Tuesday, June 28, 2005

Maine Dil Se Kaha Dhoondh Lana Khushi...

Khushi kabhi uske peeche bhagne se nahin milti !
Par ye janab to use hi khojte khojte ek aisa dard utha laye jo seene se is qadar chipak gaya hai ki bhagne ka naam hi nahin leta
Aur awwal to ye ki ye dard bhi apna sa lagne laga hai


Aap logon ko yaad hai jab maine blogging suru ki thi to ek kavita pesh ki thi jismein bhi yahi baat thi Dard ko saga kehne ki

http://manishkmr.blogspot.com/2005/04/dard-bhi-lagta-saga-hai.html

Darasal jis dard mein pyar ki tees chupi ho wo bhala apna kyun na lagega. Ab Qateel Shifai ka is sher ko hi lein jo is situation ko bakhoobi bayan karta hai..

Pyar tumhara bhool bhi jaoon, lekin pyar tumhara hai
Ye ek meetha zahar sahi, ye zahar bhi aaj gawara hai


To 7th position ka ye geet mujhe sunne mein hi nahin balki gaane mein bhi achcha lagta hai. Aur jab jab is geet ko sunta hoon to M. M. Kreem ke music ki bhi daad deni padti hai ki kis khoobsoorti se unhone is geet ke mood ko banaya hai...

Maine dil se kaha dhoondh lana khushi
Nasamajh laya gham to ye gham hi sahi

Bechara kahan janta hai, khalish hai ye kya khala hai
Shahar bhar ki khushi se, ye dard mera bhala hai
Jashna ye raas na aaye, maza to bas gham le aaya hai
Maine dil se kaha dhoondh lana khushi..

Kabhee hai ishq ka ujala,kabhee hai maut ka andhera
Bataao kaun bhesh hoga, main jogi banoon ya lutera
Kai chehre hain is dil ke, na jane kaun sa mera
Maine dil se kaha dhoondh lana khushi..

Hazaron aise phasle the, jo tai karne chale the
Rahein magar chal padin thin, aur peeche hum reh gaye the
Kadam do char chal paye , kiye phere tere man ke
Maine dil se kaha dhoondh lana khushi..

Neelesh Misra


To listen the song click the link below
http://www.musicindiaonline.com/l/17/s/movie_name.7605/
Movie –Rog
Singer – Kay Kay
Music - M.M.Kreem

Friday, June 24, 2005

Aao na .. Aao Na .. Aao na .. Aao Na ..

Madhoshi ka aalam...
Mehakti fiza...
Gungunati hawa...
Aur upar se priyatam ki pyar bhari sada...
Aise mein hothon pe khamoshi kab tak reh sakti hai bhala :)


Ye song sunane mein bada hi sweet sa hai our romantic bhi ! Khaskar jab aao na wali line aati hai to lagta hai humein hi bulaya ja raha hai hee hee ha ha!To pesh hai 8th position pe film kyun ho gaya na ka ye song!

goonji si hai sari fiza jaise bajati ho shehnaiyaan
Leherati hai mehki hawa gungunati hain tanhaiyaan
sab gaate hain sab hi madhosh hain
hum tum kyun khamosh hain
saaz-e-dil chedo na
chup ho kyun gaao na
aao na.. aao na... aao na... aao na...

tan man mein kyun aise behti huyi
thandi si ik aag hai
saason mein hai kaisi yeh ragini
dhadkan mein kya raag hai
yeh hua,kya humein, hum ko samjhaoo na
sab gaate hain sab hi madhosh hain
hum tum kyun khamosh hain
dil mein jo baatein hai
hoton pe laoo na
aao na... aao na...

ab koi duri na uljhan koi
bas ek ikraar hai
ab na kahin hum na tum ho kahin
bas pyaar hi pyaar hai

sun sako dhadkane itne paas aao na
sab gaate hain sab hi madhosh hain
hum tum kyun khamosh hain
ab mere sapno pe tum hi tum chaoo na
aao na... aao na... aao na....

Javed Akhtar


To listen the song click the link below
http://www.musicindiaonline.com/l/17/s/movie_name.6970/
Movie –Kyun Ho Gaya Na!
Singer – Udit Narayan, Sadhna Sargam
Music - Shankar, Ehsaan, Loy

Monday, June 20, 2005

Jab Nahin Aaye The Tum...

Hmmm.. dekhiye ab bari hai us geet ki jo 9th position pe hai humari list mein. Is song ke bare mein kuch likhne ki juroorat nahin, song ka prelude hi shayad sab kuch keh jata hai...

