शनिवार, जून 24, 2006

Alvida Sikkim !

Sikkim pravaas (stay) ke aakhiri din humare paas 3 baje tak hi ghoomne ka waqt tha. To sab ne socha kyun na Gangtok mein hi chahalqadmi kee jaye. Subah breakfast karne ke baad hum seedhe pahunche flower show mein.

Ab humein kya pata tha ki itne chote se rajya (state) mein Orchids ki 500 se jyada species maujood hain jinmein se kayi to kaphi rere breed ki hain.Bhanti-bhanti (Different)ke rang aur roop liye in phoolon se nazrein hatane ko jee nahin chahta tha.Man hi mana socha vidhata dwara diye gaye color combination ki baat hi kuch aur hai.
Flower Show se nikal kar humne ropeway ki raah pakdi.Us oonchai se Gangtok aur bhi khoobsurat dikh raha tha. Hare bhare pahad, seedhinuma khet, sarpaakar sadkein aur un par chalti chaukor peele dibbon jaisi dikhti Taxies. Ropeway se aage badhe to Sikkim Vidhan Sabha (legislative assembly) bhi najar aayi.Ropeway se utarne ke baad Baudh Stoop ki or jaana tha. Stoop tak ki chadhai steep thi aur nateejan oopar pahunchte pahunchte hum paseene se naha chuke the.
Yahan ki bhasha mein stoop ko Do-Drul-Chorten kahte hain. Is stoop ke charo or 108 pooja chakra (prayer wheels) hain jinhein devotee prayer karte samay ghumate hain .
Wapasi ka safar 3 kee bajay 4 baje shuru hua . Gangtok se Siligudi ka safar 4 ghante mein poora hota hai. Is baar humari gadi ka driver batooni bhi tha aur chalaak bhi. Tata Sumo mein sikkim mein 10 se jyada logon ko baithane ki izazat nahin hai par ye janab 12-14 logon ko us mein baithane par aamada the. Khair humare lagatar oppose karne ki vajah se ye sankhya 12 se jyada nahin badh payi.
Sikkim mein qayda kanoon chalta hai aur yahan ke log banaye gaye niyamon (rules) ka samman (respect) karte hainpar jaise hi Sikkim ki seema khatm hoti hai qayde kanoon dhare ke dhare rah jate hain. Bengal aate hi driver ki khushi dekhte hi banti thi. Pahle to sawariyon ki sankhya 10 se 12 ki aur phir ek jagah rok kar Sumo ke oopar logon ko baithane laga. Par is baar sare yatriyon (passengers) ne milkar usko aisi jhad pilayi ki wo man maar kar chup ho gaya.
North Bengal mein ghuste hi Chaand nikal aaya tha. pahadiyon ke beech se chan kar aati uski roshni Teesta nadi(river) ko prakashmaan (full of light) kar rahin thi. Waise bhi humesha raat mein hone wali barish ki wazah se Chaand humse Lachen aur Lachung donon jagah aankhon se oojhal hi raha tha jiska mujhe behad afsos tha.Shayad Yahi wazah thi ki Chandaniraat ki is khoobsurti ko dekh Aitbaar Sajid ka ye sher yaad aa raha tha
Wahan ghar mein kaun hai muntazir ki ho fikar dar sawar ki
badi mukhtasir si ye raat hay, issay chandani mein guzaar do

Koi baat karni hay chaand say, kisi shaakhsaar ki oot mein
Mujhey raastey mein yaheen kaheen,kisi kunj-e-Gul mein uttaar do!

Par yahan utarne kee kaun kahe, station samay par pahuchne ki samasya thi. Gangtok ke baahar humein sadak banne ki wajah se 1 ghante rukna pada tha. Ab humare paas margin ke naam par 1/2 hour hi bache the.Yani 9.30PM ki train ke pahle dinner karne ka program hum pahle hi thande baste mein daal chuke the. Ghati paar karte hi driver ne humari tension samajhte huye speed 75km/hr tak badha dee thi.Par bhagwan humari wapsi ki yatra ko aur romanchak (exciting) banane par tule huye the.Silgudi ke theek 25 km pahle hi Sumo ka ek tyre jawab de gaya. 20 minute ka keemti waqt Tyre change karne mein jaayaa hua. Sabka tension dekhne layak tha. Par driver ki break neck speed ki badaulat hum bhagte daute gadi aane ke theek 5 min pahle platform tak pahunche. Apni madur smritiyan sanjoye humara group vapas laut raha tha....kuch avismarneey (unforgettable)palon aur chaviyon(snaps) ko sath liye. Unmein se ek snap is bachche ki bhi thi jise humne Chungthang mein khelte dekha tha.Sikkim ke is safar ka THE END karne se pahle tahe dil se salaam humare Travel Agent Pradhan ke liye jisne na kevalband gobhi ki sabzi khila khila kar 15000 feet pe humare khoon mein garmi banaye rakhi :)balki raste bhar apni zindadili se mahoul ko halka phulka banaye rakha.

9 टिप्‍पणियां:

  1. chaliye saheb,sikkim ki yatra hogayi khatam aur ab kya? jaldi se naya trip plan karleejiye:)
    waise itne sundar phool dekne ke baad bhi aap waapis chale aaye? thodne ka mann nahi kiya? mujhe tho wahi.n par ek ghar banaakar rehne ka mann kar raha hain:) Let me go and bug my hubby about it now;p

    जवाब देंहटाएं
  2. phool hamesha se hee khubsurat hee banayegaye hain nai? lekin haan thodi senti lagi jab sher parha to :)
    Acchi lagi tumhari ye sikkim yaatra...waqai ab humein bhi iss trip per chalna hai...:)
    Baccha bara hee pyaara hai :D
    Cheers

    जवाब देंहटाएं
  3. nice pics manish especially the one of kid.aapne apne blog ke zariye humhe sare sikkim ki sair karva di.i would love to visit sikkim one day for sure especially after reading ur series of posts on sikkim.
    really like your sikkim yatra!!!!

    जवाब देंहटाएं
  4. hii manish
    badhai aapko itani sundar yatra ke pura hone pr..aur bahut dhanyawaad sab kuchch pathako ke saath bantne ke liye..fool bahut sundar hai!!

    जवाब देंहटाएं
  5. Alapana Haan haan apne hubby ke samne ye gana gayein phir

    dekho maine dekha hai ek sapna
    phoolon ke shahar mein ho ghar apna
    kya sama hai, tu kahan hai...

    ha ha ha :) aur unpe kya asar hua ye juroor batayein :p

    जवाब देंहटाएं
  6. DON Haan ji sher is liye yaad aaya ki ghar ke samne wala chand to mere paas aane ke bajay padosi ki chat ki taraf jyada madraya karta. ab hum ground floor wale karein to kya karein!:p
    bachche to sare pyare hi hote hain naa.

    जवाब देंहटाएं
  7. Nagu Hyderabaad pahunch gaye to ab to masti chal rahi hogi. Shukriya ki Sikkim related post aapko pasand aayin. Hope u visit Sikkim soon.

    जवाब देंहटाएं
  8. Rachna Hmmm uparwale ne itni khoobsurat duniya banai hai par hum log kabhi kabhar hi is khoobsurti ko kareeb se dekh aur mehsoos kar pate hain.
    Is blog pe aane ka shukriya. asha hai bhavishya mein bhi aapse yahan bhent hoti rahegi.

    जवाब देंहटाएं
  9. nahin manish main 2 july ko hyd mein rahoonga.

    जवाब देंहटाएं