabake chehare ka meetar daun hai. darshak ab chuninde hee dikh rahe hain. raste men murge kee bang bhee sunaee de rahee hai, shayad ye kahatee huee ki.. subah ho gaee mamoo. hamare jaise rat ka prannee subah char baje kee bela bidle hi dekh pate hain. Sari raat ghoomana apane bachapan men laut jane jaisa hee lag raha hai. sirf patr badal gaye hain.


Click Here to post your comments.

शुक्रवार, अक्तूबर 19, 2007

Humara Hissaa : Collection of stories about changing face of Indian Woman

Humara Hissa ek kahani sangrah hai jismein 16 kathakaron ki kahaniyan shaamil hain. Is sankaln ki khas baat ye hai ki isne pichle 50 saalon mein bharat mein striyon ki badalti tasweer ka chitran karne ka prayaas kiya hai. Is kitaab ke prakashak Penguin hain aur iska moolya Rs 190 hai. Ye kitab 2005 mein prakashit huyi thi.



Kahani ki naayikaayein gramin aur shahri donon pariveshon se aati hain. Unke aas paas ke samaj mein aaj ka bhaarteey samaj dikhta hai. Kahani Sangrah ke sampadak Arun Prakash ji ne purne manje huye lekhakon ke aalawa naye pratibhashaali lekhakon ki kahaniyan bhi is sankalan mein jagah di hai.

Jin lekhakom ki kahaniyan is sankaln mein hain wo hain

  1. Kamleshwar
  2. Rangey Raghav
  3. Mamta Kalia
  4. Swayam Prakash
  5. Nasira Sharma
  6. Sanjeev
  7. Bhagwandas Morwal
  8. Vidyasagar Nautiyaal
  9. Shivmoorti (Inki kahani Tiriya Charitra par isi naam se Basu Chaterjee ne isi naam se 1994 mein ek behtareen film bh banayi thi.)
  10. Suraj Pal Chouhaan
  11. Vijaykant
  12. Chitra Mridugal
  13. Loveleen
  14. Mridula Garg
  15. Satyen Kumar
  16. Maitreyi Pushpa

In kahaniyon ke bare mein do bhagon mein meri sameeksha aap yahan padh sakte hain

  1. हमारा हिस्सा : आज की नारी की छवि को उभारता एक सशक्त कहानी संग्रह- भाग १
  2. हमारा हिस्सा : आज चर्चा इस संकलन की बाकी की आठ कहानियों की- भाग 2


Click Here to Post your comments

रविवार, अक्तूबर 14, 2007

Eid Mubaraq !

Click Here to read this post in Hindi (Devnaagari) script.

Sabase pahale to saare blogger saathiyo aur khaasakar apane musalamaan mitron ko eid kee haardik mubaarakabaad ! vaise to har parv tyohaar se jeevan kee sukhad smrtiyaan juDee hotee hai par eid se hamaare parivaar ka ek visheSh rishta ban gaya hai. kareeb chhah saal pahale eid ke mubaarak mauke par hamaare eka maatra suputra is duniya me padhaare the. kal jab apane beTe ko ye samaza rahe the ki aapaka ek janm din decembar ke aalaava kal bhee hai to aanan faanan hee usane cake kee faramaish kar Daalee. par hamane kaha bhai kal yaani 'aaj' ham aapako cake to nahee par sivaiyaan jaroor khilaenge. to chalie aap bhee jashn aur ullaas me shaamil ho jaiye Nazeer Akbarabadi kee is khoobasoorat shaayaree ke saath jo eid ke maahaul ka baDa hee jeevant vivaraN prastut karatee hai

hai aabido ko taa.at-o-tajareed kee khushee
aur jaahido ko juhd kee tamaheed kee khushee
rind aashiko ko hai kee ummeed kee khushee
kuchh dilabaro ke vasl kee kuchh deed kee khushee

aisee na shab baaraat, na bakareed kee khushee
jaisee hai har ek dil me hai is eed kee khushee