Suno to ..
yeh mera tumhara jo rishta hai- ek raasta hai,
mai tumse guzar kar hi tum tak pahonchne ke raaftaar hoon,
mera aagaaz tum,mera anjaam tum
tumhe dekhkar mai tumhein sochta hoon
tumhe paake hi mai tumhein khojta hoon
tum apne badan ke samander mein,barsoon se pooshida ek khwaab ho !


jab nahi aaye the tum - tab bhi mere saath the tum
dil mein dhadkan ki tarha - tan mein jeevan ki tarah
meri dharti, mere mausam , mere din raat the tum
jab nahi aaye the tum - tab bhi mere saath the tum

phool khilte the to aati thi tumhari khushboo
har haseen shaam jagati thi tumhara jaadoo
aaine mein mere har din ki mulaaqat the tum
dil mein dhadkan ki tarha - tan mein jeevan ki tarah
meri dharti, mere mausam , mere din raat the tum
jab nahi aaye the tum - tab bhi mere saath the tum

adh mundhi aankh mein sajta hua ek khwaab the tum
pehli barsaat mein bheega hua mehtaab the tum
Hooth mere the magar inki har ek baat the tum
dil mein dhadkan ki tarha - tan mein jeevan ki tarah
meri dharti, mere mausam , mere din raat the tum
jab nahi aaye the tum - tab bhi mere saath the tum

Sawan Kumar


To listen the song click the link below
http://www.musicindiaonline.com/l/17/s/movie_name.6961/
Movie –Dev
Singer – Kareena Kapoor, Vijyeta Pandit
Music - Aadesh Srivastava

Saturday, June 18, 2005

Jaanam, Dekh lo, Mit gayi dooriyaan...

To ulati ginti suru hoti hai is halke phulke nagme ke sath jo humari list mein daswin yani 10th paidaan pe hai…
Ye nagma ek aisi premi ki kahani keh raha hai jise apne pyar pe poora yakeen hai..
Yakeen bhi is qadar ki apni mohabbat ke aage use sarhad ki deewarein bhi bemani lagne lagi hain…
Veer zaara ke yun to aur geet bhi achche hain par maine is liye chuna ki ise gungunate waqt man mein ek masti ek umang si chaa jati hai :)


Jaanam, dekh lo, mit gayi dooriyaan
Main yahaan hoon, yahaan hoon, yahaan hoon, yahaan..
Kaisi, sarhadein, kaisi majbooriyaan
Main yahaan hoon, yahaan hoon, yahaan hoon, yahaan

Tum chhupa na sakogi main woh raaz hoon
Tum bhula na sakogi woh andaaz hoon
Goonjta hoon jo dil mein to hairaan ho kyun
Main tumhaare hi dil ki to awaaz hoon
Sun sako, to suno, dhadkanon ki zabaan
Main yahaan hoon, yahaan hoon, yahaan hoon, yahaan

Main hi main ab tumhaare khayaalon mein hoon
Main jawaabon mein hoon, main sawaalon mein hoon
Main tumhaare har ek khwaab mein hoon basa
Main tumhaari nazar ke ujaalon mein hoon
Dekhti, ho mujhe, dekhti ho jahaan
Main yahaan hoon, yahaan hoon, yahaan hoon, yahaan

Javed Akhtar


To listen the song click the link below
http://www.musicindiaonline.com/l/17/s/movie_name.7505/
Movie –Veer Zaara,
Singer – Udit Narayan
Music – Madan Mohan

Thursday, June 16, 2005

Mere Sapne Mere Geet..... 2004

Sangeet mere pehla pyar hai aur rahega. Aur bina iske bare mein baat kiye huye mujhe apna blog adhoora adhoora sa lagta hai. Aaj se jo kadi (series) main suru kar raha hoon wo apne aap mein meri purani posts ka sankalan (compilation) matra hai jise maine ek waqt internet pe urdu poetry forums mein pichle saal post kiya tha!

Bachpan mein jab TV ka padarpan nahin hua tha to hum har wednesday ko raat 8 baje badi besabri se radio ceylone laga kar Ameen Sayani sahab ki Binaka Geet Mala ka intezaar karte the. Pareshani ye ki wo station lagta badi mushkil se tha aur kisi ne transistor halke se cheda nahin ki turant gane ki jagah kabhie news to kabhi pop lag jata tha! Par itni dikkiton ke baad bhi wo countdown salon saal humara chaheta program bana raha! Aur aaj usi tarz pe ye kadi bhi hogi...

