Tuesday, December 19, 2006

Charag Dil Ka Jalaao..Bahut Andhera Hai...

Ye office ke daure mere is chiththe ki gadi mein beech beech mein break laga dete hain. aaj pesh-e-khidmat hai ye geet ...
pichli baar ki shaam Majaaj ke Jeevan ki udaasi ko le ke aayi thi. aaj maamla waisa to nahin par usse khaas jua bhi nahin.
Dekhiye na janab
Majrooh Sultaanpuri andhere ke beech khade hokar aawaazein laga rahe hain, us hamsafar ke liye jo na jaane kahan gum ho gaya hai !
Aur to aur shayar ke hriday ki kaalima ko hatane mein na sitaron ki fauj kaam kar rahi hai, na hee baharon ki khoobsurti..
Ab to sachche dil se lagayi is pukaar ka hi sahaaraa hai....shayad pahunch jaaye un tak...


Charag Dil Ka Jalaao
Bahut Andhera Hai
Kahin se Laut ke aao
Bahut Andhera Hai...

Kahan se laaoun,Kahan se laaoun
woh rangat gayi baharon ki
Tumhare saath gayi roshni nazaaron ki
Mujhe bhi paas bulaao
bahut andhera hai..

Charag dil ka jalaao
Bahut andhera hai..

Sitaaron tumse andhere
kahan sambhalte hain
unhi ke nakshe kadam se
charag jalte hain
Unhi ko dhoondh ke laao
Bahut andhera hai..

Charag dil ka jalaao
Bahut andhera hai
Kahin se laut ke aao
Bahut andhera hai...


ab aap soch rahe honge ki is geet ki yaad achanak mujhe kaise aa gayi. to hua yoon ki is blog ke reader ne ise mujhe bhent swaroop bheja Yoon to 'Chiraag' film ke baki geet maine pahle hi sune huye the par ye geet maine pehli baar is gift ki badaulat hi suna. ek baar phir shukriya dost is geet ko mujh tak pahuchane ke liye.Ab mujhe koyi song achcha lage aur wo aap sab tak na pahunche aisa kabhie hua hai ? nahin naa ;). to leejiye is geet ko sunne ke liye Is page par jayein

Movie Chiraag (1969)ke liye ye geet Mohmmad Rafi ne gaaya tha aur isi dhun banayi thiMadan Mohan sahab ne


Is geet ke lyrics Devnaagri mein padhne ke liye yahan click karein.

4 comments:

Dawn....सेहर said...

WOW what a perfect song...mujhe lagta hai ye geet tumhare ghar mein koi nahi to Sarthak zaroor gayega :)
Meine isse suna hai since my mom is a Rafi fan....oonka gaya kuch bhi miss nahi hua :)
Bahut accha laga ise yahan dekh kar
Cheers

suparna said...

aapka post padhkar yeh gaana bade dinon baad suna, baar baar suna! musicindiaonline is just one blessing :)

this song is a really haunting one, keeps going on inside me even after it's over. Or maybe it's just the singer.. !

Neptune said...

yeh geet maine aapke blog pe pehli baar padha hai, abhi suna nahin par sunungi zaroor. But khubsoorat lyrics hain....

Manish said...

DON pehle wo chiraag ka matlab samjhe tab to :)

Suparna I think there is something in the lyrics as well as the way it is sung..that leaves an imprint on our mind. Thx for listening in.

Neptune Juroor suniyega aapko pasand aayega !