roje kee khushkiyo se jo hai jard jard gaal
khush ho ge vo dekhate hee eed ka hilaal
poshaake tan me hai jard, sunaharee, safed, laal
dil kya ki hans raha hai paDa tan ka baal baal

aisee na shab baaraat, na bakareed kee khushee
jaisee hai har ek dil me hai is eed kee khushee

pichhale pahar se uThake nahaane kee dhoom hai
sheer-o-shakar, sivaiyaa pakaane kee dhoom hai
peer o javaa kee nemate khaane kee dhoom hai
laDako ke eedagaah ke jaane kee dhoom hai

aisee na shab baaraat, na bakareed kee khushee
jaisee hai har ek dil me hai is eed kee khushee

kya hee muaanake kee machee hai ulaT palaT
milate hai dauD dauD ke baaham zapaT zapaT
firate hai dilabaro ke bhee galiyo me gaT ke gaT
aashik maje uDaate hai har dam lipaT lipaT

aisee na shab baaraat, na bakareed kee khushee
jaisee hai har ek dil me hai is eid kee khushee

jo jo ki unake husn kee rakhate hai dil me chaah
jaate hai unake saath lage ta-ba-eedagaah
topo ke shor aur dogaano kee rasm-o-raah
myaane, khilaune, sair, maje aish vaah vaah

aisee na shab baaraat, na bakareed kee khushee
jaisee hai har ek dil me hai is eid kee khushee

rojo kee sakhtiyo me na hote agar aseer
to aisee eid kee na khushee hotee dilapajeer
sab shaad hai gada se laga shaah ta vajeer
dekha jo hamane khoob, to sach hai miyaa najeer

aisee na shab baaraat, na bakareed kee khushee
jaisee hai har ek dil me hai is eid kee khushee


aur chalate chalate Aneek Dhar ko haardik badhaee jo kal sa re ga ma pa ki voTo kee ginatee me Raja aur Amaanat se baDhat banaane me safal huye aur kolakata ke logo.n ko Durga Puja ke pahale ek haseen tohafa de gaye. Das karoD se jyaada voTo.n mein pahale, doosare aur teesare sthaan par rahe pratibhaagiyo ke liye voTe pratishat 34.4, 33.2 aur 32.4 raha jo is baat ko saabit karata hai ki teeno par aam janata ka baraabar ka prem rahaa. jeetana ek ko tha vo jeet gaya par asalee jeet sangeet kee huee. to eed ke is mauke par dekhie raaja hasan ka gaaya maatrbhoomi prem se otaprot ye geet..



Click Here to post your comments.

शुक्रवार, अक्तूबर 12, 2007

Listen to the fabulous voice of Himani Kapoor, Sumedha Karmahe & Poonam Yadav


Pichli post mein maine jikra kiya tha'Sa Re Ga Ma Pa'par ye gaur karane kee baat hai ki koee laDakee is saal ya isake pichhale sanskaraN 2005 me pratham teen me sthaan nahee bana paee. isakee vajah hamaare desh ka voting trend hai jo laDako ke pakSh me thoDa zuka hua jaroor hai. khair, mai aaj baat karoonga un teen laDakiyo kee jo 'sa re ga ma pa' ke manch par apanee gaayikee se mera dil jeet chukee hai.

Himani Kapoor : baat 2005 kee hai. raahat fateh alee khaa ka gaaya geet 'jiya dhaDak dhaDak jae....' ham sabakee jubaan par thaa. kitanee khoobasooratee se nibhaaya tha raahat ne is geet ko. par jab ek laDakee ne itane mushkil geet ko chuna aur sTej par laiv ise ga kar dikhaaya kee khushee se meree aankhe nam ho gee thee.. vo laDakee thee fareedaabaad kee Himani Kapoor jo us vakt 17 saal kee thee. nau saal kee umr se hee shaastreey sangeet seekhane vaalee himaanee kee gaayikee me ek khaas baat ye thee ki vo kaThin se kaThin geet ko is sahajata se gaatee thee, maano bina kisee visheSh prayaas ke ga rahee ho.