To humari ye geet mala 10 songs ki hogi farq sirf itna hoga ki post ke beech mein binaca/cibaca smile wale ads nahin honge:) . Par geeton ki baat karne se pehle dekiye Gulzar sahab ki kya rai hai is baare mein...

Ek mood, ek kaifiyat geet ka chehra hota hai..
Kuch sahi se lafz jad do, maujoon se dhun ki lakeerein kheench do..
To nagma sans lene lagta hai, jinda ho jata hai..
Itni si jaan hoti hai gane ki ek lamhe ki jitni..
Haan kuch lamhe barson jinda rehte hain..
Geet boodhe nahin hote unke chehre pe jhurriyan nahin girti..
Wo palte rehte hain chalte rehte hain..

Gulzar


Kitni pyari baat kahi hai na Gulzar sahab ne. :)
Sach hi to hai geet jab dil ko choote hain to humare jehan ka hissa ban jate hain! man mein bas jate hain ! kuch aisa hi asar kiya hai in geeton ne mujh par pichle saal. Dekhein mere doston ko kaise lagte hain ye songs...

Tuesday, June 07, 2005

Ratiyaan Andhiyari Ratiyaan....


Night &Darkness
.


Kya ye sach nahin hai ki andhere ko sabhi log peeda (pain) aur depression ka prateek (symbol) mante hain……
Par logon ki baat main kyun manoon?
Meri nazron ne to kuch aur hi dekha hai …
Kuch aur hi mehsoos kiya hai..
Jehan ki waadiyon se kabhi un lamhon ko chun kar dekhein..

..Dil jab kahin bhatak raha ho niruddeshya aur dishaviheen (i.e. without any purpose and sense of direction)..
jab apne charon or ki duniya bemaani si lagne lagi ho..
Yahan tak ki aap apni parchayi se apne saye se bhi door bhaagne lage ho..
kisi se baat karne ki iksha (desire) na ho..

Aisi halat mein apna gham apni peeda apni kuntha leke kiske paas jayenge aap ?


Sochiye to….?

Par mujhe sochne ki juroorat nahin ..
Aise samay mein mera wo mitra (friend) wo dost humesha se mere kareeb hi raha hai
Apni vishal god (large lap) mein kaali chadar lapete aamantrit (invite) karta hua..


Pehli baar isse dosti tab huyi jab main 15 saal ka tha…..
Aap yakeen karein na karein chutti ke dinon mein 7 baje ke baad se balcony hoti thi aur mera dost aur main is qadar ek doosre mein khoye rehte ki waqt kaise beetta ye pata hi nahin chalta tha!
Jane kaisi chumbakeey shakti (magnetic attraction) thi mere is mitra mein ki shaam se hi main uske aane ka besabri se intezaar karta !

College mein ye dosti aur gehri hoti gayi..
Farq sirf itna tha ki hostel ke us band kamre mein ghupp andhere ke sath koi aur sath ho aaya tha!
Aray array iska koi aur matlab na nikal leejiyega he he ha ha :)
Wo teesra aur koi nahin wo geet aur ghazlein thin jinke bol us mahoul mein ek dum se jeewit ho uthte the man ke taron ko jhankrit karte huye..

Kabhi we dil ko sukoon dete the..
to kabhi aankhon ki koron ko pani..

Isiliye jab Parineeta film ke is geet ko suna to man bojhal to hua par sath mein ye khushi bhi huyi ki aray maine to is geet ko is ke har lafz ko jiya hai mehsoos kiya hai apni zindagi mein..

To pesh hai ye geet jiski link aap sidebar mein mil jayegi..

ratiya…kari kari ratiya..
ratiya ..andhiyari ratiya..
raat humari to
chand ki saheli hai
kitne dino ke baad
aayi woh akeli hai
chuppi ki birha hai
jhingur ka baje saath

raat humari toh
chand ki saheli hai
kitne dino ke baad
aayi woh akeli hai
samjho ki baati bhi
koi bujha de aaj
andhere se jee bhar ke…..
karni hai baatein aaj
andhera rootha hai
andhera rootha hai
gumsum sa …
kone main baitha hai

raat humari to
chand ki saheli hai
kitne dino ke baad
aayi woh akeli hai
samjho ki baati bhi koi bujha de aaj
andhere se jee bhar ke karni hai baatein aaj

andhera pagal hai
kitna ghanera hai
chubhta hai
dasta hai
phir bhi woh mera hai

uski hi godi mein
sir rakhke sona…. hai
uski hi baahon mein
chupke se rona hai
ankhon se kajal ban
behta andhera.. aaj


raat humari to..
chand ki saheli hai
kitne dino ke baad
aayi wo akeli hai
samjho ki baati bhi koi bujha de aaj
andhere se jee bhar ke karni hai baatein aaj
andhera rootha hai
andhera rootha hai
gumsum sa, kone main baitha hai