Durbhaagyavash, himaanee ko apane behatareen pradarshan ke baad bhee pratham teen me jagah nahee milee thee, par muze poora vishvaas tha ki vo aage jaroor safal hogee. pichhale do saalo se apane pita ke saath himaanee, mumbee me hai aur khushee kee baat ye hai ki aajakal himaanee HMV par apane pahale sangeet elabam 'adhooree' ke lie aakhiree taiyaariyo me vyast hai. aasha hai kuchh hee dino me is elabam ka pahala sangeet veeDiyo Teevee ke parde par hogaa.to leejie sunie himaanee ka 'sa re ga ma pa' 2005 me gaaya 'jiya dhaDak dhaDak jaye....'



Is geet ka video aap yahan dekh sakte hain.



Poonam jaTau ya Poonam yaadav
: Poonam aaj bhaarat kee har us laDakee kee preraNa srot ban chukee hai jo saadhano ke aabhaav me bhee apanee pratibha ke bal par kuchh kar dikhaane kee tamanna rakhatee hai, chaahe usake lie kitana bhee kaShT kyoo na sahana paDe. jis bachchee par se pita ka saaya janm lene se pahale hee gujar gaya ho, jisakee maa idhar udhar gharo me kaam kar ghar ka kharch chalaatee ho , jo khud ek booth me kaam karatee ho..

..Aisee laDakee ne sangeet kis tarah seekha hoga aur kitanee mehanat karanee paDee hogee use is pratiyogita me antim chaar tak pahunchane ke lie.. ye sochakar hee man poonam ke lie shrrddha se zuk jaata hai. poonam ne pooree pratiyogita me ne, puraane, deshabhakti,shaastreey raag par aadhaarit kee tarah ke nagme gae aur kya khoob gae. is chhoTe kad kee 26 varSheeya kanya me gajab kee urja hai aur saath hee hai apanee gaayikee ko aur behatar karane ka samarpaN bhaav . muze yakeen he ki unakee aavaaj hame aage bhee sunane ko milatee rahegee. vaise to poonam ne jyaadaatar gambheer kism ke gaane gae par shamashaad begam ka ye geet 'mere piya ge rangoon.....' jis haav bhaav aur mastee se unhonne gaaya ki man baag baag ho uThaa. aap bhee dekhie ye video..


Sumedha Karmahe: sachamuch kee guDiya dikhane vaalee sumedha, chhattisagaDh ke chhoTe se shahar raajanandagaanv se aatee hai. vaise laaloo jee ke saamane apanee paarivaarik bihaaree prShThabhoomi ko bataana ve nahee bhoolee. inakee aavaaj me ek miThaas aur senasuality hai jo bahut kuchh Shreya Ghoshal se milatee julatee hai. 18 saal kee umr me hee itanee paripakvata se gaatee hai to aage bhee inakee aavaaj me umr ke saath-saath aur nikhaar aur vividhata aegee aisee aasha hai. inakee pratibha ko dekhate hue mahesh bhaTT ne inhe apanee film me gaane ke lie chuna bhee hai.chulabule aur roomaanee geeto me vo kaafee prabhaavit karatee hai. unhonne ghar se 'tere bina jiya jae na..', yuva se 'kabhee neem neem kabhee shahad shahad...' aur kaaravaa se 'piya too ab to aa ja..' ko behatareentareeke se nibhaayaa. par mai aapako dikha raha hoo sumedha ka gaaya saathiyaa ka meree pasand ka ye nagma..yaani 'chupake se, chupake se raat kee chaadar tale.... ''



To ye batayein ki inmein se aapki pasandeeda gayika kaun hai?

Post your views and comments here.

मंगलवार, अक्तूबर 09, 2007

Raja Hasan, Amanat Ali & Aneek Dhar singers par excellence...

TV par prasaarit hone vaale kaaryakram main niyamit roop se nahee dekhataa. Par 'sa re ga ma pa' ek aisa kaaryakram hai jise chhoD paana mere lie sambhav nahee hotaa. Haalaanki jab tab TRP. zaTakane ke liye in kaaryakramo par hone vaalee nauTankiyaa.n man ko vyathit karatee hain, par man ka viShaad in pratibhaavaan yuvao ko itane sureele andaaj me gaate hue dekh kab dhul jaata he ye pata hee nahee chalataa. Jab ye bachche PanDit Jasraaj aur Jagjit Singh jaisee mahaan saangeetik vibhootiyo se aasheervaad paate hai to mera man bheetar tak pulakit ho jaata hai aur ye aastha aur ghar kar jaatee hai ki aaj kee nayee peeDhee bhee sangeet ke prati ruchi aur samarpaN rakhatee hai aur is vidha me apanee mehanat aur pratibha ke bal par apanee pahachaan banaana chaahatee hai.
Pichhale do mahino se 'sa re ga ma pa' ke pratham paanch pratibhaagiyo ne achchhe sangeet ke maadhyam se muze jo khushee dee hai, use bayaa karana mere lie mushkil hai. Aaj kee meree ye post 'sa re ga ma pa' ke in prartibhaagiyo ko samarpit hai jinakee gaayikee se mai behad prabhaavit hua hoo. to shuruvaat sa re ga ma pa ke in teen mahaarathiyo se jinake beech kee khitaabee janga ka nirNaayak faisala 13 October ko hona hai....



Raja Hasan : 26 saal ke raaja hasan beekaaner, raajasthaan se aate hai. kee dino se mumbee me sangeet me apana kairiyar banaane kee koshish kar rahe the. raaja ko sangeet viraasat me mila hai. saat saal kee aayu se hee unhonne shaastreey sangeet seekhana shuru kiyaa. jab jab raaja kisee raag par aadhaarit ya soofiyaana geet chunate hai, unhe sunane ka aanand adbhut hota hai. unakee aavaaj me bulandee hai, suro ke utaar chaDhaav me achchhee pakaD hai. saath hee darshako ko apane vyaktitv aur haav bhaav se rizaane ka fan bhee unake paas hai. par raaja kamajor paDate hai halke fulke roomaanee geeto ko gaane me. kabhee-kabhee vo shabd bhee galat bol jaate hai par unakee aavaaj ka jaadoo maanasapaTal par is kadar haavee ho jaata hai ki ye bhoole najarandaaj karane ko jee chaahane lagata hai
aie dekhe is raajasthaanee lokageet ko raaja ne kya kamaal nibhaaya hai...






Aneek Dhar : kahate hain, sangeet bangaaliyo ke khoon me hota hai aur sa re ga ma pa ke is sho par 18 saal ke anik ye baat sach saabit karate dikhate hai. anik kee khoobee ye hai ki jab ve koee geet gaate hai vo usame Doob jaate hai. pahalee baar anik dhar kee aavaaj ko mainne tabase dhyaan dena shuru kiya tha jab isee tarah chiTTha likhate samay jubeen garg ka gaaya geet jaane kya chaahe man baavara... gaate suna tha aur vo agale din hee mere is chiTThe kee nee posT ke roop me aapake saamane thaa. anik sa re ga ma ka bangaalee sanskaraN jeet chuke hai. anik ke saath dikkat ye hai ki aayu kam hone kee vajah se unakee aavaaj me vo bulandee nahee aa paatee jo raaja me hai. par narm roomaaniyat bhare geeto ko gaane me ve apane pratidvandiyo ko kahee peechhe chhoD dete hai.

ab haal hee me unake gae om shaanti om ke is geet par najar Daale. unakee adaayagee se deepika paadukoN tak mugdh ho gee. aap bhee aanand le





Amanat Ali: Amanat 'Sa Re Ga ma Pa' mein Pakistan se aaye pratibhagi hainMora Piya mose bole Naa me unhe gaate sunakar man zoom uTha thaa. par shuru shuru me vo mastee aur urja bhare geeto ko gaane me kamajor dikhate the. par ismail darabaar kee shaagirdee ne vigat kuchh saptaaho se uname jabaradast sudhaar laaya hai aur ab vo har tarah ke geet baDee khoobasooratee se nibha jaate hai. aaj unhe sa re ga ma pa ke teen antim pratidvandiyo me sabase varsaTail kaha ja raha hai. amaanat geeto me apanee or se hamesha adaegee me vividhata le aate hai jise sun kar dil vaah vaah kie bina nahee rah paataa. aur jab vo koee gajal gaate hai to jagajeet sinh jaise kanjoos guru bhee dil se daad die bina nahee rah paate. to leejie dekhie gulaam alee kee gaee gajal "hangaama hai kyoo barapa"...ko kis khoobasoorat andaaj me ga rahe hai amaanat...