Thursday, June 02, 2005

Gunahon Ka Devta

Pichle hafte hi is novel ko padh paya tha aur jaisi ki umeed thi is ki kahani ne mujhe hila ke rakh diya. Chander, Sudha, Binti, Pammi ye sare patra (character) mere ird gird hi ghoomte dikhayi pade. Aur tabhi se ye iksha (desire) thi ki jaise hi kuch samay mile is pe kuch likhoon.....

Kaun sa Gunaah kaisa Gunaah!
Kisi se zindagi bhar sneha rakhne ka ..
Aur jab wo sneha apni paraakaasthaa (limit)pe pahuchne lage to uska tyaag karne ka ..
Hain na azeeb baat!
Par yahi to kiya Chander ne apni Sudha ke sath
Is bhulawe mein ki duniya pyar ki aisi pavitrata (purity)ke geet gayegi
Pyar bhi kaisa...

Sudha ghar bhar mein alhad purwayi ki terah tod phod machne wali sudha, Chander ki aankh ke ek ishaare se subah ki naseem ki terah shaant ho jati thi. .
Kab aur kyun usne Chander ke ishaaron ka yeh maun anushashan (discipline) sweekaar kar liya tha, ye use khud bhi maaloom nahin tha aur ye sab itne swaabhaawik (natural) dhang se itna apne aap hota gaya ki koi is prakriya (process) se waakif nahin tha…

Donon ka ek doosre ke prati adhikaar aur aakarshan itna swaabhaawik tha jaise sharad ki pavitrata yaa subah ki raushani.

Aur apni is Sudha ko na chahte huye bhi usne us raah mein jhonk diya jis par wo kabhi nahin chalna chaahti thi. Sudha to chup chaap dukhi man se hi sahi us raah pe chal padi.
Aur Chander…..
Kya Chander ka balidaan (sacrifice)use devtaa bana paya?
Jo samaaj (society) ke saamne apne pyaar ko ek aadarsh ek misaal saabit kerna chahta tha, wo apne khud ke antarman (conscience) se na jeet saka.
Aur jab apne aap ko khud se haarta paaya to apna sara gussa, sara krodh un pe nikaala jinke sneha, jinka prem se wo apne vyaktitwa (personality) ki uchaiyon tak pahunch paya tha.
To kya Chander ko apni bhool ka ehsaas hua?
Kya wo kabhi pata kar paya ki kahan uska jeewan darshan (philosophy of life ) use dhokha de gaya?

Par ye bhi to sach hai na ki zindagi mein bahut si batein waqt rehte samajh nahin aatin.
Aur jab samajh aati hain tab tak bahut der ho chuki hoti hai…..

Chander hum mein se alag to nahin!

Chander ne bhi yahi ghalti ki apne pyar ko yatharth ke dharatal ya zameeni haqiqat se upar kar ke dekha, ek idealistic love ki avdhaarna ko lekar jo bheetar se khokhli (hollow) nikli. Apne dukh ko pee kar bhi wo jeewan mein kuch kar paata to bhi kuch baat thi. Par wo to buri terah kunthit(complexed) ho gaya apne aap se apne doston se…sudha use is kuntha se nikaal to saki par kis keemat pe..

Bahut aascharya (surprise) hota hai ki kyun hum nahin samajh pate ki kabhie kabhie mamooli shaksh ban ke jeene mein hi sabse badi uplabdhi (achievement) hai! Kya hum wahi ban ke nahin reh sakte jo hum sachchi mein hain. Apne ko doosron ki nazron mein ooncha sabit karne ke liye apne aap ko chalawa dena kahan tak sahi hai…..…..?


About the book
Gunahon ka Devta was first published in 1959. It was written by Dharmavir Bhaarti. Rated as one of the best written Hindi novel for its superb characterisation it is reprinted more than 30 times till date.
And before I leave u lets see what the writer has to say about his superb creation.

"..While writing this novel I experienced same type of feelings, which one does, when one is praying with full faith in the time of deep distress.... It appears as if same very prayer has been ingrained in my heart and I am repeating it...."