Muze in teeno yuva pratibhao se behad pyaar hai. iname se koee jeete vo koee khaas maayane nahee rakhataa. mai to bas yahee chaahata hoo kee sangeet ke kShetr me ye teeno yuva apanee kaabiliyat ke bal par vo mukaam bana pae jinake vo vaastavik hakadaar hai.

To bataiye huzoor in teenon ke bare mein aapki kya rai hai aur kise jita rahe hain aap ?

Click Here to post your views and comments.

शुक्रवार, अक्तूबर 05, 2007

Hindi Pakhwada, Mahua Manjhi and My poetry

Pichhale das saalo se mai hindee pakhavaaDe me lagaataar hissa leta aa raha hoon. Mukhy vajah to yahee hai ki isee bahaane hindi me likhane ka avasar mil jaaya karata hai aur puraskaar milate hai so alaga. par kya ye pakhavaaDa muze raajabhaaSha me kaary karane ke lie prerit kar paata hai ?
darasal ye prashn hee galat hai, jis vyakti kee maatrbhaaSha hindee ho use kya apanee bhaaSha me kaam karane ke lie prerit karana hoga ?

par takaleef kee baat hai ki karana paData hai aur tab bhee ham prerit nahee ho paate !

man ye baat sveekaar karane se hichakata hai ki raajbhaSha ke naam par kiye ja rahe ye saare kaary ek chhalaava nahee hai aurinaka ekamaatr uddeshy aankaDo kee aapoorti kar sanvidhaan ke anuchchhedo kee bharapaee kar lena bhar nahee hai.

agar raaShTrabhaaSha kee asmita ke baare me hamaaree sarakaar itana hee sajag hotee to rojagaar ke avasaro me is tarah raaShTr aur aanchalik bhaaShao ke viShayo ka samaavesh karatee, jisame praapt ank baakee viShayo ke saath juDate. esa hone par skool ke samay se hee vidyaarthee apanee bhaaSha ko upekSha kee drShTi se na dekhate.

aaj haalat ye hai ki haee school ke pahale tak apanee maatrbhaaSha paDhane ke lie bas itanee mehanat karate hai ki vo usame utteerN bhar ho jae. isake baad to saara tantr hee is tarah ka hai ki jeevan me aage baDhane ke lie jitana angrejee ke paas aur jitana apanee bhaaSha se door rahe utanee hee jyaada safalata kee sambhaavana hai.

is paripekShy me raajabhaaSha pakhavaaDa, samasya kee jaD par na choT kar usake failane ke baad is tarah kee saalaana kavaayad mahaj khaanaapooree nahee to aur kya hai? par itana sab hote hue bhee ye pakhavaaDa vyaktigat taur par muze ek sukoon deta hai.

raajabhaaSha ke prachaar prasaar kee baat ko thoDee der ke lie bhool jae to ek hindee premee hone ke naate yahee ek mauka hota hai jab hindee par baat karane ke lie sab vakt nikaalate hai. takaneekee kaaryo ke beech achaanak hee kisee viShay par hindee me lekh, kavita , kahaanee, prashnotree me bhaag le kar aana muze skool ke dino jaisa hee romaanchit kar deta hai. aur fir pakhavaaDe ke aakhiree din hindee jagat se juDe kisee gaNamaany vyakti , jo ki hamaare kaaryakShetr se bilkul hee prthak parivesh se aate hai, ko sunana behad sukhad anubhav hota hai.

is baar hamaare kaaryaalay me zaarakhanD kee navodit upanyaasakaar Mahua Manjhi ko bulaaya gaya tha jinake 'rajkamal' dvaara prakaashit upanyaas 'mai borishail;la' ko isee july me london me 'Indu sharma katha sammaan' se navaaja gaya thaa. mahua jee ne baangalaadesh kee prShThabhoomi par rache apane upanyaas ke baare me vistaar se charcha kee. landan pravaas ke dauraan videsho me base bhaarateeyo ke hindee prem se vo abhibhoot dikhee. samaajashaastr me snaatkottar karane vaalee mahua maanzee ka kahana tha ki

"...ek baangalaabhaaShee hote hue bhee mere dvaara hindee me likha gaya pahala upanyaas muze itanee prasiddhi dila gayaa. ye saabit karata hai ki hindee lekhan par bhee aaj bhee aalochako kee najar hai aur use gambheerata se liya ja raha hai. apanee sanskrti ko kShay se bachaane ke lie apanee bhaaSha ko akShuNN rakhana kitana jarooree hai, ye kisee se chhupa nahee rah gaya hai. isalie aap chaahe angrejee me jitanee bhee praveeNata haasil kyoo na kare, vishv me doosaree sabase adhik sankhya me bolee jaane vaalee apanee raaShTrabhaaSha ko anadekha na kare......"

mahua jee ke lekhan ke baare me to unakee kitaab paDhane ke baad hee pata chalegaa. vaapas launTate hai apane hindee pakhavaaDe kee or..
is baar ke hindee pakhavaaDe me ham kaarmiko se vahee ek viShay dekar nibandh, kavita aur kahaanee likhavaee gee.

is baar kee kavita ka viShay tha 'sandhya ya shaam'. aise to kavita likhee nahee jaatee. aap to jaanate hee hai ki kavita likhane ka mera hisaab bhee pakhavaaDe kee tarah saalaana ka hee hai. vaise bhee is baar to ye seemit samay vaalee pareekSha thee, to marata kya na karata likhanee hee paDee..

shaam..........

usakee aahaT se man me pulak hai,
pratidin usaka roop alag hai,
chhoD ke baiTha mai sab kaam,
dekho aane vaalee shaam ...

bhor, dupaharee ke baad vo aatee
kuchh iThalaatee, kuchh musakaatee
hava ke zonke vo sang laatee
meree pyaaree, niraalee shaam...

sooraj ka chehara tan jaata
vidyaalay se vaapas mai aata
baDhatee garmee, tapata har graam
tab ThanDak pahunchaatee shaam...

bachapan beeta aee javaanee
jeevan kee thee badalee kahaanee
intajaar me thee hairaanee
par vo aatee, sang shaam suhaanee...

jeevan ka ye antim charaN hai
sang smrtiyo ke kuchh kShaN hai
aaj inhe jab vo lekar aatee
aur bhee nyaaree lagatee shaam....

गुरुवार, अक्तूबर 04, 2007

Mukesh sings for Jaan Nisaar Akhtar:zaraa sii baat pe har rasm to.D aayaa thaa

Click Here to read this post in Hindi (Devnagari) Script.

lamaha lamaha teree yaadein jo chamak uThatee hain
aisa lagata hai ki uDate hue pal jalate hain
mere khvaabo.n mein koyee laash ubhar aatee hai
band aankho me kee taajamahal jalate hain...


Jaan Nisaar Akhtar

jo jal gaya vo to raakh raakh hee hua chaahata hai.
kahaa rahee sambandho me taajamahal kee sheetal see mulaayamiyat ?
ab to dhuein kee lakeer ke saath hai to bas raakh ka khuradaraapana.
gujare vakt kee chhoTee chhoTee baate dil me naasoor sa bana gee aur vo jakhm ris ris kar ab fooT hee gayaa.
jalate rishto ka dhuaa aankho me to bas jalan hee paida kar raha hai naa.
ab shaayar afasos kare to karata rahe...kuchh baate badal nahee sakatee
kya sahee tha kya galat ye sochane ka vakt ja chuka hai
fir bhee kamabakht yaade hai ki peechha nahee chhoDatee..
aise savaal karatee hai jinaka javaab dena ab aasaan nahee rah gaya hai...

to aaiye sunein inhee jajbaato ko ubhaaratee Mukesh kee aavaaj me javed akhtar ke vaalid Jaan Nisaar Akhtar kee ye ghazal. is ghazal kee dhun banayee thee khayyaam saahab ne



zaraa sii baat pe har rasm to.D aayaa thaa
dil-e-tabaah ne bhii kyaa mizaaj paayaa thaa

muaaf kar naa sakii merii zindagii mujh ko
vo ek lamhaa ki mai.n tujh se tang aayaa thaa

shaguftaa phuul simaT kar kalii bane jaise
kuchh is tarah se tuune badan churaayaa thaa

guzar gayaa hai ko_ii lamhaa-e-sharar kii tarah
abhii to mai.n use pahachaan bhii na paayaa thaa

pataa nahii.n ki mere baad un pe kyaa guzarii
mai.n chand Khvaab zamaane me.n chho.D aayaa thaa


Mukesh ki ye behtareen ghazal HMV ke cassette(STHVS 852512) aur ab CD mein bhi maujood hai. Is album mein 16 geeton aur ghazalon ke guldaste mein chaar Jaan Nisaar Akhtar ki likhi huyi hain. chalte chalte pesh hai isi album ki ek aur ghazal jise sunnne se jyada padhne mein aanand aata hai


ashaar mere yuu.N to zamaane ke liye hai.n
kuchh sher faqat unako sunaane ke liye hai.n

ab ye bhii nahii.n Thiik ki har dard miTaa de.n
kuchh dard kaleje se lagaane ke liye hai.n

aa.Nkho.n me.n jo bhar loge to kaa.nTo.n se chubhe.nge
ye Khvaab to palako.n pe sajaane ke liye hai.n

dekhuu.N tere haatho.n ko to lagataa hai tere haath
ma.ndir me.n faqat diip jalaane ke liye hai.n

socho to ba.Dii chiiz hai tahaziib badan kii
varanaa to badan aag bujhaane ke liye hai.n

ye ilm kaa saudaa ye risaale ye kitaabe.n
ik shaKhs kii yaado.n ko bhulaane ke liye hai.n


Post your comments here

सोमवार, अक्तूबर 01, 2007

Listen couplets of Madhushala in the voice of Bachchan Senior, Amitabh & Manna De

Click Here to read this post in Hindi (Devnaagari Script)

Pichli post ke comments meinPandit Narendra Sharma ki putri Lavanya jee ne 'Madhushala' ki rachna se judi rochak jaankaari baanti hai Lavanya jee likhti hain...



"......madhushala likhane se pahale ke samay kee or chale. shyaama, Dr..Harivansh Rai Bachchan jee kee pahalee patnee thee jisake dehaant ke baad kavi bachchan jee bahut dukhee aur bhagn hrday ke ho gaye the. tab ilaahaabaad ke ek makaan me mere paapa jee ke saath kuchh samay bachchan jee saath rahe. tab tak bachchan jee , jyaadaatar gady hee likhate the. paapa jee ne unhe "umar khaiyaam " kee rubaiyaa " aur Fitzerald, jo angrejee me inhee rubaiyo ka safal anuvaad kar chuke the, ye do kitaabe, bachchan jee ko bhenT kee aur aagrah kiya tha ki"bandhu, ab aap pady likhie " aur "madhushaala " usake baad hee likhee gee thee........."

'Madhushala' kee lokapriyata jaise-jaise baDhatee gee har kavi sammelan me harivansh raay 'bachchan' jee isakee kuchh rubaeeyaa sunaanee hee paDatee. mainne sabase pahale kee kuchh rubaeeyaa manna De kee dilakash aavaaj me sunee thee. usee kaiseT me harivansh raay 'bachchan' jee kee aavaaj me ye rubaee sunane ka mauka mila thaa. aap bhee sune...



madiraalay jaane ko ghar se chalata hai peenevaala,
'kis path se jaoo?' asamanjas me hai vah bholaabhaala,
alag-alag path batalaate sab par mai yah batalaata hoon
'raah pakaD too ek chala chal, pa jaega madhushaalaa.


Manna De kee sadhee aavaaj me HMV par rikaarD kiya huyi CD to aap sab sun chuke hee honge. par Amitabh Bachchan kee aavaaj me 'Madhushala' kee panktiyaa sunane ka aanand alag tarah ka hai. vo usee lay me 'madhushaala' paDhate hai jaise unake pitaajee paDhate the. aur amitaabh kee aavaaj to hai hee jabaradasta. Peechhe se bajatee meeThee dhun bhee man me ram see jaatee hai aur baar-baar haath riple baTan par dab jaate hai. to pahale sune amitaabh kee aavaaj me 'madhushaala' kee chand rubaeeyaa jo unhonne pita ke sammaan me kie ge kavi sammelan ke dauraan sunaee thee.

Get this widget




If listening from above link is aproblem the try the widget below...


madhushala.wma

apane yug me sabako anupam jnyaat huee apanee haala,
apane yug me sabako adabhut jnyaat hua apana pyaala,
fir bhee vrddho se jab poochha ek yahee uttar paaya -
ab na rahe ve peenevaale, ab na rahee vah madhushala!

ek baras me, ek baar hee jagatee holee kee jvaala,
ek baar hee lagatee baajee, jalatee deepo kee maala,
duniyaavaalo, kintu, kisee din aa madiraalay me dekho,
din ko holee, raat divaalee, roj manaatee madhushala.

musalamaan au' hindoo hai do, ek, magar, unaka pyaala,
ek, magar, unaka madiraalay, ek, magar, unakee haala,
dono rahate ek na jab tak masjid mandir me jaate,
bair baDhaate masjid mandir mel karaatee madhushala .

yam aayega saakee banakar saath lie kaalee haala,
pee na hosh me fir aega sura-visudh yah matavaala,
yah antim behoshee, antim saakee, antim pyaala hai,
pathik, pyaar se peena isako fir na milegee madhushala.

mere adharo par ho antim vastu na tulaseedal pyaala
meree jeehva par ho antim vastu na gangaajal haala,
mere shav ke peechhe chalane vaalo yaad ise rakhana
raam naam hai saty na kahana, kahana sachchee madhushala.

mere shav par vah roye, ho jisake aansoo me haala
aah bhare vo, jo ho suribhat madira pee kar matavaala,
de muzako vo kaandha jinake pag mad Dagamag hote ho
aur jaloo us Thaur jahaa par kabhee rahee ho madhushala.

aur chita par jaaye unDhela patr na ghrit ka, par pyaala
kanTh bandhe angoor lata me madhy na jal ho, par haala,
praaNapriye yadi shraaddh karo tum mera to aise karana
peene vaalo ko bulava kar khulava dena madhushala.


'Madhushala' likhane ke baad bachchan jee ne kuchh rubaeeyaa aur likhee thee jiname se kuchh ka jikr mainne pichhalee posT me kiya thaa. vahee apanee TippaNee me sanjeet ne jis rubaee ka jikr kiya hai use sunakar aankhe nam ho jaatee hai. bachchan jee ne isake baare me khud likha tha...

".......jis samay mainne 'madhushaala' likhee thee, us samay mere jeevan aur kaavy ke sansaar me putr aur santaan ka koee bhaavana kendr nahee thaa. apanee trShNa kee seema bataate hue mrtyu ke paar gaya, par shraaddh tak hee

praaNapriye yadi shraaddh karo tum mera to aise karana
peene vaalo ko bulava kar khulava dena madhushala.

jab smrti ke aadhaar aur aage bhee dikhalaee paDe to trShNa ne vahaa tak bhee apana haath failaaya aur mainne likha....

pitr pakSh me putr uThaana ardhy na kar me, par pyaala
baiTh kahee par jaana, ganga saagar me bharakar haala
kisee jagah kee miTaTee bheege, trpti muze mil jaegee
tarpaN arpaN karana muzako, paDh paDh kar ke madhushala. .........."


manna De ne baDe bhaavapoorN andaaj me in panktiyo ko apana svar diya hai. sunie aur aap bhee sang gunagunaiye ....
Get this widget

Post your comments here.